အပြည့်အစုံဖတ်ရန် >> http://www.ygnnews.com/2014/05/blog-post_7095.html
(Paula Bronstein/Getty Images)
ထိုင်းနိုင်ငံတွင် စစ်တပ် က အာဏာသိမ်း၍ ထိုင်းစတော့ ရှယ်ယာဈေးကွက်များ ပိတ်ထား သောကြောင့်မေလ ၂၂ ရက် ညနေပိုင်းနှင့် ၂၃ ရက်တစ်ရက်လုံး မြန်မာနိုင်ငံတွင် နှစ်လုံးထီ ဂဏန်း မထွက်နိုင် ကြောင်း သတင်းရရှိသည်။
ထိုင်းစတော့ရှယ်ယာ ဈေး ကွက် ပိတ်လိုက်သောကြောင့် မြန်မာနိုင်ငံရှိ မြို့ကြီး အများစု တွင် နှစ်လုံးထီ ရပ်နားထားပြီး ပဲခူးတိုင်းဒေသကြီးတွင် အခြား လိုင်းတစ်လိုင်းဖြင့် နှစ်လုံးထီက စားခဲ့ကြသည်။ ထိုင်းစတော့ရှယ် ယာဈေးကွက်များရက်ကြာရှည် ပိတ်ထားမည်ဆိုပါက နှစ်လုံးထီ ထိုးသူများလက်ခံလျှင် အခြား နိုင်ငံစတော့ရှယ်ယာဈေးကွက် ဖြင့် နှစ်လုံးထီကစားသွားမည်ဖြစ် ကြောင်း မြန်မာနှစ်လုံးထီဒိုင် ကြီး များကပြောသည်။
မေလ ၂၂ ရက်တွင်ထိုင်း နိုင်ငံ စစ်တပ်မှ အာဏာသိမ်းမှုကြောင့် စတော့ရှယ်ယာေ ဈး ကွက်ကို ထိုနေ့ည ၄ နာရီတွင် ပိတ်ထားခဲ့သည်။ ထိုသို့ပိတ် ထားသောကြောင့် ထိုင်းနိုင်ငံ စတော့ရှယ်ယာဈေးကွက်မှ ကိန်း ဂဏန်းကို ယူကာ တရားမ၀င် လုပ်ကိုင်နေသော မြန်မာနှစ်လုံး ထီဒိုင်များမှာ ထိုနေ့ညနေတွင် နှစ်လုံးထီဂဏန်းမထွက်နိုင်ဘဲ ရပ်ခဲ့သည်။ မြန်မာနိုင်ငံတွင် ထိုင်း နိုင်ငံစတော့ရှယ်ယာဈေးကွက် ဖြင့် နံနက်ပိုင်း နှစ်လုံးထီဂဏန်း နှင့် ညနေပိုင်း နှစ်လုံးထီဂဏန်းစသည်ဖြင့် နှစ်ကြိမ် ကစားကြ သည်။ မြန်မာနိုင်ငံတွင် အစိုးရက နှစ်လုံးထီနှင့် သုံးလုံးထီထိုးခြင်း ကို ခွင့်မပြုသော်လည်း နိုင်ငံတစ်ဝန်း နှစ်လုံး၊ သုံးလုံးထီ တရားမ၀င်ဈေးကွက်မှာ ကြီးမား သည်။ အစိုးရသစ်စတင်တာဝန် ယူသော ၂၀၁၁ နှင့် ၂၀၁၂ တွင် ယင်းလောင်းကစားမှုများကို ပိုမိုအရေးယူခဲ့သော်လည်း နောက် ပိုင်းတွင် ပုံမှန်ဖြစ်လာသည်။ နှစ် လုံး၊ သုံးလုံးထီဒိုင်နှင့် ရောင်းသူ များမှာ ဒေသခံရဲများအား လိုင်းကြေးပေးကာ လုပ်ကိုင်ကြ၍ လုံးဝပပျောက်ရန် မလွယ်ကူကြောင်း ကိုယ်တိုင်လုပ်ကိုင်နေသူများက ပြောသည်။
မေလ ၂၂ ရက် ညနေမှ စ၍ စတော့ရှယ်ယာ ဈေးကွက် ပိတ်လိုက်သောကြောင့် မြန်မာ နိုင်ငံရှိ အချို့မြို့များမှာ ညနေပိုင်း နှစ်လုံးထီဂဏန်းထိုးထားသူများ ကို ဒိုင်များက ငွေပြန်လျော်ပေး ခဲ့သည်။ သို့သော် ပဲခူးမြို့ဒိုင်ကြီး များမှာ အင်တာနက်ဂဏန်းဟုဆို ကာ နှစ်လုံးထီဖွင့်ပေးခဲ့ကြောင်း သတင်းရရှိသည်။
‘‘မနေ့က နေ့လယ်ဂဏန်း ထွက်တယ်။ ညနေ ၄ နာရီကျမှ ဈေးကွက်က ပိတ်သွားတာ။ ထိုး သားတွေကို ငွေပြန်ပေးခဲ့တယ်။ ထိုင်းစတော့ဈေးကွက် အကြာ ကြီးပိတ်ထားမယ်ဆိုရင် မလေး ရှားတို့၊ တရုတ်တို့ စတော့ဈေး ကွက်တွေနဲ့ ကစားဖို့ စိတ်ကူးထား ပါတယ်။ ထိုးသားတွေ သဘောတူရင်ပေါ့’’ဟု သန်လျင်မြို့ရှိ နှစ်လုံး ထီဒိုင်ကြီးတစ်ဦးကပြောသည်။
မြန်မာနှစ်လုံးထီဒိုင်ကြီးများ သည် ယခင်က ထိုင်းစတော့ဈေး ကွက်ကို ထိုင်းရုပ်သံလိုင်း ITV လိုင်းမှပြသသော စတော့ရှယ်ယာ ဈေးကွက်ဖြင့် နှစ်လုံးထီဂဏန်း ကစားခဲ့သော်လည်း ယခုနောက် ပိုင်းတွင် ထိုင်းနိုင်ငံအခြားရုပ်သံ လိုင်းဖြစ်သည့် MODERN NINE ရုပ်သံမှ ပြသသော စတော့ရှယ် ယာဈေးကွက်ဖြင့်သာ နှစ်လုံးထီ ကစားနေကြောင်း နှစ်လုံးထီဒိုင် ကြီးများကပြောသည်။
‘‘ဒိုင်ဆီမှာ စုထားတဲ့ ပိုက်ဆံ တွေ ပြန်ယူမယ့်အလှည့်မှာ ဂဏန်းက မထွက်တော့ ခွင်ပျက် တယ်။ စီးပွားဖြစ်ထိုးတဲ့သူတွေ အတွက် တော်တော်ဆိုးတယ်။ တခြားလိုင်းတွေနဲ့ ကစားလို့ ဂဏန်းယုံကြည်ရမယ်ဆိုရင် အ ကုန်လုံးလည်း ဆော့မယ်ဆိုရင် ဆော့ပါမယ်’’ ဟု ရန်ကုန်မြို့ တောင်ဥက္ကလာပမြို့နယ်ရှိ နှစ်လုံး ထီထိုးသူတစ်ဦးကပြောသည်။
ပဲခူးမြို့နှစ်လုံးထီဒိုင်ကြီးများ က ထိုင်းစတော့ဈေးကွက်ပိတ် လိုက်သောကြောင့် မေလ၂၂ ရက် ညနေပိုင်း နှစ်လုံးထီဂဏန်းကို အင် တာနက်ဂဏန်းဟုဆိုကာ ၁၁ ဂဏန်းဖြင့် အလျော်အစားလုပ်ခဲ့ ကြောင်း သတင်းရရှိသည်။
‘‘အင်တာနက်လိုင်းက လည်း ထိုင်းနိုင်ငံကလိုင်းပဲ။ သူ က အင်တာနက်ကနေကြည့်ပြီး လုပ်ရတာ။ ကျွန်တော်တို့ကတော့ အဲဒါနဲ့ အခု လောလောဆယ် အလျော်အစားလုပ်နေတယ်။ အဲ ဒီအင်တာနက်က ဒီနေ့ မနက် က ၆၂ ဂဏန်းထွက်တယ်။ ညနေက ၆၄ ပါ’’ဟု ပဲခူးမြို့နှစ်လုံးထီဒိုင် တစ်ဦးကပြောသည်။
‘‘မန္တလေးမှာလည်း ဒိုင်တွေ ပိတ်ထားကြတယ်။ လောလော ဆယ်စောင့်ကြည့်နေတယ်။ တစ် ခုခုနဲ့တော့ ထွက်နိုင်အောင် လုပ် မှာပါ’’ဟု မန္တလေးမြို့ရှိ နှစ်လုံး ထီဒိုင်တစ်ဦးကပြောသည်။
ထိုင်းစတော့ရှယ်ယာဈေး ကွက်ဖြင့် နှစ်လုံးထီကစားခြင်း မပြုမီ ၁၉၉၈ ခုနှစ်၌ တစ်လ၏ လဆန်း ၃ ရက်မှစ၍ ၉ ရက်အထိ ထွက်ရှိသော မြန်မာထီ နောက်ဆုံးဂဏန်းကိုယူ၍ တစ် လလျှင် ၇ ရက်သာ နှစ်လုံးထီ ကစားခဲ့ကြသည်။ ယခုနောက် ပိုင်းတွင် ထိုင်းစတော့ရှယ်ယာ ဈေးကွက်ဖြင့် စနေ၊ တနင်္ဂနွေ နှစ်ရက်သာနားပြီး တစ်နေ့နှစ် ကြိမ် နှစ်လုံးထီကစားနေကြခြင်း ဖြစ်သည်။
‘‘သုံးလုံးဂဏန်းက ရောင်း နေပြီ။ ရက်ကလည်း လိုသေး တော့ အချိန်မီပြန်ဖွင့်ပေးမလား လို့။ ဖွင့်မပေးရင်လည်း တချို့ဒိုင် တွေနဲ့ တိုင်ပင်ပြီးတော့ ထိုးသား တွေပြောပြီး တစ်ခုခုတော့ လုပ်ရ မှာပဲ။ ဂဏန်းထွက်အောင် လုပ်ရ မှာပေါ့’’ဟု သန်လျင်မြို့ရှိ နှစ်လုံး၊သုံးလုံးဒိုင်တစ်ဦးက သုံးလုံးထီ ထွက်ရက်ဖြစ်သော မေလကုန်အ ထိ ထိုင်းစတော့ရှယ်ယာ ဈေး ကွက် မဖွင့်လျှင် သုံးလုံးဂဏန်း ထွက်မည့် အစီအစဉ်ကို ပြော သည်။
စီးပွားရေးပညာရှင်များက နှစ်လုံး၊ သုံးလုံးထီကစားခြင်းမှာ တိုင်းပြည် စီးပွားရေး ပိုမိုကျပ် တည်းစေကြောင်း ပြောကြားထား သော်လည်း အခြေခံပြည်သူများ ကြားတွင် ထိုလောင်းကစားမှာ အလွန်ကျယ်ပြန့်စွာ ကစားနေကြ သည်။
Author: ငြိမ်းချမ်း / ရဲနိုင်
7day daily
0 comments:
Post a Comment