အခြေခံစားသောက်ကုန်ဈေးနှုန်းများ အတက်မရပ်သေး၊ သင်္ကြန်အပြီးတွင် ဈေးပြန်မကျဘဲ ၂၅ ရာခိုင်နှုန်းမှ ၁၀၀ ရာခိုင်နှုန်းထိ ဆက်တက်

ရန်ကုန်မြို့ရှိ အခြေခံစားသောက်ကုန်များ ရောင်းချရာဈေးအတွင်း ဈေးဝယ်နေကြသူများကို တွေ့ရစဉ်

မီတာခတိုးမြှင့်မှု၊ နိုင်ငံ့ဝန်ထမ်းများ လစာတိုးမြှင့်မှုဟူသော အရှိန်နှစ်ခုကြောင့် စတင်မြင့်တက်လာသော အခြေခံ စားသောက်ကုန်ဈေးနှုန်းများသည် သင်္ကြန်နှစ်ကူးကာလ ရောက်ရှိမှု အရှိန်ကြောင့် ဆက်လက်မြင့် တက်ခဲ့ပြန်သည်။

နှစ်စဉ် နှစ်ကူးကာလနီးကပ်ခြင်းနှင့် နှစ်ကူးကာလအတွင်း၌ အခြေခံစားသောက် ကုန်ဈေးနှုန်းများ မြင့် တက်လေ့ရှိပြီး နှစ်ကူးအလွန်တွင် ပြန်ကျမြဲဖြစ်သည်။

ယခုနှစ်တွင်မူ နှစ်ကူးကာလ လွန်မြောက်သော်လည်း ပြန်လည်ကျဆင်းခြင်း မရှိဘဲ အခြေခံစားသောက် ကုန်ဈေးနှုန်းအချို့မှာ ပို၍ပင် မြင့်တက်လာနေသည်။

ဈေးနှုန်းပြန်လည်ကျဆင်းရမည့်အစား သားငါးဈေးနှုန်းများသည် အနည်းဆုံး သင်္ကြန်မတိုင်ခင်ဈေးများထက် ၂၅ ရာခိုင်နှုန်းမှ အချို့ရာခိုင်နှုန်း ၁၀၀ အထိ ခုန်တက်လာခဲ့ခြင်းဖြစ်ရာ နှစ်ကူးကာလကြောင့် တက်ခြင်း မဟုတ်တော့ဘဲ မီတာခနှင့် နိုင်ငံ့ဝန်ထမ်းများ လစာတိုးမှုကို အခြေပြု၍ မြင့်တက်ခြင်းမျိုး ဖြစ်နေသည်။

သင်္ကြန်ကာလနီးချိန်မှ စတင်ကာ အခြေခံစားသော ကုန်များဖြစ်သော ကြက်သွန်နီ၊ ကြက်သွန်ဖြူ၊ ချင်းနှင့် အာလူးဈေးနှုန်းများ စတင်မြင့်တက်ခဲ့ပြီး ယခုသင်္ကြန်ကာလ ပြီးဆုံးချိန်တွင်လည်း ဈေးနှုန်းများ ဆက်လက်မြင့်တက်နေဆဲဖြစ်ကြောင်း သိရသည်။

ကြက်သွန်နီ တစ်ပိဿာယခင် ကျပ် ၆၀၀ မှ ယခု ၈၀၀၊ ကြက်သွန်ဖြူ တစ်ပိဿာ ယခင် ကျပ် ၁၈၀၀မှ ယခု ၂၅၀၀၊ အာလူး တစ်ပိဿာ ယခင်ကျပ် ၆၀၀ မှ ယခု ၈၀၀၊ ချင်း တစ်ပိ ဿာ လျှင် ယခင်ကျပ် ၂၀၀ မှ ယခု ကျပ် ၄၀၀၀၊ ကြက်ဥ၊ ဘဲဥတစ်လုံးလျှင် ယခင် ကျပ် ၁၀၀၊ ၁၁၀မှ ယခုကျပ် ၁၃၀၊ ၁၅၀ အထိ အသီးသီး ဈေးနှုန်းမြင့် တက်လျက်ရှိကြောင်း သိရသည်။

“ချင်းဈေးဆိုရင် ခုထိမကျသေးဘူး။ ၂၀၀၀ ကနေ တက်သွားတာ။ ဒါပေမဲ့ ကြက်သွန်နီကတော့ တစ်ပိဿာကို ၅၀ လောက်ပဲ ကျသွားတယ်။ သိသိသာသာ ကျသွားတာတော့ မရှိဘူး။ ကျွန်တော်တို့ ကုန်စည်ဒိုင် မှာတောင် ဈေးအကျ သိပ်မရှိတော့ လက်လီဈေးကွက်ဆိုရင်တော့ ကျဖို့ မရှိသေးဘူး။ အခုရက်ပိုင်းတော့ ကြက်သွန်ဖြူတွေက အနီတော့ ဈေးနည်းနည်း ပိုကျတယ်။ ဒါပေမဲ့ သယ်ယူစရိတ်နဲ့ ပြန်တွက်ကြည့်မယ် ဆိုရင် လက်လီရောင်းသမားတွေက ဈေးကို အရမ်းချရောင်းမှာ မဟုတ်ဘူး”ဟု ဘုရင့်နောင်ကုန်စည်ဒိုင်မှ သိရသည်။

 

ကြက်သား တစ်ပိဿာ ယခင် ကျပ် ၃၀၀၀ မှ ၈၀၀၀၊ ယခုအခါတွင် ၇၀၀၀မှ ၁၂၀၀၀၊ ၀က်သား တစ်ပိဿာ ကျပ် ယခင် ၅၀၀၀ မှ ၇၀၀၀၊ ယခု ကျပ် ၇၀၀၀မှ ၉၀၀၀၊အမဲသား တစ်ပိဿာ ယခင်ကျပ် ၆၀၀၀မှ ၈၀၀၀၊ ယခုကျပ် ၇၀၀၀မှ ၁၀၀၀၀၊ ငါးကြင်း ယခင် တစ်ပိဿာ ကျပ် ၄၀၀၀မှ ယခုကျပ် ၈၀၀၀၊ ငါးမြစ်ချင်း ယခင်တစ်ပိဿာကျပ် ၂၀၀၀ မှ ယခုကျပ် ၄၀၀၀ အသီးသီး ဈေးနှုန်းမြင့်တက်လျက်ရှိကြောင်း သိရသည်။ ငါးဈေးနှုန်းများမှာ ရာခိုင်နှုန်း ၁၀၀ (တစ်ဆ)မြင့်တက်နေပြီး အသားဈေးများမျာ ရာခိုင်နှုန်း ၄၀ ခန့် တက်လာသည် ကို တွေ့ရသည်။

“ဆန်၊ ဆီတွေကတော့ သိပ်မတက်ဘူး။ ဈေးသိသိသာသာ တက်တာက ကုန်ခြောက်တွေနဲ့ သားငါးတွေက တက်တယ်။ ငါးကြင်းတွေဆိုရင် တစ်ပိဿာ ၈၀၀၀ ရှိတယ်။ ဈေးနှုန်းကတော့ တက်ပြီးရင် ပြန်ကျရိုး ထုံးစံမှမရှိတာ။ သင်္ကြန်တက်ဈေးအတိုင်းပဲ ဖြစ်သွားတာ များတယ်”ဟု တာမွေမြို့နယ်နေ အိမ်ရှင်မတစ်ဦးက ဆိုသည်။

ဈေးနှုန်းမြင့်တက်ရာတွင် အနိမ့်ဆုံးကျပ် ၂၀၀၀ မှ ၄၀၀၀ အထိလည်းကောင်း၊ ကုန်ခြောက်ဈေးနှုန်းများမှာ ကျပ် ၅၀ မှ ၁၀၀၀ အထိ ယခင်ဈေးနှုန်းထက် မြင့်တက်ခဲ့ကြောင်း သိရသည်။

ထို့ပြင် ဗဟိုစံပြငါးဈေးမှ ငါးဒိုင်တစ်ဦးက “ဒီသင်္ကြန် မတိုင်ခင်ကတည်းက ကုန်အ၀င်နည်းလို့ဈေးတက် တာ။ နောက်ပြီး ငါးသင်္ဘောတွေကလည်း အထွက်နည်းတယ်။ငါးအရလည်း နည်းတယ်။ ဒါကြောင့် ခါတိုင်း ဈေးထက် နှစ်ဆလောက် ငါးဈေးတွေ တက်သွားတယ်။ အဲဒါမှ ကျွန်တော်တို့အတွက် ကိုက်မှာ။ အရင် တီလားဗီးယား တစ်ပိဿာ ၁၀၀၀ ဈေးကနေ ၂၀၀၀ နီးနီးလောက်ဖြစ်တယ်”ဟု ဆိုသည်။

ကုန်ခြောက်နှင့် သားငါးဈေးနှုန်းမှာမူ သင်္ကြန်မတိုင်ခင်ကပင် တက်ရိပ်ပြခဲ့ပြီး သင်္ကြန်ကျော်လွန်သော်လ ည်း ဈေးနှုန်းကျဆင်းခြင်း မရှိသေးဘဲ ဆန်၊ ဆီဈေးနှုန်းမှာမူ သင်္ကြန်မတိုင်ခင်နှင့် သင်္ကြန်အပြီးတွင် လည်း ဈေးအတက်အကျမရှိဘဲ ဈေးငြိမ်နေကြောင်း သိရသည်။ ယင်းကဲ့သို့ ဈေးနှုန်းမြင့်တက်မှုရှိရာ၌ ဒိုင်မှဝယ်ယူရသည့် လက်ကားဈေးနှုန်း မှာသိသာစွာမြင့်တက်ခြင်းမရှိဘဲ လက်လီအရောင်းဈေးကွက် ၌သာ ဈေးနှုန်းများဆက်လက်မြင့်တက်နေခြင်းဖြစ်ကြောင်း သိရသည်။

ယခုဈေးကွက်မှာ နှစ်ကူးအလွန်ကာလ ဈေးနှုန်းများဖြစ်၍ မတည်ငြိမ်သေးဟု ဆိုနိုင်သော်လည်း အကယ်၍ ဧပြီလကုန်ပိုင်းအထိ ယခုဈေးနှုန်းများအတိုင်း အခြေခံစားသောက်ကုန်အပြင် လူသုံးကုန်များပါ မြင့်တက် လာသည်ဆိုလျှင် အစိုးရ၏ မီတာခတိုးမြှင့်လိုက်မှုကြောင့်ဟု ယတိပြတ်ကောက်ချက်ချနိုင်ပြီ ဖြစ်သည်။

လျှပ်စစ်မီတာခတိုးလိုက်ခြင်း၊ ၀န်ထမ်းလစာ တိုးလိုက်ခြင်း အရှိန်များဖြင့် ကုန်ဈေးနှုန်းများ ဆက်တိုက် မြင့်တက်လာသော်လည်း အခြေခံလုပ်သားလစာများမှာမူ တိုးမြင့်လာခြင်း မရှိသည့်အတွက် ယခုဈေးနှုန်းများအတိုင်း ဆက်လက်သွားနေမည်ဆိုပါက ယခု ၂၀၁၄ ခုနှစ်အတွင်း အခြေခံလုပ်သားများ အနေဖြင့် စားဝတ်နေရေးအတွက် ပိုမို ရုန်းကန်ရဦးမည့် အခြေအနေရောက်ရှိလာမည် ဖြစ်သည်။

 

Eleven Media Group

Posted in: သတင်း