ရွှေမြန်မာလေကြောင်းလိုင်း၏ လေယာဉ်သစ် ရန်ကုန်အပြည်ပြည်ဆိုင်ရာ လေဆိပ်သို့ ရောက်ရှိ

 

 

ရွှေမြန်မာလေကြောင်းလိုင်း၏ လေယာဉ်သစ် ရန်ကုန်အပြည်ပြည်ဆိုင်ရာ လေဆိပ်သို့ ရောက်ရှိခြင်း
 

***********************************************

ပြည်တွင်းခရီးစဉ်များ တိုးချဲ့ပြေးဆွဲနိုင်ရန်အတွက် ရွှေမြန်မာလေကြောင်းလိုင်း ၏ လေယာဉ်သစ် ရန်ကုန်အပြည်ပြည်ဆိုင်ရာ လေဆိပ်သို့ မေလ (၁၅) ရက်နေ့က ရောက်ရှိလာကြောင်း သိရပါသည်။

MRTV

Read More

ကမ္ဘာ့ပထမဆုံး ရေပေါ်မှာ တည်ဆောက်ထားတဲ့ မြို့

အဝေးက ကြည့်လိုက်ရင်တော့ သင်္ဘောတစ်စီးလို့ ထင်ရပါတယ်။ တကယ်တော့ ရေပေါ်မှာ တည်ဆောက်ထားတဲ့ မြို့တစ်ခု ဖြစ်ပါတယ်။

ရေပေါ်မှာ တည်ဆောက် ထားတဲ့ မြို့ဆိုပေမယ့်လည်း အားလုံးရှိပါတယ်။ အဲဒါတွေ ကတော့ ရှော့ပင်း စင်တာများ၊ ပန်းခြံ များများ၊ ဈေးများ၊ ကျောင်းများ၊ ဆေးရုံးများ၊ မြို့တော် ခန်းမများ၊ ပန်းချီ၊ ပန်းပု စသည့် အနုပညာ လက်ရာပြခန်း အဆောက်အအုံများ ၊ ရုပ်ရှင်ရုံများ အပြင် လေယာဉ်ကွင်းတောင် ရှိတယ်လို့ သိရပါတယ်။ ဒါကြောင့် ကုန်းမြေပေါ်ရှိ မြို့တစ်မြို့ ကဲ့သို့ပင် စီစဉ်ပေးထား ပါတယ်။

၎င်းမြို့မှာ အလွှာပေါင်း ၂၅ လွှာရှိပြီး အရှည်အားဖြင့် ၄၅၀၀ ပေ အမြင့် ၇၈၀ ပေ ဖြစ်ပါတယ်။ တည်နေရာ ကတော့ ဖလော်ရီဒါ ကမ်းခြေမှာ ဖြစ်ပါတယ်။ ကြီးမားပြီး ကျယ်ပြန့်တဲ့ သင်္ဘောတစ်စီးကဲ့သို့ တည်ဆောက်ထားတဲ့ ရေပေါ် လူနေ အဆောက်အအုံကြီးကို ကမ္ဘာ့ပထမဆုံး ရေပေါ် တည်ဆောက်ထားတဲ့ မြို့ အဖြစ် သတ်မှတ်ခံထား ရပါတယ်။

ကျော်လင်းနိုင် (ရိုးရာလေး)

Read More

ဗိုလ်ချုပ်မှုးကြီးလဲ မသေ သေး ... စိန်တလုံးသရက်သီးလဲ မသီးသေး

မကြာသေးခင်က နေပြည်တော်က မြို့ နယ်တခုမှာတောင်သူတွေရဲ့ လယ်မြေတွေကို ဗိုလ်သန်းရွှေ သမီးတော်တွေအတွက် စိန်တလုံးသရက် စိုက်ဖို့ တပ်ပိုင်မြေအဖြစ်သိမ်း
လိုက်တာကို အားလုံးလဲကြားသိပြီးဖြစ်မှာပါ။

စိန်တလုံးသရက်သီး စီမံကိန်းက ခုချိန်ထိကို မပြီးနိုင်သေးတော့ ကျနော်သိထားတဲ့
မင်္ဂလာဒုံလေတပ်ထဲက စိန်တလုံးသရက်စိုက်ခင်းအကြောင်းလေးပြောပြချင်ပါတယ်။

ဗိုလ်ခင်ညွန့်ကောင်းစားစဉ်ကာလ ပေါ့ ..

ဗိုလ်ချုပ်မှုးကြီးသန်းရွှေဇနီးဒေါ်ကြိုင်ကြိုင်နဲ့သမီးတော်များကစိန်တလုံးသရက်သီးကို
လက်ဆောင်ရလို့စားကြရင်းကနေအင်မတန်ကြိုက်တဲ့အတွက်စိန်တလုံးသရက်သီးကို
ပြည်ပ( EXPORT ) ထုတ်ကုန်အဖြစ်ပို့နိုင်ဖို့အတွက်ထိရည်မှန်းပြီး စစ်တပ်တွေထဲမှာ စိန်တလုံးသရက်ပင်တွေကို စီမံကိန်းနဲ့ စိုက်ခိုင်းခဲ့တယ်။ စိုက်ဖို့အတွက် ငွေကိုလဲ
အထက်က ချပေးထားသတဲ့။

အဲဒီတော့ဗိုလ်သန်းရွှေရဲ့သမက်တော်ဖြစ်တဲ့ ဒုဗိုလ်မှုးကြီးမြင့်နိုင်တပ်ရင်းမှုးဖြစ်တဲ့
မင်္ဂလာဒုံလေတပ်(လက်ရှိရန်ကုန်လေဆိပ်ဘေးက လေတပ်) ထဲမှာစိန်တလုံးသရက်
စိုက်ခင်းကိုစိုက်ကြတာပေ့ါ။

စိုက်ခင်းတာဝန်ယူရတဲ့ ဗိုလ်မှုးက စိန်တလုံးသရက်မျိုးကိုဘယ်လိုရှာရမယ်
ဆိုတာမသိတော့ စိတ်ညစ်နေရာကနေ သူ့ တပ်ခွဲက အရာခံဗိုလ် ဆရာကြီးကို အကြံဥာဏ်တောင်းတယ်။

အဲဒီမှာအရာခံဗိုလ်ဆရာကြီးက ...ဗိုလ်မှုးအသာနေ..

ကျနော်ကြည့် စီစဉ်မယ်ပြောလိုက်တယ်။

နောက်တနေ့မှာသူတို့လေတပ်ထဲက အိမ်ထောင်သည်လိုင်းထဲ က ကလေးတွေကို အကုန်ခေါ်လိုက်တယ်။

ကလေးတွေကို မင်းတို့ ပိုက်ဆံလိုချင်ရင် အမှိုက်ကုန်းတွေ ၊ လမ်းဘေးတွေ မှာပေါက်နေတဲ့ သရက်ပင်ပေါက်တွေကို ရှာပြီး နှုတ်လာခဲ့ကြလို့ပြောပြီး
တပင်ကို ( ၅ )ကျပ်ပေးမယ်လို့လဲပြောလိုက်တော့ တပ်လိုင်းထဲ ကကလေးတွေ
က ပျော်ပျော်ပါးပါး နဲ့ အမှိုက်ပုံတွေ ပေါ်မှာပေါက်နေတဲ့သရက်ပင်ပေါက်တွေကို အကုန်နှုတ်ယူလာကြတယ်။

ကလေးတွေ အမှိုက်ကုန်းနဲ့လမ်းဘေးက နုတ်ယူလာတဲ့ သရက်ပင်ပေါက်လေးတွေကို
တပင်ကို ( ၅ )ကျပ်နဲ့ရှင်းပေး ပြီးတော့စိုက်ခင်းထဲမှာသေချာညီညီညာညာလေး စိုက်လိုက်တယ်။
စိုက်ပြီးတော့အရာခံဗိုလ်ဆရာကြီးက သူ့အထက်က စိန်တလုံးသရက်စိုက်ခင်းတာ
ဝန်ယူထားရတဲ့ဗိုလ်မှုးကိုခေါ်ပြတယ်။ (၁၅)ရက် လောက်ရှိတော့ လေတပ်ဦးစီးချုပ်
နဲ့အတူအခြားအရာရှိကြီးတွေလဲလာကြည့်ပြီး သတ်မှတ်ချိန် အမှီစိုက်ပျိုးနိုင်တယ်ဆိုပြီး ချီးကျူးသွားကြတယ်။

စိုက်ခင်းတာဝန်ခံဗိုလ်မှုးလဲ မျက်နှာရသပေ့ါလေ...
စိတ်ထဲကလဲ အရာခံဗိုလ်ဆရာကြီးကို သိပ်ကျေးဇူးတင်နေမိတယ်။

လူကြီးတွေလဲကြည့်ပြီးပြန်သွားတော့ ဗိုလ်မှုးက အရာခံဗိုလ် ဆရာကြီးကို သူ့ရုံးခန်းထဲ
ခေါ်ပြီး မေးတယ်။

ဆရာကြီး ...ဒီ စိန်တလုံးသရက်ပင်ပေါက်တွေကိုအချိန်တိုတိုအတွင်းမှာရအောင် ဆရာကြီးဘယ်လိုရှာဝယ်သလဲမေးတယ် ၊

ဒီတော့ အရာခံဗိုလ်ဆရာကြီးက .. ဗိုလ်မှုးနားကပ်ပြီး ...

ဘယ်ကလာ စိန်တလုံးသရက်မျိုးကမှာလဲ အဲဒါ လိုင်းထဲက ကလေးတွေကို အမှိုက်ပုံတွေမှာပေါက်နေတဲ့ ရင်ကွဲအောင်ချဉ်တဲ့သရက်ပင်ပေါက်တွေကို တပင် ( ၅ ) ကျပ်ပေးပြီး ကျ နော် နှုတ်ခိုင်းလို့ ကလေးတွေ နှုတ်လာတဲ့အပင်တွေကို စိုက်ထားတာ လို့ပြန်ပြောလိုက်တော့ ...

သရက်စိုက်ခင်းတာဝန်ယူထားရတဲ့ဗိုလ်မှုးက .." လန့် " ဖြန့်သွားပြီး..

ဟာ . ဆရာကြီးကလဲ.... အကုန်.ပြုတ်ကုန်တော့မှာပဲ.. ?

သရက်သီး သီးလာရင်ဘယ်နှယ့်လုပ်မတုန်း...? လို့ မေးလိုက်တော့...

အရာခံဗိုလ်ဆရာကြီးက .. အဲဒီအတွက် ဘာမှတွေး ပူမနေနဲ့ ဗိုလ်မှုး ...

အဲဒီသရက်ပင်တွေကနောင် အနှစ်( ၂၀ ) ( ၂၅ ) နှစ်လောက်မှ သရက်သီး သီးမှာ.
.
အဲဒီအချိန်ဆိုရင် ဗိုလ်မှုးလဲ တပ်ထဲမှာ မရှိတော့ဘူး ၊ ကျနော်လဲတပ်ထဲမှာမရှိတော့ဘူး၊

တပ်ချုပ် ဗိုလ်ချုပ်မှုးကြီးလဲ သေပြီ...တဲ့ ..

ဒီ စိန်တလုံးသရက်စိုက်ခင်းအတွက် အထက်ကချထားပေးတဲ့ ငွေအပို သိန်း(၃၀ )ကို
ဗိုလ်မှုးက သိန်း ( ၂၀ ) ယူ ..ကျနော်က ( ၁၀ ) သိန်းယူမယ်ဆိုပြီး ခွဲဝေယူလိုက်ကြ
တယ်။

...... အခုတော့ .....

* * မင်္ဂလာဒုံလေတပ်ဝန်းထဲက ရင်ကွဲသရက်ပင်တွေကလဲ မသီးသေး ...>

* * ဗိုလ်ချုပ်မှုးကြီး သန်းရွှေ လဲ မသေ သေး ..... >

ကျနော်ဖီလော်ဆိုဖာမောင်မြသာပါ —

အဲဒါ တကယ်နော် ...အဲဒီ အခင်းအကျင်းမှာ ကျနော့်ဘော်ဒါ ပါတယ်။ အခုတော့ သူလဲ သေရှာ ပြီ ..

Philosophermg Myathar

Read More

အာရှတွင် ဒုက္ခသည် အများဆုံးနိုင်ငံစာရင်း မြန်မာဒုတိယချိတ်

အာရှတိုက်၏ အိုးအိမ်မဲ့ ပြည်တွင်းဒုက္ခသည် အများဆုံး နိုင်ငံစာရင်းတွင် မြန်မာနိုင်ငံက ဒုတိယနေရာ၌ ရပ်တည်နေ ကြောင်း အိုးအိမ်မဲ့ပြည်တွင်းဒုက္ခ သည်များ စောင့်ကြည့်ရေးဌာန (IDMC)၏ ထုတ်ပြန်ချက်အရ သိရသည်။

အာရှဒေသအတွင်း အိုးအိမ် မဲ့ဒုက္ခသည်အများဆုံးရှိနေသော နိုင်ငံအဖြစ် ပါကစ္စတန်နိုင်ငံသည် ဒုက္ခသည် ၇၄၆,၀၀၀ ကျော်ဖြင့်ရပ်တည်နေသည်။

ထို့ကြောင့် ဒုက္ခသည် အများဆုံးစာရင်းတွင် ပါကစ္စတန်၊ မြန်မာ၊ အာဖဂန်နစ္စတန်၊ အိန္ဒိယ၊ ဖိလစ်ပိုင်၊ အင်ဒိုနီးရှားနှင့် သီရိလင်္ကာနိုင်ငံတို့က အစဉ်လိုက်ရှိနေသည်။ ဘင်္ဂလားဒေ့ရှ်၊ ထိုင်း၊ နီပေါ၊ လာအိုနှင့် အရှေ့တီမောနိုင်ငံတို့တွင်လည်း ဒုက္ခသည်များရှိနေသည်။


ဒုက္ခသည်များဆိုင်ရာ နော်ဝေးကောင်စီ (NRC)၏ အဖွဲ့ ခွဲတစ်ခုဖြစ်သော အိုးအိမ်မဲ့ပြည် တွင်းဒုက္ခသည်များ စောင့်ကြည့် ရေးဌာန (IDMC)၏ ထုတ်ပြန် ချက်တွင် မြန်မာနိုင်ငံ၌ အိုးအိမ်မဲ့ ဒုက္ခသည် ၆၅၀,၀၀၀ နီးပါး ရှိနေ ကြောင်း ဖော်ပြသည်။

အိမ်နီးချင်း နိုင်ငံများဖြစ် သော ဘင်္ဂလားဒေ့ရ်ှနိုင်ငံတွင် ဒုက္ခသည် ၂၉၀,၀၀၀ ဦး၊ ထိုင်းနိုင်ငံတွင် ဒုက္ခသည် ၃၅,၀၀၀ ဦး၊ ဖိလစ်ပိုင်နိုင်ငံတွင် ၁၁၅,၈၀၀ ဦး၊ အင်ဒိုနီးရှားနိုင်ငံတွင် ၉၀,၀၀၀ ဦးနှင့် လာအိုနိုင်ငံတွင် ဒုက္ခသည် ၄,၅၀၀ ဦး ရှိနေပြီး စင်ကာပူ၊ မလေးရှား၊ ဗီယက်နမ်နှင့် ကမ္ဘောဒီးယားနိုင်ငံတို့တွင် ဒုက္ခသည်မရှိကြောင်း ဖော်ပြထားသည်။

၂၀၁၃ ခုနှစ်ကုန်တွင် ကမ္ဘာ တစ်လွှား လူ့အခွင့်အရေး ချိုး ဖောက်မှုများ၊ အကြမ်းဖက်မှုများ နှင့် လက်နက်ကိုင် ပဋိပက္ခများ ကြောင့် အိုးအိမ်မဲ့ဒုက္ခသည် ၃၃ ဒသမ ၃ သန်းခန့်ရှိလာပြီး ယခင် နှစ်ထက် ၁၆ ရာခိုင်နှုန်းမြင့်တက်ခဲ့သည်။ယခုနှစ်အစောပိုင်းက ထုတ် ပြန်ခဲ့သည့် ကုလသမဂ္ဂဒုက္ခသည် များဆိုင်ရာ မဟာမင်းကြီးရုံး၏ ၂၀၁၃ နှစ်လယ်အစီရင်ခံစာတွင် ကမ္ဘာ့ဒုက္ခသည်အများဆုံး ၁၀ နိုင်ငံ၌ မြန်မာနိုင်ငံက အဆင့်(၆)နေရာတွင် ရှိခဲ့သည်။


ဦးသိန်းစိန် အစိုးရ လက် ထက်တွင် ရခိုင်ပြည်နယ်၌ လူမျိုး ရေး ပဋိပက္ခများဖြစ်ပေါ်ခဲ့သလို ကချင်ပြည်နယ်တွင် ပြည်တွင်းစစ် ဖြစ်ပွားနေခြင်းကြောင့် မြန်မာ နိုင်ငံ၌ အိုးအိမ်မဲ့ဒုက္ခသည် ဦးရေမြင့်တက်သွားခဲ့ခြင်းဖြစ်သည်။

မြန်မာနိုင်ငံတွင် အိုးအိမ်မဲ့ ဒုက္ခသည်များနှင့် ယင်းကဲ့သို့ အခြေအနေတွင် နေထိုင်နေရသူ စာရင်းမှာ ခြောက်သိန်းလေးသောင်းကျော်နှင့် နိုင်ငံမဲ့စာရင်း ဝင်သူအရေအတွက်မှာ ရှစ်သိန်း ကျော်ရှိနေကြောင်း ကုလသမဂ္ဂ ဒုက္ခသည်များဆိုင်ရာ မဟာမင်း ကြီးရုံး၏ အစီရင်ခံစာတွင် ဖော် ပြထားသည်။

7DAY

Read More

လျှာဖျားနဲ့ပန်းချီရေးဆွဲတဲ့ အံ့ဖွယ်အိန္ဒိယပန်းချီဆရာ

အိန္ဒိယနိုင်ငံက ပန်းချီဆရာတစ်ယောက်ရဲ့ ပန်းချီရေးဆွဲတာက ထူးခြားပါတယ်။ သမားရိုးကျ တခြားပန်းချီဆရာတွေ ပန်းချီရေးဆွဲကြသလို ဆေးစုတ်တံနဲ့ ရေးဆွဲတာမျိုးမဟုတ်ပဲနဲ့သူ့ရဲ့ လျှာကိုပဲအသုံးပြုပြီးရေးဆွဲတာပါ။ အေနီကေ လို့ အမည်ရတဲ့ အိန္ဒိယပန်းချီဆရာက တစ်ခြားသူတွေနဲ့ မတူညီတဲ့ ထူးခြားမှုတွေလုပ်ပြီး တော့ အောင်မြင်ချင်တဲ့ သူတစ်ယောက်ပါ။

သူ့ရဲ့ အနုပညာဖန်တီးချက်က အရမ်းကို တော်ပါတယ်။ ဦးခေါင်းနဲ့ မျက်နှာကို ထောင့်ချိုးကျကျ နေရာကျအောင်ထားပြီးတော့ လျှာဖျားနဲ့ သုတ်ဆေးတို့ပြီး ပန်းချီကားတစ်ချပ်ကို ဖန်တီးရေးဆွဲပြတာပါ။ တကယ့်ကို အာရုံစိုက်ပြီး လုပ်ရတဲ့အနုပညာတစ်ခုပါပဲ။

အသက် ၃၅ နှစ်ရှိတဲ့ ကျောင်းဆရာလည်းဖြစ်၊ ပန်းချီဆရာလည်းဖြစ်တဲ့ သူက  သူရဲ့ ဒီလို ထူးထူးခြားခြားဖန်တီးထားတဲ့ ပန်းချီလက်ရာနဲ့ပတ်သက်ပြီးတော့ အကောင်းဆုံး ဆု အောင်မြင်မှုရရှိဖို့ကိုလည်းမျှော်လင့်ထားပါတယ်။ ဒီပန်းချီကားကိုရေးဆွဲပြီးဆုံး သွားတော့ သူက”ကျွန်တော့ မေးရိုးတွေနဲ့ လျှာတွေ အရမ်းကို နာကျင်နေပါတယ်။

အမြင်အာရုံတွေလည်းေ၀၀ါးနေပါတယ်။ မျက်စိက သေချာအာရုံစိုက်ပြီးတော့ လျှာကတော့ အားစိုက်ထုတ်ကတာပေါ့။ နှစ်ပတ်လောက်တော့ နာနေအုံးမှာသေချာ ပါတယ်” လို့ပြောပါတယ်။
သူ့မှာ  ဒီလို လျှာနဲ့ရေးဆွဲခဲ့တဲ့ ပန်းချီကားပေါင်း တစ်ထောင်ကျော်ရှိပြီးတော့ အဲ့အထဲမှာ အထင်ကရပုဂ္ဂိုလ်တွေဖြစ်တဲ့ ရှစ်ပေအမြင့်ရှိ ဒါဗင်ချီ ပန်းချီကားနဲ့ ဂျက်ဆက်ခရစ်တို့ရဲ့ ပုံတူပန်းချီ ကားတို့ပါဝင်ကြပါတယ်။

 သူ့အနေနဲ့က ဆက်လက်ပြီး ပုံတူပန်းချီတွေကို ဆက်လက်ရေးဆွဲသွားမှာဖြစ်ပြီး ခြေလက်လေးဖက်ကို တစ်ပြိုင်နက် တည်းအသုံးပြုပြီးတော့ ပန်းချီကားလေးကားဆွဲကာ ဂရင်းနစ်စံချိန်ဝင်နိုင်အောင်ရေးဆွဲ သွားဖို့လည်းရှိပါတယ်။

ဖိုးသူတော်

Read More

၂၀၁၅ ခုနှစ် ရွေးကောက်ပွဲအတွက် မဲပေးပိုင်ခွင့်ရှိသူ စာရင်းကို လာမည့်သြဂုတ်မှစပြီး ရှစ်လအတွင်း အပြီးကောက်ယူသွားမည်

ရန်ကုန်မြို့တွင် မေ ၁၅ ရက်က ပြုလုပ်သည့် ရွေးကောက်ပွဲဆိုင်ရာ ပူးပေါင်းညှိနှိုင်းဆောင်ရွက်မှု အစည်းအဝေးကို တွေ့ရစဉ်

၂၀၁၅ ခုနှစ် ရွေးကောက်ပွဲအတွက် ဆန္ဒမဲပေးပိုင်ခွင့်ရှိသူ စာရင်းကို လာမည့် သြဂုတ်လမှစပြီး ရှစ်လအတွင်း အပြီးကောက်ယူသွားရန် မျှော်မှန်းထားကြောင်း ပြည်ထောင်စုရွေးကောက်ပွဲ ကော်မရှင် အဖွဲ့ဝင် ဦးဝင်းကြည်က ပြောကြားသည်။

အဆိုပါ မဲဆန္ဒရှင်စာရင်းပြုစုခြင်းနှင့် ပတ်သက်၍ စမ်းသပ်စီမံချက်ကို မြို့နယ်သုံးမြို့နယ်တွင် စတင်ပြုလုပ်သွားမည်ဟု ပြည်ထောင်စု ရွေးကောက်ပွဲ ကော်မရှင်ဥက္ကဋ္ဌ ဦးတင်အေးက မေ ၁၅ ရက်က ရန်ကုန်မြို့ရှိ Sky Star ဟိုတယ်၌ပြုလုပ်သည့် ပြည်ထောင်စု ရွေးကောက်ပွဲကော်မရှင်နှင့် နိုင်ငံရေးပါတီများအကြား ရွေးကောက်ပွဲဆိုင်ရာ ပူးပေါင်းညှိနှိုင်း ဆောင်ရွက်မှု အစည်းအဝေးတွင် အဖွင့်စကား ပြောကြားရာ၌ ထည့်သွင်းပြောကြားသည်။

အဆိုပါစမ်းသပ်စီမံချက်ကို ရန်ကုန်တိုင်းဒေသကြီး အလုံမြို့နယ်၊ ချင်းပြည်နယ် တီးတိန်မြို့နယ်နှင့် ကချင်ပြည်နယ်ရှိ ၀ိုင်း မော်မြို့နယ်များတွင် ပြုလုပ်သွားမည်ဖြစ်ပြီး မကြာမီ စတင်ပြုလုပ်သွားမည် ဖြစ်ကြောင်းနှင့်အဆိုပါ စမ်းသပ်စစ်တမ်းကို အခြေခံပြီး တစ်နိုင်ငံလုံး အတိုင်းအတာဖြင့် ပြုလုပ်သွားမည်ဖြစ်ကြောင်း သိရသည်။

မဲဆန္ဒရှင်စာရင်း စမ်းသပ်အစီအစဉ်နှင့် ပတ်သက်ပြီး မေ ၁၆ ရက်တွင် ရန်ကုန်မြို့ရှိ Summit Parkview ဟိုတယ်၌ အရပ်ဘက် အဖွဲ့အစည်းများနှင့် တွေ့ဆုံကာ မည်သည့် မြို့များတွင် မည်ကဲ့သို့ ကူညီနိုင်မှုများ ပြုလုပ်သွားနိုင်မည် ဆိုသည်ကို ဆွေးနွေးသွားရန် ရှိကြောင်းလည်း ဦးဝင်းကြည်က ပြောကြားသည်။

“Pilot Project က အတွေ့အကြုံတွေကို အခြေခံပြီး အခုနှစ်သြဂုတ်လကစပြီး တစ်နိုင်ငံလုံး အတိုင်းအတာနဲ့ ပြီးအောင်ကောက်ပါ့မယ်။ ရှစ်လလို့ မှန်းထားပါတယ်။ မျှော်မှန်းတဲ့အတိုင်း ပြည့်စုံမယ်ဆိုရင် ရှစ်လဆိုရင် အခြေခံမဲစာရင်း ရပါလိမ့်မယ်။ အခြေခံ မဲစာရင်းရပြီးရင် သုံးလတစ်ခါဖြစ်စေ၊ လေးလတစ်ခါဖြစ်စေ၊ ခြောက်လတစ်ခါဖြစ်စေ အမြဲတမ်း Update လုပ်သွားရင် ၂၀၁၅ ရွေးကောက်ပွဲလုပ်မယ်ဆိုပြီး ကြေညာတာနဲ့ တစ်ပြိုင်နက်မဲစာရင်းကို ကြိုပြီးကပ်နိုင်မှာ ဖြစ်ပါတယ်” ဟု ၎င်းကဆိုသည်။

မဲစာရင်းကိုကြိုပြီး စောစောကပ်နိုင်သည့်အတွက် မဲစာရင်းတွင် မပါသေးသည့်သူများ၊ မပါသင့်သည့်သူများကို ၀ိုင်းဝန်းကန့်ကွက် နိုင်မည်ဖြစ်ကြောင်း၊ ယင်းကဲ့သို့ ပြုလုပ်ရာတွင် အရပ်ဘက်အဖွဲ့အစည်းများ၏ အားကိုယူသကဲ့သို့ နိုင်ငံရေးပါတီများ၏ အားကိုလည်း ယူသွားမည်ဖြစ်ကြောင်း ဦးဝင်းကြည်က ပြောကြားသည်။

ကြားဖြတ်ရွေးကောက်ပွဲ ကာလက မဲဆန္ဒရှင်စာရင်းကို ကြိုတင်ကြေညာခဲ့သော်လည်း ရွေးကောက်ပွဲနီးကပ်သည်အထိ စောဒကတက်ခြင်းမျိုး များရှိကြောင်း၊ မဲဆန္ဒရှင် စာရင်းပြည့်ပြည့်စုံစုံ ဖြစ်ရေးမှာ ကော်မရှင်တွင် လုံးဝနီးပါး တာဝန်ရှိသော်လည်း မဲပေးပိုင်ခွင့်ရှိသူများကလည်း စာရင်းပါမပါ သွားကြည့်ထားသင့်ကြောင်း၊ ယင်းအတွက် အသိပညာပေးခြင်းကို အရပ်ဘက် အဖွဲ့အ စည်းများနှင့် နိုင်ငံရေးပါတီများက ပြုလုပ်ပေးရန်လိုကြောင်း ဦးဝင်းကြည်က ပြောကြားသည်။

မဲစာရင်းပြုစုရာတွင် အခြေခံမဲစာရင်း ပြုစုခြင်း၊ မဲစာရင်းကြေညာခြင်း၊ ပြင်ဆင်ဖြည့်စွက်ခြင်းနှင့် အတည်ပြုမဲစာရင်း ပြုစုခြင်းဆိုသည့် လုပ်ငန်းရပ်များကို ဆောင်ရွက်သွားမည် ဖြစ်ကြောင်း၊ အခြေခံမဲစာရင်း စတင်ပြုစုစဉ်ကတည်းက Computerized (ကွန်ပျူတာဖြင့် ထိန်းချုပ်) လုပ်နိုင်ရန် ဆောင်ရွက်သွားမည် ဖြစ်ကြောင်း၊ မဲဆန္ဒရှင်များကို မဲစာရင်းပြုစုခြင်းနှင့် ပတ်သက်ပြီး အသိပညာပေးရေး လုပ်ငန်းများတွင် ပူးပေါင်းဆောင်ရွက်ရန် CSOs အဖွဲ့အစည်း ဖြစ်သည့် ငြိမ်းအေးရှေ့ဆောင် အဖွဲ့လည်း ပါဝင်မည်ဖြစ်ကြောင်း၊ သက်ဆိုင်ရာ ဒေသများတွင်ရှိသည့် နိုင်ငံရေးပါတီများ အနေဖြင့်လည်း မဲဆန္ဒရှင်များ အသိပညာပေးရေးနှင့် မဲပေးပိုင်ခွင့်ရှိသူများ မဲစာရင်းတွင် ပါဝင်နိုင်ရေးအတွက် ပူးပေါင်းဆောင်ရွက်ပြီး အကြံဥာဏ်ပေးစေ လိုကြောင်းလည်း ပြည်ထောင်စု ရွေးကောက်ပွဲကော်မရှင်ဥက္ကဋ္ဌ ဦးတင်အေးက ပြောကြားသည်။

၂၀၁၀ ပြည့်နှစ် ပြည်လုံးကျွတ်ရွေးကောက်ပွဲကို ၂၀၁၀ ပြည့်နှစ် နိုဝင်ဘာ ၇ ရက်တွင်ပြုလုပ်ခဲ့ပြီး၂၀၁၅ ခုနှစ် ရွေးကောက်ပွဲကိုလည်း နှစ်ကုန်ပိုင်းခန့်မှသာ ပြုလုပ်သွားမည်ဟု ပြည်ထောင်စု ရွေးကောက်ပွဲကော်မရှင်ဥက္ကဋ္ဌ ဦးတင်အေးက ပြောကြားထားသည်။

eleven media group

Read More

အွန်လိုင်းချစ်သူ အပြင်မှာတွေ့တဲ့အခါ ရုပ်ဆိုးလို့ တိုက်ပေါ်က ခုန်ချ

တရုတ်အမျိုးသား တစ်ဦးလည်း ကောင်မလေးက ရှုဖိနပ်တွေ ထပ်ဝယ်ဖို့ ပူဆာလို့ ကောင်လေးက ရှော့ပင်းမောပေါ်ကနေ ခုန်ချခဲ့

ဖိလစ်ပိုင်က လူငယ်တစ်ယောက်ရဲ့ ကြေကွဲဖွယ်ရာဖြစ်ရပ်ကလေးကတော့ ဒီလိုပါ။ ယနေ့ခေတ်မှာ အားလုံးသိတဲ့အတိုင်း အီးခေတ်(အင်တာနက်)ကိုး။ ကမ္ဘာ တစ်လွှားမှာလည်း ဒီအီးကို ပဲ နယ်ပယ်အသီးသီးမှာ အသုံးချနေကြတယ် ဆိုပါတော့။ လူငယ်တွေကြားမှာ အင်တာနက်အသုံးချတာနဲ့ ပတ်သက်ပြီးတော့ အများဆုံး အသုံးပြုကြတာက အွန်လိုင်းပေါ်မှာ တစ်ယောက် နဲ့တစ်ယောက် စကားပြောကြ တာပါ။ အပြင်မှာ မမြင်ဖူးကြပေမဲ့ အွန်လိုင်းပေါ်မှာတော့ အချိန်အတော်ကြာ မိတ်ဆွေ တွေဖြစ်နေတတ်ကြပါတယ်။ ဒါကိုပဲ  စိတ်အပန်းဖြေမှုတစ်ခုလို ခံစားတတ်ကြ လာတာပါ။

အနေဝေးတဲ့ မိသားစုတွေ၊ အပေါင်းအသင်းတွေ၊ ချစ်သူရည်စားတွေ အတွက်ကတော့ အတော့ကိုအဆင်ပြေစေတယ်လေ။ လေလှိုင်းပေါ်မှာပဲ ချစ်သူဖြစ် သွားကြတဲ့ (အွန်လိုင်းချစ်သူ) တွေလည်းပါမှာပေါ့။

အခုဒီမှာလည်း ငိုအားထက် ရယ်အားသန် အဖြစ်အပျက်လေးတစ်ခုကို ပြောပြပါရစေ။ ဖိလစ်ပိုင် လူငယ်ကောင်လေးတစ်ယောက်က နိုင်ငံပိုင် အွန်လိုင်းမီဒီယာတစ်ခုကနေပြီး ရုပ်ကလေး လှတပတ ပုံတင်ထားတဲ့ မိန်းကလေးတစ်ယောက်နဲ့ အွန်လိုင်းပေါ်မှာ ချစ်ကျွမ်းဝင်ခဲ့တာ အချိန်အားဖြင့် ခြောက်နှစ်လောက်တောင်ရှိပါပြီတဲ့။ တကယ့်ကို ခိုင်မြဲတဲ့ ချစ်သူသက်တမ်းဆိုပေမဲ့ အပြင်မှာတစ်ခါမှတော့ မမြင်ဖူးပါဘူး။ ဒီလိုနဲ့ပဲ ကောင်လေးက တစ်ရက်လောက်အပြင်မှာတွေကြဖို့ ချိန်းပါတော့တယ်။

 ပြဿ     နာက တော့ ဒီကစတာပါပဲ။ အားလုံးသိပြီးသားဖြစ်မှာပါ။ ဒီကနေ့ခေတ်ကြီးထဲမှာ ကောင်မ လေး၊ ကောင်လေးတော်တော်များများ လုပ်နေကြတဲ့ လုပ်ကွက်တွေအတိုင်း ကိုယ့်ရဲ့ စာမျက်နှာမှာ တင်ထားတဲ့ပုံက တစ်မျိုး၊ တကယ့်အပြင်က ရုပ်ကတစ်မျိုးနဲ့ပြောင်းပြန် လက်မခံနိုင်တဲ့အနေအထားပါ။ ဒီမှာလည်း ဒီလိုပါပဲ။ ကောင်လေးက ကောင်မလေးကို အပြင်မှာ ဘယ်လိုရုပ်ကလေးနဲ့ တွေ့ရမလဲဆိုတာ စိတ်ကူးယဉ်ချင်ယဉ်ခဲ့မှာပေါ့။ တကယ်လည်းတွေ့ရော ရှော့ခ်ရသွားမယ့် ရုပ်ရည်မျိုးကို တွေ့ခဲ့တယ်ထင်ပါတယ်။ ချိန်းတွေ့တဲ့ ကုန်တိုက်ခြောက်ထပ်ကနေ အောက်ကိုဒိုင်ဗင်ကို ထိုးချသွားခဲ့တယ်လေ။

သူတို့နှစ်ဦး ဘာတွေဖြစ်ခဲ့ကြလဲ ဘာတွေပြောခဲ့ကြလဲဆိုတာကို မျက်မြင်သူတွေက ပြောပါတယ်။ ကောင်လေးက ကောင်မလေးကို “ နင့်ရဲ့ ရုပ်ရည်က ဒီပုံကြီးလား။ ပုံတင်ထားတာ ဒီလိုမဟုတ်ပါဘူး။ ဒါဆိုနင်ငါ့ကိုခြောက်နှစ်ကြီးတောင် လိမ်ညာနေခဲ့ တာပေါ့။နင့်ရဲ့ အသားရေကိုက မဲတူးနေတာပဲ။ ငါတော်တော်ကံဆိုးတာပဲ။ ဒီလိုတော့ငါ လက်မခံဘူး” ဆိုပြီးတော့ ခုန်ချသွားပါတယ်တဲ့ လို့ပြောကြပါတယ်။ အင်း   ဒါပါပဲ.......

 ကောင်လေးဘက်က သနားရမှာလား။ ကောင်မလေးကိုရော အပြစ်ပြောလို့ရမလား။ ဒီလောက်ခြောက်နှစ်ကြာချစ်ခဲ့ကြပြီးမှ ရုပ်ရည်ကိုလည်းမြင်လိုက်ရော ဒီလိုလုပ်သွား တာက မှန်လား၊ မှားလားဆိုတာကို မပြောတတ်တော့ပါဘူး။ကံကောင်းတာတစ်ခုက အောက်ကိုခုန်ချတာ
မသေလို့ပေါ့....
  

ဖိုးသူတော်

Read More

ကြွက်နို့ ပျောက်သည့် သဘာဝဆေးနည်းများ

 

ကြွက်နို့ ပေါက်သူများ လိမ်းဆေးအမျိုးမျိုးဖြင့် ကုသသော်လည်း မပျောက်၍ စိတ်ညစ်နေလျှင် အောက်ပါ မြန်မာ့ရိုးရာ သဘာဝဆေးနည်းများဖြင့် ကုသနိုင်ကြပါတယ်။

ဆေးနည်း(၁)

ရေချိုးပြီးခါစ ကြွက်နို့ ရေစိုပြီး နူးနေတဲ့အချိန်မှာ အ၀တ်စသန့်သန့် (သို့မဟုတ်) သန့်ရှင်းသည့် အရာဝတ္ထု တစ်ခုဖြင့်ဖြင့် အနည်းငယ် သွေးစို့လာသည့်အထိ ပွတ်သပ်ပေးပါ။ ကြက်သွန်ဖြူကို လှီးဖြတ်လိုက်ပြီး ၄င်းကြက်သွန်ဖြူ အစေးဖြင့် ကြွက်နို့ပေါ်ကို သုတ်လိမ်းပွတ်တိုက်ပေးပါ။ ကြွက်နို့၏ အမြစ်များ၊ ပိုးများကို

ကြက်သွန်ဖြူအစေးမှ တိုက်စားသွားပြီး နောက်တစ်နေ့ဆိုလျှင် တစ်ဖြေးဖြေး ချောက်သွားပြီး အမြစ်ပြတ်ပျေက်ကင်းသွားပါလိမ့်မည်။

ဆေးနည်း(၂)

ဂျင်းတက်ကို ထိပ်ပိုင်းမှ အနည်းငယ် လှီးဖြတ်လိုက်ပြီးလျှင် ၄င်းနေရာကို ထုံးအနည်းငယ် သုတ်လိမ်းပြီး ကြွက်နို့ပေါ်ကို ဖြေးဖြေးချင်း ပွတ်တိုက်ပေးပါ။ ဂျင်းနှင့် ထုံးတို့၏ အပူရှိန်ဖြင့် ကြွက်နို့၏ ပိုးများ အမြစ်ပြတ် သွားပါလိမ့်မည်။

ဆေးနည်း(၃)

စိန်၊ ကနခို၊ ရှားစောင်း၏အစေးတို့ကို အနည်းငယ်စီရောကြိုက်၍ ၄င်းအမှုန့်ဖြင့် ကြွက်နို့ထိပ်ကို အနည်းငယ် ဆွပြီး သုတ်လိမ်းပေးပါ။ တစ်ဖြေးဖြေး ပျောက်ကင်းသွားလိမ့်မည်။
သတိပြုရန်။ ။ အသားထဲကို ပိုးမ၀င်စေရန် သန့်ရှင်းစွာ ပြုလုပ်ပေးရပါမည်။

စောနွဲ့ နေဆိုင်(ပူတာအို)
ကိုးကား။ ။ တိုင်းရင်းဆေးများ၏ အစွမ်း
ကျန်းမာရေးသတင်းများ

Read More

နိုင်ငံတော်သမ္မတ မန္တလေးမြို့တွင် မိန့်ခွန်းပြောမည်

 

 

 အင်အားကြီးပါတီ တစ်ခုအဖြစ် ရပ်တည်လျက် ရှိသော အမျိုးသားဒီမိုကရေစီ အဖွဲ့ချုပ် ပါတီ၏ ခေါင်းဆောင် ဒေါ်အောင်ဆန်းစုကြည် အခြေခံဥပဒေ ပြင်ဆင်ရေး ဟောပြောပွဲ ပြုလုပ်ရန် ရှိသည့် အထက်မြန်မာပြည် ခရီးစဉ်မတိုင်မီ သုံးရက်အလိုတွင် တစ်နိုင်ငံလုံး စာတတ်မြောက်ရေး အထိမ်းအမှတ် အောင်ပွဲအတွက် နိုင်ငံတော်သမ္မတက မန္တလေးမြို့တော်တွင် မိန့်ခွန်း ပြော ကြားမည် ဖြစ်ကြောင်း တိုင်းဒေသကြီး အစိုးရအဖွဲ့ တာဝန်ရှိသူများက ပြောကြားသည်။

မန္တလေးမြို့တော်တွင် ကျင်းပမည့် စာတတ်မြောက်ရေး တစ်နိုင်ငံလုံး အထိမ်းအမှတ် အောင်ပွဲ အဖြစ် နိုင်ငံတော်သမ္မတက မိန့်ခွန်း ပြောကြားမည် ဖြစ်ပြီး မန္တလေးတက္ကသိုလ်နှင့် မြို့တော် စည်ပင်

သာယာရေး ကော်မတီ ရုံးစိုက်ရာ မြို့တော်ခန်းမ နေရာနှစ်ခုအနက် နေရာတစ်ခုတွင် မိန့်ခွန်းပြောရန် စီစဉ်ထားကြောင်း အဆိုပါ တာဝန်ရှိသူများက ထပ်လောင်း ပြောကြားသည်။
တစ်နိုင်ငံလုံး စာတတ်မြောက်ရေး အထိမ်းအမှတ် အောင်ပွဲ အခမ်းအနားကို ပြည်နယ်နှင့် တိုင်းဒေသကြီး များတွင် ရှိသည့် စာတတ်မြောက်ရေးလုပ်ငန်း ဗဟိုကော်မတီဝင်များ တက်ရောက်မည် ဖြစ် သဖြင့် ယင်းကော်မတီဝင်များ၏ သွားလာနေထိုင် စားသောက်ရေးများကို တိုင်းဒေသကြီး အခွန်နှင့် ဘဏ္ဍာရေးဝန်ကြီး၊ မြို့တော်ဝန်နှင့် လူမှုရေးဝန်ကြီးတို့က တာဝန်ယူ စီစဉ် ဆောင်ရွက်နေကြောင်း ယင်းတာဝန်ရှိသူများက ထပ်မံ ပြောကြားသည်။
မူလက မန္တလေးတက္ကသိုလ်သို့ နိုင်ငံတော်သမ္မတ လာရောက်ရန် ရှိသော်လည်း လက်ရှိတွင် လာရောက်မည့် အစီအစဉ် မဖြစ်တော့ကြောင်း မန္တလေးတက္ကသိုလ် အရှေ့တိုင်းပညာဌာန ပါမောက္ခဌာနမှူး ဒေါက်တာ ဒေါ်ခင်မြင့်မြင့်က ဆိုသည်။
နိုင်ငံတော်သမ္မတ မန္တလေးသို့ လာရောက်မည့် ခရီးစဉ်အတွင်း မိန့်ခွန်းပြောမည့် တစ်နိုင်ငံလုံး စာတတ်မြောက်ရေး အထိမ်းအမှတ် အောင်ပွဲ အခမ်းအနားကို မန္တလေးခရိုင် အတွင်းရှိ ပြည်သူ့လွှတ်တော်၊ အမျိုးသားလွှတ်တော်၊ တိုင်းဒေသကြီး လွှတ်တော်ကိုယ်စားလှယ်များ တက်ရောက်ရန် ဖိတ်ကြားထားခြင်း မရှိသေးကြောင်း မဟာအောင်မြေ မြို့နယ် တ်ိုင်းဒေသကြီး လွှတ်တော်ကိုယ်စားလှယ် ဦးပြေဝင်းက ပြော ကြားသည်။

နိုင်ငံတော်သမ္မတသည် မန္တလေးမြို့ပေါ်သို့ မေလ ၁၅ ရက်နေ့တွင် ရောက်ရှိမည် ဖြစ်ပြီး ယင်းခရီးစဉ်အတွင်း မြို့ပေါ် တန်ခိုးကြီး ဘုရားများသို့ ဖူးမြော်ခြင်းနှင့် ဌာနဆိုင်ရာ အကြီးအကဲများနှင့် တွေ့ဆုံမည် ဖြစ်ကြောင်း တိုင်းဒေသကြီး အစိုးရအဖွဲ့ ရုံးတာဝန်ရှိသူ တစ်ဦးက ထပ်လောင်း ပြောကြားသည်။

The Voice Weekly

Read More

ရန်ကုန်မြို့ အခြေခံပညာ ကျောင်းအချို့ ဝင်ခွင့် ကျပ် ၁၀ သိန်းနီးပါးအထိ ပေးရကြောင်း သတင်းထွက်ပေါ်

ပညာရေး ဝန်ကြီးဌာန အခြေခံပညာ ကျောင်းဖွင့်ရာသီ ရန်ကုန်မြို့တော်ရှိ နာမည်ကြီး အခြေခံ ပညာ ကျောင်းအချို့တွင် ကျောင်းဝင်ခွင့်အတွက် သက်ဆိုင်ရာ ကျောင်းအုပ်ဆရာ၊ ဆရာမကြီးများနှင့် တစ်ဆင့်ခံ ဝန်ဆောင်ပေးသူများကို ကျပ်ငါးသိန်းမှ ၁၀ သိန်းအထိ ပေးရကြောင်း အဆိုပါ ပညာရေး အသိုင်းအဝိုင်းက စုံစမ်းသိရှိရသည်။

ကျောင်းအပ်နှံစဉ် ကာလတွင် အလှူငွေနှင့် ရန်ပုံငွေ ကောက်ခံခြင်းကို ပညာရေး ဝန်ကြီးဌာနက နှစ်စဉ် တင်းတင်းကျပ်ကျပ် ပိတ်ပင်ထားသော်လည်း အချို့ကျောင်းများတွင် ငွေကြေးပေး၍ ကျောင်းအပ်နှံမှုများ ရှိနေကြောင်း အခြေခံပညာ ဆရာ၊ ဆရာမများက The Voice သို့ ပြောကြားသည်။

“ကျောင်းလေးတွေကျတော့ အလှူငွေ ယူတယ်လို့ အသံကြားရင် အတင်းဖိ စစ်ပြီးတော့ ဒီလို ကျောင်းကြီး ကျတော့ လွှတ်ထားတာ ဘာသဘောလဲ မသိဘူး” ဟု ရန်ကုန်မြို့တော်ရှိ ကျောင်းအုပ် ဆရာ တစ်ဦးက ထပ်လောင်း ပြောကြားသည်။

အခြေခံပညာ ကျောင်းများတွင် သက်ဆိုင်ရာ မြို့နယ် အတွင်းက ကျောင်းသား၊ ကျောင်းသူများကိုသာ ဦးစားပေး လက်ခံ ရမည် ဖြစ်ပြီး အခြားမြို့နယ်မှ ကျောင်းသား၊ ကျောင်းသူများကို ဒုတိယ ဦးစားပေး အဖြစ်သာ ထည့်သွင်းထားသည်။

သို့သော် ကျောင်းဝန်ဆောင်မှု ကွာဟချက်၊ အခြား သင်ကြားရေး လိုအပ်ချက်နှင့် အကြောင်းရင်း အမျိုးမျိုးကြောင့် ကျောင်းသားမိဘ အချို့က နာမည်ကြီး ကျောင်းများကို ရွေးချယ် အပ်နှံလေ့ ရှိကြသည်။
အလားတူ ရန်ကုန်ပညာရေး တက္ကသိုလ် လေ့ကျင့်ရေး အထက်တန်းကျောင်းတွင် ဆရာ၊ ဆရာမ အသိုင်းအဝိုင်းနှင့် အစိုးရဝန်ထမ်း အရာရှိ အသိုင်းအဝိုင်းကိုသာ ခွင့်ပြုထားသော်လည်း ပြင်ပ အသိုင်းအဝိုင်းမှ ကျောင်းသား၊ ကျောင်းသူများကိုမူ ကျပ်တစ်သိန်းမှ ၁၀ သိန်းအထိ အလှူငွေ ကောက်ခံကာ ကျောင်းဝင်ခွင့် လက်ခံကြောင်း အဆိုပါကျောင်းမှ ကျောင်းသားမိဘ တစ်ဦးက ဆိုသည်။

ယင်းအလှူငွေ ကောက်ခံမှုများသည် ယခင် ပညာသင်နှစ်များထက် လျော့နည်းလာကြောင်း ၎င်းက ပြော ဆိုသည်။

အဆိုပါ ကျောင်းဝင်ခွင့် အခက်အခဲများအပြင် ဆရာ၊ ဆရာမများ၏ သင်ကြားရေး လိုအပ်ချက်ကြောင့် ကျူရှင်၊ စာကျက်ဝိုင်းများ အကူအညီ ထပ်မံယူရသဖြင့် ကျောင်းသားတစ်ဦး၏ အခြေခံ ကုန်ကျစရိတ် ပိုမြင့်မားနေရခြင်း ဖြစ်ကြောင်း ကျောင်းသားမိဘများက ဝေဖန်ကြသည်။
ယင်းကိစ္စနှင့် ပတ်သက်၍ အမှတ် (၃) အခြေခံပညာ ဦးစီးဌာနသို့ The Voice က ဆက်သွယ် မေးမြန်းစဉ် အလှူငွေ ကောက်ခံမှုအကြောင်း သတင်းတိကျ ခိုင်လုံမှု ရှိလျှင် ဆက်သွယ် တိုင်ကြားစေလိုကြောင်း အဆိုပါ ဦးစီးဌာန ညွှန်ကြားရေးမှူး ဦးညွှန့်ရွှေက ပြောဆိုသည်။

ရန်ကုန်တိုင်းဒေသကြီး အတွင်းက အခြေခံပညာ ကျောင်းအုပ်ဆရာ၊ ဆရာမကြီးများကို ကျောင်းအပ်နှံစဉ် အတွင်း အလှူငွေ ကောက်ခံခြင်း၊ သူငယ်တန်း ကလေးငယ်များကို အသက်စိစစ် လက်ခံခြင်းနှင့် အခြား စည်းကမ်းချက်များကို ယခုဆန်းပိုင်းတွင် ပညာရေး ဝန်ကြီးဌာနက သတိပေး ထုတ်ပြန်ထားသည်။

The Voice Weekly

Read More

မြန်မာဝတ်စုံဒီဇိုင်း

Read More

ရန်ကုန်စီးပွားရေးတက္ကသိုလ်တွင် အခမဲ့ ပညာသင်နိုင်တော့မည်

ယူနက်စကိုအဖွဲ့နှင့် ရန်ကုန်စီးပွားရေး တက္ကသိုလ်တို့ ပူးပေါင်းရေးဆွဲမည့် သင်ရိုးညွှန်းတမ်းဖြင့် စီးပွားရေး ဆိုင်ရာ ဘာသာရပ် အခမဲ့သင်တန်းများကို ရန်ကုန်စီးပွားရေးတက္ကသိုလ်၌ ဇွန်လတွင် စတင်သင်ကြားပေး သွားမည်ဖြစ်ကြောင်း ရန်ကုန်စီးပွားရေးတက္ကသိုလ် စီမံခန့်ခွဲမှုဌာန ပါမောက္ခဒေါက်တာ မိုးမိုးခိုင်က မေလ ၁၄ ရက်တွင် မဇ္ဈိမကို ပြောသည်။

“လူငယ်တိုင်းဟာ စီးပွားရေးဆိုင်ရာ ဘာသာရပ်ကို အခြေခံဆင့်လောက်တော့ တတ်ထားသင့်ပါတယ်။

လုပ်ငန်းခွင်မှာလက်တွေ့အသုံးချနိုင်ဖို့အတွက် သင်ရိုးညွှန်းတမ်းကို ယူနက်စကိုနဲ့ပူးပေါင်းပြီး ရေး ဆွဲ သွားမှာဖြစ် ပါတယ်။ ဒီသင်တန်းတွေမှာ ရန်ကုန်စီးပွားရေးတက္ကသိုလ်က ဆရာမတွေ သင်ကြားပေး မှာပါ”ဟု ပြောသည်။

 

အဆိုပါ အခမဲ့သင်တန်းတွင် စီးပွားရေးဆိုင်ရာဘာသာရပ်များ၊ စီမံခန့်ခွဲရေးဆိုင်ရာ ဘာသာရပ်များ၊ လူသားရင်းမြစ်ဖွံ့ဖြိုးရေးဆိုင်ရာ ဘာသာရပ်များကို သုံးလကြာ သင်ကြားပို့ချသွားမည်ဖြစ်သည်။

ရန်ကုန်စီးပွားရေးတက္ကသိုလ် လူ့စွမ်းအားရင်းမြစ် ဖွံ့ဖြိုးရေးဌာနတွင် မေလ ၁၆ ရက်တွင် လျှောက်လွှာများ စတင်လျှောက်ထားရမည်ဖြစ်ပြီး မေလ ၂၀ ရက် နောက်ဆုံးထား လျှောက်ထားရမည်ဖြစ်သည်။ သင်တန်း များကို ဇွန်လ ပထမပတ်အတွင်း စတင် သင်ကြားပေးသွားမည်ဖြစ်သည်။

အဆိုပါ ဘာသာရပ်များအလိုက် လျှောက်ထားသူများထဲမှ ဘာသာရပ်တစ်ခုလျှင် သင်တန်းသား ၃၀ ဦး လက်ခံသင်ကြားပေးသွားမည်ဖြစ်သည်။

 

ယူနက်စကိုအဖွဲ့နှင့် ပညာရေးဝန်ကြီးဌာနတို့ပူးပေါင်း၍ ဆရာ၊ ဆရာများအရည်အသွေးမြှင့်တင်ခြင်းနှင့် ပညာရေးမြှင့်တင်ရေးဆိုင်ရာ လုပ်ငန်းစဉ်များကို ပထမစီမံကိန်းအဖြစ်လည်းကောင်း၊ ရန်ကုန် စီးပွားရေး တက္ကသိုလ်နှင့် ပူးပေါင်း၍ စီးပွားရေးဆိုင်ရာ ဘာသာရပ်များ အခမဲ့သင်ကြားပေးနိုင်ရေးကို ဒုတိယစီမံကိန်းအဖြစ် ဆောင်ရွက်ခဲ့ခြင်းဖြစ်သည်။

 

ပညာရေးဝန်ကြီးဌာနနှင့် ယူနက်စကိုအဖွဲ့တို့ ပူးပေါင်း၍ စီမံခန့်ခွဲမှုဆိုင်ရာ ဘာသာရပ်များ၊ အခြေခံ ပညာရေးဆိုင်ရာ ဘာသာရပ်များ၊ ပညာရေးစီမံကိန်းများ၊ နိုင်ငံတကာတွင် ကျင့်သုံးလျက်ရှိသည့် ပညာရေးဆိုင်ရာ စီမံခန့်ခွဲမှုများကို အဆင့်မီစွာ သင်ကြားပို့ချပေးနိုင်ရေးများနှင့် ပတ်သက်၍ အလုပ်ရုံဆွေးနွေးပွဲကို မေလ ၁၂ ရက်မှ ၁၄ ရက်အထိ ကျင်းပ ပြုလုပ်ခဲ့သည်။

Mizzima - News in Burmese

Read More