5 Feb 2017

♦ နိဗ္ဗာန်ကြီး ပေါ်ပေါက်လာရခြင်း အကြောင်း ♦

Image may contain: 1 person, indoor

♦ နိဗ္ဗာန်ကြီး ပေါ်ပေါက်လာရခြင်း အကြောင်း ♦
********************************

မိလိန္ဒမင်းကြီးက အရှင်နာဂသိန်ကို
`အရှင်ဘုရား- နိဗ္ဗာန်ဟာ ရှိနှင့်တယ်ဆိုရင်လဲ ရှေးကလူတွေ တွေ့ဖို့ကောင်းတယ်၊ ရှိဆဲဆိုရင်လဲ အခုလူတွေ တွေ့ဖို့ကောင်းတယ်၊ စောင့်နေတယ်ဆိုရင်လဲ တပည့်တော်တို့ ဘယ်အချိန်သွားသွား ရတာပဲဆိုပြီး နေလို့ရတယ်၊ ဒီတော့ နိဗ္ဗာန်ဟာ ဘယ်လိုရှိပါသလဲဘုရား´လို့ အရှင်နာဂသိန်ကိုမေးလျှောက်လိုက်တယ်။
ဒီတော့ အရှင်နာဂသိန်က `ဘယ်ကာလမှာမှ မရှိဘူး´တဲ့။ အတိတ်မှာလဲ မရှိဘူး၊ ပစ္စုပ္ပန်မှာလဲ မရှိဘူး၊ အနာဂတ်မှာလဲ မရှိဘူး။


`ဒါဖြင့် နိဗ္ဗာန်မရှိဘူးလို့ ယူရမှာလားဘုရား´
`ရှိပါတယ်´၊ ဥပမာအားဖြင့် ၀ါးလုံးနှစ်လုံးပွတ်ရာမှာ မပွတ်ခင်က ၀ါးလုံးထဲမှာ မီးမရှိဘူး။ တကယ်တမ်း ပွတ်လိုက်တော့ မီးထွက်လာတာဟာ ဘယ်ကမီးလဲဆိုရင် ၀ါးထဲကပဲ ထွက်တဲ့ မီးလို့ဆိုရမယ်။ မီးဟာ အရင် ရှိနှင့်တာလားဆိုရင်လဲ မဟုတ်ဘူး၊ ပွတ်ဆဲရှိတာလားဆိုရင်လဲ မဟုတ်ဘူး၊ ရှိလတံ့လားဆိုရင်လဲ မဟုတ်ဘူး။ ဒီအတိုင်းပဲ နိဗ္ဗာန်ဟာ ကာလသုံးပါးမှ လွတ်တယ်၊ ဘယ်ကာလမှာမှ မရှိဘူး။ နိဗ္ဗာန်ဟာ မရှိဘူးလားဆိုရင် အနိစ္စ ဒုက္ခ အနတ္တ ဒီတရားသုံးပါးနဲ့ ၀ိပဿနာဉာဏ်နဲ့ ပွတ်ပေးလိုက်ရင် ၀ါးနှစ်လုံးပွတ်တော့ မီးထွက်သလို နိဗ္ဗာန် ထွက်လာတယ်တဲ့။


ဒါဖြင့် ဘယ်ကာလမှာ ရှိသလဲဆိုရင် ဘယ်ကာလမှာမှ မရှိဘူး။ ပွတ်တဲ့ပုဂ္ဂိုလ်မှာတော့ ရှိတယ်။ ၀ိပဿနာအလုပ် လုပ်တဲ့ ပုဂ္ဂိုလ်မှာ နိဗ္ဗာန်ရှိတယ်၊ မလုပ်တဲ့ပုဂ္ဂိုလ်မှာ မရှိဘူးလို့ မှတ်လိုက်ပါ။ 
ဒီအတိုင်းပဲ ခန္ဓာရဲ့ ဖြစ်ပျက်နဲ့ ကိုယ့်ဉာဏ် မဂ်နဲ့ ကြပ်ကြပ်ပွတ်ပေးပါ။ ဝေဒနာက္ခန္ဓာဖြစ်ဖြစ်၊ ၀ိညာဏက္ခန္ဓာဖြစ်ဖြစ် ဉာဏ်နဲ့သာ ပွတ်ပေး။ အနိစ္စဉာဏ်နဲ့ ပွတ်ပေး၊ ဒုက္ခဉာဏ်နဲ့ပွတ်ပေး၊ အနတ္တဉာဏ်နဲ့ ပွတ်ပေး။ ဒီလိုပွတ်ပေးလိုက်ရင် မီးနဲ့ တူတဲ့နိဗ္ဗာန်ဟာ အနိစ္စအဆုံးမှာ နိစ္စနိဗ္ဗာန်၊ ဒုက္ခအဆုံးမှာ သုခနိဗ္ဗာန်၊ အနတ္တအဆုံးမှာ အတ္တနိဗ္ဗာန်ဆိုတာ ပေါ်လာမှာပဲတဲ့။


ဝါးနှစ်လုံးပွတ်ရာမှာ မပွတ်ခင်က ဘယ်ဝါးမှာမှ မီးရှိနေတာမဟုတ်ပါဘူး၊ ပွတ်တိုက်ခြင်း လုံ့လပယောဂကြောင့်သာလျှင် မီးထွက်လာရသလို ခန္ဓာကို အနိစ္စတရားနဲ့ ရှု၊ မဂ္ဂတရားနဲ့ ပွတ်တိုက်ပေးလိုက်ပါ။ နိဗ္ဗာန်ပေါ်လာပါလိမ့်မယ်။ 


ဒါဖြင့် နိဗ္ဗာန်ဟာ အားထုတ်တဲ့ပုဂ္ဂိုလ်မှာ ရထိုက်တယ်၊ အားမထုတ်တဲ့ပုဂ္ဂိုလ်မှာ မရထိုက်ဘူး။
နိဗ္ဗာန်မရှိဘူးလားမေးရင်တော့ ရှိတယ်။ ဘယ်လိုနည်းနဲ့ နိဗ္ဗာန်ပေါ်လာအောင် လုပ်ရပါလိမ့်မလဲဆိုရင်တော့ ခန္ဓာနဲ့ ဉာဏ်နဲ့ တိုက်ပေးရမယ်။ ဖြစ်ပျက်နဲ့ မဂ် တိုက်ပေးရမယ်။ မနောထဲက ဉာဏ်နဲ့ ခန္ဓာနဲ့ တိုက်ပေးရမယ်။ ၀စီကံနဲ့ ဆုတောင်းတာဟာဖြင့် ဝေးသောအကြောင်းသာ ဖြစ်ပါလိမ့်မယ်။ မနောကံနဲ့ ပွတ်တိုက်ပေးလိုက်ရင်တော့ အင်မတန်နီးသောအကြောင်းဖြစ်လို့ အားစိုက်လိုက်ရင် မီးပွင့်လာတာပဲ။


ဒါဖြင့် နိဗ္ဗာန်ဟာ လူတိုင်းမှာ ရှိသလားဆိုရင်လဲ မရှိပါဘူး။ အနိစ္စနဲ့ မဂ္ဂ တိုက်နေတဲ့ ပုဂ္ဂိုလ်မှာတော့ ရှိတယ်။ မတိုက်တဲ့ပုဂ္ဂိုလ်မှာတော့ မရှိဘူး။ နိဗ္ဗာန်ဟာ ခန္ဓာနဲ့ ဉာဏ်နဲ့ တိုက်ယူရပါတယ်။ ခန္ဓာက ဖြစ်ပျက်၊ ဉာဏ်က မဂ် မကွဲစေနဲ့။ ခန္ဓာဖြစ်ပျက် ဉာဏ်မဂ်နဲ့ မခွဲကြလို့ရှိရင်ဖြင့် ခန္ဓာဖြစ်ပျက်လဲ ဆုံးပါရော မီးပွင့်တာအမှန်ပါပဲ။
ဝါးနှစ်လုံးပွတ်တိုက်လိုက်တော့ ပွတ်ဖန်များသဖြင့် မီးထွက်ရသလို အနိစ္စနဲ့ မဂ္ဂ ကြပ်ကြပ်တိုက်ပေးပါ။ အနိစ္စနဲ့ မဂ္ဂ မတိုက်ရင် ကိလေသာရှိနေလို့ မီးနဲ့ တူတဲ့နိဗ္ဗာန်က ထွက်မလာဘူး။


တိုက်ဖန်များတော့ ကိလေသာက ပါးပါး ပါးပါး သွားလို့ ကိလေသာဝေးတဲ့အချိန် နိဗ္ဗာန်တည်းဟူသောမီးဟာ ထွက်လာရတယ်။ ဘာကြောင့် နိဗ္ဗာန်မထွက်တာလဲဆိုရင်တော့ ကိလေသာမဝေးသေး ပွတ်တိုက်မှုနှေးသေးလို့ပဲ။


ဒါကြောင့် အနိစ္စနဲ့ မဂ္ဂ မတိုက်ရင် ရကို မရဘူးလို့သာ မှတ်လိုက်ပါ။ ဘာကြောင့်လဲဆိုရင် ကိလေသာကို မဂ်ကမှ ဖြတ်နိုင်တာ။ ရှေ့က အနိစ္စ၊ မြင်တာက မဂ္ဂ။ မဂ်ဝင်တော့ ပဋိစ္စသမုပ္ပါဒ် ရှေ့ဆက်လို့မရတော့ဘူး။ ရှုစရာသာပေါ်လာလို့ ရှုပ်ထွေးတဲ့ ကိလေသာ လာခွင့်မရတော့ဘဲ ဝေးသွားတယ်။ ကိလေသာဝေးတဲ့အခါ ဖြစ်ပျက်အဆုံးမှာ တိုက်ဖန်များတော့ မီးထွက်လာရသလို နိဗ္ဗာန်ဟာ ပေါ်ထွက်လာတာပဲတဲ့။
ကြပ်ကြပ်သာ ရှုလို့ရှိရင် ကိလေသာဝေးပြီး နိဗ္ဗာန်ကြီးဟာ ပေါ်ထွက်လာရမယ်လို့ ယုံကြည်ထားလိုက်ပါ။


ကျမ်းကိုး
ဦးကံညွန့်၏ နိဗ္ဗာန်အကြောင်း သိမှတ်ဘွယ်ရာ(၂၀၀၀-ပြည့်နှစ်၊ ဇူလိုင်လ)
လယ်တီဆရာတော် ကမ္မဋ္ဌာန်းကျမ်း။ 
နှင့်
By ashintayzaniya (အရှင်တေဇနိယ အုတ်ဖို)


စိတ်၏ စေရာ

မဟာသောတာပန် အကြောင်း တစေ့တစောင်း

Image may contain: one or more people, sky, outdoor and nature



မဟာသောတာပန် အကြောင်း တစေ့တစောင်း 
****************************

"မဂ်" လေးပါးရှိတဲ့ အနက် ပထမဦးဆုံး မဂ် ကျရင် သောတာပန် ဖြစ်ပြီဆိုတာတော့ ..ဓမ္မမိတ်ဆွေတို့  သိပြီးသားဖြစ်ကြမှာပါ။

"မဂ် မသိ၊ ဖိုလ် နဲ့ ညှိ " ဆိုတဲ့ စကားရပ်အတိုင်း ...အစပျိုးရရင်တော့
မဂ် က"အသေ၊ ဖိုလ် က "အရှင်" ပေါ့။ 

"မဂ်"လေးပါး မှာ ဆိုင်ရာလေးပါး ကျပြီးရင် "မဂ်"က ဆက်ပြီး၊ မဖြစ်ပေါ်တော့တဲ့အတွက်ကြောင့် "သေလေးပါး"လို့ သတ်မှတ်တာပါ။

ဖိုလ်လေးပါးမှာ သူနဲ့ ဆိုင်ရာ ဖိုလ်ကို အကြိမ်ကြိမ်ဝင်စားနိုင်တဲ့ အတွက်ကြောင့် "ရှင်လေးပါး"ဟု ခေါ်ဆိုတာဖြစ်ပါတယ်။

" သောတာပန်"အတွက်ဆိုရင် "မဂ်"ဟာ တစ်ကြိမ်သာဖြစ်ခဲ့ပြီး "ဖိုလ်ဥာဏ်"သည် အကြိမ်ကြိမ်ပြန်ဝင်စားရရှိနိုင်ပါတယ်။

ဝိပသနာဥာဏ်စဉ် အဆင့်ဆင့်တက်ပြီး သောတာပန်ဆိုင်ရာ "မဂ်" ဟာ တစ်ကြိမ်သာကျပြီး ဖိုလ်ဇော သည် နှစ်ကြိမ်၊ တချို့သုံးကြိမ်ကျပြီး ပြန်လည်ဆင်ခြင်တဲ့ ဥာဏ်ဖြစ်ပေါ်ပြီး တော့ ပထမအဆင့် အောင်မြင်တယ်လို့ ခေါ်ပါတယ်။ အရှင်းဆုံးပြောရရင် "သောတာပန်" ဖြစ်တယ်ပေါ့။ 


ဓမ္မမိတ်ဆွေတို့ ဟာ မိမိဟာ သောတာပတ္တိမဂ်ကျ၊ မကျသိချင်ရင်တော့ ..
"ဖိုလ်ဥာဏ်"ဆိုတာ ဟာ ဆိုင်ရာ"မဂ်ဥာဏ်"အတွက် အကြိမ်ကြိမ် ပြန်လည်ဝင်စားရရှိနိုင်တဲ့ အတွက်ကြောင့်.."ဖိုလ်"ဝင်စားကြည့်လို့ ရနိုင်ရင်တော့ "သောတာပန်" ဖြစ်ပြီလို့ သေချာပေါက်ပြောနိုင်ပါတယ်။

ဒီတော့" ဖိုလ် "စိတ်မျိုး ဖြစ်အောင် ဖိုလ်ဝင်စားတော့မယ်ဆိုရင်...

အရင်ဆုံးတစ်ခုရှင်းပြပါရစေ...

"ဉာဏ်စဉ် (၁၆)ပါး" ဆိုတာရှိပါတယ်။အရင် စာမျက်နှာတွေမှာလည်း ဖေါ်ပြခဲ့ဘူးပါတယ်။ဒီနေရာမှာတော့ ဒီ( ၁၆ ) ပါးလုံးကို မဖေါ်ပြတော့ပါဘူး။

ဝိပဿနာရှုတဲ့အခါ သာမာန်ပုထုဇဉ်တွေအနေနဲ့  စပြီးအားထုတ်တော့မယ်ဆိုရင်ဉာဏ်စဉ် (၁၆)ပါး မှာရှိတဲ့ "နာမရူပ ပရိစ္ဆေဒ ဉာဏ်" မှ စပြီး ဖြစ်ပေါ်ပါတယ်။

"နာမရူပ ပရိစ္ဆေဒ ဉာဏ်" ဆိုတာ ဘာလည်း ဆိုတော့..
"ရုပ် နာမ် ခွဲခြားသိတဲ့ဉာဏ်"..ဖြစ်ပါတယ်။ တရားအားထုတ်ရင်း ရှုဖန်များလာရင်.. ဒါကတော့"ရုပ်"၊ ဒါကတော့ "နာမ်"လို့ပိုင်းခြားသိလာတော့...

"နာမရူပပရိစ္ဆေဒဉာဏ်"ဆိုတာရလာပါတယ်။ ဒါ ပုထုဇဉ် မှာ စဖြစ်တဲ့ ပထမဆုံး ဉာဏ်စဉ်ပါ။


သောတာပန် ဖြစ်ပြီးသား အရိယာ ကတော့ " ဥဒယဗ္ဗယဉာဏ်" လို့ ခေါ်တဲ့...
ရုပ်နာမ် အဖြစ်အပျက်တို့ကို သိမြင်တဲ့ ဉာဏ် ကစပြီး ဖြစ်ပေါ်ပါတယ်။ ( မဟာစည်ဆရာတော်ဘုရား ၏ "ဝိပဿနာ ရှုနည်းကျမ်း အကျဉ်းချုပ်" ဒုတိယတွဲစာမျက်နှာ ၄၃ မှာလည်း ပြဌာန်းထားပါတယ် )


ဓမ္မမိတ်ဆွေတို့  အဲဒီလို ရှုမှတ်နေတဲ့ အစ မှာ အဖြစ်အပျက် နှစ်ပါးလုံးကို သိလျက် " ဥဒယဗ္ဗယဉာဏ်" ဖြစ်ပေါ်နေပြီးတော့..သူ့ ဉာဏ်စဉ် အတိုင်း တိုးတက်၊တိုးတက် လာပြီးမကြာမီ အချိန်တစ်ခုမှာ အနူးညံ့ဆုံး၊ အသိမ်မွေ့ ဆုံး၊ အကောင်းဆုံး မှတ်သိမှုဖြစ်တဲ့ " သင်္ခါရုပေက္ခာဉာဏ်"သို့  ရောက်ရှိသွားပါလိမ့်မယ်။ ရုပ်၊ နာမ် ဓမ္မသင်္ခါရ တွေကို မချစ်မမုန်းဘဲ လျစ်လျူရှုတတ်တဲ့....

"သင်္ခါရုပက္ခောဉာဏ်"ပေါ်လာပါတယ်။

တစ်ကယ်တန်း မဂ်ဖိုလ် သို့ ရောက်ပြီးသောသူရဲ့ စိတ်ထားဟာ အရင်တုန်းက စိတ်ထားနဲ့ မတူဘဲ ထူးခြားလာတာ ကိုယ့်ဖာသာကိုယ်သိသာပါတယ်။

ဥပမာ...

ဘဝအသစ်တစ်ခု ပြောင်းလဲ လာသလို ထင်ရတတ်ပါတယ်။ ယုံကြည်မှု ၊ကြည်ညိုမှု ၊ကြည်လင်မှု သဒ္ဓါ တွေဟာ အလွန် ထက်သန်စွာဖြစ်တတ်ပါတယ်။ အဲဒီ သဒ္ဓါ အဟုန်ကြောင့် ပီတိ ၊ပဿဒ္ဓိ တို့ လည်းလွန်ကဲစွာ ဖြစ်နေတတ်ပါတယ်။ ဝမ်းသာမှု သုခ ဟာ လည်း အလိုလိုပင် ဖြစ်ပေါ်လာတတ်ပါတယ်။ ဒီ သဒ္ဓါ၊ ပီတိ ၊ပဿဒ္ဓိ ၊သုခ တို့ က လှိုက်လှိုက်လှဲလှဲ ပြင်းပြင်းထန်ထန် ဖြစ်နေတဲ့ အတွက်ကြောင့် မဂ်ဖိုလ်သို့  ရောက်ပြီးခါစ မှာ ရှုမှတ် ပေမယ့်လည်း ပိုင်းပိုင်းခြားခြား မသိနိုင်သေးတာလည်း ရှိတတ်ပါတယ်။


ဒါပေမယ့် နာရီပိုင်းဖြစ်စေ၊ ရက်ပိုင်း ဖြစ်စေ ကြာလွန်တဲ့ အခါမှာ အဲဒီ သဒ္ဓါ တို့ ဟာ အားနည်းသွားပါလိမ့်မယ်။ အဲဒီအခါမှာ ပိုင်းပိုင်းခြားခြား သိနိုင်ပြီးတော့ အမှတ်ကောင်းသွားပါလိမ့်မယ်။ တချို့ ပုဂ္ဂိုလ်တွေ ဟာ မဂ်ဖိုလ် သို့ ရောက်ပြီးခါစမှာ ဘယ်လို ဖြစ်လည်းဆိုတော့..


ဝန်ပေါ့သွားသလိုမျိုး ၊မမှတ်ချင်တော့သလို၊ အားရသွားသလိုမျိုး အဲဒီလိုစိတ်တွေ ဖြစ်တတ်ပါတယ်။အဲဒီလိုဖြစ်တဲ့ သောတာပန် က နဂိုကတည်းကမိမိဟာ "သောတာန်ပန်"ဖြစ်ရင်တော်ပြီ၊ "သောတာပတ္တိမဂ်ဖိုလ် " လောက်ကိုဘဲ ရည်မှန်းခဲ့တဲ့ အတွက်ကြောင့် ရောင့်ရဲမှုသာ ဖြစ်တယ် လို့  ယူဆ ရပါတယ်လို့ ..မဟာစည်ဆရာတော်ဘုရား ကြီး က ရေးသားဖေါ်ပြထားပါတယ်။


အဲဒီလို ဉာဏ်အား ပြည့်တဲ့အခါမှာ "သင်္ခါရငြိမ်းတဲ့ နိဗ္ဗာန်အာရုံ " ကို အယင် ကလိုပင် ကူးပြောင်းပြီး..
"ဖိုလ်စိတ်"အစဉ်ဖြစ်ပေါ်နေပါလိမ့်မယ်။


ဒီ "ဖိုလ်စိတ်"ဟာ "အရင်တုန်းက လို အချိန်ကို မပိုင်းခြားတော့ဘဲ တစ်ချို့ ဖိုလ်ဝင်စားသူတွေမှာ..
" တစ်ခါတစ်လေ ခဏလေးသာဖြစ်တတ်ပါတယ်။တစ်ခါတစ်လေ..၅မိနစ်လောက်၊ ၁၀မိနစ် ၊၁၅မိနစ်၊ နာရီဝက်၊ တနာရီ လောက် စသည်ဖြင့် အချိန် ကြာမြင့်စွာလည်း ဖြစ်တတ်ပါတယ်။


"အဋ္ဌကထာ" ထဲမှာတော့..တစ်နေ့ လုံး၊တစ်ညလုံး သော်လည်း ဖြစ်တတ်တယ်လို့ ဆိုပါတယ်။တကယ်လို့ အချိန်ကာလပိုင်းခြားပြီး အဓိဋ္ဌာန်ထားတဲ့ ကာလပတ်လုံး လည်း ဖြစ်တတ်သည် ဟု မိန့် ဆိုထားပါတယ်။အခုမျက်မှောက်ကာလမှာလည်း သမာဓိ၊ ဝိပဿနာ ထက်သန်တဲ့ သူတွေမှာတော့ ၁နာရီ ၊၂နာရီ ၊၃နာရီ စသည်ဖြင့် ပိုင်းခြားထားသည့်အတိုင်း ကြာမြင့်စွာ "ဖိုလ်"တည်တံ့နေသည်ကို တွေ့ ကြရပါတယ်။

ထားပါတော့...

"ဖျက်လိုမှဘဲ ပျက်ပါစေ" ဆိုတဲ့ အဓိဌာန် နဲ့ အရင်ကတည်းက ပိုင်းခြားထားရင်လည်း အလိုမရှိတဲ့ အခါကျမှသာ ကောင်းစွာ ထပါတယ်။ဒါပေမယ့် တနာရီ ၊နှစ်နာရီ ကြာတဲ့ ပုဂ္ဂိုလ် အဖို့ ဆင်ခြင်တဲ့ စိတ်တွေလည်း ဖြစ်တတ်ပါသေးတယ်။ ဒါပေမယ်...အဲဒီစိတ်တွေ ကို ၄-ချက်၊ ၅-ချက် လောက် မှတ်လိုက်ရင်တော့ "ဖိုလ်" ကို တဖန်ရောက်သွားပြန်ပါတယ်။ အဲဒီနည်း နဲ့ လည်းပဲ အားရသည့်တိုင်အောင် နာရီပေါင်းများစွာ တည်တံ့နေတာကိုလည်း တွေ့ ကြရပါတယ်။အဲဒီ " ဖိုလ် "စိတ်တွေ ဖြစ်နေတဲ့ အခိုက် မှာ "သင်္ခါရ" အလုံးစုံချုပ်ငြိမ်းသော နိဗ္ဗာန်အာရုံ မှာဘဲ စိတ် ဟာ တည်တံ့လျက်ရှိနေပါတယ်။


နိဗ္ဗာန်အာရုံ ကလွဲပြီး တစ်ခြားအာရုံကို မသိပါဘူး။ နိဗ္ဗာန် ဆိုတာကလည်း ဒီလောက၊ တစ်ပါးသော လောကတို့ နဲ့ ဆိုင်တဲ့ ရုပ်နာမ် သင်္ခါရ တရား၊ ပညတ်တရား တို့ မှ အလွတ် သီးခြားသဘောတရား ဖြစ်ပါပေတယ်။ ဒါ့ကြောင့်မို့ ဖိုလ် ဝင်စားနေတဲ့ အချိန်မှာ မိမိခန္ဓာကိုယ်ဟာ ဒီလောက တစ်ပါးသော လောကတို့ ရဲ့ အကြောင်းကို ဘာမျှ သတိမရပါဘူး၊ သိလည်းမသိပါဘူး၊ ကြံစည် စဉ်းစားမှု တွေဟာလည်းလုံးဝ ကင်းစင်နေပါတယ်။မြင်စရာ၊ ကြားစရာ၊ ထိစရာ ၊ နံစရာ အာရုံတွေ ထင်ထင်ရှားရှားရှိနေပေမယ့်လည်း ဘာကိုမျှ မသိတော့ပါဘူး။


"အပ္ပနာဇဝနံ ဣရိယာပထမ္ပိ သန္နာ မေတိ" ဟု ဆိုတာ နဲ့  အညီ ဣရိယာပုထ် လည်း ခိုင်ခံ့နေပါတယ်။ ထိုင်ပြီး ဝင်စားနေရင် ထိုင်တဲ့ ကိုယ်အမူအရာဟာ မူလက အတိုင်းဘဲ တည်တံ့လျက်ရှိနေပါတယ်။ ယိမ်းယိုင်ခြင်း၊ ညွတ်ကျခြင်း၊ ယွင်းပျက်ခြင်း မရှိပါဘူး။ ဖိုလ် စိတ် အစဉ်ပြတ်သွားသောအခါမှာ သင်္ခါရငြိမ်းတဲ့ သဘော၊ အဲဒီ ငြိမ်းရာကို ရောက်နေတဲ့ သဘောတွေကို ဆင်ခြင်မှုဖြစ်စေ၊ ပုံသဏ္ဌာန် စတဲ့ အာရုံတစ်မျိုးမျိုးကို တွေ့ မြင်မှုဖြစ်စေ၊ ရှေးဦးစွာ ထင်ရှားဖြစ်တတ်ပါတယ်။


အဲဒီနောက် မှတ်မြဲ မှတ်ခြင်း၊ ကြည်လင်ခြင်း၊ ဆင်ခြင်ခြင်း စတဲ့ စိတ်တို့ ဟာ ထိုက်သည့်အားလျော်စွာ ဖြစ်ကုန်ကြပါတယ်။ မှတ်နေတာကို ဆက်မှတ်နေပေမယ့်လည်း အစ မှာ ပီသ ကြမ်းတမ်းတဲ့ အဖြစ်အပျက် ကို သိပြီး ခပ်ကျဲကျဲသာ ဖြစ်တတ်ပေမယ့် ဝိပဿနာ အထူးအားကောင်းလာတဲ့ အခါ "ဖိုလ်" မှ ထခါစ မှာ လည်း အမှတ်မကျဲဘဲ ကောင်းမြဲပင်၊ သိမ်သိမ်မွေ့ မွေ့ နဲ့ ကောင်းနေတာလည်းရှိနေသေးပါတယ်။


အဓိကအချက်က "ဖိုလ်"ကို မြန်မြန်ရောက်ရန်၊ ဖိုလ်ဝင်စားမှု ကြာကြာတည်တံ့ဖို့ အတွက် ၊ ဆောက်တည်မှုကို အားမထုတ်ခင်ကတည်းက ကြိုတင်ပြီး ပြုလုပ်ဖို့ လို ပါတယ်။ မှတ်နေတဲ့ အချိန်ကျမှ ဆောက်တည်မှုအတွက် ကြောင့်ကြမှု၊ တောင့်တမှုကို မပြုအပ်ပါဘူး။ ဝိပဿနာ အားမပြည့်သေးဘူး ဆိုရင်တော့ အမှတ် အထူးကောင်းနေတဲ့ အချိန်မှာ ကြက်သီးထ တာတို့ ၊ သမ်း တာတို့ ၊ ခန္ဓာကိုယ်တုန်လှုပ်တာတို့ ၊ ရှိုက်တာ တို့ တွေ ဖြစ်ပြီးတော့ အမှတ်ကျဲသွား သည်လည်း ရှိတတ်ပါသေးတယ်။


မှတ်နေရင်း မှတ်နေရင်း အထူးကောင်းလာတဲ့ အချိန် မှာ "ရောက်တော့ မှာဘဲ" လို့ ဆင်ခြင်မိတဲ့အတွက် အမှတ်ကျဲသွားသည်လည်း ရှိပါသေးတယ်။ဓမ္မမိတ်ဆွေတို့  မဆင်ခြင်မိစေကြစေဖို့  အထူးဂရုပြုသင့်ပါတယ် ။
အကယ်၍ပေါ့လေ ဓမ္မမိတ်ဆွေ အနေနဲ့ ဆင်ခြင်မိရင်၊တွေးမိလိုက်ရင်တောအဲဒီ "ဆင်ခြင်မှု" "တွေးတောမှု"ကို မိမိရရ မှတ်ပါလို့ တိုက်တွန်းပါတယ် ။


အဲဒီလို ကျဲကျဲသွားတာကို အကြိမ်များစွာ မကြာခဏ တွေ့ ရပြီး မှ "ဖိုလ်" ကို ရောက်တဲ့သူလည်းရှိတတ်ပါတယ်။ သမာဓိ ဉာဏ်အားနည်း နေရင်တော့ သောတာပန် ပုဂ္ဂိုလ်ဟာ ဖိုလ် သို့ မြန်မြန်မရောက်တတ်ပါဘူး၊ ရောက်ရင်လည်း ကြာကြာမတည်တံ့ တတ်ပါဘူး။ ဒါကတော့ "ဖိုလ်"ဝင်စားတဲ့ ပုံစံဖြစ်ပါတယ်။အဲဒီလို "ဖိုလ်" ဝင်စားနိုင်ပြီဆိုရင်တော့ သေချာပေါက် "သောတာပန်" ဖြစ်တယ် လို့ ပြောနိုင်ပါတယ်။ 

ဘယ်လိုဘဲ ဖြစ်စေ..

ဓမ္မမိတ်ဆွေ ကိလေသာ ကို သတ်တယ် ဆိုတာ"မဂ်"၊ ရုပ်ဓာတ်၊နာမ်ဓာတ် ချုပ်ပြတ်ခြင်းကား အချက် လို့ ဆိုတဲ့အတိုင်း၊ ဒါမှမဟုတ် သင်္ခါရုပေက္ခာဉာဏ် အင်အားမပြည့်ဝသေးမှီ၊ ဗိုလ်ငါးပါး အင်အားမမျှ၊ ရင့်ကျက်မှုကာလသို့ မရောက်သေးမှီ၊ "မဂ်သဘာဝ"၏ ချုပ်ပြတ်ပုံမျိုး လို "မဂ်အတု" များလည်း သေချာပေါက် ပေါ်ပေါက်ကြပါသေးတယ်။


လေ့လာထားရသလောက်မျှဝေရရင်....

၁။ ချမ်းသာဆင်းရဲတို့အပေါ် ဥပေက္ခာအပြု လွန်ရာမှ တစ်ချက်စာမျှ လစ်လပ်သွားခြင်း၊

၂။ ကြောင့်ကြပူပန်ခြင်းကင်းနေတဲ့ စိတ်ဖြူစင်မှုအပေါ် နှစ်သက်နေခြင်းကြောင့်လည်း တစ်မှတ်စာမျှ လစ်လပ်သွားခြင်း၊

၃။ကြောင့်ကြပူပန်ခြင်းကင်း စိတ်ငြိမ်းအေးနေခြင်းအပေါ် ငြိနေခြင်းကြောင့်လည်း တစ်မှတ်စာမျှ လစ်လပ်သွားတတ်ခြင်း၊

၎။ ဝီရိယထား၊ သမာဓိအား နှင့် မလိုက်ဖက်ရာမှလည်း စိတ်ပျံ့ထွက်သွားပြီး တစ်မှတ်စာလောက် လစ်လပ်သွားတတ်ခြင်း၊

၅။ အမြင်ကလည်းမတိုး၊ ရိုးအီပျင်းရိလာပြီးတော့ အားထုတ်ရတဲ့ ဆန္ဒအားတွေ ယုတ်လျော့ နိမ့်ပါးသွားပြီး ငိုက်မြည်းမှုအရာဖြင့် တစ်မှတ်စာမျှ လစ်လပ်သွားတတ်ခြင်း၊

၆။ နုလွန်သောအတွေ့ မှာ အသိက မလိုက်နိုင်တော့တဲ့ အတွက်ကြောင့် ထိုင်းမှိုင်းပျင်းရိလာတော့ကာ တစ်မှတ်စာမျှ လစ်လပ် သွားတတ်ခြင်းများပင်ဖြစ်ပါတယ်။

တကယ်တော့ အဲဒီခြောက်မျိုးဟာ သမာဓိလွန်ကဲ ဉာဏ်အားနည်းရာမှ ဖြစ်တဲ့ မသိပြတ်မျိုးချည်းဘဲ ဖြစ်ကြပါတယ်။ 

မဂ်အစစ်ကား …
မဂ် ကျတာ နဲ့  တစ်ပြိုင်နက် ထပ်ချပ်မကွာ "ဖိုလ်" လို့ ခေါ်တဲ့ ကိလေသာ သေဆုံးသွားမှု ရဲ့ အကျိုးထူးခံ ရလာဒ်အဖြစ် အအေးဓာတ် အငြိမ်းဓာတ်ကြီး ပေါ်ပေါက်ခံစားရခြင်းပင် ဖြစ်၏ ။ "ဖိုလ် နှင့် မဂ်" တစ်ဆက်တည်းသာ ဖြစ်ပါသည်။

မဂ်အတုတို့ကား …
မလစ်လပ်ခင် ကတည်းက အေးလည်းအေး၊မှေးလည်းမှေး အဖြစ်ဖြင့် ဥပေက္ခာ ကပေးသော သာမန် အအေး ထိုအခွင့်ရေးကြားမှ ပြတ်တောက်သွားခြင်းမျိုးများ ဖြစ်ကြပြီး ပြတ်တောက်ပြီး နောက်၌လည်း ထူးထူးခြားခြား အေးမလာတော့ပါဘူး။

တစ်ကယ်တော့"မဂ်" ဆိုတာ သူနဲ့ ဆိုင်ရာ ကိလေသာ ကို သတ်ဖြတ်ချလိုက်ခြင်း၊" ဖိုလ်" ဆိုသည်မှာ ရန်ကင်းသဖြင့် အေးချမ်းခြင်း၊ သို့ကြောင့် "မဂ် နှင့် ဖိုလ်" တို့ဟာအကြောင်းခံ နဲ့  အကျိုးဆက် ခွဲဖျက် မရစကောင်းသော အတွဲများသာ ဖြစ်ကြသောကြောင့်....
စာရေးသူမိမိရဲ့ သဘောထားကို ပြောရရင်... "မဂ်အစစ်" ဟုတ်မဟုတ် မည်သူ့ကိုမျှ မေးကြည့်စရာ မလိုဘူးလို့ ထင်ပါတယ်။

အတုအစစ် "ခွဲခြားနည်း" မည်သူ့ထံမှလည်း နည်းခံနေစရာ လိုမယ်လည်း မထင်ပါဘူး။ "မဂ်မသိ ဖိုလ် နဲ့ ညှိ " စကားပမာ ချုပ်ပြတ်မှုသိတဲ့ အသိရဲ့ နောက်မှာ အငြိမ်းဓာတ် အအေးဓာတ်ကြီး လိုက်၊ မလိုက်ဖြင့် ချိန်ကိုက်သိနိုင်ကြောင်း ကိုသာ တင်ပြရင်း ဓမ္မဒါနပြုလိုက်ပါသည်။


( ခန္ဓာ-၅ပါးတစ်ဦး )
•••••••••••••••••••••••
ကိုးကား- မဟာစည်ဆရာတော်ဘုရားကြီး ၏ "ဝိပဿနာ ရှုနည်းကျမ်း အကျဉ်းချုပ်" ဒုတိယတွဲ အား ဖတ်ရှုယင်းစာမျက်နှာ ၄၃ မှ ကောက်နုတ်၍ လည်းကောင်း၊ (မဟာစည်နာယက၊အဂ္ဂမဟာကမ္မဋ္ဌာနာစရိယ၊အရှင်ကုဏ္ဍလာဘိဝံသ-သဒ္ဓမ္မရံသီရိပ်သာဆရာတော်ဘုရားကြီ)"သောတာပန်" စာမျက်နှာမှလည်းကောင်း၊ ရွှေကျောင်းကုန်းဆရာတော် (မဟာဗောဓိမြိုင်ဆရာတော်) ဝနဝါသီဉေယျဓမ္မသာမိထေရ် ၏ ဓမ္မောဝါဒကထာ မှ ကောက်နှုတ် ပူဇော်ပါသည်။





12 Oct 2016

သီတဂူဆရာတော် ဒေါက်တာအရှင်ဥာဏိဿရ ဟောကြားတော်မူသော "ကေသမောတ္တိ" တရားတော်



သီတဂူဆရာတော် ဒေါက်တာအရှင်ဥာဏိဿရ  ဟောကြားတော်မူသော "ကေသမောတ္တိ" တရားတော်




စဉ်းစားတွေးခေါ်မိတဲ့ နေရာလေးကို ကောက်နှုတ်ထားခြင်းဖြစ်ပါတယ်..။


တရားတော်တစ်ပုဒ်လုံးကိုတော့ အောက်က Link ကို နှိပ်ပြီး ဒေါင်းယူနိုင်ပါတယ်..။




www.dhammadownload.com




သီတဂူဆရာတော် ဒေါက်တာ အရှင်ဥာဏိဿရ ဟောကြားတော်မူသော "ဘဝတန်ဖိုး"



သီတဂူဆရာတော်ကြီး ဟောကြားတော်မူသော "ဘဝတန်ဖိုး" တရားတော်




စဉ်းစားတွေးခေါ်မိတဲ့ နေရာလေးကို ကောက်နှုတ်ထားခြင်းဖြစ်ပါတယ်..။


တရားတော်တစ်ပုဒ်လုံးကိုတော့ အောက်က Link ကို နှိပ်ပြီးဒေါင်းယူနိုင်ပါတယ်..။



"ဘဝတန်ဖိုး"  တရားတော်



www.dhammadownload.com


6 Oct 2016

ကျေးဇူးရှင် လယ်တီဆရာတော်ဘုရားကြီး၏ ဆုံးမစာ



 ကျေးဇူးရှင် လယ်တီဆရာတော်ဘုရားကြီး၏ ဆုံးမစာ လင်္ကာကြီး
 

ဆိုပိန့်ဟုတ်ရာ …စဉ်းစားပါလော့ ၊ ခန္ဓာဘာရ ၊ ပဉ္စကကား ၊ ယုယခင်မင်၊ စိန်ရွှေဆင်၍ ၊ ပြုပြင်ပိုက်ထွေး ၊ နင်ကျွေးမွေးလည်း ၊ အရေးမရောက် ၊ သဲရေမှောက်သို့ ၊ နင့်နောက်မပါ ၊ နင်လိုရာကို ၊ ဘယ်ခါမလိုက် ၊ နင့်အကြိုက်နှင့် ၊ တိုက်ရိုက်ဖီလာ ၊ ဆန့်ကျင်ပါခဲ့ ။


ရုပ်ဝါနုနယ် ၊ ရှု့စဖွယ်နှင့် ၊ တင့်တယ်ရွှန်းစို ၊ နင်လှလိုလည်း ၊ အအိုစာရင်း ၊ သူကသွင်း၏ ။

ဘေးရန်ကင်းကွာ ၊ လွန်ချမ်းသာ၍ ၊ မနာရလို ၊ တောင်းဆုဆိုလည်း ၊ နင့်ကိုမညှာ ၊ ဘေးရောဂါနှင့် ၊ ခါခါမငဲ့ ၊ မိတ်ဆွေဖွဲ့၏ ။

နင့်နှင့်တူညီ ၊ ချစ်ကြိုးသီသား ၊ ပလီပလာ ၊ အပြစ်ကွာသည့် ၊ချစ်စွာမယား ၊ သမီးသားနှင့် ၊ စီးပွားဥစ္စာ ၊ ဘယ်ခါမကွဲ ၊အတူတွဲ၍ ၊ အမြဲပြုံးချို ၊ နေရလိုလည်း ၊ နင့်ကိုမထောက် ၊ နင့်နောက်မလိုက် ၊ အပူတိုက်၍ ၊ နင်ဟိုက်နင်ခွေ ၊ နင့်ကိုသေအောင် ၊ ကျားမွေခံတွင်း ၊ အစာသွင်းသို့ ၊ သေမင်းသူ့လက် ၊ ပဏ္ဏာဆက်၏ ။

လ-ရက်-နှစ်တွေ ၊ အသင်္ချေနှင့် ၊ လွန်လေဘဝ ၊ အနန္တက ၊ ဆုံးစမပိုင် ၊ ယခုတိုင်အောင် ၊ နိုင်နိုင်နင်းနင်း ၊ ဥာဏ်မသွင်း၍ ၊ သေမင်းသူလျှို ၊ ခန္ဓာကိုယ်ကို ၊ မငြိုငြင်ရက် ၊ စွဲလမ်းချက်ဖြင့် ၊ မြိုင်နက်စွန်ဖျား ၊ တောသစ်ကျားကို ၊ မယ်ဘွားမိခင် ၊ နွားငယ်ထင်သို့ ၊ အမြင်မဖြောင့် ၊ ဝိပလ်မှောင့်၍ ၊ တကြာင့်ကြကြ ၊ ပြုခဲ့လှပြီ ။

ဘုရားသာသနာ ၊ ခုအခါ၌ ၊ ပညာစက္ခု ၊ ဖန်ဖန်ရှု့လော့ ၊ ရတုဂိမှန် ၊ အချိန်တန်သော် ၊ သူရကန်ဝှေ့ ၊ အပူငွေ့ကြောင့် ၊ရေသွေ့ခန်းငြား ၊ အိုင်ပတ္တားဝယ် ၊ ကျက်စားနေကြ ၊ ငါးမစ္ဆတို့ ၊ ရေကလည်းနဲ ၊ သိန်းစွန်ဝဲ၍ ၊ ပျော်ပွဲမြူမျှ ၊ ရှာမရဘဲ ၊သေကြဖို့သာ ၊ နီးကပ်လာသို့ ၊ ငါသူကစ ၊ ရှိသမျှလည်း ၊ နေ့ညဥ့်မလပ် ၊ အစဉ်စပ်လျက် ၊ ဥပါဒ်-ဌီ-ဘင် ၊ မပြတ်နှင်လျက် ၊ ပျော်ရွှင်စရာ ၊ မရှိပါဘဲ ၊ဖျားနာကိုက်ခဲ ၊ ရောဂါစွဲ၍ ၊ သေပွဲသေတမ်း ၊ သေစခန်းနှင့် ၊ သေလမ်းသို့သာ ၊ နီးကပ်လာ၏ ။

ငါငါတက်ကြွ ၊ မာန်မာနနှင့် ၊ လောဘဒေါသာ ၊ အစဖြာသား ၊ ယုတ်မာစွာလှ ၊ အဓမ္မကို ၊ ဝေးကမလာ ၊ ကင်းရှင်းကွာအောင် ၊ ခါခါမပွား ၊ အပျင်းများမူ ၊ လေးပါးပယ်ရွာ ၊ နင့်အိမ်သာဟု ၊ စိတ်မှာစွဲကပ် ၊ သတိချပ်လော့ ။

လူ့ရပ်နတ်ရွာ ၊ ထက်ဗြဟ္မာနှင့် ၊ မဟာသုခ ၊ နိဗ္ဗာနသို့ ၊ ရှစ်ဝမဂ္ဂင် ၊ သဘောင်္ာယဉ်ဖြင့် ၊ ဆောလျင်ကပ်ခို ၊ ရောက်ရလိုမှု ၊ ထိုထိုပုည ၊ ကုသလကို ၊ နေ့ညမစဲ ၊လုံ့လသဲလော့ ။

ကြုံခဲလှစွာ ၊ သာသနာနှင့် ၊ နင့်မှာမရွေ့ ၊ ယခုတွေ့ပြီး ၊ မေ့မေ့မူးမူး ၊ နင်မရူးနှင့် ၊ ဆီဦးထောပတ် ၊ ရသာဓာတ်ကို ၊ အမြတ်တစ်ခု ၊ မှတ်မရှု့ဘဲ ၊ ရွာသူဝက်မိုက် ၊ မစင်ကြိုက်သို့ ၊ အမြိုက်တရား ၊ နင်ရှောင်ရှား၍ ၊ ငါးပါးအာရုံ ၊ မစင်ပုံကို ၊ စုံစုံမက်မက် ၊ မနှစ်သက်နှင့် ။

ထက်မြက်အဖျား ၊ သင်တုန်းသွားဝယ် ၊ပျားသဖွယ်ဟု ၊ ဥာဏ်ကျယ်သလောက် ၊ အပြစ်ကောက်၍ ၊ တောင်ချောက်မြိုင်ကြား ၊ သမင်များကို ၊ သစ်ကျားပုန်းအောင်း ၊
အရချောင်းသို့ ၊ တောင်ခေါင်းရိပ်မြှောင် ၊ သင်္ခမ်းချောင်ဝယ် ၊ တိမ်းရှောင်တစ်ကိုယ် ၊ တော-တော-ဆို၍ ၊ မဂ်ဖိုလ်မနှောင်း ၊ အရချောင်းမှ ၊ အပေါင်းဒုက္ခ ၊ ကင်းကွာရဟု ၊ ဗုဒ္ဓရွှေနှုတ် ၊ ကြာကမုခ်မှ ၊ လှစ်ထုတ်မြွက်ကြား ၊ မိန့်တော်ထားသည် ၊ နင့်ကားနင့်တွက် ၊ ကျင့်တော့တည်း ။ ။

 


လူကြီးများဖတ်ရန် ကလေးအတွေးများ



 လူကြီးများဖတ်ရန် ကလေးအတွေးများ

ကျွန်တော် ရဲ့ ချစ်သောသူငယ်ချင်းများ ခင်ဗျား
ကျွန်တော် သူငယ်ချင်းတို့ကို ပြောပြချင်နေသော စကားများရှိသော်လည်း ခု လတ်တလောအခြေအနေအရ ကိုယ်ကိုတိုင် ဘာကိုမှ ဟုတ်တိပါတ်တိ မရေးဖြစ် မရေးနိုင်ပါ။ အားသမျှသော အချိန်လေး တွင် ဘလော့များ ကို လိုက်ဖတ်နေရတာနှင့်တင် ရသောအချိန်လေး ကုန်ကုန်သွားပါသည်။ သိုရာတွင် တစ်ခုခု ပြောလိုသော အတွေး ပြင်းပြနေပါသဖြင့် အောက်ပါစာစုလေးအား သူငယ်ချင်းတစ်ယောက် အကူအညီတောင်း စာရိုက်ခိုင်းပြီး တင်မိပါသည်။ ခုတလော အဖြစ်ချင်ဆုံး ဆန္ဒ တဂ်ပိုစ့်များ လည်ဖတ်မိရင်း ပေါ်လာသော အတွေးတစ်စ ဖြစ်ပါသည်။ ကျွန်တော့်အတွေး ကလေးဆန်ကောင်း ဆန်နေပါလိမ့်မယ်။ ကိစ္စမရှိပါ ကျွန်တော် အခု တင်လိုက်သော စာစုသည်လည်း ဆရာ မင်းခိုက်စိုးစန် ၏ ကလေးအတွေး အက်ဆေး စာအုပ်ထဲမှ စာစုသာဖြစ်ပါသည်။


ကလေးအတွေး အက်ဆေး (၈)

(၁)

"ဟေ့...ချာတိတ်၊ ဒီလောက်မိုးရွာနေတာ...ဘာဖြစ်လို့ အိမ်ပြင်ထွက်ပြီး ရပ်နေရတာလဲ။ ကြည့်စမ်း... မင်းတစ်ကိုယ်လုံး ရွှဲရွှဲစိုနေပြီ"
"ကျွန်တော်...ပုန်းနေတာခင်ဗျ"
"ဟေ့...ဘာတွေပုန်းနေတာလဲ"
"မေမေက ရေချိုးပေးမယ်ဆိုလို့ ကြောက်လို့ ပုန်းနေတာ"

(၂)

ဒီအတွေးဟာ ကလေးတစ်ယောက်ရဲ့အတွေးဖြစ်တဲ့အတွက် တကယ့်ဖြစ်ရပ်နဲ့ သူရဲ့တွေးခေါ်ပုံ လွဲချော်နေတာကို ကြည့်ပြီး ကျွန်တော်တို့ ရယ်မောပစ်လို့ ရပါတယ်။
ကလေးငယ်ဟာ ရေချိုးရမှာကို ကြောက်တယ်။ အဲဒီလို သူကြောက်တဲ့အရာကို ရှောင်တိမ်းလိုက်တော့ရော လွတ်မြောက်သွားသလားဆိုတော့ မလွတ်မြောက်ပါဘူး။ မိုးရေထဲ ထွက်ပြီးရပ်နေတော့ တစ်ကိုယ်လုံး ရွှဲရွှဲစိုရပြန်တာပါပဲ။

ကျွန်တော်က အဲဒီစိတ်ကူးကလေးကို လူကြီးတစ်ယောက်ရဲ့ အတွေးအဖြစ် ပြောင်းလဲပြီးမြင်ကြည့်တယ်။ လူကြီးတွေရော ဘာထူးလို့လဲ။

ကျွန်တော်တို့ဟာ ဒုက္ခတစ်ခုခု၊ အကျပ်အတည်းတစ်ခုခုနဲ့ ရင်ဆိုင်ရမှာကို ကြောက်ကြတယ်။ ဖြစ်နိုင်ရင် ရင်မဆိုင်ချင်ဘူး။ ရှောင်တိမ်းပုန်းအောင်းချင်ကြတယ်။ အဲသည်လို ရှောင်တိမ်းလို့ရော ဒုက္ခကနေ လွတ်မြောက်သွားသလားဆိုတော့ မလွတ်မြောက်နိုင်ကြပါဘူး။ ပိုပြီးဆိုးဝါးတဲ့ အကျပ်အတည်းအောက်မှာ ရွှဲရွှဲစိုလျက်သား ဖြစ်သွားကြတာပါပဲ။

မာဂရက်ဘာခ့်ဝှိုက် ( Margaret Bourke White) ဆိုတဲ့ စာရေးဆရာမတစ်ယောက် ပြောခဲ့တဲ့ စကားတစ်ခွန်း ရှိပါတယ်။

"ကြောက်စိတ်နဲ့ တွေ့ရင် ရဲရဲရင်ဆိုင်၊ လုပ်သင့်လုပ်ထိုက်တာ တစ်ခုခုကို လုပ်။ အဲဒီလိုလုပ်လိုက်တဲ့ အလုပ်က မကြောက်အောင် ကယ်သွားလိမ့်မယ်" တဲ့။
အဲဒီစကားကို ကျွန်တော်သိပ်ကြိုက်ပါတယ်။ တစ်ကယ်ဆို ကျွန်တော်တို့ အလုပ်သင့်ဆုံးအလုပ်က အကျပ်အတည်းတွေ၊ ပြသာနာတွေ၊ ဒုက္ခတွေကို ရဲရဲရင်ဆိုင်ဖို့ပဲမဟုတ်လား။ ထွက်ပြေးနေဖို့ မဟုတ်ပါဘူး။
ထွက်ပြေးလိုက်ခါမှ ပြသာနာတွေ ပိုဆိုးရွားသွားတတ်ပါတယ်။ အမေရိကန်ပြဇာတ်လောကက နာမည်ကျော် ပြဇာတ်မင်းသမီးကြီး ဟယ်လင်ဟေး(စ်) Helen Hayes ရဲ့အကြောင်းကို တော်တော်လေး ကြားထားဖူးကြပြီးသား ဖြစ်မှာပါ။

သူမဟာ အသက်(၂၀) အရွယ်မှာ နာမည်ကြီးပြဇာတ်တစ်ပုဒ်မှာ ခေါင်းဆောင်မင်းသမီးအဖြစ် ပထမဦးဆုံး ကပြရတယ်။ ရုပ်ရည်ကလည်းလှ၊ ငယ်ငယ်ရွယ်ရွယ်နဲ့ ခေါင်းဆောင်မင်းသမီးကလည်း ဖြစ်ရပြန်ဆိုတော့ ဟယ်လင်က သူ့ကိုယ်သူ အကျေနပ်ကြီးကျေနပ် နေတာပေါ့။

သူ အစွမ်းကုန်ကြိုးစား သရုပ်ဆောင်တယ်။ သူ့စိတ်ကူးအိမ်မက်ထဲမှာတော့ သူ့ရဲ့အနာဂတ်ခရီးဟာ အရမ်းကို လှပချောမွေ့နေပြီပေါ့။ နာမည်ကြီးမယ်၊ ငွေသောက်သောက်လဲ ရမယ်... စသည်ဖြင့်ပေါ့။ သူ့မှာရှိရှိသမျှ အားအင်တွေ၊အစွမ်းသတ္တိတွေကို ညစ်ထုတ်ပြီး ကြိုးစားခဲ့တာပါ။
သူ့ပြဇာတ် ပထမညအပြီးမှာ အဝတ်လဲခန်းထဲကနေပြီးတော့ သူ့သရုပ်ဆောင်ချက်ကို ချီးကျူးဂုဏ်ပြုလာကြမယ့်သူတွေကို စောင့်မျှော်နေတယ်။

ဒါပေမယ့် သူတစ်ကယ်ရင်ဆိုင်လိုက်ရတာကတော့ မျှော်လင့်ထားတာနဲ့ ဆန့်ကျင်ဘက်။ အမျိုးမျိုး ရှုတ်ချကြတယ်။ ကဲ့ရဲ့ဝေဖန်ကြတယ်။
"ကိုယ် သရုပ်ဆောင်ရမယ့် Character ကို မပိုင်နိုင်ဘူး "
"သဘာဝ မကျဘူး"
"ကိုယ့်ကိုကိုယ် အလှပြတာ များလွန်းနေတယ်"...
စသည်ဖြင့်ပေါ့။

အဲဒီမှာ အဆိုးဆုံးဝေဖန်ချက်တစ်ခုကတော့
"ဒီလိုအရည်အချင်းမျိုးနဲ့ နာမည်ကျော် ပြဇာတ်မင်းသမီးကောင်း တစ်ယောက်ဖြစ်မလာနိုင်ဘူး"
ဟယ်လင်ဟာ အရမ်းကို တုန်လှုပ်သွားတယ်။ ရှက်လည်းရှက်သွားတယ်။ သူ့ကိုယ်သူ သေးသေးလေး ဖြစ်သွားသလို ခံစားလိုက်ရတာ။ ဇာတ်စင်ကို ကျောခိုင်းပြီး ပြဇာတ်လောကကို စွန့်ခွာထွက်ပြေးတော့မယ်လို့ ဆုံးဖြတ်လိုက်တယ်။ သူ အရှုံးပေးပြီလေ။ ထွက်ပြေးတော့မယ်။
ဒါပေမယ့် အဲဒီမှာ ဟယ်လင်ရဲ့အမေက အဖိုးထိုက်တန်တဲ့ စကားတစ်ခွန်းလက်ဆောင်ပေးခဲ့ပါတယ်။

"သမီး...လက်တွေ့အခြေအနေကို ရှောင်နေလို့မရဘူး"

ဟယ်လင်ဟာ သတ္တိမွေးပြီး ရဲရဲရင်ဆိုင်ဖို့ ဆုံးဖြတ်လိုက်တယ်။ အဲဒီမှာ သူ့ကိုဝေဖန်ချက်တွေဟာ အမှတ်တွေချည်းပဲလို့ လက်ခံလာနိုင်တယ်။ သူဟာ သရုပ်ဆောင်ပညာကို အစကနေ ပြန်လေ့လာသင်ယူပြီး ကြိုးစားတော့တာပါပဲ။ ဒုက္ခတွေကို ခါးစည်းခံပြီးလို့ (၄) နှစ်အကြာမှာ သူဟာ ကမ္ဘာကျော် ပြဇာတ်မင်းသမီး တကယ်ဖြစ်လာတော့တာပါပဲ။

(၃)

ကျွန်တော်တို့ရော ဒုက္ခကို ဘယ်လိုရင်ဆိုင်နေကြပါသလဲ။ ရှောင်ပြေးနေကြပါသလား။ ရဲရဲရင်ဆိုင်နေကြပါသလား။ ရှောင်ပြေးနေကြသေးတယ်ဆိုရင်တော့ "ကလေးအတွေး"ပဲရှိသေးတယ်လို့ ပြောရမလို ဖြစ်နေပါတယ်။


ဆရာမင်းစိုက်စိုးစန်ရဲ့ ကလေးအတွေး အက်ဆေး (၈) ပါ။
ကလေးအတွေး ကနေ လူကြီးတွေအတွက် တစ်စုံတစ်ရာအတွေး ရနိုင်ပါစေ။
 

ချစ်ခြင်းဖြင့်
ကြယ်သောကြာ


ကလေး၊ မိဘ နှင့် အနာဂတ်



ကလေး၊ မိဘ နှင့် အနာဂတ်

နားလည်မှုဆိုတဲ့စကားလုံးဟာ လူမှုဆက်ဆံရေးနယ်ပယ်တွေမှာ အင်မတန်မှကိုအရေးပါပါတယ်။ မိဘနဲ့သားသမီး ဆက်ဆံရေးမှာလည်း ဒီနားလည်မှုဆိုတဲ့စကားနဲ့ပတ်သက်ပြီး ပြောစရာတွေ ရှိနေပါတယ်။မိဘတိုင်း မိဘတိုင်းမှာသူတို့ရဲ့ သားသမီးတွေကို အကောင်းဆုံးထောက်ပံ့ပေးချင်တဲ့ စိတ်တွေရှိနေတယ်ဆိုတာသေချာပါတယ်။ စိတ်ရှိသလိုပဲ ... မိဘတွေဟာပေးဆပ်မှုတွေအထပ်ထပ်နဲ. သူတို.သားသမီးတွေရဲ့ဘ၀ကိုအစွမ်းကုန်မြှင့်တင်ပေးနိုင်ဖို့ကြိုးစားကြပါတယ်။ ဒါပေမယ့် ... လွဲချော်မှု တစ်ချို့တစ်ဝက်နဲ့အတူ ... မိဘတွေရဲ့အထောက်အပံ့တွေ၊ ပံ့ပိုးပေးမှုတွေဟာအရာမရောက် ဖြစ်သွားရတာမျိုးတွေရှိလာပါတယ်။ ဘာဖြစ်လို.ပါလဲ ... မိဘတွေအနေနဲ့ သူတိုရဲ. ကလေးတွေ ဘာကိုအမှန်တကယ်လိုအပ်နေတယ်ဆိုတာကို နားလည်သဘောမပေါက်လို့ပဲဖြစ်ပါတယ်။ စည်းစိမ်ဥစ္စာတွေ အလျှံအပယ်နဲ့ မိဘမေတ္တာငတ်နေကြရရှာတဲ့ကလေးငယ်တွေ၊ ခေတ်မီဆန်းသစ်တဲ့ ကစားစရာတွေ အပုံအပင်ရဲ့ အလယ်မှာ မိဘတွေရဲ့အိမ်ပြန်အလာကို စောင့်မျှော်နေကြရရှာတဲ့ကလေးငယ်တွေ၊ အိစက်ညက်ညောတဲ့ ဖဲမွေ့ယာကြီးပေါ်မှာ မိဘတွေပြောပြမယ့် အိပ်ရာဝင်ပုံပြင်တွေကို မျှော်လင့်နေကြရတဲ့ ကလေးငယ်တွေ ... လောကကြီးထဲမှာ ဒီလိုပုံရိပ်တွေကိုကျွန်တော်တို့တွေ့နေရခြင်းဟာ မိဘတွေနဲ့ သားသမီးတွေကြားက နားလည်မှုလွဲချော်ခြင်းတွေရဲ့ အကျိုးဆက်တွေပါပဲ။ ဖြည့်ဆည်းပေးမှုတွေ ဘယ်လောက်ပဲများများ ... အဲဒါတွေဟာလိုအပ်မှုတွေနဲ့ ထပ်တူကျမနေဘူးဆိုရင် ... ဒါတွေဟာဘာမှ အရာမရောက်တဲ့အပိုစာသားတွေပဲဖြစ်နေမှာပါ။

'Without understanding of their children's needs, parents can't effectively support their children'

အရွယ်ရောက်လာတဲ့ ကလေးငယ် တစ်ယောက်ရဲ့ စိတ်ဓါတ်ထဲမှာမဖြစ်မနေရှိနေသင့်တဲ့ စိတ်အခြေအနေတွေရှိပါတယ် ... အဲဒါတွေကတော့ ... ဇွဲ၊ လုံ့လ၊ ၀ီရိယ၊ ယုံကြည်မှု၊ ပူးပေါင်းဆောင်ရွက်လိုမှု၊ အကြင်နာတရား စတာတွေဖြစ်ပါတယ်။ ဒီလိုမျိုးစိတ်အခြေအနေတွေကို ကလေးတွေ ရရှိပိုင်ဆိုင်နိုင်ဖို့ ဆိုတာကလည်း မိဘတွေမှာအများ ကြီးတာဝန်ရှိပါတယ်။ ကလေးငယ်တွေကို အကျိုးအကြောင်းရှင်းပြပြီး ဆုံးမပဲ့ပြင်တာမျိုးမဟုတ်ပဲ ဆူပူအော်ငေါက်နေတာမျိုးတွေ၊ ကြိမ်းမောင်းရိုက်နှက် တာမျိုးတွေဟာ ကလေးငယ်တွေရဲ့စိတ်ထဲက အကြင်နာတရားတွေကိုလျော့ပါးလာစေပါတယ်။ နောက်ပြီး ... ကလေးငယ်တွေရဲ့ စိတ်ဆန္ဒတွေတိုင်းကို တားမြစ်နှိပ်ကွပ်နေခြင်းမျိုးကိုလည်း မိဘတွေအနေနဲ့ ရှောင်ကျဉ်ဖို့ လိုပါတယ်။ ဘာပဲပြောပြော၊ ဘာပဲတောင်းတောင်း လိုက်လျောခံရခြင်းမရှိတဲ့ ကလေးငယ်တစ်ယောက်ရဲ့ စိတ်ထဲမှာ မိမိကိုယ်ကိုယုံကြည်မှု လျော့နည်းလာတတ်ပါတယ်။ ကလေးငယ်တွေရဲ့ တောင်းဆိုမှုဟာ အမှန်တကယ်လိုက်လျှောဖြည့်ဆည်း ပေးဖို့မသင့်တဲ့အရာမျိုးဖြစ်နေရင်လဲ ကလေးတွေရဲ့ စိတ်ကိုထိခိုက်မှုမဖြစ်စေပဲငြင်းပယ် နိုင်အောင်မိဘတွေအနေနဲ့ကြိုးစားသင့်ပါတယ်။ မိဘတွေဘက်က ကြည့်ရင်တော့ စိုးရိမ်လို့ချစ်လွန်းလို့ ချုပ်ခြယ်တာဖြစ်ကောင်းဖြစ်နိုင် ပေမယ့် ... ကလေးငယ်တွေဘက်က ကြည့်ရင်တော့ ဘ၀မှာလိုအပ်တဲ့အချို့စိတ်အခြေအနေတွေကို ဆုံးရှုံးစေပါတယ်။ လမ်းပေါ်ထွက်ပြီး ဘောလုံးကန်ချင်တဲ့ ကလေးငယ်ကိုအိမ်ထဲမှာပဲ ဂိမ်းထိုင်ဆော့ဖို့ပြောတတ်တဲ့မိဘတွေရှိပါတယ် ... အန္တရာယ်သိပ်မရှိဘူးဆိုရင် ဒါမျိုးကိုခွင့်ပြုသင့်ပါတယ်။ ဒီလိုမှမဟုတ်ရင် ဒီကလေးငယ်ဟာ ပူးပေါင်းဆောင်ရွက်မှုရဲ့အင်အားနဲ့ ပြိုင်ဘက်ရဲ့အရေးပါမှုတွေကို သိနိုင်ဖို့ခဲယဉ်းသွားပါလိမ့်မယ်။

'Nurturing and not breaking a child's will is the basis of creating confidence, cooperation and compassion in children.'

ကလေးငယ်တွေဟာ အရာရာကိုစူးစမ်းချင်ကြတယ်။ ဘာကိုမဆို ကိုယ်တိုင်ကိုယ်ကျ လက်တွေ့ လုပ်ကြည့်ချင်ကြတယ်။ လောကထဲမှာအနေကြာပြီး လူဝါးဝနေပြီးသား လူကြီးတွေတောင် အမှားအယွင်းတွေနဲ့မကင်းနိုင်ဘူး ဆိုရင် ... ကလေးငယ်တွေ ဆိုရင်တော့ ခဏခဏမှားကြမှာ အသေအချာပါပဲ။ ကလေးငယ်တွေ အမှားအယွင်းတစ်ခုခု ကိုလုပ်မိတဲ့အခါ ... မိဘအများစုက ဘာတွေ လုပ်တတ်ပါသလဲ။ တော်တော်များများကတော့ရိုက်ပြီးတော့ဖြစ်စေ၊ ဆူပူအော်ဟစ်ပြီးဖြစ်စေ ဒီအမှားအယွင်းကို နောက်တစ်ခါ မလုပ်အောင်တားမြစ်ကြပါလိမ့်မယ်။ ဒါမျိုးလုပ်ခြင်းအားဖြင့် ကလေးငယ်နေနဲ့ ဒီလို အမှားအယွင်းမျိုးကို နောက်တစ်ခါ ထပ်လုပ်တော့မှာမဟုတ်ပေမဲ့ ဒါဟာအမှားအယွင်းကို သေသေချာချာ နားလည်သဘောပေါက်ပြီး နောက်ထက်မလုပ်ချင်တော့တာမျိုး မဟုတ်ပဲ ... မိဘကိုကြောက်လို့၊ အဆူခံရမှာစိုးရိမ်လို့ မလုပ်တော့တာမျိုးဖြစ်တဲ့အတွက် ဒီစောင့်ထိန်းမှုမျိုးဟာ ကြာရှည်ခံပါ့မလား ဆိုတဲ့ အချက်ဟာ စဉ်းစားစရာဖြစ်လာပါတယ်။ မိဘတွေအနေနဲ့ကလေးငယ်တွေကို သူတို့ရဲ့မှားယွင်းမှုအတွက် ကြောက်သွားတာမျိုး၊ စိတ်ထိခိုက် သွားတာမျိုး စတဲ့စိတ်ခံစားချက်တွေကို ဖြစ်စေဖို့သင်ပေးမယ့်အစား သူတို့ရဲ့ အမှားတွေကနေ သူတို့ကိုယ်တိုင် ပြန်လည်သင်ယူ လာနိုင်အောင်လမ်းကြောင်းပေးသင့်ပါတယ်။

'In stead of teaching our children to feel bad for their mistakes, we need to teach them to learn from their mistakes.'

မှားတယ် ... အမှားကိုမြင်တယ် ... အဲဒီ့အတွက်အမှန်ကိုရဖို့ကိုယ့်ဖာသာကိုယ်ပြင်ယူတယ်။ ဒီအဆင့်တွေကို ကလေးဘ၀မှာ အများကြီး ကြုံရမှာပါ။ မိဘတွေအနေနဲ့က မိမိတို့ရဲ့သားသမီးတွေမှားတယ်ဆိုတဲ့ အဆင့်ကို နားလည်ခွင့်လွှတ်ထားပြီး ကလေးငယ်တွေ အမှားကိုမြင်လာစေဖို့ ... အမှန်ကိုကိုယ့်ဖာသာကိုယ်ပြင်ယူနိုင်စေဖို့ဆိုတဲ့ အဆင့်တွေအတွက် ဆုံးမသွန်သင်တာမျိုး၊ နည်းပေးလမ်းပြ တာမျိုးတွေကို လုပ်ပေးဖို့သာလိုပါတယ်။ မိဘအများစုဟာ ကလေးငယ်တွေကိုမှားတယ်ဆိုတဲ့အဆင့်မှာတင် အပြစ်ပေးတာမျိုး၊ ဆူပူကြိမ်းမောင်းတာမျိုးတွေလုပ်လိုက်တဲ့အတွက် နောက်ကအဆင့်တွေကို ကလေးငယ်တွေ မရတော့ပဲ နောက်တစ်ခါထပ်မှားမှာကိုကြောက်သွားတဲ့ စိတ်ခံစားမှုကိုသာ ကလေးတွေရသွားရှာပါတယ်။ အင်မတန်မှကိုဆိုးပါတယ်။ ကလေးတွေအနေနဲ့မှားမိမှာကို ကြောက်တဲ့ခံစားချက်တွေကို ခံစားနေရတဲ့အတွက် သဘာဝကပေးတဲ့ အမှန်ကိုမိမိဖာသာပြင်ယူနိုင်တဲ့ စွမ်းရည်တွေကိုဆုံးရှုံးကြရပါတယ်။

'Children feel afraid of making mistakes, they lose the nature ability to self-correct.'

ကလေးဘ၀ကနေ လူငယ်၊လူငယ်ဘ၀ကနေ လူလတ်၊ လူလတ်ကနေ လူကြီး စသဖြင့်အသက်အရွယ်တွေ ပြောင်းလဲ ကြီးပြင်းလာကြသလို ကျွန်တော်တို့ရဲ့အတွေးအခေါ်တွေ၊ အယူအဆတွေ၊ ယုံကြည်မှုတွေ၊ စိတ်နေစိတ်ထားတွေ၊ အပြုအမူတွေကလည်း ဘ၀တလျှောက်လုံးမှာ လုံလောက်တဲ့ကြောင်းတရားတွေကိုမှီပြီး ပြောင်းလဲဖြစ်တည်နေကြရပါတယ်။ဒါဟာ .....သဘာဝတရားပါ။ ဒါပေမဲ့ ... ကိုယ့်ရဲ့ပြောင်းလဲမှုတွေဟာ ကိုယ့်အတွက်ရော လူ့အဖွဲ့အစည်းအတွက်ပါ လိုလားအပ်တဲ့ပြောင်းလဲမှုတွေဖြစ်နေဖို့ လိုအပ်တဲ့အတွက် ကျွန်တော်တို့အနေနဲ့ အမြဲတမ်းမိမိကိုယ်ကိုစောင့်ကြည့် တည့်မတ်နေရမှာဖြစ်ပါတယ်။ ဒီလိုမျိုး မိမိရဲ့ကာယကံ၊ ၀စီကံ၊ မနောကံတွေကို အမြဲတမ်း သတိတရားနဲ့ စောင့်ကြည့်တည့်မတ်စေနိုင်တဲ့ အရည်အချင်းမျိုးကို ကလေးဘ၀ထဲက ပြုစုပျိုးထောင်ယူထားဖို့လိုပါတယ်။ အထက်မှာ ပြောခဲ့သလိုပဲ သဘာဝကပေးတဲ့အမှန်ကို မိမိဖာသာပြင်ယူနိုင်တဲ့ စွမ်းရည်မျိုးကို ကလေးဘ၀ကမှာ မရခဲ့ဘူးဆိုရင် ဘ၀မှာသင့်မြတ်လျှော်ကန်စွာနဲ့ အောင်မြင်တိုးတက်နိုင်တဲ့ အခွင့်အလမ်းတွေ ကိုဆုံးရှုံးရနိုင်ပါတယ်။ ဘ၀မှာအောင်မြင်နေကြတဲ့ သူတွေအားလုံးဟာ သူတို့ရဲ့မှားယွင်းမှုတွေကိုကိုယ်တိုင်ပြင်ဆင်တည့်မတ်နိုင်ပြီး သူတို့ရဲ့အတွေးအခေါ်တွေ၊ စိတ်နေသဘောထားတွေ၊ အပြုအမူတွေကိုပါ ပြေပြစ်ဆီလျှော်အောင် ပြောင်းလဲနိုင်စွမ်းရှိကြသူတွေပါ။

'Those who succeed in life are those who can self-correct and change their thinking, attitude or behavior'

သမိုင်းကြောင်းဆိုတာ တစ်ဦးတစ်ယောက်ချင်းစီရဲ့ လုပ်ရပ်တွေကို ပေါင်းထားတဲ့အချိန်ကာလ အစုအဖွဲ့တစ်ခုပါ။ အခုလက်ရှိပစ္စုပ္ပန်မှာရှိနေကြတဲ့ ကလေးငယ်တွေအားလုံးဟာ အနာဂတ်ဆိုတဲ့ ကာလတစ်ခုမှာအရွယ်ရောက်လာကြပြီး ခေတ်တစ်ခေတ်ရဲ့ သမိုင်းကို သူတို့နည်းသူတို့ဟန်နဲ့ ရေးထွင်းကြမှာပါ။ ဒီနေရာမှာ နိုင်ငံတစ်နိုင်ငံရဲ့သမိုင်းကြောင်း ဒါမှမဟုတ် ကမ္တာလောကကြီးရဲ့ သမိုင်းကြောင်းဟာ ယိုယွင်းဆုတ်ယုတ်သွားတာမျိုးမဖြစ်စေဖို့ဒီကလေးငယ်တွေရဲ့ စိတ်အခြေခံတွေ ကောင်းခဲ့ဖို့ မဖြစ်မနေကို လိုအပ် ပါတယ်။ မိဘတိုင်း စိတ်ဓါတ်တွေမြင့်မားပြီး သားသမီးတိုင်းရဲ့ အနာဂတ်ကိုတင့်တယ်စေနိုင်ကြလိမ့်မယ်လို့ ကျွန်တော်ယုံကြည်မျှော်လင့် နေမိပါတယ်။

 
နေဘုန်းလတ်

စာကိုး - Children Are From Heaven By John Gray

စံ တိမ်းလွဲမှုများ နှင့် ကျွန်တော်တို့၏ အနာဂတ်



ခေါင်းစည်းဖတ်ပြီးတော့ ကြီးကြီးမားမားကြီး မတွေးလိုက်ကြပါနဲ့ ဦး။ ခေါင်းစဉ်တပ် ရေးမိတဲ့ ကျွန်တော်ကိုယ်တိုင် ဘာမှ သေချာမသိပါဘူး။ မသိရင် ပြောမနေပါနဲ့လား မောင်သောကြာရယ် လို့တော့လည်း မပြောလိုက်ပါနဲ့ဦးဗျာ။ ကျွန်တော် တွေးနေတာလေး မှန်မမှန် ဝေဖန်ပေးကြဖို့ သိအောင်တော့ ပြောပါရစေ..။

လက်ရှိ ကျွန်တော်တို့ ဝန်းကျင်မှာ တိုးတက် ဖြစ်တည်လာမှုတွေနဲ့ အတူ အခြေအနေအတိုင်းအတာ တစ်ခုအရ ပြောင်းလဲမှု့တွေ တစ်ခုပြီး တစ်ခု ရင်ဆိုင်ကြုံတွေ့ လက်ခံနေကြတယ် မဟုတ်လား။ အဓိက က Cultural Change ယဉ်ကျေးမှု့ ပြောင်းလဲလာခြင်း ဗျာ ။ နောက် Social-ecomomic Change လူမှုစီးပွါးရေးပြောင်းလဲမှု့တွေ.. အစရှိသည့် ခေတ်တစ်ခုရဲ့ စိန်ခေါ်မှု့၊ ခေတ်တစ်ခုရဲ့ဖျားယောင်းမှု့နောက် ကောင်းသည်ဖြစ်စေ ဆိုးသည်ဖြစ်စေ ကျွန်တော်တို့ လိုက်ပါ စီးနင်း ပြောင်းလဲ နေကြရတယ်။ သဟဇာတဖြစ်အောင် အရောင်တွေ ပြောင်းလဲခဲ့ကြရတယ် မဟုတ်လားဗျာ။ ဆိုတော့ ပြောင်းလဲလာတဲ့ အနေအထားတစ်ခုမှာ ကျွန်တော်တို့တွေ လမ်းဆုံးထိ မလျောက်ခင် ပြန်လည်သုံးသပ်ကြည့်ကြဖို့ လိုကြလိမ့်မယ်။ ကျွန်တော်တို့ နိုင်ငံ မတိုးတက်ပါဘူး လို့ မျက်စိမှိတ် အော်နေလို့ မရသလို တိုးတက်လာမှုတွေမှာ ဘယ်အတိုင်းအတာအထိ အကျိုးသက်ရောက်မှုရှိတယ်ဆိုတာ ပြန်မဆန်းစစ်ဘဲ နေလို့ မရပါဘူး။

ဒီအကြောင်းအရာက ပြောရရင် မောင်သောကြာတို့လို ကချွတ်ကမွှားလေးတွေ ဆွေးနွေးရမယ့် အပိုင်းမဟုတ်လို့ ဆက်မပြောပါဘူး။ သောကြာ ပြောချင်တာ သောကြာတို့ ရပ်ကွက်လေးထဲက ကလေးတွေ နောက် သောကြာ သင်ရတဲ့ ကလေးတွေ အကြောင်းပါ။ သောကြာ နှစ်ပိုင်းခွဲပြောပါမယ့်။ ရပ်ကွက်ထဲက ကလေးတွေအကြောင်းနဲ့ ကျောင်းက ကလေးတွေအကြောင်း ဆိုပြီး။

သောကြာက ကျောင်းပိတ်ရက်ဆို အမေအိမ်ပြန်နေလေ့ ရှိပါတယ်။ တစ်နှစ်မှ တစ်ခါလောက်ပြန်တာဆိုတော့ အပေါင်းအသင်းရယ် သတ်သတ်မှတ်မှတ်လည်း အဲသည်မှာ မရှိဘူးပေါ့။ ဒီတော့ သောကြာ ဘာလုပ်သလဲ ဆိုတော့ ရပ်ကွက်ထဲက ကလေးတွေကို နည်းနည်း သတိထား အကဲခပ်ကြည့်ပါတယ်။ အစကတော့ စကားပြောဖော်ရှာတာပါ။ နောက်တော့ သေသေချာချာ လေ့လာ အကဲခပ်ဖြစ်သွားပါတယ်။ နယ်မြို့တစ်မြို့ရဲ့ ထုံးစံအတိုင်း ပညာရေး အလေးထားတတ်သော ဝန်းကျင် ရှားတယ်ပေါ့ဗျာ။ ဆယ်တန်းအောင်ပြီး အဝေးသင် တက်နိုင်ရင်ကို တော်တော်လေး အတန်းပညာထွန်းပေါက်ပြီ ဆိုတဲ့ ဝန်းကျင်ဆိုပါတော့။ ရန်ကုန် မန္တလေးလောက်သာ ဟိုးကလေး ပေါက်စ အူဝဲလေးက စပြီး မဟာတက်တဲ့အထိ ကျူရှင်ယူ နောက် Lenguage တွေလျောက်တက် Computer ဘာညာ အစရှိတာတွေ ဖက်ရှင်တစ်ခုလို လုပ်နိုင်တာကိုးဗျ။ နယ်တွေမှာတော့ အဓိက က စီးပွားရှာတတ်ဖို့ ဘဲ လိုတာလေ။ ပွဲရုံလုပ်ငန်းကျွမ်းကျင်ရင် ကုန်ရောင်းကုန်ဝယ် လုပ်တတ်ရင် လူရာဝင်တဲ့ အသိုင်းအဝိုင်း ပေါ့ဗျာ။သင်တန်းဘာညာ စိတ်ဝင်စားလို့တက်ချင်ရင်တောင် တူတူတန်တန် ရှိတာမှ မဟုတ်တာ။ဒီတော့ အဲလိုဝန်းကျင်က ကလေးတွေ နဲ့ မောင်သောကြာ တွေ့ဖြစ်တယ်ပေါ့။

တွေ့စ မြင်စက သောကြာ ဘယ်လိုမှ ကြည့်မရဘူးဗျာ။ ဆံပင် အဝတ်အစား အပြောအဆို အကုန်ပါဘဲ ကောင်လေးတွေဆို ဂျစ်တစ်တစ် ပေကန်ကန် ကောင်မလေးတွေဆို ခပ်လန်လန် လေးတွေ အများဆုံး။ အဲ ခပ်အေးအေးလေးတွေကျတော့လည်း နောက်မှ သိရတာ တစ်မျိုးလေးတွေဗျ။ သောကြာ အိမ်ရှေ့က ညီအစ်မတွေဆို ဆိုင်ကယ်တစ်စင်းစီနဲ့ ဝင်လိုက်ထွက်လိုက် ကောင်လေးတွေက တရုန်းရုန်းဗျ။ အရွယ်ကောင်းလေးတွေမို့ အတန်းပညာ ဘယ်ရောက်ပြီလဲ မေးကြည့်တော့ ညီမနှစ်ယောက်လုံး ဆယ်တန်း ၂ ခါစီ ဖြေထားတယ်တဲ့ဗျ။ ထားတော့ သူရို့တွေအကြောင်းပြောနေရရင် လိုရင်းပျောက်လိမ့်မယ်။ များသောအားဖြင့် နည်းပညာ တိုးတက်ပြောင်းလဲလာမှု့ကြောင့် ကမ္ဘာ ရွာကြီး ဖြစ်လာချိန်မှာ သူရို့က ကျွန်တော်တို့ဆီက အခြေခံဖြစ်တဲ့ ဆယ်တန်းဆိုတဲ့ အတန်းပညာ ကိုတောင် တန်ဖိုးမထား နိုင်ကြဘူး ဖြစ်နေတယ်။ ဟုတ်ပြီ ဝန်းကျင်အရ ပညာ တန်ဖိုးနားမလည်တာထား ကျန်တဲ့ နေရာတွေကိုရော.. ကြည့်မိတယ်ဗျာ။ ယောကျာင်္းလေး ဆယ်ယောက်မှာ ကိုးယောက်လောက်က တွေ့လိုက်ရင် ပါးစပ်မှာ ကွမ်း လက်မှာဆေးလိပ် နဲ့ နေကုန်နေခမ်း လက်ဖက်ရည်ဆိုင်လိုလို လမ်းဘေးအုတ်ခုံလိုလို နဲ့ အချိန်ဖြုန်းနေကြတယ်ဗျာ။ ဆယ့်ရှစ်နှစ် မပြည့်သေးဘူး အရက်ကောင်းကောင်း သောက်တတ်နေပြီ မဟုတ်တာ လုပ်ရကောင်းမှန်းသိနေပြီ။ သောကြာ မေးကြည့်တယ် သူတို့ကို။ ညီ မင်းတို့ ကိုယ့်ဘဝကို ရုန်းရတော့မယ်ဆိုရင် ဘာတွေလုပ်မယ် စိတ်ကူးလဲပေါ့။ အားရစရာကြီးဗျာ ရေရေရာရာ ဘာမှ မရှိဘူး ဖြတ်လမ်းလိုက်မယ့် အလွယ်နည်းလမ်းတွေ ပြောပြကြတယ်။

သောကြာ ဆိုလိုချင်တာက ကလေးတွေမှာ ပညာဆိုတာ တန်ဖိုးထားရမယ် ဆိုတာ မသိတော့ဘူး။ ပညာထက် ငွေ ရှိဖို့က အဓိက ဖြစ်သွားပြီ။ ရွယ်တူချင်း ပေါင်းရင်တောင် ငွေရှိသူ သားသမီးက အပေါ်ကဘဲ။ ငွေသာလျင် အဓိက ဆိုတဲ့ အယူအဆ ကြီး စွဲထင်နေမှတော့ ငွေရလျှင် ဘာမဆို လုပ်ရဲသော အတွေးများ လွမ်းမိုးလာတာ မဆန်းပါဘူး။ နောက် ရှက်စရာဆိုတာ မသိတော့ဘူး။ လမ်းဘေး အပေါ့စွန့်ဖို့ ဝန်မလေးတော့သလို ပါးစပ်ကနေ ဖရုတ်သဝါစာ စကားတစ်ခွန်း လူပုံအလယ် လူကြီးသူမရှေ့ ပြောဖို့ မကြောက် မရှက်တော့ဘူး။ မရှက်တော့တာမဟုတ်ဘူး ရှက်စရာလို့ မထင်တော့တာ။ စီးပွားရှာမယ် ဆိုတော့ လည်သူစားတမ်း ဆိုတဲ့ လောကက ကြီးစိုးနေတော့ ကလေးတွေစိတ်ထဲမှာ သမာအာဇီဝ ဆိုတဲ့ စကားလုံး မသိတော့ဘူး။ "ဟိုကောင်ကို ငါဘယ်လို ရိုက်လိုက်တာကွာ" :ဘယ်သူက ဘယ်လို ဖန်သွားတာကွာ" "ဟာ ဒီကောင်က ဆရာကြီး အဲဂွင်မှာ"... စသည်ဖြင့် တစ်ယောက်ကို တစ်ယောက်လှိမ့်တာ ပတ်တာ လုပ်နိုင်ကြတာတွေ ဂုဏ်ယူစွာ လက်ခံ ကျင့်သုံးနေကြတာ မောင်သောကြာတစ်ယောက် ရင်လေးစွာနဲ့ နားထောင် ကြည့်မြင်ခဲ့နေမိပါတယ်။ ရိုးသားစွာ အသက်မွေးခြင်း ရိုးဂုဏ် ဆိုတာ ကလေးတွေ နားမလည်တော့ပါဘူး။ ဒါ အများစုသော လူငယ်တွေ ဖြစ်ပျက်နေတဲ့ အနေအထားပါ။

အဲ မောင်သောကြာ သင်နေရတဲ့ တက္ကသိုလ်က ကလေးတွေကို ကြည့်ကြည့်ရအောင်ပါ။ သောကြာတို့ တက္ကသိုလ်က သက်မွေးဝမ်းကျောင်း တက္ကသိုလ်တစ်ခုဖြစ်လို့ တစ်နှစ်မှာမှ ကျောင်းသား ၂၅၀ ဝန်းကျင်ဘဲ ရွေးချယ် လက်ခံတဲ့အတွက် တော်ရုံအရည်အချင်းနဲ့တော့ ကျောင်းလာတက်လို့ မရပါဘူး။ အနည်းနဲ့အများတော့ အခြေခံရှိတဲ့ ကျောင်းသားမျိုးသာ လာလို့ရတဲ့နေရပါ။အများစု ဖြစ်ပျက်နေတဲ့ လူငယ်တွေနဲ့စာရင် ခေတ်တစ်ခုကို ပညာ အမြင်နဲ့ ကြည့်တတ်တယ် ကြည်နိုင်တယ် ဆိုရမယ့် ကလေးတွေပေါ့။ အနည်းဆုံးတော့ သူတို့မှာ ဘယ်ရောက်အောင်သွားမယ် ဆိုတဲ့ ရည်ရွယ်ရာလေးတစ်ခုရှိကြတယ် ဆိုရပါမယ်။ ဒါပေမယ့် မောင်သောကြာ တွေ့မြင်ရတာ စိတ်ထဲ ဘဝင်မကျတာတွေများပါတယ်ဗျာ။ တက္ကသိုလ်ကျောင်းသား ဆိုပြီး ဘေးဂရုမစိုက်ဘဲ လမ်းအပြည့် လျောက်တာ.. ဒါဟာ စည်းကမ်းမရှိတာ ကိုယ်ကိုကိုယ် တာဝန်မယူလိုတဲ့စိတ်တွေလို့ သောကြာ ထင်ပါတယ်။ နောက် ကလေးတွေစိတ်ထဲ သူများထက် ထူးချင်တဲ့စိတ် လွဲမှားတဲ့ အတွေးလေးတွေပေါ့ဗျာ ရည်းစားများတာ ရှက်စရာ မဟုတ်ဘူး ဆိုတဲ့ အသိ နောက် ပြောရရင် sex ကိစ္စတွေမှာ ကလေးမတွေကပါ လွယ်လွယ် လက်ခံလာကြတာဘဲဗျ.။ ဟိရိသြတ္တပ္ပ ဆိုတာ သိပ်နားမလည်တော့ဘူး။ အများစု ပြောတာပါ။ ကျောင်းသားတွေဆိုလည်း တစ်လုံး နှစ်လုံး သုံးလုံး လောင်းစရာ ရှိတာ အကုန်လောင်း ဒါဟာ မကောင်းမှု့လို့ မမြင်တော့ဘူး။ ဘွဲ့ရ အလုပ်ရှာတော့လည်း ခေါင်းစဉ်တပ် ကတည်းက အောက်ဆိုဒ် ကောင်းတဲ့ အလုပ်တဲ့ လစာက ရာထူးက အဓိက မကျ သလိုဘဲ။ မတရားရတဲ့ ဝင်ငွေဟာ နည်းမှန်လမ်းမှန်လို့ မြင်နေကြတာ ဆိုးပါတယ်။ အဲ ရိုးရိုးသားသား ကြိုးကြိုးစားစားနဲ့ ကလေးရှိတော့ရှိပါတယ် တကယ်ကိုရည်မှန်းချက်ကြီးကြီး နဲ့ ကြိုးစားနေတဲ့ ကလေးတွေ။ ဒါပေမယ့် ဒါက တစ်ရာမှာ တစ်ယောက်ပါ။ ဆိုတော့ အများစု မြင်သမျှကို ပြောရရင်တော့ အများကြီးဗျ။ အစက တစ်ခုချင်း အသေးစိတ် ပြောပြဖို့ သောကြာ အတွေးရှိပါတယ်။ ဒါပေမယ့် ပြောနေရရင် အခန်းဆက်ရေးနေရပါလိမ့်မယ်။ ဒီလောက်ဆို ဖတ်သူတွေလည်း မြင်မှာပါ ခင်ဗျားတို့ ဝန်းကျင်မှာလည်း ရှိနေမယ်ထင်ပါတယ်။

ပြောချင်တာ အတိုချုပ် ပြောရရင်တော့ ကျွန်တော်တို့ ကလေးအများစု ဟာ အတွေးအခေါ် အသိအမြင်တွေ လွဲနေပါတယ်။ ရှက်စရာကို ရှက်ရကောင်းမှန်းမသိပါဘူး။တန်ဖိုးရှိတာ တန်ဖိုးထားရကောင်းမှန်းမသိပါဘူး။ ဝန်းကျင်ရဲ့ လွဲချော်နေမှု့ တစ်ခုအောက် သူတို့တွေဟာ လွဲချော်မှု့တွေကို အမှန်လို့ဘဲ သိမြင်နေကြပါတယ်။ အတုယူရမယ့် သူတို့ရဲ့ သူရဲကောင်း ပျောက်ဆုံးနေပါတယ်။ စံချိန် စံညွှန်း ထားရမယ့် တန်ဖိုးတွေ စံတိမ်းလွဲနေပါတယ်။ ကျွန်တော်တို့တွေ အသက်ကြီးလာလို့ နောင်တစ်ချိန် ဒီလိုလွဲနေတဲ့ စံတွေနဲ့ ကြီးပြင်းလာရတဲ့ ဒီကလေးတွေ နေရာ ယူလာချိန်ကြရင်...ကျွန်တော် စဉ်းစားနေတာပါ။ သူဘာသူ ဖြစ်သွားပါလိမ့်မယ်လို့ ကျွန်တော်တော့ အတွေးမပိုက်နိုင်တာ အမှန်ပါဘဲ။ ဘယ်သူတွေမှာ တာဝန်ရှိတယ် ဘယ်သူတွေ ဘာလုပ်ကြရမယ် ကျွန်တော် မသိပါဘူး။ ကျွန်တော် တွေးနေတာ ဒီလို စံတိမ်းလွဲမှု့တွေ ဘယ်လောက်များများ လူငယ်တွေ လွဲမှားစွာ လက်ခံထားကြပြီလဲ။ ဘယ်အရာက သူတို့ကို လမ်းကြောင်းအမှန်ရောက်အောင် ဆွဲခေါ်သွားမှာလဲ ဆိုတာပါဘဲ...။
 
 
ချစ်ခြင်းဖြင့်
ကြယ်သောကြာ


ကလေးများ လွတ်လပ်စွာ ကစားနိုင်ပါစေ



နှပ်ချေးထူ ။ ။ နေရောင်ခြည်ဟာ တန်ဖိုးရှိမှန်း အခုလိုရက်မျိုးမှ သိရတော့တယ်။ လေး ငါးရက် မိုးစွေနေလို့ အိမ်ထဲမှာ ကုပ်နေရတာ လူတောင် ချည့်နဲ့ချင်သွားတယ်။
နှပ်ချေးတွဲလောင်း။ ။ ငါကတော့ အပြင်ထွက် မကစားရရင် ပျင်းလို့သေတော့မယ်။ အိမ်မှာ ဗီဒီယိုစက်မရှိ၊ ကွန်ပျူတာ ဂိမ်းလည်းမရှိ။ ကစားစရာကောင်း မရှိ။
နှပ်ချေးယို ။ ။ ညည်းညူမနေနဲ့။ အဲဒါတွေ မရှိတာကိုက တို့တစ်တွေ ကံကောင်းနေတာ။
နှပ်ချေးတွဲလောင်း။ ။ဖြစ်နိုင်ပါ့မလား ယိုယိုရယ်။

နှပ်ချေးယို ။ ။ ဖြစ်သမျှ အကြောင်း အကောင်းချည်းပဲတဲ့။ တို့မှာ ဒါတွေ မရှိတော့ အပြင်ထွက် ဆော့နေရတယ်။ အဲဒီတော့ နေရောင်ခြည်ရတယ်။ လေကောင်းလေသန့် ရတယ်။ ပေါင်းသင်းဆက်ဆံရေး ရတယ်။ ကိုယ့်ကိုယ်ကိုယ် ထိန်းကျောင်းနိုင်စွမ်း ရတယ်။ လွတ်လပ်မှု ရတယ်။ စိတ်ရော ကိုယ်ရော ဖွံ့ဖြိုးတိုးတက်မှု ရတယ်။
နှပ်ချေးထူ ။ ။ တယ်ဆိုတဲ့ စာပါလား။ မင်းဘယ်တုန်းက တိတ်တိတ်လေး ပညာရှိ ဖြစ်သွားတာလား။ တို့လည်းမသိလိုက်ပါလား။ အချင်းချင်း လက်တို့ ဦးမှပေါ့။
နှပ်ချေးယို ။ ။ ငါပြောတာ မဟုတ်ဘူး။ စိတ်ပညာရှင်တွေ၊ ကလေးပညာရှင်တွေ၊ လူ ၃၀၀ လောက် စုထုတ်ထားတဲ့ စစ်တမ်းတစ်စောင်ထဲမှာ ပါတယ်။ ဦးဆောင်တဲ့သူက စာရေးဆရာမ စူးပါးမား တဲ့။ သူက နာမည်ကျော် “အဆိပ်သင့် ကလေးဘဝ” စာအုပ်ရေးခဲ့သူ။
နှပ်ချေးတွဲလောင်း။ ။ သူ့စာအုပ်က ဟယ်ရီပေါ်တာလို ဖတ်ကောင်းလို့လား။
နှပ်ချေးယို ။ ။ သူ့စာအုပ်က ဝတ္ထုစာအုပ် မဟုတ်ဘူးကွ။ မျက်မှောက်ခေတ် ကလေးတွေ အိမ်ပြင်ထွက် ကစားခွင့်မရတော့လို့ စိတ်ရောကိုယ်ပါ ချို့ယွင်းပြီး အနာဂတ် ဖွံ့ဖြိုးတိုးတက်ရေး ထိခိုက်မယ့်အကြောင်း ရေးထားတာ။
နှပ်ချေးထူ ။ ။  ကလေးတွေက ဘာဖြစ်လို့ အိမ်ပြင်ထွက် မကစားကြတာလဲ။
နှပ်ချေးယို ။ ။ သူတင်ပြထားတာ အကြောင်းအမျိုးမျိုးပဲ။ ကွန်ပျူတာ ဂိမ်းတွေ၊ အဆင့်မြင့် နည်းပညာနဲ့ ထုတ်လုပ်ထားတဲ့ ကလေးကစားစရာတွေ၊ ရုပ်မြင်သံကြား အစီအစဉ်တွေနဲ့ အိမ်ထဲမှာ အချိန်ကုန်နေတာလည်းပါတယ်။ ကျောင်းစာတွေ များလို့ ဖိစီးခံနေရတာလည်း ပါတယ်။ မိဘတွေက အိမ်ပြင်ထွက်ခွင့် မပေးတာလည်း ပါတယ်။
နှပ်ချေးတွဲလောင်း။ ။ ဘာကြောင့် ထွက်ခွင့်မပေးတာလဲ။
နှပ်ချေးယို ။ ။ ကလေးတွေအတွက် အန္တရာယ် အမျိုးမျိုး ရှိလို့ပေါ့။ မော်တော်ကားတွေ ထူထပ်တယ်။ ကလေးပြန်ပေးဆွဲမှုတွေ၊ ကလေး လူကုန်ကူးမှုတွေ ရှိတယ်။ ယူနီဆက်အဖွဲ့ရဲ့ နောက်ဆုံးစစ်တမ်း အရဆိုရင် ဖွံ့ဖြိုးတိုးတက်ပြီးတဲ့ နိုင်ငံ ၂၁ နိုင်ငံမှာ ဗြိတိန်နိုင်ငံက ကလေးတွေက စိတ်ချမ်းမြေ့မှု အနည်းဆုံးတဲ့။
နှပ်ချေးထူ ။ ။ ဒါဆို တို့ကံကောင်းတာပေါ့။ တကယ်တော့ ကလေးနဲ့ မြေတလင်းဆိုတာ ခွဲလို့မရတဲ့ အရာတွေကွ။ တို့ ဒီလို လွတ်လွတ်လပ်လပ် ဆော့ချင်းတိုင်း ဆော့လို့ရတာ ကုသိုလ်ထူးလို့ပေါ့နော်။
နှပ်ချေးယို ။ ။ မှန်တာပေါ့ကွာ။ ကိုယ်ရောစိတ်ပါ ကျန်းမာနိုင်တယ်။ ဒါပေမယ့် ကမ္ဘာပေါ်မှာ ဒုက္ခရောက်နေတဲ့ ကလေးတွေလည်း အများကြီးကွ။  ဖွံ့ဖြိုးတိုးတက်ပြီး နိုင်ငံကြီးတွေက ကလေးတွေ ခုနကလို “အဆိပ်သင့်နေတဲ့ ပန်းကလေး” တွေ ဖြစ်နေသလို၊ မဖွံ့ဖြိုးသေးတဲ့ အာရှ၊ အာဖရိက နဲ့ လက်တင် အမေရိက က ကလေးတွေကျတော့လည်း ကောင်းကောင်း မစားရ၊ မနေရ၊ ကျန်းမာရေး စောင့်ရှောက်မှု မခံရ၊ ပညာမသင်ရနဲ့ ရေငတ်တဲ့ ပန်းကလေးတွေ ဖြစ်နေတယ်။
နှပ်ချေးထူ ။ ။ ဟုတ်တယ်။ ငါ ဂျာနယ်ထဲမှ ဖတ်လိုက်ရတယ်။ အီရတ်လို အကြမ်းဖက် တိုက်ခိုက်မှုတွေ မပြတ်ဖြစ်နေတဲ့ နိုင်ငံက ကလေးငယ်တွေဟာ ကျန်းမာရေး၊ ပညာရေး၊ လူအှုရေး အဘက်ဘက်မှာ ချို့ယွင်းလို့ အကူအညီး ပေးဖို့ လိုအပ်နေတယ်လို့ ယူနီဆက်က သတိပေးနေတာ ကြားလိုက်ရတယ်။ အဲဒီက ကလေးငယ်တွေကို ကူညီဖို့ ၆ လ အတွက် ဒေါ်လာ ၄၂ သန်း လိုတယ်တဲ့။ ဒါကြောင့် ရန်ပုံငွေ ထည့်ဖို့ လှုံ့ဆော်နေရတာ။
နှပ်ချေးယို ။ ။  အဲဒါထက် ဆိုးတာရှိသေးတယ်။ အယ်လ်ကေဒါလို အကြမ်းဖက် အဖွဲ့အစည်းတွေက ကလေးတွေကို စည်းရုံး သိမ်းသွင်းပြီး အသုံးချဖို့ ကြိုးစားနေတာပဲ။ သူတို့က အရွယ်မရောက်သေးတဲ့ ကလေးတွေကို လက်သပ်မွေးပြီး ဇာတ်သွင်း ပျိုးထောင်နေတာ၊ ကလေးတွေကို သက်သက်ဓားစားခံ လုပ်နေတာပဲကွ။
နှပ်ချေးတွဲလောင်း။ ။ နေဦး လောလောဆယ် နာဂစ်ကြောင့် မြစ်ဝကျွန်းပေါ်ဘက်မှာ ဒုက္ခရောက်သွားတဲ့ ကလေးတွေ မနည်းလှဘူးဆို။
နှပ်ချေးထူ ။ ။ ဟုတ်တယ်ဟေ့၊ မိဘမဲ့ကလေးတွေ တော်တော်များတယ်။ ခုတော့ သက်ဆိုင်ရာ အဖွဲ့အစည်းတွေ၊ စေတနာရှုင်တွေက အစစအရာရာ ကူညီနေကြပါပြီ။ သူတို့က ကျောင်းသားကျောင်းသူတွေကို ဆက်ပြီး ပညာ ဆည်းပူးနိုင်အောင် အထိပေါ့။
နှပ်ချေးယို ။ ။ ကောင်းပါတယ်။ တို့တွေက ကျောင်းတက်သလို၊ သူတို့တွေသာမက ကလေးတိုင်း ကျောင်းဖွင့်ချိန်မှာ ကျောင်းတက်နိုင်စေချင်တယ်။
နှပ်ချေးတွဲလောင်း။ ။  မင်းပြောသလိုဆို “ပန်းကလေးများ တေးဆိုချင်ပေါ့”။

သစ္စာနီ 
Ecovision ၂၅ ဇွန်၊ ၂၀၀၈


30 Jul 2016

သူတော်ကောင်းတို့ တရားပျက်ကြပြီ



တရားကို တေးလိုဆို၊ အဖေကို သားကဆဲ

ဆွေမျိုးထဲက ဓားပြတိုက်၊

မိုက်ရဲလျှင် သောတပန်၊

မကောင်းကြံက သမာဓိ၊

ရွှေရှိမှ လူလိမ္မာ၊

လိမ်နိုင်မှ သစ္စာရှင်၊

ရိုးသားသူကို အရူးလို့ထင်၊ 

အင်္ကျီပါးနှင့် ဥပုသ်သည်၊ 

ဇရပ်အလည် ကို့ယိုးကားယား၊ 

လူဆင်းရဲက သူဌေးယောင်ဆောင်၊ 

အ၀တ်ပြောင်မှ လူရိုသေ၊

ရွှေရှိဘုရားမှ ရှိခိုးချင်၊ 

ဇာတ်သမားမှ လူခေါ်ချင်၊ 

အပျိုငယ်က၊ လင်နေစော၊ 

အမျိုးကောင်းသမီးက ပိုက်ဆံရှာ၊ 

လင်ရှိမယားက အပျိုလုပ်၊ 

ဆယ်နှစ်သမီးက အိမ်ထောင်ချင်၊ 

ဖိုးသူတော်က ဘိုစတောက်ချ၊ 

အပျိုပေါက်စ နှစ်လင်ယူ၊ 

လူရင်းနှီးတော့ အတိုးချ၊ 

ခိုးဓားပြက လူလို့အော်၊ 

ဆယ်အိမ်ခေါင်းက စိတ်ကြီးဝင်၊ 

မယ်သီလက အနုဆေးဖေါ်၊ 

မရှောင်တမ်းတိုးတာ တစ်ခုလပ်၊ 

အမှန်ပြောတော့ အမုန်းပွား၊ 

ဥပုသ်စောင့်ရင်း အတင်းပြော၊

ခေတ်ကြီးကိုတော့ အပြစ်ဆို၊ 

ကိုယ့်ကိုယ်ကိုတော့ဖြင့် အကောင်းထင်၊ 

အလှူပေးရင်း ထမင်းရောင်း၊ 

မသာပို့ရင်း အပျိုလှည့်၊ 

သူတော်ကောင်းတို့ တရားပျက်ကြပြီ။ 


(ဗန်းမော်ဆရာတော်)






19 Jun 2016

သောတာပန်၏ ထူးခြားချက် (၇) ရပ်




သောတာပန်၏ ထူးခြားချက် (၇) ရပ်


ကိုယ့်ခန္ဓာကို ဉာဏ်စိုက်ကြည့်လိုက်ရင် ဝေဒနာပေါ်လဲ ဖောက်ပြန်သွားတာပဲ၊ ပျက်စီးသွားတာပဲ။ ဝေဒနာရှုလိုက်တော့ ဝေဒနာလေးက ဖြစ်လိုက်ပျက်လိုက်နဲ့ သူ့သဘောသူ စွန့်စွန့်သွားတယ်။ သုခဝေဒနာကလဲ သုခဝေဒနာသဘောစွန့်တယ်။ ဒုက္ခဝေဒနာကလဲ ဒုက္ခဝေဒနာသဘောစွန့်တယ်။ ဥပေက္ခဝေဒနာကလဲ ဥပေက္ခဝေဒနာသဘော စွန့်တယ်။ လောဘစိတ်ကလဲ လောဘသဘောစွန့်တယ်။

စွန့်ပြီး အနိစ္စ သဘောချည်း ဖြစ်ပြီးပျက်တာချည်းပြတယ်။ ဒီလိုချည်းပြနေတော့ ဒါတွေဟာ ၀ိပရိဏာမလက္ခဏံ ဒုက္ခသစ္စံပဲ။ ဉာဏ်နဲ့ကြည့်လိုက်တော့ ၀ိပရိဏာမလက္ခဏာတွေချည်းပဲ၊ ဖောက်ပြန်တာချည်းပဲ။ အထည်မကျန် ဘူး။ ဝေဒနာပေါ်ရင် ဝေဒနာကြည့်လိုက်တော့ ဝေဒနာလေးကို ရှာမတွေ့တော့ဘူး။

 ဝေဒနာပျက်ပျက် စိတ်ပျက်ပျက် ရုပ်ပျက်ပျက် အထည်မကျန် ဘူး။ ဖောက်ပြန်ပျက်စီးသွားတာကို မြင်အောင်ကြည့်ရမယ်။
ဒီလိုမြင်အောင်ကြည့်ပြီး ဒုက္ခသစ္စာပါလား၊ ဖောက်ပြန်ပျက်စီးသွားတာမှ တစ်ပိုင်းတစ်စတောင်မကျန်တော့ပါလား လို့ ရှေးဦးစွာ ဟုတ်တိုင်းမှန်စွာမြင်ရမယ်။ မြင်ပြီးတော့ မိမိခန္ဓာကြီး သည် ဖောက်ပြန်ပျက်စီးမှ တစ်ပါး ဘာမှမရှိ၊ တကယ့်ကို ရွံစရာ မုန်းစရာခန္ဓာကြီးပါလားလို့ ဉာဏ်တက်လာမယ်။ ဉာဏ်တက်ပြီးနောက် ရွံစရာမုန်းစရာခန္ဓာကြီးတော့ သိမ်းမှတော်မယ်၊ သိမ်းမှအေးမယ်၊ ရချင်စရာတစ်ကွက်မှမရှိဘူးဆိုတဲ့ ဉာဏ်တက်လာလိမ့်မယ်။

ဒီဉာဏ်တက်လာခဲ့ရင် ရှေ့ဒုက္ခတွေ ချုပ်သွားလိမ့်မယ်။ ၀ိပရိဏာမဒုက္ခတွေ ချုပ်သွားလိမ့်မယ်။ အ၀ိပရိဏာမ နိဗ္ဗာန်ပေါ်လာလိမ့်မယ်။ အဲဒီတော့မှပဲ ဖောက်ပြန်ပျက်စီးမှု ၀ိပရိဏာမတွေ မရှိတော့ဘူး၊ အခု မှပဲ ဖောက်ပြန်ပျက်စီးမှုကြီး ဇာတ်သိမ်းသွား တာ တွေ့ရတော့တယ်ဆိုတဲ့ ဉာဏ်လာတယ်။ ဒါဖြင့် ဖောက်ပြန်ပျက်စီးမှုဇာတ်သိမ်းတာက နိရောဓသစ္စာ၊ တွေ့တဲ့ဉာဏ်က မဂ္ဂသစ္စာဆိုတော့ သောတာပန်တည်ရော။ မဂ်ရ ဖိုလ်ရ တာပဲ။ မဂ်ဖိုလ်ရရင် ပစ္စဝေက္ခဏာ ရတာပဲ။ ပစ္စဝေက္ခဏာရတာ အထူးပြောဖို့မလိုဘူး၊ ၀ီထိနိယာမသဘောအတိုင်း မဂ်ဖိုလ်ရရင် သူရမှာပဲ။ မဂ်ရဖို့သာ အဓိကဖြစ်တယ်။

ဝိပရိဏာမ ဒုက္ခသစ္စာမြင်နေတုန်း ကိစ္စဉာဏ်။ ၀ိပရိဏာမဆုံးသွားတာမြင်လိုက်တော့ ကတဉာဏ်။ ကတဉာဏ်ဆိုတာ ငါသောတာပန်တည်ပြီလို့ သိလိုက်ရတဲ့ဉာဏ်။ မဂ်ဉာဏ်က တက်ပြီး သောတာပန်တည်ပြီလို့သိလိုက်ရတဲ့ဉာဏ်၊ ဖောက်ပြန်တဲ့ကိစ္စတွေ မမြင်တော့ဘဲ ဖောက်ပြန်တဲ့ကိစ္စတွေ ရှာမတွေ့တော့ဘဲ ဖောက်ပြန်ခြင်းကင်းတာကို မြင်တဲ့ဉာဏ်ဟာ ကတဉာဏ်။

ဒါဖြင့် ခန္ဓာကိုယ်ထဲ ဘာပေါ်ပေါ် ဒုက္ခသစ္စာချည်းပေါ်တာပဲလို့ သိတဲ့ဉာဏ်က သစ္စဉာဏ်၊ ပေါ်တာဟူသရွေ့ ဒုက္ခသစ္စာလို့ ဆုံးဖြတ်ချက်ချ။ သူ့ရဲ့ ဖောက်ပြန်ပျက်စီးတဲ့ကိစ္စကိုသိတော့ ကိစ္စဉာဏ်၊ ပေါ်လာတာလေးတွေက ပေါ်လာတဲ့သဘောတွေ အကုန်စွန့်ပြီး ဖောက်ပြန်ပျက်စီး သွားတာလေးတွေပဲ ဆက်တိုက်မြင်နေရင် ဒါကို ကိစ္စဉာဏ်။ ဖောက်ပြန်ပျက်စီးတဲ့ကိစ္စ မမြင်ပြန်တော့
ကတဉာဏ်။ ဖောက်ပြန်ပျက်စီးတာတွေတော့မမြင်ရတော့ဘူး၊ မဖောက်ပြန်မပျက်စီးတဲ့ ချမ်းသာလေးတစ်ခုတည်းပဲ မြင်နေတယ်ဆိုရင် ဒါ ကတဉာဏ်ပဲ။ ဒီဉာဏ်သုံးဉာဏ်နဲ့ပဲ တက်လိုက်ပါ။ အကျဉ်းအားဖြင့် သစ္စာသိရင် သစ္စဉာဏ်၊ ဖောက်ပြန်တာသိရင် ကိစ္စဉာဏ်၊ ဖောက်ပြန်တာတွေ မတွေ့တော့ဘူးဆိုရင် ကတဉာဏ်။

ကတဉာဏ်ဆိုက်ရင် သောတာပန်တည်ပြီ။ သောတာပန်ဖြစ်တယ်ဆိုတာ သောတာပန်စိတ်ပေါ်တာပါပဲ။ ရုပ်ပိုလှလာတာလဲမဟုတ်ဘူး၊ ဆိုင်းဘုတ်ဆွဲထားတာလဲမဟုတ်ဘူး။

အဲဒီသောတာပန်မှာပေါ်တဲ့ သောတာပန်စိတ်သည် ပုထုဇဉ်နဲ့ မတူတာ ခုနှစ်မျိုးရှိတယ်။ သောတာပန်လဲ လောဘ ဖြစ်သေးတယ်၊ ဒေါသလဲ ဖြစ်သေးတယ်၊ မောဟလဲ ဖြစ်သေးတယ်။ ထိနမိဒ္ဓ ငိုက်မျည်းစိတ်တွေလဲ ဖြစ်သေးတယ်။ ဥဒ္ဓစ္စ ပျံ့လွင့်မှုတွေလဲ ဖြစ်သေးတယ်။ ကုက္ကုစ္စလဲ ဖြစ်သေးတာပဲ။ ဒီတရားတွေက ပုထုဇဉ်မှာလဲ ဖြစ်တယ်၊ သောတာပန်မှာလဲ ဖြစ်တယ်ဆိုတော့ တူနေတဲ့သဘောတွေ ဖြစ်နေတယ်။ ဒါဖြင့် ဘယ်လိုထူးလဲဆိုရင် ပုထုဇဉ်က ဒီတရားတွေဖြစ်ရင် ဖြစ်ကြောရှည်တယ်။

ကတဉာဏ်ရလို့ သောတာပန်တည်ပြီးသားပုဂ္ဂိုလ်က ဖြစ်တော့ဖြစ်ပေမယ့် ဖြစ်ကြောမရှည်ဘူး။
ပုထုဇဉ်က လောဘဖြစ်လိုက်ပြီဆိုရင်လဲ ဒီလောဘချည်းပဲ အကြာကြီးဖြစ်နေတတ်တယ်။ ဒေါသဖြစ်နေတယ်ဆိုရင်လဲ ဒေါသချည်းပဲဖြစ်လို့ မကျေမချမ်းနိုင်ဘူး။ ဒါဟာ ဖြစ်ကြောရှည်တာပဲ။

 ဒုက္ခချုပ်ပြီးသား သောတာပန် ကတော့ ဖြစ်တယ်ဆိုရင် ဖြစ်သွားတယ်လို့ နောက်က တစ်ခါတည်း ဉာဏ်လိုက်တယ်။ ဖြစ်ရင် ချက်ချင်းသိတယ်၊ ဖြစ်ကြောမရှည်တော့ဘူး။


ငါလောဘဖြစ်သွားတယ်လို့ နောက်ကနေ ဉာဏ်နဲ့ ချက်ချင်း အသိလေးလိုက်လာတယ်။ ဒေါသဖြစ်ရင်လဲ ဉာဏ်အသိ ချက်ချင်းလိုက်တယ်။ ထိနမိဒ္ဓဖြစ်ရင်လဲ ချက်ချင်းလိုက်တာပဲ။ မသိလိုက်တာဆိုတာ မရှိဘူး။ လောဘဖြစ်ဖြစ်၊ ဒေါသဖြစ်ဖြစ်၊ ထိနမိဒ္ဓဖြစ်ဖြစ်၊ ဥဒ္ဓစ္စကုက္ကုစ္စဖြစ်ဖြစ် ဖြစ်တော့ဖြစ်တာပဲ၊ မပယ်နိုင်သေးလို့ ဖြစ်တာ။

 သောတာပတ္တိမဂ်က ဒိဋ္ဌိနဲ့ ၀ိစိကိစ္ဆာပဲ ပယ်နိုင်သေးတာ။ လောဘ ဒေါသ မောဟတွေက မပယ်နိုင်သေးတော့ လာမှာပဲ။ လာပင်လာသော်လဲ ချက်ချင်း နောက်က ပြန်သိတယ်။ ပဋိစ္စသမုပ္ပါဒ်က နောက်က ဖြတ်ဖြတ်လိုက်တယ်။ ပုထုဇဉ်ကတော့ မဖြတ်ဘူး၊ ပဋိစ္စသမုပ္ပါဒ် တန်းနေအောင် သွားတာပဲ။

ဥပမာ ပုထုဇဉ်က ဒေါသဖြစ်ရင် ကမ္ဘာမကျေဘူးဆိုပြီး တေးထားတယ်။ သောတာပန်ကတော့ ဖြစ်တော့ဖြစ်လိုက်တာပဲ၊ ဒါပေမယ့် နောက်က အသိနဲ့ ပြန်လိုက်ပေးလိုက်တယ်။ ဒါနံပါတ်(၁)ကွာခြားမှုပဲ။ ဖြစ်ကြောရှည်နဲ့ ဖြစ်ကြောတိုကွာတယ်။

နံပါတ်(၂)က လောဘ ဒေါသ မောဟတွေ မပယ်နိုင်သေးတော့ အကြောင်းတိုက်ဆိုင်လို့ ပေါ်လာခဲ့သော်လဲ ဒီကိလေသာတွေ ငြိမ်းအေးအောင်လုပ်လိုက်တော့မယ်ဆိုတဲ့ စိတ် ပေါ်လာတယ်။ သိရုံတင်မကဘူး၊ ငြိမ်းအေးအောင်လုပ်မယ်ဆိုတဲ့အထိလာတယ်။ လောဘ ဒေါသ မောဟတွေကတော့ ပုထုဇဉ်လိုပဲ ဖြစ်တာပဲ။ သို့သော် ဖြစ်မှန်းသိတဲ့အတွက် ငြိမ်းအေးအောင်လုပ်လိုက်မယ်ဆိုပြီး ဖြစ်ပျက်ရှုလိုက်တော့ ငြိမ်းအေးသွားတာပဲ။ ဘယ်တော့မှ မကျေဘူး ဘာညာဆိုတာတွေ မကျန်ရစ်တော့ဘူး။ ကိလေသာတွေ လာသော်လဲ ငြိမ်းအေးအောင်လုပ်ပစ်လိုက်တယ်။
အကျဉ်းချုပ်အားဖြင့် မှားရင် မှားမှန်း ချက်ချင်းသိတယ်၊ ငြိမ်းအောင်လုပ်ပစ်တယ်။ လောဘ ဒေါသတွေနဲ့ မှားတာကိုပြောတာ။

(၃)နံပါတ်က ဒီဘုရားသာသနာမှတစ်ပါး အခြားသာသနာမှာ သောတာပန် သကဒါဂါမ် အနာဂါမ် ရဟန္တာမရှိဘူးလို့ ယုံကြည်တယ်။ ကိုယ်တိုင်သိလာတာ။ သိလာလို့ ယုံကြည်တာ။

(၄)နံပါတ်က ရဟန်းတော်တွေဟာ ဘုရားပညတ်ထားတဲ့သိက္ခာပုဒ်တစ်ခုခု ချိုးဖောက်မိရင် အပြစ်သင့်တယ်။ အာပတ်သင့်တယ်။ အဲဒီအပြစ်ကို သိလိုက်တာနဲ့ ပျောက်သွားအောင် ချက်ချင်း ဒေသနာကြားတယ်။
 အာပတ်ကုစားတာခေါ်တယ်။ လူတွေမှာတော့ တစ်ခုခု မှားလို့ရှိရင် ၀န်ချတောင်းပန်ပြီး ပြေလည်အောင်လုပ်လိုစိတ်ပေါ်လာတယ်။ မှားတဲ့ဥစ္စာ ချက်ချင်း ပြေအောင်လုပ်ချင်စိတ်ပေါ်လာတာ။ မှားမိတာ သိလိုက်တာနဲ့ ချက်ချင်း ဘုရားရှေ့သွားပြီး ကမ္မဋ္ဌာန်းထိုင်ပစ်လိုက်ပြီး မှားတဲ့အပြစ်တွေ ပြေပြောက်အောင် လုပ်လိုက်တယ်။ ဒါသောတာပန်ရဲ့စိတ်ထားပဲ။

နံပါတ်(၅)က အမှုကိစ္စအတွက် ရုံးကန်ကနားခေါ်သော်ငြားလဲ လိုက်တော့လိုက်တယ်။ ဒါပေမယ့် သူ့ သီလ၊ သမာဓိ၊ ပညာတော့ အပျက်မခံဘူး။ ကိစ္စကြီးငယ်ရှိလို့ အကူအညီလိုရင် အကူအညီတော့ ပေးတာပဲ၊ ဒါပေမယ့် သူ့သီလ၊ သမာဓိ၊ ပညာတော့ အပျက်မခံဘူး။ မဟုတ်ဘဲနဲ့ အဟုတ်လုပ်အပြောခိုင်းလဲ သူမပြောဘူ၊ အလိမ်ခိုင်းလဲ မလိမ်ဘူး၊ မတရား ထွက်ဆိုတာမျိုး သူမလုပ်တော့ဘူး။ အမှန်ပြောရင် ဘယ်လိုလုပ်မယ်၊ ဘာလုပ်မယ်စသည်ခြိမ်းခြောက်နေစေကာမူ သူကတော့ အမှန်အတိုင်းပဲ ထွက်ဆိုတယ်။ ဒီလိုပြောပေးရင် ငွေပေးမယ်၊ ဘာပေးမယ်ပြောလဲ သူကတော့ မဟုတ်မမှန်တာကို အဟုတ်အမှန်လုပ်ပြီး ပြောမပေးတော့ဘူး။

နံပါတ်(၆)က တရားဟောနေတဲ့အခါ အနက်အဓိပ္ပါယ်ကို သိပြီး စိတ်ဟာဘယ်မှမသွားဘဲနဲ့ နာလေ့ရှိတယ်။ မြတ်စွာဘုရားတရားတော်တွေ နာကြားရတဲ့အခါ အာရုံတစ်ပါး စိတ်မသွားဘဲ စူးစူးစိုက်စိုက် နာနိုင်ခြင်းသည် သောတာပန်ရဲ့ သဘောပဲ။

နံပါတ်(၇) က တရားတော်တွေ နာကြားပြီးတဲ့နောက် ပြောလို့လဲ မပြီးနိုင်၊ ၀မ်းမြောက်လို့လဲ မဆုံးနိုင်ဘူးတဲ့။ သိပ်ပြီး သဘောကျလွန်းလို့ ပီတိသောမနဿတွေဖြစ်ပြီး တော်တော်နဲ့ မပျောက်နိုင်ဘူး။

အကျဉ်းပြန်ချုပ်လိုက်ရင်-

၁။ လောဘ ဒေါသ မောဟ ပေါ်တိုင်ပေါ်တိုင်း ချက်ချင်းသိတာသည် သောတာပန်ရဲ့အသိ။

၂။ သိသည်နှင့်တစ်ပြိုင်နက် ငြိမ်းအေးအောင်လုပ်နိုင်ခြင်းသည် သောတာပန်ရဲ့ အသိ။

၃။ ဤသာသနာမှတစ်ပါး အခြားသာသနာမှာ ထွက်ရပ်လမ်းလုံးဝမရှိဘူးဆိုတဲ့ယုံကြည်မှုဟာလဲ သောတာပန်ရဲ့ သဒ္ဓါ။

၎။ ကျူးလွန်ထားတဲ့အပြစ်ကို ချက်ချင်း ကုသလိုတဲ့စိတ်ပေါ်တာဟာလဲ သောတာပန်ရဲ့ သဘော။

၅။ ကိစ္စကြီးငယ်ရှိလို့ အကူအညီ သက်သေလိုက်ရငြားသော်လဲ သီလ သမာဓိ ပညာ အပျက်မခံတာသည် သောတာပန်ရဲ့သဘော။

၆။ တရားတော်တွေကို အာရုံတစ်ပါး စိတ်မသွားဘဲ အနက်အဓိပ္ပါယ်သိပြီး နာနိုင်ခြင်းသည် သောတာပန်။

၇။ ခန္ဓာဉာဏ်ရောက်တရားတွေနာရတော့ ၀မ်းမြောက်လို့မဆုံး ကြည်ညိုလို့မဆုံး ကျေးဇူးတင်လို့ မဆုံးဖြစ်တာသည် သောတာပန်။

ပုထုဇဉ်နဲ့ သောတာပန် ဒီ(၇)ချက်မှာ ထူးခြားတယ်တဲ့။ ကောသမ္ဘီရဟန်းတွေ အကြောင်းပြုပြီးဟောတာ။ ဥပမာ သောတာပန်လဲ ရန်တော့ ဖြစ်တာပဲ။ ဒါပေမယ့် ဖြစ်ရင် ဖြစ်မှန်းနောက်ကသိတယ်။ သိလိုက်တော့ ငြိမ်းအောင်လုပ်လိုက်တယ်။ သိလို့ ကုသလိုက်တယ်။ သူတစ်ပါးကိစ္စဆောင်ရွက်ရာမှာ သီလ သမာဓိ ပညာကိုသာ ငဲ့လေ့ရှိတယ်။ တရားနာတဲ့အခါမှာ အခြားစိတ်တွေ အ၀င်မခံဘူး။ တရားနာရတော့ ၀မ်းသာလို့မဆုံး ပီတိသောမနဿတွေလဲ ဖြစ်လို့မဆုံးဘူးတဲ့။ ဒါ ပုထုဇဉ်နဲ့ မတူတဲ့အချက် (၇)ချက်။
  ဒီ(၇) ချက်နဲ့ ကိုက်ညီပြီဆိုရင်တော့ ကိုယ့်ကိုယ်ကို သောတာပန်ဖြစ်နေပြီလို့ ကောက်ချက်ချလိုက်ပါ။


(မိုးကုတ်ဆရာတော်ဘုရားကြီး၏ ဟောတရားများမှ ကောက်နုတ်တင်ပြခြင်းသာဖြစ်သည်။)


ဒေါက်တာအရှင်ပါရမီ


ဗုဒ္ဓဘာသာဝင်တိုင်းသိသင့်သော သိမှတ်ဖွယ်ရာများ


ဗုဒ္ဓဘာသာဝင်တိုင်းသိသင့်သော သိမှတ်ဖွယ်ရာများ
-------------------------------------------------
ဘဒ္ဒကမ္ဘာတွင် ပွင့်တော်မူသော ဘုရားငါးဆူ
-------------------------------------------
၁။ ကကုသန်မြတ်စွာဘုရား
၂။ ကောဏဂုံမြတ်စွာဘုရား
၃။ ကဿပမြတ်စွာဘုရား
၎။ ဂေါတမမြတ်စွာဘုရား
၅။ အရိမေတ္တေယျမြတ်စွာဘုရား (နောင်ပွင့်တော်မှုမည်)
သာသနာတော်သုံးရပ်
----------------------
၁။ ပရိယတ္တိ သာသနာ = ပိဋကပ်စာပေသင်ကြားခြင်း
၂။ ပဋိပတ္တိ သာသနာ = တရားတော်နှင့်အညီကျင့်ခြင်း
၃။ ပဋိဝေဒ သာသနာ = ထိုးထွင်းသိမြင်ခြင်း
ရတနာသုံးပါး
-------------
၁။ ဘုရား
၂။ တရား
၃။ သံဃာ
ဂေါတမဗုဒ္ဓမြတ်စွာဘုရားနှင့် ပတ်သက်၍ သိသင့်သောအချက်များ
---------------------------------------------------------------
မြတ်စွာဘုရား၏ ဖခမည်းတောအမည် = သုဒ္ဓေါဓန
မြတ်စွာဘုရား၏ မယ်တော်အမည် = သီရိမဟာမာယာဒေ၀ီ
မြတ်စွာဘုရား၏ မွေးဖွားရာဇာတိ = ကပ္ပိလ၀တ်
မြတ်စွာဘုရား၏ ငယ်နာမည် = သိဒ္ဓတ္တမင်းသား
မြတ်စွာဘုရား၏ ကြင်ယာတော် = ယသော်ဓရာဗိမ္မာဒေ၀ီ
မြတ်စွာဘုရား၏ သားတော် = ရာဟုလာ
မြတ်စွာဘုရား၏ ဖွားဖက်တော်ခုနှစ်ယောက်= ဆန္ဒအမတ်၊ ကဏ္ဍကမြင်း၊ ကာဠုဒါယီအမတ်၊
ရွှေအိုးကြီးလေးလုံး၊ ညီတော်အာနန္ဒာ၊ ယသော်ဓရာ၊ ဗောဓိညောင်ပင်
သံဝေဇနိယ လေးဌာန
---------------------
၁။ မြတ်စွာဘုရားဖွားမြင်သည့်အရပ် = လုံမ္ဗနီဥယျာဉ်
၂။ ဘုရားအဖြစ်ရောက်တော်မူသောနေရာ = ဗုဒ္ဓဂါယာ
၃။ ဓမ္မစကြာတရားဦးဟောတော်မူသောနေရာ = မိဂဒါဝုန်တော
၎။ ပရိနိဗ္ဗာန်ပြုသောနေရာ = ကုသိနာရုံ
သတ္တဌာန ခုနှစ်ပါး
-----------------
၁။ အောင်မြင်တော်မူသော ဗောဓိညောင်ပင်၏ အရှေ့မြောက်တစ်လံကွာ ရွှေပလ္လင်ဌာန
၂။ ဗောဓိပင်၏ မြောက်ဘက် ၁၀ လံကွာဌာန အနိမိသအရပ်
၃။ ဗောဓိပင်နှင့် အနိမိသအကြားနှစ်လံကွာဌာန ရတနာစင်္ကြံ
၎။ ဗောဓိပင်၏ အနောက်မြောက် ၁၅ လံကွာ ရတနာဃရရွှေအိမ်
၅။ ဗောဓိပင်၏ အရှေ့ ၃၂ လံကွာ အဇပါလ ဆိတ်ကျောင်းညောင်ပင်
၆။ ဗောဓိပင်၏ အရှေ့တောင် ၁၅ လံကွာ မုစလိန္ဒာအိုင်ဝယ် နဂါးပါးပြင်းအောက်ဌာန
၇။ ဗောဓိပင်၏ တောင်ဘက် ၁၁ လံကွာ လင်းလွန်းပင်အရပ်
ဘုရားဂုဏ်တော်ကိုးပါး
----------------------
၁။ အရဟံ = ပူဇော်အထူးခံယူတော်မူထိုက်သောဂုဏ်။
၂။ သမ္မာသမ္ဗုဒ္ဓေါ = အလုံးစုံသောတရားအပေါင်းကိုသိမြင်တော်မူသောဂုဏ်။
၃။ ၀ိဇ္ဇာစရဏသမ္ပန္နော = ၀ိဇ္ဇာသုံးပါး၊ ၀ိဇ္ဇာရှစ်ပါး၊ စရဏတရား ၁၅ပါး တို့နှင့်
ပြည့်စုံတော်မူသောဂုဏ်။
၎။ သုဂတော = ကောင်းသောစကားကိုသာဆိုတော်မူသောဂုဏ်။
၅။ လောက၀ီဒူ = လောကသုံးပါးကိုသိတော်မူအပ်သောဂုဏ်။
၆။ အနုတ္တရော ပုရိသ ဒမ္မသာရထိ= မယဉ်ကျေးသော လူနတ်ဗြဟ္မာသတ္တ၀ါတို့ကို
ယဉ်ကျေးအောင်ဆုံးမသောဂုဏ်။
ရ။ သတ္ထာဒေ၀မနုဿာနံ = နတ်လူတို့၏ ဆရာဖြစ်သောမူသောဂုဏ်။
၈။ ဗုဒ္ဓေါ = သစ္စာလေးပါးကို သိတော်မူသောဂုဏ်။
၉။ ဘဂ၀ါ = ဘုန်းတော်ခြောက်ပါးနှင့် ပြည့်စုံတော်မူသောဂုဏ်။
တရားဂုဏ်တော် ခြောက်ပါး
---------------------------
၁။ သွာက္ခာတော = တရားတော်၏ အစအလယ်အဆုံးကောင်းသောဂုဏ်။
၂။ သန္ဒိဌိကော = ချီးမွမ်းအပ်သော မဂ်ပညာဖြင့် ကိလေသာကို
အောင်တတ်သောဂုဏ်။
၃။ အကာလိကော = အခါမလင့် ကောင်းကျိုးချမ်းသာပေးတတ်သောဂုဏ်။
၎။ ဧဟိပဿိကော = လာလှည့်ရှုလှည့်ဟူ၍ အစီရင်ကိုခံထိုက်သောဂုဏ်။
၅။ သြပနေယျိကော = စိတ်နှင့်မခွာဘဲဆောင်ခြင်းငှာထိုက်သောဂုဏ်။
၆။ ပစ္စတ္တံဝေဒိတဗ္ဗောဝိညူဟိ = ပညာရှိတို့စိတ်၌ သိအပ်ခံစားအပ်သောဂုဏ်။
သံဃာ့ဂုဏ်တော် ကိုးပါး
-----------------------
၁။ သုပ္ပဋိပန္နော = သိက္ခာကျင့်ဝတ်တို့ကို ကောင်းစွာကျင့်တော်မူသောဂုဏ်။
၂။ ဥဇုပ္ပဋိပန္နော = သိက္ခာကျင့်ဝတ်တို့ကို ဖြောင့်မတ်စွာကျင့်သောဂုဏ်။
၃။ ဥာယပ္ပဋိပန္နော = နိဗ္ဗာန်၏ အကျိုးငှာ ကျင့်တော်မူသောဂုဏ်။
၎။ သာမိစိပ္ပဋိပန္နော = အရိုအသေပြုထိုက်အောင် သိက္ခာတို့ကိုရိုသေထိုက်သောဂုဏ်။
၅။ အာဟုနေယျော = အဝေးမှဆောင်၍ သီလ၀န္တတို့အား လှူအပ်သော ပစ္စည်းကို
ခံယူတော်မူထိုက်သောဂုဏ်။
၆။ ပါဟုနေယျော = ချစ်ခင်နှစ်လိုအပ်သောဧည့်သည်တို့အဖို့ စီရင်ထားသော
မြတ်သောအလှူကိုခံတော်မူထိုက်သောဂုဏ်။
ရ။ ဒက္ခိနေယျော = တမလွန်လောကကို ယုံကြည်၍ပေးအပ်သော မြတ်သော
အလှူကိုခံတော်မူထိုက်သောဂုဏ်။
၈။ အဉ္ဇလီကရဏီယျော = ကောင်းမူကိုအလိုရှိသူတို့ လက်အုပ်ချီ၍ ရှိခိုးခြင်းငှာ
ထိုက်တော်မူသောဂုဏ်။
၉။ အနုတ္တရံပုညက္ခေတ္တံ = ကောင်းမူတည်းဟူသော မျိုးစေ့တို့၏ စိုက်ပျိုးရာ
လယ်မြေကောင်းသဖွယ်ဖြစ်သောဂုဏ်။
အနှစ်သုံးပါး
-------------
၁။ ဒါန ၂။ သီလ ၃။ ဘာဝနာ
ပစ္စည်းလေးပါး
--------------
၁။ ဆွမ်း ၂။ ဆေး ၃။ သင်္ကန်း ၄။ ကျောင်း
ဆီမီးကပ်လှူခြင်းအကျိုးနှစ်ပါး
------------------------------
၁။ ပကတိမျက်စိကြည်လင်ခြင်း
၂။ ဥာဏ် (မျက်စိ)ကြည်လင်ခြင်း
ဆွမ်းအကျိုး ငါးပါး
-----------------
၁။ အာယု = အသက်ရှည်ခြင်း
၂။ ၀ဏ္ဏ = အဆင်းလှခြင်း
၃။ သုခ = ချမ်းသာကြီးခြင်း
၎။ ဗလ = ခွန်အားကြီးခြင်း
၅။ ပရိဘာန = ဥာဏ်ပညာကြီးခြင်း
ပန်းလှူရသည့် အကျိုးသုံးပါး
----------------------------
၁။ ရုပ်ရည်လှပသည်။
၂။ ခန္ဒာကိုယ်သန့်ရှင်းစင်ကြယ်စေသည်။
၃။ ခံတွင်းအနံ မွှေးကြည်စေသည်။
သီလရှိသူ ရနိုင်သောအကျိုး ငါးပါး
---------------------------------
၁။ စည်းစိပ်ဥစ္စာရရှိနိုင်သည်။
၂။ ဂုဏ်သတင်းကျော်ကြားနိုင်သည်။
၃။ တင့်တင့်တယ်တယ်နေနိုင်သည်။
၎။ မတွေမဝေဘဲသေရမည်။
၅။ သေပြီးနောက် ကောင်းသောဘ၀ရောက်နိုင်သည်။
တရားနာခြင်း၏ အကျိုး ငါးပါး
-----------------------------
၁။ မကြားဖူးသော ထုံနည်းပုံစံ တရားကောင်းတို့ကို ကြားရခြင်း။
၂။ ကြားဖူးသော တရားကောင်းကို အဖန်တလဲလဲ မှတ်မိအောင်နာကြားရခြင်း။
၃။ ယုံမှားသံသယကို ဖျောက်နိုင်ခြင်း။
၎။ အယူဝါဒကို ဖြောင့်မတ်စွာ ယူနိုင်ခြင်း။
၅။ သဒ္ဓါယုံကြည်သောစိတ်တိုးပွားစေခြင်း။
မေတ္တာအကျိုး ၁၁ ပါး
---------------------
၁။ ချမ်းသာစွာအိပ်ရသည်။
၂။ ချမ်းသာစွာနိုးရသည်။
၃။ မကောင်းသောအိမ်မက်မမြင်
၎။ လူနတ်ချစ်သနားသည်။
၅။ ဘေးလွတ်အောင်နတ်တို့စောင်မသည်။
၆။ မီးမလောင်နိုင်
၇။ ဓားလက်နက်မထိနိုင်
၈။ အဆိပ်နှင့်မသေနိုင်
၉။ မကောင်းသောစိတ်ပျောက်သည်။
၁၀။ မျက်နှာအဆင်းလှသည်။
၁၁။ မတွေဝေဘဲသေ၍ ဗြမ္မာပြည်သို့ရောက်သည်။
သည်းခံခြင်းအကျိုး ငါးမျိုး
-------------------------
၁။ လူအများချစ်ခြင်း။
၂။ ရန်ငြိမ်းခြင်း။
၃။ အပြစ်နည်းခြင်း။
၎။ မတွေမဝေသေရခြင်း။
၅။ သုဂတိဘ၀သို့လားရခြင်း။
အပယ်လေးပါး
--------------
၁။ ငရဲ ၂။ တိရိစ္ဆာန် ၃။ ပြိတ္တာ ၄။ အသူရကာယ်
ကပ်သုံးပါး
----------
၁။ ဒုဗ္ဘိက္ခန္တရကပ် = ငတ်မွတ်ဘေးကြောင့် ပျက်စီးသောကပ်
၂။ သတ္တန္တရကပ် = လက်နက်ဘေးကြောင့် ပျက်စီးသောကပ်
၃။ ရောဂန္တရကပ် = ရောဂါဘေးကြောင့် ပျက်စီးသောကပ်
ရပ်ပြစ်ရှစ်ပါး
------------
၁။ ငရဲ = ချမ်းသာမှုအလျဉ်းမရှိသောအရပ်
၂။ တိရစ္ဆာန် = နိဗ္ဗာန်နှင့်ဖီလာ မိုးကိုကျေပေးသောသတ္တ၀ါ
၃။ ပြိတ္တာ = ကိုယ်လက်အင်္ဂါ မမျှတသောသတ္တ၀ါ
၎။ အသညဇော = ခန္ဓာကိုယ်တစ်ပါးသာရှိ၍ အသက်နာမ်မရှိသော ဗြဟ္မာဘုံ
၅။ ပစ္စန္တရာဇ် = ရတနာသုံးပါး မသိ၊ မရှိသော တောချုံ အုံခြားအရပ်
၆။ မိစ္ဆာဒိဌိ = မှားသောအယူရှိသော လူမျိုးစု
၇။ ၀ိကလိနြ္ဒိယ = သစ္စာလေးပါးတရားကိုနာကြားရသော်လည်းနားမလည်နိုင်သော ပညာဥာဏ်မရှိသူ
၈။ ဗုဒ္ဓသုညော တိဟေတုကော = အသိအလိမ္မာနှင့်ပြည့်စုံသော်လည်း ဘုရားပွင့်သော
ကာလနှင့်လွဲ၍ လူဖြစ်ရခြင်း။
ရန်သူမျိုး ငါးပါး
---------------
၁။ ရေ ၂။ မီး ၃။ မင်းဆိုး ၄။ သူခိုး ၅။ မချစ်မနှစ်သက်သောသူ
ဝိပတ္တိတရား လေးပါး (၀ိပတ္တိ-ဖောက်ပြန်ချွတ်ယွင်းခြင်း)
---------------------
၁။ ဂတိဝိပတ္တိ = အပါယ်လေးဘုံတို့၌ဖြစ်ရခြင်း။
၂။ ဥပဓိဝိပတ္တိ = ရုပ်အဆင်းအဂါင်္ (ဥပဓိ)ချို့တဲ့ခြင်း။
၃။ ကာလ၀ိပတ္တိ = ခေတ်ပျက် ကာလပျက်၊ မင်းဆိုးမင်းယုတ်တို့အုပ်ချုပ်သောကာလ၌ ကြုံရခြင်း။
၎။ ပယောဂ၀ိပတ္တိ = အသိအလိမ္မာ ဥာဏ်ပညာမရှိ၊ သတိ ၀ီရိယလည်းမရှိ၍ လုပ်မှားကိုင်မှား အပြစ်များကိုသာကျူးလွန်မိခြင်း။
ဗျသနတရား ငါးပါး
-------------------
၁။ ဥာတိဗျသန = ဆွေမျိုးဥာတိတို့ သေကျေပျက်စီးခြင်း
၂။ ဘောဂဗျသန = ရာထူးဂုဏ်သိမ် စည်းစိမ်ဥစ္စာလျောကျပျက်စီးခြင်း
၃။ ရောဂဗျသန = အနာရောဂါ နှိပ်စက်ပျက်စီးခြင်း
၎။ သီလဗျသန = အကျင့်သီလပျက်စီးခြင်း
၅။ ဒိဌိဗျသန = အယူဝါဒ လွဲမှားပျက်စီးခြင်း
ကိလေသာ သုံးပါး
-------------------
၁။ လေဘ ၂။ ဒေါသ ၃။ မောဟ
ကာလ သုံးပါး
-------------
၁။ အတိတ် = လွန်လေပြီးသောကာလ
၂။ ပစ္စုပ္ပါန် = လက်ရှိကာလ
၃။ အနာဂတ် = နောင်ကာလ
အဂတိတရား လေးပါး
---------------------
၁။ ဆန္ဒ ၂။ ဒေါသ ၃။ ဘယာ ၄။ မောဟ
မျက်မှောက်စည်းစိမ်ပျက်စီးကြောင်းတရား သုံးပါး
-----------------------------------------------
၁။ ဣတ္ထိဓုတ္တ = မိန်းမလိုက်စားခြင်း
၂။ သုရာဓုတ္တ = သေသောက်ကြူးခြင်း
၃။ အက္ခဓုတ္တ = လောင်းကစားခြင်း
သရဏဂုံပျက်ရသောအကြောင်း နှစ်ပါး
--------------------------------------
၁။ မိစ္ဆာဒိဌိအယူကိုပြောင်းယူခြင်း ၂။ သေဆုံးခြင်း
ကံသုံးပါး
---------
၁။ ကာယကံ = ကိုယ်ဖြင့်ပြုခြင်း
၂။ ၀စီကံ = နှုတ်ဖြင့်ပြုခြင်း
၃။ မနောကံ = စိတ်ဖြင့်ပြုခြင်း
ကာယကံ(၃)ပါး
-------------------
၁။ ပါဏာတိပါတ = သူ့အသက်သတ်ခြင်း
၂။ အဒိန္နာဒါန = သူ့ဥစ္စာခိုးယူခြင်း
၃။ ကာမေသုမိစ္ဆာစာရ = သူ့များသားမယား ပြစ်မှားကျူးလွန်ခြင်း
ဝစီကံလေးပါး
-----------------
၁။ မုသာဝါဒ = မဟုတ်မမှန်သော
၂။ ပိသုဏ၀ါစာ = ချောပစ်ကုန်းတိုက်သောစကားပြောခြင်း
၃။ ဖရုသ၀ါစာ = ကြမ်းတမ်းသော (ဆဲရေး) စကားပြောခြင်း
၎။ သမ္ဖပ္ပလာပ = သိမ်ဖျင်းသောစကား(အနှစ်မဲ့သောစကား)ပြောခြင်း
မနောကံ(၃)ပါး
------------------
၁။ အဘိဇ္ဈာ = သူတပါးစည်းစိမ်ကိုမတရားကြံစည်ခြင်း
၂။ ဗျာပါဒ = သူတပါးပျက်စီးအောင် ကြံစည်ခြင်း
၃။ မိစ္ဆာဒိဌိ = အယူမှားခြင်း
အာရုံ ခြောက်ပါး ကာမဂုဏ်တရားများ
-----------------------------------
၁။ ရှုပါရုံ = အဆင်းအာရုံ
၂။ သဒ္ဒါရုံ = အသံအာရုံ
၃။ ဂန္ဓာရုံ = အနံအာရုံ
၎။ ရသာရုံ = အရသာအာရုံ
၅။ ဖောဌဗ္ဗရုံ = အတွေ့အာရုံ
၆။ ဓမ္မာရုံ = တရားသဘောအာရုံ
ပိဋကတ် သုံးပုံ
-----------------
၁။ သုတ္တန် ၂။ ၀ိနည်း ၃။ အဘိဓမ္မာ
စေတနာ သုံးတန်
------------------
၁။ ပုဗ္ဗ = ကြိုတင်စေတနာ
၂။ မုဉ္စ = ပြုဆဲစေတနာ
၃။ ပရ = ပြုပြီးစေတနာ
လောကပါလ တရားနှစ်ပါး ( လောကကို စောင့်ရှောက်သော တရား။ )
---------------------------------------------------------------------
ဟိရီ = အပြစ်မကင်းသော အမှု၊ မကောင်းမှု ပြုလုပ်ရမည်ကို ရှက်ခြင်း၊
ဩတ္တပ္ပ = အပြစ်မကင်းသော အမှု၊ မကောင်းမှု ပြုလုပ်ရမည်ကို ကြောက်ခြင်း၊
လောက သုံးပါး
--------------
၁။ သတ္တလောက = လူသတ္တ၀ါများ၏ လောက
၂။ သင်္ခါရလောက = ဖြစ်ပျက်ပြုပြင်လောက
၃။ သြကာသလောက = ရှိရှိသမျှလူသတ္တ၀ါအားလုံးရှိသောလောက
ဗြဟ္မစိုရ်တရား လေးပါး
-----------------------
၁။ မေတ္တာတရား ၂။ ကရုဏာတရား ၃။ မုဒိတာတရား ၄။
ဥပက္ခာတရား
သမ္ပတ္တိတရား လေးပါး
---------------------
၁။ ကာလသမ္ပတ္တိ = ခေတ်အခါကောင်းနှင့် ကြုံတွေ့ရခြင်း။
၂။ ဂတိသမ္ပတ = လူ့ဘ၀နတ်ဘ၀ကဲ့သို့ ကောင်းသောဂတိနှင့် ကြုံတွေ့ရခြင်း။
၃။ ဥပဓိသမ္ပတ = ခြေလက်အင်္ဂါညီညာပြည့်စုံခြင်း၊ ရုပ်ရည်ရူပကာတင့်တယ်ခြင်း။
၎။ ပယောဂသမ္ပတ = ကာယကံ၊ ၀စီကံ၊ မနောကံ ကံသုံးပါးဖြူစင်ကောင်းမွန်ခြင်း။
သမ္ပဒါတရား လေးပါး (မျက်မှောက်ကြီးပွားကြောင်းတရား လေးပါး)
-----------------------------------------------------------------
၁။ ဥဌာနသမ္ပဒါ = ထကြွလုံ့လ၀ီရိယနှင့် ပြည့်စုံမှု
၂။ အာရက္ခသမ္ပဒါ = စောင့်ရှောက်ခြင်းနှင့် ပြည့်စုံမှု
၃။ ကလျာဏမိတ္တသမ္ပဒါ = မိတ်ဆွေကောင်းရှိမှု
၎။ သမဇီဝိတသမ္ပဒါ = မျှတစွာအသက်မွေးမှု
ခန္ဓာ ငါးပါး
------------
၁။ ရူပက္ခန္ဓာ
၂။ ဝေဒနာက္ခန္ဓာ
၃။ သင်္ခါရက္ခန္ဓာ
၎။ သညာက္ခန္ဓာ
၅။ ၀ိညာဏက္ခန္ဓာ
သစ္စာ လေးပါး
--------------
၁။ ဒုက္ခသစ္စာ
၂။ သမုဒယသစ္စာ
၃။ နိရောဓသစ္စာ
၎။ မဂ္ဂသစ္စာ
မဂ်တရားလေးပါး
----------------------
၁။ သောတာပတ္တိမဂ်
၂။ သကဒါဂါမိမဂ်
၃။ အနာဂါမိမဂ်
၎။ အရဟတ္တမဂ်
စေတီ လေးမျိုး
---------------
၁။ ဓါတုစေတီ = ဘုရားရှင်၏ ဓါတ်တော်များဌာပနာသောစေတီ
၂။ ဓမ္မစေတီ = ပိဋကတ်သုံးပုံတရားစာပေများ
၃။ ဥဒ္ဓိဿစေတီ = ဘုရားရှင်ကို ရည်မှန်းထုလုပ်ထားသော ရုပ်ပွားတော်(ရပ်၊လျောင်းထိုင်) ပုံတော်များ။
၎။ ပရိဘောဂစေတီ = ဘရားရှင်၏ အသုံးအဆောင်ဖြစ်သော သပိတ်၊ သင်္ကန်း စသည်တို့ ဌာပနာထားသောစေတီ ၊ ဗာဓိပင်။
ဥပါယ်တံမျဉ် လေးမျိုး
-----------------------
၁။ ဘေဒဥပါယ် = သဘောထားအယူအဆကွဲလွဲအောင် သွေးတိုးသပ်လျှိုသည့်နည်းလမ်း။
၂။ ဒဏ္ခုဥပါယ် = ထောင်ချခြင်း၊ အချုပ်ချခြင်းစသော ဒဏ်ခတ်သည့်နည်းလမ်း။
၃။ သာမဥပါယ် = ရင်းနှီးအောင်ပေါင်းသင်းဆက်ဆံခြင်း၊ ကိုယ်ဘက်ပါအောင် ဖျောင်းဖျ
ပြောဆိုစည်းရုံးခြင်းနည်းလမ်း။
၎။ ဒါနဥပါယ် = ပေးကမ်းခြင်းနည်းလမ်း။




27 Feb 2016

လောကဓံတရား(၈) ပါး



လူငယ်တိုင်း ဖတ်သင့်သည့် လောကဓံတရား(၈) ပါး


၁။ လာဘ = ပစ္စည်းဥစ္စာရခြင်း။

၂။ အလာဘ = ပစ္စည်းဥစ္စာမရခြင်း။

၃။ ယသ = အခြွေအရံများခြင်း။

၎။ အယသ = အခြွေအရံမရှိခြင်း။

၅။ နိန္ဒာ = အကဲ့ရဲ့ခံရခြင်း။

၆။ပသံသာ = ချီးမွမ်းခံရခြင်း။

၇။ သုခ =  ကိုယ် စိတ် ချမ်းသာခြင်း။

၈။ ဒုက္ခ =  ကိုယ် စိတ် ဆင်းရဲခြင်း။ 
 
 
ဤသို့အားဖြင့် ရှစ်ပါးရှိပါတယ်။


ဤလောက၌ မကောင်း(၄)ပါး၊ကောင်း(၄)ပါးရှိ၏။ကောင်းသော လောကဓံနှင့် တွေ့ကြုံသောအခါ စိတ်အား

ကိုယ်အား ဝမ်းသာရွှင်ပျ တကြွကြွဖြစ်နေခြင်း၊မကောင်းသော လောကဓံတရားနှင့် တွေ့ကြုံသောအခါ စိတ်အားနွဲ့ ၍ တမဲ့မဲ့ဖြစ်နေခြင်းသည် လောကဓံကြောင့် တုန်လှုပ်ခြင်းတည်း။ဝမ်းသာလွယ်သူသည် ဝမ်းနည်းလွယ်၏။ ဝမ်းသာအားကြီးသူသည် ဝမ်းနည်းအားကြီး၏။ထို့ကြောင့် အမြဲ စိတ်ချမ်းသာခြင်းကို အလိုရှိလျှင် လောကဓံတရားရှစ်ပါး ဖြစ်ရိုးဖြစ်စဉ် တရားကြောင့် (ဆိုးဆိုးကောင်းကောင်း) သိသိသာသာ ကြီး စိတ်မပြောင်းဖို့ အထူးသတိထားသင့်ကြပေသည်။



လာဘ-အလာဘ

မိမိနှင့်ထိုက်တန်သော လာဘ်ကိုတရားသဖြင့် ရအောင်ကြိုးစားရမည်။ ရသည့်အခါတွင်လည်း သူတစ်ပါး အမြင်ကတ်အောင် ဝမ်းသာရွှင်ပျ တကြွကြွ မရှိစေသင့်။ တချို့ ရှာဖွေမူကား ရှာဖွေ၍ မရသည့်အပြင် “ဘူးထဲက ရေပါ၍” အရင်းပင်ရှုံးတတ်သေးသည်။ ထိုကဲ့သို့ ဆုံးရှုံးမှုကြောင့်လည်း ဝမ်းနည်းပူဆွေး၍ မနေ နှင့်။ ထိုသို့ ဆုံးရှုံးသူတွေ မရေမတွက်နိုင်အောင် ရှိကြသည့်အပြင် ထီးနန်းကိုပင် စွန့်လွှတ်၍ တစ်မျိုးလုံး သခင်ဘဝမှ ကျွန်ဘဝသို့ဆင်းကာ မောင်မောင်လို့ ခေါ်တုန်းက”ဗျာ” လို့မျှ ထူးဖော်မရဘဲ အောင်ကျော်လို့ ခေါ်ကာမှ “ဘုရား”ထူးရသူတွေ အများပင် ရှိကြပေသည်။ သို့ဖြစ်၍ ရမှု မရမှု လောကဓံနှစ်ခုကြောင့် မတုန် မလှုပ်ဖို့ရာ ခိုင်မာသောစိတ်ကိုသာ အမြဲထားသင့်ကြပေသည်။



ယဿ-အယဿ

ဆရာသမား လူကြီးလူကောင်းတို့၌ အထိုက်အလိုက် အခြွေအရံရှိမှ တင့်တယ်သည်။ အခြံအရံဟူသည် အိမ်ဝင်းအိမ်ခြံတို့ ကဲ့သို့ ဘေးဆီးရန်ကာ အရာရာမှာပင် စောင့်ရှောက်လုပ်ကျွေး အကူအညီပေးသူများပေ တည်း။ထိုကဲ့သို့ အခြံအရံ ပေါများအောင် မိမိ၏ ပစ္စည်းများကို ချွေတာဝေငှ မစချီးမြှောက်ရမည်။ ထို့ကြောင့် “ခြွေမှ ရံသည်”ဟု ပြောလေ့ရှိသည်။ ထိုအခြွေအရံများကိုလည်း အစေခံလိုသဘောထား၍ အားမနာ ပါးမနာ များစွာ မခိုင်းစေသင့်။မိမိကိုမှီ၍ ကြီးပွားလိုသောစိတ်သာ ရှိသင့်ပေသည်။ အခိုင်းအစေကို ခိုင်းဖို့ရာ ငှားရမ်းထားသော အစေခံများကိုပင် အခြွေအရံလို သဘောထားလျက် မိမိကို အမှီပြု၍ တစ်နေ့ထက် တစ်နေ့ ကြီးပွားအောင် စောင့်ရှောက်သင့်ပေသည်။ထိုကဲ့သို့ သဘောထားကောင်းပါလျက် အခြွေအရံ မရှိပြန်လျှင် စိတ်နှလုံး မပူပန်လေနှင့်။အခြွေအရံပေါများသည့်အတွက်လည်း မာန်မာန မတက်စေလင့်။



ကျော်စောမှု၊ဂုဏ်သတင်းပျံ့နှံ့များလည်း ယခုဘဝသာမက ဘဝတိုင်းအရေးကြီး၏။ မြင့်မြတ်သော အလုပ်ကို လုပ်မည်ကြံလျှင် ဂုဏ်ရှိမှ နာမည်ကြီးမှ အထမြောက်နိုင်သည်ကို ရှေးဦးစွာ သတိပြုသင့်ပေသည်။”ဂုဏ ဝန္တေ ပဿန္တိ ဇနာ ဂုဏ်ရှိသူမှ လူထင်ကြသောအခါ”ဖြစ်သည်။ သို့ဖြစ်၍ ရသင့်သော ကျော်ကြားမှုဂုဏ်ကို ရအောင် ဥာဏ်ဝီရိယဖြင့် ထူထောင်ရမည်။ရခဲ့ပြန်သော် ထိုဂုဏ်အတွက် မကြွားမမော်လေနှင့်။ရသင့် ပါလျက် မရပြန်လျှင်လည်း စိတ်အား မငယ်လေနှင့်။



နိန္ဒာ- ပသံသာ

မလိုမုန်းထား ဣဿာများသူ သို့မဟုတ် အလုပ်မရှိ အလုပ်ရှာ၍ ကဲ့ရဲ့စရာ ကြံစည်သူတွေ ပေါများသော ယခုကာလဝယ် အချီးအမွမ်းခံရဖို့ ခဲယဉ်းသော်လည်း အကဲ့ရဲ့ခံရဖို့မှာ သေချာပြီးဖြစ်၏။ ထို့ကြောင့် ကဲ့ရဲ့စရာ မရှိအောင် ရှေးဦးစွာ သတိထားရမည်။သို့ရာတွင် သိကြားမင်းဖန်ဆင်းအပ်သော နွားသော်မှ မစင်ပျော့သည် ဟု နော့တော့တော့ အဆိုခံရသေးသောကြောင့် “မုန်းအပြစ်၊ ချစ်အကျိုး၊ မြတ်နိုးသဒ္ဓါ”နိုင်သော ယခုကာလ ဝယ် မုန်းသူလည်း မရှားသဖြင့် အပြစ်မြင်ချင်သူတွေလည်း အများပင် ရှိပေသည်။



သို့သော် သူတစ်ပါး၏ အပြစ်ကို လွယ်ကူစွာ မြင်နိုင်သော ထိုသူများသည် အမရာ၊ကိန္တွရီ၊မဒ္ဒီ၊သမ္ဗုလာ တို့ အလား သို့မဟုတ် မဟော်သဓာ၊ဝေဿန္တရာ၊တို့တမျှ၊ သို့မဟုတ် အရှင်မဟာကဿပ ၊အရှင်သာရိပုတ္တရာ၊ အရှင်အာနန္ဒာတို့လို “ခြောက်ပြစ်ကင်း၍ စင်းလုံးချော”ဟုဆိုနိုင်ပါမည်လော။ရွာတစ်ရွာ၌ တောင်ဘက်အိမ် မှ မိန်းမကြီးတစ်ယောက် စကားထစ်ကြောင်း ပြောလာသော သားငယ်က “အ..အ..အဖေ၊ဟို…ဟို..ဟို ဘက်အိမ်က မိန်း…မိန်း…မိန်းမကြီးဟာ စ…စ..စကား ထစ်..ထစ်..ထစ်လိုက်တာ” ဟု ပြောသလို ထိုသူ ကိုယ်တိုင်မှာ အကဲ့ရဲ့ခံရပြီးဖြစ်၍ “သူခိုးသေ ဖော်ညှိများ” ဖြစ်တတ်ကြသည်။



သို့မဟုတ် မိမိကဲ့ရဲ့ဖွယ်ကို အစွမ်းကုန် ဖုံးကွယ်ထားသော “ကြောင်သူတော်”ဖြစ်တတ်ကြသည်။ ဘာကြောင့်နည်း။ “ခိုးတတ်လျှင် ရိုးတတ်”သောကြောင့်တည်း။တချို့အချက်များကား “ကိုယ့်ထက်သာ၍ မနာလို”လို့ကဲ့သို့သော်လည်း ထိုအကဲ့ရဲ့မျိုးကို သူကိုယ်တိုင်ပင် ခံချင်ကောင်း ခံချင်ပါလိမ့်မည်။ ဘာကြောင့် နည်း။မိန်းကလေးတစ်ယောက်အိမ်သို့ ဂုဏ်သရေရှိ ယောင်္ကျားကလေး ထွက်ဝင်နေရာဝယ် တစ်နယ်လုံး ကဲ့ရဲ့ကြရာ၌ အမှန်စင်စစ်မှာ မိမိတို့ဆီ မလာသောကြောင့်သာ ဖြစ်သကဲ့သို့တည်း။ဤသို့လျှင် အကဲ့ရဲ့ခံရမှု သည် မကင်းနိုင်သော လောကဓံ ဖြစ်သည့်အပြင် အမှန်အားဖြင့် ကဲ့ရဲ့သလောက် အပြစ်ရှိချင်မှ ရှိမည်။ အပြစ်ရှိသည်ပင်ထားဦးတော့။ကြောက်သင့် ရှက်သင့်သလောထက် မိမိစိတ်ကို မိမိခြောက်နေခြင်းက ပိုကောင်းပိုပါလိမ့်မည်။



တစ္ဆေကြောက်တတ်သူသည် ညဥ့်အမှောင်မိုက်ထဲတွင် ထန်းပင် ငုတ်တို့ကိုမြင်ရာ၌ ထန်းပင်ငုတ်တိုက လုံးဝ သရဲမခြောက်သော်လည်း သူစိတ်ထဲက “တစ္ဆေ တစ္ဆေ”ပဲဟု အသေအလဲစွဲလမ်း၍ တစ္ဆေကမ္မဋ္ဌာန်း စီးဖြန်းသောကြောင့် ကမ္မဋ္ဌာန်းပေါက်ပြီးလျှင် သူ့နောက်သို့ လိုက်နေသည်ထင်ကာ မစင်ပါအောင် ပြေးရှာ သကဲ့သို့တည်း။ထို့အတူ အချို့ကိစ္စ၌ မိမိစိတ်မှ မိမိခြောက်ကာ အလွန့်အလွန်ကြောက်စရာဟု ထင်လာ တတ်ပေသည်။ ထို့ကြောင့် သံယုတ်ပါဠိတော်၌ “တောထဲမှာ ချွတ်ချွတ်သံကြားတိုင်း မောကြီးပန်းကြီး ပြေးရှာသော သမင်ပျိုကဲ့သို့ အကဲ့ရဲ့ခံရမည်ကို ကြောက်နေသူကိုလည်း စိတ်မတည်သူ၊ စိတ်မခိုင်သူ ပေါ့ဆစိတ်ရှိသူ”ဟု မိန့်တော်မူသည်။ချွတ်ချွတ်သံကြားတိုင်း ပြေးရသဖြင့် သမင်ပျိုမှာ အစာရေစာ မဝ သကဲ့သို့ ထိုကြောက်တတ်သူမှလည်း မည်သည့်အကျိုးကိုမျှ မရချေ။နဂိုကပင် အရှက်ရစေတော့ဟု သဘောထား၍ ကဲ့ရဲ့ရကား ထိုကဲ့သို့ ရှက်မှန်းကြောက်မှန်းသိလျှင် ကဲ့ရဲ့သူတို့အတွက် “မျက်ဖြူဆိုက်လေ ဆရာကြိုက်လေ”ဖြစ်ပေလတ္တံ့။



တစ်နည်းတစ်ဖုံ စဉ်းစားပြန်လျှင် အကဲ့ရဲ့ခံနေရသည်မှာ တစ်မျိုးအားတက်စရာဖြစ်၏။ အဘယ့်ကြောင့်နည်း ခွေးလှေးကြမ်းပိုး အုတ်ကြားမြက်ပေါက် အစားမျိုးကို အရေးလုပ်၍ မပြောလိုကြ။အတော်ထင်ရှားသူကိုမှ ကဲ့ရဲ့ကြသောကြောင့်တည်း။ထို့ကြောင့် သစ်ပင်အများရှိရာတွင် အမြင့်ဆုံးသစ်ပင်သည် လေတိုက်အခံရဆုံး ဖြစ်သကဲ့သို့ ထို့အတူ အထက်တန်းကျလေ လောကဓံလေမုန်တိုင်း အတိုက်ခံရလေ ဖြစ်ရကား အကဲ့ရဲ့ခံရ မှုကို ဂရုစိုက်၍ ဝမ်းမနည်းထိုက်လှသည့်အပြင် တချို့ ကဲ့ရဲ့ခြင်းမှာ မိမိအထက်တန်းရောက်နေခြင်း၏ အမှတ်လက္ခဏာဖြစ်၍ ဝမ်းသာဖွယ် ကောင်းပေသည်။



ထို့ကြောင့် မည်သူမဆို ကဲ့ရဲ့မှုများကို အရေးစိုက်ကာ အရာရာ မတုန်လှုပ်အောင် “ခွေးဟောင်တိုင်း ထ၍ မကြည့်မိရန်”မြဲမြံသော စိတ်ထား၊ ခိုင်မာသော သမာဓိ တရားရှိအောင် ကြိုးစား၍ လေ့လာကြရမည်။ အကဲ့ရဲ့ခံရသည့်အခါတိုင်း “ငါ၏စိတ်များ ဘယ်အခြေရောက်အောင် ခိုင်မာနေပါလိမ့်မည်နည်း” ဟု စဉ်းစဉ်း စားစား သတိထားကာ အကဲ့ရဲ့ဒဏ်ကို အရသာခံကြည့်ပါလေ။သို့ရာတွင် ကဲ့ရဲ့ဖွယ် မရှိအောင်ကား သတိ ဆောင်ရပေလိမ့်မည်။



ကဲ့ရဲ့ရာ၌ မတုန်လှုပ်သကဲ့သို့ ချီးမွန်းသည့်အခါ၌လည်း သိသိသာသာကြီး မပြုံးမိစေဘဲ “အလုပ်ကောင်း၍ အကျိုးရသည်မှာ ဓမ္မတာပဲ”ဟု နှလုံးသွင်းလျက် သန့်ရှင်းသော စိတ်ထားဖြင့် “အခြားသူများလည်း ငါကဲ့သို့ ဂုဏ်ရှိကာ အချီးမွမ်းခံရပါစေ”ဟု အမျှဝေသဘောဖြင့် စိတ်မနော ကောင်းသင့်ကြပေသည်။



သုခ-ဒုက္ခ

ကိုယ်စိတ်နှစ်ပါးတို့ရဲ့ ချမ်းသာခြင်းသည်သုခဖြစ်ပြီး၊ကိုယ်စိတ်နှစ်ပါးတို့၏ ဆင်းရဲခြင်းကား ဒုက္ခဖြစ်သည်။ သုခ(ချမ်းသာခြင်း)ကြောင့်လည်း မာန်မာန မတက်ကြွပဲ တရားလက်ကိုင်ကျင့်သုံးပြီး ဒုက္ခ(ဆင်းရဲခြင်း) ကြောင့်လည်း စိတ်သောက မဖြစ်မူ၍ တရားလက်ကိုင်ကျင့်သုံးသင့်သည်။



အချုပ်အားဖြင့် လောကဓံ (၈)ပါးတွင် အကောင်း(၄)ပါးကို “ဣဋ္ဌာရုံ(အလိုရှိအပ်သောအာရုံ)”ဟုခေါ်သည်။ မကောင်း(၄)ပါးကို “အနိဋ္ဌာရုံ(အလိုမရှိအပ်သောအာရုံ)”ဟုခေါ်သည်။ ရှေးရှေး ဘဝများစွာ သံသရာက ကံကောင်း ကံဆိုး(ကုသိုလ် အကုသိုလ်) (၂)မျိုးကို ပြုလာခဲ့သော ငါတို့မှာ ထိုဣဋ္ဌာရုံ အနိဋ္ဌာရုံ အမျိုးစုံနှင့် အမှန်တွေ့ကြုံကြရတော့မည်။ ထိုကဲ့သို့ တွေ့ကြုံရာ၌ ထိုဣဋ္ဌာရုံ အနိဋ္ဌာရုံ လောကဓံ လေမုန်တိုင်းကို မိမိ၏ လုံ့လစွမ်း ဥာဏ်စွမ်းတို့ဖြင့် နည်းမှန်လမ်းမှန် နည်းလမ်းမှန်သမျှ ခုခံကာကွယ်ကြပြီးလျှင် အကြင်သို့သော နိဗ္ဗာန်ဆိပ်ကမ်းသို့ မျှော်မှန်းကူးခပ်ရမည်။



ဥပမာ-ပင်လယ်ကို ကျော်ဖြတ်နေသော မာလိန်မှူးတို့၌ အခါခပ်သိမ်း ငြိမ်သက် အေးချမ်းစွာ ကျော်လွန်ရ လိမ့်မည်ဟု မမျှော်လင့်နိုင်။မကြာမကြာပင် သာမန်လှိုင်းလေ၊ပြင်းထန်သော လှိုင်းလေ၊သဘောင်္ကိုပင် အန္တရာယ် ဖြစ်စေနိုင်သော လှိုင်းလေများကို တွေ့ကြုံရပေသည်။ ထိုသို့ တွေ့ကြုံရာဝယ် ကျွမ်းကျင်သော မာလိန်မှူးတို့မှာ မိမိတို့ လုံ့လစွမ်း၊ဥာဏ်စွမ်းတို့ဖြင့် ထိုလှိုင်းလေများကို ခုခံ၍ မိမိလိုရာ ဆိပ်ကမ်းသို့ ရောက်နိုင်ကြသကဲ့သို့တည်း။



ဤသို့လျှင် လောကဓံတရား(၈)ပါးကြောင့် စိတ်လှုပ်ရှားခြင်း မရှိ။အရှည်ကို မြော်မြင်၍ ကြိုတင်စီမံလေ့ လည်းရှိ။မိမိစီမံသည့်အတိုင်း အကျိုးရှိအောင် ဒေါမနဿတို့မှ ကင်းကွာ၍ ချမ်းချမ်းသာသာနှင့် ပါရမီ ကုသိုလ်များကို ကြိုးစားဖြည့်ကျင့်ကာ လူဖြစ်ရကျိုးနပ်သူ ဖြစ်ပါလိမ့်သတည်း။

“လောကဓံတွေ့ရိုးမို့၊ အမျိုးမျိုးတွေ့ ရမယ်၊ စိတ်အနေ မတုန်လှုပ်အောင် ၊ ထိန်းချုပ်ပါ့ကွယ်”



ကိုးကား၊ ။ အရှင်ဇနကာဘိဝံသ(ကိုယ်ကျင့်အဘိဓမ္မာ)စာအုပ်


စာဖတ်သူအားလုံး ကိုယ်စိတ်နှစ်ပါး ကျန်းမာချမ်းသာကြပါစေ။

အရှင်ဝိမလဝံသ(နာလန္ဒာတက္ကသိုလ် အိန္ဒိယနိုင်ငံ)

http://www.wiradhamma.blogspot.com