ကမ္ဘာပေါ်တွင် ငွေကြေး အကုန်အကျ အများဆုံး အသုံးပြုဖန်တီးခဲ့သည့် ကာတွန်းရုပ်ရှင်(၁၀)ကား

တစ်ချိန်က ကာတွန်းရုပ်ရှင်များကို ကလေးကြိုက် ဖျော်ဖြေရေး ဇာတ်ကားများ သဖွယ်သာ သဘောထားခဲ့ ကြသည်။ သို့သော်လည်း ပြီးခဲ့သည့် ဆယ်စုနှစ်အတွင်း ကာတွန်းရုပ်ရှင်များ၏ လွှမ်းမိုးနိုင်စွမ်းသည် လူကြီးလူငယ်မရွေး ပရိသတ်များကို ဖမ်းစားလာနိုင်ခဲ့သည်။

ထို့ကြောင့်လည်း ဟောလိဝုဒ်မှ ရုပ်ရှင်ကုမ္ပဏီများက ကာတွန်းရုပ်ရှင်များကို အရင်းအနှီး အများ အပြားဖြင့် မြှုပ်နှံရိုက်ကူးလာခဲ့သည်။ DreamWorks၊ Pixarနှင့် Walt Disney တို့ကဲ့သို့ ကုမ္ပဏီကြီးများက နာမည်ကျော် သရုပ်ဆောင်များကို ကာတွန်းဇာတ်ကောင်များအတွက် အသံဖြင့် ကိုယ်စားပြု သရုပ်ဆောင်ရန် ငှားရမ်းခဲ့ကြသည်။

ကာတွန်းရုပ်ရှင်တစ်ခု၏ အောင်မြင်မှုကို အခြေပြု၍ ယင်း၏ နောက်ဆက်တွဲ ဇာတ်ကားများတွင် သရုပ်ဆောင်ကြေး မြင့်တက်လာတတ်ရာ တွမ်ဟန့်ခ်စ်သည် Toy Story ဇာတ်ကားတွင် ဒေါ်လာ (၅၀၀၀၀)သာ သရုပ်ဆောင်ကြေး ရခဲ့သော်လည်း Toy Story 2 တွင် ဒေါ်လာ(၅)သန်းထိ ပေးချေငှား ရမ်းခြင်း ခံခဲ့ရသည်။

ဟောလိဝုဒ်တွင် အဘက်ဘက်မှ ငွေကုန်ကြေးကျ အများအပြား အသုံးပြု ရိုက်ကူးထားသည့် ကာတွန်း ရုပ်ရှင်များစွာ ထွက်ပေါ်ခဲ့ရာ ယင်းတို့အနက် အသုံးစရိတ် အများဆုံး ကာတွန်းရုပ်ရှင် (၁၀)ကားကို ထုတ်နုတ်ဖော်ပြလိုက်ရပါသည်။

၁၀။ Frozen – ဒေါ်လာ(၁၅၀)သန်း


(၂၀၁၃)ခုနှစ်က ရုံတင်သည့် Frozenသည် Walt Disney ၏ (၆၃)ခုမြောက် ကာတွန်းရုပ်ရှင် ဖြစ်သည်။ ယင်းဇာတ်ကားကို ဖန်တီးရန်အတွက် ဒေါ်လာသန်း(၁၅၀)မျှ ကုန်ကျခဲ့သည်။

မည်သို့ပင်ဖြစ်စေ Walt Disney အနေဖြင့် ငွေကုန်ရကျိုးနပ်ခဲ့ပြီး ညီအစ်မနှစ်ဦး၏ နက်နဲသော သံယော ဇဉ်ကို ဖော်ကျူးသည့် ဇာတ်ကားလေးသည် သမိုင်းတစ်လျှောက် ရုံဝင်ကြေး ဒေါ်လာတစ်ဘီလီယံအထက် ရရှိသည့် ဒုတိယမြောက် ကာတွန်းရုပ်ရှင်အဖြစ် မှတ်တမ်းဝင်ခဲ့သည်။

ဟန်းခရစ္စတီယန် အန်ဒါဆန် ရေးသားသည့် The Snow Queenကို အခြေခံ ရိုက်ကူးထားသည့် ရုပ်ရှင် သည် အော်စကာ ဆုနှင်းသဘင်တွင် အကောင်းဆုံး Animated ရုပ်ရှင်ဆုအပြင် Let It Go သီချင်းဖြင့် အကောင်းဆုံး ဇာတ်ဝင်တေးဆုကိုပါ ဆွတ်ခူးနိုင်ခဲ့သည်။

၉။ Shrek the Third - ဒေါ်လာ(၁၆၀)သန်း


မိုက်ခ်မိုင်ယာစ်၊ ကင်မရွန်ဒိုင်ယက်ဇ်နှင့် အက်ဒီမာဖီတို့ နောက်ခံသရုပ်ဆောင်ခဲ့သည့် လူစာရင်းနှင့်ပင် Shrek ၏ တတိယမြောက် ဇာတ်ကားသည် ငွေကုန်ကြေးကျ များပြားမည်ဆိုသည်ကို ခန့်မှန်းနိုင်မည် ဖြစ်သည်။

နာမည်ကျော်များအတွက် သရုပ်ဆောင်ကြေးများ အပါအဝင် ဒေါ်လာ သန်း(၁၆၀) အသုံးပြုခဲ့ရပြီး (၂၀၀၇) ခုနှစ်က ရုံတင်သော ဇာတ်ကားသည် တစ်ကမ္ဘာလုံး အတိုင်းအတာဖြင့် ဝင်ငွေ ဒေါ်လာ (၇၉၉) သန်းထိ ပြန်လည် ရရှိခဲ့သည်။

ဘီလူးကြီး Shrek နှင့် ၎င်း၏ဇနီးသည် မင်းသမီး Fiona တို့၏ မိသားစု ဘဝကို အခြေပြု ရိုက်ကူး ထားသော ဇာတ်ကားသည် ယခင် Shrek ဇာတ်ကားများ၏ အောင်မြင်မှုကြောင့် ပရိသတ်များ၏ ကြိုဆိုအားပေးမှုကို ခံယူနိုင်ခဲ့သည်။

၈။ Wreck-It Ralph - ဒေါ်လာ(၁၆၅)သန်း


Walt Disneyက ထုတ်လုပ်သည့် ကာတွန်းရုပ်ရှင်သည် ဒေါ်လာ (၁၆၅)သန်းမျှ ကုန်ကျစရိတ် များပြား ခဲ့သော်လည်း ဒေါ်လာ (၄၇၁)သန်းမျှ ပြန်လည်ရရှိခဲ့သည့်အတွက် ထိုက်တန်သော မြှုပ်နှံမှု ဖြစ်ခဲ့သည်။

Walt Disney အနေဖြင့် ဂျွန်စီရိုင်လေး၊ ဆာရာဆေးလ်ဗားမန်း၊ ဂျက်မက်ဘရိုင်ယန်တို့ကဲ့သို့ နာမည်ရ သရုပ်ဆောင်များကို ယင်းဇာတ်ကားအတွက် ငှားရမ်းခဲ့သည်။

(၂၀၁၂)ခုနှစ်က ရုံတင်သော ဇာတ်ကားတွင် ရောင်ပြန်ဟပ်မှု ပုံရိပ်များကို ပိုမိုပီပြင်လာအောင် ဖန်တီးနိုင် ခဲ့ပြီး ပုံရိပ်ယောင် စတူဒီယို နည်းပညာသစ်များကိုလည်း စတင်မိတ်ဆက်နိုင်ခဲ့သည်။

၇။ How To Train Your Dragon - ဒေါ်လာ(၁၆၅)သန်း


ခရက်ဆီဒါ ကိုဝဲလ်၏ How To Train Your Dragon ဝတ္ထုကို မူရင်းအမည်အတိုင်းပင် ပြန်လည်ရိုက်ကူး သည့် 3D ကာတွန်းရုပ်ရှင်ကို (၂၀၁၀)ပြည့်နှစ်က ရုံတင်ခဲ့သည်။

Dream Works၏ လက်ရာသည် အောင်မြင်မှု ကြီးကြီးမားမား ရရှိခဲ့ပြီး တစ်ကမ္ဘာလုံး အတိုင်းအတာဖြင့် ဒေါ်လာ သန်း(၅၀၀)နီးပါးမျှ ပြန်လည် ရရှိခဲ့သည်။ အကျိုးအမြတ်များသလို အရင်းအနှီးလည်း များခဲ့သည့် ဇာတ်ကားအတွက် Dream Works အနေဖြင့် ဒေါ်လာ (၁၆၅)သန်းမျှ သုံးစွဲခဲ့ရသည်။

How To Train Your Dragon တွင် အသံသရုပ်ဆောင်များအဖြစ် ဂျေးဘာရူချဲလ်၊ ဂါရတ်ဘတ္တလာ၊ ကရိတ်ဂ်ျဖာဂူဆန်၊ အမေရိက ဖာရာရာ၊ ဂျိုနာဟေးလ်နှင့် ခရစ္စတန်ဝစ်ဂ်တို့က ပါဝင်သရုပ်ဆောင်ခဲ့သည်။ ယင်းဇာတ်ကား၏ နောက်ဆက်တွဲကို အမေရိကန် ပြည်ထောင်စုတွင် ယခုသီတင်းပတ်အတွင်း ရုံတင်သွားမည် ဖြစ်သည်။

၆။ Monsters Vs Aliens - ဒေါ်လာ(၁၇၅)သန်း


(၂၀၀၉)ခုနှစ်က ရုံတင်ခဲ့သော ဇာတ်ကားသည် Dream Works ၏ ရည်မှန်းချက်ကြီးကြီး ဖန်တီးခဲ့သည့် လက်ရာတစ်ခု ဖြစ်သည်။

ဒေါ်လာ(၁၇၅)သန်းထိ ကုန်ကျစရိတ်ရှိခဲ့သော Monsters Vs Aliens သည် (၁၉၅၀)ပြည့်လွန်နှစ်များမှ (၁၉၇၀)ပြည့်လွန် နှစ်များထိ လူကြိုက်များခဲ့သည့် ချောက်ခြား စိတ်ကူးယဉ် သိပ္ပံဇာတ်ကားများ၏ လွှမ်းမိုးခြင်းကို ခံခဲ့ရသည်။

ရီးစ်ဝှစ်သာစပွန်း၊ ဆတ်သ်ရိုဂန်၊ ဟုဂ်ျလော်ရီ၊ ရိန်းဝီလ်ဆန်၊ အေမီပိုလာ၊ ပေါလ်ရုဒ်နှင့် စတီဖန်ကိုးလ် ဘတ်တို့ ပါဝင်ထားသည့် ဇာတ်ကားသည် Dream Works ၏ ရိုက်ကူးသည့် (၁၈)ခုမြောက် ကာတွန်း ရုပ်ရှင် ဖြစ်ခဲ့ပြီး တစ်ကမ္ဘာလုံး အတိုင်းအတာဖြင့် ဒေါ်လာ (၃၈၁)သန်းမျှ ပြန်လည်ရရှိခဲ့သည်။

၅။ WALL-E - ဒေါ်လာ(၁၈၀)သန်း


Pixar၏ သမားရိုးကျ ဇာတ်လမ်းများမှ အသိသာဆုံး ခွဲထွက်ခဲ့သည့် WALL-Eသည် ထုတ်လုပ်မှု ကုန်ကျ စရိတ် ဒေါ်လာ သန်း(၁၈၀)ထိ ရှိခဲ့သည်။

ယင်းဇာတ်ကားသည် ကမ္ဘာမြေပေါ်မှ ညစ်ညမ်းမှုများကို လိုက်လံသန့်ရှင်းရန် ဒီဇိုင်းထုတ် ဖန်တီးထား သည့် အထီးကျန် စက်ရုပ်လေး၏ စွန့်စားခန်းကို ပုံဖော်ထားခြင်း ဖြစ်သည်။

ဇာတ်ကားအစ မိနစ်(၄၀)ခန့်ထိ ထူးခြားသော တင်ဆက်ပုံများကို တွေ့မြင်နိုင်ပြီး အပြန်အလှန် စကားပြောဆိုမှုပင် အလွန်နည်းပါးခဲ့သည်။ အစဉ်အလာဟောင်းများကို တော်လှန်ခဲ့သည့် Pixar ၏ ဇာတ်ကားသည် အောင်မြင်မှုများစွာ ရရှိခဲ့ပြီး ဒေါ်လာ သန်း(၅၂၀)ကျော်ထိ ရုံဝင်ကြေး ရရှိခဲ့သည်။

ယင်းဇာတ်ကားသည် အကယ်ဒမီ ဆုပေးပွဲတွင် ကဏ္ဍအတော်များများအတွက် ဆန်ခါတင်စာရင်းတွင် ပါဝင်ခဲ့ပြီး ထူးခြားမှု တစ်ရပ်အဖြစ် WALL-Eသည် TIME မဂ္ဂဇင်း၏ ဆယ်စုနှစ်အတွင်း အကောင်းဆုံး ရုပ်ရှင်များ စာရင်း၌ နံပါတ်(၁)နေရာ၌ သတ်မှတ်ခံခဲ့ရသည်။

၎။ Brave – ဒေါ်လာ(၁၈၅)သန်း


ကာတွန်းရုပ်ရှင် တစ်ခုအတွက် အကြီးအကျယ် ရင်းနှီးမြှုပ်နှံရန် Pixarက ထပ်မံရွေးချယ်လိုက်သလို Brave သည် ကုန်ကျစရိတ် များပြားသလောက် အောင်မြင်မှုလည်း ခမ်းနားခဲ့သည်။

စကော့တလန် ကုန်းမြင့်ဒေသရှိ တိုင်းပြည်တစ်ခုမှ မိဖုရားကြီးနှင့် အစဉ်အလာဟောင်းများကို ဖီဆန် လိုသော သမီးငယ်တို့ကြား ဆက်ဆံရေးကို ပုံဖော်ထားသည့် ဇာတ်ကားအတွက် Pixarက ဒေါ်လာ (၁၈၅)သန်းထိ အသုံးပြုခဲ့သည်။

(၂၀၁၂)ခုနှစ်တွင် ရုံတင်ပြီး အကောင်းဆုံး Animated ကာတွန်းရုပ်ရှင်အဖြစ် အကယ်ဒမီဆုနှင့် ရွှေကမ္ဘာ လုံးဆုများ ဆွတ်ခူးခဲ့သော အဆိုပါ ဇာတ်ကားသည် ဒေါ်လာ(၅၃၈)သန်းထိ ဝင်ငွေပြန်လည် ရရှိခဲ့သည်။

Pixarအတွက်လည်း Braveသည် ပထမဆုံး အမျိုးသမီး ဒါရိုက်တာ တစ်ဦးကို အသုံးပြုခဲ့ပြီး အမျိုးသမီး ဇာတ်ရုပ်တစ်ခုကို အသားပေးသည့် ပထမဆုံး ကာတွန်းရုပ်ရှင် အနေဖြင့် အမှတ်ရစရာ ဖြစ်ခဲ့သည်။

၃။ Monsters University – ဒေါ်လာ(၂၀၀)သန်း


အောင်မြင်မှုများစွာ ရရှိခဲ့သည့် Monsters, Inc., ကာတွန်းကို နောက်ဆက်တွဲအဖြစ် ရိုက်ကူးခဲ့သည့် Monsters Universityအတွက် ဒေါ်လာ သန်း(၂၀၀)ထိ အကုန်အကျခံရန် Walt Disney က ဆုံးဖြတ်ခဲ့ သည်။

Pixarက ဖန်တီးပြီး Walt Disneyက ထုတ်လုပ်ခဲ့သည့် ဇာတ်ကားသည် Pixar၏ ဖန်တီးမှုများတွင် တတိယမြောက် ဝင်ငွေအများဆုံး ရရှိသည့် မှတ်တမ်းကောင်းကို ပိုင်ဆိုင်ခဲ့ပြီး ဒေါ်လာ(၇၄၃)သန်းထိ ပိုင်ဆိုင်ခဲ့သည်။

အမှတ်တရ အခြေအနေတစ်ခုမှာ ယင်းဇာတ်ကားကို မရိုက်ကူးမီ ဒါရိုက်တာအဖွဲ့က ဟားဗတ်၊ စတန်းဖို့ဒ်၊ အလာဘားမား တက္ကသိုလ်ကြီးများတွင် ကျောင်းသူကျောင်းသားများ၏ နေထိုင်မှု ဓလေ့စရိုက် ပုံစံများနှင့် အသင်းအဖွဲ့များ၏ သဘောသဘာဝကို အသေးစိတ် သွားရောက်လေ့လာခဲ့ခြင်း ဖြစ်သည်။

၂။ Toy Story 3 - ဒေါ်လာ(၂၀၀)သန်း


Pixarက ဖန်တီးပြီး Walt Disney က ထုတ်လုပ်မှုပိုင်း တာဝန်ယူခဲ့သည့် နောက်ထပ် ဇာတ်ကားကောင်း တစ်ခုဖြစ်ပြီး စုစုပေါင်း ဒေါ်လာသန်း(၂၀၀)မျှ အကုန်အကျခံခဲ့ရသည်။

ယင်းဇာတ်ကားတွင် အသံဖြင့် ပံ့ပိုးသရုပ်ဆောင်သည့် မင်းသားတွမ်ဟန့်ခ်စ်သည် ဒေါ်လာ(၁၅)သန်းထိ သရုပ်ဆောင်ကြေး ရရှိခဲ့သည်။

Toy Story 3နှင့် ပတ်သက်၍ အထင်ကရ အရှိဆုံး မှတ်တိုင်တစ်ခုမှာ ကာတွန်းရုပ်ရှင် တစ်ခုအနေဖြင့် ဝင်ငွေ ဒေါ်လာတစ်ဘီလီယံအထက် ပထမဆုံးအကြိမ် ရရှိနိုင်ခဲ့ခြင်း ဖြစ်သည်။ (၂၀၁၀)ပြည့်နှစ်တွင် ရုံတင်သမျှ ဇာတ်ကားအားလုံးတွင်လည်း ရုံဝင်ကြေး အမြင့်ဆုံး ဇာတ်ကားအဖြစ် စံချိန်တင်ခဲ့သည်။

Toy Story 3သည် အကောင်းဆုံး ရုပ်ရှင်ဆု၊ အကောင်းဆုံး ဆင့်ပွားဇာတ်ညွှန်းဆုနှင့် အကောင်းဆုံး အသံတည်းဖြတ်ဆုများအတွက် အော်စကာ ဆန်ခါတင် စာရင်းတွင်ပင် အမည်တင်သွင်း ခံခဲ့ရသည်။

၁။ Tangled - ဒေါ်လာ(၂၇၄)သန်း


(၂၀၁၀)ပြည့်နှစ်က ရုံတင်သော ဇာတ်ကားသည် သမိုင်းတစ်လျှောက် ကာတွန်းရုပ်ရှင်များတွင် အသုံးစ ရိတ် အများဆုံးအဖြစ် ဒေါ်လာ(၂၇၄)သန်းမျှထိ ကျခံသုံးစွဲခဲ့သည်။

ရှည်လျားလှသည့် ရွှေရောင် ဆံပင်များနှင့် မိန်းမချောလေး တစ်ယောက်အကြောင်း ဂျာမန်ရိုးရာ ပုံပြင်လေး တစ်ပုဒ်ဖြစ်သည့် Rapunzelကို အခြေခံ ပုံဖော်ထားသော ဇာတ်ကားသည် တစ်ကမ္ဘာလုံး အတိုင်းအတာဖြင့် ဒေါ်လာ(၅၉၁)သန်းမျှ ပြန်လည်ရရှိခဲ့သည်။

Tangled ဇာတ်ကားကို ဖန်တီးရာတွင် Walt Disney အနေဖြင့် အခက်အခဲများစွာ ကြုံခဲ့ပြီး (၆)နှစ်ကြာမျှ အချိန်ယူခဲ့ရသည်။ မူလက ဇာတ်ကားအမည်ကို Rapunzel ဟုပင် ခေါ်ဝေါ်ရန် စီစဉ်ထားသော်လည်း ပရိသတ်များနှင့် ပိုမို၍ အကျွမ်းတဝင် ဖြစ်စေရန်အတွက် Tangledဟု အမည်ပြောင်းလဲဖြစ်ခဲ့သည်။

Walt Disneyက ထုတ်လုပ်သည့် အခု(၅၀)မြောက် ကာတွန်းရုပ်ရှင်သည် (၈၃)ကြိမ်မြောက် အော်စကာ ဆုပေးပွဲတွင် အကောင်းဆုံး ဇာတ်ဝင်သီချင်းဆုကို ရရှိခဲ့သည်။ 

_The Richest

7Day News Journal

Posted in: သတင်း, အနုပညာ