တစ်နေ့တစ်နေ့ ပိုဆိုးလာတဲ့ ယာဉ်ကြော ပိတ်ဆို့မှုပြဿနာကို အစိုးရမင်းတွေ ဒီအတိုင်း ကြည့်နေကြတော့ မှာလား

 

 

အချိန်ကို ကြည့်လိုက်တော့ မနက် ၇ နာရီခွဲ ကျွန်တော် နေထိုင်ရာ မြောက်ဥက္ကလာပ မြို့လေးမှာ စထွက် ကတည်းက ကြုံတွေ့ရသည်က အ၀ိုင်းကြီးဆိုသော နေရာမှာ အဆမတန် ယာဉ်ပိတ်ဆို့ နေခြင်းဖြစ်သည် ။ ကားသမား အားလုံးကို ကြည့်လိုက်တေတာ့ မျက်နှာ များက သုန်သုန်မှုန်မှုန် ။ သူလို ကိုယ်လို အလုပ်ကို အချိန်မမှီမှာ စိုးတာနဲ့ အရေးကြီးကိစ္စများ နောက်ကျမှာ စိုးသည်နှင့် ပူလောင်သောက ရောက်နေသော မျက်နှာ များနှင့် ပင်ဖြစ်သည် ။ မြို့ထဲကို ရောက်ဖို့ လမ်း ၃ လမ်း သာရှိသည် ။ လမ်းဝအောက်ကနေ သွား၍ ဝေဇယန္တာ လမ်းအတိုင်းသွား ဒါမှမဟုတ် ကမ္ဘာအေးလမ်းကြော အတိုင်းသွား ဒါမျမဟုတ် ပြည်လမ်းကနေသွား ဒါပဲဖြစ် သည် ။ ၃ လမ်းစလုံးသည် နေ့စဉ် ရုံးတက်ရုံးဆင်း ချိန်သာမက အချိန်တိုင်းလိုလို ယာဉ်ကြော ပိတ်ဆို့နေလေ့ ရှိပါသည် ။ ကျွန်တော့်စိတ်ထဲ မေးခွန်းတွေ မေးချင်လာသည် ။
၁ ။ နေ့စဉ် ပိုဆိုးလာနေသော ယာဉ်ကြော ပိတ်ဆို့မှုပြဿနာကို ဖြေရှင်းရန် မည်သူ့တွင် တာဝန်ရှိသနည်း
၂ ။ တာဝန်ရှိသူများသည် ဘာကြောင့် မသိကျိုးနွံ နေ့စဉ်ပြုနေရသနည်း
၃ ။ ဘာကြောင့် ယာဉ်ကြော ပိတ်ဆို့ရသနည်း
၎ ။ ယာဉ်ကြောပိတ်ဆို့မှု ပြဿနာကိုဖြေရှင်းရန် နည်းလမ်း တကယ်မရှိတာလား ရှိရဲ့သားနဲ့ မလုပ်ပေးကြတာလား
၅ ။ ယာဉ်ကြော ပိတ်ဆို့မှုကြောင့် ဘာတွေ နစ်နာသွားသလဲ
အမ်အာတီတွေ ဘာအာတီတွေ ညာအာတီတွေ ခဏထားပါ လောလောဆယ် ရန်ကုန်မှာ နေ့စဉ် သွားလာနေ ရတဲ့ပြည်သူတွေအဖို့ ကြုံတွေ့နေရတဲ့ အခက်အခဲတွေကို မှန်အနက်ကြီးတွေတပ်ပြီး အဲကွန်းဖွင့်ထားတဲ့ ဇိမ်ခံ ကားစီးနေသော လူကြီးမင်းများ သိဖို့ကောင်းလှပါတယ် ။ VIP ဆိုသော လူတန်းစားတစ်ရပ် နှင့် လမ်းကြောင်း ဆိုသော အရာ ၊ မော်တော်ပီကယ်တွေမှ မှုတ်သော ၀ီစီတံ တညံညံနှင့်သွားလာနေကြ အစိုးရလူကြီးမင်းတို့ ထိုအချက်အလက် ကို ကြုံတွေ့ဖူးကြမည်မထင် ။ တစ်ခါလောက် တာဝန်ရှိသူ အာဏာပိုင်အစိုးရမင်းတို့အနေနနှင့် လိုင်းကားတိုးမစီးတာတောင် မော်တော်ပီကယ် လမ်းကြောင်းရှင်းမပါပဲ ယာဉ်ကြောပိတ်ဆို့မှုပြဿနာကို စနည်းနာ ကြည့်စေချင်ပါသည် ။ နံပါတ် ၁ တွင် မေးထားသော မေးခွန်းအတိုင်း ယာဉ်ကြောပိတ်ဆို့မှုသည် မည်သူ့တွင် တာဝန်ရှိသနည်း ။ အစိုးရအာဏာပိုင်လူကြီးမင်းတွေလား ၊ နေ့စဉ် သွားလာနေသော ပြည်သူတွေလား ၊ ဘတ်စ်ကား သမားတွေလား ၊ ကိုယ်ပိုင်ယာဉ်မောင်းသူတွေလား ၊ တက်စီအမောင်းသမားတွေလား ၊ မထသ လား ပို့ဆောင်ရေးဝန်ကြီးဌာနလား စည်ပင်သာယာလား ကျွန်တော် တကယ်ကိုသိချင်မိသည် ။ နိုင်ငံတစ်နိုင်ငံကို အာဏာရ အစိုးရဖြစ်စေ လူထု တင်မြှောက်ထားသော အစိုးရဖြစ်စေ အစိုးရမင်းသာ အုပ်ချုပ်ပါသည် ။ ထို အစိုးရမင်းတွင် နိုင်ငံသားတိုင်း လိုလို ကြုံတွေ့နေရသော ပြဿနာကို ဖြေရှင်းရန် တာဝန်ရှိသည်ဟု ယူဆပါသည် ။ တာဝန်မရှိဟုဆိုလျှင် အစိုးမင်းများမှာ ဘာတွေ တာဝန်ရှိသနည်း ။ သေချာပါသည် ။ ယာဉ်ကြောပိတ်ဆို့မှုပြဿနာကို မြန်မြန်ဖြေရှင်းရန်လိုအပ်လာနေသော First Priority (ပထမဦးစားပေး ) အဆင့်ဖြစ်သည် ဟု ကျွန်တော်ယူဆ ပါသည် ။

မီဒီယာများမှဖြစ်စေ Social Network များ မှဖြစ်စေ နေ့စဉ်ယာဉ်ကြောပိတ်ဆို့နေခြင်းကို အမြဲတင်ပြနေခဲ့ပါသည် ။ သို့သော်ဘယ်လောက်ပဲ ရေးသည်ဖြစ်စေ တင်ပြသည်ဖြစ်စေ တာဝန်ရှိသူများသည် မသိကျိုးနွံပြုနေကြဆဲ ပင်ဖြစ်သည် ။ ကိုယ့်ကိုယ်ကို တာဝန်မရှိဟု ယူဆနေကြခြင်းလော သို့တည်းမဟုတ် ကြည့်ကောင်းကောင်းနှင့် ကြည့်နေကြခြင်းပေလော တာဝန်ရှိသူများမှပင်သိပေလိမ့်မည် ။ အဓိကကတော့ လူတွေ မှာ ကိုယ်ချင်းစာတရား ပျောက်ဆုံးနေခြင်းသာဖြစ်ပေလိမ့်မယ် ။ သူများ ဘယ်လောက်အခက်အခဲ ဖြစ်ဖြစ် ကိုယ့်အခက်အခဲမဖြစ်သရွေ့ ကိုယ်နဲ့မဆိုင် ကိုယ့်တွင်တာဝန်မရှိဟူသော တာဝန်မဲ့စိတ်ဓါတ်များ ကိန်းအောင်းနေသရွေ့ ကျွန်တော်တို့ ရန်ကုန်မြို့ သည် စင်ကာပူကို မှီဖို့မဆိုထားနှင့် ဒုံရင်းကဒုံရင်း လူနေထူထပ် သည်းသည်း ကားကြပ်စိတ်ရှုပ်စရာ မြို့ကြီးသာ ဖြစ်လာလိမ့်မည် ။

ဘာကြောင့် ယာဉ်ကြောပိတ်ဆို့ရသနည်း ဆိုသော မေးခွန်းကို ဖြေချင်နေတာကြပါပြီ ။ မိုးရွာလည်းလမ်းပိတ်သည် မီးပွိုင့်စနစ်တွေ Timing မကိုက်၍ လမ်းပိတ်သည် ဘတ်စ်ကားတွေ မှတ်တိုင်မှာ ပိတ်ရပ်၍ လူစောင့်တင်နေ၍ လမ်းပိတ်သည် အိမ်ကားတွေများလာ၍ လမ်းပိတ်သည် ။ လမ်းတွေကျဉ်း၍ လမ်းပိတ်သည် ။ လမ်းပေါ် ဈေးသည်တွေ တက်ရောင်း၍ လမ်းပိတ်သည် ဘုရားဘုရား ကျွန်တော် တွေးကြည့်တာတင်အတော်များသည် ။

ထိုသို့ဆိုလျှင် နေ့စဉ် ယာဉ်ကြောပိတ်ဆို့မှုပြဿနာကို ဖြေရှင်းရန်နည်းလမ်းမရှိကြတော့ဘူးလား ။ အမြန်လမ်းတွေ ပြေးဖို့တွေ ဘီအာတီတွေ အမ်အာတီတွေ ခဏထားကြပါ မိုးပျံရထားတွေကောင်းကင်ရထားတွေ မြေအောက် ရထားတွေ ခဏထားကြပါဦး အပေါ်မှာ ဖော်ပြထားတဲ့ အရာတွေကို ဖြေရှင်းရန် နည်းလမ်းတကယ်မရှိကြတာလား ။ ရှိပါသည် ။ နည်းလမ်းများစွာရှိပါသည် ။ ရှိလျှင် ဘာကြောင့် မဖြေရှင်းပေးကြသနည်း ဟုတ်ကဲ့ တာဝန်မဲ့သော စိတ်ဓါတ်တွေကိန်းအောင်းနေခြင်းကြောင့်သာဖြစ်ပါသည် ။ တစ်ချက်ချင်းကို ပြန်လည်တင်ပြပါမည် ။

၁ ။ မိုးရွာလို့လမ်းပိတ်သည် အမှန်တော့ ဆင်ခြေဆင်လက်သာဖြစ်သည်။ မိုးရွာတိုင်းလမ်းပိတ်စရာမရှိပါသည် ။ အန္တရာယ်ဖြစ်မှာစိုး၍ ကားအရှိန်ကို လျော့ချလိုက်၍ ကားသွားနှေးသွားခြင်းသာဖြစ်နိုင်သည် ကားတွေ ဘီးလှိမ့်လို့ မရလောက်အောင် ပိတ်ဆို့စရာအကြောင်းမရှိပါ ။ ဟော .... အဖြေတွေ့ပါပြီ မိုးနည်းနည်းရွာလိုက်တိုင်း လမ်းပေါ် ရေတင်သော စနစ်ဆိုးကြီးကြောင့်ဖြစ်သည် ။ ဘာကြောင့် စနစ်ဟူသော စကားကို ထည့်ပြောရသနည်း ။ မိုးရွာလျှင် ရေတင်သည် ကို ဖြေရှင်းရန် ရေနှုတ်မြောင်းများ ရေစီးရေလာကောင်းစေရန် လုပ်ဆောင်ရမည့်အစား အဘယ် ဥာဏ်ကြီးရှင်က ချော်တောငေါ့၍ လမ်းသားတွေမြှင့်ရမည်ဟု ရွှေဥာဏ်တော်စူးရောက်သွားသည်မသိ ကွန်ကရစ်ထုထည်အမြင့်ကြီးနှင့် လမ်းတွေ ခင်းလိုက်ကြသည် ။ သူတို့စိတ်ထဲ လမ်းမြင့်ရင် ရေမတင်ဟု တွေးနေ ပုံရသည် ။ မိုးက နာရီဝက်လောက်ရွာသည် ရေတွေပြန်တင်သည် ကားတွေပိတ်သည် ဒုံရင်းကဒုံရင်းသာ ဖြစ်နေ လေတော့သည် ။

၂ ။ မီးပွိုင့်စနစ်တွေ ဒါတော့ကျွန်တော်သိပ်နားမလည်ချင် ရန်ကုန်မှ မီးပွိုင့်များသည် မော်တော်ပီကယ်လက်ထဲတွင် နီချင်သလို စိမ်းချင်သလို လုပ်လို့ရသည် ။ ခင်ဗျားတို့ တွေ့ဖူးကြသလတော့မသိပါဘူး တစ်ခါကဆိုလျှင် မီးပွိုင့် နှစ်ဖက်စလုံးမှာ အနီအ၀ါအစိမ်း ၃ ခုစလုံး လင်းနေတာတွေ့ရသည် ။ ကားတွေက မထွက်ရဲကြ ။ ဘယ်ထွက် ရဲမလဲ မတော် ရွှီ ဆိုပြီး အသံထွက်လာမှဖြင့် လိုင်စင်အသိမ်းခံရရင် သိမ်းခံရ ဒါမှမဟုတ် အိတ်ကပ်ထဲက ပို်က်ဆံ တချို့တော့ပါသွားမည်ဖြစ်သည် ။ ကမ္ဘာ့ အံ့သြစရာအကောင်းဆုံးမီးပွိုင့်စနစ် ရန်ကုန်မြို့တွင်ရှိပါသည် ။ စီမ်းနေရင်း တန်းလန်းက ကိုယ့်အလှည့်မှ တစ်ခါတည်း တန်းနီချင်နီသွားသည် အ၀ါကို ဘယ်လို ကျော်သွားမှန်းမသိ ကိုယ်က အ၀ါဆိုပြီး ကွေ့ကြောဖြတ်မည်ကြံတော့ ခဏလေးနဲ့နီသွားလို့ Back ပြန်ဆုတ်ရတာတွေရှိသည် တော်တော် အံ့သြစရာ မီးပွိုင့်စနစ် ဥာဏ်ကြီးရှင်များ ထွင်ထားသော မီးပွိုင့်စနစ်ဟု နေ့စဉ်တွေးနေမိတော့သည် ။

၃ ။ ဘတ်စ်ကားတွေ မှတ်တိုင်မှာ အကြာကြီးရပ်၍ လူစောင့်တင်လို့လမ်းပိတ်သည် ။ အမှန်တော့ ဘတ်စ်ကားတွေ ကို သိပ်မပြောချင်ပါ ဘာကြောင့်လည်းဆိုတော့ လူပေါင်းများစွာ ကို နေ့စဉ်တင်ဆောင်နေရသော ယာဉ်လိုင်းတွေ မရှိလျှင် ကျွန်တော်တို့အခြေခံလူတန်းစားတွေအဖို့ ခြေကျင်လျှောက်မှသာ မြို့ထဲရောက်နိုင်မည်ဖြစ်သည် ။ လိုင်းကားတစ်စီးတွင် လူငါးဆယ်တင်နိုင်သည်ဆိုပါစို့ အိမ်စီးကား တစ်စီးတွင် လူ ၂ ယောက်စီးလျှင် လိုင်းကား တစ်စီးက အိမ်စီးကား ၂၅ စီးစာနှင့်ညီမျှပါသည် ။ ဒါကြောင့် လိုင်းကားတွေ လမ်းကိုပိတ်ပြီး လူရပ်တင်တာမျိုး မဖြစ်ရလေအောင် Bus stop တွေကို ယာဉ် ၃ စီးစာ အနည်းဆုံး လမ်းဘေးမှ ချဲ့၍ လုပ်ပေးစေချင်ပါသည် ။ မှတ်တိုင်တိုင်းလိုလို လုပ်ရမည်ဟု ကျွန်တော်ယူဆပါသည် ။ လမ်းပိတ်လေ့ရှိသော မှတ်တိုင်များတွင် ပို၍ လုပ်ရ မည်ဖြစ်သည် ။ လယ်တွေ မြေတွေသိမ်းနေမည့်အစား ထိုသို့အမှန်တကယ်လိုအပ်သော နေရာများတွင် လမ်းများ ချဲ့ထွင်စေချင်သည် ။ အိမ်ကားတွေများလာတာကတော့ ဘယ်လို မှမတတ်နိုင် ကျွန်တော်တို့မြန်မာနိုင်ငံ မှာက လည်း ငွေလေးနည်းနည်းစုမိပြီဆိုလျှင် နေစရာမရှိရင်မရှိပလေ့စေ ကားဝယ်စီးမည် ဆိုသည့် လူအများကြီး ပင်ဖြစ်သည် ။ ဘာကြောင့်မှန်းမသိပါ ကားမောင်းဝါသနာပါကြ၍ပင်ဖြစ်မည်ထင်သည် ။

၎ ။ လမ်းတွေကျဉ်းသည် မကျဉ်းအောင်ချဲ့မည် ချဲ့မည်ဆိုလျှင်ချဲ့လို့ရပါသည် ။ လူတွေ ကားလမ်းပေါ်တက် လမ်း မလျှောက်ရအောင် လူသွားလမ်းလုပ်စေချင်သည် ။ လူသွားလမ်းပေါ်တွင်လည်းလူများသာသွားစေချင်သည် ။ ဈေးသည်တွေ က တခမ်းတနား ဆိုင်ခန်းတွေ ဘာတွေဘာတွေဖွင့်၍မ ရောင်းစေချင် ။ ထိုသို့ပြောလျှင် ဈေးသည်တွေ စီးပွားရေးတုတ်နှင့်ထိုးရာရောက်ဦးမည် ။ အဓိကကတော့ လိုင်းကြေးစနစ်ဆိုလား ဈေးကောက် ဆိုလား တရားမ၀င် ဈေးသည်တွေ ပလက်ဖောင်းပေါ်လမ်းပေါ် တက်ရောင်းနေသည်ကို ခွင့်ပြုထားသည့် ဆိုးရွား လွန်းသော လုပ်ရပ်ကြောင့်ဖြစ်သည် ။ စစ်ဆေးရေးလာမည်ဆိုလျှင် ကြိုတင်အကြောင်းကြားပြီး ဈေးသည် တစ်သည်နှစ်သည်လောက်ကို ဟန်ပြဖမ်း ပြီးလျှင် တစ်ပတ်လောက်တော့ရှင်းသွားသည် ။ တစ်ပတ်ကျော်လျှင် ဒုံရင်းကဒုံရင်း ဈေးသည်တွေပြန်ရောက်မြဲ ဈေးကောက်တွေကောက်၍ ခွင့်ပြုမြဲ လမ်းတွေက ပိတ်မြဲပိတ်မြဲပင် ဖြစ်ပေတော့သည် ။

နည်းလမ်းများစွာ ရှိပါသည် ။ တမင်မဖြေရှင်းကြပေးခြင်းသာဖြစ်သည် ။ ဘာကြောင့် မရှင်းတာလဲဆိုလျှင် ကိုယ်ကိုယ်တိုင် ထိုဒုက္ခမျာားကို မကြုံတွေ့ဖူး၍သော်လည်းကောင်း ကြုံတွေ့ဖူးလျှင်လည်း အရေးမကြီးဟု ထင်နေ သလား ဆိုသည်ကတစ်ကြောင်း ကျွန်တော်လည်းသိပ်မတွေးတတ်တော့ပါ ။ 

 

တာဝန်မဲ့လွန်းသည်ဟူသော စကားတစ်ခွန်းသာပြောချင်ပါသည် ။ အဆုံးသတ်အနေနှင့်ယာဉ်ကြောပိတ်ဆို့မှုကြောင့် နစ်နာရသော အရာများကို တင်ပြလိုသည် ။ တခါတလေ VIP လမ်းကြောင်းကြောင့် မော်တော်ပီကယ်က လမ်းပိတ်ထားပြီး တစ်ဖက်မှာ ဆေးရုံတင် ကားထဲကလူနာက ဖုတ်လှိုက်ဖုတ်လှိုက်ဖြစ်နေရသော အခြေအနေများ မမြင်မတွေ့ချင်မှအဆုံး ။ ထို ဆေးရုံ့တင်ကားကို ရုပ်ရှင်တွေထဲက စူပါမန်းလို မ ပြီး VIP လမ်းကြောင်းပေါ်ချထားပေးလိုက်ချင်သည် ။ လူလူချင်း သူတို့ဘာကြောင့် ကျွန်တော်တို့ထက် အရေးကြီးလူသားများဖြစ်နေရသနည်း ။ တကယ်တွေးကြည့်လျှင် ကျွန်တော် တို့က ပြည်သူတွေဖြစ်သည် ။ ပြည်သူတွေ တင်မြှောက်ထားသော အစိုးရသည် ပြည်သူတွေလို ဒုက္ခတွေခံစား ရမည် ပြည်သူတွေစားသည့် ဆန်ပဲစားရမည် ပြည်သူတွေနဲ့ တစ်သားတည်းဖြစ်နေရမည် မဟုတ်ပါ လား ။

ပိတ်ဆို့နေသော ယာဉ်ကြောထဲတွင် အဖေအသက်မမှီမှာစိုး၍ မရှိမဲ့ရှိမဲ့ ပိုက်ဆံလေးနှင့်ဆေးရုံးကိုတက်စီငှား၍ ထွက်လာရသော ဆင်းရဲသားတစ်ယောက်ပါကောင်းပါမည် ။ အရေးကြီးအစည်းအဝေးရှိ၍ မျက်နှာမှာ ချွေးပျံနေသော ၀န်ထမ်းတစ်ယောက်ပါကောင်းပါမည် ။ လူနာက သွေးပေါင်ချိန်တက်နေ၍ လေဖြတ်မှာစိုး၍ လူနာ ပင့်ခံထားရသော ရေးကြီးသုတ်ပျာ ဆရာဝန်တစ်ယောက်ပါကောင်းပါမည် ။ ဆေးရုံခွဲမှ မနိုင်တော့၍ ရန်ကုန် ဆေးရုံကြီးသို့အရေးပေါ်လွှဲလိုက်သော တက်စီပေါ်မှ အောက်ဆီဂျင်ဘူးနှင့်လူနာတစ်ယောက်ပါကောင်းပါမည် ။ ရုံးချိန်မမှီမှာစိုး၍ သောကရောက်နေသော ဘတ်စ်ကားပေါ်မှ လူအုပ်ကြီးပါကောင်းပါမည် ။ အများကြီးပင်ဖြစ်နိုင် ပါသည် ။ ငွေကြေးအရ တွက်ချက်မည်ဆိုလျှင်လည်း Time waste အရ Man power တွေလည်းဆုံးရှုံး ငွေကြေး များလည်း အချိန်နှင့်အမျှ ဆုံးရှံးနေရသည် ။

တွေးမိကြရဲ့လား အစိုးရမင်းများခင်ဗျာ တစ်နေ့တစ်နေ့ပိုဆိုးလာတဲ့ ယာဉ်ကြောပိတ်ဆို့မှုပြဿနာကို အစိုးရမင်းတွေ ဒီအတိုင်းကြည့်နေကြတော့မှာလား ဟု မေးချင်ပါသည် ။ 
သက်တန့်ချို
3rd Sept 2014

Read More

မြန်မာ့ဆက်သွယ်ရေးလုပ်ငန်းမှ ဆင်းမ်ကတ်များ ကျပ် ၁၅၀၀ ဖြင့် လွတ်လပ်စွာ ရောင်းချနေချိန်တွင် အူရီဒူး၏ ၀န်ဆောင်မှု များအပေါ် ဝေဖန်မှုများ ပိုမိုမြင့်တက်

 

မြန်မာ့ ဆက်သွယ်ရေး လုပ်ငန်းက ဆင်းမ်ကတ်များကို ကျပ် ၁၅ဝဝ ဖြင့် လွတ်လပ်စွာ ရောင်းချချိန်တွင် အူရီဒူး၏ ဆင်းမ်ကတ်များ ရောင်းအား ကျဆင်းခဲ့ပြီး ၎င်းတို့၏ ဝန်ဆောင်မှု အပေါ် ဝေဖန်မှုများလည်း မြင့်တက်လာ ကြောင်း သိရသည်။

အူရီဒူးက ဖုန်းပြောခနှုန်းထားကို ၎င်းတို့၏ ဖုန်းအချင်းချင်း ခေါ်ဆိုပါက တစ်မိနစ်လျှင် ၂၅ ကျပ်နှင့် အခြား အော်ပရေတာ ဖုန်းများသို့ ခေါ်ဆိုပါက တစ်မိနစ်လျှင် ၃၅ ကျပ်ဟု သတ်မှတ် ထားသောကြောင့် တစ်မိနစ်လျှင် ကျပ် ၅ဝ ထက် ပိုမိုသက်သာသည်ဟု ယူဆစရာဖြစ်သော်လည်း မိနစ်အပေါ် အခြေခံ၍ ဖြတ်တောက်နေသောကြောင့် လက်တွေ့တွင် ပိုမိုကုန်ကျမှုများ ရှိနေကြောင်း သိရသည်။

“အရင် MPT ဖုန်းနဲ့သုံးတုန်းကတောင် တစ်ရက်ကို ကျပ် ၁ဝဝဝ၊ ၂ဝဝဝ လောက်ပဲ ကုန်ကျတယ်။ အူရီဒူးဖုန်းနဲ့ သုံးကြည့်တော့ မှ တစ်ရက်ကို ကျပ် ၅ဝဝဝ၊ ၆ဝဝဝ လောက် ကုန်ကျနေတယ်။ သူက တစ်မိနစ်နဲ့ တစ်စက္ကန့် ဆိုလည်း နှစ်မိနစ်စာ ကျပ် ၇ဝ ဖြတ်သွားတယ်”ဟု အူရီဒူးဖုန်းကို စမ်းသပ် သုံးစွဲကြည့်သော လုပ်ငန်းရှင် တစ်ဦး ဖြစ်သူ ဦးငြိမ်းချမ်း က ကြုံတွေ့ရပုံကို ပြောပြသည်။

ဖုန်းပြောမှုအများစုမှာ တစ်မိနစ်၊ နှစ်မိနစ်ဝန်းကျင်သာရှိကြပြီး အူရီဒူး၏ ကောက်ခံမှုပုံစံမှာ ပိုမိုသက်သာခြင်းမရှိဘဲ ပိုမိုကုန်ကျနေကြောင်း သုံးစွဲသူများက ဝေဖန်ခဲ့ကြသည်။

အူရီဒူးက ပုံမှန်အင်တာနက်အသုံးပြုခကို ဩဂုတ် ၃၁ ရက်မှစ၍ 1Mb လျှင် ၂၅ ကျပ်မှ ၁ဝ ကျပ်သို့ လျှော့ချ ကောက်ခံခဲ့သော်လည်း Package Plan နှုန်းထားများမှာမူ အပြောင်းအလဲ မရှိကြောင်း သိရသည်။

သာမန်သုံးစွဲသူများပင် တစ်လတာသုံးစွဲမှုမှာ 1Gb,2Gb ဝန်းကျင်ရှိနေကြောင်း သိရသည်။ ထိုပမာဏ ဝန်းကျင် သုံးစွဲသူများမှာ တစ်လလျှင် ငွေဖြည့်ကတ်အတွက် ကျပ် ၁ဝဝဝဝ၊ ကျပ် ၁၅ဝဝဝ ဝန်းကျင်သာ သုံးစွဲသူများဖြစ်ရာ အူရီဒူး၏ အင်တာနက်သီးသန့်အတွက် ကျပ် ၁၂ဝဝဝ ဆိုသောနှုန်းထားမှာ များပြားသည့် ပမာဏတစ်ခု ဖြစ်နေ ခဲ့ကြောင်း သိရသည်။

လက်ရှိတွင် အူရီဒူးနှင့် မြန်မာ့ဆက်သွယ်ရေးလုပ်ငန်းတို့က ဆင်းမ်ကတ်များကို အပြိုင်အဆိုင် ရောင်းချပေးလျက် ရှိပြီး မကြာမီတွင် တယ်လီနောကလည်း ရောင်းချတော့မည်ဖြစ်ရာ ဝန်ဆောင်မှုနှင့် ဈေးနှုန်းပိုင်းဆိုင်ရာ အဆင်ပြေ သော အရာကိုသာ သုံးစွဲသူများ ရွေးချယ်လိမ့်မည်ဖြစ်ကြောင်း ကျွမ်းကျင်သူများက သုံးသပ်ကြသည်။

Eleven news

Read More

မင်းလည်းသိတယ်၊ ငါလည်းသိတယ် သူငယ်ချင်း

(အမျိုးသားပညာရေး ဥပဒေမူကြမ်းအား တ-က-သ များကွန်ရက်(မုံရွာ)မှ ကျောင်းသား၊ ကျောင်းသူများ သြဂုတ် ၂၉ ရက်က ကန့်ကွက်ဆန္ဒပြကြစဉ် (ဓာတ်ပုံ-ဟိန်းမင်းထက်))

ဗုဒ္ဓက ဟောခဲ့တာပဲလေ။

တကယ်တော့ ဒုက္ခတွေထဲမှာ ငါလည်းပါတယ်၊ မင်းတို့လည်းပါတယ် သူငယ်ချင်း။

မင်းတို့က အစိုးရ၊ မင်းတို့မှာ သေနတ်ရှိတယ်။ မင်းတို့က ခရိုနီတွေလေ၊ ပိုက်ဆံရှိတယ်။ အာဏာရှိတယ်။ ငါ့လှေငါထိုး ပဲခူးရောက်ရောက်ဆိုပြီး ထင်ရာစိုင်းနေကြတယ်။ ဒါဆိုရင် ဒီဒုက္ခကနေ လွတ်မယ်ထင်လို့လား။

“အာရပ်စပရင်းတဲ့”

Spring ကို နွေဦးလို့ ဘာသာပြန်တယ်။ အညှောက်ထွက်တယ်လို့လည်း ဆိုတယ်။ ငါကတော့ Spring ဆိုတာ ကန်ထွက်တဲ့ စပလိန်လို့လည်း ယူဆနိုင်တယ် သူငယ်ချင်း။ နယူတန်ရဲ့ နိယာမကို မင်းလည်းသင်ဖူးတယ်။ ငါလည်းသင်ဖူးတာပဲ။

To every action there is an equal and opposite reaction တဲ့။

သက်ရောက်မှုတိုင်းမှာ တူညီပြီး ဆန့်ကျင်တဲ့ တန်ပြန်သက်ရောက်မှု ရှိပါသတဲ့။ ဒါသိပ္ပံရဲ့ နိယာမပါ။ သိပ္ပံရဲ့ နိယာမဆိုတာ ငါလူကြီးပဲ၊ ငါမပါဘူးဆိုတဲ့ ခြွင်းချက်မျိုးတွေထားလို့ မရဘူး။ သိပ္ပံရဲ့နိယာမ(ဥပဒေ)ပေါ်မှာ ဘယ်သူမှမရှိပါဘူး။ ၅၅ဝဝ ဗို့ဓာတ်ကြိုးကို ကိုင်ကြည့်ပါသူငယ်ချင်း။ အစိုးရဖြစ်ဖြစ်၊ ခရိုနီဖြစ်ဖြစ်၊ ဆင်းရဲသားဖြစ်ဖြစ် သေကြတာပါပဲ။ ဆိုလိုတာကကွာ နယူတန်နိယာမမှာ တူညီပြီး ဆန့်ကျင်တဲ့တန်ပြန်သက်ရောက်မှုဆိုတာ အာရပ်နွေဦး(Arab Spring) ကို ဖော်ပြလိုက်တာပါပဲ။

သူငယ်ချင်းရေ

ဟိုဘက်၂၆ နှစ်၊ ဒီဘက် ၂၆ နှစ် စုစုပေါင်း ၅၂ နှစ် တို့ပြည်သူတွေ ခံစားနေကြရပြီပဲ။ ရိုးသားတဲ့ ပြည်သူတွေကို နည်းအမျိုးမျိုးနဲ့ အနိုင်ယူတယ်။

မင်းကြည့်ပါဦး၊ တို့နိုင်ငံဆိုတာ ဟိုဘက်က အင်မတန်လူဦးရေများတဲ့တရုတ်။ ဒီဘက်က အင်မတန်လူဦးရေများတဲ့ ဘင်္ဂလားဒေ့ရ်ှနဲ့ အိန္ဒိယ၊ ကမ္ဘာမှာ လူဦးရေအများဆုံးနိုင်ငံဖြစ်တဲ့ တရုတ်ဟာ သူရဲ့အသက်ရှင် ရပ်တည်ရေးအတွက် နည်းမျိုးစုံနဲ့ ကြိုးပမ်းနေရတယ်။ မီးခိုးတွေမှောင်နေတဲ့ ရှန်ဟိုင်းမြို့၊ ဝက်အသေကောင်များစွာကို စွန့်ပစ်ထားတဲ့ ယန်စီမြစ်ကို တွေ့ရမယ်။ (တရုတ်ကိုသွားရင် ဆေးလိပ်အခမဲ့ သောက်ရတယ်၊ ဝက်စွပ်ပြုတ်လည်း အလကားသောက်ရယ်လို့ ဟောင်ကောင်သတင်းစာတစ်စောင်က ရေးဖူးတယ်) စဉ်းစားသာကြည့်ပေတော့။ ဒီအတိုင်းပဲ လူဦးရေအရကြည့်ရင် အိန္ဒိယနဲ့ ဘင်္ဂလားဒေ့ရ်ှတို့ပေါင်းရင်လည်း တရုတ်ထက်တောင် သာသွားနိုင်တယ်။ သူတို့နိုင်ငံတွေလည်း ဒီလိုပဲ ရုန်းကန်နေကြရတယ်။

တို့ကျတော့ ဒီနိုင်ငံတွေကြားမှာ ရေမြေအနေအထားအရ နေထိုင်နိုင်တယ်။ တစ်ဖက်ကလည်း စိတ်ဓာတ်ကအရေးကြီးတယ်။ မြန်မာတစ်နိုင်ငံလုံးက လူတွေဟာ မိမိတို့ အသက်ရှင်ရပ်တည်ရေးအတွက် အဲဒီနိုင်ငံကလူတွေ အလွန်အမင်း မထိုးဖောက်လာဖို့ ကာကွယ်နိုင်စွမ်းရှိတယ်။ သို့သော်သူငယ်ချင်းရေ။ တို့နိုင်ငံအနေနဲ့ ဘာတွေဖြစ်ခဲ့သလဲ ဆိုတာကို မင်းစဉ်းစားကြည့်ဖို့ ကောင်းပါတယ်။ တို့ကို အင်္ဂလိပ်က ကျွန်ပညာရေးဆိုပြီး သင်ပေးလိုက်တာပဲ။ ဒါပေမဲ့ အဲဒီကနေ ဦးသန့်က ကုလသမဂ္ဂ အတွင်းမှူးချုပ် ဖြစ်လာတယ်။ ဗိုလ်ချုပ်အောင်ဆန်းက အင်္ဂလိပ်တွေလေးစားတဲ့ မျိုးချစ်နိုင်ငံ့ခေါင်းဆောင် ဖြစ်လာတယ်။ ဦးနုကတော့ Back-up ပေါ့လေ။ ယနေ့ ကွန်ပျူတာတွေနဲ့ အလုပ်လုပ်နေသူတွေ သိကြပါတယ်။ Back-up ဟာ အင်မတန် အရေးကြီးတယ်။ တက်ကျိုးရင် လက်ထိုးလှော်လို့ ရပါတယ်။ ခရီးမရောက်ဘူး။ ဦးနုကတော့ နောက်တက်တစ်ချောင်းပဲ၊ ဗိုလ်ချုပ်အောင်ဆန်း ကျဆုံးတာနဲ့ အောင်ဆန်းအက်တလီစာချုပ် ပျက်ပြယ်သွားတာကို နုအက်တလီစာချုပ် ချုပ်နိုင်ခဲ့တယ်။

စစ်အစိုးရက ၁၉၆၂ ခုနှစ်က အာဏာသိမ်းတယ်။ အဲဒီအချိန်မှာ မြန်မာဟာ အရှေ့တောင်အာရှမှာ ထိပ်တန်းနိုင်ငံတစ်ခုဆိုတာ မမေ့ပါနဲ့။

၁၉၆၂ ခုနှစ် မတ်လက အာဏာသိမ်းတယ်။ ဇူလိုင်လ ၈ ရက်နေ့မှာ ရန်ကုန်တက္ကသိုလ် ကျောင်းသားသမဂ္ဂကို ဖြိုခွဲဖျက်ဆီးပစ်လိုက်တယ်။ ၁၉၆၄ ခုနှစ်မှာ ပညာရေးစနစ်ကို ပြုပြင်ပြောင်းလဲလိုက်တယ်။ အဓိကဘာသာစနစ် (Major System) တွေပေါ်လာတယ်။ အမှတ်တွေနဲ့ တက္ကသိုလ်သတ်မှတ်တယ်။

ဗိုလ်ချုပ်အောင်ဆန်းတို့ ရေးဆွဲခဲ့တဲ့ ၁၉၄၇ ခုနှစ် အခြေခံဥပဒေ ဖျက်ပစ်လိုက်ပြီး ၁၉၇၄ အခြေခံဥပဒေကို ပြန်ဆွဲတယ်။ အခြေခံဥပဒေကိုဖျက်တာ အကျင့်ပါလာပြီဖြစ်တဲ့အတွက် နောက်ပိုင်းမှာ ၁၉၇၄ အခြေခံဥပဒေကိုဖျက်ပြီး ၂ဝဝ၈ အခြေခံဥပဒေကို ဆက်ဆွဲတာပါပဲ။ ၁၉၇၄ အခြေခံဥပဒေအရ တစ်ပါတီသာရှိရပြီး တစ်ပါတီတည်းကို မဲထည့်ကြရပြီး တစ်ပါတီတည်းသာ အစိုးရဖွဲ့ကာ ရွေးကောက်ပွဲရလဒ်က မည်သို့ပင်ဖြစ်စေကာမူ အာဏာရှင်သည်သာ ခေါင်းဆောင်ဖြစ်လာတော့တယ်။

လူတွေ ဘာလို့လက်ခံလဲ။

မေးမှမေးရက်ပလေ။

သူငယ်ချင်းရေ။ တို့နိုင်ငံအနေနဲ့ ဘာတွေဖြစ်ခဲ့သလဲ ဆိုတာကို မင်းစဉ်းစားကြည့်ဖို့ ကောင်းပါတယ်။ တို့ကို အင်္ဂလိပ်က ကျွန်ပညာရေးဆိုပြီး သင်ပေးလိုက်တာပဲ။ ဒါပေမဲ့ အဲဒီကနေ ဦးသန့်က ကုလသမဂ္ဂ အတွင်းမှူးချုပ် ဖြစ်လာတယ်။ ဗိုလ်ချုပ်အောင်ဆန်းက အင်္ဂလိပ်တွေလေးစားတဲ့ မျိုးချစ်နိုင်ငံ့ခေါင်းဆောင် ဖြစ်လာတယ်။ ဦးနုကတော့ Back-up ပေါ့လေ။ ယနေ့ ကွန်ပျူတာတွေနဲ့ အလုပ်လုပ်နေသူတွေ သိကြပါတယ် . . . . .
လူတွေက သူတို့စားဝတ်နေရေးကိုပဲ လုံးပန်းရတယ် မဟုတ်လား။ စစ်တပ်ဆိုတာ အခြားနိုင်ငံတွေက ကျူးကျော်လာရင် ခုခံကာကွယ်ဖို့၊ အစိုးရက အုပ်ချုပ်ပေးဖို့ပေါ့။ ဒါပေမဲ့ အမျိုးမျိုးအနိုင်ကျင့်တော့ လူတွေကတော့ ကြိမ်မီးအုံးသလိုပေါ့။ တကယ်ပါ သူငယ်ချင်း ပိုက်ဆံတွေကို တရားမဝင်လုပ်ပစ်တာ သုံးကြိမ်လောက်ရှိတယ်။ မှတ်မိတာပေါ့။ လူတွေဟာ ကိုယ့်ချွေးနှဲစာနဲ့ ရှာထားတဲ့ငွေတွေလေ။ အဲဒီကစပြီး ငွေတွေကို အယုံအကြည် မရှိတော့ဘူး။ အိမ်တွေမှာ ပစ္စည်းတွေဝယ်ပြီး သိုလှောင်ထားကြတာ။ အိမ်တွေလည်း ဂိုဒေါင်တွေ ဖြစ်ကုန်တော့တာပဲ။ အစိုးရကိုမယုံ ငွေကိုမယုံဆိုတာ တိုင်းပြည်ပျက်တာပါ သူငယ်ချင်း။

ဘယ်သူဘာပြောပြော မယုံကြတော့ဘူး။ မင်းစဉ်းစားကြည့်လေ၊ တို့လမ်းထဲက စသုံးလုံးအရာရှိတစ်ယောက် သူဝန်ထမ်းဘဝကအကြောင်း ပြောပြတယ်။ သူတို့အဖွဲ့က မန္တလေးမှာ သွားရောက်စစ်ဆေးတယ်။ အမှုကတော့ “တစ်ရာတန်” ကို လက်မခံလို့တဲ့။ တရားဝင်သုံးစွဲနေတဲ့ငွေကို ဈေးဆိုင်တစ်ဆိုင်က လက်မခံဘူး။ ဒါကြောင့် သူ့ကိုခေါ်ယူမေးမြန်း ဖမ်းဆီးအရေးယူကာ ထောင်ချတယ်။ အမှုစစ်ပြီး သူတို့ ညရထားစီးပြီး ရန်ကုန်ပြန်လာတယ်။ တောင်ငူမှာ ရထားခေတ္တနားတော့ ဝင်ရောက်စားသောက်တယ်။ ဖြစ်ချင်တော့ အဲဒီမှာ ဆိုင်ရှင်က တစ်ရာတန်ကို လက်မခံဘူး။ ဒီတော့ စသုံးလုံးအရာရှိက ရှင်းပြတယ်။ “ကျုပ်တို့ခုပဲ မန္တလေးကနေ ပြန်လာတာ။ အဲဒီမှာ ခင်ဗျားလိုပဲ ရာတန်ကိုလက်မခံလို့ ထောင်ချခဲ့ရတယ်။ ခင်ဗျားငြင်းဦးမလား” လို့ မေးတယ်။ ဒီတော့ဆိုင်ရှင်က “ငြင်းပါတယ်” ဆရာလို့ ပြန်ပြောတယ်။ ဒီတော့ ဆိုင်ရှင်ကို ဖမ်းဖို့လုပ်ရတာပေါ့။ ဒီအခါမှာ လူတွေဝိုင်းလာတယ်။ ဘာဖြစ်တာလဲမေးတော့ အကျိုးအကြောင်း ပြောပြရတယ်။

ဒီအခါ လာကြည့်နေတဲ့ လူထဲက တစ်ယောက်က ရယ်တယ်။

“ဖြစ်မှဖြစ်ရပလေ ဆရာတို့ရယ်၊ ဒီမှာ ရန်ကုန်ရထားဝင်လာလို့ သတင်းစာရောက်ပြီ။ ဖတ်ကြည့်ပါဦးဆရာ ညကလည်းကြေညာတယ်။ ရာတန်တွေကို တရားမဝင်လုပ်လိုက်ပြီဆရာ” တဲ့။

“ကျွန်တော့်မျက်နှာကို ကျွန်တော် ဓားနဲ့လှီးပစ်ချင်လောက်အောင် ရှက်ခဲ့ပါတယ် ဆရာ” လို့ သူကငါ့ကို ပြောပြတယ် သူငယ်ချင်း။

မင်းလည်းသိတယ်၊ ငါလည်းသိတယ်။ ဒီလိုအဖြစ်မျိုးတွေ အများကြီးပါ သူငယ်ချင်း။ လူတွေကို ထင်ရာမြင်ရာ ပြောဆိုလုပ်ကိုင်တဲ့ အဲဒီခေတ်ကနေ ဖြတ်လာကြတာပဲ မဟုတ်လား။ အဲဒီခေတ်က မှောင်ခိုဆိုတာ လမ်းမှာပဲ မှောင်ခိုဖြစ်တာ။ ဥပမာ မော်လမြိုင်နဲ့ ရန်ကုန်အကြားလမ်းမှာ မှောင်ခိုပေါ့။ လမ်းမှာဖမ်းလိုက်၊ ပြေးလိုက်၊ လာဘ်ပေးလိုက်နဲ့။ ရန်ကုန်ရောက်တော့ မင်္ဂလာဈေး တစ်ဈေးလုံးဟာ မှောင်ခိုပစ္စည်းတွေပဲ။ မင်းလည်းသိတယ်၊ ငါလည်းသိတယ် သူငယ်ချင်း။

ငါဆိုလိုတာက လူတွေကို လိမ်နေတာပြောတာပါ။ ဆန်တွေရှားတော့ တရုတ်အရေးအခင်း ဖန်တီးတယ်။ နိုင်ငံတစ်ခုလုံး ကုန်းကောက်စရာမရှိတော့ အဆင်းရဲဆုံးနိုင်ငံ (LDC) အဖြစ် ခံယူတယ်။ ဦးသန့်အရေးအခင်း ဖန်တီးတယ်။ မှိုင်းရာပြည့် ဖန်တီးတယ်။ နောက်တော့ ပါတီစုံလိုလား တစ်ပါတီကိုလိုလားပြောပြီး တစ်ပြိုင်နက်တည်း ပြည်သူတွေကို ခြိမ်းခြောက်တယ်။ ပြီးတော့ ၈၈ အရေးအခင်းခလုတ်ကို နှိပ်ခဲ့တာပါပဲ။

ဦးစိန်လွင်တို့၊ ဦးမောင်မောင်တို့ သမ္မတတင်လို့ အဆင်မပြေတဲ့အခါ အာဏာသိမ်းတယ်။ ရွေးကောက်ပွဲလုပ်ပေးပြီး “ကျုပ်တို့ စစ်တန်းလျားကို ပြန်မယ်” ဆိုပြီး ကတိပေးတယ်။

တကယ်တော့ စစ်တပ်က စစ်တန်းလျားကိုပြန်တယ်ဆိုတာ သတင်းမှမဟုတ်တာပဲ၊ ဒါပေမဲ့ သတင်းဖြစ်တယ်။ ရွေးကောက်ပွဲပြီးတော့ သူတို့ အာဏာဆက်သိမ်းတယ်။

၂ဝဝ၈ အခြေခံဥပဒေဟာ ၁ဝ နှစ်ကျော်ဆွဲခဲ့ရတဲ့ ဥပဒေပါ။ အာဏာဆက်ထိန်းထားဖို့ ရည်ရွယ်တာပါ။

အမျိုးမျိုးလှည့်စားဖို့ ကြိုးစားကြတယ်။

■ တိုက်ပွဲတွေ (ငြိမ်းချမ်းဆွေးနွေးကြတာပေါ့)
■ ဘာသာရေးအဓိကရုဏ်းတွေ၊ အရေးအခင်းတွေ၊
■ စစ်ဆေးအရေးယူမှုတွေ၊ ဖမ်းဆီးတာတွေ
■ PR (PR ကိုတော့ နောက်ဆုံးကျည်ဆန်လို့ ပြောနေကြတယ်)

ဒါတွေနဲ့ မိုးကြီးချုပ်၍ ကျွန်ုပ်အိမ်ရောက်မည်မဟုတ်လို့ သင်ဖူးတယ်မဟုတ်လား သူငယ်ချင်း။

နောက်ဆုံး ဓမ္မစေတီခေါင်းလောင်း ဆယ်ယူတာကိုတောင် လူတွေက မယုံတော့ဘူး။ အာရုံပြောင်းနေတာလို့ ယူဆနေကြတယ်။ အာရုံဘယ်လိုပြောင်းပြောင်း နယူတန်ရဲ့ နိယာမကတော့ မပြောင်းဘူး သူငယ်ချင်း။

မင်းလည်းသိတယ်၊ ငါလည်းသိတယ်။ ဒုက္ခထဲမှာ မင်းလည်းပါတယ်။ မျက်ဝါးထင်ထင်မြင်ရမှာပါ သူငယ်ချင်း။

(Written by: ဒေါက်တာခင်မောင်ညို)

Read More

နေ့ကောင်း ရက်မြတ် မင်္ဂလာချိန်ခါ နှင့် ရာသီဖွားအလိုက် သိကောင်းစရာများ

 

အခု(၂ဝ၁၄) ခုနှစ် အတွင်း မင်္ဂလာ ပွဲနွှဲကြမယ့် သူတွေ အပါအဝင် ခုနစ်ရက် သားသမီးများ အတွက်ဖွား ရာသီအလိုက် ကံအနိမ့်အမြင့် အခြေအနေ၊ အကျိုးပေး ကာလ ၊ဆောင်ရန်၊ ရှောင်ရန် နဲ့ တစ်နှစ်တာ အတွင်း သတိထားရမယ့် အကျိုးအကြောင်း ၊အဆိုးအကောင်း တွေကို “ပါရမီဖြည့်ဘက် အနက် အဓိပ္ပာယ် နှင့်ကြည်နူးပျော်ရွှင် လှပ မိသားစု ဘဝ အထူးပြုအချပ် ပိုသတင်းလွှာ” စာမျက် နှာကနေ လက္ခဏာဗေဒင် ပညာရှင် ဆရာ စံဇာဏီဘို ကစာဖတ် ပရိသတ် များထံကောင်းကျိုး မင်္ဂလာ အဖြာဖြာရောက် ရှိ စေခြင်း အလို့ငှာ အမှတ်တရ မေတ္တာလက်ဆောင် ပို့သလိုက် ပါတယ်။

မိဿရာသီ ARIES (မတ်လ) ၂၁ မှ ဧပြီလ ၂ဝကြား

စိတ်ကူးပေါ်ပြီး စွန့်စွန့်စားစား တစ်ဦးတည်း ဆုံးဖြတ်ပြီး လုပ်လိုက်သော ကိစ္စမှ ထူးခြားစွာ အကျိုးရရှိမည်။အပြောင်းအလဲ များဖြစ်ပေါ် မည်။ ပြဿနာ အခက်အခဲများ ကြုံပါက စိတ်မရှုပ်ပါနှင့်။ ဖြစ်နေကျ ပြဿနာမျိုးသာ ဖြစ်၍ ဖြေရှင်းနေကျ ထုံးစံ အတိုင်းဖြေ ရှင်းပြေလည် သွားမည်။ အကြံသစ်များ လက်တွေ့ အကောင် အထည်ဖော်နိုင် သည်။ ဒုက္ခပေးသော သူများကို လက်တွဲ ဖြုတ်၍ လူသစ် များနှင့် ဆက်ဆံဖြစ်မည်။ ကြိုးစားသမျှ အကောင်အထည် ဖော်နိုင်မည်။ ကျန်းမာရေး ဂရုစိုက်ပါ။

ပြိဿရာသီ TAURUS (ဧပြီလ) ၂၁ မှ မေလ၂၁ကြား

စေတနာ တန်ဖိုး မထားသော သူများ ၊ကျေးဇူးကန်းသော သူများနှင့် တွေ့ကြုံရမည်။ ကိုယ့်အပေါ် ဝေဖန် တိုက်ခိုက် တတ်သည်။ ဒုက္ခတွေ့နေဆဲ ကယ်ဆယ်ပေး ထားသော သူများ၊ အန္တရာယ် ကြုံဆဲ အကာအကွယ်ပေး ထားသော အနီးကပ် လူများကပင် မိမိကို ဒုက္ခပေးတတ်သည်။ ကိုယ်တိုင်လည်း စိတ်ထင်ရာ စိုင်းသောကြောင့် မမှား သင့် သောအမှားမျိုး ကြုံတွေ့တတ်ပါသည်။ မူလ စီစဉ်ထားသော ကိစ္စများ မလုပ် ဖြစ် ၍ ထင် သလောက် မရရှိပါ။ စီးပွားရေး လုပ်ငန်းများ ကိုယ်တိုင်လုပ် မှအကျိုး ရှိမည်။

မေထုန်ရာသီ GEMINI (မေလ)၂၂မှ ဇွန်လ၂၁ကြား

ကာလ အတန်ကြာ အောက်ခြေမှ စတင်၍ မိမိ ထူထောင် စတင်ထားသည့် လုပ်ငန်းများ မှကောင်းသော အကျိုး ဆက် ရရှိမည်။ နာမည်ကောင်းရသော ကာလဖြစ် သည် ။ဖြေရှင်းရန် ခက်ခဲ သောပြဿနာဟောင်း များကို မိတ်ဆွေ အကြီးအကဲ အကူအညီနှင့် ပြီးမြောက် အောင်ဖြေရှင်းနိုင်မည်။ ဒုက္ခပေးသော သူများရန်မှ ကင်းလွတ် သွား မည်။ မိသားစုနှင့် ပတ်သက်၍ စိတ်ချမ်း သာစရာများ ကြုံတတ်သည်။ ပညာအတတ်နှင့် ပတ်သက်၍ ကံကောင်း သော ကာလဖြစ်သည်။ စီးပွားရေး အတွေ့အကြုံ ရှိ သူ များနှင့်ရင်းနှီးမြှုပ်နှံ ပါက အကျိုးရှိမည်။

ကရကဋ်ရာသီ CANCER (ဇွန်လ) ၂၂မှ ဇူလိုင်လ၂၂ကြား

ရန်သူဟောင်းနှင့် ပြန်တွေ့ တတ်သည်။ မိမိနှင့် မတည့်သော အဆင်မပြေ သော သူကိုပင် ပြန်လည် ဆက်ဆံ ရတတ်သည်။ ကနဦးပိုင်းတွင် အဆင်ချော မ ယောင်နှင့် နောက်ပိုင်း တွင် စိတ်ရှုပ်စရာ များ တစ်မျိုးပြီး တစ်မျိုးပေါ် တတ် သည်။ အပြစ်ရှာပြီး ဝေဖန် တိုက်ခိုက်ခြင်း ခံရတတ်သည်။ အလွန် သည်းခံစိတ် ရှည် သင့်သော ကာလဖြစ် သည်။ ဖြစ်ပေါ်လာသော အညံ့သည် ယာယီသာ ဖြစ်သည်။ အခက်အခဲ အားလုံးကို ရင် ဆိုင် ကျော်ဖြတ်ပြီးမှ ကောင်းသော ကံများ ဆက် တိုက်ဖြစ် လာလိမ့်မည်။

သိဟ်ရာသီ LEO (ဇူလိုင်လ) ၂၃မှ သြဂုတ်လ၂၃ကြား

အကြံအစည် များ အောင်မြင်မည်။ ငွေကြေး ကိစ္စပြောဆိုဆောင်ရွက် မှုများလက်တွေ့ လုပ်ကိုင်အကျိုး ပေး မည်။ အပြိုင်အဆိုင် များကို အောင်နိုင် မည်။ ခရီးကိစ္စ အဆင်ပြေမည်။ စုပေါင်း လုပ်ငန်း အကျိုးပေးမည်။ မိသားစုနှင့် ပတ်သက်သော ကောင်းသတင်းများ ကြားသိရမည်။ ရှုပ်ထွေးနေသော ကိစ္စ များပြေ လည်အောင် ဖြေရှင်းနိုင်မည်။ မိမိအား လျှို့ဝှက်၍ ဒုက္ခပေးမည်ဟု ကြံ စည်ထားသည် များကို ဖော်ထုတ် သိရှိ နိုင်မည်။ အလုပ်အကိုင်များ တိုးတက် အောင်မြင်မည်။

ကန်ရာသီ VIRGO (သြဂုတ်လ) ၂၄မှ စက်တင်ဘာလ၂၃ ကြား
ကြိုးစားမှု၏ ရလဒ်ကောင်းကို ရမည်။ ရိုးရိုးရှင်းရှင်းနှင့် လုပ်၍ အရာရာ အောင်မြင်မည် ။ဝီရိယ ၏ အကျိုးကို ခံ စားရမည်။ ခရီး များမည်။ မရောက် ဖူး သော အရပ်ဒေသ များသို့ ရောက်တတ်သည်။ ခရီးသွား၍ အကျိုးရှိမည်။ စကား အောင်မြင်မည် ။ကောင်းသော သတင်းစကား များရမည်။ တစ်ပါး သူလုပ်၍ အဆင် မပြေသော လုပ်ငန်း ကို လုပ်ရကိန်း ကြုံမည်။ ဝီရိယ ထည့်ပြီး လုပ်လိုက်ပါ။ အလုံးစုံ အဆင်ပြေသွားမည်။ ကျန်းမာရေး အထူးဂရုစိုက် ပါ။ ကြံစည် ထားသမျှ ကောင်းသော ကာလဖြစ်မည်။

တူရာသီ LIBRA စက်တင်ဘာလ ၂၃မှ အောက်တိုဘာလ ၂၃ကြား

အနှောင့်အယှက်၊ အပြိုင်အဆိုင်၊ အခက်အခဲ များကို ရင်ဆိုင် အောင်မြင်မည်။ ဦးတည်လိုက်တိုင်း ၊နေရာတိုင်းတွင် အခက်အခဲ ရှိမည်။ မဖြစ်မနေ လုပ်ကိုင် မှုကြောင့် အဆုံးပိုင်းတွင် အောင်မြင်မည်။ ရိုးရိုးရှင်းရှင်း လုပ်ကိုင်ခြင်း၊ ဇွဲနှင့်ဝီရိယ စွမ်းအားကြောင့် ရန်အပေါင်း ကိုနိုင်မည်။ အထူးသဖြင့် ရင်ဘတ်တွင် မှဲ့ပါသော တူရာ သီဖွား များ အတွက် အထူးမြင့်မားသော အောင်မြင်မှုများ ဖန်တီးရရှိမည်။ လုပ် ငန်း အတွေ့အကြုံ ရှိသူများနှင့် ရင်းနှီးမြှုပ်နှံမှု ကြုံလာတတ်သည်။အဆင်ပြေမှု များကြုံမည်။

ဗြိစ္ဆာရာသီ Scorpio အောက်တိုဘာ လ၂၄မှ နိုဝင်ဘာလ၂၂ ကြား

အရာရာ သတိနှင့် ယှဉ်ပြီး လုပ်ပါ။ အလွယ် လိုက်၍မရ။ မိမိ ကိုယ်တိုင်တွင် လည်းကောင်း၊ မိသားစုတွင် လည်းကောင်း၊ ကစားဝိုင်း တွင်ငွေ ဆုံးရှုံးခြင်း၊ လောင်း က စားကြောင့် ဥစ္စာ ဆုံးရှုံးခြင်း များ ကြုံတွေ့ရမည် ဖြစ်သည်။ ပစ္စည်း လှောင်က ဆုံးရှုံးမည်။ လောဘနှင့် ယှဉ်ပြီး လုပ်ပါက အဆင် မပြေဖြစ်မည်။ အကျိုးအမြတ်ကို အဓိက မထားဘဲ ဆောင် ရွက်သင့်သည်ကို ပြတ်သားစွာ ဆောင်ရွက် ရမည်။ ကြိုးစား သမျှ အရာ ထင်နိုင်မည်။ အခက်အခဲ များကို ရင် ဆိုင်ပြီး မှအောင်မြင်မှုများ ကြုံလာမည်။

ဓနုရာသီ Sagittarius နိုဝင်ဘာလ ၂၃ မှ ဒီဇင်ဘာ ၂၁ကြား

အလွန် စိတ်တိုနေမည်။ စိတ်တိုင်းမကျ ဖြစ်နေမည်။ ကိုယ်က စေတနာထား ၊သူတစ်ပါးက စေတနာ မသိ။ ကိုယ် ကအပင်ပန်းခံ လုပ်၊ သူတစ်ပါး က အေးအေးဆေးဆေး ကိုယ်လုပ်သည့် အပေါ် အမြတ်ထုတ် ။ရှေ့ကလုပ်သွား နောက် လူမပါ။ အမှန်အတိုင်းပြောသူ မရှိ။ မည်သူ့ကိုမှ မယုံကြည်နိုင်လောက် အောင်ဖြစ်နေသည်။ ကြီးမားသော ပြိုင်ဘက်နှင့် ထိပ်တိုက်တွေ့မည်။ စိတ် အေးလက်အေး ၊ခေါင်းအေးအေးနှင့် ရင်ဆိုင်ပါ။ အလုံးစုံ အောင်မြင်လိမ့် မည် ။ရင်းနှီးထားသော စီးပွားရေး လုပ်ငန်းများ အကျိုး ရှိ ပါလိမ့်မည်။

မကာရရာသီ Capricom ဒီဇင်ဘာ လ၂၂မှ ဇန်နဝါရီလ ၂ဝကြား

လက်ဝယ် ရရှိထားသော အခွင့်အရေးကို လုယူလိုသော သူများမည်။ ရင်းနှီးသော လူများနှင့် စကားများရမည်။ လှည့်စားတတ်သော သူများတွေ့တတ် သည်။ ပရိယာယ်နှင့် မိမိကို ဒုက္ခပေး မည့် သူများရှိမည်။ ခရီးနှင့် ပတ်သက်သော ကိစ္စ အဆင်ပြေမည်။ လူမျိုးကွဲ ၊လူမျိုးခြား ကောင်းကျိုးပေးမည်။ အကျိုးအမြတ် ကြီးမားစွာ ရရှိမှုကို ရည်မှန်းပြီး မလုပ်ရ။ ရန်ဝန်းရံနေမည်။ ရန်ပြဿနာ(၂)ခု ကို ဖြေရှင်းနေဆဲ နောက်ထပ် ပြဿနာ တစ်ခု ပေါ်ထွန်းနိုင် သည်။ စိတ်ဓာတ် မကျဘဲ ကြိုးစား လုပ်ဆောင် သွားပါ။အရာရာ အဆင်ပြေမည်။

ကုမ်ရာသီ Aquarius ဇန်နဝါရီလ ၂၁ မှ ဖေဖော်ဝါရီ၁၈ကြား

အတူနေသူ အချင်းချင်း၊ ဘဝတူ အချင်းချင်း ပြဿနာသေးငယ်မှ အစ ချီ၍ စိတ်ဝမ်းကွဲရခြင်း အထိ ဖြစ်တတ်သည်။ အိမ်တွင်း၌ လည်းမကြာခဏ အယူအဆ သဘော ကွဲပြားမှုများ ကြုံမည်။ လုပ်ကိုင်သမျှ ကိစ္စများတွင် ဖြစ်လို သည်က တစ်မျိုး၊ လက်တွေ့ဖြစ်နေ သည်က တစ်မျိုးကြုံမည်။ ကိုယ့်စိတ်ကိုယ့် သဘာဝနှင့် အရာရာ သည် ဆန့်ကျင် ဘက်သဖွယ် ဖြစ်ကိန်း ကြုံမည် ။ငွေကြေး အရှုပ်အထွေး ကိစ္စများ၊ လူမှုရေး ပြဿနာ တစ်မျိုးပြီး တစ်မျိုး ဖြေရှင်းနေရမည်။

မိန်ရာသီ pisces ဖေဖော်ဝါရီလ ၁၉ မှ မတ်လ၂ဝကြား

ကျန်းမာရေး ဂရုစိုက်ပါ။ မိမိ ကျန်း မာရေး အညံ့ကြုံဆဲ မိသားစုဝင်၏ ကျန်း မာရေးသည် မိမိထက်ပို၍ ဆိုးညံ့သော အညံ့ရှိမည်။ ညာခြေ၊ ညာလက်တွင် မတော် တဆ ထိခိုက် တတ်သည်။ အစားအသောက်၊ အနေအထိုင် ပေါ့လျော့မှုနှင့် စိတ် ပင်ပန်းမှုကြောင့် ကျန်းမာရေးကျ ဆင်းတတ်သည် ။ ရန်အလွန်များသည်။ အနှောင့်အယှက် အတိုက် အခံ များ ကြား မှအကြံသစ် အောင်မြင်မည်။ကာလရှည် ကြာ လိုလားနေသည့် စိတ်ဆန္ဒ တစ်ခု အလိုအလျောက် ပြည့်ဝလိမ့်မည်။

ချမ်းမြေ့မေတ္တာတုံ့ပြန်ပါသည်။

စံ-ဇာဏီဘို Popular Journal

Read More

သာမန် AAA ဘက်ထရီ တစ်လုံးအား အသုံးပြု ထားတဲ့ ဟိုက်ဒရိုဂျင် ထုတ်လုပ်စက်

 

 

ဟိုက်ဒရိုဂျင်ဆို ကျွန်တော်တို့ ခေါင်းထဲ စဉ်းစားလို့ ရတဲ့ အသန့်စင်ဆုံး လောင်စာ တစ်မျိုးလောက်ပါပဲ။ ၎င်း ဟိုက်ဒရိုဂျင်ကနေ ထွက်လာတဲ့ တစ်ခုတည်းသော အရာက ရေပါ။ ဟိုက်ဒရိုဂျင်ကို ထုတ်လုပ်ဖို့ ရိုးရှင်းတဲ့ နည်းလမ်းတစ်ခုက ရေမော်လီကျူးတွေ ထဲမှာ ဟိုက်ဒရိုဂျင်နဲ့ အောက်ဆီဂျင် အက်တမ်တွေကို သီးခြား သတ်သတ်ဆီ ခွဲဖို့ လျှပ်စစ်စီကြောင်း အသုံးပြုတဲ့ လျှပ်စစ်သုံးဓာတ်ခွဲမှု ( electrolysis) ဖြစ်ပါတယ်။ ဒီလုပ်ငန်းကို လုပ်ဆောင်ဖို့ သုတေသနပညာရှင်တွေက လျှပ်စစ်ဓာတ်အားနဲ့ ဆက်ထားတဲ့ သံပြားနှစ်ခုကို သန့်စင် တဲ့ရေထဲ ထိုးစိုက်လိုက်ပါတယ်။ (အဖိုအမလျှုပ်စီးလိုင်း) လို့ခေါ်တဲ့ ၎င်းသံပြားနှစ်ခုပေါ် လျှပ်စစ်ဓာတ်ဖြတ်သွားတဲ့ အခါ လျှပ်စီးမလိုင်းမှာ ဟိုက်ဒရိုဂျင် ထွက်ပေါ်လာပြီး အဖိုလိုင်းမှာ အောက်ဆီဂျင် ထွက်လာပါတယ်။ 

အဲ့ဒီသတ္တုအမျိုးအစားတွေက လျှပ်စစ်ဓာတ်ကို လုံလုံလောက်လောက်ပေးနိုင်ပြီး ရေမှာ လွယ်လွယ်ကူကူ ပျက်စီးမှု မရှိနိုင်တာကြောင့် အခုအချိန်ထိတော့ သိပ္ပံညာရှင်များက လျှပ်စီးအဖိုအမအတွက် ပလက်တီနမ်ကဲ့သို့သော အဖိုးတန် သတ္တုများကို အသုံးပြုခဲ့ပါတယ်။ အခုတော့ သိပ္ပံပညာရှင်အဖွဲ့တစ်ဖွဲ့က အကုန်ကျသက်သာပြီး ၎င်းနေရာ မှာ အစားထိုးသုံးနိုင်တဲ့ နီကယ်လ်သတ္တုတစ်မျိုးကို တွေ့ရှိခဲ့ပါတယ်။ နီကယ်လ်သတ္တုကို လျှပ်စီးဖို/မ အဖြစ် အသုံးပြုပြီး ၎င်း အဖွဲ့က ၁.၅ ဗို့အားရှိသာမန် ဘက်ထရီတစ်လုံးအားပြုပြီးရေထဲက အောက်ဆီဂျင်နဲ့ ဟိုက်ဒရိုဂျင် ခွဲခြားပေးတဲ့စက်ကို ပြုလုပ်ခဲ့ပါတယ်။ 

 

 

ယခုလက်ရှိအခြေအနေထိတော့ အဲဒီလျှပ်စီးစွန်း( electrodes) တွေဟာ ရေထဲမှာ အချိန် (၂) ရက်ကြာသာခံပေမဲ့ နောက်ပိုင်းကျရင် ရက်သတ္တပတ်နဲ့ချီ (သို့) လနဲ့ချီ ကြာရှည် ခံအောင် တိုးတက်မှုရလာပြီး ဟိုက်ဒရိုဂျင်ဓာတ်ငွေ့ ထုတ်လုပ်သူတွေအတွက် ဒေါ်လာဘီလျံနဲ့ချီ အကုန်ကျသက်သာစေမယ် လို့ သုတေသနပညာရှင်များက မျှော်လင့်ထားပါတယ်။

Source: sciencemag

Trend Myanmar

Read More

လှပသော ခန္ဓာကိုယ်ကို ပိုင်ဆိုင်ဖို့အတွက် ၈ စက္ကန့်

 

 

လူလတ်ပိုင်း အရွယ်မှာ ခန္ဓွာကိုယ် နောက်ပိုင်းမှာ အဆီ တက်လာခြင်း၊ ဗိုက်ပူလာခြင်းတို့ဟာ ဖြစ်လာပြီး ကိုယ်ခန္ဓာ အချိုးအစားဟာ စိတ်ပျက်စရာ ကောင်းတဲ့ အနေအထားအဖြစ် ပြောင်းလဲလာတာကို တွေ့မြင်ရမှာပါ။
TV၊ မဂ္ဂဇင်းတွေမှာ လွယ်ကူတဲ့ လေ့ကျင့်ခန်းတွေကို တင်ဆက်ပေးနေတဲ့ Mori San ရဲ့ ဖြေကြားချက် ကတော့ “ခန္ဓာကိုယ် နောက်ပိုင်း ကြွက်သားတွေဟာ ခြေထောက်နှင့်ယှဉ်လျှင် လှုပ်ရှားမှုနည်းပါးတဲ့ အစိတ် အပိုင်းတွေပါ။ အသက် ၃၀ ကျော်လာရင် ခန္ဓာကိုယ်နောက်ပိုင်း ကြွက်သားတွေဟာ အားနည်းလာတဲ့အတွက် ခါး၊ တင်၊ ရင် တွေရဲ့ကြွက်သား ကိုထိန်းချုပ်နိုင်ခြင်း လျော့နည်းလာပါတယ်။ လူလတ်ပိုင်းအရွယ်တွေရဲ့ ခန္ဓာကိုယ် အချိုးအစား ပြောင်းလဲရခြင်းအကြောင်းရင်းက အဆိုပါကြွက်သားတွေ အားနည်းလာခြင်းကြောင့်ဖြစ်ပါတယ်။ အဲဒါကြောင့် လူလတ်ပိုင်းအရွယ်တွေအတွက် လွယ်ကူတဲ့ လေ့ကျင့်ခန်း ပြုလုပ်ပုံကို မိတ်ဆက်ပေးလိုက်ပါတယ်။

Mori San ဟာအသက်၄၀ကျော်အရွယ်မှာ ကလေးမွေးဖွားပြီး ၁လကြာလေ့ကျင့်ခန်း လုပ်ရုံဖြင့် ကိုယ်ဝန်မဆောင် ခင် အချိန်က ခန္ဓာကိုယ် အချိုးအစားကို ပြန်ရခဲ့ပါတယ်။လူလတ်ပိုင်း အရွယ်တွေဟာ ခန္ဓွာကိုယ်ကို ထိန်းသိမ်းဖို့ အတွက် Diet လုပ်ခြင်း ၊ပြင်းထန်တဲ့ အားကစားတွေကို လုပ်ဖို့မလိုပါဘူး။ အရေးကြီးတာက မတ်တပ်ရပ်တဲ့အခါ အသုံးပြုသော ကြွက်သားတွေကသာ အရေးကြီးပါတယ်။ ကျွန်မတို့ဟာ ကမ္ဘာမြေကြီးရဲ့ ဆွဲအားကို ဆန့်ကျင်ပြီး ရပ်နေတဲ့အတွက် ကျော ၊ ဗိုက် မှာရှိတဲ့ ကြွက်သားတွေကို သုံးရမှာဖြစ်ပင်မဲ့ ကိုယ်နဲ့အဆင်ပြေတဲ့ ပုံစံနဲ့သွားလာ လှုပ်ရှားနေကြတဲ့အတွက် ခန္ဓာကိုယ်အနေအထားလည်း မမှန်တော့ပါ။ ခန္ဓာကိုယ် အနေအထားကို ပြန်လည် ပြုပြင်ဖို့အတွက် ၈ စက္ကန့်လေ့ကျင့်ခန်းလေးကို တင်ပြပါရစေ။

ခန္ဓွာကိုယ်အောက်ပိုင်းအတွက် လေ့ကျင့်ခန်း
၀၁.ခြေဖျားထိပ်လေးများကို ဘေးသို့ကား၍မတ်တပ်ရပ်ပါ
ဖနောင့်တွင်အားပြု၍ ခြေထောက်နှစ်ဖက်စလုံးရဲ့ ခြေဖျားထိပ်ကို ၄၅ ဒီဂရီခန့် ဘေးသို့ကားပြီး မတ်တပ်ရပ်ပါ။
၀၂. ဒူးကွေး၍ ခါးကိုအောက်သို့ နှိမ့်ချပါ
ဒူးကွေး၍ ခါးကိုအောက်သို့ နှိမ့်ချရာတွင် ခြေမျက်စိတွင်အားမသက်ရောက်ရပါ။
၀၃. ခြေနှစ်ဖက်လုံး၏ ဒူးတွေကိုကပ်ထားပါ
ဒူးကွေး၍ခါးကိုအောက်သို့ချထားသော အနေအထားဖြင့် ဂုံညင်းများကို အချင်းချင်းထိအောင် ကပ်လိုက်ပါ။
၀၄. ဂုံညင်းကိုကပ်ထားရင်းဖြင့် ဒူးခေါင်းကို ဆန့်ထုတ်ပါ။ နံပါတ်(၃)အနေအထားဖြင့် ဒူးခေါင်းကို ဆန့်၍ မတ်တပ် ရပ်ပါ။
အထက်ပါလှုပ်ရှားမှုများသည် ခန္ဓွါကိုယ်အောက်ပိုင်းအတွက် ဖြစ်ပါသည်။
ခန္ဓာကိုယ်အပေါ်ပိုင်းအတွက် လေ့ကျင့်ခန်း
၀၅. လက်နှစ်ဘက်ကို မိုးပေါ်သို့ Y ပုံစံမြှောက်ထားပါ
ခြေထောက်ကို မရွေ့ဘဲ လက်နှစ်ဘက်လုံးကို Y ပုံစံ အပေါ်သို့မြှောက်ထားပါ။ပြီးလျှင် လက်ဖဝါးနှစ်ဘက်က ကိုယ်ခန္ဓာအတွင်းပိုင်းကို မျက်နှာပြုထားပါ။
၀၆. လက်ကိုအပေါ်ကို မြှောက်ထားလျှက် ခါးကိုရှေ့ပိုင်းသို့ကိုင်းထားပါ
လက်ကိုမြှောက်လျှက်အနေအထားဖြင့် ခန္ဓွာကိုယ်ကိုရှေ့သို့ ဖြေးဖြေးချင်း ကိုင်းပါ။ ၄၅ ဒီဂရီ ခန့်ဖြစ်အောင် ကိုင်း ထားပါ။
၀၇. လက်ကိုအောက်သို့ချထား၍ တင်ပါး၏ ဘေးတွင်ထားပါ
ခန္ဓွာကိုယ်အပေါ်ပိုင်းကို ကိုင်းထားသော အနေအထားဖြင့် လက်နှစ်ဘက် ကိုအောက်သို့ချပါ။ တင်ပါး၏ နောက်ပိုင်း သို့လက်ကို ဆွဲသွားပါ။
၀၈. ဖြေးဖြေးချင်း တည့်တည့်ပြန်ရပ်ပါ
အဲဒီအတိုင်း ခန္ဓွာကိုယ်အပေါ်ပိုင်းကို တည့်တည့်ပြန်ရပ်ပြီး လက်ကိုခန္ဓွာကိုယ်ဘေးသို့ သဘာဝရှိနေတဲ့အတိုင်း ပြန်ထားပေးပါ။

မှန်ရှေ့မှာ ဒီလေ့ကျင့်ခန်းလေးကို စမ်းပြီးလုပ်ကြည့်လိုက်လျှင် ၈စက္ကန့်နဲ့ ကြွက်သားနာကျင်ခံစားမှု အနည်းငယ် ဖြစ်လာပေမယ့်လည်း ထိရောက်မှုရှိသော လေ့ကျင့်ခန်းလေး ဖြစ်မှာပါ။ အခြေခံလှုပ်ရှားမှုမှာ စနစ်ကျတဲ့ နည်းစနစ် ကို ပေါင်းစပ်ထားခြင်း ဖြစ်ပါတယ်။

ခဏလေးလုပ်ကြည့်လိုက်ရုံဖြင့် လှပတဲ့ခန္ဓာကိုယ် အချိုးအစားလေးကို ပြန်လည်ပိုင်ဆိုင်စေမှာပါ။
Happiness Is To You
Chelmo Team
Ref.http://mdpr.jp/
Photo By. http://googirl.jp/ http://www.chelmo.tips

Read More

အရွယ်နှင့် မလိုက်ဖက်အောင်ပင် မနိုင်ဝန် ထမ်းနေရသည့် မူလတန်း ကလေးများ၏ ဒုက္ခ

 

 

“နင်တို့လဲ အဲ့ဒီလွယ်အိတ် သယ်နေရတာနဲ့ အရပ်ထွက် မှာကို မဟုတ်တော့ဘူး” ဟုအိမ်ဘေးမှ မကရင်မဟု ဆိုသော အသိတစ်ယောက်၏ ပြောဆိုသံကြောင့် ကျွန်တော် အနည်းငယ် စိတ်ဝင်စား မိသွားပါတယ်။ 

လွယ်အိတ်ဆိုတဲ့ စကားသံကြောင့် သွားရောက် မေးမြန်း ဖြစ်တော့သူက “သုံးတန်းကျောင်းသားလွယ် အိတ်က တက္ကသိုလ် ကျောင်းသား ထက်တောင် သယ်ရတာ များသေးတယ်။ တစ်နေ့ကို အုပ်နှစ်ဆယ် လောက်ထမ်းပြီး ကျောင်းသွားနေရတာ အရပ်ထွက်မှာကို မဟုတ်ဘူးလို့ပြောတာ။ သယ်ရတာကလေး ငယ်ရတာ မဟုတ် အစ်မတို့က လိုက်သယ်ပေးရတာ။ သူတို့က အပြန်လောက်ပဲ သယ်ရတာ။ စာအုပ် တွေသယ်ရတာ လေးတဲ့ အပြင် စာကျက်ရတာ သက်သာမလား အောက်မေ့တယ်၊ တစ်နေ့တစ်နေ့ ကျက်လိုက်ရတဲ့ စာကလဲ ဖင်မီးခိုးထွက်အောင် ကျက်တာမှ စာလေး တစ်ပိုဒ်တောင် ဖြစ်ဖြစ်မြည်မရဘူး။ ကလေးကိုတော့ အပြစ်မပြော ချင်ဘူး။ တစ်ခါတလေ သူကျက်နေတာတွေကမှားလား မှန်လားဆိုတာ နားထောင်ရုံနဲ့မရတော့ဘူး။ ကိုယ်တိုင် လေ့လာ နေရတယ်။ မသိရင်သိတဲ့ လူလိုက်မေးနေတယ်။ ဘာတွေမှန်းကို မသိပါဘူး” လို့ မကရင်မက ညည်းတွား ကာ မေးသမျှပြန်ပြောပြပါတယ်။ 

ဒါကြောင့်ကျွန်တော်လည်း မူလတန်းသင်ခန်းစာတွေနဲ့ စာအုပ်တွေတစ်နေ့ဘယ်လောက် သယ်နေရ တယ်ဆိုတာ တွေကို လေ့လာရပါတော့တယ်။ နည်းနည်းလေးလွဲနေတဲ့ကိစ္စတွေကို ထောက်ပြနိုင်ဖို့အ တွက်ဖြစ်ပါတယ်။

စာအုပ်အရေအတွက်ကတော့ ပထမတန်းကျောင်းသားတစ်ယောက်နဲ့ ဒုတိယတန်းကျောင်းသားတွေ အတွက် စာအုပ်အရေအတွက်ကတော့ အတူတူဖြစ်ပါတယ်။ မြန်မာစာ၊ အင်္ဂလိပ်စာ၊ သင်္ချာ၊ သဘာဝ သိပ္ပံ၊ ပြည်သူ့နီတိ၊ ဘဝတွက်တာကျွမ်းကျင်စရာ၊ ရသ၊ ပြည်ထောင်စုစိတ်ဓာတ်၊ စိုက်ပျိုးရေးဆိုပြီး ၉ မျိုးလောက်ရှိပါတယ်။ ပြဋ္ဌာန်း စာအုပ်တွေချည်းပါပဲ။ မှတ်စုစာအုပ်နဲ့ဆိုရင် ၁၈ အုပ်ပါ။ ဒါကြောင့်လည်း ဒီဘက်ခေတ်မိဘတွေက ကျောင်းသား တွေ တောင်းဆိုတဲ့ လွယ်အိတ်တွေအစား နိုင်ငံခြားကလာတဲ့ ကျောပိုးအိတ်တွေကို အသုံးများလာတာကို တွေ့ရ မှာပါ။ 

 

ရိုးရိုးလွယ်အိတ်ဆိုရင် အဲဒီလောက်စာအုပ်အ ရေအတွက်နဲ့ဆို နှစ်ဝက်လောက်သာ ခံတဲ့အတွက် ကျောင်းသားတွေ ခါးကိုင်းစေမယ့် ကျောပိုးအိတ် တွေနဲ့သာ ကျောင်းတက်နေရတာဖြစ်ပါတယ်။ 

ဒါကိုသိတဲ့ ဆရာမအချို့က ကိုယ့်ကျောင်းသားတွေ သက်သာစေဖို့ တွဲဖက်သင်ရိုးဝင်ဘာသာရပ်များ ထဲက နှစ်ဘာသာကိုမှတ်စုတစ်အုပ်သာ ထားခိုင်းပါတယ်။ ကျောင်းသားတွေအနည်းငယ်ဝန်ပေါ့အောင် ဖြစ်ပါတယ်။ ဆရာမတွေကလည်း သင်ရိုးတွေများနေတာနဲ့ပတ်သက်ပြီး ခက်ခဲနေတဲ့ အပိုင်းတွေရှိနေ ပါသေးတယ်။ 

အထက(၄) မြိတ်မှမူလတန်းပြ ဆရာမဒေါ်စန္ဒာက “တွဲဖက်သင်ရိုးတွေကအရမ်းများနေတယ်။ တွဲဖက် သင်ရိုးတွေ က ပထမတန်းနဲ့ ဒုတိယတန်းမှာသင်မယ်ဆိုရင် အချိန်ရတယ်။ တတိယတန်းနဲ့ စတုတ္ထ တန်းမှာသင်မယ်ဆိုရင် အချိန်ဘယ်လိုမှမရဘူး။ ဘာဖြစ်လို့လဲဆိုတော့ တတိယတန်းနဲ့ စတုတ္ထတန်း ကခရိုက်က စစ်မယ်လို့လဲ ကြားထား တာတော့ သင်ရိုးတွေကိုကုန်အောင် သင်ပေးနေရတယ်။ အဲ့ဒီအခါ ကျတော့ တွဲဖက်ဘာသာရပ်တွေဘက်သင်တာ အားနည်းသွားရော။ ပြီးတော့လေးတန်းက ကလေး တွေက အလယ်တန်းတက်ရမယ့် သူတွေဆိုတော့ အခြေခံ ကောင်းတွေပါစေချင်လို့ အဓိကဘာသာရပ် တွေကို ကျေအောင် သင်ပေးရတာ မျိုးတွေရှိတယ်” လို့ရှင်းပြပါတယ်။ 

ဆက်လက်ပြီး ယင်းတို့အခက်အခဲတချို့ကို ပြောပြရာမှာတော့ “စိုက်ပျိုးရေးဘာသာရပ်ဆိုရင် မူလ တန်းအဆင့်မှာ ပထမတန်းနဲ့ ဒုတိယတန်းကို အသိလေးရအောင်ပဲ သင်ခိုင်းစေချင်တယ်။ ဒီဘာသာရပ် ကလက်တွေ့လုပ်ကိုင်မှ ပိုအဆင်ပြေမယ့် ဘာသာရပ်မျိုးပါ။ သင်ရိုးထဲမှာ ထည့်ထားပေမယ့် ကျွမ်း ကျင်ဖို့အထိ မဖြစ်နိုင်ဘူး” လို့ဆိုပါတယ်။ 

ဂျပန်ပညာရေးနဲ့ပတ်သက်ပြီး ဖတ်ဖူးလိုက်တာ တစ်ခုရှိပါတယ်။ သူတို့မှာ သုံးတန်းအရွယ် (၉နှစ်) အထိသာ စာမေးပွဲမှဖြေစရာမရှိဘဲ ကျောင်းတက်ရုံ၊ စာလုပ်ရရုံလောက်ပဲရှိတယ်လို့ သိရပါတယ်။ အကြောင်းရင်းကတော့ ကျောင်းတက်တဲ့အရွယ် ပထမသုံးနှစ်တာကာလရဲ့ မျှော်မှန်းချက်ကတော့ ပညာမဟုတ်ဘဲ အကျင့်စာရိတ္တပိုင်း ကောင်းမွန်ရေးသာဖြစ်ပါတယ်။ အဲဒီကာလတွေမှာ စာထက်ကိုယ် အမူအရာ၊ လူမှုဆက်ဆံရေး အစရှိသဖြင့် ကိုယ်ကျင့်တရားနဲ့ သက်ဆိုင်တဲ့စာတွေကိုသာ အလေးထား သင်ကြားပေးတယ်လို့ ဆိုပါတယ်။ ဂျပန်တို့ရဲ့ ခံယူချက်က ပညာနဲ့ အကျင့်စာရိတ္တယှဉ်ရင် အဓိကနေရာ မှာ အကျင့်စာရိတ္တရှိတယ်လုိ့ ဆိုပါတယ်။ 

ဒါကြောင့်သုံးတန်းအထိ ဂျပန်မှာပေါ့ပေါ့ပါးပါးသာ စာသင်ရပြီး ကလေးတွေ ကျောင်းပျော်လာစေရန် အတွက်၊ အကျင့်စာရိတ္တကောင်းမွန် လာစေရန်အတွက်သာ အဓိကထားဆောင်ရွက်ပါတယ်။ မူလတန်း ကလေးတစ် ယောက်အတွက် သင်ခန်းစာတွေဟာ များပြားခြင်းမရှိဘဲ ကလေးတွေဦးနှောက်နဲ့ လိုက် လျောညီထွေဖြစ်မယ့် အကြောင်းအရာတွေလောက်ပဲ သင်ကြားပေးသလို၊ သူတို့သယ်ရတဲ့စာအုပ်ဆို ရင်မှတ်စုစာအုပ် သုံးလေးအုပ် ထက် မပိုဘူးလို့လည်း ဂျပန်ပညာရေးနှင့် နီးစပ်သူတစ်ဦးက ပြောပြပါတယ်။ 

ဒီလိုဆိုရင်တော့ ကျွန်တော်တို့နိုင်ငံရဲ့ ပညာရေးအရာရှိတွေ နည်းနည်းစဉ်းစားပေးဖို့တော့ လိုနေပြီထင် ပါတယ်။ ဘာလို့လဲဆိုတော့ အခုသွားနေတဲ့ပညာရေးစနစ်က နိုင်ငံတကာအဆင့်မီဖို့နဲ့ ဘက်စုံထူးချွန် လူငယ်တွေပေါ် ထွက်ရေးအတွက် ဖြစ်ပါတယ်။ ဒါတွေကိုတစ်ဆင့်ချင်း အကောင်အထည်ဖော်သင့် တယ်ဆိုတာကို ပညာရေး ဝန်ထမ်း အရာရှိတစ်ဦးဖြစ်တဲ့ အမှတ် (၁) အခြေခံပညာဦးစီးဌာနမှ ဦးစီးအ ရာရှိဦးငွေတိုးက “သင်ရိုးတွေက များနေတာ မဟုတ်ဘူး။ ဖောင်းပွနေတာ။ ဖောင်းပွနေတော့ မယောင် ရာဆီလူးပုံစံမျိုးတွေဖြစ်နေတာ။ ကလေး တွေကို ဆရာတွေက ထိထိရောက်ရောက်မသင်ပေးနိုင်ဘဲ သူတို့လဲ ပင်ပန်းကုန်တာတွေဖြစ်နေရတာပါ။ အမှန်တကယ်က မူလတန်းအဆင့်မှာပေးရမှာက ဘာ သာစကားတတ်ကျွမ်းမှုကို အမှန်တကယ် တတ်မြောက် သွားနိုင်ဖို့ကို လုပ်ပေးလိုက်ရမှာပါ။ ပြီးတော့ ပတ်ဝန်းကျင်နဲ့လိုက်လျောညီထွေ ဖြစ်ဖို့သွားတာ၊ လာတာ၊ စားတာ၊ ကျန်းမာရေးအခြေခံအသိတွေ ရရှိဖို့တွေပဲ လုပ်ပေးရမှာပါ” လို့ ထောက်ပြပြောဆိုလိုက်ပါတယ်။ 

လက်ရှိအခြေခံပညာရေးရဲ့ ဦးတည်ချက်တွေနဲ့ ပတ်သက်ပြီးဦးငွေတိုးက မြန်မာ့ပညာရေးသမိုင်းနှင့် ယှဉ်ပြီးထပ်မံ သုံးသပ်ပြရာမှာတော့ မူလတန်းအဆင့်ရဲ့ ဦးတည်ချက်မှာတစ်မျိုး၊ အလယ်တန်းအဆင့် ရဲ့ဦးတည်ချက်မှာတစ်မျိုးနဲ့ အထက်တန်းအဆင့်ရဲ့ ဦးတည်ချက်မှာတစ်မျိုးဖြစ်နေကြောင်း ပြောပြပါ တယ်။ ဒါကြောင့်ရာတွေဟာ ဦးတည်ချက် ပန်းတိုင်ပျောက်နေရပြီး ဘာလုပ်ရမှန်းမသိ ဖြစ်နေရတယ် လို့ဆိုပါတယ်။ ဒါကြောင့်ဆရာတွေအနေနဲ့ လက်ရှိ သင်ရိုးညွှန်းတမ်းတွေရဲ့ ဦးတည်ချက်တွေကို သေ ချာလေ့လာနိုင်ဖို့ လိုအပ်ပြီးကျောင်းသားတွေကို ပြန်သင်နိုင်ဖို့ လုပ်သင့်တယ်လို့ဆိုပါတယ်။ လက်ရှိ သင်ရိုးများဟာနိုင်ငံတကာ စံချိန်စံညွှန်းများဖြင့် ချိန်ထိုးမည်ဆိုပါက ထပ်မံပြဋ္ဌာန်းပေးရန် လိုအပ်နေ သေးတယ်လို့ ပြောပြပါတယ်။ 

ယခုလိုတင်ပြသွားရတာဟာလည်း နိုင်ငံ၏ပညာရေးစနစ်တွင် မပါမဖြစ်ပါဝင်နေသော သင်ရိုးတွေနဲ့ ပတ်သက်ပြီး ဘာတွေလိုနေတယ်၊ ဘာတွေဖြစ်နေတယ်ဆိုတာ သက်ဆိုင်ရာလူကြီးတွေသိရှိနိုင်ဖို့ ရေး သားလိုက်ရခြင်း ဖြစ်ပါတယ်။ ပြီးတော့မူလတန်းကျောင်းသားအရွယ်နှင့် လေ့လာနေရသော သင်ရိုး တွေကို ကျစ်ကျစ်လျစ်လျစ် ဖြစ်စေချင်ကာ မနိုင်ဝန်ထမ်းနေရသည့် ဒုက္ခများမှလွတ်မြောက်စေလိုသော စေတနာဖြင့် ရေးသားလိုက်ရကြောင်း ပါ။ 

Democracy Today Daily
သြဂုတ် (၂၀) ရက်၊ ၂၀၁၄ ခုနှစ်

Read More

ကြွက်တက်ခြင်း ကာကွယ်ရန် နည်းလမ်းများ

 

 

သင်သည် ပုံမှန်လေ့ကျင့်ခန်း လုပ်သူ မဟုတ်ပါက ကြွက်တက်လေ့ ရှိခြင်းမှာ မထူးဆန်းပေ။ သို့သော် ကြွက်တက်ခြင်းကို လျစ်လျူရှုထားပါက နောင်တွင် ဒဏ်ရာ အနာတရဖြစ်နိုင်သည်။ ကြွက်တက်ခြင်းကို ကာကွယ်နိုင် မည့်နည်းလမ်း များကို ဖော်ပြပေးလိုက် ပါသည်။

ရုတ်တရက် မထင်မှတ်ဘဲ ကြွက်သားများ ကျုံ့သွားချိန် တွင် ကြွက်တက်ခြင်း (သို့မဟုတ်) အကြောဆွဲခြင်းတို့ ဖြစ်တတ်သည်။ ယင်းအကြောဆွဲခြင်း များက ကြွက်သား တစ်ခု (သို့မဟုတ်) ကြွက်သားအုပ်စု တစ်စုကို ရုတ်တရက် ကျုံ့သွားစေနိုင်သည်။ ကြွက်တက်ခြင်းမှာ စက္ကန့် အနည်းငယ် (သို့) မိနစ်အနည်းငယ်မှ ယင်းထက်လည်း ပိုကြာနိုင်သည်။

ကြွက်သားနှစ်မျိုးရှိပြီး တစ်မျိုးမှာ မတင်ခြင်း၊ လှုပ်ရှားခြင်း၊ ကွေးခြင်း စသည်တို့ပြုလုပ်ချိန်တွင် သုံးနိုင်သည့် ခြေနှင့်လက်တို့ရှိ ကြွက်သားများကဲ့သို့ ထိန်းချုပ်နိုင်သော ကြွက်သားများဖြစ်သည်။နောက်တစ်မျိုးမှာ မထိန်းချုပ်နိုင် သောကြွက်သားများဖြစ်သည်။ မထိန်းချုပ်နိုင်သော ကြွက်သားများမှာ အကြောဆွဲခြင်း၊ ကြွက်တက်ခြင်း တို့ဖြစ် စေနိုင်သည်။

ကယ်လ်စီယမ်၊ ပိုတက်စီယမ်နှင့် မဂ္ဂနီစီယမ် ဓာတ်များမရှိ ခြင်း၊ ရေဓာတ်ခန်းခြောက်ခြင်း တို့ကြောင့် ကြွက်တက် ခြင်းကိုဖြစ် စေနိုင်သည်။ အာရုံကြော (သို့မဟုတ်) ကြွက်သား ဒဏ်ရာရပါက အကြောဆွဲခြင်း ကိုဖြစ်စေနိုင်သည်။ ကြွက်သားများသို့ သွေးလည်ပတ်မှု ညံ့ဖျင်းခြင်းကလည်း ကြွက်တက်စေနိုင်ပြီး ခြေချင်းချိတ်၍ အချိန်အကြာကြီး ထိုင်ပြီးနောက် ကြွက်တက်နိုင်သည်။

အချို့သောဆေးဝါးများကြောင့်လည်း ကြွက်တက်နိုင်သည်။ ဇရာကြိုရောဂါ (အယ်လ်ဇိုင်းမား)ကို ကုသရာတွင် သုံးသော ဆေးဝါးအချို့၊ ပါကင်ဆင်ရောဂါ၊ သွေးတိုးရောဂါနှင့် ကိုလက်စထရော လျှော့ချစေရန် သုံးသောဆေးဝါး အချို့ကြောင့် ကြွက်တက်နိုင်သည်။ သို့သော် ယင်းဆေးဝါးများ၏ ဘေးထွက်ဆိုးကျိုးများမှာ ဆေးသောက်သုံးသူ အားလုံးကို ထိခိုက်ခြင်းမရှိဘဲ လူအနည်းငယ်မျှကိုသာ ထိခိုက်စေသည်။

ကြွက်တက်ခြင်းကိုကုသရန် ကြွက်သားများကို သက်သောင့် သက်သာဖြစ်အောင်လုပ်ပါ။ ကြွက်သားပေါ်တွင် အပူဖိကပ်ပါ။ ကြွက်သားကို ဖြည်းဖြည်းချင်း ဆန့်ထုတ်ပါ။ နှိပ်ပေးခြင်းကလည်း ကြွက်တက်ခြင်းကို ကုသရာတွင် ကောင်းသည်။ ကယ်လ်စီယမ်၊ ပိုတက်စီယမ်နှင့် မဂ္ဂနီစီယမ်ဓာတ်များချို့တဲ့နေပါက ဖြည့်စွက်စာစားပေးပါ။ ရေသောက်ပါ။ လျှပ်စစ်ဓာတ်ဖြတ်နိုင်သော ဖျော်ရည်များသောက်ပါ။ လမ်းလျှောက်ခြင်း (သို့မဟုတ်) မတ်တတ် ရပ်ခြင်းမျိုးပြုလုပ်ပါ။

ခြေဆန့် လက်ဆန့်လုပ်ခြင်း၊ သွေးပူလေ့ကျင့်ခန်း လုပ်ခြင်း၊ လေ့ကျင့်ခန်းလုပ်ပြီး အကြောလျှော့ခြင်းတို့ ပြုလုပ်ခြင်းဖြင့် ကြွက်တက်ခြင်းကို ကာကွယ်နိုင်သည်။ အားသွန်ခွန်စိုက် လှုပ်ရှားမှုမျိုးပြုလုပ်ရမည် ဆိုပါက ရေဓာတ်ဖြည့်တင်းထားပါ။ ချွေးအလွန်ထွက်ချိန်တွင် လျှပ်စစ်ဓာတ်ဖြတ်နိုင်သော ဖျော်ရည်များ သောက်သုံးပေးရန် အထူးအရေးကြီးသည်။

အသက်ကြီးသူများအိပ်နေချိန်တွင် သွေးလည်ပတ်မှုနှေးကွေးသွားသဖြင့် ကြွက်တက်နိုင်ပြီး လှုပ်ရှားမှုမရှိခြင်း၊ လေ့ကျင့်ခန်းမလုပ်ခြင်းတို့ကြောင့်ဖြစ်နိုင်သည်။ သို့သော် ကိုယ်နေဟန်ထား တစ်မျိုးတည်း အချိန်အကြာကြီး ရပ်နေခြင်း၊ ကုလားထိုင်ပေါ်တွင်ထိုင် နေရခြင်းတို့ကြောင့် ကြွက်တက်ခြင်းမှာ မည်သူမဆို ဖြစ်နိုင်သည်။

ကိုယ်ဝန်ဆောင်အမျိုးသမီးများ ကိုယ်ဝန်သက်တမ်းဒုတိယ သုံးလပတ်ကာလအတွင်း ခြေနှင့်လက်တို့ ကြွက်တက် လေ့ရှိသည်။ ကိုယ်ဝန်ဆောင်များမည်သည့်အတွက်ကြောင့် ကြွက်တက်သည် ကို ရှင်းရှင်းလင်းလင်း မသိရသော် လည်း ကိုယ်အလေးချိန်ပိုများခြင်းနှင့် ဆက်နွှယ်ဖွယ်ရှိသည်။ အနှိပ်ခံခြင်းက ကြွက်တက်ခြင်းကိုသက်သာနိုင်သည် ဆိုသော်လည်း မှားယွင်းသောနည်းဖြင့် နှိပ်နယ်ပါက ကြွက်တက်ခြင်းကိုပိုမိုဆိုးရွားစေနိုင်သည်။ 

 Ref - TOI

7Day Daily

Read More

ယာင်္ကျားလေး သူငယ်ချင်း အချင်းချင်း မပြောသင့်တဲ့ စကားများ

 

ညီအစ်ကိုလို ပေါင်းတဲ့ သူငယ်ချင်းမျိုးလား၊ အတွဲဆုံး၊ အခင်ဆုံး သူငယ်ချင်းမျိုးလား။ ကဲ သူဘာလုပ်လုပ် သည်းခံနိုင်တယ် ဆိုတဲ့ ငယ်ငယ်လေး ကတည်းက ပခုံးဖက် ပေါင်းလာတဲ့ သူငယ်ချင်းမျိုး မဟုတ်ဘဲ ခင်တာ မင်တာ တစ်နှစ်တောင် မပြည့်သေးတဲ့ သူငယ်ချင်း ဆိုရင်တော့ တစ်ချို့ကိုယ်သုံးတဲ့ အသုံးအနှုန်းတွေက စဉ်းစားစရာ ဖြစ်သွားနိုင်ပါတယ်။ 

 

 

တစ်ဖက်လူကိုလည်း အူကြောင်ကြောင် ဖြစ်သွားစေနိုင်ပါတယ်။ အဲ့ဒါတွေကတော့

၁။စော်ကားတာတော့ မဟုတ်ဘူးနော် .. ဒါပေမယ့်

တစ်ဖက်လူကို ဝေဖန်တော့မယ်ဆိုတာကို ဘာမှမပြောခင်ကတည်းက အကြိုသဘောအနေနဲ့ ပြောထားလိုက် သလိုပါပဲ။ စော်ကားတာ မဟုတ်ဘူးဆိုရင် အဲ့ဒီစကားနဲ့လည်း အစပျိုးမနေပါနဲ့တော့။ ဒါကို ဒီလိုလုပ်ရင် မကောင်း ဘူးလားဆိုပြီးတော့သာ ပြောလိုက်ပါ။

၂။ဘီယာတစ်ငုံလောက် တိုက်ပါလား

ဒီမေးခွန်းကြီးက နည်းနည်းတော့ အူကြောင်ကြား ဖြစ်စေနိုင်ပါတယ်။ အရက်တွေ မျှသောက်နိုင်ပါတယ်။ အမြည်း ကို လည်း ဝေစားနိုင်ပါတယ်။ ဒါပေမယ့် သောက်နေတဲ့ ဘီယာခွက်ထဲက တစ်ငုံလောက် သောက်ချင်တယ် ဆိုတာကတော့ စဉ်းစားကြည့်လေ မအိုခေလေပါ။ သူငယ်ချင်းကို တစ်ခွက်မှာလိုက်ပါလားလို့ ပြောလိုက်ပါ။ ငါတိုက်ပါ့မယ်လို့ပါ အဆစ်ထည့်ပြောလိုက်ပါ။

၃။ဒီလောက်ဖြစ်စရာမလိုဘူး အေးဆေး

တစ်ဖက်လူက ဘယ်လောက်ဒေါသတွေ ထွက်နေတယ်။ ဘယ်လောက်ခံစားနေရတယ်ဆိုတာ မသိပဲ အေးဆေး အေးဆေးလို့ သွားပြောနေတာမျိုးကလည်း တစ်ဖက်လူဒေါသကိုပိုဆွပေးသလို ဖြစ်တတ်ပါတယ်။ ဘာမှမဟုတ်တဲ့ ကိစ္စလောက်ဆိုရင်တော့ သူ့ကိုဒီလိုပြောလည်း အရေးမကြီးပေမယ့် ဒေါသအရမ်းထွက်နေတဲ့အချိန် အဲ့ဒီလို သွားပြောရင်တော့ သင့်မျက်နှာပေါ်တောင် သူ့လက်သီးရောက်ရင်ရောက်လာဦးမှာ။

၎။မင်းကို အရမ်းချစ်တာပဲ

သူငယ်ချင်းအချင်းချင်း ခင်မင်မှုသက်တမ်း ကြာလာတဲ့အခါ အိမ်က ညီအစ်ကိုတွေထက်တောင် ပိုသံယောဇဉ် ရှိလာတတ်ကြပါတယ်။ အနစ်နာလည်း ခံလာတတ်ကြပါတယ်။ ဒါပေမယ့် အဲ့ဒါကို သူ့ကိုတွေ့တဲ့အချိန် မင်းကို သိပ်ချစ်တယ်ကွာလို့ ပြောလိုက်ရင်တော့ သူတစ်မျိုးကြီး ဖြစ်သွားပါလိမ့်မယ်။ ဒီလိုစကားမျိုးက ထုတ်ပြောလို့ ကောင်းတာ မဟုတ်ပါဘူး။

၅။အဲ့ဒါကြောင့် မင်းဘေးမှာ ဘယ်ကောင်မလေးမှ မရှိတာ

ခေတ်စကားနဲ့ပြောရင်တော့ ဒါနှိမ်တာပေါ့။ သူငယ်ချင်းအချင်းချင်း ရည်းစားမရှိတဲ့သူကို အဲ့ဒီလို အချိန်တိုင်း ပြောနေရင်တော့ သူလည်း စိတ်မကောင်းဖြစ်ရင်ဖြစ်၊ မဖြစ်ရင် ဆိုက်ကိုဖောက်လာပါလိမ့်မယ်။ သူပြောပြတဲ့ အချစ်ရေးကိစ္စတွေကို နားထောင်ပြီး အကြံဥာဏ်ပေးရမယ့်အစား အဲ့ဒါကြောင့် မင်းခုလို ဆော်မရှိတာလို့ ပြောလိုက်ရင်တော့ သူ့စိတ်ထဲ သင့်ကို ခုသွားနိုင်ပါတယ်။

Ref:mensxp.com

 

 Trend Myanmar

Read More

Samsung က Smart Home နည်းပညာကို တိုးချဲ့

 

 

စမတ်နေအိမ် နည်းပညာသည် နေအိမ်တစ်ခုလုံးရှိ ရေခဲသေတ္တာ၊ အ၀တ်လျှော်စက်၊ တီဗီ၊ မီးသီး၊ လေအေးပေးစက် စသည့် အီလက်ထရောနစ် ကိရိယာ များကို စမတ်ဖုန်း သို့မဟုတ် စမတ်နာရီ တစ်ခုတည်းမှ ထိန်းချုပ်နိုင်ခြင်း ဖြစ်ပါသည်။ Samsung က Smart Home နည်းပညာကို တိုးချဲ့ရန် ကြိုးစားနေပြီး သူ၏ ၀န်ဆောင်မှုတွင် Thirt-Party Company များ၏ Gadgets များကို အသုံးပြုနိုင်ရန် ပြုလုပ်မည် ဖြစ်သည်။

ဘာလင်တွင် ကျင်းပမည့် နည်းပညာ ပြပွဲဖြစ်သည့် IFA 2014 မတိုင်မီ Samsung က အီလက်ထရောနစ် ပစ္စည်း များကို သူ၏ အသံဖြင့် အမိန့်ပေးသည့် နည်းပညာ ဖြစ်သော S Voice ကို အသုံးပြုပြီး Galaxy စမတ်ဖုန်း သို့မဟုတ် Samsung စမတ်နာရီများမှ ထိန်းချုပ်နိုင်မည်ဟု ပြောပါသည်။ 

Samsung က မကြာမီက စမတ်နေအိမ် နည်းပညာကို တီထွင်သော SmartThings Company ကို ၀ယ်ယူခဲ့ပြီး ဇူလိုင်လတွင်လည်း အင်တာနက် ချိတ်ဆက်နိုင်သော စမတ် Device များအတွက် စံနှုန်းများကို ဖန်တီးရန် ရည်ရွယ် ထားသည့် Company များစွာ ပါဝင်သော အဖွဲ့အစည်းတွင် ပါဝင်ခဲ့ပါသည်။

Samsung က သူ၏ နည်းပညာနှင့် တွဲဖက် အသုံးပြုနိုင်သော အခြား Company များ၏ ထုတ်ကုန်များနှင့် ၀န်ဆောင်မှုများကို ကြေညာခြင်း မရှိသော်လည်း အနာဂတ်တွင် နေအိမ်တံခါးများကို Lock ပြုလုပ်ခြင်း၊ လုံခြုံရေး ကင်မရာများကို စမတ်ဖုန်းမှ စောင့်ကြည့်ခြင်း၊ မည်သည့် အိမ်သုံး ပစ္စည်းသည် လျှပ်စစ်ကို မည်မျှ အသုံးပြုသည်ကို စစ်ဆေးခြင်းနှင့် အသုံးပြုသူ နေအိမ်သို့ ရောက်ရှိလျှင် မီးသီးများနှင့် လေအေးပေးစက်ကို အလိုအလျှောက် ဖွင့်ပေးခြင်း စသည်တို့ကို ပြုလုပ်နိုင်မည်ဟု ပြောပါသည်။

Samsung က ယခုနှစ်နှောင်းပိုင်းတွင် သူ၏ စမတ်နေအိမ် နည်းပညာကို Developer များကို မျှဝေမည်ဟု ပြောပါသည်။ ထို့အတွက် အိမ်သုံး အီလက်ထရောနစ် ထုတ်လုပ်သည့် Company များအနေဖြင့် Samsung ၏ စမတ်နေအိမ်နည်းပညာနှင့် တွဲဖက် အလုပ်လုပ်နိုင်သော ထုတ်ကုန်များကို တီထွင်နိုင်မည် ဖြစ်သည်။ အသေးစိတ် အချက်အလက်များကို ယခု ရက်သတ္တပတ်တွင် ကျင်းပမည့် IFA Berlin ပွဲနှင့် နိုဝင်ဘာလ ၁၁ ရက်နေ့တွင် ကျင်းပမည့် Samsung Developer Conference တွင် သိရမည် ဖြစ်သည်။

ref;MyanmarDigitalLife

Read More

MPT (၁၅၀၀) တန် Sim Card မှောင်ခိုဈေး (၈) ဆနီးပါး မြင့်တက်

ရန်ကုန်
ထက်ဝေထွန်း

မြန်မာ့ဆက်သွယ်ရေး လုပ်ငန်း (MPT) သမိုင်းတ လျှောက် ပထမဦးဆုံး အကြိမ် လက်လီ ရောင်းချသော (၁၅၀၀)တန် Sim Card များမှာ စတင် ရောင်းချသည့် နေ့တွင် မှောင်ခိုဈေး ရှစ်ဆနီးပါး မြင့်တက်ခဲ့ကြောင်း သတင်းရရှိသည်။(၁၅၀၀) တန် MPT Sim Card များသည် ပြင်ပတွင် ကျပ် (၁၁၅၀၀) အထိ ဈေးနှုန်း မြင့်တက် သွားကြောင်း ဈေးကွက် အတွင်းမှ စုံစမ်း သိရသည်။ ဆိုင်ကလည်း ဒီနေ့ မရာင်းတော့ဘူး။ မနက် ကတည်းက ထပ်ထားတဲ့ သူတွေလည်း မရလို့ စောင့်နေ တာ အများကြီးပဲ။ 

 

ပွဲစားတွေ ဆီကနေ Sim Card ရယ်၊ ငွေဖြည့်ကဒ်ရယ် (၁၆၅၀၀) ပေးပြီး ၀ယ်လိုက်တယ်ဟု လေးထောင့်ကန်မြို့နယ်မှ လာရောက် ၀ယ်ယူသူတစ်ဦးက ပြောသည်။ MPT Sim Card ရောင်းချ နေသော အရောင်းဆိုင် တချို့၏ အနီးတွင် မှောင်ခို ဈေးကွက် ဖြစ်ပေါ်နေကြောင်း Sim Card ၀ယ်ယူသူများ ထံမှ သိရသည်။ လက်ရှိ ရောင်းချနေသော MPT ၏ ကျပ် (၁၅၀၀)တန် Sim Card တွင် အင်တာနက် ဖွင့်ပေးထားခြင်း မရှိကြောင်း၊ အင်တာနက် ဖွင့်လိုပါက ကျပ် (၁၀၀၀၀) ဖြင့် ဖွင့်နိုင်ကြောင်း သိရသည်။

Sim Card ၀ယ်ယူယူ များပြားသောကြောင့် တန်းစီကာ စောင့်ဆိုင်းခြင်း မပြုလုပ် လိုသူများက (၁၁၅၀၀) ကျပ် အထိပေးကာ ၀ယ်ယူမှုများရှိ နေကြောင်း Sim Card ၀ယ်ယူသူများ ထံမှ သိရသည်။ ပြီးခဲ့သည့် လအတွင်းက ပြည်ပအော် ပရေတာတစ်ခုဖြစ်သော အော်ရီဒူးကုမ္ပဏီက Sim Card များကို ရောင်းချစဉ် ကလည်း ၀ယ်ယူမှု များပြားခဲ့သည်။

နော်ဝေး အခြေစိုက်ကုမ္ပဏီ တစ်ခု ဖြစ်သော တယ်လီနော်ကုမ္ပဏီ သည်လည်း Sim Card များကို ယခု လဆန်း ပိုင်းတွင် ရောင်းချ သွားမည် ဖြစ်ကြောင်း သတင်းထုတ်ပြန်ထားသည်။ အောရီဒူး ကုမ္ပဏီသည် မြို့နယ်ပေါင်း (၆၈) မြို့နယ်တွင်သာ ရောင်းချနိုင်ပြီး မြန်မာ့ ဆက်သွယ်ရေး MPTသည် ပြည်နယ်နှင့် တိုင်းဒေသကြီးအသီးသီး မြို့နယ် ပေါင်း (၂၀၀) ကျော်တွင် ရောင်းချမည် ဖြစ်ကြောင်း မြန်မာ့ ဆက်သွယ်ရေးမှ သတင်းထုတ်ပြန်ထားသည်။

မြန်မာဆက်သွယ်ရေးလုပ်ငန်း MPTသည် ဆယ်လူလာဖုန်းများကို ကျပ်သိန်း (၄၀) ဖြင့် စတင် ရောင်းချခဲ့ပြီး (၀၉၅၀) ဖြင့် စသော GSM များ ကို ကျပ် (၁၅) သိန်းဖြင့် ရောင်းချခဲ့သည်။ လက်ရှိ အစိုးရ လက်ထက်တွင် ကျပ် ငါးသိန်း၊ နှစ်သိန်းအထိ တဖြည်းဖြည်း ဈေးနှုန်းလျှော့ချကာ ရောင်းချခဲ့ သည်။ (၁၅၀၀) ကျပ်တန် Sim Card များကို လက်လီ စနစ်ဖြင့် မရောင်းချခင်က ရပ်ကွက် အုပ်ချုပ်ရေးမှူးရုံးများတွင် မဲပေါက်သူကသာ ကျပ် (၁၅၀၀) နှုန်းဖြင့် ၀ယ်ယူခွင့်ရှိခဲ့သည်။

The Messenger

Read More

MPT ငွေဖြည့်ကတ် သုံးစွဲသူများအတွက် အပိုထပ်တိုးငွေများ ထပ်မံဖြည့်သွင်းပေးမည်

 

 

စက်တင်ဘာလ ၄ ရက်မှ ၁၂ ရက်အတွင်း မိမိတို့ဖုန်းကို ကြိုတင်ငွေ ဖြည့်သွင်းပါက ထပ်တိုးအပိုငွေများ ထပ်မံဖြည့် သွင်းပေးမည် ဖြစ်ကြောင်း မြန်မာ့ ဆက်သွယ်ရေး လုပ်ငန်း မှ သိရသည်။

မြန်မာ့ဆက်သွယ်ရေးလုပ်ငန်း၏ GSM၊ WCDMA မိုဘိုင်းဖုန်း အသုံးပြုသူ များအတွက် ယင်းကာလအတွင်း ငွေကျပ် ၅,ဝဝဝ ဖြည့်သွင်းသုံးစွဲပါက ၂ဝ ရာခိုင်နှုန်း၊ ငွေကျပ် တစ်သောင်းနှင့်အထက် ဖြည့်သွင်းသုံးစွဲပါက ၃ဝ ရာခိုင်နှုန်း ထပ်တိုး အပိုဖြည့်ငွေ ရရှိမည်ဖြစ်ကြောင်း သိရသည်။

မြန်မာ့ဆက်သွယ်ရေးလုပ်ငန်းသည် ဆင်းမ်ကတ်များ ပိုမိုလွယ်ကူစွာ ဝယ်ယူရရှိနိုင်ရေးအတွက် ဆောင်ရွက်လျက် ရှိပြီး မြန်မာ့ဆက်သွယ်ရေးလုပ်ငန်း၏ တန်ဖိုးနည်း ဆင်းမ်ကတ်များကို နိုင်ငံတစ်ဝန်း ပြည်နယ်နှင့် တိုင်းဒေသကြီး များရှိ လက်လီအရောင်းဆိုင်များတွင် စက်တင်ဘာလ ၁ ရက်မှစတင်၍ ၁,၅၀၀ ကျပ်ဖြင့် ကျယ်ကျယ်ပြန့်ပြန့် ရောင်းချ ပေးလျက်ရှိသည်။ ထို့ပြင် မြန်မာ့ဆက်သွယ်ရေးလုပ်ငန်းအနေဖြင့် ဆင်းမ်ကတ်များကို လစဉ်လတိုင်း ဝယ်ယူရရှိနိုင်ရေးနှင့် နိုင်ငံအနှံ့ရှိ မြို့များနှင့် မြို့နယ်တိုင်းတွင် ရရှိနိုင်ရေး ဆက်လက် စီစဉ် ဆောင်ရွက် သွားမည် ဖြစ်ကြောင်းသိရသည်။

Internet Journal

Read More

တစ်ရေးတစ်မောအိပ်ရန် သင့်လျော်ချိန်နှင့် နည်းလမ်းများ

 

 

နေ့ခင်းဘက်တစ်ရေးတစ်မောအိပ်ခြင်းမှာ သက်သောင့် သက်သာဖြစ်စေပြီး စိတ်ပင်ပန်းခြင်းကို လျှော့ချပေးကာ သတိရှိ မှုနှင့် စိတ်ခံစားချက်ပိုကောင်းစေပြီး မှတ်ဉာဏ်ပိုကောင်းခြင်း၊ စိတ်ရှုပ်ထွေးမှုလျှော့ချပေးခြင်း၊  အမှားနည်းပါးအောင် ကူညီပေးနိုင်ခြင်းတို့ကဲ့သို့ စိတ်စွမ်းရည်ကို မြင့်တက်စေနိုင်ကြောင်း မေယိုဆေးရုံမှ ကျန်းမာရေးကျွမ်းကျင်သူများက ပြောသည်။

 

နေ့ခင်းဘက်မည်မျှကြာကြာ တစ်ရေးအိပ်မည်၊ မည်သည့် အချိန်တွင် အိပ်မည်ဆိုခြင်းနှင့် ပတ်သက်၍ ကျန်းမာရေးပညာရှင်များ၏ လမ်းညွှန်ချက်များကို ဖော်ပြပေးလိုက်ပါသည်။ နေ့ခင်းဘက်တစ်ရေးတစ်မောအိပ်ခြင်းမှာ လူတိုင်းနှင့် မသင့်လျော်ပေ။ အကယ်၍ သင်သည် ညဘက်အိပ်မပျော်လေ့ရှိပါကနေ့ခင်းဘက်အချိန်အကြာကြီးအိပ်ခြင်း(သို့) နေ့ခင်းဘက် အချိန်အလွန်နောက်ကျပြီးမှ တစ်ရေးတစ်မောအိပ်ခြင်းမှာ ညဘက်(သို့)အိပ်ပျော်ရန် (သို့) နှစ်နှစ် ခြိုက်ခြိုက်အိပ်စက်ခြင်းကို အနှောင့်အယှက်ဖြစ်စေသည်။

သို့သော်လူအများစုအတွက် နေ့ခင်းဘက်တစ်ရေးတစ်မောအိပ်စက်ခြင်းမှာ ပိုမိုလန်းဆန်းပျော်ရွှင်စေသည်။
နေ့ခင်းဘက်တွင် မိနစ် ၂၀ မျှ အိပ်စက်ပေးခြင်းဖြင့် နိုးနိုးကြားကြားရှိမှုနှင့် စိတ်အာရုံစူးစိုက်မှုကို အားကောင်းစေသည်။ နှစ်ခြိုက်စွာ အိပ်ပျော်သောအချိန်များအပါအ၀င် မိနစ် ၉၀ ကြာတစ်ရေးတစ်မောအိပ်ပေးခြင်းဖြင့် ဖန်တီးနိုင်မှုကို အားကောင်းစေနိုင်သည်။
သို့သော်အိပ်နေရင်း နိုးသွားပါက လန်းလန်းဆန်းဆန်းဖြစ်မည့် အစား ပင်ပန်းနွမ်းနယ်စေသည်။ ယင်းအချိန်မပြည့်ခင်အကြောင်း တစ်ခုခုကြောင့် နိုးသွားပါကလည်း ပင်ပန်းနွမ်းနယ်နိုင်သည်။
နေ့လယ် ၁ နာရီနှင့် ၃နာရီကြား တစ်ရေးတစ်မောအိပ်ခြင်း မှာ အကောင်းဆုံးအချိန်ဖြစ်သည်ဟု ကျန်းမာရေးသတင်းဝက်ဘ် ဆိုက် Prevention.com က ဖော်ပြသည်။
တိတ်ဆိတ်ငြိမ်သက်၍ အလင်းရောင်မရှိသော မပူလွန်း၊  မအေးလွန်းသည့် နေရာတစ်နေရာရှာပြီး တစ်ရေးတစ်မောအိပ်စက်ရန် ကျွမ်းကျင်သူများက အကြံပေးထားသည်။ ကြိုးပုခက်ဖြင့် အိပ်စက်ခြင်းမှာ အိပ်ရာထဲ  အိပ်စက်ခြင်းထက် ပိုမိုနှစ်ခြိုက်စွာ လျင်လျင်မြန်မြန်စွာ အိပ်ပျော်စေကြောင်း ဆွစ်ဇာလန်နိုင်ငံမှ သုတေသီများ၏ လေ့လာမှုတစ်ရပ်က ဖော်ပြသည်။
ကော်ဖီသောက်ပြီး အိပ်စက်ပါဆိုခြင်းမှာ ထူးဆန်းနေ သော်လည်း ကော်ဖီသောက်၍ တစ်ရေးတစ်မောအိပ်ခြင်းဖြင့် အိပ်ပြီးနောက် နိုးနိုးကြားကြားဖြစ်စေရန် အကောင်းဆုံးနည်းလမ်း ဖြစ်ကြောင်း ဂျပန်နိုင်ငံမှ သုတေသီများကပြောသည်။ ကဖိန်းဓာတ်မှာ အပြည့်အ၀အစွမ်းပြရန် မိနစ် ၂၀ မှ ၃၀ အထိကြာမြင့်လေ့ရှိသောကြောင့် မိနစ် ၂၀ ကြာ အိပ်စက်ပါက ပို၍ပင် နိုးနိုးကြားကြားရှိစေမည်ဖြစ်သည်။

ညဘက်အိပ်စက်ချိန်အစား နေ့ခင်းဘက်တစ်ရေးတစ်မောမအိပ်ပါနှင့်။ တစ်ရေးမအိပ်ဘဲ တစ်နေ့တာဖြတ်ကျော်ရန် အလွန်ပင်ပင်ပန်းနေပြီဟု ခံစားရပါက ညဘက်လုံလောက်သော အိပ်ချိန်မရှိခြင်းကြောင့် ဖြစ်နိုင်သည်။ နေ့ခင်းဘက်အိပ်စက်ခြင်းမှာ ကျန်းမာရေးအတွက်ကောင်းသော်လည်း ညဘက်ဆုံးရှုံးသွားသော အိပ်စက်ချိန်အစား နေ့ခင်းဘက်မအိပ်ရန် ကျန်းမာရေးကျွမ်းကျင်သူများက ညွှန်ကြားထားသည်။
အိပ်ရေးမ၀ခြင်းကြောင့် သွေးတိုးရောဂါ၊ ဆီးချိုရောဂါ၊ ကိုယ်အလေးချိန်တိုးလာခြင်း၊ စိတ်ဓာတ်ကျခြင်းတို့ ခံစားရနိုင်ပြီး မတော်တဆဖြစ်မှုနှင့် အခြားအန္တရာယ်များလည်း ဖြစ်နိုင်သည်။

 

—Ref: RD Asia
http://www.7daydaily.com/story/19580#.VAXUZ2OM-So 

Read More

အပါယ်ဘေးကို ဆင်ခြင်ပါ

 

ငရဲ၌ ဖြစ်ရသော သတ္တဝါတို့၏ ကိုယ်သည် ၃-ဂါဝုတ် ပမာဏရှိ၏။

မြန်မာတိုင်အားဖြင့် ၄-တိုင်နှင့် တာ ၈ဝဝရှိ၏။ ငရဲထိန်းတို့သည် ထိုမျှ ကိုယ်ခန္ဓာ ကြီးမားသော ငရဲသားကို
အလျှံတပြောင်ပြောင် မီးစွဲလောင်သော သံမြေပြင်ပေါ်၌ပက်လက် အိပ်စေကုန်၏။ ထို့နောက် ညာဘက်လက်ဝါး၌ ထန်းလုံးခန့်ရှိ ရဲရဲတောက်သော သံစို့ကြီးကို ရိုက်နှက်သွင်းကုန်၏။
ဗယ်ဘက် လက်ဝါး၌လဲ နည်းတူပင် ရိုက်နှက်သွင်းကုန်၏။ ညာဘက်ခြေ ဗယ်ဘက်ခြေ ခါးလယ်တို့၌လဲ
နည်းတူပင်ရိုက်နှက်သွင်းကုန်၏။ ထိုအတူ မှောက်လျက် အိပ်စေ၍၄င်း၊
စောင်းလျက်အိပ်စေ၍၄င်း ၊ငါးပါးသော ဌာနတို့၌ သံစို့ကြီးများကို
ရိုက်နှက်၍ ညှင်းဆဲနှိပ်စက်ကုန်၏။

အကုသိုလ်ကံ မကုန်သေးမချင်း ငရဲသားကား မသေနိုင်။ ဤသို့ အညှင်းဆဲခံရသော ငရဲသားတို့သည်
●ရဲရဲတောက်သော သံမြေပြင်ကို မြင်ရုံမျှဖြင့်လဲ များစွာစိတ်ဆင်းရဲရ၏။
●အလွန်ကြမ်းတမ်းရက်စက်စွာကြိမ်းမောင်းပြောဆိုသော ငရဲထိန်းတို့၏ အသံကို ကြားရ၍လဲစိတ်ဆင်းရဲရ၏။
●သံမြေပြင်ပေါ်၌ အတင်းတွန်းလှဲ၍သိပ်ခြင်း၊
●မီးလောင်ခံရခြင်း၊
●သံစို့ကြီးများဖြင့် ရိုက်နှက်မည်ကို မြင်ရခြင်း၊
●ရက်စက်စွာ သံစို့ရိုက်နှက်ခံရခြင်းတို့ကြောင့်လည်းအတိုင်းမသိကြီးစွာသော ကိုယ်ဆင်းရဲ စိတ်ဆင်းရဲတို့ကို ခံစားရ၏။

ထိုသို့သော ကာလ၌ ကယ်ပါ၊ သနားပါ၊ချမ်းသာပေးပါ စသည်ဖြင့်မျက်ရည်စီးယိုငိုကြွေးမြည်တမ်းလျက်
တောင်းပန်သော်လဲ မည်သူကမျှ မကယ်၊ မသနား၊ချမ်းသာ မပေးချေ။
မိမဲ့ ဘမဲ့ဆွေမျိုးမဲ့ အဆွေခင်ပွန်းမဲ့၍ တကိုယ်တည်းသာဖြစ်လျက် ညှိုးငယ်စွာနှင့် အလွန်ကြီးမားသော
ဆင်းရဲတွေကို အော်မြည် ယောင်ယမ်းလျက် မိနစ်စက္ကန့်မျှ မခြားဘဲ ခံစား၍ နေရရှာလေတော့၏။

ထိုသို့သော ကာလ၌ ဝိပဿနာ အလုပ်ကိုအားထုတ်ခွင့် မရနိုင်တော့ချေ။ထို့ပြင် သံစို့ငါးချက်နှက်၍ မသေသေးသော ငရဲသားကို ငရဲထိန်းတို့သည် အိမ်မိုးတဘက်ခန့်ရှိသော
တံစည်းပေါက်ပြားကြီးတို့ဖြင့် ရှစ်မြှောင့်ပုံ ၊ခြောက်မြှောင့်ပုံ စသည်ဖြစ်အောင် မျဉ်းပစ်၍ ရွေခုတ်ကြပြန်၏။
သွေးတို့သည် မြစ်ဖြစ်၍စီးလေကုန်၏။ ထိုသွေးတို့မှ မီးတောက်ထပြန်၍ ရွေခုတ်ရာ
ကိုယ်၌ စွဲလောင်လေ၏။ အတိုင်းမသိသော ဆင်းရဲကို ခံစားရလေ၏။ ထိုစဉ်အခါ၌ ဝိပဿနာ အလုပ်ကို
အားထုတ်ခွင့် မရနိုင်တော့ချေ။

ထိုမျှဖြင့် မသေသေးလျှင် ဇောက်ထိုးတွဲလဲ ဆွဲထား၍ဗန်းကြီးခန့်ရှိ ပဲဂွပ်တို့ဖြင့် ပါးပါး ပါးပါးလွှာလျက်
ရွေခုတ်ကြပြန်၏။ ထိုမျှဖြင့်လဲ မသေသေးလျှင် မီးလျှံရဲရဲတောက်သောသံရထား၌ နွား မြင်း တို့ကဲ့သို့
တပ်၍ မီးကြီးခဲ တောင်ကြီးပေါ်သို့ တက်စေကုန်၏။ မတက်ဘဲ နေလျှင် ရဲရဲတောက်သောသံဒုတ်ကြီးများဖြင့်
အပြင်းရိုက်၍ တက်စေကုန်၏။ တောင်ထိပ်သို့ ရောက်လျှင် တဖန် ဆင်းစေကုန်၏။

ဤသို့ တက်ချည်ဆင်းချည် အဖန်ဖန် ပြုစေကုန်၏။ ထိုမျှဖြင့်လဲ မသေသေးလျှင် ကျိုက်ကျိုက်
ဆူပွက်လျက် ရဲရဲတောက်သော လောဟကုမ္ဘီခေါ် သံရည်ပွက် အိုးကြီးထဲသို့ ပစ်ချလိုက်ကုန်၏။
ထိုငရဲသားသည် သံရည်ပွက်ထဲ၌ ရှဲ-ကနဲကျ၍ ၊
အမြှုပ်တစီစီထလျက်နစ်မြုပ်သွားရှာလေ၏။ အနှစ်သုံးသောင်းကြားမှ ငရဲအိုး၏ အောက်စသို့ရောက်၏။
တဖန် အနှစ်သုံးသောင်းကြားမှ ငရဲအိုး၏အထက်နခမ်းဝသို့ ရောက်လျက် ပေါ်လာ၏။ ဘေးအရပ် မျက်နှာများသို့လဲ ဖီလာသွား၏။ ထမင်းအိုးပွက်သော အခါ၌ဆန်စေ့ကလေးများ ကဲ့သို့ပင်တည်း။
အတိုင်းမသိသော ဆင်းရဲနှင့် ရင်ဆိုင်တွေ့နေရလေ၏။ ထိုစဉ်အခါ၌ အားထုတ်ခွင့်ကိုကား မရနိုင်တော့ချေ။

ကံမကုန်သေး၍ ထိုမျှဖြင့် မသေပြန်လျှင် သံရည်ပွက်ထဲမှ ငရဲသားကို ထုတ်ယူ၍ ငရဲထိန်းတို့သည်
မီးတဟုန်းဟုန်းအမြဲတောက်လောင်လျက်ရှိသော ငရဲကြီးထဲသို့ ပစ်သွင်းလိုက်ကြပြန်၏။
ထိုငရဲကြီးသည်ကား အလျား အနံ အမြင့် ယုဇနာတရာစီရှိ၏။လေးထောင့်ညီသော သံသေတ္တာကြီးနှင့်တူ၏။ အရှေ့ဘက်နံရံမှ မီးလျှံသည် အနောက်နံရံကို ဖောက်ပြီးလျှင်
အပြင်ဘက်၌ ယူဇနာ တရာတိုင်အောင် ပူလောင်၏။

အနောက်နံရံ တောင်နံရံ မြောက်နံရံ အထက်သံမိုး အောက်သံမြေပြင်တို့မှ မီးလျှံတို့သည်လည်း နည်းတူချည်းသာတည်း။ ထိုငရဲကြီးအတွင်း၌ ထိုမှ ဤမှ ပြေးလွှားလူးလိမ့်
ဟစ်အော် မြည်တမ်းလျက် ကြီးစွာသော ဆင်းရဲဒုက္ခတို့ကို ခံစားရလေ၏။ နှစ်ပေါင်းများစွာ ကြာသော် တခါတရံ၌ ထိုငရဲကြီး၏ တံခါးဝတခုခုသည် ပွင့်၏။

ထိုအခါ၌ ငရဲသားတို့သည် ထွက်ရန် ထိုတံခါးဆီသို့ အတင်းပြေးကြ၏။ အချို့မှာ လမ်းခရီးတွင်ပင်မောပန်း
လူးလိမ့်လျက် ရှိကုန်၏။ အချို့မှာ တံခါးဝသို့ ရောက်ကုန်၏။ အနှစ်သိန်းပေါင်းများစွာကြာလျှင်
ထိုတံခါးကြီးသည်ပိတ်သွားလေ၏။

ထွက်နိုင်သော ငရဲသားသည်လည်း အပြင်သို့ ရောက်သည်နှင့် တပြိုင်နက် “ဘင်ပုပ် ငရဲ” ထဲသို့ ကျသွားလေ၏။ မစင်ဘင်ပုပ်ထဲ၌ နစ်မြုပ်နေစဉ် ဆင်၏ လည်ပင်းခန့် လှေလုံးခန့်ရှိသော ပိုးလောက်တို့က ကိုက်ခဲစားကြလေ၏။ထိုဘင်ပုပ်ငရဲမှ လွတ်ပြန်လျှင် ပြာပူငရဲသို့ ကျရောက်သွားပြန်၏။
ထိုငရဲ၌ အိမ်ထွတ်ခန့်ရှိသော မီးကျီးခဲ၊ရဲရဲတောက်သော ပြာပူတို့ဖြင့် လောင်ကျွမ်း၍
ဆင်းရဲကြီးစွာကို ခံစားရပြန်၏။

ထိုငရဲမှ လွတ်ပြန်လျှင် လက်ပံတော ငရဲသို့ရောက်ပြန်၏။ လက်ပံပင်တို့မှာ ၁၆လက်မ ရှည်သော ဆူးရှိကုန်၏။ ငရဲထိန်းတို့က “ရိုက်နှက်၍ ထိုလက်ပံပင်တို့၌တက်ချည်
ဆင်းချည် ပြုစေကုန်၏။ လက်ပံဆူးတို့သည် တက်သောအခါ၌ အောက်ဘက်သို့ လှည့်၍ နေကုန်၏။
ဆင်းသောအခါ၌ အထက်သို့ လှည့်၍ နေကုန်၏။ ကြောက်လန့်တကြား လျင်စွာ တက်ရ ဆင်းရသော ငရဲသား၏ ကိုယ်သည် ထိုလက်ပံဆူးတို့ဖြင့် ထိုးမိ၍ စုတ်ပြတ်ပြဲလျက် ရှိလေ၏။

ထိုငရဲမှလွတ်ပြန်လျှင် သံလျက်တောငရဲသို့ ရောက်ပြန်လေ၏။ရောက်သည်နှင့်တပြိုင်င်နက် သံလျက်နှင့်တူစွာ နှစ်ဘက်သွား ရှိသော အရွက်တို့သည် ကြွေ၍ ငရဲသား၏ ကိုယ်ပေါ်၌
ကျလေကုန်၏။ လက်၊ ခြေ ၊ နား၊ နှာ၊ ကိုယ်အင်္ဂါတို့သည် အပိုင်းအပိုင်း ပြတ်လေကုန်၏၊ ထ၍ ပြေးပြန်လျှင်
သံမြေပြင်၌ သင်ဓုန်းသွားတို့သည် ထွက်ပေါ်လျက်ရှိကုန်၏။ ရှေ့မှ သံတံတိုင်လည်း ကာရံလျက် ရှိလေ၏။
ထိုအခါ၌ အားထုတ်ခွင့်ကို မရနိုင်တော့ချေ။ထိုငရဲမှလွတ်ပြန်လျှင် “ဝေတ္တရဏီ” မည်သောကြိမ်ချောင်းငရဲသို့ ကျရောက်ပြန်လေ၏။ ထိုငရဲမှာ ကျိုက်ကျိုက်ဆူသော သံရည်အထိ ပြည့်၏။
သင်ဓုန်းသွားနှင့် တူသော နွယ်များ ကြာရွက်များရှိ၏။ အောက်မြေပြင်၌ သင်ဓုန်းသွားခင်းလျက် ရှိ၏။
ကမ်းပါးတို့၌လည်း သင်ဓုန်းသွားကဲ့သို့ ထက်သော ကြိမ်နွယ်များ သမန်းမြက်များ ရှိကြ၏။

ငရဲသားသည်ထိုချောင်းကို ဆင်းမိလျှင်-မြေပြင်မှ သင်ဓုန်းသွား ရှိသောကြောင့်၎င်း၊ သံရည်ပူဖြင့် လောင်ခြင်း စပ်ခြင်းကြောင့် ၎င်း ဗိုင်းကနဲလဲရှာလေ၏။
လဲလျှင် ကျိုက်ကျိုက်ဆူလျှက် ပူစပ်သော သံရည်ထဲ၌ စုန်ချည် ဆန်ချည် မျောနေလေ၏။
ကမ်းပါး၌ ရှိသောကြိမ် သမန်းမြက်တို့ဖြင့်လဲ ရှ၏၊ ချောင်းထဲ၌ ရှိသော နွယ်နှင့် ကြာရွက်တို့ဖြင့်လဲ ရှိ၏။
ငရဲသား၏ ကိုယ်သည် အစုတ်စုတ်အပြတ်ပြတ် ဖြစ်လေ၏။ ထိုစဉ်အခါ၌ အားထုတ်ခွင့်ကို မရနိုင်တော့ချေ။
စုန်ချည် ဆန်ချည် မျောလျက် အတိဒုက္ခ ရောက်နေသော ထိုငရဲသားကို ငရဲထိန်းတို့ တွေ့လျှင် သံ ငါးမျှားချိတ်ကြီးဖြင့် ဆယ်တင်၍ “ဘာအလိုရှိသလဲ”ဟု မေးကုန်၏။ တမင်းဆာသည်ဟု ဆိုလျှင် ရဲရဲတောက်သော သံတုံးသံခဲတို့ဖြင့်ပြည့်သော သံခြင်းတောင်းကြီးကို ယူလာကုန်၏။

ငရဲသားသည် ကြောက်လှသောကြောင့် ပါးစပ်ကို အတင်းပိတ်၍ ထားရှာလေ၏။ ထိုအခါ ငရဲထိန်းတယောက်က ပေါက်ချွန်းကြီးဖြင့် အတင်းပေါက်၍ ပါးစပ်ကို ဖွင့်၏။
အခြား ငရဲထိန်းတယောက်က ထိုနည်းတူပင် တဘက်မှ ပေါက်၍ ဖွင့်၏။ ထိုသို့ဖွင့်၍ ပါးစပ် ဟင်းလင်းပွင့်နေသောအခါ၌ ရဲရဲတောက်သောထို သံတုံး သံခဲတို့ကို တခုပြီးတခု ပစ်ထည့်၍
ကျွေးကြလေ၏။ ထိုသံတုံး သံခဲတို့သည် နှုတ်ခမ်းလျှာ အာခေါင် လည်ချောင်းအူတို့ကို လောင်ကျွမ်းပြီးလျှင်
အောက်ဒွါရမှ ထွက်သွားကုန်၏ ရေငတ်သည်ဟု ဆိုပြန်လျှင် ကျိုက်ကျိုက်ဆူပွက်သောသံရည်တို့ကို
လောင်းထည့်၍ ပေးကုန်၏။

ထိုသံရည်ပူတို့သည်လည်း နည်းတူပင် လောင်၍ အောက်ဒွါရမှ ထွက်သွားကုန်၏။ ငရဲသားသည်
မလှုပ်နိုင်ဘဲ ဆင်းရဲကြီးစွာကို ခံစားရလေ၏။ ကံမကုန်၍ မသေသေးပြန်လျှင် ထို ငရဲသားကို
ငရဲကြီးထဲသို့တဖန် ပစ်သွင်းလိုက်ကြပြန်၏။ ဤ ငရဲဒုက္ခတို့ကို “ဥပရိပဏ္ဏာသ ဗာလပဏ္ဍိတသုတ်၊
ဒေဝဒူတသုတ်” စသည်တို့၌ကျယ်ဝန်းစွာ ဟောထား၏။ ထိုသုတ်တို့မှယူ၍ ဤ၌ အကျဉ်းမျှ ပြဆိုခြင်း ဖြစ်သည်။

ဤသို့ ငရဲ၌ဖြစ်၍ ဆင်းရဲကြီးစွာတို့နှင့်ရင်ဆိုင်တွေ့နေရသောသူတို့သည် ဝိပဿနာအလုပ်ကို အားထုတ်ခွင့်မရနိုင်ရှာချေ။ သို့ဖြစ်၍ မိမိစိတ်ကို ဤသို့ ဆုံးမအားပေးအပ်၏။

■ဝိပဿနာ ရှုနေသော အို-သူတော်ကောင်း၊ သင်မမေ့နဲ့၊ မပျင်းနဲ့၊ မေ့လျော့ ပျင်းရိနေလျှင် သင်သည် သံသရာမှ ထွက်မြောက်နိုင်လိမ့်မည် မဟုတ်၊မလွတ်မြောက်နိုင်လျှင် တရံတခါ၌ ငရဲသို့ ကျရောက်လိမ့်ဦးမည်၊
ရှေးကလဲ ခံစားခဲ့ရလှလေပြီ၊ ငရဲဒုက္ခနှင့် ဧကံတွေ့နေစဉ်မှာ မျက်ရည်ကြီးငယ်ကျ၍ ဘယ်လိုပင် ငိုကြွေး တောင့်တ နေသော်လည်း သင်သည် ဤဝိပဿနာအလုပ်ကို
အားထုတ်ခွင့် ရမည်မဟုတ်ပေ။

■ယခုလို အခါသည်သာလျှင် အားထုတ်ခွင့်ရသောအခါ ပေတည်း။သို့ဖြစ်၍ သင်မပျင်းပါနဲ့၊
မမေ့ပါနဲ့၊ ဝိပဿနာ အလုပ်ကို ထက်သန်စွာ အားထုတ်ပါလော့ =
ဤသို့သော အဓိပ္ပါယ်ကိုပင်ရည်၍ ပေးတော်မူခဲ့သော အောက်ပါ ဘုရားအဆုံး
အမတော်ကို ရိုသေစွာ လိုက်နာပါလော့။“ဈာယ (တုဝံ) ဘိက္ခု မာ ပမာဒေါ၊မာ တေ ကမာဂုဏေ
ရမေဿု စိတ္တံ၊မာ လောဟဂုဠံ ဂိလီ ပမတ္တော၊မာ ကန္ဒိ ဒုခ မိဒန္တိ ဒယှမာနော။”
(ဓမ္မပဒ ၃၇၁-ဂါထာ)
ဘိက္ခု- ရဟန်း။
တုဝံ-သင်သည်။
ဈာယ-မနားမဆုတ် အားထုတ်ညီညာ ရှုမှတ်ပါလော့။
မာ ပမာဒေါ - မေ့၍မနေလေလင့်။
တေ စိတ္တံ - သင်၏စိတ်ကို။
ကာမဂုဏေ - ငါးပါးအာရုံ ကာမဂုဏ်ထဲ၌။
မာရမေဿု - မွေ့လျော်နှစ်ခြိုက်က်ပျော်ပိုက်၍ မနေစေလင့်။
ပမတ္တော - မေ့မေ့လျော့လျော့ ပေါ့တော့တော့ နေမိသောကြောင့်။
နိရဟံပတွာ - တရံတခါ ငရဲရွာသို့ရောက်လတ်၍။
လောဟဂုဠံ - မီးလျှံ တဟုန်းဟုန်းနှင့် သံတုံးသံခဲကို။
မာဂိလီ - အလိုမကျဘဲ မမျိုရမိ ပါစေလင့်။

ဒယှမာနော - ငရဲမီးတပြောင်ပြောင် အပူလောင်ခံရသည်ဖြစ်၍။
ဣဒံ ဒုက္ခန္တိ - ဒီဟာက ဆင်းရဲလှပါတကား ဟူ၍၊
မာ ကန္ဒီ - ဟစ်အော်ယောင်ယမ်းလျက် မမြည်တမ်း မငိုကြွေးရပါစေလင့်။

■တိရစ္ဆာန်ဘုံတွင် ပိုက်ကွန် မြှုံး စသည်ဖြင့် မိနေစဉ်ကာလ၌လည်း အားထုတ်ခွင့်မရနိုင်။
အဖျား၌ သံချွန်တပ်သောနှင်တံ ၊ ရိုးရိုး နှင်တံတို့ဖြင့် ထိုးဆွရိုက်နှက်ခံရလျက် ရထားဝန် လှည်းဝန်တို့ကို
ရုန်းဆောင်နေရသော မြင်း နွား ကျွဲဖြစ်စဉ်၌လည်း အားထုတ်ခွင့်မရနိုင်။

■ပြိတ္တာဘုံတွင် အနှစ် သိန်းပေါင်းများစွာ ကာလပတ်လုံး ဆာလောင် ငတ်မွတ်နေစဉ်၌လဲအားထုတ်ခွင့် မရနိုင်။ 

■ကာလကဉ္စိက အသုရကာယ် ဘုံတွင် အရိုး အရေမျှဖြင့် အတောင် ခုနစ်ဆယ် ရှစ်ဆယ် ပမာဏ ခန္ဓာကိုယ်ရှိလျက် မစားရ မသောက်ရဘဲ လေ နေပူ စသည်တို့ဖြင့် ပင်ပန်း ဆင်းရဲ နေစဉ်၌လဲ အားထုတ်ခွင့် မရနိုင်။

ထိုတိရစ္ဆာန် ၊ ပြိတ္တာ၊အသူရကာယ်တို့သည် အားထုတ်သော်လည်းဝိပဿနာဉာဏ် မဂ်ဖိုလ်ညာဏ်တို့ကို မရနိုင်ကုန်။ အိုသူတော်ကောင်း- လူဖြစ်နေစဉ် ယခုအခါသည်သာလျှင်
“ဝိပဿနာအလုပ်” ကို အားထုတ်နိုင်သည့် အခါပေတည်း။သို့ဖြစ်၍သင်မပျင်းနဲ့၊မမေ့နဲ့၊အားထုတ်ပါလော့။
ဤသည်ကား အပါယ်ဘေးကို ဆင်ခြင်၍ စိတ်ကို အားပေးပုံတည်း။

-【ဆဋ္ဌသင်္ဂီတိ ပုစ္ဆက၊ အဂ္ဂမဟာပဏ္ဍိတ၊ ကျေးဇူးတော်ရှင် မဟာစည် ဆရာတော်ဘုရားကြီး
ဝိပဿနာရှုနည်း မှ- 】

Dhamma Dãna Source ►

www.facebook.com/youngbuddhistassociation.mm

Read More

အမြဲတမ်းနေထိုင်ခွင့် PR စနစ် မြန်မာကျင့်သုံးတော့မည်

 

 ပြည်ထောင်စုဝန်ကြီး ဦးခင်ရီ (ဓာတ်ပုံ - ဗွီအိုအေမြန်မာပိုင်း)

 

PR ခေါ် နိုင်ငံခြား သားတွေကို မြန်မာပြည်မှာ အမြဲတမ်း နေထိုင်ခွင့် စနစ်ကို လာမယ့် အောက်တိုဘာလကုန် လောက်မှ စတင်ပြီး ကျင့်သုံးဖို့ ရှိနေကြောင်း လူဝင်မှု ကြီးကြပ်ရေးနဲ့ ပြည်သူ့အင်အားဝန်ကြီးဌာန ၀န်ကြီးက ပြောဆိုလိုက်ပြီး ဒီစနစ်ကို ကျင့်သုံးမယ်ဆိုရင် မြန်မာပြည်ဟာ စင်္ကာပူနိုင်ငံလို တိုးတက်လာနိုင်မယ်လို့ စီးပွားရေး ပညာရှင်တဦးက သုံးသပ်ပါတယ်။ အပြည့်အစုံကို ဗွီအိုအေသတင်းထောက် ကိုမိုးဇော်က သတင်းပေးပို့ထားပါတယ်။

တဘက်နိုင်ငံသားခံယူမှုကို စွန့်လွှတ်စရာမလိုဘဲ မြန်မာပြည်မှာ အချိန်အတိုင်းအတာတခုထိ နေထိုင်ခွင့်နဲ့ အလုပ်လုပ်ကိုင်ခွင့် ရရှိစေမယ့် PR ခေါ် အမြဲတမ်းနေထိုင်ခွင့်စနစ်ကို မြန်မာအာဏာပိုင်တွေက ၂၀၁၂ ခုနှစ်တည်းက စတင် ဆွေးနွေးဆောင်ရွက်ခဲ့ရာက လာမယ့် အောက်တိုဘာလကုန်လောက်မှာ စတင် ကျင့်သုံးတော့မှာ ဖြစ်ပါတယ်။

ဒီလို ကျင့်သုံးနိုင်တော့မယ့် အခြေအနေကို လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးခင်ရီ က အခုလို ပြောပါတယ်။

“အောက်တိုဘာလမှာ အကောင်အထည်ဖော်ဖို့ရှိပါတယ်။ နိုင်ငံတော်အကြီးအကဲ ကလည်း ကျနော့်ကို အောက်တိုဘာလမှာ အကောင်အထည်ဖော်ပါလို့ ပြောပါ တယ်။ အဲတော့ ကျနော်လည်း ကတိပေးပြီးပါပြီ။ အောက်တိုဘာလ နောက်ဆုံးရက် လောက်မှာ ဖြစ်အောင်လို့ ကျနော် လုပ်ပါမယ် PR စနစ်ကို။ ပြီးပါပြီခင်ဗျ နည်းဥပဒေပါ ကျနော်တို့ နိုင်ငံတော်အစိုးရကလည်း ခွင့်ပြုပြီးပါပြီ။ နောက်ပြီးတော့ လွှတ်တော်ကလည်း ခွင့်ပြုပြီးပါပြီ။ ဆိုတော့ အောက်တိုဘာမှာ အပြီး အကောင်အထည် ဖော်ပေးပါလို့လည်း အကြီးအကဲက သတ်မှတ်ပြီးသား။ ကျနော်ကတော့ အောက်တိုဘာလ နောက်ဆုံးပတ်လောက် အကောင်အထည်ဖော်မယ်လို့ ကျနော် ဒီမှာ ကတိက၀တ် ပြုပါတယ်။ Permanent Resident System ကို ပြောတာနော်။ ဟို PR မဟုတ်ဘူး။”

ဒါကတော့ အွန်လိုင်းကနေ ဗီဇာလျှောက်ထားတာကို စတင်ခွင့်ပြုကြောင်း ထုတ်ပြန်တဲ့ တနင်္လာနေ့က သတင်းစာရှင်းလင်းပွဲမှာ ပြောဆိုတာဖြစ်ပါတယ်။ အမြဲတမ်းနေထိုင်ခွင့်ကို  အသိပညာရှင်၊ အတတ်ပညာရှင်တွေ၊ ရင်းနှီးမြှုပ်နှံသူတွေ၊ တခြားနိုင်ငံသား ခံယူထားတဲ့ မြန်မာနိုင်ငံသားဟောင်းတွေနဲ့ မြန်မာနိုင်ငံသားတွေ နဲ့ နိုင်ငံခြားသားသွေးနှောသူတွေ ဆိုပြီး စံ ၄ မျိုး ခွဲခြား လက်ခံသွားဖို့နဲ့ အမြဲတမ်းနေထိုင်ခွင့် ပေးရာမှာတော့ ကနဦးကာလ နေထိုင်ခွင့်ကို  ၅ နှစ် ခွင့်ပြုဖို့ သတ်မှတ်ထားပါတယ်။ စီးပွားရေးပညာရှင် ဦးလှမောင်ကတော့ စင်္ကာပူနိုင်ငံမှာ ဒီစနစ်ကို ကျင့်သုံးပြီး တိုးတက်မှုရနေတာကြောင့်  မြန်မာပြည်မှာ အလားတူ တိုးတက်လာနိုင်ကြောင်း သုံးသပ်ပြောဆိုပါတယ်။

“စင်္ကာပူနိုင်ငံဟာ ဘာသယံဇာတ ဘာပစ္စည်းမှ မရှိပါဘူး။ နိုင်ငံလေး သေးသေးလေးပါ။ အင်မတန် ချမ်းသာကြွယ်ဝပါတယ်။ အဲ့ဒီလိုချမ်းသာသွားတာဟာ နိုင်ငံခြားကို သူတို့ စပါယ်ရှယ် Economic Zone တွေနဲ့ Industrial Zone တွေ ကျကျနနလုပ်ပြီးတော့ ဖိတ်ခေါ်ပြီးတော့ နိုင်ငံခြား ရင်းနှီးမြှုပ်နှံမှုတွေ လာလုပ်စေပါတယ်။ ဘယ်နိုင်ငံခြားသားဖြစ်ဖြစ် စင်္ကာပူမှာသွားပြီး အလုပ်လုပ်ရင် အလုပ်အကိုင်ရတာနဲ့ PR ရပါတယ်။ Permanent Resident လခကောင်းကောင်းနဲ့ အလုပ် အတည်တကျ ရသွားရင် မြေရော၊ အိမ်ရော ၀ယ်ခွင့်ရှိပါတယ်။ အဲ့ဒါကြောင့် စင်္ကာပူကို နိုင်ငံခြားသားတွေ လာပြီးတော့ ၀ိုင်းပြီး အလုပ်လုပ်လိုက်ကြတာဟာ စင်္ကာပူကြီး ဒီလောက် ချမ်းသာသွားပါတယ်။ အခု PR စနစ် ပေးတော့မယ်ဆိုပြီးတော့ ပြဌာန်းလိုက်ရင်တော့ ဥပဒေမှာ တိုင်းပြည်အတွက် အင်မတန်မှပဲ အကျိုးရှိပါတယ်လို့ပဲ ပြောချင်ပါတယ်။”

PR ခေါ် အမြဲတမ်းနေထိုင်ခွင့်စနစ် ကျင့်သုံးမယ်ဆိုရင် ရန်ကုန်မြို့က လူနေတိုက်ခန်းဈေးတွေလည်း ကျဆင်းလာနိုင်ကြောင်း ပြောပါတယ်။

“အခု သူတို့ PR မရတဲ့အတွက် ရပ်ကွက်တွေထဲက တိုက်ခန်းတွေမှာ လျှောက်ပြီးတော့ ငှားနေရပါတယ်။ ဟိုတယ်တွေကလည်း မလောက်လို့ သူတို့နဲ့ကိုက်ညီတဲ့ Resident တွေကလည်း မလောက်တော့ ရပ်ကွက်က တိုက်ခန်းတွေ ဈေးတွေ ခုန်ခုန်တက်သွားပါတယ်။ အဲတော့ အကယ်၍များ PR စနစ်ပေးပြီးတော့ သူတို့ ကျကျနန နိုင်ငံခြားရပ်ကွက်လေးတွေနဲ့ စနစ်တကျလေး ဖန်တီးပေးမယ်ဆိုရင် ဒီနေ့ တိုက်ခန်းဈေးနှုန်းတွေလည်း ပြန်ကျလာနိုင်တယ်။”
မြန်မာပြည်ရဲ့ ရိုးရာယဉ်ကျေးမှုအရ ထိန်းသိမ်းလုပ်ဆောင်နိုင်ရင် PR ခေါ် အမြဲတမ်း နေထိုင်ခွင့်စနစ် ကျင့်သုံးတာကြောင့် ဆိုးကျိုးသက်ရောက်မှုတွေ မရှိနိုင်ကြောင်းလည်း ပြောပါတယ်။

PR ခေါ် အမြဲတမ်း နေထိုင်ခွင့်စနစ် နဲ့ပတ်သက်တဲ့ လုပ်ငန်းညှိနှိုင်း အစည်းအဝေးတခုမှာတော့ နိုင်ငံတော် ဒုတိယသမ္မတ ဦးဥာဏ်ထွန်းက PR စနစ်ကျင့်သုံးတာကြောင့် နည်းပညာ၊ အရင်းအနှီး၊ လူ့စွမ်းအားအရင်းအမြစ်၊ အလုပ်အကိုင် အခွင့်အလမ်းတွေ မိမိတို့ နိုင်ငံအတွင်းသို့ စီးဝင်လာနိုင်ပြီး နိုင်ငံတော် ဖွံ့ဖြိုးတိုးတက်ရေးအတွက် အထောက်အကူကောင်းတွေ ရရှိနိုင်မှာဖြစ်သလို နိုင်ငံတော်ကပေးအပ်သည့် အခွင့်အလမ်းကောင်းတွေ ဆုပ်ကိုင်ပြီး ကြိုတင်စီမံမှုတွေနဲ့ နယ်ပယ် အသီးသီးကို နည်းမျိုးစုံဖြင့် စိမ့်ဝင်ထိုးဖောက် ဝင်ရောက်တာတွေလည်း ရှိလာနိုင်ကြောင်း၊ နိုင်ငံသားတွေအတွင်း ယှဉ်ပြိုင်မှုတွေ များပြားလာနိုင်ကြောင်းနဲ့ ရာဇဝတ်မှုတွေ များပြားလာနိုင်ကြောင်း ထောက်ပြ ပြောဆိုခဲ့ပါတယ်။

မြန်မာနိုင်ငံဟာ တည်ဆဲဥပဒေအရ နှစ်နိုင်ငံသားခံယူခွင့် ပြုမထားတာကြောင့် ပြည်ပမှ လာရောက်မယ့် ပညာရှင်တွေ၊ ရင်းနှီးမြှုပ်နှံသူတွေနဲ့ တခြားနိုင်ငံသားခံယူထားတဲ့ မြန်မာနိုင်ငံသားဟောင်းတွေကို တွေ့ကြုံရတဲ့ အခက်အခဲတွေ ဖြေရှင်းဖို့ PR ခေါ် အမြဲတမ်းနေထိုင်ခွင့်စနစ်ကို အကောင်အထည်ဖော်တာဖြစ်ကြောင်း အစိုးရက သတင်းထုတ်ပြန်ပါတယ်။

ကိုမိုးဇော် / ဗွီအိုအေ (မြန်မာပိုင်း)

Read More

ပွဲသိမ်းခရာ မမှုတ်သေးခင် ရှုံးပြီလို့မပြောပါနဲ့ဦး

ပွဲသိမ်းခရာ မမှုတ်သေးခင်
ရှုံးပြီလို့မပြောပါနဲ့ဦး..။

ကျားသစ်ဆိုတာ အရေခွံဆုတ်ပြီးမှ
တကယ်သေပြီလို့ အတည်ပြုနိုင်တယ်..။

ပိုးဟပ်တစ်ကောင်ဟာ ခေါင်းမပါဘဲနဲ့
ရက်အတော်ကြာ အသက်ရှင်နိုင်သေးတယ်ဆိုပဲ..။

အသက်ရှူ ရပ်သွားတာတောင်
ဦးနှောက်အလုပ်လုပ်နေရင်
သေပြီလို့ မဆိုနိုင်သေးဘူး..။

ငါ့နှလုံးခုန်သံ သဲ့သဲ့လေးပဲကျန်တော့လို့
မင်းသိပ်ပျော်နေလား ဟင်..။

စိတ်ချ…..
နောင်ဘဝကျရင်လည်း
ငါမင်းကိုပဲ ပြန်ချစ်ဦးမှာ..။

ဒီလိုပဲ..
တန်ဖိုးရှိတဲ့ မိန်းမဆိုတာ
စာအုပ်ကောင်းတစ်အုပ်လိုပဲ
ဘယ်လောက်ဟောင်နွမ်းစုတ်ပြတ်နေပါစေ
ပြန်ဖတ်တိုင်း အရသာရှိတယ်လေ..။
 

မင်းလူ

Read More

ဦးနှောက်ကို ပျက်ဆီးစေသည့် အကြောင်းရင်းများ

 

ဦးနှောက်ကို ပျက်ဆီးစေသည့် အကြောင်းရင်းများ

၁။ မနက်စာ မစားသုံးခြင်း

၂။ အပူလွန်ကဲခြင်း

၃။ ဆေးလိပ် သောက်သုံးခြင်း

၎။ သကြား အလွန်အကျွံ စားသုံးခြင်း

၅။ ညစ်ညမ်းသော လေထုကို ရှုရှိုက်ရခြင်း

၆။ အိပ်ချိန် မမှန်ခြင်း

၇။ အိပ်နေစဉ် ခေါင်းတစ်ခုလုံးကို ခြုံအိပ်ခြင်း

၈။ ဖျားနေစဉ် ဦးနှောက် အနား မပေးပဲ အလုပ်လုပ်ခြင်း

 

၉။ တွေးခေါ်မှု နည်းပြီး ပျင်းရိစွာ နေထိုင်ခြင်း

၁၀။ စကား နည်းခြင်း

အထက်ပါ ဆယ်ချက် ကြောင့်မို့ ဦးနှောက် ကျန်းမာရေးကို ဆိုးရွားစွာ ထိခိုက်ပြီး ဥာဏ်ရည် ဖွံ့ဖြိုးတိုးတက်မှု ကိုလည်း နှေးကွေး စေမှာ ဖြစ်ပါ တယ်။ ဦးနှောက်က လိုအပ်တဲ့ ဇိဝ အစား အစာ ၊ လေ အာဟာရ၊ စိတ် အာဟာရ များကို မပေးစွမ်း ခြင်းက ဦးနှောက် ကျန်းမာရေးကို ထိခိုက် ပျက်ဆီး စေမှာ ဖြစ်ပါတယ်။

 

Ref : http://shweeainthulaymobileservicecenter.blogspot.com

 

Read More

တယ်လီနော ဆင်းမ်ကတ်များ ယခုလအတွင်း ရောင်းချမည်ဟု အတည်ပြု အင်တာနက် အသုံးပြုခ မထုတ်ပြန်သေး

ရန်ကုန် စက်တင်ဘာ ၁
တယ်လီနော ဆင်းမ်ကတ်များကို ယခုလ အတွင်း ရောင်းချ မည်ဖြစ် သော်လည်း စတင် ရောင်းချ မည့်ရက်ကို အတည်မပြုနိုင် သေးကြောင်း တယ်လီနော ပြန်ကြားရေး တာဝန်ခံ ဦးစိုးသူထွန်းက ပြည်ထောင်စု နေ့စဉ်သို့ ယနေ့ ပြောသည်။
ဦးစိုးသူထွန်းက ''ဒီလထဲမှာ ရောင်းချမှာတော့ အတည်ပြုနိုင်ပါတယ်။ စတင် ရောင်းချမယ့် ရက်နဲ့ အင်တာနက်အသုံးပြုခကို မထုတ်ပြန်သေးပါ ဘူး''ဟုပြောသည်။
ဖုန်းခေါ်ဆိုခမှာ မည့်သည့်ဖုန်းကို မဆိုတစ်မိနစ် ၂၅ကျပ်နှုန်းကောက်ခံ သွားမည်ဟု ၄င်းကပြောသည်။ ဆင်းမ်ကတ်ဈေးနှုန်းကိုလည်း ကျပ် ၁၅ဝဝ ထက်မပိုသောနှုန်းထားဖြင့် ရောင်းချပေးသွားမည်ဟု သိရသည်။ တယ်လီ နောအနေဖြင့် ဆင်းမ်ကတ်များမရောင်းချမီ Huawei ကုမ္ပဏီနှင့် နားလည်မှုစာချွန်လွှာစာချုပ်စတင်ချုပ်ဆိုခဲ့သည်။
အဆိုပါနားလည်မှုစာချွန်လွှာအရ အရောင်းမြှင့်တင်မှုလုပ်ငန်းများ Huawei ၏ Portfolioကို တယ်လီနော၏ Channel များမှတစ်ဆင့် ဖြန့်ချိပေးခြင်းစသည့်ပူးပေါင်းဆောင်ရွက်မှုများပါဝင်သည်ဟုသိရသည်။
ပုဂ္ဂလိကဆက်သွယ်ရေးအော်ပရေတာတစ်ခုဖြစ်သည့် Ooredoo အနေဖြင့် ကျပ် ၁၅ဝဝ တန်ဆင်းမ်ကတ်များကို သြဂုတ်လဆန်းက စတင်ရောင်းချခဲ့ပြီး အင်တာနက်အသုံးပြုခအတွက် Data Base စနစ်ကိုအသုံးပြုကောက်ခံခဲ့ကာ မိုဘိုင်းလ်ဖုန်းကုမ္ပဏီတစ်ခုဖြစ်သည့်ှSamsung နှင့်ပူးပေါင်းဆောင်ရွက်နေသည်။
The Union Daily

Read More

နိုင်ငံခြား စီးပွားရေး လုပ်ငန်းရှင်များ အတွက် ကန့်သတ် ထားချက်များမှ ၁၁ချက်ဖယ်ရှား

ရန်ကုန် စက်တင်ဘာ ၁
မြန်မာနိုင်ငံ ရင်းနှီးမြှုပ်နှံမှု ကော်မရှင်သည် နိုင်ငံခြား စီးပွားရေး လုပ်ငန်းရှင်များ အတွက် ချမှတ် ထားသော ကန့်သတ်ထားချက်များ အနက် (၁၁)ချက်ကို ဖယ်ရှားပေး လိုက်ကြောင်း ဆင်ဟွာသတင်း ဌာနက ယနေ့ဖော်ပြသည်။
စီးပွားရေး လုပ်ငန်း လုပ်ဆောင် ရန် အတွက် အခက်အခဲများကြုံတွေ့ စေသည်ဟုတွေ့ရှိခဲ့၍ ဖယ်ရှား လိုက်ခြင်း ဖြစ်သည်ဟု ဆိုသည်။ ဖယ်ရှားလိုက်သော အချက်များထဲ တွင် ကျောက်စိမ်းနှင့် ကျောက်မျက် ရတနာကဏ္ဍများတွင်လုပ်ငန်းလုပ် ကိုင်ခွင့်ပိတ်ပင်ထားခြင်း၊အသေးစား နှင့် အလတ်စားသတ္တုတူးဖော်ရေး လုပ်ငန်းများ ပိတ်ပင်ထားခြင်း၊ သတင်းစာ၊ မဂ္ဂဇင်းနှင့်ဂျာနယ်များ ထုတ်ဝေခွင့် ပိတ်ပင်ထားခြင်းဆို သည့်အချက်များ ပါဝင်ခဲ့သည်ဟု သိရသည်။မြန်မာနိုင်ငံရင်းနှီးမြှုပ်နှံ မှုကော်မရှင်သည် မြန်မာနိုင်ငံသား များနှင့် ပူးတွဲလုပ်ကိုင်ခွင့်ပြုထား သောကဏ္ဍများကိုလည်းအပြောင်း အလဲလုပ်ခဲ့သည်ဟု သိရသည်။
မြန်မာနိုင်ငံရင်းနှီးမြှုပ်နှံမှုကော်မရှင် ၏သတင်းထုတ်ပြန်ချက်တွင် ယခု နှစ်အတွင်း ပြည်တွင်းလုပ်ငန်းရှင် များလျှောက်ထားသော စီမံကိန်း ၃ဝ နှင့် နိုင်ငံခြားရင်းနှီးမြှုပ်နှံသူ များ လျှောက်ထားသောစီမံကိန်း ၆ဝကိုခွင့်ပြုခဲ့ကြောင်း၊ မြန်မာနိုင်ငံ တွင် နိုင်ငံပေါင်း ၃၄ နိုင်ငံက ရင်းနှီးမြှုပ်နှံမှုပြုလုပ်ထားပြီးရင်းနှီး မြှုပ်နှံမှုပမဏမှာ အမေရိကန် ဒေါ်လာ ၄၆ ဒသမ ၇၁ ဘီလီယံ ရှိကြောင်း ဖော်ပြသည်။
ပြည့်ဖြိုးနိုင်
The Union Daily

Read More

အချိန်နဲ့ပတ်သက်၍ သင် ဒါတွေ သိရှိပါစေ

အချိန်နဲ့ပတ်သက်၍ သင်ဒါတွေ သိရှိပါစေ
=============================

အချိန်ကိုချွေတာလျှင် ငွေကိုစု၍ အတိုးချသည်ထက်ပိုမို၍ ကြီးမားသော
အမြတ်ကိုရနိုင်၏။
(ဂလက်စတုန်း)

အချိန်သည် ငွေထက်တန်ဖိုးရှိ၏။
ငွေကို အချိန်ဖြင့် ရှာနိုင်သည်။
အချိန်ကို ငွေနှင့်ဝယ်၍မရ။
(အမေရိကန်စကားပုံ)

အချိန်သည် ဘဝတွင် အရင်းအနှီးပင်ဖြစ်၏။
မျက်မှောက်တွင် လုပ်နိုင်သည်ကို
အနာဂတ်ထိမရွေ့ပါနှင့်။ စောင့်ဆိုင်းခြင်းဆိုသည်မှာ
အချိန်သူခိုးပင်ဖြစ်သည်။
(သုတေသီထွေး)

မိမိအသက်ကို ချစ်ခင်ပါလျှင် အချိန်ကလေးများကိုနည်း၏ဟူ၍ အကုန်မခံပါနှင့်။ ထိုအချိန်ကလေးများကို စုပေါင်းထားခြင်းသည်အသက်မည်၏။
(ဖရန်းကလင်း)

ကြီးပွားတိုးတက်လိုသူ မည်သည့်လူမျိုးမဆိုမည်သည့်နာရီ မိနစ် စက္ကန့်မဆို အချိန်မှန်သမျှထဲမှကုသိုလ် ပညာ ဥစ္စာ ဤသုံးမျိုးတွင် တစ်မျိုးမျိုးကို
ရအပ်၏။ ဤသုံးမျိုးတွင် တစ်မျိုးမျိုးကိုမှ မရခဲ့ပါမူအချိန်ကို အလွဲသုံးစားပြုသည် မည်တော့၏။
(ဦးပဂျီငို)

တစ်နှစ်ရဲ့တန်ဖိုးကိုသိချင်ရင်စာမေးပွဲကျတဲ့ကျောင်းသားကို မေးကြည့်ပါ။

တစ်လရဲ့တန်ဖိုးကိုသိချင်ရင်လမစေ့ပဲ ကလေးမွေးတဲ့ မိခင်ကိုမေးကြည့်ပါ။

တစ်ပတ်ရဲ့ တန်ဖိုးကိုသိချင်ရင်အပတ်စဉ်ထုတ် ဂျာနယ်အယ်ဒီတာကို မေးကြည့်ပါ။

တစ်နေ့ရဲ့ တန်ဖိုးကိုသိချင်ရင်ကလေးခြောက်ယောက်ကို ကျွေးမွေးရတဲ့

နေ့စားအလုပ်သမားတစ်ယောက်ကို မေးကြည့်ပါ။တစ်နာရီရဲ့တန်ဖိုးကိုသိချင်ရင်

ဆုံစည်းခွင့်ကိုစောင့်နေကြတဲ့ချစ်သူများကို မေးကြည့်ပါ။

တစ်မိနစ်ရဲ့တန်ဖိုးကို သိချင်ရင်
ရထားမမီလိုက်တဲ့ ခရီးသည်ကို မေးကြည့်ပါ။

တစ်စက္ကန့်ရဲ့တန်ဖိုးကို သိချင်ရင်ယဉ်တိုက်မှုနှင့် သီသီလေးလွဲသွားတဲ့
ဒရိုင်ဘာကိုမေးကြည့်ပါ။

တစ်မီလီစက္ကန့်ရဲ့ တန်ဖိုးကိုသိချင်ရင်အိုလံပစ် ငွေတံဆိပ်ရှင်ကို မေးကြည့်ပါ။

ရခဲလှတဲ့ လူ့ဘ၀အချိန်မှာ တရားလည်းမမေ့ပါနှင့်...

Credit - Original Collectors

 

 

Read More