Android အသုံးပြုသူငါးသန်းခန့်သည် အန္တရာယ်ရှိသည့် app များကို download ပြုလုပ်နေဟုဆို

Android Market တွင်ရရှိနိုင်သည့် app 13 ခု၌ Android.Counterclank ဟုခေါ်သော Trojan horse ဗိုင်းရပ်စ်တစ်မျိုးကိုတွေ့ရှိရကြောင်း လုံခြုံရေးကုမ္ပဏီတစ်ခုက သတိပေးပြောကြားခဲ့သည်။ အဆိုပါ malware သည် မိုဘိုင်းဖုန်းများမှ အရေးကြီးသည့်အချက်အလက်များကို စုဆောင်းရယူနိုင်ပြီး

ယင်း malware ကို Android အသုံးပြုသူတစ်သန်းမှ ငါးသန်းခန့်အထိက ရင်ဆိုင်နေရပြီဖြစ်ကြောင်း Symantec ၏ အဆိုအရသိရသည်။ ၎င်း malware သည် ယခုနှစ်အတွင်းဖြစ်ပွားခဲ့သည့် တိုက်ခိုက်မှုများတွင် အကြီးမားဆုံးဖြစ်ပြီး တချို့သော app များကို Android Market ၏စာရင်းမှ ဖယ်ရှားပေးခဲ့ပြီးဖြစ်ကာ အကယ်၍ Android အသုံးပြုသူများအနေဖြင့် အန္တရာယ်ရှိသော app များကို download ပြုလုပ်ထားမိပါက အလျင်အမြန်ပြန်လည် uninstall ပြုလုပ်သင့်ကြောင်း သတိပေးထားသည်။ အဆိုပါ app 13 ခုမှာ iApps7 Inc ၏ CounterElite Force, Counter Strike Ground Force, Counter Strike Hit Enemy, Heart Live Wallpaper, Hit Counter Terrorist, Stripper Touch girl, Orge Games ၏ Balloon Game, Deal Or Be Millionaire, Wild Man, redmicapps ၏ Pretty Women lingerie puzzle, Sexy Girls Photo Game, Sexy Girls Puzzle နှင့် Sexy Women Puzzle တို့ဖြစ်ကြသည်။ ၂၀၁၂ နှစ်ဆန်းပိုင်းမှစတင်၍ Android malware များ၏အန္တရာယ်မှာ မြင့်တက်လာခဲ့ပြီး အသုံးပြုသူများအနေဖြင့် နာမည်ဂုဏ်သတင်းကောင်းရှိသည့် publisher များ၏ app များကိုသာ ရွေးချယ်ပြီး download ပြုလုပ်သင့်ကြောင်းသိရသည်။

Ref:http://www.myanmarinternetjournal.com

Posted in: သတင္း