နှစ်ပေါင်း များစွာ ထည့်ဝင်ကြေးပေး သွင်း လာရသည့် လူမှုဖူလုံရေး အာမခံ စနစ် ယခုလမှ စတင်၍ ဥပဒေသစ်ဖြင့် အကျိုး ခံစားခွင့် များစွာ ရရှိမည် ဟူသော မျှော်လင့် ချက်ကြောင့် လုပ်ငန်းခွင် အ တွင်း ထိခိုက်ဒဏ်ရာ ရရှိမှုဖြင့် အလုပ်မ လုပ်နိုင်ဘဲ နားနေရသည့် မအိသဉ္ဇာ အ ဖို့ မျှော်လင့်ချက်တွေကများစွာ …
ယခုပြောင်းလဲ လိုက်ပြီဟု ဆိုသော လူမှုဖူလုံရေး အာမခံ စနစ်သစ်တစ်ခု၏ ထည့်ဝင်ကြေး ပေးသွင်းနေရသော အ လုပ်သမားများ ကြားမှ လွန်ခဲ့သည့် သုံး လတွင် ကားတိုက် ခံရသော မအိသဉ္ဇာ မှာ ဆေးကုသ စရိတ်နှင့် ပတ်သက်၍ ပြန်လည် တောင်းခံခွင့် ရှိခြင်းကို မသိရှိ ခဲ့သဖြင့် သိသူများက ပြော၍ ထုတ်၍ ရကြောင်း ကြား သိရသည့် အခါ စာရွက် စာတမ်း အပြည့်အစုံဖြင့် တောင်းခံခဲ့ သော်လည်း သတ်မှတ် ထားသည့် စည်း ကမ်းများ အရ နှစ်လ အတွင်း ပြန်လည် ထုတ်ယူခွင့် ရှိသည့် အတွက် မအိသဉ္ဇာ မှာ နှစ်လကျော်လွန် သွားပြီဖြစ်၍ ဆေး ကုသစရိတ် များအား ပြန်လည် တောင်း ခံခွင့် မရခဲ့ပေ။
သို့သော်လည်း ၄င်း ထိခိုက်မှု ကြောင့် အလုပ်ခွင်မှ နားနေရသည့် အတွက် ခွင့် ခံစားခွင့်အား လူမှုဖူလုံရေးမှ ပေးမည်ဟု ဆိုသောကြောင့် အဆိုပါ ခံစားခွင့် ကို စောင့်စား လျက် ရှိသည်ကို မအိသဉ္ဇာက ”သူတို့ဆီ စာ တင်တော့ သင်္ကြန်တွင်း ပိတ်ရက်ကြီး ဖြစ်နေတယ် ပြောတယ်။ ရုံးဖွင့် ရက်ရောက်ရင် တွက် ချက်ပေးမယ် ပြောတယ်။ ဘာ ပဲဖြစ် ဖြစ် စက်ရုံက မပေးတော့ သူတို့ပေးမယ် ဆိုတော့ ရသလောက်တော့ လိုချင် တယ်” ဟု ၄င်းက ပြောသည်။
လူမှုဖူလုံရေး အာမခံ စနစ်ကို ၁၉၅၄ ခုနှစ်မှစတင်ကာ ချင်းပြည်နယ် မှအပ ပြည်နယ်နှင့် တိုင်း ၁၃ ခု၌ မြို့ နယ်ပေါင်း ၁၁ဝ မြို့နယ် တွင် အကောင် အထည်ဖော်ဆောင် ရွက် ခဲ့ပြီး အာမခံ ထည့်ဝင် ထားသော လုပ်သားများ၏ ကျန်းမာရေး ကို အဓိက စောင့်ရှောက်မှု ပေးသော အာမခံ စနစ် တစ်ခုဖြစ်သည်။ ထို့အပြင် ၁၉၅၄ ခုနှစ် လူမှု ဖူလုံရေး ဥပဒေ အရ အကျိုး ခံစားခွင့်မှာ အထွေ ထွေအရပ်ရပ် အာမခံ စနစ်နှင့် အလုပ် တွင် ထိခိုက်မှု အာမခံ စနစ် ဟူ၍ခံစား ခွင့် နှစ်မျိုးသာ ရရှိခဲ့ပြီး လုပ်သားများ အနေဖြင့် လည်း အကျိုးခံစားခွင့် များကို တိကျသေချာစွာ နားလည်ခြင်း မရှိခဲ့ သည့် ကာလ တစ်ရပ်ဖြစ်ခဲ့သည်။
ယခုအချိန် တွင် လူမှုဖူလုံရေး အာမခံ စနစ်ကို တွင်ကျယ်စွာ သိရှိစေရန် နှင့် ထည့်ဝင်ကြေး ပေးသွင်းသည့် လုပ် သားများ များလာစေရန် အတွက် ၂ဝ၁၂ ခုနှစ် သြဂုတ်လ ၃၁ ရက် တွင် ၂ဝ၁၂ ခုနှစ် လူမှုဖူလုံရေး ဥပဒေသစ် ဟူ၍ အ ကျိုးခံစားခွင့် များကိုပါ တိုးမြှင့်ခဲ့ပြီး ယခု အချိန်တွင် စတင် ကျင့်သုံးနေပြီ ဖြစ်သည်။
လူမှုဖူလုံရေး ထည့်ဝင်ကြေးကို အလုပ် စဝင်သည့် အချိန်မှစ၍ ၁ဝ နှစ် ကြာ ပေးသွင်းခဲ့ပြီး ၄င်း၏ အကျိုးခံစား ခွင့်နှင့် ပတ်သက်၍ မသိရှိခဲ့သော ဗ၁ အထည်ချုပ်စက်ရုံမှ မသက်မာဝင်း က ”နေမကောင်းဖြစ်လည်း စက်ရုံကနေ ပိုက်ဆံ အဖြတ်ခံပြီး နားခဲ့တာပဲ။ ဒီလို လူမှုဖူလုံရေးကြေးတွေ ကလည်း သိကို မသိတာလေ။ ဖြတ်တာ ဖြတ်တာပဲ ထည့်တာ ထည့်တာပဲ သိကို မသိတာ”ဟု သူမက အလုပ် စဝင်ကတည်းက ဖြတ်တောက် ခံခဲ့ရသော ထည့်ဝင်ကြေး များမှာ နာမကျန်း ဖြစ်လျှင် ပြန်လည် အသုံးချ ခွင့် ရရှိမည့် အခွင့်အရေး များ ဟူ၍ မသိရှိ ခဲ့ပုံကို ပြောသည်။
လူမှုဖူလုံရေး အာမခံ စနစ်ဆို သည်နှင့် ပတ်သက်ရ ကောင်းမှန်း မသိ သည့် သူတို့အဖို့ လွန်ခဲ့သည့် နှစ်နှစ် ခန့်ကမှ ပြုပြင်ပြောင်းလဲ လိုက်သော လူမှုဖူလုံရေး ဥပဒေ သစ်မှာ ယခင်ကကဲ့ သို့ပင် သူတိုနှင့် ရင်းနှီး ကျွမ်းဝင်မှု ရှိ နိုင်ပါ့မလားဟု စောင့်ကြည့်နေ သူများ မှာ အဖွဲ့ဝင် ထားသော လူ ၇ သိန်းဝန်း ကျင်ခန့် ရှိသည်။ ထိုထဲတွင် စက်ရုံ များ တွင် အလုပ်လုပ်ရသော အခြေခံလုပ် သားများ အဖို့ ရရှိသောလစာမှာ ဖြတ် တောက်ခံ လိုက်ရသည့် နှစ်နှင့် ချီကာပေး သွင်းခဲ့ရသော ငွေကြေး အပေါ် ပြန် လည် ခံစားခွင့်ကို မျှော်လင့်မိ ကြည့်ကြ သည် မှတစ်ပါး မရှိသေးပေ။
”လူမှုဖူလုံရေး အကြောင်း အစက နားကို မလည်တာ၊ စက်ရုံကလည်း ကိုယ် တွေခေါင်းထဲ မှတ်ရအောင် ပြောပြတာ မျိုး မရှိခဲ့ဘူး။ ထည့်ဝင်ကြေး ကလည်း တစ်လကို နည်းနည်းဆီ ဖြတ်တော့ မသိသာဘူးလေ။ ခုလည်း ခံစားခွင့်တွေ လည်း သိလာပြီဆိုတော့ ဘာပဲဖြစ်ဖြစ် ကြီးကြီးမားမား ထိခိုက်တာမျိုး ဆိုရင် တော့ ပြန်ရ ချင်တယ်” ဟု အေဝမ်း အထည်ချုပ် စက်ရုံတွင် အလုပ်လုပ် ကိုင် လျက်ရှိသော မသက်မာဝင်းက ၄င်း၏အမြင်ကို ထောက်ပြပြောသည်။
လူမှု ဖူလုံရေး အာမခံစနစ်သစ် တွင် ထည့်ဝင်ကြေးပေးသွင်း ထားသော လုပ်သားများ အတွက် ထပ်မံဖြည့်စွက် ပေးထားသော အကြောင်းအရာ များမှာ (က) ကျန်း မာရေးနှင့် လူမှုဖူလုံရေး စောင့် ရှောက်မှု အာမခံစနစ်၊ (ခ) မိသားစု ထောက်ပံ့မှု အာမခံစနစ်၊ (ဂ) အလုပ် လုပ်ကိုင်နိုင်စွမ်း မရှိမှု အကျိုးခံစားခွင့်၊ သက်ပြည့် မရှိမှု အကျိုး ခံစားခွင့်၊ သက် ပြည့်အငြိမ်းစား၊ အကျိုး ခံစားခွင့်နှင့် ကျန်ရစ်သူ အကျိုးခံစားခွင့် အာမခံ စနစ်၊ (ဃ) အလုပ်လက်မဲ့ အကျိုးခံစား ခွင့် အာမခံ စနစ်၊ (င) အခြား လူမှု ဖူလုံ ရေးစနစ် (အိမ်ရာစီမံကိန်း)၊ (စ) အလုပ် တွင် ထိခိုက်မှု အကျိုး
ခံစားခွင့် အာမခံစနစ်ဟူ၍ ဥပဒေသစ်တွင် အကျိုးခံစား ခွင့်ခြောက်မျိုး ပါဝင်ရေးဆွဲ ပေးခဲ့သည်။
အဆိုပါ ခံစားခွင့် များကို နိုင်ငံ တော်၏ စီးပွားရေး ဖွံ့ဖြိုးတိုးတက်မှု အခြေအနေ အရ အဆင့်ဆင့် အကောင်အ ထည်ဖော် သွားမည် ဟု ဖေဖော်ဝါရီ လ အတွင်းပြုလုပ် ခဲ့သော လူမှု ဖူလုံရေး ဥပဒေသစ်
စတင် ကျင့်သုံးနိုင်ရေး အသိ ပညာပေးဟောပြောပွဲ တွင် ဒုတိယဝန် ကြီး ဒေါ်ဝင်းမော်ထွန်းက ပြောကြား ခဲ့သည်။
သို့သော် အဖွဲ့ဝင် လုပ်သားများမှာ နှစ်ပေါင်းများစွာ ထည့်ဝင်ကြေးပေးသွင်း ခဲ့ရသော်လည်း အကျိုး ခံစားခွင့်နှင့်ပတ် သက်၍ တစ်စုံတစ်ရာမှ မခံစားခဲ့ ရသည့် အပြင် အဆိုပါ ဖူလုံရေး အာမခံ စနစ်၏ အဓိကကျသော အဖွဲ့ဝင် လုပ်သားများ ၏ ကျန်းမာရေး စောင့်ရှောက်မှု ပေး ခြင်းမှာလည်း အားနည်း ချက် များစွာ ရှိနေသည့် အပေါ် ကို အလုပ် သမား ခေါင်းဆောင် တစ်ဦးက ”သူတို့ဆီ သွားရတာ ဝေးလည်း ဝေးတယ်။ နောက်ပြီး အချိန်နဲ့ စက်ရုံက ကိုယ်တွေက ဂိတ် ပတ်တောင်းပြီး သွားရတာ ဟိုရောက် တော့ သူတို့က ဆရာ မလာသေးလို့ စောင့်ရတာနဲ့ အချက် အလက်တွေ မစုံ လို့ စကားပြော ရတာ နဲ့ စိတ်မရှည်ဘူး”ဟု သူနှင့် စက်ရုံမှ သူ၏ လက်အောက်ရှိ အလုပ် သမားများ လူမှုဖူလုံရေး စခန်းသို့ သွားပြတိုင်း တွေ့ကြုံ ရသော အခက် အခဲ များကို ပြောပြသည်။
လူမှု ဖူလုံရေး မှ မြန်မာတစ်နိုင်ငံ လုံးတွင် ကျန်းမာရေး စောင့်ရှောက်မှု ပေး လျက်ရှိသော အလုပ်သမား ဆေးရုံ ကြီးသုံးရုံနှင့် ဆေးခန်းပေါင်း ၉၂ ခန်းရှိ သည်။ သို့သော် ဆေးခန်း ၇၂ ခန်းတွင် သာ ဆရာဝန် ရှိပြီး ကျန်ဆေး ခန်းများ တွင် ဆရာဝန် ငှားရမ်းရန် အခက်အခဲ များကြောင့် ဆေး ကု သမှု ပေးရန် ဆရာ ဝန်မရှိကြောင်း လူမှု ဖူလုံရေး အဖွဲ့ မှ ညွှန်ကြားရေးမှူးချုပ် ဦးယုလွင်အောင် က ပြောသည်။
ကျန်းမာရေး စောင့်ရှောက်မှု တစ်ခုထဲ အတွက်တောင် အာမခံချက်မရသည့် လူမှုဖူလုံရေး အပေါ်တွင် ယုံကြည် ချက်များ ကလည်း လျော့နည်းလျက် ရှိ ပြီး ထည့် ဝင်ကြေး ပေးသွင်းသည် ဆို သော်လည်း နာမကျန်း ဖြစ်ပါက နီး စပ်ရာ ဆေးခန်းများသို့ သာသွားရောက် ၍ ဆေးကုသမှု ခံသည်ဟု မသက်မာ ဝင်းက ”အပြင်မှာကျ ပိုက်ဆံ နည်းနည်း ပိုကုန်တယ်။ စိတ်မတိုရဘူး။ သူတို့ဆီ သွားရင် ဟိုဟာရစ် ဒီဟာရစ်နဲ့”ဟု အမြဲတစေ ကြုံတွေ့နေရသော ဖြစ်စဉ် တစ်ခုကို စိတ်ပျက် စွာဖြင့် ပြော သည်။
ထည့်ဝင်ကြေး ပေးသွင်းထား သော အဖွဲ့ဝင် ၇ သိန်း ဝန်းကျင်ခန့်မှာ ယခင်က လူမှု ဖူလုံရေးကြေး ပေးသွင်း ရခြင်း အပေါ် သိရှိ နားလည်ခြင်း မရှိ သည့် အတွက် ခံစား ခွင့်များ ကိုလိုလား ခြင်း မရှိသော်လည်း ယခုအချိန် တွင် အဆိုပါ စနစ်၏ ခံစားခွင့်များနှင့် အသုံးချခွင့် များကို သိရှိသွားသည့် အတွက် ယခင်ကထက် ပို၍ ပြောင်းလဲ လိုက် သော စနစ်နှင့်အညီ ရပိုင်ခွင့် များကို လည်း အဆင်ပြေစွာနှင့် အချိန် ကြန့်ကြာ မှုမရှိဘဲ ရရှိရန် လိုလားလျက် ရှိကြသည်။
၁၉၅၄ ခုနှစ် လူမှု ဖူလုံရေး အာမခံ စနစ်တွင် ပါဝင်သော ကျန်း မာရေး စောင့်ရှောက်မှု အရ ဆီးချိုနှင့် သွေးချို ရောဂါ ခံစားနေ ရသည် မှာ ၄ နှစ်ခန့် ရှိ ပြီ ဖြစ်သော ဒေါ်မာဂရက်ခင်ခင် က ”သူ တို့ဆီက ဆေးမရ ရင် အပြင်ကဝယ် သောက်ရတယ်။ ဆေး စရိတ်တွေ ပြန် ထုတ်လို့ ရတယ် ဆိုပေမယ့် ပြန်မတောင်း ဖြစ်ဘူး။ မိတ္တူ ကူးရတာ နဲ့ အဆင့်ဆင့် တင်ရတာ နဲ့ ကိုယ်က အသက်လည်း ကြီးပြီဆိုတော့ လိုက် မလုပ်နိုင်တော့ ဘူး”ဟု သမဝါယမတွင် အလုပ်လုပ် ခဲ့ပြီး ပင်စင် စားဖြင့် အနား ယူပြီဖြစ်သော ဒေါ်မာဂရက်ခင်ခင် မှ ဆေးကုသ စရိတ် များ တောင်း ခံရာတွင် အဆင့်ဆင့် တင် ပြရခြင်းမျိုး မဟုတ်ဘဲ အဆင်ပြေစေမည့် နည်းလမ်းဖြင့် ပြန်လည် ထုတ်ပေး ပါက ပို၍ အဆင်ပြေနိုင်သည်ဟု ၄င်း ၏ ထင်မြင်ချက်နှင့် ကြုံတွေ့နေရသော အခက်အခဲများကို ပြောသည်။
လူမှုဖူလုံရေး အာမခံစနစ်မှ ပြောင်း လဲလာသော အကျိုး ခံစားခွင့်များနှင့် အညီ လုပ်ထုံး လုပ်နည်းများ ကိုလည်း အချိန် တိုတိုအတွင်း ပြီးစီးအောင် ဆောင် ရွက်ပေးနိုင် မှသာ ၄င်းတို့ အာမခံစနစ် ၏ ရည်ရွယ်ချက်ဖြစ်သော လုပ်သားများ ကျန်းမာရေး စောင့်ရှောက်မှုနှင့်
အကျိုး ခံစားခွင့် များကို အမှန်တကယ်ရရှိမည် ဖြစ်သည် ဟု အဖွဲ့ ဝင် လုပ်သားများမှ ဝေဖန်ပြောဆိုကြသည်။
လူမူ ဖူလုံရေးမှ ပြောင်းလဲလိုက် သည့် ဥပဒေသစ်တွင် လုပ်သား များ၏ ကျန်းမာရေး အတွက် ဖူလုံရေး ဆေးရုံ ဆေးခန်းများနှင့် ဝေးကွာသည့် နေရာ များတွင် ပုဂ္ဂလိ ကဆေးရုံ ဆေးခန်း များ သို့ သွားရောက် ကုသနိုင်ရန် အတွက် စာချုပ်ချုပ် ဆို၍ ဆေးကုသနိုင်မည့် အစီအစဉ်အား အကောင် အထည်ဖော် လျက် ရှိသော်လည်း လက်ရှိ အချိန်တွင် ဆေးကုသ စရိတ်စံနှုန်းများ ညှိနှိုင်းမှုမရ ရှိသေးသည့် အတွက် ယင်းအစီအစဉ်မှာ အကောင်အထည် ဖော်နိုင်မည်မဟုတ် သေးပေ။
လူမှုဖူလုံရေး အဖွဲ့ဝင် အလုပ်သ မားများ၏ ရပိုင်ခွင့်များကို အတိအကျ ပေးနိုင်ရန် လူမှုဖူလုံရေး ကတ်များကို စက္ကူကတ် အစား စမတ်ကတ် စနစ်သို့ စတင် ကျင့် သုံးနေပြီ ဖြစ်ပြီး အဖွဲ့ဝင် ၇ သိန်း ဝန်းကျင်ခန့် လုပ်သား အားလုံး၏ လက်ထဲသို့ အဆိုပါ ကတ်ရောက်ပါက ယင်းစနစ် ကို စတင် ကျင့်သုံးမည် ဖြစ် သည်။
”ကတ်တွေကတော့ လက်ထဲ ရောက်နေပြီ။ အသုံးက ဘယ်လိုတည့် မလဲ ဆိုတာတော့ မပြောတတ်ဘူး”ဟု မသက်မာဝင်းက ပြောသည်။
လူမှုဖူလုံရေးမှ ကျန်းမာရေး စောင့်ရှောက် ခွင့်ပေးသော်လည်း လို အပ်ချက် များစွာမှာ လုပ်သားများ အ ပေါ် မူတည်၍ လိုအပ်သည် များ ကျန် ရှိနေသေးသည်။ အဆိုပါ အကြောင်း အရာကို မသက်မာဝင်းက ”ဆေးခန်း တွေကို သွားရတာ ဝေးလို့ ရွှေ့လို့ရရင် ပဲဖြစ်ဖြစ် ထပ်တိုး ဆောက်ပေးဖို့ပဲဖြစ် ဖြစ် ပြောကြည့်တယ်။ သူတို့ဘက်က ဘာပြန်ပြောလဲ ဆိုတော့ ထပ်ဆောက် မယ်ဆို မြေရှိရမယ်။ ဘာလိုတယ်ညာ လိုတယ်နဲ့ သူတို့ အခက်အခဲပဲပြော တယ်။ သူတို့ပဲ လိုနေတာ။ ကိုယ်တွေက ဘာမှ မလိုဘူး ဆိုတော့ မတောင်းဆို ချင် တော့ဘူး” ဟု လူမှုဖူလုံရေး ဟောပြောပွဲ များတွင် တက်ရောက် ခဲ့စဉ်က ဖြစ်ပျက် ခဲ့သော အကြောင်းအရာ ကို ပြန်ပြောင်း ပြောသည်။
၂ဝ၁၂ ခုနှစ် သြဂုတ်လ ၃၁ တွင် ထုတ်ပြန်ပြီး ၂ဝ၁၄ ဧပြီ ၁ ရက်တွင် စတင် ကျင့်သုံးသည့် ၂ဝ၁၂ လူမှုဖူလုံ ရေး ဥပဒေသစ် ပါ အကျိုး ခံစားခွင့်များ နှင့် ကျန်းမာရေး စောင့်ရှောက်မှုကို ပိုမို ပေးဆောင် သွားမည်ဆိုသော ကတိက ဝတ်များမှာ ၁၉၅၄ ခုနှစ်တွင် ပြဋ္ဌာန်း ပြီး ၁၉၅၆ ခုနှစ် ဇန်နဝါရီ ၁ ရက်တွင် စတင် အကောင် အ ထည်ဖော်ခဲ့သည့် အာမခံ စနစ် အတိုင်း အကျိုး ခံစားခွင့် များနှင့် ကျန်းမာရေး စောင့်ရှောက်မှုများ မှာ ဆေးကုသ စရိတ် စိုက်ထုတ်လျှင် လည်း စာ အဆင့်ဆင့်၊ ဌာန အဆင့်ဆင့် နှင့် အချိန် လစ်ဟ၍ မထုတ်လိုက်ရ သော မထုတ်ဖြစ်လိုက်သော ငွေကြေး များနှင့် အခြေခံ လူတန်းစား အလုပ်သ မားများ အားထား ရပါမည် ဆိုသော ထည့်ဝင်ကြေး ပေးသွင်းထားသည့် အလုပ်သမားများ၏ ကျန်းမာရေး စောင့် ရှောက်မှု အတွက် ဖူလုံရေး ဆေးခန်းများ မှ ဆရာဝန်အား ထိုင်စောင့် ရခြင်းနှင့် သူနာပြု ဆရာမကြီး များ၏ အော်ဟစ် ဆူပူမှု များမှ ကင်းဝေးရခြင်း အမှန် တကယ် ဖြစ်လာပြီလား ဆိုသည်မှာက အလုပ်သမား များအတွက် စောင့်ကြည့်စရာ ကိစ္စ တစ်ခုပင်…။
ခိုင်နွယ်ဦး
Popular
0 comments:
Post a Comment