ညီမလေးရေ .... ယောကျာ်းယူတော့မယ်ဆိုရင်လေ .....

ညီမလေးရေ .... ယောကျာ်းယူတော့မယ်ဆိုရင်လေ .....
၁။ ယောကျာ်းတစ်ယောက်အဖို့ ရုပ်ချောဖို့မလိုပါဘူး ... ပိုက်ဆံထောရင် ပြီးတာဘဲ။ shopping မှာမ၀ယ်ဘဲ ဈေးကိုအနည်းဆုံး (၃)ပတ် လောက်လျှောက်ကြည့်တာကို မငြီးမငြူဂျီးမထူဘဲ လိုက်နိုင်ရင် တော်ပါပြီ။

၂။ ယောကျာ်းတစ်ယောက်အဖို့ သူအရင်နေခဲ့တဲ့အိမ်ကျယ်မကျယ်က အရေးမကြီးပါဘူး။ လက်ထပ်ပြီးရင် နေမယ့်အိမ်ကိုသာ ကြီးကြီးလေး ၀ယ်ထားရင်ပြီးတာပါဘဲ။

၃။ မင်္ဂလာဆောင်မယ့်စရိတ်အတွက်လည်း ပူစရာမလိုပါဘူး.။ သူ့မှာရှိတဲ့ပိုက်ဆံအကုန် ကိုယ့်လက်ထဲသာအက်ထားမယ်ဆိုရင် ကိုယ်က စိုက်ထုတ်ပေးမှာပေါ့။

၎။ အသွင်မတူ အိမ်သူမဖြစ်တဲ့။ အသွင်တူအောင် သူက ဘောလုံးပွဲကြည့်မယ်ဆိုရင် ကိုယ်က ဘောလုံးသမားတွေကို ကြည့်လိုက်မှာပေါ့။ တစ်ပွဲမှာ တစ်ယောက်ယောက်တော့ အရမ်းချောမှာသေချာတယ်လေ။

၅။ သူ့ကျန်းမာေ၇းကို ဂရုစိုက်ပေးရမယ်နော်။ အသားဓါတ်လိုရင် ပဲသာများများကျွေးပါ။ အသားစားလို့ သွားကိုက်ရင် အရမ်းခံစားနေရမှာပေါ့။ ကိုယ့်ယောကျာ်းခံစားနေရင် ဘယ်မိန်းမမှ မကြည့်ရက်ဘူးလေ။ ဒါကြောင့် အသားဆိုရင် ကိုယ်သာအနစ်နာခံပြီး စားပစ်လိုက်ပေါ့။

၆။ ကိုယ့်ယောကျာ်းက ခေတ်နဲ့တပြေးညီနေရင် နောက်မိန်းမယူသွားမှာကို စိုးရိမ်နေရလိမ့်မယ်။ အဲဒီတော့ ပုဆိုး 2ထည် အကျီ (၂)ထည်ဆို လုံလောက်ပြီ။ 
ကိုယ်ကတော့ ခေတ်နဲ့အညီ နေနိုင်မှ ယောကျာ်းကအချစ်မလျှော့မှာမို့ လှတပတလေးဆို ၀ယ်သာဝယ်။ ဈေးနှုန်းဆိုတာ ကိုယ်ပြောမှ သူသိမှာမဟုတ်လား။

၇။ ထမင်းဟင်းချက်တဲ့အခါမှာလည်း ချို ၊ ချဉ် ၊ ငန် ၊ စပ် ၊ ပျော့ ၊ တူး ၊ မနပ်ဆိုတဲ့ စကားနဲ့အညီ တစ်နေ့တစ်နေ့ အရသာမထပ်အောင် ချက်ကျွေးရမယ်နော်။ ကိုယ်ကလုံးဝမစားနိုင်ရင်တော့ တစ်ခုခုစားစရာဝယ်ပြီး ချက်ပြုတ်နေတုန်းစားထားနှင့်လိုက်လေ။ ထမင်းဘာလို့ သိပ်မစားတာလဲဆိုရင်တော့ ၀ိတ်ချနေတယ်ပေါ့။

၈။ အ၀တ်အစားတွေ လျှော်ဖွတ်ရမှာက အိမ်ရှင်မကောင်းတစ်ယောက်ရဲ့တာဝန်တွေဆိုတာ ပြောစရာမလိုခင် ကိုယ်က ဦးအောင်လုပ်ကိုင်ထားရမှာပေါ့။ Laundry Sevice ဆိုင်တွေရှိနေတာဘဲဟာ။

၉။ အိမ်ခန်းသန့်ရှင်းရေးလုပ်တာကလည်း လွယ်ပါတယ်။ ဖွထားတာမှန်သမျှ အကုန်သာလွှင့်သာပစ်လိုက်။ နောက်ဆိုရှုပ်အောင် ဘယ်သူမှ လုပ်ရဲမှာမဟုတ်တော့ဘူးပေါ့။

၁၀။ လှဲကျင်းလျှော်ဖွတ်ရတာ ပင်ပန်းနေပြီဆိုရင် အနားယူလိုက်တော့ပေါ့။ ပန်းကန်ခွက်ယောက်ဆေးဖို့လဲ ပူစရာမလိုပါဘူး။ parper plates တို့ paper cups တို့ရှိသားဘဲ။

၁၁။ ဈေးသွားရင်လည်း သူလည်းလိုက်ပါစေ။ မဟုတ်ရင် အမှိုက်ထုပ်ကြီး ကိုယ်သယ်နေရမှာပေါ့။ အမှိုက်ထုပ်က ဈေးခြင်းထဲ ထည့်ယူမှာ မဟုတ်လား။ အပြန်ကျတော့ ကိုယ်သယ်ပေးလိုက်ပေါ့။ ကူလီငှါးခက ဘယ်လောက်မှမရှိပါဘူး။

၁၂။ ကိုယ်နဲ့သဘောထားချင်းမတိုက်ဆိုင်ရင် အတင်းကြီးညှိမယူပါနဲ့။ ကိုယ်ချင်ရာသာ လုပ်လိုက်ပါ။

၁၃။ ကိုယ့်ကိုအသက်တမျှ တန်ဖိုးထားတဲ့ သူ့ကို ကိုယ်ဆီ့ပိုက်ဆံမအပ်ရင် စိတ်မဆိုးလိုက်ပါနဲ့နော်။ Credit Card တွေကိုသူ့ဆီက တောင်းထားလိုက်ပေါ့။

၁၄။ သူ့က ကိုယ်လိုချင်တာတွေ ၀ယ်ပေးဖို့ ငြင်းဆန်နေရင်၊ ကိုယ့်ကိုအလိုလိုက်အလျှော့ပေးဖို့ တွန့်ဆုတ်နေရင်တော့ Holly Wood က ရွှေမင်းသမီးတစ်ယောက်မှာ ယောကျာင်္းဘယ်နှစ်ယောက်ယူခဲ့တဲ့ စာရင်းလေးလုပ်ပြီး သူ့ကိုပြောပြဖို့မမေ့ပါနဲ့။

၁၅။ ဒီလူနဲ့စိတ်သထေားချင်းမတိုက်ဆိုင်လို့ ကွာရှင်းချင်ရင် ကွာရှင်းလိုက်ပေါ့။ ပိုင်ဆိုင်သမျှ တစ်ဝက်ထက်ပိုရအောင် ရှေ့နေ ကောင်းကောင်း ရှာထားဖို့တော့လိုတယ်နော် ....။

မှ-သူရိန်ထွန်း

Read More

ဂျာမနီက အာဂျင်တီးနားကို အနိုင်ရဖို့ မဖြစ်နိုင်ဟု မာရာဒိုနာပြော

အာဂျင်တီးနားအသင်းရဲ့ ထင်ရှားကျော်ကြားတဲ့ ဘောလုံးသမားဟောင်းနဲ့ နည်းပြဟောင်း မာရာဒိုနာ(ဓာတ်ပုံ - ရိုက်တာ)

 အာဂျင်တီးနား အသင်းရဲ့ ထင်ရှား ကျော်ကြားတဲ့ ဘောလုံးသမား ဟောင်းနဲ့ နည်းပြဟောင်း ဖြစ်တဲ့ မာရာဒိုနာက ဂျာမနီ အသင်းအနေနဲ့ အာဂျင်တီးနားကို အနိုင်ယူဖို့ဆိုတာ မဖြစ်နိုင်ဘူးလို့ ပြောလိုက်ပါ တယ်။
မာရာဒိုနာဟာ ၂၀၁၀ ကမ္ဘာ့ဖလားပွဲတုန်းက အာဂျင်တီးနားအသင်းရဲ့ နည်းပြအဖြစ် တာဝန်ယူခဲ့ပါတယ်။
အဲ့ဒီတုန်းကတော့ အာဂျင်တီးနားအသင်းဟာ ဂျာမနီအသင်းကို ကွာတားဖိုင်နယ် အဆင့်မှာ ၄ ဂိုး ဂိုးမရှိနဲ့ ရှုံးနိမ့်ခဲ့ပါတယ်။
အာဂျင်တီးနားနဲ့ ဗိုလ်လုပွဲမှာ တွေ့ဆုံယှဉ်ပြိုင်ရမယ့် ဂျာမနီအသင်းဟာ ဆီမီးဖိုင်နယ်မှာ ဘရာဇီးအသင်းကို ၇ ဂိုး ၁ ဂိုးနဲ့ အနိုင်ယူပြီး ဗိုလ်လုပွဲကို တက်ရောက်လာခဲ့တာပါ။
အာဂျင်တီးနားအသင်းကတော့ ဆီမီးဖိုင်နယ်မှာ နယ်သာလန်အသင်းကို ပွဲချိန်အတွင်း အနိုင်အရှုံးမပေါ်လို့ ပင်နယ်တီအဆုံးအဖြတ်အထိရောက်ခဲ့ပြီး ပင်နယ်တီအဆုံးအဖြတ် ၄ ဂိုး ၂ ဂိုးနဲ့ အနိုင်ယူပြီး ဗိုလ်လုပွဲကို တက်ရောက်နိုင်ခဲ့တာဖြစ်ပါတယ်။
လာမယ့် ဇူလိုင်  ၄ ရက်နေ့ မာရာကာနာအားကစားကွင်းမှာ ကစားမယ့် အာဂျင်တီးနားနဲ့ ဂျာမနီတို့ရဲ့ ဗိုလ်လုပွဲကို ကြည့်ဖို့အတွက် အာဂျင်တီးနား ပရိသတ် ၁ သိန်းကျော် ဘရာဇီးနိုင်ငံ ရီယိုဒီဂျနေယိုးမြို့ကို ရောက်ရှိနေကြပါတယ်။
အာဂျင်တီးနားအသင်းဟာ သူတို့အသင်းရဲ့ ပရိသတ်တွေအတွက် အကြီးဆုံးအခွင့်အရေးကို ယူပေးနိုင်ခဲ့တာကြောင့် အာဂျင်တီးနားပရိသတ်တွေဟာ သူတို့ရဲ့ သူရဲကောင်း လီယွန်နယ်မက်ဆီတုိ့ရဲ့ အသင်းကို အားပေးဖို့အတွက် ပွဲကြည့်လက်မှတ်ဝယ်လို့ မရတာတောင် ဘရာဇီးနိုင်ငံက မြို့ကြီးတွေ ပြည့်လျှံသွားအောင် လာရောက်အားပေးဖို့ ရောက်လာကြတာပါ။
“အခုလို ဘရာဇီးအထိလာကြည့်ရတာ ကျနော်တို့အတွက် အခက်ခဲတွေ၊ ဖိအားတွေ အများကြီးရှိပါတယ်။ ဒါပေမယ့်တန်ပါတယ်” လို့ လာရောက်အားပေးတဲ့ အသက် ၃၀ အရွယ် လူးဝစ်တယ်လူရာက ပြောပါတယ်။
အာဂျင်တီးနားပရိသတ်အများစုဟာ အာဂျင်တီးနားနဲ့ ဂျာမနီတို့ရဲ့ ဗိုလ်လုပွဲကို ဘားဆိုင်တွေနဲ့ လူအများကြည့်ရှုနိုင်ဖို့ လုပ်ပေးထားတဲ့ နေရာတွေမှာ ကြည့်ရှုကြမှာ ဖြစ်ပါတယ်။
ဂျာမနီအသင်းကတော့ ကမ္ဘာ့ဖလား ဗိုလ်လုပွဲမှာ အိမ်ရှင် ဘရာဇီး ပရိသတ်တွေ သူတို့အသင်းကို အားပေးထောက်ခံဖို့ တောင်းဆုိုလုိုက်ပါတယ်။
“ဘရာဇီးတွေရဲ့ အားပေးမှုရဖုိ့ ကျနော်တို့ တသင်းလုံးက မျှော်လင့်နေပါတယ်” လို့ ဂျာမနီ နောက်ခံလူ ဟိုဝီဒီစ်က ပြောပါတယ်။
ဂျာမနီက ဆီမီးဖိုင်နယ်မှာ ဘရာဇီးကို ၇ ဂိုး ၁ဂုိုးနဲ့ အနုိုင်ရပေမယ့်လည်း ပွဲအပြီးမှာ ဘရာဇီး ပရိသတ်တွေက ဂျာမနီကို အားပေးကြောင်း ပြသခဲ့ပါတယ်။
ရီယုိုဒီ ဂျေနေယုိုးမြို့က မာရာကာနာ ကွင်းမှာ ယှဉ်ပြိုင်မယ့် ဗုိုလ်လုပွဲကုို ပရိသတ်တွေပေါင်း ၇ သောင်း ၇ ထောင်လောက် လာရောက် အားပေးဖုို့ ရှိနေပါတယ်။
ဘရာဇီး ပရိသတ် အများစုအနေနဲ့ အစဉ်အလာပြိုင်ဘက် အာဂျင်တီးနားထက်စာရင် ဂျာမနီအသင်းကို အားပေးဖွယ် ရှိနေပါတယ်။
By ဒီဗွီဘီ
http://burmese.dvb.no/archives/60062

Read More

လျှပ်စစ်ဓါတ်ကြိုးပြုတ်ကျ ထိမိကာ ဓါတ်လိုက်ခံ ရသဖြင့် အမျိုးသမီး (၃)ဦးသေဆုံး

 

ရန်ကုန်၊ ဇူလိုင် ၁၁

၁၁.၇.၂၀၁၄ရက်နေ့ ၀၉၅၀အချိန် လှိုင်သာယာမြို့မ ရဲစခန်းမှ တပ်ဖွဲ့ဝင်များသည် လှိုင်သာယာမြို့နယ်၊ (၁၅)ရပ်ကွက်ဈေးရှိ သရဖီလမ်းတွင် အမျိုးသမီး (၃)ဦး ဓါတ်လိုက် သေဆုံးနေကြောင်း သတင်းအရ သွားရောက်စစ်ဆေးခဲ့ပါသည်။

ထိုသို့သွားရောက် စစ်ဆေးခဲ့ရာ သေဆုံးသူများမှာ လှိုင်သာယာမြို့နယ်နေသူများ ဖြစ်သည့် ဒေါ်တင်တင်ဝင်း (၄၁)နှစ်၊ ဒေါ်ချိုမာကြီး (၃၇)နှစ်နှင့် ဒေါ်ရင်ငွေ (၄၉)နှစ် တို့ဖြစ်ပြီး ၎င်းတို့သည် (၁၅)ရပ်ကွက်၊ သရဖီလမ်းရှိ ဈေးထဲတွင်ဈေးဝယ်နေစဉ် ၀န်ထမ်းကြီးများရပ်ကွက် တောင်ငူဖီလာ ဓါတ်အားခွဲရုံမှ သွယ်တန်းထားသော (၄၀၀)ဗို့လျှပ်စစ်ဓါတ်ကြိုး ပြုတ်ကျရာမှ ၎င်းတို့အားထိမိပြီး ဓါတ်လိုက်သေဆုံးခြင်း ဖြစ်ကြောင်း သိရှိရပါသည်။

၎င်းတို့သေဆုံးမှုနှင့်ပတ်သက်၍ လှိုင်သာယာမြို့မရဲစခန်းသေမှုသေခင်းအမှတ်စဉ် (၅၇/၂၀၁၄)ဖြင့် ရေးဖွင့်ကာ စစ်ဆေးဆောင်ရွက်လျက်ရှိကြောင်း သတင်းရရှိပါသည်။

Yangon Police

https://www.facebook.com/yangonpolice

လှိုင် သာယာ မြို့နယ် အမှတ်၁၅ ရပ် ကွက် ၁၅ ဈေးလေး သရဖီ လမ်းပေါ် တွင် ဓာတ်ကြိုးပျက်ကျသဖြင့်အမျိုးသမီး ၃ ဦး သေဆုံးသွားသည်။ ဓါတ်ပုံ - Ko Marga 

အချိန်မရွေး ရောက်လာနိုင်သော သေခြင်းတရားကို သတိရကာ သံဝေဂ စိတ်တစ်ချက်လောက်ဖြစ်ပါစေ..

Read More