1 Oct 2014

ဘွဲ့ဆိုတာ နိဂုံးလား၊ အဆုံးအဖြတ်လား


 
“ဘွဲ့ရလို့ အလုပ်ရရင် ကံကောင်းတယ်လို့ ပြောကြပါ တယ်။ အဲဒီ အလုပ်ရရင် ကံကောင်း လိုက်တာလို့ ပြောတဲ့ သီအိုရီက မှားနေတယ်။ တကယ်ဆိုရင် ကံတရားဆိုတာ ကိုယ်တိုင်စီမံမှ ရတာ။ လောကမှာ ကံတရားကို တောင်းဆိုနေတဲ့ သူတွေအတွက် နေရာမရှိဘူး။ ကံတရားကို ဖော်ထုတ်ပြနေသူတွေ အတွက်ပဲ နေရာရှိတယ်”


အဲဒီ အထက်က စကားကို ပြောသွားတဲ့သူဟာ Steve Blank ဆိုသူဖြစ်ပါတယ်။ ကံတရားကို စောင့်ပြီး ဗေဒင် တွေတွက်၊ ယတြာတွေချေပြီး အလုပ်ကို ထိုင်စောင့်နေသူတွေအတွက် မှတ်သားသင့်တဲ့ စကားဖြစ်ပါတယ်။


ဆယ်တန်းအောင်ပြီးသူတွေ ကျောင်းဆက်တက်ဖို့ စောင့်စားနေတဲ့ အချိန်မှာ ဆိုကြမယ် ပျော်ကြမယ် အစီအစဉ်က ကိုမေတ္တာ ထင်ပါတယ် သီချင်းလာဆိုတဲ့သူကို ပညာအရည်အချင်း မေးလိုက်တော့ အဲဒီကလေးက ဆယ်တန်း အောင်ထားပါတယ်လို့ ပြောလိုက်တယ်။ အမှတ်မထင် “သြော် ကျောင်းပြီးသွားပြီပေါ့နော်” လို့ နောက်လိုက်လို့ ဒုက္ခ ရောက်သွားခဲ့ရဖူးတယ်။ စစ်အစိုးရ လက်ထက် တက္ကသိုလ် ခဏခဏပိတ်တော့ ကျောင်းဆက်တက်ခွင့် မရကြတာကို ထိမိတဲ့ သရော်ချက် ဖြစ်ပေမယ့် အာဏာရှင်တွေက သူတို့ကို လှောင်တာ မကြိုက်တော့ သူ့ကို အနုပညာ လုပ်ခွင့်တွေတောင် ရပ်ဆိုင်းခံရတဲ့အထိ ဖြစ်သွားခဲ့တယ်။


အဲဒီသဘောတရားကို Catherine Pulsifer ဆိုသူကလည်း ပြောသွားဖူးပါတယ်။ “ဘွဲ့ရတယ်ဆိုတာ ကျောင်းပြီး သွားတာ မဟုတ်ဘူး။ နောက်ထပ် ပညာရှာဖို့ ခုမှစတင်တာ” ဆိုတဲ့ စကားလေးကို သဘောကျမိတယ်။ ဘွဲ့ရရင် ပညာတတ် ဖြစ်မသွားဘူး။ ဘွဲ့ရလိုက်တာဟာ နယ်ပယ်တစ်ခုထဲကို ဝင်ဖို့ အသိတရားတစ်ခု ရလိုက်တာပဲ ဖြစ်ပါတယ်။ အဲဒီအသိတရားကို ကိုင်စွဲပြီးတော့ တိုက်ပွဲဝင်ရတော့မှာ ပါလားလို့ စဉ်းစားထားသင့်တယ်။


Tom Brokaw ဆိုသူကလည်း “မင်းတို့ ပညာတတ် တစ်ယောက် ဖြစ်သွားပြီ။ မင်းတို့ ခုရထားတဲ့ လက်မှတ်ဟာ မင်းတို့ရဲ့ အဆင့်အတန်းကို ပြဆိုတဲ့ အဆောင်အယောင်တစ်ခု ဖြစ်တယ်။ အဲဒီလက်မှတ်ဟာ ကောင်းမွန်တဲ့ဘဝ တစ်ခုထဲကို ဝင်သွားဖို့ ခရီးသွားလက်မှတ် လို့လည်း ဆိုနိုင်တယ်။ အဲဒီလက်မှတ်နဲ့ ကမ္ဘာကြီးကို ပြောင်းလဲနိုင်ရ မယ်လို့ ခံယူထားနိုင်ရမယ်” တဲ့။


ဘွဲ့ရပြီးတော့ ဘွဲ့လက်မှတ်တန်ဖိုး ရှိတယ်၊ မရှိဘူးဆိုတာ ကိုယ်ပိုင်သတ်မှတ်ချက် တစ်ခု ဖြစ်ပါတယ်။ ဘွဲ့ရပြီး အလုပ်မရလို့ ဘွဲ့လက်မှတ် တန်ဖိုးမရှိဘူး ဆိုတာလည်း ကိုယ်ပိုင်သတ်မှတ်ချက်၊ ဆုံးဖြတ်ချက် ဖြစ်ပါတယ်။ ဒါကလည်း ဘွဲ့ရလိုက်တာကို လမ်းဆုံးပြီလို့ သဘောထားလိုက်တဲ့ သူတွေအတွက် ဖြစ်နိုင်ပါတယ်။ ဘွဲ့ရတာဟာ ခုမှခြေလှမ်းအစလို့ ယူဆထားသူတွေ အတွက်ကတော့ Brokaw ပြောသလို လက်မှတ်တစ်ခုတော့ လက်ထဲ ကိုင်ထားပြီးပြီ၊ ဘာဆက်လုပ်မလဲလို့ ဆုံးဖြတ်ရမယ့် အချိန်ရောက်ပါပြီ။ ရှေ့တိုးမလား၊ နောက်ဆုတ်မလားပေါ့။


“ဘွဲ့ယူတယ်ဆိုတာ အခမ်းအနား၊ အဆောင်အယောင်၊ အလကား အလုပ်လို့ ယူဆချင်လည်း ရပါတယ်။ ဒါပေမဲ့ ဘွဲ့ယူတယ်ဆိုတာ သတ်မှတ်ချက်၊ အတိုင်းအတာတစ်ခု ပြီးမြောက်ခြင်းလို့ ယူဆနိုင်ပါတယ်။ လူတိုင်းဟာ နေ့စဉ် ကိုယ့်သတ်မှတ်ချက် အတိုင်းအတာတွေကို ကျော်လွှားဖြတ်သန်း နေရတာဆိုတော့ နေ့တိုင်းမလုပ်ချင်တဲ့ အရာတွေကို လုပ်နေရတာပဲလို့ သတ်မှတ်နိုင်ပါတယ်။ ဒါကြောင့် ပြီးမြောက်ရင် ဘွဲ့ရတယ်။ မပြီးမြောက်သေးရင် ဘွဲ့မရသေးဘူးပေါ့။ လူတိုင်းမရနိုင်တဲ့ အရာတစ်ခုကို ရအောင် လုပ်နိုင်တာလို့ တန်ဖိုးထားနိုင်ရင်တော့ ဘွဲ့ရတာ တန်ဖိုးရှိတာပေါ့။ ဘာမှလည်း သုံးစားမရဘူး။ ငါလည်း ဘာမှ လုပ်စားမှာ မဟုတ်ဘူး။ အလကားဘွဲ့လို့ တန်ဖိုး သတ်မှတ်သူတွေ အတွက်ကတော့ ဘွဲ့ဆိုတာ အလကား အလုပ်တစ်ခု ဖြစ်ကောင်း ဖြစ်နိုင်ပါတယ်” ဆိုတဲ့ စကားကို ပြောသွားသူကတော့ Arie Pencovici ဖြစ်ပါတယ်။ သူက တန်ဖိုးဆိုတာ ထားသူအတွက် ရှိတယ်၊ မထားသူအတွက် မရှိဘူးလို့ ရှင်းရှင်းပဲ ဖွင့်ဆိုသွားတာ ဖြစ်ပါတယ်။


“လူငယ်တွေဟာ ငယ်ရွယ်သေးချိန် ဆိုတော့ ကိုယ့်ကိုယ်ကိုယ် ကျည်ဒဏ်ပြီးတဲ့သူတွေ၊ အနိုင်မခံ အရှုံးမပေး ရဲရဲတောက်တွေလို့ ထင်တတ်ကြတာ မဆန်းပါဘူး။ ဒါကြောင့် သူတစ်ပါးရဲ့ ချစ်ခင်မြတ်နိုး တန်ဖိုးထားမှုတွေ၊ သူတစ်ပါးရဲ့ ဆုတောင်းတွေကို ဘယ်တော့မှ အထင်ကြီး လေးစားရကောင်းမှန်း မသိကြဘူး” ဆိုတာကိုတော့ Tony Show ဆိုသူက ပြောသွားတာပါ။ ဘာကိုမဆို မျှတတဲ့ အတွေးတွေနဲ့ အဘက်ဘက်က စဉ်းစားတွေးခေါ် ဆုံးဖြတ်နိုင်မှ လူတော်လို့ဆို လိုက်တာပါ။ ယနေ့လူငယ်၊ နောင်ဝယ်လူကြီး ဆိုတဲ့ စကားတစ်ခု ရှိပါတယ်။ လူငယ်တွေး၊ တွေးနိုင်ခွင့် ရှိသလို၊ လူကြီးတွေးလည်း တွေးနိုင်စွမ်း ရှိရမယ်။ လူကြီးတွေကလည်း ငါလူကြီးပဲဆိုပြီး တစ်ဖက်သတ် အတွေးကို စွဲကိုင်ထားရင်လည်း လူငယ်တွေနဲ့ ဝေးသွားတတ်ပါတယ်။ ဒါကြောင့် အတွေးမှန်ဖို့ ဆိုတာ အမှန်တွေးတတ်ဖို့ လိုပါလိမ့်မယ်။


ကမ္ဘာကျော် မိုက်ခရိုဆော့ဖ် ကုမ္ပဏီရဲ့ သူဌေးကြီး တီထွင်သူ၊ ကမ္ဘာ့အချမ်းသာဆုံး လူသား ဘီလ်ဂိတ်စ်ဟာ ဘွဲ့မရမီ ကျောင်းထွက်သွားပြီးတော့ ကွန်ပျူတာမှာသုံးတဲ့ စက်လည်ပတ်ရေး စနစ်ကို တီထွင်ပြီး သူဌေးဖြစ်သွား ပါတယ်။ သူဟာ ဘွဲ့ရခဲ့တာ မဟုတ်ပေမယ့် တက္ကသိုလ်ဆိုတဲ့ နေရာကို ရောက်ခဲ့တယ်။ အပေါင်းအသင်း ကောင်းတွေနဲ့ ဆုံတွေ့ခဲ့ရတယ်။ ပူးပေါင်းလုပ်ဆောင်မှုတွေ၊ တွေးခေါ်ကြံစည် အားထုတ်မှုတွေ၊ တီထွင်ဖော်ထုတ် မှုတွေကို အဲဒီ မိတ်ဆွေ သူငယ်ချင်း အသိုင်းအဝိုင်းတွေနဲ့ အောင်မြင်အောင် လုပ်ဆောင်နိုင်ခဲ့လို့ ကျောင်းထွက်ပြီး လုပ်ငန်းထူထောင်၊ စွန့်ဦးတီထွင် ပညာရှင်တစ်ယောက် ဖြစ်အောင် ကြိုးစားရင်းက ကမ္ဘာ့အချမ်းသာဆုံး စာရင်းဝင် သူဌေးကြီးဖြစ်ခဲ့တယ်။ သူနဲ့ ဘွဲ့ဟာ ဘာမှမဆိုင်ဘူးလို့ ပြောနိုင်ပေမယ့် တစ်နေ့မှာ သူတက်ခဲ့တဲ့ တက္ကသိုလ်က သူ့ကို ဘွဲ့ပြန်ပြီး ခေါ်ပေးတော့ သူက “ကျွန်တော် ဒီစကားပြောခွင့်ရဖို့ နှစ်သုံးဆယ်လောက် စောင့်ခဲ့ရတယ်။ အဖေ … ကျွန်တော် ခုတော့ ကျောင်းကို ပြန်လာပြီး ဘွဲ့ယူခဲ့ပါပြီ။ ဒီလို ကျွန်တော့်ကို ဂုဏ်ပြုချီးမြှင့် ဘွဲ့ပေးခဲ့တဲ့ ဟားဗတ် ကို ကျေးဇူးတင်ပါတယ်။ နောက်နှစ်မှာ ကျွန်တော့် အလုပ်တွေကို ပြောင်းပါတော့မယ်။ ကျွန်တော့် အစွမ်းအစနဲ့ ကောလိပ်က ပေးတဲ့ဘွဲ့ကိုရအောင် ကျောင်းပြန်တက်ပြီး ကြိုးစားပါ့မယ်” လို့ ပြောသွားပါတယ်။


ဘီလ်ဂိတ်စ်လို လူတစ်ယောက်ဟာ ဘွဲ့ကို အထင်မကြီးဘူးဆိုရင် ဒီလို စကားပြောမယ် မထင်ပါဘူး။ သူဟာ ဘွဲ့မရဘဲ ကျောင်းကထွက်ပြီး အချမ်းသာဆုံး သူဌေးကြီးဘွဲ့ကို ရခဲ့တာတောင် ဂုဏ်ထူးဆောင်ဘွဲ့ ဆိုတာထက်၊ ကိုယ်တိုင် ကျောင်းတက်ပြီး ဘွဲ့ယူမယ်လို့ ပြောသွားတာပါ။ ပညာနဲ့ဘွဲ့ကို တန်ဖိုးမထားရင် သူ့လို လူတစ်ယောက် ပါးစပ်က ဒီစကားမျိုး ထွက်လာမယ် မထင်ပါဘူး။ ပြီးတော့ သူကျောင်းပြီးအောင် ဆက်တက်နေရင် ခုလို သူဌေးကြီး လည်း ဖြစ်ချင်မှ ဖြစ်လာလိမ့်မယ်။ အခွင့်အရေးဆိုတာ နှစ်ခါမရတတ်မှန်း သိသူတွေဟာ ကိုယ်ပိုင်အတွေးနဲ့ ကိုယ့်ဘဝကိုကိုယ် အကောင်းဆုံး ရွေးချယ်တတ်ပါတယ်။


၂၉.၉.၂၀၁၄
မောက္ခပညာရေးမဂ္ဂဇင်း

ယောက်ျား ပီသချင်သူတို့ စိတ်ဓါတ် ကျသောအခါ…


အမျိုးသားမှန်ရင် ယောက်ျား ပီသချင် ကြပါတယ်။ အမျိုးသားလည်း လူပဲမို့  ရံဖန်ရံခါမှာ စိတ်ဓါတ် ကျတတ် ကြပါတယ်။ ဘယ်လောက်ပဲ စိတ်ဓါတ်ကျကျ လူတွေ မေးရင်တော့ ဟန်ကြီး တစ်ခွဲသားနဲ့  ဘာမှမဖြစ် သယောင် နေပြတတ်ကြပြီး တစ်ယောက် ယောက်ကို ဖွင့်ဟပြောဆိုပြီး အကူအညီ တောင်းလိုက်ရင်ကိုပဲ ကိုယ့်မှာ ယောက်ျား မ ပီသတော့မှာကို တွေးပူတတ် ကြသူတွေပါ။

ယောက်ျား ပီသတာ ကောင်းပါတယ်။ ကိုယ့်ခြေပေါ် ကိုယ်ရပ်တည်မယ်။ အမှီသဟဲ ကင်းမဲ့စွာ ရှင်သန်မယ်။ ဒါဘ၀ အတွက် တန်ဖိုးရှိတဲ့ စိတ်ဓါတ်တွေပါ။ ဒါပေမယ့် ယောက်ျား ပီသလိုစိတ် လွန်ကဲလာမယ် ဆိုရင်ကိုက ကိုယ်ဟာ ယောက်ျား မပီသတော့ဘူး ဆိုတာကို သတိပြုရပါမယ်။ သတိပြုမိသည်ဖြစ်စေ၊ မပြုမိသည်ဖြစ်စေ အမျိုးသားတွေ ဟာလည်း လူထဲကလူပဲမို့  စိတ်ကျဝေဒနာ ခံစားရတဲ့ အချိန်မျိုးတွေ ရှိပါတယ်။

စိတ်ကျဝေဒနာဆိုတာ စကားပြော ကုထုံးနဲ့  ကနဦးကုသရမှာဖြစ်ပြီး လိုအပ်မှသာ ဆေးဝါးကုထုံးကို ဆက်ပေး ရတာပါ။ ဒါဆိုရင် ကိုယ်စိတ်ကျဝေဒနာ ခံစားနေရတာကို ပြောလိုက်ရင် ယောက်ျား မပီသရာရောက်မှာစိုးလို့  မပြောဘဲနေမယ်ဆိုရင် စကားပြောကုထုံးကို မရနိုင်တော့ဘူးပေါ့။

ဒီတော့ ယောက်ျား ပီသမှုဆိုတဲ့ သံမဏိဝတ်စုံကို မချွတ်တမ်း ၀တ်ထားမယ်ဆိုရင် နားလည်တတ်ကျွမ်း သူတွေ ဆီက နေ ကုထုံးကိုလည်းမရနိုင်သလို စိတ်ဓါတ်ကျတာကို ကြိတ်မှိတ်မြိုသိပ်ထားရင်း ကိုယ့်ကိုယ်ကိုယ် အန္တရယ် ဖြစ်စေ နိုင်တဲ့ အလေ့အကျင့်တွေကို လေ့ကျင့်မိပြီးသားဖြစ်သွားမှာမို့  အားလုံးအမြင်မှာ ယောက်ျားပီသတာထက် ခပ် ကြောင်ကြောင်လူတစ်ယောက်လို့ ပဲ မြင်ကြမှာပါ။

ဥပမာအားဖြင့် ဘောလုံး၊ ဂေါက်သီးလိုအားကစားတွေမှာ ကိုယ်ကနိုင်လိုက်လို့  အားပါးတရကြွားလိုက်ရရင် ယောက်ျားပီ သတယ် လို့ ခံစားရပေမယ့် ရှုံးလိုက်တဲ့နေ့ မှာ ရင်ထဲတနုံ့ နုံ့ ခံစားနေရမယ်ဆိုရင်၊ အဲဒီခံစားချက် နဲ့  ဆက်ကစားနေမယ် ဆိုရင်၊ ကစားဖို့ ထက် နိုင်ဖို့ ပဲအာရုံစိုက်လာမယ်ဆိုရင် ရေရှည်မှာ အကျိုးထိခိုက်မှုတွေ ဖြစ်လာနိုင်ပါတယ်။

ဒါကြောင့် ကိုယ့်ယောက်ျားပီသမှုကိုလည်း မယိမ်းယိုင်စေဘဲ လိုအပ်တဲ့အကူအညီတွေကိုလည်း ရလာအောင် လုပ် သင့်ပါတယ်။


ပထမဆုံးလုပ်သင့်တာကတော့ ယောက်ျားပီသမှုဆိုတဲ့ သံမဏိဝတ်စုံကို ချွတ်လိုက်ပါ။ အကူအညီ တောင်းရ တာ ဟာ လက်သင့်ခံနိုင်စရာမရှိတဲ့ကိစ္စလို့ မြင်မယ့်အစား တာဝန်ယူတတ်ခြင်း၊ ပူးပေါင်းဆောင်ရွက်တတ် ခြင်း၊ လက်တွေ့ ဆန်ခြင်းတို့ ကို သရုပ်ပြနေတာလို့  ယူဆလိုက်ပါ။ လူတွေကလည်း သင့်စိတ်ကျန်းမာရေးအတွက် သင်ကိုယ်တိုင်တာဝန်ယူကြိုးစားနေတာကို အသိအမှတ်ပြုပါလိမ့်မယ်။


သင်ကိုယ်တိုင်လည်း ပြန်စဉ်းစားကြည့်ပါ။ စိတ်ဓါတ် ကျတာကို လူတွေမသိအောင် ကြိတ်မှိတ်မြိုသိပ်ပြီး သင့်စွမ်း ရည် တွေ တဖြည်းဖြည်းကျလာတာက ယောက်ျားပီသမလား၊ ဒါမှမဟုတ် ကိုယ်စိတ်ဓါတ် ကျနေတာကို အများ သိအောင် ပြောပြပြီး လိုအပ်သလို ဆေးကုပြပြီးတော့ စိတ်ကျန်းမာရေး ကောင်းမွန်တဲ့ ယောက်ျားကောင်း တစ်ယောက်ပြန်ဖြစ် လာပြတာက ယောက်ျားပီသသလား။


တစ်ခါတုန်းက စစ်ပွဲအလီလီနိုင်လာတဲ့ သူရဲကောင်းတစ်ယောက်ကို သာမန်ရဲဘော်လေးတစ်ဦးက မေးဖူးပါတယ်။ ‘အရှင်၊ ဘယ်လိုလုပ်သူရဲကောင်းဖြစ်လာတာလဲ’ ဆိုတော့ သူရဲကောင်းကလည်း ‘ကျွန်ုပ်ကြောက်လို့ သူရဲကောင်း ဖြစ်လာတာပါ’ လို့ ပြန်ဖြေပါတယ်။ ‘ရှုံးရမှာကိုကြောက်တဲ့စိတ်နဲ့  ကျွန်တော်သူရဲကောင်းဖြစ်လာတာပါ’ လို့  ဆက် ရှင်းပြတော့မှ ရဲဘော်လေးက သဘောပေါက်သွားပါတယ်။


ဒီလိုပါပဲ ယောက်ျားပီသလှပါတယ်ဆိုသူတွေဟာ ယောက်ျားမပီသတော့မှာကို ကြောက်တဲ့စိတ်ကလေး ရှိပါတယ်။ ဒီဟန်၊ဒီမာန်ကိုတင်ထားဖို့  ကြိုးစားရင်း လူသား မဆန်တော့တဲ့ လူတစ်ယောက်ဖြစ်လာတတ်ကြပါတယ်။ အဲဒီ သူရဲကောင်းဟာ စစ်ပွဲအလီလီကိုနိုင်ခဲ့ပေမယ့် မိသား စုကိုကော အချိန်ပေးနိုင်ရဲ့ လားဆိုတာ တွေးကြည့်ရင် သိသာပါတယ်။ ကိုယ့်ရဲ့  သူရဲကောင်းအင်္ဂါရပ်က မိသားစု အတွက် ဘာအဓိပ္ပါယ်မှမရှိဘူးဆိုရင် ဒီလူကို အောင်မြင်တယ်လို့  သူ့ မိသားစုကလက်ခံမှာမဟုတ်သလို ပတ်ဝန်း ကျင်ကလည်း ယောက်ျားပီသတယ်လို့  မြင်မှာမဟုတ်ပါဘူး။


ဒါပေမယ့် ဒီသူရဲကောင်းဟာ အိမ်ကိုပြန်လာတယ်။ မိသားစုနဲ့ သာမန်လူသားတစ်ယောက်လို ပျော်ရွှင်စွာနေထိုင် စားသောက်တယ်။ အိမ်အလုပ်တွေဝိုင်းလုပ်တယ်။ ဇနီးနဲ့ သားသမီးကို အချစ်တွေမျှဝေပေးတယ်ဆိုရင်မှသာ ပျိုပျို ရွယ်ရွယ် လူတိုင်းက အားကျကျေနပ်တဲ့မျက်လုံးနဲ့  ၀ိုင်းကြည့်ကြမှာပါ။ သူရဲကောင်းကိုမဟုတ်ပါဘူး၊ သူ့ မိသားစုကို ပါ။ လူအများရဲ့ အားကျကျေနပ်တဲ့မျက်လုံးနဲ့ ကြည့်ခြင်းကို ခံလိုက်ရတဲ့မိသားစုအတွက် အဲဒီသူရဲကောင်းဟာ တစ် ကယ့်သူရဲကောင်းပဲပေါ့။ သိပ်ကိုယောက်ျားပီသတဲ့သူပေါ့။


ဇနီးဖြစ်သူဟာ မိန်းမသားပါ။ မိန်းမသားတို့ မည်သည် ကိုယ့်လင်ယောက်ျားရဲ့  အရေးပေးမှု၊ အလေးထားမှုကို အလွန်နှစ်သက်ကြပါတယ်။ ယောက်ျားပီသလှတယ်ဆိုတဲ့လူဟာ ကိုယ့်ဇနီးသည်ကိုကျတော့ ငြင်သာသိမ်မွေ့ စွာ စကားပြောဆိုပြီး ဟိုတုန်းက ချစ်သူဘ၀မှာလိုပဲ လိုက်လိုက်လျောလျောရှိတယ်ဆိုရင် ဒီအမျိုးသမီးဟာ သိပ်ကို ကျေနပ်ဝမ်းသာနေမှာပါ။ ငါယောက်ျားပီသတယ်ဆိုတဲ့ ဟန်နဲ့ မာန်နဲ့  ဇနီးသည် သား၊သမီးတွေကို တစ်ချိန်လုံး မာန် မဲ ဆူပူ ဟိမ်းဟောက်နေတဲ့ လူတစ်ယောက်ရဲ့  ပုပ်သိုးနေတဲ့မျက်နှာကို ပုံဖော်ကြည့်လိုက်ပါ။ ယောက်ျားပီသရဲ့ လား။


ယောက်ျားပီသမှုဆိုတဲ့လမ်းကြောင်းကိုလျှောက်နေရင်း ကိုယ်ချစ်တဲ့သူတွေဆီကနေ အဝေးကိုရောက်မှန်းမသိ ရောက် သွားနိုင်ပါသေးတယ်။ ဒါဟာလည်း ယောက်ျားပီသမှုကို အနက်ဖွင့်ဆိုတဲ့ပုံစံ မှားယွင်းနေလို့ ဖြစ်မှာပါ။ ယောက်ျားတစ်ယောက်ရဲ့ အလုပ်က သူ့ မိသားစုကို ကာကွယ်ပေးဖို့ ၊ စောင့်ရှောက်ပေးဖို့ ပါ။ သူ့ ကိုစော်ကား လို့ ၊ သူ့ ကို အလေးမထားလို့ ၊ သူ့ ကိုမရိုသေလို့  ဆူပူကြိမ်းမောင်းနေတဲ့ အိမ်ထောင်ဦးစီးဟာ ယောက်ျားပီသပါတယ် လို့  ဘယ်သူက အသိအမှတ်ပြုမှာလဲလေ။


ဒါဟာလည်း ကိုယ်လုပ်နေကျ ပုံမှန်အလုပ်တွေကနေ အာရုံလွတ်သွား လို့ ပါ။ ကိုယ်ပုံမှန်လုပ်ရမယ့်အလုပ်ကတော့ မိသားစုကို ဂရုစိုက်မယ်၊ လိုအပ်တာပံ့ ပိုးပေးမယ်၊ အန္တရယ်အသွယ် သွယ်ကနေ ကာကွယ်ပေးမယ်၊ ဖျားနာတဲ့ အခါ စောင့်ရှောက်ပေးမယ်။ ဒါ တစ်ကယ့်ကိုယောက်ျားပီသသူတွေလုပ် တဲ့အလုပ်ပါ။ ငွေတစ်ခုတည်းရှာနိုင်ရုံ၊ ရာထူးကြီးရုံ၊ ကိုယ့်လောက်အင်အားမရှိတဲ့သူတွေအပေါ် အနိုင်ယူရုံနဲ့  ယော က်ျားပီသတယ်လို့ မခေါ်ပါဘူး။


တစ်ခါ ကိုယ်က မိသားစုကို ဂရုစိုက်ပေမယ့် လိုအပ်ချက်ရှိနိုင်တယ်၊ ပံ့ပိုးပေးနေပေမယ့် မလုံလောက်တာ ရှိနိုင်တယ်၊ ကာကွယ်ပေးနေပေမယ့် ထိခိုက်သွားတာရှိနိုင်တယ်၊ စောင့်ရှောက်ပေးနေပေမယ့် ကျန်းမာရေး ပိုပြီးယိုယွင်းတာ ဖြစ် လာနိုင်တယ်။


ဒါကြောင့်လည်း ယောက်ျားတစ်ယောက်ဟာ စိတ်ဓါတ်ကျနိုင်ပါတယ်။ နောက်ပြီး မိသားစုအတွက် အချိန်ပေးရ လွန်းတဲ့အခါ ကိုယ့်ဘ၀အတွက် ကိုယ်ဘာမှမလုပ်နိုင်တော့တဲ့ အခြေအနေမျိုးဖြစ်လာရင်လည်း စိတ် ဓါတ်ကျနိုင် ပါသေးတယ်။ နောက်ပြီး ဒီယောက်ျားရဲ့ အလုပ်ကလည်း အမြဲအဆင်ပြေတယ်တော့ ဘယ်ရှိမှာလည်း။ ကျန်း မာရေး ညံ့ဖျင်းတာမျိုးလည်း ရှိမှာပဲ။ လူတိုင်းက ငါ့ကိုအားကိုးနေကြတယ်… ငါကကော ဘယ်သူ့ ကိုအားကိုးရ မှာလည်း ဆိုတဲ့စကားကိုသုံးပြီး သင့်မိသားစုဝင်တွေကို သင် အကူအညီ လိုအပ်နေတယ်ဆိုတာ ဖွင့်ပြောလိုက် စမ်းပါ။


ဒီမိသားစုဟာ သင့်ကို လောကကြီးထဲထွက်ပြီး ကူချင်မှကူနိုင်မှာပါ။ ဒါပေမယ့် လောကကြီးကို ရင်ဆိုင်မယ့် သင့်ကို တော့ အားတက်လာအောင် စကားတွေပြောပေးကြပါလိမ့်မယ်။ ဘာမှမပြောတတ်တဲ့ သမီးလေးကလည်း ‘ဖေဖေကြီး ကိုချစ်တယ်’ လို့ ပြောပါလိမ့်မယ်။ ဇနီးဖြစ်သူကလည်း ထမင်းဟင်းတွေ ကြိုးစားချက်ပါလိ်မ့်မယ်။ သားဖြစ်သူက လည်း ဘာမှမပြောဘဲ သင့်အနားမှာ ထိုင်နေပါလိမ့်မယ်။ သူတို့ လေးတွေကို တစ်စိမ့်စိမ့်ကြည့်ရင်း သင် အားတွေ ပြန် ပြည့်လာပါလိမ့်မယ်။


ကိုယ်စိတ်ဓါတ် ကျနေတာကို ပြောပြသင့်တဲ့ လူတွေကို ပြောပြလိုက်စမ်းပါ။ ယောက်ျား ပီသ တယ်လို့  သင်ပြန်ပြီး ခံစားရပါလိမ့်မယ်လို့  လေ့လာရေးသား တင်ပြလိုက်ရပါတယ်။


သမန်းကျား
Lashio News Diary

ဗောက်ထခြင်းကို အကောင်းဆုံးတုန့်ပြန်ခြင်း


 


 
ယနေ့ခေတ်လူကြီးလူငယ်မရွေးအထူးသဖြင့်မိန်းကလေးများမှာ ဗောက်ထခြင်းကြောင့် မိမိရဲ့ခေါင်းတစ်ခုလုံးယားယံပြီးဗောက်ဖတ်လေးများဦးခေါင်းအနှံ့ပျံ့နှံ့တတ်သည့် ဗောက်ထသည့် မှိုရောဂါတစ်မျိုးကိုရင်ဆိုင်ကြရလျက်ရှိပါတယ်။ ဗောက်ထခြင်းဟာမိန်းကလေးများသာမက အမျိုးသားများတွင်ဖြစ်ပွားတတ်ပြီး ဗောက်ထခြင်းကို အကောင်းမွန်ဆုံး တုန့်ပြန်ကာကွယ်ခြင်းမရှိပါက အခြားသော မလိုလားအပ်တဲ့ ဆိုးကျိုးများဖြစ်ပေါ်လာနိုင်ပါတယ်။


ဒါ့အပြင်ယနေ့ခေတ်မှာလှပပြီးဆွဲဆောင်မှုရှိတဲိ့န်းကလေးတစ်ယောက်ဖြစ်ဖို့ဆိုတာဟာ ဦးခေါင်းမှာဗောက်တွေထနေလို့မဖြစ်ပါဘူး။ ထို့အတူပဲ ဆွဲဆောင်မှုရှိသော ယောကျာ်းလေးတစ်ယောက်ဖြစ်ဖို့ဆိုတာကလည်း ဦးခေါင်းမှာ အဖြူရောင်ဗောက်ဖတ်တွေထပြီးအချိန်ပြည့်ဦးခေါင်းကိုကုတ်နေလို့လဲ မဖြစ်ပါဘူး။ ဒါကြောင့် ယခုတစ်ပတ် NewsWatch Journal ရဲ့ကျန်းမာရေးနှင့်အလှအပ ကဏ္ဍကနေ ပျိုပျိုအိုအို ယောကျာ်းလေး၊ မိန်းကလေးများဆွဲဆောင်မှုအပြည့်ရှိပြီး ဗောက်ရှင်းတဲ့ဦးခေါင်းပိုင်ရှင်များဖြစ်ဖို့ ဗောက်ထခြင်းကို အကောင်းဆုံးတွန်းလှန်နိုင်တဲ့ နည်းလမ်းအချို့ကိုဖော်ပြပေးလိုက်ရပါတယ်။
 

၁။ ဗိုက်တာမင်ဓါတ်များကြွယ်ဝပါစေ

လူတစ်ယောက်ရဲ့ ဦးရည်ပြားကျန်းမာရေးဟာ ထိုလူရဲ့ခန္ဓာကိုယ်မှာ ဗိုက်တာမင်ဓါတ်ဘယ်လောက်ကြွယ်ဝသလဲဆိုတဲ့အချက်ပေါ်မှာမူတည်နေတာကြောင့် ဗိုက်တာမင် အေ၊ ဘီ နှင့် စီ ဓါတ်များပေါကြွယ်ဝတဲ့ အစားအစာများကို စားသောက်သင့်ပါတယ်။ ၎င်းအဟာရဓါတ်တွေဟာခန္ဓာကိုယ်ရဲ့ သွေားလှည့်ပတ်မှုစနစ် (Circulatory System) အတွက်မရှိမဖြစ်လိုအပ်သလို ဆဲလ်ကြီးထွားရေးကဏ္ဍမှာလည်း လိုအပ်ပါတယ်။ ဒါ့အပြင် ၎င်းဓါတ်များဟာ သွေးအတွင်းရှိဆဲလ်များ၏ခုခံစွမ်းအား (immune system) ကိုအထောက်အကူဖြစ်စေတာကြောင့် ဦးရည်ပြားမှာဗောက်ထခြင်းကို အကောင်းဆုံး ကာကွယ်နိုင်ကြပါတယ်။၎င်းဗိုက်တာမင်ဓါတ်တွေပြည့်ဝစွာပါဝင်တဲ့ အစိမ်းရောင် ဟင်းသီးဟင်းရွက်များနှင့် စတော်ဘယ်ရီသီးစတဲ့အသီးတွေကို စားသုံးသင့်ပါတယ်။


၂။ သင့်ရဲ့ ဘီး နှင့် မိတ်ကပ်လိမ်းချယ်သည့်စုတ်တံများကို ဆေးကြောပါ

မျက်နှာမှာ မိတ်ကပ်လိမ်းချယ်သည့်အခါ အသုံးပြုတဲ့ စုတ်တံများကို အန္တရာယ်ဖြစ်ခြင်းမှ ကာကွယ်ရန် ဆေးကြောကြပါသလို ဦးခေါင်းရဲ့ ဦးရည်ပြားရောဂါများအထူးသဖြင့် ဗောက်ထခြင်းရောဂါကိုကုသကာကွယ်ရန်အတွက် မိမိတို့နေ့စဉ်အသုံးပြုနေတဲ့ ဘီးများကိုအခါအားလျော်စွာ ဆေးကြောသင့်ပါတယ်။ ဘီးမှာကပ်နေတဲ့ ဆံပင်များကို ဖယ်ထုတ်ပြီး ပန်ကန်ဆေးဆပ်ပြာနှင့်ဆေးကြောပါ၊ ပြီးနောက် ရေနွေးနှင့် အဖြူရောင် ရှာလကာရည် တို့ရောစပ်ထားသောအရည်ထဲတွင် နာရီဝက်ဝက်ခန့် စိမ်ကာ ဆေးကြောပေးခြင်းကို နှစ်ပတ်တစ်ကြိမ် (သို့မဟုတ်) သုံးပတ်တစ်ကြိမ်ပြုလုပ်ပေးခြင်းအားဖြင့်လည်း ဗောက်ထခြင်းရောဂါကိုကာကွယ်ပါ။


၃။ ဆေးပါဝင်သော ခေါင်းလျှော်ရည်ကိုအသုံးပြုပါ
ဇင့်ဓါတ်ဟာ ဗောက်ထခြင်းရောဂါကိုအကောင်းမွန်ဆုံးတွန်းလှန်နိုင်တဲ့ဓါတ်တစ်မျိုးဖြစ်ပါတယ်။ ဇင့် ဓါတ်ဟာ ဗက်တီးရီးယားတွေကိုတိုက်ခိုက်နိုင်စွမ်းရှိသလို ခန္ဓာကိုယ်မှ ဆဲလ်များပြောင်းလဲမှုများကိုလည်းနှေးကွေးအောင်ပြုလုပ်နိုင်စွမ်းရှိပါတယ်။ မိမိတို့ကြိုက်နှစ်သက်ပြီး အစွမ်းထက်တဲ့ဆေးပါဝင်တဲ့ ခေါင်းလျှော်ရည်ကို အသုံးပြုနိုင်ကြပြီး ဦးရည်ပြားကို Moisturize (အစိုဓါတ်ရရှိအောင်) ပြုလုပ်ပေးနိုင်သော ခေါင်းလျှော်ရည်မျိုးက ဗောက်ထခြင်းကိုကာကွယ်ရာမှာ ပိုမိုအစွမ်းထက်ပါတယ်။


၎။ အလှပြင်ဆိုင်တွင် ကုသမှုပြုလုပ်ခြင်း

လွန်ခဲ့တဲ့ ရာစုနှစ်တစ်ခုလောက်က စပြီး ဗောက်ထခြင်းနှင့်ပတ်သက်ပြီး လူတွေနားလည်ခဲ့တာကပုခုံးပေါ်မှာရှိနေတဲ့အဖြူရောင်ဗောက်ဖတ်လေးတွေဟာ ဦးခေါင်းရဲ့ဦးရည်ပြားပေါ်ကနေကျလာတာဟု ဖြစ်သည်။ ဒါကြောင့်
ဗောက်ထခြင်းကို အလှပြင်ဆိုင်သွားပြီးကုသလိုသူများအတွက် ဦးရည်ပြားအသစ်ပြုပြင်ခင်း (Scalp Renew) လို့လူသိများတဲ့ ကုသခြင်းမျိုးပြုလုပ်ရပါမယ်။ ဦးရည်ပြားအသစ်ပြုပြင်ခြင်း (Scalp Renew) ဆိုတာ ဦးရည်ပြားမှာရှိတဲ့ အဆီးပိုများကိုဖယ်ရှားခြင်းဖြစ်ပြီး ၎င်းကုသမှုကို ရက် ၃၀ မှ ၄၅ ရက်လျှင် တစ်ကြိမ်စီပြုလုပ်သင့်ပါတယ်။ ကျန်းမာသန်စွမ်းသော ဦးရည်ပြားပိုင်ရှင်တစ်ယောက်ဖြစ်ဖို့အတွက်လည်း ဦးရည်ပြား အသစ်ပြုပြင်ခြင်း ( Scalp Renew) ကုသမှုကိုမိမိတို့နှင့်နီးစပ်ရာ အလှပြင်ဆိုင်များတွင် ကုသမှုခံယူလိုက်ပါ။


၅။ မိမိမှာ ဘာကြောင့် ဗောက်ထသလဲ သိအောင်လုပ်ပါ။

လူတစ်ယောက်နှင့်တစ်ယောက် ဗောက်ထခြင်းပမာဏဟာ မတူညီပါဘူး။ ဒါ့အပြင် ကုသရေးနည်းလမ်းကိုလည်းလူအားလုံးအတွက်တစ်မျိုးတည်းအသုံးပြုလို့မရပါဘူး။ ဘာကြောင့်လဲဆိုရင် လူတစ်ယောက်နှင့် တစ်ယောက်ဗောက်ထရောဂါဖြစ်ပွားမှု ရဲ့အရင်းအမြစ်အကြောင်းရင်းက တူညီမှုမရှိလို့ပါပဲ။ အဓိက ဗောက်ထခြင်းနည်းလမ်းအားဖြင့် pityiaris capitis simplex နှင့် pityriasis steatoides ဆိုပြီးနှစ်မျိုးရှိပါတယ်။ ပထမ တစ်မျိုး ဖြစ်တဲ pityiaris capitis simplex ဟာ စိတ်ဖိအားများပြားခြင်း၊ အစားအသောက်မမှန်ခြင်းနှင့် ရေဓါတ်ခမ်းခြောက်ခြင်းများကြောင့်ဖြစ်ပွားခြင်းဖြစ်ပြီး ဖြစ်ပွားပါက ဦးရည်ပြားဟာ ခြောက်သွေ့လာပြီးဦးရည်ပြားယားယံခြင်းများဖြစ်ပေါ်စေသည်။ထိုကဲ့သို့ဖြစ်ပေါ်ပါက အစွမ်းထက် ခေါင်းလျှော်ရည်များကိုအသုံးပြုကာကုသနိုင်ပါတယ်။ ဒုတိယတစ်မျိုးဖြစ်တဲ့ pityriasis steatoides ကတော့ အဆီဓါတ်များပြားသော ဦးရည်ပြားများတွင်ဖြစ်ပေါ်တတ်ပြီး ထိုကဲ့သို့ဖြစ်ပေါ်နေသူတစ်ဦးကတော့ သက်ဆိုင်ရာ ဆရာဝန်များနှင့်တွေ့ဆုံဆွေးနွေးသင့်သည်ဟု သိရသည်။


http://www.lyhealthcare.com/ဗောက်ထခြင်းကို-အကောင်းဆ/

အောင်ဟိန်းခိုင်
News Watch(စောင့်ကြည့်သတင်းဂျာနယ်)


မြန်မာနိုင်ငံစားသုံးသူကာကွယ်ရေးအသင်းမှ ထုတ်ပြန်လိုက်သော သတိပေးကြေညာချက်



၁- ဒန်ပေါက်ဆိုင်တွေ စားသောက်ဆိုင်တွေမှာအသုံးပြုနေတဲ့ ဖေါ့ဘူးတွေဟာလည်း စတိုင်းရင်း
(styrene)ဓါတ်ပါတဲ့ 2B ပလပ်စတစ်အုပ်စုဝင်တွေဖြစ်လို့  ဖေါ့ဘူးတွေ
တစ်ခါသုံးပလပ်စတစ်တွေ လုံးဝ အသုံးမပြုကြရန်

၂-ကြက်သားမှုန့် တွင်ိလည်း အချိုမှုန့် နှင့် တာရှည်ခံမှိုသတ်ဆေးများ ဓာတုပစ္စည်းများပါဝင်သဖြင့် အချိုမှုန့် ထက်ပင်ပိုမိုဆိုးရွာစေပါသည်။

၃-ဆာဖျူရစ်အက်ဆစ်ပြင်း H2SO4 ရောစပ်ထားတဲ့ အချဉ်ရည်လို့ ခေါ်တဲ့ အဆိပ်ရည်တွေပါပဲ ဆာလ်ဖျူရစ်အက်ဆစ်က နည်းနည်းလေးထည့်ရုံနဲ့အချဉ်ရည်အရသာကို
ဖြစ်ပေါ်စေပြီး ဘက်ထရီအိုးမှာသုံးတဲ့ အက်ဆစ်ပါ။ထို့ ကြောင့် အသုပ်ဆိုင် အကြော်ဆိုင် အကင်ဆိုင် တုတ်ထိုးဆိုင်တွေမှာသုံးစွဲနေသော တားမြစ်ဆိုးဆေး နီနီရဲရဲတွေကို
ရှောင်ကြဉ်သင့်ပါတယ်။

၎-ခြင်ဆေးခွေတစ်ခွေ၏ အဆိပ်ဓာတ်သည် စီးကရက်အလိပ်ပေါင်း(၅၁)လိပ် ဖွာရှိုက်သည်
နှင့်ညီမျှသည်။ခြင်ဆေးခွေတစ်ခွေမှ ထွက်လာသည့် အဆိပ်ဓာတ်သည် စီးကရက်အလိပ်ပေါင်း(၁၃၇)လိပ်မှ ထွက်ရှိသောအဆိပ်မှုန့် ပမာဏနှင့်ညီမျှ၍ ဝေးဝေးကရှောင်ကြဖို့  အမွှေးတိုင်များသည်လည်း
ခြင်ဆေးခွေကဲ့သို့ ပင် အန္တယ်ရာယ်ရှိ၍ လုံးဝ မသုံးအပ်ပေ။

၅-အချိုရည်ဗူးများတွင် တားမြစ်ဆိုးဆေး တာရှည်ခံဆေး သကြားထက်အဆ ၂၀၀ ပိုမိုချိုစေသော ပါဝါသကြားနှင့်ကာဗွန်ဒိုင်အောက်ဆိုဒ်ကဖိန်းဓါတ်များပါဝင်၍ ခံတွင်းကင်ဆာ ကျောက်ကပ်ရောဂါ
ဆီးချိုရောဂါနှင့်အဝလွန်ရောဂါ အသည်းကင်ဆာရောဂါတို့ ကိုဖြစ်ပွားစေသည်။
ထို့ အတူဂျယ်ရီဗူးများတွင် လည်း တရုတ်မှလာသောဂျယ်ရီပေါင်ဒါ ဆီထရစ်အက်ဆစ် Sodium Benzorate ခေါ်တာရှည်ခံဆေးပါဝင်၍ ကင်ဆာရောဂါများကိုဖြစ်ပွားသဖြင့် ကလေးများကို လုံးဝမကျွေးသင့် မရောင်းသင့်ပါ။

၆- မယ်လမင်း(ဖိုက်ဘာ)ပစ္စည်းများသည် အပူနှင့်ထိတွေ့လျှင် ဓါတ်ပြု၍ ကျောက်ကပ်ပျက်စီးခြင်းနှင့်ကင်ဆာရောဂါများကိုဖြစ်ပွားစေသဖြင့် လုံးဝအသုံးမပြုသင့်ပါ။

၇- တရုတ်နှို့မှုန့်နှင့်၎င်းနှင့်ပြုလုပ်သောမုန့် များ
သည် ခွေပေါက်စများ ကြောင်ပေါက်စများ တိုက်ကျွေးရာ အကြောဆွဲ၍ ၁၈ ကောင်ထက်မနည်းသေဆုံးကုန်ကြောင်းတွေ့ရှိရပါသည်။ထို့ ကြောင့် တရုတ်ပြည်မှ တံဆိပ်မျိုးစုံနှင့်
တင်သွင်းသော နှို့မှုန့် များနှင့်၎င်းတို့ ဖြင့် ပြုလုပ်သော မုန့် ပဲ သရေစာများကိုကလေးများအား လုံးဝ မတိုက်ကျွေးသင့်ပေ။

၈-ကော်ဖီမစ်များတွင် နှို့ဆီနှင့်နှို့မှုန့် အစားအသုံးပြုသော Creamer မှာ မလေးရှားတွင်
စားအုံးဆီကို အဆီထုတ်ပြီးကျန်သောကြိတ်ဖက်များကိုတရုတ်နိုင်ငံမှဝယ်ယူ၍ မှုန့် နေအောင်ကြိတ်ပြီး
Creamer အဖြစ် ပြန်လည်ရောင်းချကြောင်းသိရှိရသည်။ထိုကြိတ်ဖက်မှုန့် များသည် သွေးတိုးရောဂါ နှလုံးသွေးကြောပိတ်ရောဂါ လေဖြတ်ရောဂါ နှင့် ကင်ဆာရောဂါများကို ဖြစ်ပွားစေသည်။

၉- အချို့သော အသီအနှံများတွင် လူသေကောင်
မပုပ်အောင် ပြုလုပ်သည့် ဖေါ်မလင်းနှင့်အသုံးပြုထားသည့် အတွက် ရှောင်ကြဉ်သင့်ပေသည်။

၁၀-လမ်းဘေးလ္ဘက်ရည်ဆိုင်နှင့်စားဖွယ်စုံဆိုင်ကြီးများကို စစ်ဆေးရာတွင် ၁၀ ဆိုင်ကိုစစ်ဆေးရာတွင်
၁၀ ဆိုင်စလုံး အင်ဂျင်ဝိုင် အဟောင်းလို ညိုမဲနေသော ပြန်ကြော်ဆီများဖြင့် စမူဆာ အီကြာကွေးများကို ကြော်နေသဖြင့် ၎င်းတို့ ကိုစားသုံးပါက ပန်ကရိယကင်ဆာ အသံကင်ဆာ
အစာအိမ်လမ်းကြောင်းကင်ဆာ အူမကြီးကင်ဆာအမျိုးမျိုးကို ဖြစ်ပွားစေသည်။

အခုတင်ပြလိုက်သော မြန်မာနိုင်ငံစားသုံးသူကာကွယ်ရေး အသင်းမှ ထုတ်ပြန်ထားသော
အစီရင်ခံစာပါ အရေးကြီး အချက်အလက်များထဲမှ
တချို့တဝက်ကို ကောက်နုတ်ဖေါ်ပြလိုက်ခြင်းဖြစ်ပါသည်။

ဖတ်ရှု့လေ့လာပြီးနောက် လက်ဆင့်ကမ်းဝေမျှပေးကြပါရန် တိုက်တွန်းလိုက်ရပါသည်။

ဒီမိုမင်း
၂.၈.၂၀၁၄
၁၁း၃၀မိနစ် (နေ့ လည်)
https://www.facebook.com/364484143692148/photos/a.364489287024967.1073


လူကုန်ကူးခံရမယ့် မြန်မာ ၂၈ ဦးကို မလေးရှားရဲတပ်က ကယ်ဆယ်


မလေးရှားနိုင်ငံ၊ ကွာလာလမ်ပူမြို့စွန် ၊ ဆွန်ဂေ ဘာကပ်မြို့နယ်က အိမ်ဆိုင်တစ်ဆိုင်ကို ရဲတပ်ဖွဲ့က သတင်းအရ မနေ့က ဝင်ရောက်စီးနင်းရာမှာ လူမှောင်ခို ကုန်ကူး ဂိုဏ်းတစ်ဂိုဏ်းက မြန်မာနိုင်ငံသား ၅ ယောက်ကို ဖမ်းဆီးရမိခဲ့ပြီး တရားဝင် စာရွက်စာတမ်း မရှိတဲ့ မြန်မာနိုင်ငံသား ၂၈ ဦးကို ကယ်တင်နိုင်ခဲ့ တယ်လို့ ဘာနားမား မလေးရှား သတင်းဌာနက ဖေါ်ပြပါတယ်။


မြန်မာတစ်ယောက်က သူ့ရဲ့ညီမနဲ့ ယောက်ဖရော၊ လေးနှစ်သား ကလေးငယ်ကိုပါ လူမှောင်ခိုကုန်ကူးဂိုဏ်းတစ်ဂိုဏ်းက ဖမ်းဆီးထားတယ်၊ သူတို့  လွတ်မြောက်စေလိုရင် ငွေဘယ်လောက်ပေးရမယ်လို့ ပြောလာလို့ ရဲစခန်းကို တိုင်စာပေးပို့လာပြီး အခုလိုသွားရောက် စီးနင်း ဖမ်းဆီးနိုင်ခဲ့တာလို့  ဒေသခံ ရဲစခန်းအုပ်ချုပ်ရေးမှူးက ပြောပါတယ်။


လူမှောင်ခိုကုန်ကူးသူတွေကို မလေးရှား ဥပဒေအရ အမှုဖွင့်အရေးယူနိုင်ဖို့ ဆက်လက်ဆောင်ရွက်သွားမယ်လို့လဲ သိရပါတယ်။


RFA Burmese

ရန်ကုန်မြို့တွင် လူ ၁၀၀၀ ကျော်ကို ရဲ ၁ ဦးနှုန်း စောင့်ရှောက်ပေးနေရ

 
ဒုတိယ ရဲမှူးကြီး မြင့်ထွေး (ဓာတ်ပုံ - ထွန်းထွန်းသိန်း)

 
လူဦးရေ ၇ သန်းကျော်ရှိတဲ့ ရန်ကုန်မှာ ရဲတပ်ဖွဲ့ ၀င်အင်အားက  ၅ ထောင် ကျော်သာရှိတဲ့ အတွက် လူ ၁၀၀၀ ကျော်ကို ရဲ ၁ ယောက်နှုန်းနဲ့ ကာကွယ် စောင့်ရှောက်ပေး နေရတာလို့ ရဲတပ်ဖွဲ့က ပြောကြား လိုက်ပါတယ်။


ရန်ကုန်မှာ ဒီကနေ့ကျင်းပတဲ့  မြန်မာနိုင်ငံရဲတပ်ဖွဲ့ နှစ် ၅၀ ပြည့် ရွှေရတုနှစ်ပတ်လည်နေ့ အခမ်းအနားကို တက်ရောက်လာတဲ့  ရန်ကုန်တိုင်းဒေသကြီး ဒုတိယ ရဲမှူးကြီးမြင့်ထွေးက ရဲတပ်ဖွဲ့ဝင်အရေအတွက်နဲ့ ယူရတဲ့ တာဝန်မမျှမတဖြစ်နေတဲ့အကြောင်း မီဒီယာတွေကို ပြောကြားသွားတာပါ။


ရန်ကုန်မြို့မှာ လက်ရှိရဲဝန်ထမ်း ၅၅၃၈ ဦးရှိပြီး ရဲ ၁ ဦးက   လူ ၁၃၆၅ ဦး စောင့်ရှောက် နေရတာဖြစ်တဲ့ အတွက် ဒါဟာ နိုင်ငံတကာ စံနှုန်းနဲ့တော့ မညီဘူးလို့ ဒုတိယရဲမှူးကြီး မြင့်ထွေးက ပြောပါတယ်။

“ရန်ကုန်မှာ လူဦးရေ ၇.၃ သန်း ရှိတယ်။ ရဲတပ်ဖွဲ့ဝင် ၅၅၃၈ ရှိတဲ့အတွက် ရဲ ၁ ဦးက ပြည်သူအချိုး ၁၃၆၅ ဦး နဲ့ စောင့်ရှောက်ရတယ်။ နိုင်ငံတကာ စံနှုန်းနဲ့ဆိုရင် ရဲ ၁ ဦးက ပြည်သူ ၄၀၀ ပဲ အုပ်ချုပ်ရတယ်။ ကျနော်တို့မှာတော့ ရဲတပ်ဖွဲ့ အင်အားနည်းတဲ့အတွက် ရဲ ၁ ယောက်မှာ ၁၃၆၅ ဦး အုပ်ချုပ်ရတယ်။ သို့သော်လည်း ရန်ကုန်တိုင်းသည် တခြားပြည်နယ်နဲ့ တိုင်းတွေထက် လုပ်ငန်းတွေလည်း များတယ်၊ များတဲ့အတွက် မြန်မာနို်င်ငံ ရဲတပ်ဖွဲ့ချုပ်က ကျနော်တို့ကို အင်အားအနေနဲ့ ၆၂ ရာခိုင်နှုန်းထည့်ပေးထားတယ်။ ကျန်တဲ့ ပြည်နယ်နဲ့တိုင်းတွေမှာဆိုရင် ၄၀ ရာခိုင်နှုန်းလောက်တော့ ရှိတယ်။”


ရန်ကုန်တိုင်းရဲတပ်ဖွဲ့ဟာ အီးယူနဲ့ ပူးပေါင်းဆောင်ရွက်ပြီးတဲ့နောက်မှာ ပြည်သူတွေက လိုလားလာပြီး တိုင်ကြားမူတွေ ပိုများလာတယ်လို့ ဒုတိယရဲမှူးကြီး မြင့်ထွေးက ပြောပါတယ်။


“ဒီဘက်ကာလမှာ လှည့်ကင်းတွေလည်း စိုးမိုးပါတယ်။ လူတွေရှိတဲ့အတွက် အမှုတော့ ရှိပါတယ်။ ရှိလာတဲ့အမှုတွေကို ကျနော်တို့ ကြိုတင်ကာကွယ်မှုတွေ လုပ်တယ်။ ကြိုတင်ကာကွယ်မှုလုပ်ရင်းနဲ့ ဖြစ်ပွားတဲ့အမှုတွေကို ရအောင်ဖော်ထုတ်တယ်။ ဖော်ထုတ်တဲ့အမှုတွေကို ခိုင်မာစွာတည်ဆောက်ပြီးတော့ ပြစ်ဒဏ်ရရှိရေး တရားရုံးစွဲတင်တယ်။ အီးယူနဲ့လုပ်တဲ့အခါမှာ ကျနော်တို့ကိုလည်း ပြည်သူတွေက ရဲတပ်ဖွဲ့ကို လိုလားလာတာ တွေ့တယ်။ တိုင်တမ်းမှုတွေလည်း များလာတယ်။ ၁၉၉ ပဲဖြစ်ဖြစ်၊ ရဲစခန်းဖုန်းတွေပဲဖြစ်ဖြစ် အမြဲတမ်းဆက်သွယ်တာတွေ များတယ်။ အကူညီတောင်းတာတွေ များလာတယ်။”


ရန်ကုန်တိုင်းဒေသကြီးမှာ ၂၀၁၄ စက်တင်ဘာလကုန်အထိ အမှုကြီး ၃၄၀ နဲ့ အခြားအမူ ၁၄၆၈ မှု ဖြစ်ပွားခဲ့ပြီး ကြိုတင်ကာကွယ်ဖမ်းဆီးမှုအနေနဲ့ ၁၈၀၀ ကျော်ပြုလုပ်ခဲ့တယ်လို့ ရန်ကုန်တိုင်းဒေသကြီး ရဲတပ်ဖွဲ့ရဲ့ စာရင်းမှာ ဖော်ပြထားပါတယ်။


မြန်မာနိုင်ငံရဲတပ်ဖွဲ့ကို ၁၉၆၄ သြဂုတ် ၁ ရက်နေ့က စဖွဲ့ခဲ့ပြီး ဒီကနေ့ဟာ မြန်မာနိုင်ငံရဲတပ်ဖွဲ့ရဲ့ နှစ် ၅၀ ပြည့် ရွှေရတုနှစ်ပတ်လည်နေ့လည်း ဖြစ်ပါတယ်။


ရဲတပ်ဖွဲ့ရဲ့ ရွှေရတု အခမ်းအနားကို နေပြည်တော်မှာ ကျင်းပခဲ့သလိုပဲ ရန်ကုန်မြို့မှာလည်း မူးယစ်ဆေးဝါးပြတိုက်မှာ ဒီကနေ့ မနက်ပိုင်း ကျင်းပခဲ့ပါတယ်။


ဒီ အခမ်းအနားကို ရန်ကုန်တိုင်းဒေသကြီး ၀န်ကြီးချုပ် ဦးမြင့်ဆွေ၊ တိုင်းစစ်ဌာနမှူးဗိုလ်မှူးချုပ် ထွန်းထွန်းနောင်၊ တိုင်းရဲတပ်ဖွဲမှူး ရဲမှူးကြီး ၀င်းနိုင်တို့ တက်ရောက်ခဲ့ပြီး ရန်ကုန်မြို့ မှုခင်းနှိပ်နှင်းရေးမှာ ထူးချွန်စွာ ဆောင်ရွက်ခဲ့တဲ့ ရဲဝန်ထမ်းတွေကိ်ု ရာထူးတိုး ဆုတံဆိပ်တွေ ပေးအပ်ခဲ့ပါတယ်။


By ထွန်းထွန်းသိန်း (ဒီဗွီဘီ)

26 Sep 2014

အချစ်မှ တစ်ဆင့် နိဗ္ဗာန်သို့

 
အချစ်ဟာ ကောင်းသလားလို. မေးရင်တော့ မကောင်းဘူး ပြောရမှာပဲ။ ဒါပေမဲ့ အချစ်ကြောင့် အရဟတ္တမဂ်၊ အရဟတ္တဖိုလ် ကို ရနိုင် ပါတယ်တဲ့။ ဒီလိုပြောတော့ စာဖတ်သူက ချက်ချင်း လက်ခံချင် နိုင်မှ လက်ခံနိုင်မှာပါ။ ပဋ္ဌန်း ဥပနိဿယ ပစ္စည်းကို အာရုံပြု ကြည့်လိုက်ပါ။


အကုသလော ဓမ္မော၊ ကုသလဿ ဓမ္မဿ ဥပနိဿယ ပစ္စယေန ပစ္စယော။ အကုသိုလ် တရားက ကုသိုလ် တရားကို ပြန် ကျေးဇူးပြုပါတယ်တဲ့။ အကုသိုလ်က ကုသိုလ်ကို ပြန်ကျေးဇူး ပြုတယ်ဆိုတော့ ဖတ်ရသူတွေ အဖို့ အံ့သြစရာ ဖြစ်နေ ပါလိမ့်မယ်။

အဓိပ္ပါယ် ကတော့ အချစ်ဆိုတဲ့ ရာဂ ကို အမှီပြုပြီး၊ ဒါနတွေ ပြုမယ်။ သီလတွေ ဆောက်တည်မယ်။ ရှစ်ပါးသီလ၊ ကိုးပါး သီလ ကိုစောင့်ထိန်းမယ်။ ဈာန်ရကြောင်း သမထ ကမ္မဋ္ဌန်း တစ်ခုခုကို ပွားများမယ်။ ၀ိပသနာ တရားကို ပွားများမယ်။ ဒါဆိုရင်တဲ့ မဂ်လည်း ရနိုင်ပါတယ်။ အဘိညာဉ်လည်း ရနိုင်ပါတယ်။ သမာတ်လည်း ရနိုင်ပါတယ်တဲ့။ ဒီအတိုင်း ပြောရင် ရှင်းမှာ မဟုတ်ဘူး၊ ပုံ ၀တ္ထုလေးနဲ့ တွဲပြောပြလိုက်ရင် ပိုရှင်း သွားပါလိမ့်မယ်။


ဒါကြောင့် အားလုံးကြားဖူးတဲ့ သုမေဓာ ရှင်ရသေ့ ၀တ္ထုလေးကို ပြန်အာရုံ ပြုကြည့်ရအောင်။


ဒီပင်္ကရာ မြတ်စွာဘုရား ကြွလာမဲ့ လမ်းမှာ ၀ိုင်းပြီး လုပ်အားပေး ကြတော့ သုမေဓာ ရှင်ရသေ့လေး ကလည်း ၀င်ပြီး လုပ်အား ပေးပါတယ်။ နောက် ဒီပင်္ကရာ မြတ်စွာဘုရားရှင် ကြွလာတော့ သူမေဓာ ရှင်ရသေ့လေးက သူတာဝန်ယူ ထားတဲ့ မြေကွက်က မပြီးသေးတာနဲ့ ခန္ဓာကိုယ်ကို တံတား အဖြစ်ခင်းပြီး လှူ လိုက်ပါတယ်။ အဲဒီအချိန်မှာပဲ သုမိတ္တာ ဆိုတဲ့ အမျိုး သမီးလေးက ရသေ့လေးကို မြင်မြင်ခြင်း သံယောဇဉ် ဖြစ်ပြီး ချစ်သွားပါသတဲ့။ သုမိတ္တာ ဆိုတဲ့ အမျိုးသမီး လေးရဲ့ လက်ထဲ မှာ ဒီပင်္ကရာ မြတ်စွာ ဘုရားကို ကပ်လှူဘို. ကြာပန်း ရှစ်ခိုင်ကို ကိုင်ထားပါတယ်။ မြင်မြင်ချင်း ချစ်တဲ့စိတ် ဖြစ်သွားတာ ဆိုတော့ ကိုင်ထားတဲ့ ကြာပန်း ရှစ်ခိုင်ထဲက ငါးခိုင်ကို ခွဲထုတ်ပြီး သုမေဓာ ရှင်ရသေ့လေးကို “ဒီကြာပန်းလေး တွေနဲ့ မြတ်စွာ ဘုရားကို လှူပါနော်” လို. ပြောပြီး ပေးလိုက်ပါတယ်။ သူကတော့ သုံးခိုင်ပဲ ယူထားလိုက်ပါတယ်။


ပြီးတော့ ရှင်ရသေ့ ပါရမီ ဖြည့်ကျင့် နေသမျှ ကာလ အတော အတွင်း “ကျွန်မသည် ရှင်ရသေ့နဲ့ အတူတကွ ပါရမီဖြည့်ဘက် ဖြစ်ရပါလို့၏”လို့ ဆုတောင်း လိုက်ပါတယ်။ဒီဘ၀ အတွက် ဆုတောင်းတာ မဟုတ်ပါဘူး၊ နောင်ဘ၀ နောင်ဘ၀ တွေအတွက် ဆုတောင်းတာပါ။ ရသေ့ဖြစ် နေတာဆိုတော့ ဒီဘ၀ အတွက်တော့ မဖြစ်နိုင်တော့ပါဘူး ။


ဒီပင်္ကရာ မြတ်စွာဘုရားရှင်ကလည်း “သုမေဓာ ရှင်ရသေ့…ဒီ သုမိတ္တာ အမျိုးသမီးလေးဟာ သင်ဘုရား ဖြစ်ဖို့ရန် စိတ်တူ ကံတူ ပါရမီ ဖြည့်ဘက် ဖြစ်လိမ့်မယ်” လို့ တစ်ခါတည်း ဗျာဒိတ် ပေးလိုက်ပါတယ်။ ဘာပဲပြောပြော ချစ်တဲ့ စိတ်ဖြစ်ပြီး ပါရမီ ဆုတောင်း လိုက်တော့ သုမိတ္တာ အတွက် မှန်ကန် အကျိုးရှိတဲ့ ဆုတောင်းတစ်ခု ဖြစ်သွားတာတော့ အမှန်ပါပဲ။


သုမိတ္တာဆိုတဲ့ အမျိုးသမီး လေးဟာ အချစ်ဆိုတဲ့ ရာဂ ကို အမှီပြုပြီး သံသရာမှာ ပါရမီ ဖြည့်ဘက် အဖြစ် ကျင်လည်ရင်း ၊ ဒါနတွေပြု၊ သီလတွေ ဆောက်တည်၊ သမထ တွေပွားများ၊ နောက်ဆုံး ဘ၀မှာ ၀ိပဿနာ တရားတွေ ပွားများ အားထုတ်ရင်း၊ အရဟတ္တမဂ်၊ အရဟတ္တဖိုလ် ရသွား ပါတော့တယ်။ ဒါဟာ အချစ်ဆိုတဲ့ ရာဂကို အမှီပြုပြီး အရဟတ္တမဂ်၊ အရဟတ္တဖိုလ် ရသွားတဲ့ ထင်ရှားတဲ့ သာဓက တစ်ခုပါ။ အချစ်က နိဗ္ဗာန်ရဖို့ ကျေးဇူး ပြုလိုက်တာပါ။


ဇနီး မောင်နှံ နှစ်ယောက် အိမ်ထောင်ပြု ကြတယ်ဆိုတာ ရာဂကို အမှီပြု ပြီးပြုကြ ရတာပါ။ ဒါပေမဲ့ ကိုယ်က ဒီရာဂ ကို အမှီပြု ပြီး ဒါနတွေ ပြုဖြစ်အောင်၊ သီလတွေ ဆောက်တည်ဖြစ်အောင်၊ ၀ိပဿနာတွေ ပွားများဖြစ်အောင် သုမေဓာ ရှင် ရသေ့နဲ့ သုမိတ္တာ အမျိုးသမီး လေးတို့ကို အာရုံပြုပြီး ကြိုးစား ရပါမယ်။


ဥပမာ- ကိုယ့်ခင်ပွန်းက အပြင်ထွက်ပြီး စီးပွားရှာ နေမယ်၊ ရှာလို့ ရလာတဲ့ ငွေကြေးတွေကို ဒါနတွေ ပြုပေးမယ်။ ခင်ပွန်း မွေးနေ.မှာ ကုသိုလ် ကောင်းမှု. တစ်ခုခု ပြုပေးမယ်၊ မွေးနေ. မှာ နှစ်ယောက်အတူ ဘုရားသွားမယ်၊ တရားပွဲတွေ အတူတူ သွားမယ်၊ မင်္ဂလာ ဆယ်နှစ်မြောက်၊ ဆယ့်ငါးနှစ်မြောက်၊ အထိန်းအမှတ် အဖြစ် ဒါနတွေ ပြုမယ်။ အားတဲ့ ရက်တွေမှာ ရိပ်သာကို တလှည့်စီ ဒါမှမဟုတ် နှစ်ယောက် အတူတူ ရိပ်သာဝင် တရား အားထုတ်မယ် ၊ ဒါတွေဟာ အချစ်ကို အမှီပြု ပြီး ကုသိုလ်တွေ ဖြစ်နေတာပါ။ နောက်တစ်ခုက ကိုယ့်ခင်ပွန်း အပြင်သွားပြီး အလုပ်လုပ် နေတဲ့ အချိန်မှာ ကိုယ့်ခင်ပွန်း အတွက် ဘုရားမှာ ပန်းကပ်၊ ရေကပ်ပေးမယ်။ ပြီးတော့ ဤရေ အေးမြသလို ကိုကိုလည်း စိတ်ကော ရုပ်ကော အေးမြပါစေလို့ မေတ္တာပို့ ပေး နေမယ်ဆိုရင် အချစ်ဆိုတဲ့ ရာဂကို အမှီပြုပြီး ကုသိုလ်တွေ ဖြစ်နေတာပါ။ ပဋ္ဌန်း စကားနဲ့ ပြောရင် ဥပနဿယ ပစ္စည်းနဲ့ အပြန်အလှန် ကျေးဇူးပြု နေကြတာပါ။ ကုသိုလ် ကောင်းမှု. တွေကို အတူတူ ပြုနေတဲ့ အတွက် နောင်ဘ၀ နောင်ဘ၀ တွေအတွက်လည်း ရေစက်ဆုံ ကြရဦးမှာပါ။


တကယ်လို. အိမ်ထောင် မပြုရသေးတဲ့ သမီးရည်းစား ဘ၀မှာပဲ ရှိနေသေးတယ် ထားဦး။ ချစ်သူတို့ သဘာဝ အရ ရွှေတိဂုံ ဘုရားကို သွားမယ်၊ ဘုရားမှာ ပန်းကပ်မယ်၊ ရေကပ်မယ်၊ ရွှေသင်္ကန်း ကပ်မယ် ဘုရားရှိခိုး မယ်ဆိုကြပါစို.။ သွားတုံးက ရာဂ ကို အမှီပြု ပြီးသွားကြတာ ဒါပေမဲ့ ဘုရားပေါ် ရောက်တော့ ကုသိုလ်တွေ ပြုဖြစ်သွားပါတယ်။ ဒါဟာလည်း အချစ်ကို အမှီပြု ပြီး ကုသိုလ်တွေ ဖြစ်နေတာပါပဲ။


သွားတုံးကတော့ ရာဂကို အမှီပြု ပြီးသွားပေမဲ့ ရာဂ အဆင့်မှာပဲ ရပ်မနေဘဲ တစ်ဆင့်တက်ပြီး ကုသိုလ်တွေ ပြုလိုက်တော့ အချစ်ကနေ ကုသိုလ်ကို ကျေးဇူးပြု သွားတာပါ။ ဟယ်..ရာဂ ဆိုတာ အကုသိုလ်ကြီး ဆိုပြီး နင်းကန် အပြစ်တင် နေရမှာ မဟုတ်ပါဘူး။ အဲဒီ အကုသိုလ် ဆိုတဲ့ ရာဂ ကို အမှီပြုပြီး အရဟတ္တမဂ်၊ အရဟတ္တဖိုလ် ရနိုင်တယ် ဆိုတာ ကိုယ်က သဘောပေါက် ထားဖို့ပါပဲ။


တစ်ခုတော့ ရှိပါတယ်။ ရာဂကို အမှီပြုပြီး တစ်ဆင့် တက်ရမှာကို မတက်ဘဲ ရာဂနဲ့ပဲ ရပ်နေမယ်၊ အချစ်နဲ့ပဲ ရပ်နေမယ် ဆိုရင်တော့ ဘယ် အရဟတ္တမဂ်၊ အရဟတ္တဖိုလ် ရနိုင်မှာလဲ။


ဒီတော့ ဇနီးမောင်နှံ နှစ်ယောက်ဟာ အချစ်ဆိုတဲ့ ရာဂကို အမှီပြုပြီး အကုသိုလ် ကနေ ကုသိုလ်ကို တစ်ဆင့်တက်တဲ့ ဥပနိဿယ ပစ္စည်းတွေ ဖြစ်နေဖို.ပဲ အရေးကြီးပါတယ်။ ပြီးတော့ ဒီ ဥပနိဿယ ပစ္စည်းတွေဟာ နောင်ဘ၀ နောင်ဘ၀ တွေထိလည်း လိုက်ပြီး ကျေးဇူးပြု နေဦးမှာပါ။ နောက်ဆုံး နိဗ္ဗာန် ရတဲ့ အထိ ကျေးဇူးပြု သွားမှာပါ။


နှစ်ယောက်လုံး တရားအသိ ရှိထားတဲ့ သူတွေဆိုရင် အမှားပြုဖို့လည်း ခဲယဉ်း ကြသလို၊ နှစ်ယောက် စလုံးဟာ တရား ရိပ်သာ ၀င် ထားကြ၊ တရား အားထုတ်ဖူးတဲ့ သူတွေ ဆိုရင်တော့ တရား အသိ လေးတွေနဲ့ ဆိုရင် ဘ၀ကို အဓိပ္ပါယ် ရှိရှိ ငြိမ်းငြိမ်း ချမ်းချမ်းလေး တည်ဆောက် သွားလို့ ရပါတယ်။ ဘာပဲပြောပြော ဇနီးမောင်နှံ နှစ်ယောက် ပဋ္ဌန်း ဥပနိဿယ ပစ္စည်းတွေ နေ.စဉ် ဖြစ် ဖြစ်နေဖို့ပါပဲ။ ဒါဆိုရင် အမှားနည်းတဲ့ “ရာသက်ပန် ငြိမ်းချမ်းတဲ့ ဘ၀လေး” ဖြစ်နေတော့မှာပါ။


ရေးသားသူ - အရှင်ရာဇိန္ဒ (ရဝေနွယ်- အင်းမ)
အလင်းတန်း ဂျာနယ်။ ၄. ၉. ၂၀၀၆

23 Sep 2014

အများပြည်သူသိရှိရန် " မှတ်ပုံတင်ထားခြင်း မရှိသော ဆေးဝါးများ " အသိပေးနှိုးဆော်ချက်




၁။ ကျန်းမာရေး ဝန်ကြီးဌာနသည် အရည်အသွေး စစ်မှန်ကောင်းမွန်ပြီး ဘေးဥပဒ် အန္တရာယ် ကင်းရှင်းကာ အကျိုး အာနိသင် ရှိသော ဆေးဝါးများကို အများပြည်သူတို့ သုံးစွဲနိုင်ရန် စနစ်တကျ ကွပ်ကဲကြပ်မတ် လျက်ရှိပါသည်။


၂။ အစားအသောက်နှင့် ဆေးဝါးကွပ်ကဲရေး ဌာနအနေဖြင့် ဈေးကွက်အတွင်းရှိ ဆေးဝါးများကို စိစစ်ခဲ့ရာ အောက် ဖော်ပြပါ ဆေးဝါး(၅)မျိုးသည် မြန်မာနိုင်ငံတွင် မှတ်ပုံတင်ထားခြင်း မရှိသော တရားမဝင် ဆေးဝါးများ ဖြစ်ကြောင်း စိစစ်တွေ့ရှိရပါသည်။


၃။ အများပြည်သူများသည် မြန်မာနိုင်ငံတွင် မှတ်ပုံတင်ထားခြင်းမရှိသော ဆေးဝါးများကိုဝယ်ယူသုံးစွဲခြင်း မပြုကြ ရန်နှင့် မြန်မာနိုင်ငံတွင် မှတ်ပုံတင်ရရှိထားသော ဆေးဝါးများကို ဆရာဝန်ညွှန်ကြားချက်ဖြင့် ဝယ်ယူ သုံးစွဲပါရန် အသိပေးအပ်ပါသည်။ ထို့အပြင် ပြည်သူ့ကျန်းမာရေးအတွက် စောင့်ရှောက်မှုဆောင်ရွက်ပေးသူများ အနေဖြင့် မိမိတို့သုံးစွဲနေသည့် ဆေးဝါးများနှင့် ပတ်သက်၍ သံသယဖြစ်ဖွယ် တစ်စုံတစ်ရာရှိပါက သတင်းပေးပို့ အကြောင်းကြားနိုင် ပါကြောင်း အသိပေးနှိုးဆော် အပ်ပါသည်။


၎။ ဆေးဝါးတင်သွင်းဖြန့်ဖြူးသည့် ကုမ္ပဏီ၊ ဆေးဝါရောင်းချသည့် ဆေးဆိုင်များသည် မြန်မာနိုင်ငံတွင် မှတ်ပုံတင် ထားခြင်းမရှိသောဆေးဝါးများ၊ ဆေးဝါးအတု၊ စံမညီဆေးဝါးများ တင်သွင်းဖြန့်ဖြူးရောင်းချခြင်း လုံးဝ (လုံးဝ) မပြုလုပ်ရန်နှင့် လိုက်နာဆောင်ရွက်ခြင်းမရှိပါက သက်ဆိုင်ရာအာဏာပိုင်အဖွဲ့အစည်းက အမျိုးသားဆေးဝါး ဥပဒေပုဒ်မ (၁၈)အရ တရားစွဲဆို အရေးယူမည်ဖြစ်ပါကြောင်း အသိပေးအပ်ပါသည်။



ကျန်းမာရေးဝန်ကြီးဌာန
The Mirror Daily


အင်္ဂလိပ်စာနှင့် အနာဂါတ် မြန်မာ့ပညာရေး ဘယ်လို စခန်းသွားမလဲ

 
 
ယနေ့ မြန်မာ့ပညာရေး ပြုပြင်ပြောင်းလဲ မှုများ ဆောင် ရွက်ရန် ပြင်ဆင် နေချိန်၌ ပညာရေးအတွက် အထူး အရေးကြီး လှသည်ဟု နားလည် ခံယူမိပါသဖြင့် ဤ ဆောင်းပါးအား တင်ပြအပ်ပါသည်။

အခြေခံ ပညာအထက်တန်း အဆင့်တွင် သင်္ချာ၊ ဓာတု၊ ရူပ နှင့် ဇီဝဗေဒ ဘာသာရပ်များကို အင်္ဂလိပ်စာ ဘာသာကို အသုံးပြု၍ သင်ကြားလျှက်ရှိနေပါသည်။ ဤနေရာတွင် အရေးတကြီး စဉ်းစား ဆွေးနွေးရန်မှာ အဆိုပါဘာသာရပ်များကို မိခင် မြန်မာဘာသာ ဖြင့် သင်ကြားခြင်းနှင့် အင်္ဂလိပ်ဘာသာဖြင့် သင်ကြားခြင်း မည်သည်က ပိုမိုသင့်လျှော်သနည်း၊ ပိုမိုထိရောက်သနည်း ဆိုသည်ပင်ဖြစ်ပါသည်။ ယခင်တစ်ခေတ်က အဆိုပါ ဘာသာရပ်များကို မြန်မာဘာသာဖြင့် သင်ကြားခဲ့ဘူးသည်မှာ အားလုံးအသိပင်ဖြစ်ပါသည်။ အခြေခံ ပညာအထက်တန်း အဆင့်တွင် သင်္ချာ၊ ဓာတု၊ ရူပ နှင့် ဇီဝဗေဒ ဘာသာရပ် များကို မြန်မာလိုသင်ကြားခြင်းဖြင့် သင်ကြားခြင်းနှင့် သင်ယူတတ်မြောက်မှုကို စစ်ဆေးခြင်းတွင် ပိုမိုထိရောက်မှု ရှိပါမည်ဟု ယုံကြည်မိပါသဖြင့် ဤဆောင်းပါးအား တင်ပြရခြင်းဖြစ်ပါသည်။


ဤနေရာတွင် လက်ရှိ ကျွန်တော်တို့ မြန်မာနိုင်ငံသားများ၏ အင်္ဂလိပ်စာ တတ်မြောက်မှု အနေအထားကို တစ်ပြိ်ုင်နက် ထည့်သွင်းစဉ်းစာရန်မှာ အင်မတန် အရေးကြီးလှပါသည်။ ယနေ့ခေတ် ကျောင်းသား၊ ကျောင်းသူ အများစုသာမက ဆရာဆရာမအချို့ပင်လျှင် အင်္ဂလိပ်စာနှင့်ပတ်သက်၍ အားနည်းနေသည်ကို ငြင်းမရအောင် တွေ့မြင်နိုင်ပါသည်။ ယနေ့ ကျောင်းသား၊ ကျောင်းသူအများစုသည် သူငယ်တန်း(grade 1)မှ တက္ကသိုလ် ဝင်တန်း (grade 11) ထိ ၁၁နှစ်တိုင်တိုင် အင်္ဂလိပ်စာအား သင်ယူခဲ့ကြသော်လည်း 4 skills ဟုခေါ်သော ရေး(writing)၊ ဖတ်(reading)၊ ပြော(speaking)၊ နားထောင် (listening) နိုင်စွမ်းများသည် အလွန်ပင်စိတ်ပျက်ဖွယ် ဖြစ်နေပါ သည်။ တက္ကသိုလ်ဝင်တန်း အောင်မြင်ပြီးသူများသာမက အချို့သောဘွဲ့ရများပင်လျှင် အရေးတွင်လည်း လက် မရှိသူကဲ့သို၊ အဖတ်တွင်လည်း မျက်မမြင်တစ်ဦးပမာ၊ အပြောတွင် လည်း ခံတွင်းမဲ့သို့်၊ နားထောင်မှုတွင်လည်း နားပင်းသူတစ်ဦးပမာ ဖြစ်နေပေသည်။ ဤသို့ဖြစ်နေရခြင်းမှာလည်း သင်ယူသူ၏ ချို့ယွင်းမှုလော၊ သင်ကြားသူ၏ ချို့ယွင်းမှုလော၊ သင်ယူသူနှင့် သင်ကြားသူကြားမှ သင်ရိုးညွှန်းတမ်း၊ သင်ရိုးမာတိကာ၊ သင်နည်းပို့ချချက် ချို့ယွင်းမှုလော၊ တစ်ခုခုမှားနေသည်မှာတော့ အသေအချာပင် ဖြစ်ပေသည်။


ဤသို့သော လက်ရှိအခြေအနေများကို မျက်ကွယ်ပြု၍ အထက်ဖော်ပြပါ အခြေခံပညာအထက်တန်း အဆင့် သင်္ချာ၊ ဓာတု၊ ရူပ နှင့် ဇီဝဗေဒ ဘာသာရပ်များကို အင်္ဂလိပ်စာ ဘာသာအား သင်ကြားရေးမီဒီယာအဖြစ် ဆက်လက် အသုံးပြု သင်ကြားရန်မှာ အကျိုးထက် အပြစ်သာ များနေသည်ကို တွေ့ရှိနေရပါသည်။


ဘာသာစကားတံတိုင်း (language barrier) ခြားနေသောကြောင့် ဟိုမှာဘက်တွင် ဘာတွေရှိနေမှန်းကို မမြင်နိုင်၊ မတွေ့နိုင် ဖြစ်နေကြရသည်။ အင်္ဂလိပ်စာတည်းဟူသော ဘာသာစကား မြစ်ကြီးခြားနေသဖြင့် ဟိုဘက်ကမ်းမှ ရူပဗေဒ၊ ဓာတုဗေဒ၊ ဇီဝဗေဒ အစရှိသည့် ပန်းအလှတောမှ ပန်းကလေးများ၏ အလှအပနှင့် မွှေးရနံ့တို့ကို မတွေ့ထိ မခံစားကြရ ဖြစ်နေပါသည်။ ယနေ့ ကျောင်းသား၊ ကျောင်းသူ အများစုအတွက် သက်ဆိုင်ရာ ပညာရပ် သဘောတရားကို နားမလည်နိုင်ခြင်းထက် အင်္ဂလိပ်စာကို မဖတ်နိုင်ခြင်းကြောင့် လေ့လာမှု မထိရောက်ခြင်းနှင့် စာမေးပွဲဖြေဆိုရာတွင် မိမိ နားလည်ထားသည်ကို အင်္ဂလိပ်ဘာသာဖြင့် ပြန်လည်ဖြေဆိုတင်ပြနိုင်မှု ခက်ခဲနေ ရခြင်း တို့ကြောင့် ပညာရပ် သဘောတရား များကို နားလည်သဘောပေါက်သည့်တိုင် စာမေးပွဲဖြေဆိုရာတွင် အခက်အခဲနှင့် ရင်ဆိုင်နေကြရကာ စာမေးပွဲ ကျရှုံးသည် အထိ ဆိုးကျိုးများ ကြုံတွေ့နေရပေသည်။ ဘာသာရပ် အား နားလည်တတ်ကျွမ်းမှုကို စစ်ဆေးရာတွင် (parrot learning) ဟုခေါ်ဆိုနေကြသော ကြက်တူရွေး နှုတ်တိုက် အာဂုံဆောင် သင်ကြား၊ သင်ယူမှုများသည်သာ စာမေးပွဲအောင်ရာ အောင်ကြောင်း နည်းလမ်းကောင်း ဖြစ်နေ ရခြင်းမှာ အနာဂါတ် မြန်မာ့ပညာရေး၏ အဓိက ကုစားရမည့် အရေးကြီး ပြဿနာတစ်ရပ်ဖြစ်ပါသည်။


ထို့ကြောင့် လက်ရှိ အင်္ဂလိပ်စာသင်ကြားမှု၊ သင်ယူမှုပုံစံများ၏ အားနည်းချက်များကို စနစ်တကျ လေ့လာ၍ ပြန်လည်ပြင်ဆင် ပြဋ္ဌာန်းမှုများ မလွဲမသွေ ဆောင်ရွက်သင့်ပါသည်။ ပိုမိုကောင်းမွန်သော သင်ကြား၊ သင်ယူမှု များဖြင့် ကျွန်ုပ်တို့၏ အင်္ဂလိပ်စာ တတ်မြောက်မှု (ရေး၊ ဖတ်၊ ပြော၊ နားထောင်) စွမ်းရည်ကို အရှိန်အဟုန်မြှင့်တင် ဆောင်ရွက် ရမည်ဖြစ်ပါသည်။ ထို့အတူ ရူပ၊ ဓာတု၊ ဇီဝ အစရှိသော ဘာသာရပ်များကိုလည်း သင်ကြားသူနှင့် သင်ယူသူတို့၏ မိခင် ဘာသာစကားအား သင်ကြာရေး ဘာသာစကား(teaching media)အဖြစ် အသုံးပြု သင်ကြားသင့်သည် ဆိုသည်ကို အဓိက လေ့လာသုံးသပ်၊ အဖြေရှာကြရမည့် အရေးကြီး ကိစ္စတစ်ရပ်ပင် ဖြစ်ပါသည်။


ကျောင်းသင်ခန်းစာများကို သင်ကြားရာတွင် အင်္ဂလိပ်ဘာသာဖြင့် သင်ကြားသည်ဟု ဆိုရာတွင်လည်း ပို့ချသူက အင်္ဂလိပ်လိုချည်း ပြောဆိုရှင်းလင်း၍ ကျောင်းသားကျောင်းသူများကလည်း အင်္ဂလိပ်လို တိုက်ရိုက်မှတ်သား သင်ယူခြင်း မဟုတ်မူဘဲ အင်္ဂလိပ်လိုရေးထားသော သင်ရိုးကို ဆရာက မြန်မာဘာသာသို့ ပြန်ဆိုရှင်းပြ နေရခြင်း သာဖြစ်ပေသည်။ ဤသို့ ဘာသာပြန်ဆိုရာတွင် ဆရာတစ်ဦးချင်းစီ၏ အရည်အသွေးနှင့် လေ့လာလိုက်စားမှု ပေါ်တွင် သင်ကြားလိုသော ဘာသာရပ်၏ ကံကြမ္မာမှာ မူတည်၍နေလေသည်။ မိခင်ဘာသာစကားကိုသာ သင်ကြားရေး ဘာသာစကားအဖြစ် အသုံးပြုပါက ယခုကဲ့သို့ ဘာသာပြန်ရန် အချိန်ပေးနေစရာပင် မလိုပါပေ။ ထို့အပြင် ဆရာ၊ ဆရာမမှ ကောင်းမွန် ပြည်စုံစွာ ဘာသာပြန်ဆို သင်ကြားနိုင်ပါက အကြောင်း မဟုတ်နိုင် သော် လည်း သက်ဆိုင်ရာ ပညာရပ်ဆိုင်ရာဝေါဟာရ (terminology)များကို မှားယွင်းစွာ ဘာသာပြန်ဆို သင်ကြားပါက ဘာသာရပ်၏ သဘောတရား အနှစ်သာရကို ပျက်စီးစေနိုင်သောကြောင့် အလွန်ပင် အန္တရာယ်များလှပါသည်။


မည်သို့ပင်ဆိုစေ လက်ရှိအခြေအနေတွင် စာသင်သား အများစုမှာ သင်ကြားလိုသော တစ်ဘက်ကမ်း ဘာသာရပ် ဆီကို မရောက်မီမှာပင် အင်္ဂလိပ်စာ မြစ်ထဲ မျောပါနေကြပါသည်။ ထိုမျောပါသွားကြကုန်သော စာသင်သားများကို မည်သို့ ဆယ်ယူကြမည်နည်း။ အင်မတန် အရေးကြီးလှသော ကိစ္စတစ်ရပ်ပင် ဖြစ်ပါသည်။ ဤတံတိုင်းကို ကျော်နိုင်မှ ဖြစ်ပါမည်။ ဤမြစ်ကို ကူးနိုင်မှ ရပါမည်။


ဤသို့ဆိုရာတွင် ပညာရပ်အများစုကို စတင် ထုတ်ဝေ ဖြန့်ချိမှု အများစုမှာ အင်္ဂလိပ်စာပေဖြင့်သာ ဖြစ်ကြသည်ကို အားလုံးအသိပင်ဖြစ်ပါသည်။ သို့သော် ကျွန်ုပ်တို့ မြန်မာနိုင်ငံအဖို့ ထိုသို့သော ပညာရပ်များကို အင်္ဂလိပ်ဘာသာဖြင့် တိုက်ရိုက် ဖတ်ရှုလေ့လာရန်အတွက် လေ့လာသူ ကျောင်းသားထု အများစုမှာ လက်ရှိ အင်္ဂလိပ်စာ တတ်ကျွမ်းမှု အနေ အထားအရ အခက်အခဲနှင့်သာ ကြုံတွေ့နေရဦးမည်မှာ အမှန်ပင်ဖြစ်ပေသည်။ ထို့ကြောင့် ကမ္ဘာ့ပညာရပ် များကို ကျွမ်းကျင် ပညာရှင်များမှ တာဝန်ယူ၍ မြန်မာမှုပြုရန်၊ မြန်မာဘာသာသို့ပြန်ဆိုရန်သာ ဖြစ်ပါတော့သည်။ တစ်ချိန်တည်း တွင်လည်း အင်္ဂလိပ်စာ တိုးတက်ရေးအတွက် လိုအပ်သည်များကို ပြင်ဆင်၍ သင်ကြားပို့ချမှု နည်းလမ်းကောင်းများကို ကြံဆ အသုံးပြုရန်မှာ အလွန်ပင် အရေးကြီးလှပါသည်။


မြန်မာဘာသာဦးစာပေး အင်္ဂလိပ်ရောပြွမ်းနည်းဖြင့် သင်ကြားခြင်း(သို့မဟုတ်) မြန်မာ၊ အင်္ဂလိပ် နှစ်ဘာသာ ပူးတွဲ၍ သင်ကြားပြီး မိမိနှစ်သက် ကျွမ်းကျင်ရာဘာသာစကားဖြင့် ဖြေဆိုစေခြင်းသည် သင်ကြား၊ သင်ယူမှုကို ပိုမိုထိရောက်မည်ဟု ယုံကြည်ရပါသည်။ မြန်မာဘာသာ (သို့မဟုတ်) နှစ်ဘာသာရောပြွမ်း အသုံးပြုသင်ကြား ခြင်းဖြင့် အောက်ပါ အကျိုး ကျေးဇူးများ ရရှိနိုင်လိမ့်မည်ဟု ယူဆလျှက် တင်ပြလိုက်ပါသည်။


(၁) ယခင် မြန်မာဘာသာဖြင့် သင်ကြားစဉ်က ပြဋ္ဌာန်းစာအုပ်များကို ပြန်လည်သုံးသပ် လေ့လာရာတွင် ယခု လက်ရှိအင်္ဂလိပ်ဘာသာဖြင့် ပြဋ္ဌာန်းစာအုပ်များထက် သင်ရိုးများ ပိုမိုပြည့်စုံထိရောက်စွာ ဖော်ပြနိုင်ကြောင်း တွေ့ရှိရခြင်း။ (ဥပမာ - အခြေပြု ရူပဗေဒ၊ အခြေပြု ဓာတုဗေဒ)


(၂) ယခု အင်္ဂလိပ်စာဖြင့် သင်ကြားနေသော သင်ရိုးများသည် ဘာသာစကား အကန့်အသတ်ကြောင့် အချို့သော ရှင်းလင်းချက်များ၊ ဥပမာများ၊ ပုံစံတွက်များအား ချန်လှပ်လျှော့ချ ထားသည့်အတွက် ပြည့်စုံမှု အားနည်းခြင်း။


(၃) မြန်မာဘာသာဖြင့် ပြဋ္ဌာန်းသင်ကြားပါက ဘာသာစကား အခက်အခဲ မရှိတော့သဖြင့် သင်ကြားပို့ချသူများက သင်ကြားလိုသော သဘောတရားများကို ပိုမိုထိရောက်စွာ ချဲ့ထွင်ရှင်းလင်းနိုင်သဖြင့် စာသင်သားများ ဘာသာရပ် ကို ပိုမိုနားလည်သဘောပေါက်ကာ စာသင်ကြားမှု ပိုမိုအောင်မြင်ခြင်း။


(၄) အင်္ဂလိပ်ဘာသာဖြင့် ပြဋ္ဌာန်းသင်ကြားနေရာတွင် လက်ရှိသင်ကြားသူ (နိုင်ငံတစ်ဝှမ်း လုံးမှ) ဆရာ၊ ဆရာမ အချို့မှာ အင်္ဂလိပ်စာ အားနည်းခဲ့ပါက သင်ကြားရေးတွင် အခက်အခဲ ဖြစ်ရုံသာမက ဘာသာပြန်မှားခြင်း ကြောင့် ဆိုလိုရင်းကို ပေါ်လွင်အောင် သင်ကြားနိုင်မှု မပြုနိုင်ခြင်းနှင့် သင်ကြားလိုသော သဘောတရား (concept)များ လွဲမှားနိုင်သဖြင့် အလွန် အန္တရာယ်ကြီးခြင်း။ (ဤနေရာတွင် ကျွန်တော်၏အဆိုကို သဘောမတူပါက နိုင်ငံ အဝှမ်းမှ သင်ယူသူ နှင့် သင်ကြားပေးသူ ဆရာဆရာများသည် အင်္ဂလိပ်ဘာသာ စကားဖြင့် စာစီစာကုံး(essay) ကောင်းကောင်းတစ်ပုဒ် လက်တမ်း ရေးနိုင်ကြောင်း၊ နေ့စဉ်ထုတ် အင်္ဂလိပ်ဘာသာ သတင်းစာတစ်စောင်ကို အဓိပ္ပါယ်ပြည့်စုံမှန်ကန်စွာ ဘာသာ ပြန်ဆိုရေးသားနိုင်ကြောင်း သက်သေပြ၍ ကျွန်တော့်တင်ပြမှုအား ကန့်ကွက် ကြပါရန်)


(၅) မြန်မာဘာသာဖြင့် ပြဋ္ဌာန်းသင်ကြားပါက လေ့လာသူ စာသင်သားများအနေဖြင့် မိခင်ဘာသာစကား ဖြစ်သောကြောင့် စာသင်သားများကိုယ်တိုင်၏ စိတ်ဝင်စားမှု ပိုမိုရရှိနိုင်ခြင်း၊ သက်တောင့်သက်သာဖြင့် လေ့လာ ဖတ်မှတ်၍ လွယ်ကူစွာ သင်ယူတတ်မြောက်နိုင်သောကြောင့် သင်ယူလေ့လာမှု ပိုမိုထိရောက်ခြင်း၊ ကိုယ်တိုင် လေ့လာနိုင်မှု (self-study) ဆောင်ရွက်နိုင်သဖြင့် ကျောင်းချိန်ပြင်ပ၌ ကျူရှင်ယူရန် မလိုအပ်တော့ခြင်း။ (ကျူရှင် ပြဿနာကို တစ်စိတ်တစ်ပိုင်း ဖြေရှင်းပြီးဖြစ်)


(၆) မိခင်ဘာသာစကားသာဖြစ်ပါက သက်ဆိုင်ရာ ဘာသာရပ်ကို လေ့လာရာ၌ ပိုမိုရှင်းလင်းလွယ်ကူ သော ကြောင့် သင်ယူတတ်မြောက်မှုကို စစ်ဆေးရာတွင် စာသင်သားများမှ အလွတ်ကျက်မှတ်ရန် မလိုအပ် တော့သဖြင့် မိမိတို့ တတ်သိနားလည်ထား သည်များကို လွယ်ကူစွာ ပြန်လည်ဖြေဆိုတင်ပြနိုင်ခြင်း။ (parrot learning ဟုခေါ်ဆိုနေကြသော ကြက်တူရွေး နှုတ်တိုက် အာဂုံဆောင်သင်ကြား၊ သင်ယူမှုကို ဖယ်ရှားနိုင်)


(၇) အချို့သောပုဂ္ဂိုလ်များက အင်္ဂလိပ်ဘာသာဖြင့် ပြဋ္ဌာန်းသင်ကြားမှု မပြုပါက ကမ္ဘာနှင့် ရင်ပေါင်တန်း မလိုက်နိုင် ဟုဆိုကာ အင်္ဂလိပ်ဘာသာဖြင့်သာ သင်ကြားရန် ဆန္ဒရှိကြပါသော်လည်း အကျိုးထက် အပြစ် ကသာ များခဲ့သည် ကို လက်ရှိ ပညာရေးက သက်သေပြလျှက်ရှိခြင်း။ (သင်ကြားသူ၊ သင်ယူသူ နှစ်ဘက်လုံး၏ အင်္ဂလိပ်စာ အားနည်းခြင်းကြောင့် သင်ကြားလိုသော ဘာသာရပ်လည်း မတတ်၊ အင်္ဂလိပ်စာလည်း မတိုးတက်)


(၈) နိုင်ငံအများစုတွင်လည်း မိခင်ဘာသာာစကားဖြင့်သာ သင်ကြားနေသည်ကို တွေ့ရှိရပြီး အင်္ဂလိပ်ဘာသာဖြင့် မသင်ကြားသော်လည်း ပညာရေး အဆင့်အတန်း နိမ့်ကြမှု လုံးဝမရှိသည်ကို နှိုင်းယှဉ်သုံးသပ် ကြည့်နိုင်ခြင်း။ ဥပမာ(ဂျပန်၊ တရုတ်၊ ကိုရီးယား၊ ရုရှား၊ ပြင်သစ်၊ ဂျာမဏီ၊ အီတလီ၊ စပိန်....)


ဤနေရာ၌ မြန်မာဘာသာ သက်သက်ဖြင့် သင်ကြားခြင်းနှင့် အင်္ဂလိပ်ဘာသာသက်သက်ဖြင့် သင်ကြားခြင်းခြင်းတွင် အားနည်းချက် အားသာချက် ရှိနေသည်ကိုလည်း လေ့လာတွေ့ရှိရပါသည်။ အရာရာကို မြန်မာမှုပြုခြင်း၏ အပြစ်ကိုလည်း ရင်ဆိုင်ကြရပါဦးမည်။ ဥပမာ ရူပဗေဒဘာသာရပ်၌ quantity ကို “မတ္တာ”၊ atom ကို အဏုမြူ၊ atom ကို ထပ်မံခွဲစိတ်သောအခါ ရရှိသော အမှုန်ကို “ပရမာ ဏုမြူ”၊ integrate ဆိုသည့် သင်္ချာဝေါဟာရကို “သမူဟ” စသဖြင့် မြန်မာလို ပြန်ခြင်း၊ မြန်မာမှု ပြုခြင်းကြောင့် မူလအဓိပ္ပါယ် လည်းမပေါ် မြန်မာအဓိပ္ပါယ်လည်း နားမလည် ဖြစ်ရပေမည်။ ထို့ကြောင့် အချို့သော စကားရပ်များကိုမူ ဘာသာပြန်ဆိုခြင်း မပြုဘဲ တိုက်ရိုက်ယူ မွေးစားရပေလိမ့်မည်။ (ဥပမာ ကား(car)၊ မော်တော်ဆိုင်ကယ်(motor cycle)၊ ရေဒီယို (radio)၊ ကွန်ပျူတာ (computer) ...)။ ဆိုလိုသည်မှာ ကားကို မြန်မာမှု ပြုခြင်းထက် ကားဆိုသည်မှာ မည်သည့်အရာ ဖြစ်ကြောင်း သင်ယူသူ နားလည်နိုင်ရန် ကားပေါ်သို့သာ ခေါ်ဆောင်၍ ကား၏ သွင်ပြင်လက္ခဏာနှင့် လုပ်ဆောင်ချက်များကို ရှင်းလင်းရပေမည်။ ထို့အတူ ရူပဗေဒဘာသာရပ်၌ transistor ကို ဘာသာပြန်နေမည့်အစား ၎င်း၏တည်ဆောက်ပုံနှင့် လုပ်ဆောင်ချက်ကိုသာ ပေါ်လွင်အောင် ရှင်းလင်းသင်ပြရပေမည်။ အခြားအခြားသော ဘာသာရပ်အသီးသီးရှိ မွေးစား စကားလုံးများကိုလည်း အဓိပ္ပါယ် နားလည်ပေါ်လွင်စေရန် မည်သို့ ချဉ်းကပ်မည် ဆိုသည်ကသာ အရေးတကြီး စဉ်းစားရမည့် အချက်ပင် ဖြစ်ပါသည်။


ထို့ကြောင့် အထက်ပါအချက်များကို ထောက်ချင့်၍ သက်ဆိုင်ရာ ဘာသာရပ် အသီးသီးကို သင်ကြားမှုနှင့် စစ်ဆေးမေးမြန်းမှုတွင် မြန်မာဘာသာ သက်သက်နှင့် သင်ကြား၊ စစ်ဆေးမည် (သို့မဟုတ်) နှစ်ဘာသာ ရောပြွမ်း (မြန်မာစာ ဦးစားပေး၊ မွေးစား စကားလုံးများရောလျှက် နှစ်ဘာသာပေါင်းစပ်) သင်ကြား၊ စစ်ဆေးမည် (သို့မဟုတ်) မြန်မာဘာသာနှင့် အင်္ဂလိပ်ဘာသာ ယှဉ်လျှက် (Bilingual)ဖြင့် သင်ကြား၊ စစ်ဆေးမည် (သို့မဟုတ်) လက်ရှိ အတိုင်းပင် အင်္ဂလိပ်ဘာသာ သက်သက်ဖြင့် သင်ကြား၊ စစ်ဆေးမည်ဆိုသည်ကို နိုင်ငံနှင့်အဝှမ်း သင်ကြားပို့ချသူ ဆရာ၊ ဆရာမများနှင့် သင်ယူသူ ကျောင်းသား၊ကျောင်းသူများ၏ သဘောထားဆန္ဒများကို သုတေသန စစ်တမ်းများ ကောက်ယူကာ လေ့လာဆန်းစစ် မှုများအပေါ် အခြေခံ၍ လက်တွေ့ရလဒ်များဖြင့် အဖြေရှာကြရမည်မှာ အသေ အချာပင် ဖြစ်သည်ဟု ယုံကြည်မိပါကြောင်း တင်ပြလိုက်ရပါသည်။


ဇော်မျိုးလှိုင်
ရူပဗေဒဌာန - ဒဂုံတက္ကသိုလ် မောက္ခပညာရေး မဂ္ဂဇင်း


22 Sep 2014

Ooredoo ဆင်းမ်ကတ်များ၏ ဖုန်းခေါ်ဆိုမှုအား စက္ကန့်အလိုက်သာ တွက်ချက် ကောက်ခံတော့မည်

 
 
Ooredoo Myanmar ဆက်သွယ်ရေး ကုမ္ပဏီသည် ၎င်းတို့၏ မိုဘိုင်းဖုန်း ခေါ်ဆိုခများအား စက္ကန့်နှင့် တွက်ချက် ကောက်ခံသည့် စနစ်သို့ ယနေ့မှ စတင်ပြောင်းလဲ လိုက်ပြီ ဖြစ်သည်။


ယခင်က တစ်မိနစ် မပြည့်သော ဖုန်းခေါ်ဆိုခများ အတွက် ဖုန်းပြောဆိုခ ကုန်ကျမှုများတွင် တစ်မိနစ်စာ ဖြတ်တောက်သော်လည်း ယနေ့နံနက် ၆ နာရီမှ စတင်၍ စက္ကန့်ဖြင့်သာ တွက်ချက် ကောက်ခံတော့မည်ဖြစ်သည်။


ထို့ကြောင့် ယနေ့မှစတင၍ Ooredoo ဆင်းမ်ကတ်အချင်းချင်း ဖုန်းခေါ် ဆိုမှုများတွင် စက္ကန့်ခြောက်ဆယ် မပြည့်ပါက သတ်မှတ်နှုန်းထား ဖြစ်သည့် တစ်မိနစ် ၂၅ ကျပ် ကျသင့်တော့မည် မဟုတ်ကြောင်း သိရသည်။ Ooredoo ၏ ထုတ်ပြန်ချက်တွင် ဥပမာအားဖြင့် ၄၇ စက္ကန့်သာကြာချိန်ရှိသော ဖုန်းခေါ်ဆိုမှုအတွက် ကျသင့်ငွေမှာ ၁၉.၅ ကျပ်ဖြစ်ကြောင်း ဖော်ပြ ထားသည်။

Internet Journal

21 Sep 2014

အတုအပပြုလုပ်ခြင်းမှ ကာကွယ်ရန် ငါးထောင်ကျပ်တန်ငွေစက္ကူအသစ် အောက်တိုဘာ ၁ ရက်တွင်စတင်ထွက်ရှိမည်

10606304_691801384244826_4841749731803988878_n

အတုအပပြုလုပ်ခြင်းမှ ကာကွယ်ရန် ငါးထောင်ကျပ်တန်ငွေစက္ကူအသစ် အောက်တိုဘာ ၁ ရက်တွင်စတင် ထွက်ရှိမည်။ ယခင်တရားဝင် ကျပ်ငါးထောင်တန်ကို ဆက်လက်အသုံးပြုနိုင်မည်ဖြစ်

====================================================

မြန်မာနိုင်ငံတော် ဗဟိုဘဏ်သည် ငါးထောင်ကျပ်တန် ငွေစက္ကူ၏ လုံခြုံမှုအဆင့်အတန်းပိုမိုမြင့်မားစေရန်၊ သက် တမ်းပိုမိုရှည်ကြာစေရန်နှင့် အတုအပပြုလုပ်ခြင်းမှကာကွယ်နိုင်ရန် အောက်တိုဘာ ၁ ရက်မှစတင်ပြီး ငါးထောင် ကျပ်တန် ငွေစက္ကူအသစ်ကိုထုတ်ဝေ သွားမည်ဖြစ်ကြောင်း စက်တင်ဘာလ ၁၈ ရက်နေ့စွဲဖြင့် ကြေညာချက် ထုတ်ပြန်ခဲ့သည်။
 
ငါးထောင်ကျပ်တန်ငွေစက္ကူ၏ လုံခြုံမှုအဆင့်အတန်းပိုမိုမြင့်မားစေ၍ အရည်အသွေးပိုမိုကောင်းမွန်ရန်၊ အသုံးပြု နိုင်မှုသက်တမ်းပိုမိုရှည်ကြာစေရန်နှင့် အတုအပပြုလုပ်ခြင်းမှ ကာကွယ်ရန်အတွက် လုံခြုံရေးကြိုးပုံစံသစ်၊ ရေစာသစ်နှင့် ငွေစက္ကူ၏ မျက်နှာပြင်နှစ်ဘက်ကို ဗားနစ် (Varnish)အလွှာဖြင့် ဖုံးအုပ်ကာကွယ်ထားကြောင်း၊ အဆိုပါ လုံခြုံရေးအဆင့်အတန်းမြှင့်တင်ထားသည့် ငါးထောင်ကျပ် တန်ငွေစက္ကူ အသစ်ထွက်ရှိလာသော်လည်း ၂၀၀၉ ခုနှစ်၊ အောက်တိုဘာ ၁ ရက်ကထုတ်ဝေခဲ့သော ယခင်ငါးထောင်ကျပ်တန်ငွေစက္ကူ၏ တရားဝင်လှည့် လည်သုံးစွဲငွေအဖြစ်တည်ရှိနေမှုကို ထိခိုက်စေမည် မဟုတ်ကြောင်း မြန်မာနိုင်ငံတော်ဗဟိုဘဏ်၏ ထုတ်ပြန် ကြေညာချက်တွင် ဖော်ပြထားသည်။

10686716_691801400911491_3883370323253845799_n

ယခင် ငါးထောင်ကျပ်ငွေစက္ကူ၏ မျက်နှာစာတွင်ဒေါင်လိုက် ထည့်သွင်းထားသောအကန့်လိုက်ဆစ် ပိုင်းပြီးမြှုပ် နှံထားသည့် လုံခြုံရေးကြိုးအစား ငွေစက္ကူအသစ်တွင် အရောင်ပြောင်းလဲနိုင်သည့် လုံခြုံ ရေးကြိုး အသစ်ကို ပြောင်းလဲထည့်သွင်းထား ကြောင်း၊ အဆိုပါလုံခြုံရေးကြိုးအသစ်မှာ ယခင်ကြိုးထက်ပိုမို ကြီးမားပြီး ငွေစက္ကူကို ကြည့်သည့်အနေအထား ပေါ်မူတည်ကာ ရွှေဝါရောင်နှင့် အစိမ်းရောင် သို့ပြောင်း လဲမြင်တွေ့ရမည်ဖြစ်ကြောင်း၊ ထို့ပြင် ငွေစက္ကူသစ်၏မျက်နှာစာဖက်၊ လက်ယာဘက်ပိုင်းတွင်ပုံစံ အသစ်ဖြင့်ပြုလုပ်ထားသည့် ဆင်ဖြူ တော်ပုံ ရေစာပါရှိပြီး အလင်းရောင်တွင်ကြည့်ရှုပါက ရေစာကိုတွေ့မြင် ရမည်ဖြစ်ကြောင်း၊ ငွေစက္ကူအသစ်ကို ဖုံးအုပ်ထား သည့် ဗားနစ်(Varnish) အလွှာသည် ပြင်ပမှရေခိုးရေငွေ့ များ၊ အရည်များနှင့်အရောင်များစွန်းထင်းနိုင်ခြင်းကို အကာအကွယ်ပေးနိုင်ခြင်းကြောင့် အသုံးပြုမှု သက်တမ်း ကိုပိုမိုရှည်ကြာစေမည်ဖြစ်ကြောင်းသိရသည်။ ငွေစက္ကူသစ်၏ အရွယ်အစား၊ ပုံသဏ္ဍန်နှင့်အရောင် သတ်မှတ်ချက်များ ယခင်ထုတ်ဝေခဲ့သည့်ငွေစက္ကူများအ တိုင်းပြောင်းလဲခြင်းမရှိကြောင်းသိရသည်။


-အမ်းဝေ


လူအချို့မှာ ရှိနေတဲ့ သဘာဝ နှိုးစက်


 
လူအချို့ဟာ ဘာနှိုးစက်မှ ပေးစရာမလိုပဲ ဘယ်အချိန် ထမယ် ဆိုတာကို တွက်ချက်ကို တကယ်ကို နှိုးတက်ကြ ပါတယ်။ ဥပမာ အားဖြင့် မနက် ၄ နာရီ ထရမယ်လို့ တေးထားပြီး တကယ်ပဲ လေးနာရီ ဝန်းကျင်မှာ ဘယ်သူမှ မနှိုးပဲ ထနေခြင်း ဖြစ်ပါတယ်။ 


ယင်းကို လူတွေရဲ့ စိတ်ထဲမှာ ရှိတဲ့ natural alarm clock ကြောင့်မို့လဲ ဆို ပါတယ်။ သူ့ပါသူ နိုးလာအောင် ဖန်တီးပေးတဲ့ စိတ် ဖြစ်ပါတယ်။ ယင်း စိတ်ဖြစ်အောင် နှိုးဆွ ပေးသူ ကတော့ stress hormone လို့ခေါ်တဲ့ စိတ်ဖိစီးမှု ဟိုမုန်း တစ်ခုက တွန်းအားပေးခြင်း ဖြစ်ပါတယ်။ ယင်း ဟိုမှုန်း ရှိသူ များဟာ သာမန် လူများထက်လည်း သတိပိုတတ် ပါတယ်။ သို့ပေမယ့် ကျန်းမာရေး အရ ကြည့်ရင် အခြား တစ်ဖက်မှာလည်း Stress hormone ကြောင့် ဆိုးကျိုး အချို့လည်း ရှိနေ ပါသေးတယ်။ 


ဒီတော့ သာမန်နေ့ထက် အစောကြီး ထရမယ့် နေ့မျိုးတွေမှာ ဆိုရင် နှိုးစက် နာရီ အသုံးပြုခြင်းက ကောင်းပြီး သာမန် ထနေကြ အချိန်များ ဖြစ်ရင် မိမိ ကိုယ်ကို နှိုးထ ခြင်းက သာမန် လူများရဲ့ အလေ့အကျင့် ဖြစ်ပါတယ်။

.
Ref: dyknow
အောင်ခမ်း

အောင်မြင်တဲ့ လူငယ် တစ်ယောက်ဖြစ်ဖို့




၁။ စိတ်ဓါတ်ခိုင်မာခြင်း - ဘယ်အချိန်မှာ ဘာလုပ်မယ် ... ဘာဖြစ်ချင်တယ်ဆိုတာကို ကိုယ့်စိတ်ထဲမှာ စွဲနေအောင် နှလုံးသွင်းထားပါ။ ထိုကဲ့သို့ မိမိ၏ စိတ်ကို တိတိကျကျ သေသေချာချာ ခိုင်ခိုင်မာမာ ပြင်ဆင်ထားခြင်းက လုပ်ငန်းဆောင်ရွက်ရာတွင် တည်တည်ငြိမ်ငြိမ်ဖြင့် အာရုံစူးစိုက်မှု အားကောင်းကာင်းဖြင့် အောင်မြင်အောင် ဆောင်ရွက်နိုင်မည် ဖြစ်သည့်အပြင် “ငါလုပ်ရင် ဖြစ်ပါ့မလား” ဆိုတဲ့ မယုံမရဲ စိတ်တွေကို ရှောင်ရှားနိုင်ပါလိမ့်မည်။


“ငါလုပ်ရင် ဖြစ်တယ်” ဆိုတဲ့ ခိုင်မာတဲ့ စိတ်ဓါတ်ကို မွေးမြူပါ။


၂။ အချိန်ကို စီမံခန့်ခွဲနိုင်ခြင်း - ငယ်ရွယ်စဉ်ကတည်းက လိုအပ်တဲ့အချိန်ကို ရယူနိုင်ရန်လေ့ကျင့်ထားပါ၊ မလိုလားအပ်သော နေရာများတွင် အကြောင်းမဲ့ အချိန်မဖြုန်းပါနှင့်။


၃။ အလုပ်တွင် အပြည့်အဝအာရုံစိုက်ခြင်း - စတင်လုပ်ဆောင် လိုက်သော ကိစ္စရပ်တစ်ခုကို မည့်သည့် အတွက်ကြောင့်ဖြစ်စေ ကိုယ့်ဖက်က မဖျက်ပါနှင့်၊ မိမိပတ်ဝန်းကျင်က လေးစား ယုံကြည်တန်ဖိုးထား ရသော သူတစ်ယောက်ဖြစ်အောင် မိမိအလုပ်ကို တန်ဖိုးထားလေးစားပါ။


၎။ ပတ်ဝန်းကျင်ကို လေးစားခြင်း - သူငယ်ချင်း၊ အပေါင်းအသင်း၊ မိတ်ဆွေ အားလုံးကို လေးလေးစားစား ဆက်ဆံပါ၊ တစ်ပါးသူ၏ အမြင်၊ သဘောထား၊ ခံစားချက်များကို အလေးထားကာ အတတ်နိုင်ဆုံး နားလည်ပေးပါ။


၅။ ပူးပေါင်းဆောင်ရွက်ခြင်း - အများနှင့်သက်ဆိုင်သော ကိစ္စတစ်ရပ်များကို ဆောင်ရွက်ရာတွင် မိမိဆန္ဒတစ်ခု တည်းကို ဦးစားမပေးပါနှင့်၊ မိမိတစ်ဦးတည်း သဆောဆန္ဒကိုသာ ဇွတ်မလုပ်ပါနှင့်၊ တစ်ပါးသူ၏ အကြံအဉာဏ်များကို အလေးထားဆွေးနွေးကာ ပူးပေါင်းဆောင်ရွက်ပါ။


၆။ နားထောင်တတ်ခြင်း - ထောင်တတ်သောနား ရှိပါ၊ မည်သည့်ကိစ္စတွင်မဆို တစ်ပါးသူ ပြောသည့်အခါ စိတ်ဝင်တစား နားထောင်တတ်ရန် အရေးကြီးပါသည်။ အယူအဆတူသည်ဖြစ်စေ ... မတူသည်ဖြစ်စေ စိတရှည်လကရှည် နားထောင်ပါ။


၇။ ရိုးသားခြင်း - လိမ်ညာဟန်ဆောင်ခြင်းသည် ခဏတာ အထင်ကြီးမှုကို ရကောင်း ရနိုင်သော်လည်း ရေရှည်တွင် ပတ်ဝန်းကျင်၏ ယုံကြည်မှုကို ဆုံးရှုံးနိုင်ပါသည်၊ အမှန်တရားကို ချစ်မြတ်နိုးပါ၊ ရိုးသားမှုကို တန်ဖိုးထားပါ။

 
အောင်ကိုဦး (UMK)
Be the Best !

Credit to Aung Ko U - UMK 


18 Sep 2014

မန္တလေးနဲ့ စစ်ကိုင်းမှာ ရေကြီး ရေလျှံပြီး လူသေဆုံး

  
မြန်မာနိုင်ငံမှာ ရေကြီး ရေလျှံမှုတွေ မကြာခဏ ဖြစ်နေ
 
 
မန္တလေးတိုင်း စဉ့်ကူးမြို့နယ် နွယ်ရုံရွာ အနောက်ဘက်က ရေမျက်ရွာမှာ တောင်ကျရေ လျှံပြီး ရွာကို သဲဖုံးသွားခဲ့ရာမှာ လူသေဆုံးမှု အထိ ရှိခဲ့ပါတယ်။


မနက် ၂နာရီလောက်မှာ မိုးရွာအပြီး တောင်ကျရေ လျှံခဲ့ရာကနေ သဲတွေပါ ပါလာပြီး တရွာလုံးကို သဲဖုံးသွားခဲ့ကြောင်း၊ အိမ်ခြေ တရာလောက်ရှိတဲ့ အဲဒီ ရွာမှာ အိမ်ခြေ ၃ပုံ ၂ပုံလောက် လုံးဝ ပျက်စီးသွားကြောင်း ဒေသခံ အမျိုးသမီးတဦးက ဘီဘီစီကို ပြောပါတယ်။


ချောင်းဖျား ဆည်ပိတ် ဆောက်လုပ်မှုကြောင့် ဆည်ကျိုးပေါက်ပြီး အခုလို ရေလျှံခဲ့တာလို့ ဆိုပါတယ်။


စစ်ကိုင်းတိုင်း ကသာမြို့နယ်မှာလည်း ရေကြီးမှုကြောင့် တံတား တစင်း ကျိုးပြီး အိမ်တွေ မျောပါ လူသေဆုံးမှုတွေ ရှိခဲ့တယ်လို့ သိရပါတယ်။


ပြီးခဲ့တဲ့ ရက်ပိုင်းကပဲ မြန်မာနိုင်ငံ မြောက်ပိုင်း ဒေသတွေမှာ တိုင်ဖွန်း မုန်တိုင်း အကြွင်းအကျန် ဝင်ရောက်ပြီး မိုးကြီးနိုင်တဲ့အတွက် ရေကြီး ရေလျှံမှုတွေ ဖြစ်နိုင်တယ်လို့ မိုးလဝသ ပညာရှင်တွေက သတိပေးထားပါတယ်။

ဘီဘီစီ (မြန်မာပိုင်း)


14 Sep 2014

"ဦးရွှေရိုးနှင့် ဒေါ်မိုးအက" ဘယ်ကစ


ရှင်ပြုအလှူမင်္ဂလာပွဲများ စီတန်းလှည့်လည်ရာတွင် အိုးစည်ဒိုးပတ်ဝိုင်းများ ပါဝင်လေ့ရှိပြီး မြူးကြွသွက်လက် သော အိုးစည်ဒိုးပတ် သံများနှင့်အတူ ဦးရွှေရိုးနှင့် ဒေါ်မိုးအကကို မကြာခဏမြင်တွေ့ကြရသည်။ ခေါင်း၊ ခါး၊ ခြေ၊ လက်၊ မျက်ခုံး၊ မျက်လုံး၊ နှာတံ၊ ပါးစပ် တစ်ပြိုင်နက် လှုပ်ရှား၊ တီးလုံးတီးကွက်များဖြင့် စည်းဝါးတကျ ဟာသလေးတွေနှောပြီး ကပြကြသည်မှာ ဘယ်ခါကြည့်ကြည့် မရိုးနိုင်။ မြန်မာတို့၏ ကိုယ်ပိုင်ဟန်၊ ကိုယ်ပိုင်ဂီတ၊ မူပိုင်ကကွက်ဖြစ်သည့် အတွက် မြန်မာ့ယဉ်ကျေးမှု ပြယုဂ်တစ်ခု အဖြစ် ဂုဏ်ယူဖွယ်ရာ ကောင်းလှသည်။ သို့ဖြစ်သောကြောင့် နိုင်ငံတော်အဆင့် ဖျော်ဖြေတင်ဆက်ရသည့် ဧည့်ခံပွဲကြီးများ၊ နိုင်ငံရပ်ခြားသို့ ချစ်ကြည်ရေးအရ လှည့်လည်ကပြရ သည့် မြန်မာ့ရိုးရာယဉ်ကျေးမှု ပဒေသာကပွဲများတွင် ထိုအကကို ထည့်သွင်းကပြလေ့ရှိသည်။


ထိုအက ဘယ်ကစ မြန်မာ့ယဉ်ကျေးမှုအနုပညာကို မြတ်နိုးတန်ဖိုးထားသူများ သိချင်ကြပေလိမ့်မည်။ ထိုအက ပေါ်ပေါက်ခဲ့သည်မှာ ယနေ့ဆိုလျှင် နှစ်ပေါင်း (၉၀)ကျော်ခဲ့ပြီ။ ၁၉၂၀ ခုနှစ်တွင် မြန်မာ့ရုပ်ရှင် စတင်ပေါ်ပေါက် ခဲ့ရာ ၁၉၂၃ ခုနှစ်တွင် မြန်မာအဆွေဖလင် (နောင်သော် ဗ-၁ ဖလင်)မှ ဒါရိုက်တာ ဦးညီပု (မောင်ဘဌေး) ရိုက်ကူး ခဲ့သော တောမြိုင်စွန်က လွမ်းအောင်ဖန် အသံတိတ်ရုပ်ရှင် ဇာတ်ကားတွင် ဦးညီပု၏ ယောက်ဖတော်စပ်သူ ထိုစဉ်က ကာတွန်းအကျော်အမော် ဦးဘကလေးက ဦးရွှေရိုးအဖြစ် သရုပ်ဆောင်ပြီး ဒေါ်မိုးဆိုသူနှင့် တွဲဖက်ကပြခဲ့သည်။ ထိုဇာတ်ကားတွင် မင်းသားဦးညီပု၊ မင်းသမီးမခင်သစ်၊ ဦးဘကလေးက ဇာတ်ပို့၊ ဇာတ်လမ်းမှာ သတ္တုရှာဖွေရေး သမား လူငယ်တစ်ဦးနှင့် ဥစ္စာစောင့်မလေးတို့၏ ဒဏ္ဍာရီ ဆန်ဆန်အချစ်ဇာတ်လမ်း၊ ရုပ်ပြောင်းရုပ်လွှဲမိတ်ကပ် ပညာများ၊ ကင်မရာလှည့်စား (Camera Trick)များ၊ အထူးပြုလုပ်ချက် (Special Effect) များ ပေါင်းစပ်ပြီး အချစ်၊ အလွမ်းနှင့် ဟာသဇာတ်ကွက်များ ပုံဖော်ရိုက်ကူး ခဲ့ရာ ထိုကာလက အထူးပင် အောင်မြင်ကျော်ကြား လူကြိုက်များခဲ့သည်။ မင်းသားဦးညီပုမှာ သတ္တုရှာဖွေရေး သမား မောင်ဘဌေးအဖြစ် သရုပ်ဆောင်ခဲ့ရာ ပီပြင်သည့် အတွက် ဦးညီပုသည် မောင်ဘဌေးအဖြစ် လည်းကောင်း၊ ဦးဘလေးသည် ဦးရွှေရိုးအဖြစ် သရုပ်ဆောင်ခဲ့ရာ ပရိသတ် အကြိုက်တွေ့ခဲ့ သည့်အတွက် ဦးဘလေးသည် ဦးရွှေရိုးအဖြစ် လည်းကောင်း အမည်တွင် ထင်ပေါ်ကျော်ကြားခဲ့သည်။ မင်းသမီး၏ အထိန်းတော် ဒေါ်မိုးကို ဦးရွှေရိုးက နောက်ပိုးသောအခန်းမှာ ပရိသတ်များကား တဝါးဝါး၊ တဟားဟား၊ ဦးရွှေရိုးက ဒေါ်မိုးကို ရေပြွန်တိုနှင့် ရေလိုက်ပက်သည့်အခန်းတွင် နန်းတော်ရှေ့ဆရာတင်၏ တေး သီချင်းက ရုပ်ရှင်ပိတ်ကားရှေ့တီးဝိုင်းမှ အားဖြည့်ပံ့ပိုး ပြန်သည့်အတွက် ဦးရွှေရိုးနှင့် ဒေါ်မိုးဇာတ်ဝင်ခန်းမှာ မြူးကြွ သွက်လက်ပြီး ပရိသတ်များ စွဲမက်မဆုံး တပြုံးပြုံး၊ ရုပ်ရှင်ကား ပြီးသွားသော်လည်း ပရိသတ် ပါးစပ်ဖျား တွင် မပြီး၊ အပ်ကြောင်းထပ်မျှ ပြောကြဆိုကြ။ ခေါင်းပေါင်း တလူလူ၊ မျက်ခုံးမွှေးတထူထူ၊ နှုတ်ခမ်း မွှေးတကားကား၊ မာဖလာလည်စည်းပဝါ တဖားဖား၊ တောင်ရှည်ပုဆိုးကွက်ကြားနှင့် ပုသိမ်ထီးဆောင်း ထားပြီး ထီးကို နောက်ကျွမ်းပစ်သကဲ့သို့ ပတ်လည်လှည့်ကာ ဝေ့ကာ ဝိုက်ကာ နှုတ်ခမ်းမွှေးက တလှုပ်လှုပ်တရွရွ၊ ခန္ဓာကိုယ်ကိုယိမ်းလိုက် နွဲ့လိုက်၊ ရှေ့တိုးနောက်ဆုတ်၊ အဖိုးကြီးတစ်ဦး ကဲ့သို့ ကွတကွတ ထီးကလေး တမမဖြင့် ကပြသွားပုံများမှာ ကကွက်တစ်မျိုးနှင့်တစ်မျိုး မရိုး၊ အိုးစည်ဒိုးပတ်များနှင့် အညီ စည်းဝါးတကျ ကခုန်သွားကြသည်မှာ ပညာသားပါလှ၏။ တွဲဖက်ကပြသူ ဒေါ်မိုးကလည်း ဦးရွှေရိုးနှင့် အပြိုင် အပေးအယူ အချိတ်အဆက် အတိုင်အဖောက် ညီလှ၏။


အပြောင်/အပြက်ဟုဆိုသော်လည်း ကြုံသလို လှုပ်ခါရမ်းပြီးမရ၊ စည်းဝါးတကျ ဟန်ပန်အမူအယာ ကကြိုးကကွက် ပီပြင်စွာ ရုပ်လုံးကပြရသည်။ သာမန်ကတတ်သူတို့ ထိုအကကို ရုတ်တရက်မကရဲ။ ရဲတင်းဖို့လိုသည်။ လက်ချင်းချိတ်ပြီး ဆွဲမွှေ့ဆွဲပစ်လိုက်သောအခန်း တင်ချင်း ပေါက်ကပြရသော အခန်းတို့မှာ ရဲရဲဝံ့ဝံ့ပီပြင်စွာကပြပါက အလွန်ကြည့်ကောင်းပြီး အနုပညာရသ မြောက်သော ယဉ်ကျေးမှုကကွက်ဖြစ်လေသည်။ သို့ဖြစ်သောကြောင့် ဦးရွှေရိုးနှင့် ဒေါ်မိုးအက "တောမြိုင်စွန်က လွမ်းအောင် ဖန်" ဇာတ်ကားမှ စသည်ဟု ဆိုပါရစေ။

တင့်လွင်ဦး (စီးပွားရေး တက္ကသိုလ်)
MOI Webportal Myanmar

အတုအစစ်ခွဲရန် ခက်ခဲလာသည့် ကျပ်တစ်သောင်းတန် ငွေစက္ကူအတုများ မကြာခဏ တွေ့ရှိနေပြီး ငွေတုပြုလုပ်ခြင်းကို စစ်ဆေးရန်နှင့် ပြည်သူများ ငွေတုငွေစစ်ခွဲခြားနိုင်ရေး ထုတ်ပြန်ပေးရန် လိုအပ်နေ

ငွေကြိုးနှင့် ကြာပန်းပုံရေစာ ပါဝင်နေပြီး မျက်နှာပြင်ပါ ကြမ်းတမ်းနေမှုကြောင့် ခွဲခြားရခက်သော်လည်း ကြာပန်းပုံရေစာ ပိတ်နေမှုကြောင့် အတုအဖြစ်ခွဲနိုင်ကာ ပုဂ္ဂလိကဘဏ်တစ်ခုမှ အပေါက်ဖောက်လိုက်သည့် ငွေတုနှင့် အစစ်ပုံအား ယှဉ်တွဲတွေ့ရစဉ်

အတုအစစ်ခွဲခြားရန် ခက်ခဲလာသည့် ကျပ်တစ်သောင်းတန် ငွေစက္ကူအတုများ မကြာခဏ တွေ့ရှိနေပြီး ငွေတုများအား ပြည်သူများခွဲခြားနိုင်မှု မရှိခြင်းကြောင့် နစ်နာမှုများ ကြုံတွေ့နေရသဖြင့် စစ်ဆေးဖမ်းဆီးမှုများ ပြုလုပ်နိုင်ရန်နှင့် ငွေတုငွေစစ်အား ပြည်သူများခွဲခြားနိုင်ရန် မြန်မာနိုင်ငံဗဟိုဘဏ်က ထုတ်ပြန်ပေးရန် လိုအပ်လာနေကြောင်း သတင်းရရှိသည်။


“ဘဏ်မှာ ငွေသွားလွှဲတဲ့အချိန်မှာ ကျွန်တော့်ပိုက်ဆံ တစ်သောင်းကျပ်တန်ကို အတုဆိုပြီး သိမ်းမယ်လုပ်တယ်။ ကျွန်တော်က သိမ်းတော့မသိမ်းပါနဲ့။ သုံးမရအောင်လုပ်ပြီး ပြန်ပေးပါပြောမှ အပေါက်ဖောက်ပြီး ပြန်ပေးတယ်။ ဒီပိုက်ဆံကို ဘယ်အချက်ကြောင့် အတုဆိုတာသိအောင် နှစ်ရက်လောက် စဉ်းစားလိုက်ရတယ်။ ကျွန်တော်တို့ နည်းမျိုးစုံကိုင်ကြည့်တယ်။ အကုန်နီးပါးတူတယ်။ ၁ဝဝဝဝ လို့ရေးထားတဲ့ စာလုံးကလည်း ဖောင်းကြွပါပါတယ်” ဟု ကျပ်တစ်သောင်းတန် ငွေစက္ကူအတုအား တွေ့ရှိခဲ့သူတစ်ဦးက ရှင်းလင်းပြောကြားသည်။


အစစ်နှင့် အလွန်တူသည့် တစ်သောင်းကျပ်တန် အတုများတွင် ရေစာ (water-mark) ပါဝင်ခြင်း၊ ငွေကြိုးပါဝင်ခြင်းနှင့် ယခင်ကထွက်ရှိသည့် ငွေတုများကဲ့သို့ မျက်နှာပြင် ချောမွေ့နေခြင်းမရှိဘဲ နေရာတိုင်းနီးပါးတွင် အစစ်နှင့် ခွဲရခက်အောင် ကြမ်းတမ်းနေခြင်း စသည့်အချက်များကြောင့် ကျပ်တစ်သောင်းတန် ငွေစက္ကူ အစစ်နှင့် ခွဲရခက်လာခြင်းဖြစ်ကြောင်း Myanmar Property Market place လူမှုကွန်ရက်စာမျက်နှာတွင် ဖော်ပြထားသည်။


“ကျွန်တော်က ဘဏ်လောကက မဟုတ်ပေမယ့် ကျွန်တော့်အစ်ကိုက ဘဏ်လောကကပါ။ ဒီပိုက်ဆံအတုကို တွေ့တဲ့အချိန်မှာ ကျွန်တော်တို့ဝိုင်းစစ်ဆေးတော့ ဒီပိုက်ဆံမှာ ငွေကြိုးနဲ့ ကြာပန်းပုံရေစာကပဲ သိသိသာသာ ကွာခြားနေတယ်။ ကျွန်တော်တို့ ဒီပိုက်ဆံကို တွေ့ခဲ့တာက လှည်းတန်းမှာရှိတဲ့ ဈေးဝယ်စင်တာတစ်ခုမှာ တွေ့ခဲ့တာပါ” ဟု Myanmar Property Market place မှ တာဝန်ရှိသူတစ်ဦးက စက်တင်ဘာ ၁၄ ရက်တွင် ပြောကြားသည်။


အဆိုပါ ငွေအတုနှင့် အစစ်အား နှိုင်းယှဉ်ကြည်မှုအရ အရှေ့မျက်နှာတွင်ပါဝင်သည့် ရောင်ပြန်ကြိုးမှာ ဘယ်ညာရှုထောင့်ပြောင်း၍ လှုပ်ပြီးကြည့်ပါက အစစ်တွင် အရောင်ပြောင်း၍ ငွေစက္ကူအတုတွင် အရောင်ပြောင်းလဲမှုမရှိကြောင်း သိရသည်။


“ဘဏ်ဝန်ထမ်းတွေ အနေနဲ့တော့ အခုအချိန်ထိ ခွဲခြားနိုင်နေတုန်းပါပဲ။ သာမန်လူတွေကတော့ သတိထားသင့်တယ်” ဟု ဘဏ်နှင့်ငွေကြေးဆိုင်ရာ အကြံပေးလုပ်ငန်းမှ မန်နေဂျင်းဒါရိုက်တာက ပြောကြားသည်။


ထို့ပြင် ကြာပန်းပုံ ရေစာနေရာတွင် အထူအပါး ကွာခြားခြင်း၊ အချောအကြမ်းကွာခြားခြင်းကို တွေ့ရှိရပြီး ငွေစက္ကအစစ်မှာ ပါး၍ကြမ်းတမ်းပြီး အတုမှာထူထဲ၍ ချောမွေ့နေသည်။ ယင်းအပြင် ငွေစက္ကူအတု၏ရေစာမှာ ပိုမိုကြီးမားနေပြီး အလင်းရောင်တွင်ကြည့်ရှုပါက အတုမှာ ပို၍အလင်းပိတ်သည်ဟု Myanmar Property Marketplace တွင် ဖော်ပြထားချက်အရ သိရသည်။


“သာမန်လူတွေကတော့ သိချင်မှသိမှာလေ။ ကျွန်တော်တို့ ဘဏ်ဝန်ထမ်းတွေကတော့ သိတယ်။ အစစ်လားအတုလားဆိုတာ ချက်ချင်းခွဲနိုင်အောင် ကျွမ်းကျင်တယ်လေ။ ဗဟိုဘဏ်ကိုလည်း လှမ်းမေးကြည့်ပါ။ သူတို့မှာ အတုအစစ်ခွဲတဲ့ နည်းတွေက အများကြီးပါ။ သူတို့က ပင်တိုင်ပဲလေ။ သူတို့ဆီမှာ သတင်းအစုံအလင် ရောက်တယ်။ အတုနဲ့အစစ် ခွဲရခက်တယ်ဆိုတာတော့ အခုမှကြားဖူးတယ်။ ကျွန်တော်တို့ကတော့ မခက်ဘူးထင်တာပဲ။ အရင်တုန်းက စူပါဒေါ်လာတောင် ပေါ်ဖူးတယ်။ ဒါကလည်း စစ်လိုက်ရင်သိတာပဲ။ အတုအစစ်ခွဲတဲ့ စက်တွေလည်း ရှိနေတာပဲ။ အတုက အတုပါပဲ။ အခု ကျွန်တော်တို့ ငွေစက္ကူတွေ ထုတ်နေတာကလည်း ဂျာမနီနည်းပညာနဲ့ ထုတ်နေတာပါ။ အဆင့်မြင့်ပါတယ်။ နောက်ပြီး အတုက ဘယ်လိုမှ စက္ကူ နှစ်ထပ်နဲ့ မဖြစ်နိုင်ဘူး။ စက်ကြီးတွေက အကြီးကြီးတွေ၊ ကုန်ကျစရိတ်က အရမ်းများသွားမယ်” ဟု ကမ္ဘောဇဘဏ်ဒုဥက္ကဋ္ဌနှင့် ဘဏ္ဍာရေးဝန်ကြီးဌာန၏ အကြံပေးဖြစ်သူ ဦးသန်းလွင်က စက်တင်ဘာ ၁၄ ရက်က ပြောကြားသည်။


    ကျပ် ၅ဝဝဝ တန်ငွေစက္ကူအတုများမှာ မကြာခဏ တွေ့ရှိနေရသဖြင့် ပြည်သူများ သတိပြုနိုင်ရန် ကျပ် ၅ဝဝဝ တန် ငွေစက္ကူအတုနှင့် အစစ်အကြား ကွာခြားချက်များအား ထုတ်ပြန်ပေးထားပြီး ငွေစက္ကူအတုတွင် စက္ကူထောင့်ဖြတ်ရာ ပါရှိခြင်း၊ ငွေစက္ကူ၏ ဘယ်ဘက်ထောင့်အလယ်၌ ဗဟိုဘဏ်မှ ရိုက်နှိပ်ဖော်ပြထားသည့် လုံခြုံရေးအမှတ်အသားဖြစ်သည့် ရေစာမပါရှိခြင်း၊ လုံခြုံ ရေးအမှတ်အသား တစ်ခုဖြစ်သည့် ငွေကြိုးပေါ်တွင် ငွေစက္ကူတန်ဖိုးအား ဖော်ပြသည့်စာသား မပါရှိခြင်း၊ ငွေစက္ကူ၏ ညာဘက်ထောင့်အလယ်၌ ဗဟိုဘဏ်က ရိုက်နှိပ်ထားသည့် ရေစာမပါရှိခြင်း စသည့်ခြားနားချက်များရှိကြောင်း . . . . .


ထိုသို့ သုံးသပ်ချက်အရ ငွေတုငွေစစ် ခွဲခြားရာတွင် ပြည်သူများအတွက် အသိပညာပေးရန်နှင့် အချိန်နှင့်တစ်ပြေးညီ ထုတ်ပြန်ပေးရန် လိုအပ်သည့်အတွက် မြန်မာနိုင်ငံတော် ဗဟိုဘဏ်မှ ဒုဥက္ကဋ္ဌဒေါက်တာဆက်အောင်အား ဖုန်းဖြင့်ဆက်သွယ် မေးမြန်းသည့်အပြင် စာဖြင့်ပါ ဆက်သွယ်မေးမြန်းခဲ့သော်လည်း တုံ့ပြန်ဖြေဆိုမှု မရှိချေ။


ထိုသို့ ဘဏ်ဝန်ထမ်းများသာ အတုနှင့်အစစ် ခွဲခြားနိုင်နေပြီး သာမန်ပြည်သူများအနေနှင့် ခွဲခြားနိုင်မှုမရှိပါက နစ်နာမှုများနှင့် စိတ်မကောင်းစရာအဖြစ်များ တွေ့ကြုံရနိုင်ပြီး ကျပ်တစ်သောင်းတန်များအား သေချာစွာစစ်ဆေးသင့်ကြောင်း ဦးသန်းလွင်က ပြောကြားသည်။


“ကျွန်တော်တို့ ဗဟိုဘဏ်ကိုမေးကြည့်တော့ နယ်စပ်တွေမှာ နွားတွေဘာတွေ သွားရောင်းပြီး ငွေတုတွေရတယ်။ အဲဒါကို ဗဟိုဘဏ်သွားအပ်တဲ့အခါမှာ ပြဿနာလေးတွေ ဖြစ်တယ်ဆိုတာမျိုးတော့ ပြောဖူးတယ်။ အဲဒီလိုဆိုတော့ ဗဟိုဘဏ်ဒုဥက္ကဋ္ဌလာတော့ မေးကြည့်တယ်။ ဗဟိုဘဏ်မှာတော့ ငွေစက္ကူ အတုနဲ့အစစ် ခွဲတဲ့စက်ကြီးတော့ ဝယ်ထားတယ်လို့ သိရတယ်။ ဟိုတုန်းကတော့ ကျွန်တော်တို့မှာ ဆန်ရှင်ရှိနေတော့ ကျွန်တော်တို့ ဂျာမနီကဝယ်ထားတဲ့ စက်တွေရဲ့ ဆေးတွေရော၊ အပိုပစ္စည်းတွေရော ဆယ်နှစ်လောက် ဝယ်လို့မရတာ ဖြစ်ခဲ့ဖူးတယ်။ ၂ဝ၁၁ နောက်ပိုင်းလွှတ်တော်တွေ ပြန်စချိန်မှာ အမေရိကန်ရဲ့ ဆန်ရှင်ကလည်း တဖြည်းဖြည်း လျော့လာတဲ့အချိန်မှာ ဆေးတွေ အပိုပစ္စည်းတွေ ပြန်ဝယ်လို့ရလာတယ်။ နိုင်ငံတကာအဆင့်မီ ငွေထုတ်လာနိုင်ပါတယ်။ သို့သော်လည်း သူတို့ထပ်ပြောတာက အမေရိကန်ဒေါ်လာမှာတောင် အတုအစစ်ဆိုတာ ရှိတာပဲ။ တုတယ်ဆိုတာကတော့ အဖိုးတန်တဲ့ပစ္စည်းမှာ တုတာပဲလေ။ တစ်သောင်းတန်၊ ငါးထောင်တန်ပဲ တုတာပေါ့လေ။ တစ်ထောင်တန်တို့ ငါးရာတန်တို့ကတော့ တုခဲတာပေါ့။ ၁ဝဝ ကျပ်တန်ဆိုရင် အတုတောင် မလုပ်ဖူးလို့ ကျွန်တော်တို့ အကြမ်းဖျင်းတော့ သိထားပါတယ်” ဟု ပြည်သူ့လွှတ်တော်ဘဏ်များနှင့် ငွေကြေးဆိုင်ရာ ဖွံ့ဖြိုးတိုးတက်ရေးကော်မတီ အတွင်းရေးမှူး ဦးဝင်းမြင့်က စက်တင်ဘာ ၁၄ ရက်တွင် ပြောကြားသည်။


မြန်မာနိုင်ငံတွင် ဒုတိယတန်ဖိုးအမြင့်ဆုံး ငွေစက္ကူဖြစ်သည့် ကျပ် ၅ဝဝဝ တန် ငွေစက္ကူအား ၂ဝဝ၉ ခုနှစ် အောက်တိုဘာ ၁ ရက်တွင် စတင်သုံးစွဲခဲ့ပြီး ကျပ် ၁ဝဝဝဝ တန် ငွေစက္ကူကို ၂ဝ၁၂ ခုနှစ် ဇွန် ၁၅ ရက်မှစတင်၍ ပြည်သူများအကြား လှည့်လည်သုံးစွဲနိုင်ရန် ထုတ်ဝေခဲ့ခြင်းဖြစ်သည်။


ကျပ် ၅ဝဝဝ တန်ငွေစက္ကူအတုများ မကြာခဏတွေ့ရှိပြီးနောက် အစစ်နှင့်ခွဲခြားရခက်လာသည့် ကျပ် ၁ဝဝဝဝ တန် ငွေစက္ကူအတုများ ပြည်သူများအကြားတွင် ပျံ့နှံ့လာခဲ့ခြင်းဖြစ်ကြောင်း သိရသည်။


ကျပ် ၅ဝဝဝ တန်ငွေစက္ကူအတုများမှာ မကြာခဏ တွေ့ရှိနေရသဖြင့် ပြည်သူများ သတိပြုနိုင်ရန် ကျပ် ၅ဝဝဝ တန် ငွေစက္ကူအတုနှင့် အစစ်အကြား ကွာခြားချက်များအား ထုတ်ပြန်ပေးထားပြီး ငွေစက္ကူအတုတွင် စက္ကူထောင့်ဖြတ်ရာ ပါရှိခြင်း၊ ငွေစက္ကူ၏ ဘယ်ဘက်ထောင့်အလယ်၌ ဗဟိုဘဏ်မှ ရိုက်နှိပ်ဖော်ပြထားသည့် လုံခြုံရေးအမှတ်အသားဖြစ်သည့် ရေစာမပါရှိခြင်း၊ လုံခြုံ ရေးအမှတ်အသား တစ်ခုဖြစ်သည့် ငွေကြိုးပေါ်တွင် ငွေစက္ကူတန်ဖိုးအား ဖော်ပြသည့်စာသား မပါရှိခြင်း၊ ငွေစက္ကူ၏ ညာဘက်ထောင့်အလယ်၌ ဗဟိုဘဏ်က ရိုက်နှိပ်ထားသည့် ရေစာမပါရှိခြင်း စသည့်ခြားနားချက်များရှိကြောင်း မြန်မာနိုင်ငံတော် ဗဟိုဘဏ်၏ ထုတ်ပြန်ထားမှုအရ သိရသည်။


ထို့ပြင် ငွေစက္ကူအတုသည် သာမန်စက္ကူဖြင့် ရိုက်နှိပ်ထားသဖြင့် စာလုံးဆေးသား ကြည်လင်ပြတ်သားမှု မရှိခြင်း၊ စက္ကူသား သိပ်သည်းကျစ်လျစ်မှု မရှိသည့်အတွက် ရာသီဥတုနှင့် ရေစိုဒဏ်မခံနိုင်ခြင်း၊ ငွေစက္ကူပါနံပါတ်များမှာ နေရောင်အောက်တွင် နီရဲတောက်ပမှု မရှိခြင်း၊ ရေစာမှာလည်း အလင်းရောင်အောက်တွင် ကြည့်ရှုပါက ပေါ်လွင်ပြတ်သားမှု မရှိခြင်း၊ လုံခြုံရေးကြိုးမှာလည်း ငွေစက္ကူတွင် ဒေါင်လိုက်ထည့်သွင်းထားခြင်း မရှိကြောင်း မြန်မာနိုင်ငံတော် ဗဟိုဘဏ်ကထုတ်ပြန်သည့် ငွေစက္ကူအတုနှင့်အစစ် ခွဲနည်းအရ သိရသည်။ ကျပ် ၅ဝဝဝ တန်ငွေစက္ကူများကို ကျပ် ၂၈ဝဝ ဘီလျံကျော်အထိ ထုတ်လုပ်ထားပြီး ပြင်ပလောကနှင့် စီးပွားရေးလောကတွင် ငွေတုများ ပျံ့နှံ့နေနိုင်သဖြင့် အတုအစစ်ခွဲခြားနိုင်ရန် ပညာပေးခြင်း၊ အမှုဖွင့်တိုင်ကြား အရေးယူခြင်းများ ပြုလုပ်နေကြောင်း ယခင်ဘဏ္ဍာရေးနှင့် အခွန်ဝန်ကြီးဌာနမှ ဒုတိယဝန်ကြီး ဒေါက်တာလင်းအောင်က ၂ဝ၁၃ ခုနှစ် အစောပိုင်းတွင် ကျင်းပသည့် ပြည်သူ့လွှတ်တော်၌ ဆွေးနွေးထားသည်။


မည်သူမဆို ငွေစက္ကူကိုဖြစ်စေ၊ ဘဏ်ငွေလက်မှတ်ကိုဖြစ်စေ လိမ်လည်အတုပြုလျှင်ဖြစ်စေ သို့မဟုတ် အတုပြုမှန်း မိမိသိလျက်နှင့် ထိုသို့လိမ်လည် အတုပြုလုပ်သည့် လုပ်ငန်းအဆင့်ဆင့်တွင် အဆင့်တစ်ခုခုကို ပါဝင်ပြုလုပ်ပါက ထိုသူအား ရာဇသတ်ကြီးပုဒ်မ ၄၈၉ (က) အရ ထောင်ဒဏ်တစ်သက်တစ်ကျွန်းကို ဖြစ်စေ၊ ၁ဝ နှစ်အထိထောင်ဒဏ်ကို ဖြစ်စေ၊ တစ်မျိုးမျိုးကိုဖြစ်စေ ချမှတ်အရေးယူနိုင်သည့်အပြင် ငွေဒဏ်လည်း ချမှတ်နိုင်ကြောင်း၊ ထို့ပြင် ငွေစက္ကူကိုဖြစ်စေ၊ ဘဏ်ငွေလက်မှတ်ကိုဖြစ်စေ အတုမှန်းသိလျက် အစစ်အမှန်အဖြစ် အသုံးပြုပါက ရာဇသတ်ကြီးပုဒ်မ ၄၈၉ (ခ) အရ ထောင်ဒဏ်တစ်သက်တစ်ကျွန်းကို ဖြစ်စေ၊ ၁ဝ နှစ်အထိ ထောင်ဒဏ်တစ်မျိုးမျိုးကိုဖြစ်စေ ချမှတ်အရေးယူနိုင်သည့်အပြင် ငွေဒဏ်လည်းချ မှတ်နိုင်ကြောင်း၊ ငွေစက္ကူများအား အတုပြုလုပ်ထားမှန်းသိလျက် သုံးစွဲရန်ကြံရွယ်ကာ လက်ဝယ်ထားပါက ထောင်ဒဏ်ခုနစ်နှစ်အထိဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်အရေးယူနိုင်သည်ဟု ပြဌာန်းထားကြောင်း သိရသည်။


http://news-eleven.com/local

ဖတ်ပါ၊ မှတ်ပါ၊ လိုက်နာပါ

 
(၁)။စာမဖတ် တတ်သော သူသည် “မျက်မမြင်” နှင့် တူ၏။

(၂)။စာဖတ်တတ်ပါလျက် မဖတ်သော သူသည် အသွား ရှိပါလျက် မခုတ်ဘဲထားသော “ဓား”နှင့်တူ၏။


(၃)။စာဖတ်ပါလျက် မှတ်သားခြင်း မရှိသောသူသည် “ရေပြင်၌ ရေးထားသော အရုပ်” နှင့် တူ၏။


(၄)။မှတ်သားပါလျက် ကျိုးကြောင်းမှန်မှား မစဉ်းစားသော သူသည် အစာအာဟာရကို ညက်ညက် ၀ါးမစားဘဲ မျိုချ၍ ၀ါးစားသော သူနှင့်တူ၏။


(၅)။ကျိုးကြောင်းမှန်မှား စဉ်းစားပြီး၊ အမှန်ကို သိပါလျက် လက်ခံကျင့်သုံးခြင်း မရှိသောသူသည် ဟင်းလျာ၏
အရသာကို မြည်းစမ်းကြည့်ပြီး၊ ကောင်းမှန်းသိပါလျက် “မစားသုံးသော သူ”နှင့် တူ၏။


(ဗုဒ္ဓဓမ္မလောက စာစောင်မှ-)
-【လေးအိမ်စု အရှင်ဝိစိတ္တသာရ၏ စကားလက်ဆောင် တရားလက်ဆောင်မှ-】