နာဂစ်မှာ ဘာကြောင့် လူတွေသိန်းချီသေခဲ့ရတာလဲ

သမိုင်းအမှန် ဖြစ်အောင်ရယ်မှီငြမ်းကိုးကားစရာဖြစ်အောင်ရယ် ဓမ္မဓိဋ္ဌာန်ကျကျရေးပေးပါ မျှော်နေစောင့် နေမယ်ဆရာ။Facebook မိတ်ဆွေတွေရဲ့ Comment လေးတွေ ပါ။ စိတ်ချပါ။

ကျွန်တော် ဖြည်းဖြည်းချင်းရေးသွားမှာပါ။ ဓမ္မဓိဋ္ဌာန်ကျကျရေးပေးပါလို့ ပြော လာတဲ့အတွက် ပထမဆုံး နာဂစ်ဟာဘာကြောင့် ဒီလောက်အပျက်အစီးများ ရ သလဲဆိုတာလေးနဲ့ပတ်သက်တဲ့လေ့လာထားမှုလေးတွေကို စပြောပြချင် ပါတယ်။ ဒါလေးတွေမပြောမီ ဒီဆုတောင်းလေးကိုတော့ တောင်းခွင့်ပြုပါ။

(၁) မှန်ကန်သောစကား၊
(၂) အကျိုးရှိတဲ့စကား၊
(၃) အဓိပ္ပာယ်ရှိတဲ့စကား၊
(၄) မိမိကိုယ်ကိုလည်းကောင်း၊ မိမိရဲ့မိသားစုဝင်တွေကိုလည်းကောင်း၊ မိမိရဲ့လူမျိုးနဲ့နိုင်ငံကိုလည်းကောင်း ဂုဏ်ကို မြှင့်တင်ပေးနိုင်သော စကား ပြောနိုင်သော ကိုယ် ဖြစ်ရပါလို၏။

ပထမဆုံးပြောပြချင်တာကတော့ ဘာကြောင့် နာဂစ်ဟာ ဒီလောက် အပျက်အစီး၊ အသေအပျောက်များခဲ့ရတာလဲ ဆိုတဲ့မေး ခွန်းနဲ့ပတ် သက်လို့ပဲ ဖြစ်ပါတယ်။ နာဂစ် မုန်တိုင်း ဟိုင်းကြီးကျွန်းကို ဝင်တော့မယ့် (၂-၅-၂ဝဝ၈) ရက် မနက်ပိုင်းမှာ နာဂစ်မုန်တိုင်းဟာ ဟိုင်းကြီးကျွန်းကို မဝင်မီ ပင်လယ်ပြင်ပေါ်မှာ ဆက်လက်မရွေ့ဘဲ ရပ်နေခဲ့တာ ၄ နာရီ လောက်ကြာပါတယ်။

မိုးလေဝသမှာတော့ ဒါကို Stationary ဖြစ်သွား တယ်လို့ ခေါ်ပါတယ်။ ပင်လယ်ပြင် မုန်တိုင်းတွေဟာ သွားနေရာက အဲဒီလို ရပ်သွားခဲ့ရင် ဒါဟာသွားနေကျလမ်းကြောင်းက ကွေ့တော့မယ် ပြောင်းတော့မယ်ဆိုတဲ့ သဘောပါပဲ။ မော်တော်ကားတွေ ကွေ့တော့မယ်ဆိုရင် အရှိန်လျှော့ပေးရ သလိုပါပဲ။

အဲဒီနောက်တော့ လမ်းကြောင်း ပြောင်းသွားခဲ့တော့တာပါပဲ။ သွားနေကျ ရခိုင်ကမ်းရိုးတန်းဘက်ကို မသွားတော့ဘဲ၊ တစ်ခါဖူးမျှ မလာဖူးတဲ့ လမ်းကြောင်းဖြစ်တဲ့ မြစ်ဝ ကျွန်းပေါ်ဒေသကို ဝင်ခဲ့တော့တာပါပဲ။ ဒီမှာ ပိုဆိုးသွားစေခဲ့တာကတော့ နာဂစ်မုန်တိုင်းဟာ ပင်လယ်ရေပြင်ပေါ်မှာ ၄ နာရီလောက် ရပ်နေခဲ့လေတော့ ရေငွေ့ ရရှိမှုတွေ (moisture supply) တွေ ကောင်းလာပြီး အားမွေးသွားသလို ဖြစ်သွားကာ အင်အား
ဟာ ရုတ်ချည်းဆိုသလိုမြင့်တက်သွားစေခဲ့တာပဲဖြစ်ပါတယ်။

Category I (74-95 mph) ကနေ Category IV (131-155 mph) ကို တက်လာစေခဲ့ပါတယ်။ အဲဒီလို အင်အားမြင့်တက်လာခဲ့ပြီးမှ မြစ်ဝ ကျွန်းပေါ်ကို ဝင်ခဲ့တာကြောင့်အပျက်အစီးကို ပိုဆိုးဝါး သွားစေခဲ့ တာ ဖြစ်ပါတယ်။ နောက်ပြီး ဦးတည်ရာဘက်ဟာ အရှေ့မြောက် ကိုသွားရမယ့်အစား အရှေ့ဘက်ကိုပဲ သွားခဲ့တဲ့ အတွက် ကမ်းရိုးတန်းနဲ့ အပြိုင် ဦးတည်ရာအတိုင်း သွားခဲ့လေတော့ ကမ်းလျှောက်မုန် တိုင်း ဖြစ်သွားခဲ့ရတာကလည်း မုန်တိုင်းကို ကုန်းတွင်းပိုင်းကို မြန်မြန် မဝင်၊ မြန်မြန် အား မလျော့စေနိုင်ခဲ့တာကလည်း အန္တရာယ်ကို ပိုဆိုးဝါးသွားစေခဲ့တာဖြစ်ပါတယ်။

ဒီနေရာမှာ ကျွန်တော်ကိုယ့်ကိုယ် ကိုယ်မေးခွန်းတစ်ခု အမြဲမေးမိပါတယ်။ နာဂစ်ဟာ အခုလို မြစ်ဝကျွန်းပေါ်ကို မဝင်ခဲ့ဘဲနဲ့ သူသွားနေကျ လမ်းကြောင်း အတိုင်း ရခိုင် ကမ်းရိုးတန်းကိုသာ ဝင်သွားခဲ့ရင် ဒီလောက် အသေအပျောက်၊ အပျက်အစီးများပါ့မလား ၊ ဆိုတဲ့မေးခွန်းပဲ ဖြစ်ပါတယ်။ ကျွန်တော် သေချာပေါက်ပြောရဲပါတယ်။ ဒီလောက် မသေနိုင်ဘူးလို့။ ဟုတ်တယ်လေဗျာ။ လွန်ခဲ့တဲ့ နှစ်ပေါင်း ၁၃၃ နှစ် (၁၈၇၇ မှ ၂ဝဝ၈ အထိကာလ)အတွင်း မြန်မာနိုင်ငံကို မုန်တိုင်း ၈၃ ကြိမ်ဝင်ခဲ့ဖူးရာမှာ ကျန်တဲ့ ၈၂ ကြိမ်က ရခိုင်ကိုဝင်ခဲ့တာပဲ။ အများဆုံး သေခဲ့တာဆိုလို့ ၁၉၆၈ ခုနှစ် မေလက ဝင်ခဲ့တဲ့ စစ်တွေမုန်တိုင်းပဲ ရှိပါတယ်။

အဲဒီတုန်းက လူ ၁ဝ၃၈ ဦးပဲ သေဆုံးခဲ့ပါတယ်။ ၂ဝဝ၆ ခုနှစ်က ချောင်း သာ၊ ငွေဆောင်ကမ်းခြေတွေကို ဝင်မွှေသွားခဲ့တဲ့ ဂွမြို့နားက ကမ်းခြေ ဖြတ် ဝင်သွားခဲ့တဲ့ ဆိုင် ကလုန်း မာလာ(Malar) မုန်တိုင်းဆိုရင် လေတိုက်နှုန်း 140 mph တောင်ရှိခဲ့တာပဲ။ နာဂစ်နဲ့ဘာထူးလို့လဲ။ လူတစ်ယောက် မျှတောင် မသေခဲ့ပါဘူး။ (အဲဒီ လူ တစ်ယောက်မှ မသေခဲ့တဲ့ မုန်တိုင်း မာလာတုန်းကလည်း ဒီ ဦးထွန်းလွင်ကြီးပဲ ဦးစီးခဲ့တာပါပဲဗျာ)

ခင်ဗျား စဉ်းစားဗျာ။ ဒီနာဂစ်မုန်တိုင်းပဲ ရခိုင်ကမ်းခြေကိုဝင်တော့ ဒီလောက်မသေဘူး။ မြစ်ဝကျွန်းပေါ် ကမ်းရိုးတန်းကို ဝင်တော့တစ် သိန်းကျော် သေတယ်။ ဒါဖြင့် ဒီေ လာက်သေရတာဟာ နာဂစ်က အဓိကလား။ မြစ်ဝကျွန်းပေါ်က အဓိကလား။

ဓမ္မဓိဋ္ဌာန်ကျကျ ရေးပေးပါဆိုလို့ ပြောရပါတယ်။ ဒါကိုတော့ စိတ်ချစေချင် ပါတယ်။ ကျွန်တော် ဟာ သုတေသီ စိတ်ဓာတ်နဲ့ အမှန်တရားကိုသာ ရှာဖွေသူပါ။ အစိုးရကို ကြိုက်အောင် မြှောက် လည်းရေးမှာ မဟုတ် သလို ကြောက်လို့လည်း ရှောင်ရေးမှာ မဟုတ်ပါဘူး။ ဒါဖြင့် မြစ်ဝ ကျွန်းပေါ်က ဘာဖြစ်နေလို့လည်း။ ကျွန်တော့်ရဲ့ သုံးသပ်ချက်လေး
ကတော့ ဒါကြောင့် ပါပဲဗျာ။

The Elements of Vulnerability of the Deltaic area are also high
due to

(1) Very low lying area.

မြစ်ဝကျွန်းပေါ်ဒေသဟာ မြေအလွန်နိမ့်ပါတယ်။ ကောင်းကင်မြေတိုင်း DEMS တိုင်းတာချက်တွေနဲ့တိုင်းကြည့်လိုက်တော့ ဘယ်..ဒီနေရာက ရေ ၅ မီတာလောက် တက် လာရင်ကို မြစ်ဝ ကျွန်းပေါ်တစ်ခုလုံးရဲ့ ၄၃ ရာခိုင်နှုန်းက ရေအောက်ရောက်သွားပြီ။ ၅ မီတာ ဆိုတာ ၁၇ ပေလောက် ရှိတာ။ နာဂစ်တုန်းက ကွင်းဆင်း တိုင်း တာချက်အရ သဘာဝဒီရေအထက် ပိုတက်ခဲ့တဲ့ မုန်တိုင်းဒီရေလှိုင်းအမြင့်က ၂၂ ပေ အထိ ရှိခဲ့ပါတယ်။

(၂)most populous area of the country

မြစ်ဝကျွန်းပေါ်ဒေသဟာ မြန်မာတစ်နိုင်ငံလုံးမှာ လူဦးရေ အထူထပ် အသိပ်သည်းဆုံးဒေသ။ ပွဲခင်းထဲ ခဲပစ်လိုက်သလိုပေါ့ဗျာ။ ပစ်မလွဲဆိုတာ ဒီဒေသမျိုးပေါ့။

(၃) many tributaries in Deltaic areas (seven river mouths)

မြစ်ဝကျွန်းပေါ်ဒေသဟာ မြစ်ကြောင်းစနစ်ကလည်း ရှုပ်သလား မပြောနဲ့။ မြစ်ချည်းက ၁၇ စင်း။ မြစ်ဝက ချည်းပဲ ၇ ပေါက်။ ဝင်လာတဲ့ ပင်လယ်ရေတွေ မျက်စိလည် သွားနိုင်တယ်။

၎) No storm shelters and high ground

နာဂစ်ဖြစ်တုန်းက မုန်တိုင်းခို အ ဆောက်အအ (Storm Shelter) ဆိုတာ ကြားတောင် မကြားဖူးဘူး။ အသက်ကယ်ကုန်းဆိုတာ ဘာမျှမရှိဘူး။ နာဂစ်ဖြစ်တုန်းက မိသားစု ၅ ဦးရှိတဲ့ တစ်ဦးတည်း ကျန်ရစ်တော့တဲ့ အိမ်ထောင်ဦး စီးတစ်ယောက်က ကျွန်တော်တို့အဖွဲ့ ကွင်းဆင်းတော့ ပြောပြပါတယ်။ နာဂစ်သတိပေးချက်ကို ကြိုသိလို့ သူကြို တင် ကာကွယ်တဲ့ အနေနဲ့ အဲဒီနေ့က ပင်လယ်ကို မထွက်တော့ပါဘူးတဲ့။ အိမ်မှာပဲ နေပါတယ်တဲ့။ ရေတွေ တက်လာတော့ သူတို့မိသားစု ၅ ဦးအိမ်အောက် ထက် ကနေ အပေါ်ထပ်ကိုပြောင်းပါတယ်။ ရေတွေ ထပ်တက်လာတော့ ထုပ်တန်းပေါ်ကို တက်ပါတယ်။ အဲဒီကနေ ထပ်တက်လာတော့ အိမ်အမိုးသွပ် ကိုလှန်ပြီး၊ ခေါင်မိုးပေါ်တက် ပါ တယ်။ အဲဒီကနေ ထပ်တက်လာတော့ ကျွန်တော်တစ်ယောက်တည်းပဲ ကျန်ပါတော့တယ်တဲ့။ ပြေးစရာမြေကို မရှိခဲ့ပါဘူးဗျာ။

(၅) No hazard maps and risk assessment had done yet

သဘာဝဘေးကာကွယ်စောင့် ရှောက်ရေးအတွက် အရေးပါလှတဲ့ မြေယာ အသုံးချမှုအတွက် Risk Map, hazard Map ဘာတစ်ခုမျှ လုပ်ထားတာ မရှိခဲ့ပါဘူး။ ဒီတော့ လူတွေက ရွာလေးတွေတည်ပြီး ရေလုပ်ငန်းနဲ့နီးတဲ့ ကမ်းစပ်တစ်လျှောက် ရွာတည်နေကြတော့ ပင်လယ်ကတက် လာမယ့်ရေလှိုင်းတွေကို ထွက်ကြိုနေကြသလိုပါပဲ။ ဒီရေ လှိုင်းတွေက အရင်တုန်းကမှ လူတစ်ယောက်တွေ့ဖို့အရေး အတော်လေး အထဲရောက်အောင် ကြိုးပမ်းနေရသေးတယ်။ အခုတော့ အေးဆေးပဲပေါ့။

(၆)No past experience and extremely hard to convince local people

မြစ်ဝကျွန်းပေါ်သားတွေဟာ ပင်လယ်မှာမွေး၊ ပင်လယ်ထဲမှာ အသက်မွေးဝမ်းကျောင်း နေခဲ့ကြပေမယ့် ဘာမုန်တိုင်းအတွေ့အကြုံမှ မရှိခဲ့ကြပါဘူး။ ၂ဝဝ၈ မတိုင်မီအ ထိ မြန်မာပြည်ကို မုန်တိုင်း ၈၂ ကြိမ် ဝင်ခဲ့ဖူးရာမှာ အားလုံးရခိုင်ကိုချည်းဝင်ခဲ့တာပါ။ မြစ်ဝကျွန်းပေါ်ဒေသကို ဆိုင်ကလုန်းအဆင့် မုန်တိုင်း တစ်ခါမျှ မဝင်ခဲ့ဖူးပါဘူး။

(၇) Risk knowledge on the disaster especially on storm surge is very low

မုန်တိုင်းဒီရေဆိုတဲ့ စကားကို မြစ်ဝကျွန်းပေါ် နာဂစ်ဒေသကလူတွေ ကြားတောင် မကြားခဲ့ဖူးပါဘူး။

(၈) Poor mobility mostly water ways along small canals by boats

ရွှေ့ပြောင်းပြေးလွှားဖို့ အလွန်ခက်ပါတယ်။ ရေလမ်းပဲရှိပါတယ်။ စက်လှေပေါ်မှာ ရှိသမျှပစ္စည်းတွေ၊ မိသားစုတွေ အကုန်တင်ပြီးပြေး ရင်တောင် ရေက ရေဆန်ဖြစ်မယ်။ ခရီးတွင်သလား မပြောနဲ့။ နောက် ကမျောလာတဲ့ ဗေဒါကတောင် လမ်းတောင်းရလိမ့်မယ်။

(၉) The non-linear interactions between the wind induced waves and the topography and high tides of the area is extremely high.

မြစ်ဝကျွန်းပေါ်ကမ်းရိုးတန်းဟာ ရေအနက်တိမ်တယ်၊ ဒီရေအတက်အကျ ခွင်ကြီးတယ်။ မြစ်များတည်ရှိမှု စနစ်က ရှုပ်ထွေးတယ်။ ဒါကြောင့် မုန်တိုင်းကြောင့် ပင်လယ်ထဲ ကရေတွေ တိုးဝင်လာရင် ဒီအချက်တွေက ရှုပ်ထွေးတဲ့ အပြန်အလှန် သက်ရောက်မှုတွေ (non-linear interactions) ကို ဖြစ်စေပြီး အတိုင်းအဆမဲ့ ရေလှိုင်းကြီးတွေ (exceptionally high waves) ကို ဖြစ်စေနိုင်ပါတယ်။ နာဂစ်မှာဖြစ်လည်း ဖြစ်ခဲ့ပါတယ်။

(၁ဝ) Extensive loss of Mangrove forests.

သဘာဝ ဘေးအတားအဆီးတွေဖြစ်တဲ့ သဘာဝ ဒီရေတောတွေ ကလည်း ပြုန်းတီးလို့ကုန်ပြီ။ ထင်းလုပ်ဖို့၊ သစ် လုပ်ဖို့၊ အိမ်ဆောက်ဖို့၊ လယ်ကွင်းဖော် ဖို့၊ လူနေရပ်ကွက် တိုးချဲ့ဖို့၊ ငါးမွေးဖို့၊ ပုစွန်မွေးဖို့၊ ဆီအုန်းပင်တွေစိုက်ဖို့၊ မီး သွေးဖုတ်ဖို့။ ……. ပြုန်းတီးလိုက်တာ ဘိုကလေးမှာဆိုရင် ဒီရေတောကို မကျန်တော့ပါဘူး။ ကဲ.. ကိုယ်စီး တဲ့မြင်း၊ အထီးအမ တော့ ကွဲလောက်ပြီထင်ပါတယ်။

ဒါတွေကို သဘာဝဘေးကာကွယ်စောင့်ရှောက်ရေးမှာ Vulnerability လို့ခေါ်ပါတယ်။ သဘာဝဘေးအန္တရာယ် ထိခိုက်နိုင်မှုအခြေအနေ လို့ ခေါ်ရင်ရမယ် ထင်ပါတယ်။ ဒီတော့ ခင်ဗျားတို့ ကြည့်။ မြစ်ဝ ကျွန်းပေါ်ဒေသဟာ Vulnerability ဘယ်လောက် မြင့်တယ်ဆိုတာ။ တစ်နည်းပြောရရင် အလွန် Risk ကြီးတဲ့ဒေသဗျ။ တကယ့်ကို
Glass House ပဲဗျ။

သဘာဝဘေး အန္တရာယ်ကာကွယ် စောင့်ရှောက်ရေးမှာ သတ်မှတ်ထားတာ တစ်ခုရှိတယ်ဗျ။ အဲဒါကတော့ Disaster = Hazard X Vulnerability လို့ ခေါ် ပါတယ်။ နာဂစ်ကလည်း Category IV ဆိုတော့ Hazard တန်ဖိုးကလည်းကြီး၊ မြစ်ဝကျွန်းပေါ်ဒေသဆိုတော့ Vulnerabilty တန်ဖိုးကလည်းကြီး။ ဒီတော့ဗျာ။ စတုတ္ထ တန်း နဲ့တောင် ပြိုင်စရာမလိုပါ ဘူး။ အဲဒီနှစ်ခုမြှောက်လို့ ရတဲ့ Disaster ကလည်း ကြီးပြီပေါ့။ ကမ္ဘာပေါ်မှာ ပျက်စီးမှုအကြီးမားဆုံး မုန်တိုင်း ၃ဝ မှာ ကမ္ဘာ့အဆင့် နံပါတ် ၈ ချိတ် သွားခဲ့ရတော့တာပေါ့။ မြန်မာ့အားကစားကတော့ မသိဘူးဗျာ။ မြန်မာ့မုန် တိုင်းကတော့ ကမ္ဘာကို လွှားသွားခဲ့တာတော့ အမှန်ပါပဲဗျာ။

မောင်ထွန်းလွင်(မိုးလေဝသ)

Popular Myanmar News Journal

Posted in: ဗဟုသုတ, သတင်း