ကန့်ဘလူမှာ လယ်သိမ်းခံတောင်သူ ၆ ဦးကို ထောင်ဒဏ်တွေ ချမှတ်

 

 

 စစ်ကိုင်းတိုင်း ကန့်ဘလူမြို့နယ်မှာ လယ်သမား ၆ ယောက်ကို ပိုင်နက်ကျူးလွန်မှု၊ အကျိုးဖျက်ဆီး မှုတွေနဲ့ သက်ဆိုင်ရာက ပြီးခဲ့တဲ့ ၁၄ ရက်နေ့မှာ ထောင်ဒဏ်တွေ အသီးသီးချမှတ်လိုက်သလို နောက်ထပ် လယ်သ မား အယောက် ၁၀၀ ကျော်လည်း အမှုရင်ဆိုင် နေရတယ်လို့ သိရပါတယ်။
ထောက်ရှာအိုင်နဲ့ ပေကြီးရွာက လယ်သမား ကွန်ရက် ခေါင်းဆောင်နဲ့ ကျေးရွာ အုပ်ချုပ်ရေးမှူး နှစ်ယောက် ၊ အခြားလယ်သမား ၃ ယောက်ကို ကန့်ဘလူတရားရုံးက ထောင်ဒဏ်ချမှတ်လိုက်တာဖြစ်ပါတယ်။
ဒီကိစ္စနဲ့ ပတ်သက်လို့  တရားစွဲခံထားရသူ တောင်သူတစ်ဦးဖြစ်တဲ့ ကိုထွန်းနိုင်က အခုလိုပြောပါတယ်။
"ချတာတော့ ၆ ယောက်ပေါ့ဗျာ၊ ကျနော်တို့ တောင်သူလယ်သမားကွန်ရက်အဖွဲ့ဆိုပြီး ဖွဲ့စည်းတာတွေရှိတယ်လေ၊ ဦးသောင်းထွန်းကတော့ အဖွဲ့ခေါင်းဆောင်ပေ့ါဗျာ၊ ပေကြီး ဥက္ကဌ ဦးစိန်ထွန်း၊ ထောက်ရှာအိုင် ဥက္ကဌ ဦးဝင်းကို သူတို့ ၃ ယောက်ကတော့ တစ်ယောက်ကို ၂ နှစ်စီဗျ၊ ကိုကျော်ရင်ကတော့ သူ့ဘာသာသူ တောမီးဝင်ပြီးလောင်တာကို မူလတောင်သူက ရှို့ပါတယ်ဆိုပြီး တိုင်တာပေါ့ဗျာ၊ သူကတော့ ၁ နှစ်ကျတယ်ဗျ၊ ကိုဇော်မင်းကလည်း ၂ နှစ်၊ နောက်တစ်ယောက်ကလည်း ၂ နှစ် အဲတာကလည်း ထောက်ရှာအိုင်ကပဲ"
အဲဒီဒေသက လယ်ဧကတစ်သောင်းကျော်ကို ၁၉၉၉ ခုနှစ်မှာ ဒေသခံစစ်တပ်ကသိမ်းပြီး သကြားစက်တည်ခဲ့သလို၊ အဲဒီစက်ရုံကုန်ကြမ်းအတွက် ကြံစိုက်ခင်းတွေဖန်တီးပြီး လယ်သမားတချို့ ကို သီးစားခနဲ့ စိုက်ပျိုးခိုင်းနေတာဖြစ်တယ်လို့သိရပါတယ်။
မနှစ်ကတော့ ပိုနေတဲ့မြေတွေကို ပြန်ပေးတယ်လို့ ဆိုတဲ့အတွက် မူလတောင်သူတွေ ဝင်ရောက်ထွန်ယက်တဲ့အခါ သီးစားခနဲ့လုပ်နေတဲ့ လယ်သမားတွေကို တရားလိုအဖြစ် တရားစွဲခိုင်းခဲ့တာလို့ သိရပါတယ်။
RFA Burmese

Read More

အစ္စရေးက တိုက်ခိုက်မှုတွေ ရပ်ထားမယ်လို့ ကြေညာ

 

 

 ကြာသပတေးနေ့ ဒီနေ့ကစပြီး ဂါဇာမှာ လူသားချင်း စာနာတဲ့အနေနဲ့ အပစ်အခတ် ရပ်ထားမယ်လို့ အစ္စရေးဘက်က ပြောပါတယ်။ အစ္စရေးနဲ့ ဟာမတ်တို့ကြား ရက်အတန်ကြာ တဖက်နဲ့တဖက် ဒုံးကျည်တွေကို ပစ်ခတ်ပြီး အခုလို ကြေညာလိုက်တာဖြစ်ပါတယ်။
ရပ်သူရွားသားတွေ စားနပ်ရိက္ခာ စုဆောင်းနိုင်အောင် ဒေသစံတော်ချိန် ဒီကနေ့မနက် ၁၀နာရီကနေ ညနေ၃နာရီအထိ အပစ်ရပ်ထားမယ်လို့ အစ္စရေး စစ်တပ်ရဲ့ ထုတ်ပြန်ချက်မှာ ဖေါ်ပြထားပါတယ်။ ဒါပေမယ့် အခုလူသားချင်း စာနာတဲ့ အပစ်ရပ်မှုကို အခွင့်ကောင်းယူပြီးဟာမတ်တို့ဘက်က အစ္စရေး အရပ်ဘက်နဲ့ စစ်ရေးပစ်မှတ်တွေကို တိုက်လာရင်တော့ ပြတ်ပြတ်သားသား တုန့်ပြန်သွားမယ်လို့ အစ္စရေး ကာကွယ်ရေးတပ်ဖွဲ့က ဆိုပါတယ်။
ဂါဇာမှာ အဓိကအင်အားစုတခုဖြစ်တဲ့ ဟာမတ်တို့က အီဂျစ်တို့ကမ်းလှမ်းတဲ့ အပစ်အခတ်ရပ်စဲရေးကို ပယ်ချလိုက်ပြီး အစ္စရေးတို့ဘက်က အခုလိုဆောင်ရွက်တာဖြစ်ပါတယ်။
သူတို့ခေါင်းဆောင်ပိုင်းက အတည်မပြုတဲ့ အပေးအယူမျိုးကို လက်ခံမှာမဟုတ်ဘူးလို့ ဟာမတ်အဖွဲ့ ပြောခွင့်ရပိုဂ္ဂိုလ် ဆာမိ အဘူဇူရီကပြောပါတယ်။
အစ္စရေးတို့ဘက်က အင်္ဂါနေ့တုန်းကစအပစ်ရပ်ပေမယ့် ဂါဇာဘက်ကနေ ရော့ကက်တွေနဲ့ ဆက်ပစ်လို့ တိုက်ပွဲတွေပြန်ဖြစ်ပါတယ်။ ဟာမတ်တို့ဘက်က ရော့ကက်နဲ့ အကြိမ်၁၂၀ဝကျော် ပစ်ခဲ့ပြီး အစ္စရေး တယောက် သေဆုံးပါတယ်။
ဇူလိုင် ၈ရက်နေ့ကစပြီး အစ္စရေးတို့ရဲ့ လေကြောင်း တိုက်ခိုက်မှုကြောင့် ဂါဇာဘက်မှာ လူ၂၂၀သေပြီး ၁၈၀ဝ ဒဏ်ရာရတယ်လို့ ဟာမတ်တို့ဘက်က ပြောသွားပါတယ်။
ဘီဘီစီ(မြန်မာပိုင်း)

Read More

ထိုင်းနိုင်ငံက သဘာဝ အတိုင်း ဖြစ်နေတဲ့ ကမ္ဘာ့ဖလား ကျောက်တောင်

ပြင်ဆင်ထားခြင်း မရှိပဲ သဘာဝ အတိုင်း ဖြစ်နေတဲ့ ကျောက်တောင်လို့ Metro က ရေးသား ဖော်ပြ ထားတော့ အံ့သြ ရပါတယ်။ ကမ္ဘာ့ ဖလား ပွဲမှာ ဆုပေးတဲ့ တကယ့် ဖလား အစစ်ရဲ့ ပုံသဏ္ဍာန် အတိုင်း ကို ပုံစံ တူညီ နေပါတယ်။

ထိုင်းနိုင်ငံ အရှေ့မြောက်ပိုင်း Chaiyaphum ပြည်နယ်က Pa Hin Ngam အမျိုးသား ဥယျာဉ်ထဲမှာ ရှိနေတာ ဖြစ်ပါတယ်။ နှစ်အတော်ကြာ လေမုန်တိုင်း များကြောင့် ကျောက်တောင်ဟာ တဖြည်းဖြည်း တိုက်စား ခံရပြီး ယခု ရက်ပိုင်း အတွင်းကို ရောက်မှ ကမ္ဘာ့ ဖလား ပုံသဏ္ဍာန် စစ်စစ် ကို ရောက်ရှိ သွားခြင်း ဖြစ်ပါတယ်။ Beautiful Rock Plain လို့ အင်္ဂလိပ်လို အမည်လရတဲ့ ယင်း ဥယျာဉ်ထဲမှာ အခြားသော ကျောက်တောင် ငယ်များလည်း ရှိနေ ပါသေးတယ်။

လက်တလောမှာတော့ ကမ္ဘာ့ဖလား ပုံသဏ္ဍာန် ကျောက်တောင်ကြောင့် ထိုင်းနိုင်ငံ ရှိ Pa Hin Ngam အမျိုးသား ဥယျာဉ်ဟာ နိုင်ငံခြားသား လာရောက် လည်ပတ်မှု အတော်လေး များပြား နေပါတယ်။

Ref: Metro
အောင်ခမ်း (ရိုးရာလေး)

Read More

အချစ်သည် စတင်ရန်လွယ်ပြီး အဆုံးသတ်ရန် ခက်မြဲဖြစ်သည်

 

 

(က) လောင်ဇူးက ပြောဖူးတယ်။
“တစ်စုံ တစ်ယောက်သော သူက နက်နက်နဲနဲ ချစ်တဲ့အခါ (အဲ့ဒီလိုမျိုး အချစ်ခံရတဲ့ အခါမှာ) ခွန်အားတွေ ရှိလာတယ်” တဲ့။

တကယ်တော့ လူတစ်ယောက် ကိုယ့်စိတ်ထဲမှာ ရှိနေတယ်ဆိုတဲ့ ကိစ္စက သိပ်ပြီးတော့ အကျပ်အတည်း မဖြစ်သေးဘူး။ သူ ကိုယ့် စိတ်ထဲကို အတိုင်းအတာ တစ်ခုအထိ ရောက်နေ ပါလားလို့ သိလိုက်ရတဲ့ အချိန်ဟာ ကိုယ်ဟာ သက်တမ်း ကုန်ဆုံးသွားတဲ့ ကိတ်မုန့်တစ်လုံးကို စားမိနေတဲ့ သူလိုပါပဲ။ ရွက်ဆုတ် ပြက္ခဒိန်တစ်ခုကို ပြန်လှည့်ခွင့် မရတော့သလို ကုန်သွားတဲ့ နာရီတွေကို လက်ဝဲအတိုင်း ပြန်ရစ်လို့ မရတော့ဘူး။ အရာရာဟာ နောက်ပြန်ဆုတ်ဖို့ ခက်ခဲခဲ့ပြီ။ ဒါပေမယ့် . . ။

တခါတလေ ကိုယ် မိုးရေစိုနေတဲ့ အချိန်မျိုးးမှာ သူ့ကို ခြောက်ခြောက်သွေ့သွေ့ ပတ်ဝန်းကျင်မျိုးမှာ ရှိနေစေချင်တယ်။ ကိုယ် အစာမမှန်လို့ အစာအိမ် ပြန်အောင့်တတ်တဲ့ အခါမျိုးမှာ အစားမှန်မှန်စားစေ ချင်တယ်။ ကိစ္စတစ်ခုခုကို ရင်ဆိုင်ဖြေရှင်းနေရလို့ အိပ်ရေးပျက်တဲ့ ညတွေကြုံလာတဲ့ အခါမျိုးမှာ အိပ်စက် ချိန်ရဲ့ အရေးပါပုံတွေ သိစေချင်တယ်။ အဲ့ဒါကို ဘေးလူတွေ အမြင်မှာ အချစ်ဆိုတဲ့ စကားနဲ့ ပေါ့ပေါ့ပါးပါး ဘောင်မခတ်စေချင်ဘူး။ သာမန်လူတွေ ခံစားလို့ရတဲ့ အပေါ်ယံကနေ လူတွေ ပေါ့ပေါ့ပါးပါး သတ်မှတ် ထားတဲ့ ဘောင်တစ်ခု အလွန်မှာ သူရှိနေတယ်။ အဲ့ဒီ အနားကွပ်တစ်ခုရဲ့ အပြင်ဘက် လွတ်လပ် ကျယ်ပြောတဲ့ တစ်စုံတစ်ရာဟာ သူ့ရဲ့ နိစ္စဓူဝ အစစကို အဆင်ပြေချောမွေ့နေစေလိမ့်မယ်။

ကိုယ်ပေးနိုင်တဲ့ ခွန်အားက အဲ့ဒီလို ချစ်ခြင်းမျိုး။

(ခ) လောင်ဇူးကပဲ ထပ်ပြောသေးတယ်။
“တစ်စုံတစ်ယောက်ကို နှစ်နှစ်ကာကာ ချစ်မိတဲ့အခါ သတ္တိတွေ ရှိလာတယ်” တဲ့။

သူ နေကောင်းတယ်၊ အစစ အရာရာမှာ အဆင်ပြေပြေ ရှိနေတဲ့ သတင်းမျိုးကို ကြားရတဲ့အခါမှာ ကိုယ့်စိတ်က ဘာကြောင့် လွတ်လပ်ပေါ့ပါး နေရတာလဲဆိုတဲ့ မေးခွန်းမျိုးကို ဘယ်တုန်းကမှ ကိုယ့်ကိုယ် ကို မမေးဖူးဘူး။ သီချင်းတစ်ပုဒ်ရဲ့ အဓိပ္ပါယ်ကို ပိုပြီးတော့ လေးနက်နိုင်စေ စွမ်းတဲ့သူ၊ ညနေခင်း တစ်ခုရဲ့ သာယာမှုကို ပိုပြီးတော့ ကြည်လင်စေနိုင်စွမ်းတဲ့သူ၊ အဲ့လိုလူ တစ်ယောက်ဟာ ကိုယ့်စိတ်ထဲကို ဘယ်အချိန် ဘယ်လိုရှု့ထောင့်မျိုးကနေ ၀င်ရောက်လာခဲ့ မိပါလိမ့် ဆိုတာကို ကိုယ်တိုင် တောင်မှ သတိမထားမိခဲ့ဘူး။

အချစ်ဆိုတာ ပိုင်ဆိုင်ခြင်းလား၊ ရယူခြင်းလား၊ ဖွင့်ဆိုမှုတွေ အမျိုးမျိုးကြားက သူဟာ အမှတ်သဥာ တစ်ခု အနေနဲ့ ကိုယ့်ဆီကို ရောက်ရှိလာခဲ့တာတော့ သေချာဖူးတယ်။ မတော်တဆ တွေ့ဆုံမှုပြီးတဲ့နောက် ရက်ပိုင်းများစွာ ကိုယ် ပျော်ရွှင်နေမိတာ . . ဒါဟာ ရူးသွပ်တစ်ခုမျှသာ ဖြစ်ပြီး သာယာမှုမဟုတ်ပါစေနဲ့လို့ အခါခါ ဆုတောင်းမိခဲ့ပါသေးတယ်။ ကိုယ့်ရဲ့ ၀ါသနာဟာ သူ့ကို ပျော်ရွှင်စေမယ့် အရာမျိုး ဖြစ်စေချင်တယ်။ အနည်းဆုံးတော့ ကိုယ့်ရဲ့ ကဗျာဆိုတာကို နည်းနည်းလောက် ဖတ်ကြည့်စေချင်မိတယ်။ ဒါပေမယ့် . . ။

ဘ၀မှာ သူရဲ့ အထင်သေးခြင်းကို ရူးမတတ်ကြောက်ရွံခဲ့တဲ့ ကိုယ်က သူ့ ရှေ့မှာ အကြိမ်ကြိမ် လူကြီးဖြစ် ချင်ခဲ့တယ်။ ကိုယ့်ကို လူကြီးတစ်ယောက်လို အရေးတယူရှိစေချင်ခဲ့တယ်။ ကိုယ့် ဆုံးဖြတ်ချက်တွေဟာ သူ့အနေနဲ့ ဟာသ မဖြစ်စေချင်ခဲ့ဘူး။ တွေဝေမှုကို မနှစ်သက်တဲ့ လူတစ်ယောက်အတွက် ကိုယ်ဟာ ပြတ်သားမှုတွေနဲ့ ယဉ်ပါးလာခဲ့တယ်။ ပေါ့ပါးသွက်လက်နေတဲ့ သူတစ်ယောက်အတွက် ကိုယ်ဟာ လေအဖြစ်ကို ပျော်မွေ့ခဲ့တယ်။

တကယ်တော့ ကိုယ်ဟာ သူ့စိတ်နဲ့ ကိုယ့်ကိုယ်ကို ပြတ်ရှနေအောင် သွေးခဲ့တဲ့ ဓါးတစ်လက်။

(ဂ) အီဗာ ဂေ့ဘာက ပြောတယ်။

“အချစ်ဟာ စစ်ပွဲတစ်မျိုး.. ဒါပေမယ့် နှစ်ဘက်စလုံးနိုင်တဲ့ တိုက်ပွဲ” တဲ့။

ဘေးနားက တိုက်ပြိုင်မရှိတဲ့ ကိုယ်တို့အခန်းလေးဟာ လေကောင်းလေသန့်ကို ရစေတယ်။ ကိုယ်အချိန် ရတဲ့အခါ စာရေးစာဖတ်လုပ်တဲ့ စာကြည့်ခုံနားက ပြတင်းတံခါးပေါက်ကို ဖွင့်လိုက်ရင် အဟန့်အတား မရှိဘဲ ကျယ်ဝန်းလွတ်လပ်တဲ့ ကောင်းကင်ပြင်ကြီးရှိတယ်။ အဲ့ဒီကောင်းကင်ထဲက တစ်လက်လက် ကြယ်ပွင့်လေးတွေထဲက ကိုယ် ပြတင်းပေါက်နဲ့ တန်းနေတဲ့ ကြယ်ကလေးကို သူ့နာမည်ပေးထားတယ်။

ကိုယ်သူ့ကို စကားတွေ အများကြီး ပြောဖြစ်တယ်။ သူနားလည်မယ်ထင်နိုင်တဲ့ စကားလုံးမျိုးရော၊ သူ မရင်းနှီးတဲ့ စကားလုံးမျိုးတွေရော . . ။ ကိုယ့်ရဲ့ ထွက်ပေါက်ဟာ အဲ့ဒီ ကြယ်ကလေး ဖြစ်မှန်းမသိ ဖြစ်လာ တယ်။ ဒီနေ့ညတော့ အုံ့အုံ့မှိုင်းမှိုင်းဖြစ်နေတဲ့ မိုးသား တိမ်လိပ်တွေကြောင့် ကိုယ် သူ့နာမည်နဲ့ ခပ်မိုက်မိုက် ကြယ်လေးကို မမြင်နိုင်ဘူး။ ပြတင်းပေါက်ကနေ အရှိန်ပြင်းပြင်းနဲ့ ကျွံကျလာတဲ့ မိုးစက် မိုးပေါက်တွေကို ဟန့်တားနိုင်ဖို့ ကြယ်ကလေးဆီ မြင်နိုင်တဲ့ ပြတင်းတံခါးကို ပိတ်လိုက်တယ်။ ပြီးတော့ ကိုယ် တစ်ခုခုကို သဘောပေါက်သွားတယ်။

ကိုယ် . . . တစ်ယောက်တည်း တိုက်မိတဲ့စစ်ပွဲမှာ ကိုယ်တစ်ဘက်သက် ကျရှုံးနေဆဲပဲဆိုတာ။ စစ်မျက်နှာ ကို ဖွင့်တဲ့သူတစ်ဘက်က ကိုယ်ဖြစ်နေမယ် ဆိုရင်တောင်မှ တစ်ဘက်က ဘယ်လိုမှ တုံ့ပြန်မှု မပေးတဲ့စစ်၊ တနည်းအားဖြင့်တော့ တစ်ဘက်တည်း တိုက်နေရပြီး တစ်ယောက်တည်း ကြိတ်ရှုံးနိမ့်နေရတဲ့ တိုက်ပွဲမျိုး၊ ဒါပေမယ့် . . ကိုယ့်ရဲ့ ယုံကြည်ချက်က တိတ်တခိုးအဖြစ်မှာ အလံဖြူတဖျတ်ဖျတ်နဲ့ ငြိမ်သက်သွားဖို့ ဘယ်တော့မှ မဟုတ်ဘူး။ 

နှင်းနုလွင်
၁၆၊ ၀၇၊ ၂၀၁၄

Read More

အထီးကျန်တဲ့အခါ သင့်ဘေးမှာဘယ်သူရှိမလဲ…

လူကြီးသူမသက်ကြီးရွယ်အိုတွေ အသက်အတော်လေးအိုမင်းသွားပြီဆိုရင်လေ အရပ် သုံးစကားတွေအရတော့ ငယ်မူပြန်သွားတယ်လို့ ခေါ်မလား ကလေးငယ်လေးတွေပြုမူ နေထိုင်သလိုနေထိုင်တတ်ကြတယ်လို့ ဆိုရမလားပါပဲ။ ဒါကို အသက်ကြီးရောဂါ၊ သူငယ်ပြန်ရောဂါလို့လည်း အလွယ်ခေါ်တတ်ကြပါတယ်။ သူတို့အတွက် အနားမှာ အဖော်နေပေးမယ့် သူတိုင်းကို မှီတွယ်ချင်ကြတယ်လေ။
ဒုတိယ ကမ္ဘာစစ်ကြီးအတွင်းမှာ အသေအကြေတိုက်ပွဲဝင်ခဲ့တဲ့ ရဲဘော်ကြီး ကင်မ်ဒန် ဟာလေ အခုဆိုရင် အသက် အနှစ်ကိုးဆယ်အရွယ်ကိုတောင်ရောက်လို့နေခဲ့ပါပြီတဲ့။ အသက်ကြီး အထီးကျန်ရောဂါကလွဲလို့ ကျန်းကျန်းမာမာနေထိုင်လျှက်နဲ့လေ။ သူ့ရဲ့ ဒီလိုကျန်းမာသန်စွမ်းဖျက်လတ်နေရတဲ့ လျို့ဝှက်ချက်ကလည်း သူ့ရဲ့ ပေါင်းသင်း ဆက်ဆံရေးကောင်းလို့ပဲဖြစ်ပါတယ်လို့ ဖွင့်ဟလာပါတယ်။
သူ့ပြောတဲ့ သူ့ရဲ့ အကောင်းဆုံး အဖော်မွန်ကတော့ အသက် သုံးနှစ်အရွယ်ရှိ ကလေးငယ်လေး အန်းမက်ရခ်ျနာ ပဲဖြစ်ပါတယ်။ သူရဲ့ ဒီလိုရောဂါမျိုးကိုခံစားရတဲ့ ဆယ်နှစ်ကျော်ကြာကာလအတွင်းမှာတော့ ဒီကလေးငယ် အန်းမက်ကလေးက သူ့ အတွက် အလင်းတံခါးဖြစ်စေခဲ့ပါတယ်။
လွန်ခဲ့တဲ့တစ်နှစ်ကျော်အချိန်က အိမ်ချင်း ကပ်ရပ်အိမ်ကို ပြောင်းလာခဲ့တဲ့ အချိန်ကစလို့ပေါ့။ ရုပ်ပိုင်းဆိုင်ရာ၊စိတ်ပိုင်းဆိုင်ရာ ခံစားမှု တွေ အားလုံးကို ကုသပေးခဲ့တယ်လို့ ဆိုတယ်။ နေ့တစ်နေ့တာရဲ့ အားလပ် ချိန်အားလုံး မှာ သူတို့နှစ်ယောက်အတူအမြဲရှိနေခဲ့ကြတယ်။
အေးစက်လွန်းတဲ့ ဆောင်းရာသီနံနက်ခင်းတွေဆို သူတို့အတူရှိနေကာ ခြေခင်းလက် ခင်းအတူ ဆော့ကစားကြတယ်။ မြက်ခင်းပြင်ပေါ်မှာ ကားမောင်းတမ်း၊ တူတူပုန်းတမ်း၊ ပြေးလိုက်တမ်းတို့ကို အတူကစားဖူးကြတယ်။ သက်တူရွယ်တူအမှီအခိုတစ်ခုလိုပါပဲ။
ကင်မ်ဒန်က ကလေးငယ် အန်းမက်ကို ဆော့ကစားတဲ့ နည်းလမ်းတွေသင်ပေးပါတယ်။ အန်းမက်ရဲ့ ရှေ့ဆောင်လမ်းပြရဲဘော်ကြီးလည်းသူလုပ်ပါတယ်။ ဆရာတစ်ဆူလည်း လုပ်ပါတယ်။ သူငယ်ချင်း အဖော်တစ်ယောက်လည်း သူကလုပ်ပါတယ်။ သူတို့နှစ်ဦး စလုံးရဲ့ဘာကိုမှ ဂရုမစိုက်ပဲ ဒီလိုမျိုးလွတ်လွတ်လပ်လပ်ဆော့ကစားတဲ့ အချိန်တွေမှာ ဆိုရင် ကင်မ်ဒန်ရဲ့ ရောဂါအခြေအနေက အားလုံးအကောင်းအတိုင်းပါပဲ။ ကင်မ်ဒန်လေး ကသူ့အတွက်တော့ တကယ့်ကိုအဖော်မွန်ကောင်းလေးတစ်ယောက်ပါပဲ။ ကင်မ်ဒန် လေးကို အတော်လေးမှီတွယ် သံယောဇဉ်ကြီးနေပြီပေါ့။
ခရစ်နှစ်တစ်ခုကို ဖြတ်သန်းပြီးတဲ့အချိန်မှာတော့ အန်းမက်အတွက် အပြောင်းအလဲ ကြမ္မာတစ်ခုရိုက်ခတ်လာတယ်လို့ဆိုရမလားပဲ။ ဘေးအိမ်က အဖော်မွန် ကင်မ်ဒန် တို့မိသားစု အခြားတစ်နေရာကို အိမ်ပြောင်းသွားပါတော့တယ်။ သူ့အတွက် အတော်လေး အထီးကျန်သွားပါပြီ။ ကင်မ်ဒန်လေးမရှိတော့ရင် သူ့ရဲ့ နေ့ရက်တိုင်း အချိန်တိုင်းကို ဘယ်သူနဲ့ အတူဖြတ်သန်းကုန်ဆုံးရပါတော့မလဲ။
အတူနေတာကြာရင် သံယောဇဉ်တွယ် သွားကြတယ်ဆိုတာ တကယ့်ကိုမှန်ပါတယ်။ ဒါကြောင့်မို့လို့ စာဖတ်သူပရိသတ်ကြီးလည်း မိမိတို့ရဲ့သက်ကြီးရွယ်အို မိခင်ဖခင်တွေ ဒီလိုမျိုးအဖော်မွန်တွေလိုအပ်လာတဲ့အချိန်ရောက်ရင် အထီးမကျန်ကြရအောင်လို့ အနားမှာနေပေးပြီး ပြုစုယူယစောင့်ရှောက်ပေးကာ ကျန်ရှိနေတဲ့ ဘ၀အချိန်တွေမှာ အကောင်းဆုံးနေ့ရက်တွေအဖြစ် ဖန်တီးပေးပြီး အကောင်းဆုံးဖြတ်သန်းပေးကြလို့ တိုက်တွန်းရင်း………………………..။
(www.phothutaw.com)

 

Read More

မလေးရှားရောက် မြန်မာအမျိုးသားတစ်ဦး လိင်အင်္ဂါ အဖြတ်ခံရ

အပြည့်အစုံဖတ်ရန် >> http://www.ygnnews.com/2014/07/blog-post_914.html

မလေးရှားနိုင်ငံ ကွာလာလမ်ပူမြို့တွင် အလုပ်လုပ်ကိုင်နေသော မြန်မာနိုင်ငံသား တစ်ဦး၏ လိင်အင်္ဂါ ကို ဇနီးဖြစ်သူက ဖြတ်ပစ်လိုက်သည့် မှုခင်းတစ်ခု ဇူလိုင် ၁၅ ရက်နေ့တွင် ဖြစ်ပွားခဲ့ကြောင်း သိရသည်။
အဆိုပါ မြန်မာလင်မယားစုံတွဲသည် မလေးရှားနိုင်ငံတွင် UNHCR(ဒုက္ခ သည်ကဒ်ပြား) ကိုင်ဆောင်ထားကြသူများဖြစ်ပြီး အမျိုးသမီးမှာ အသက် ၄၀ နှစ်ခန့်ရှိကြောင်းနှင့် လင်ဖြစ်သူ ရှောင်ဖယ် ရှောင်ဖယ်လုပ်နေသည်ကို မကျေနပ်သည့်အတွက် ယခုကဲ့သို့ ပြစ်မှုကျူးလွန်ခဲ့ခြင်း ဖြစ်ဟန်ရှိကြောင်း မလေးရှားရဲတပ်ဖွဲ့၏ သတင်းထုတ်ပြန်ချက်အရ သိရသည်။
#YangonMediaGroup ™

Read More

အိမ်ထောင်ဖက် ရွေးချယ်တော့မယ်ဆိုရင်....

သင် ချောမောလှပတဲ့မိန်းကလေးကို ရွေးချယ်ရင် သူ့ရဲ့အလှပြင်ပစ္စည်းဖိုးကို မညဉ်းငြူမိပါစေနဲ့

ဝင်ငွေကောင်းပြီး ပိုက်ဆံရှာနိုင်တဲ့မိန်းမကို သင်ရွေးချယ်ရင် သူ့အလုပ်က Stress တွေအတွက် သူရင်ဖွင့်တာကို သင်လက်ခံနိုင်ရမယ်

အိမ်ထောင်ရှင်မပီသတဲ့မိန်းမကို သင်ရွေးချယ်ရင် သူ ပိုက်ဆံအများကြီး မရှာနိုင်တာကို အပြစ်မပြောပါနဲ့

စဉ်းစားဥာဏ်ရှိပြီး ထက်တဲ့မိန်းမကို သင်ရွေးချယ်ရင် သူ့ရဲ့အကြံပေးမှုတွေ ကြိုမြင်တတ်တာတွေပြောရင် သူဆရာလုပ်တယ်လို့ မမြင်ပါနဲ့

သင့်စကားကိုပဲ နားထောင် သင်ပြောတဲ့အတိုင်းလိုက်လုပ်တဲ့ မိန်းမကို သင်ရွေးချယ်ရင် သူ့ကိုယ်သူ အမြဲနိမ့်ကျပြီး အားငယ်တတ်တဲ့စိတ်ကို အပြစ်မပြောပါနဲ့

သတ္တိကောင်းတဲ့မိန်းမကို သင်ရွေးချယ်ရင် သူခေါင်းမာတာကိုလဲ သင်လက်ခံရမယ်

သင့်ထက်အရမ်းတော်တဲ့မိန်းမကို သင်ရွေးချယ်ရင် တခါတလေ သူ့ရဲ့အထင်သေးမှုနဲ့ အကြောင်းပြချက်များစွာကို သင်လက်ခံနိုင်ရမယ်

ကမ္ဘာပေါ်ရှိ မိန်းမသားတိုင်းသည် အစစအရာရာ ပြီးပြည့်စုံတယ်ဆိုတာ မရှိဘူး အပြစ်ပြောစရာမရှိအောင် ပြည့်စုံတဲ့သူဆိုတာ အိပ်မက်ထဲမှာပဲရှိတယ်

ပြည့်စုံစေချင်တယ်ဆိုရင်တော့ ကိုယ့်ရဲ့ချစ်သူကို အချစ်စိတ်လေးနဲ့ ကြည့်ပြီး ဖြည့်တွေးပေးဖို့ပဲလိုတယ်

Crediit : နှင်းဆီဖြူ

Read More

သို့ ..... ညီမလေး

သို့ ..... ညီမလေး

တစ်လောက အင်တာနက်မှာ ပျံ့နှံ့ခဲ့တဲ့ ဗွီဒီယိုဖိုင်နဲ့ ပက်သက်ပြီး

မြန်မာနိုင်ငံသားတစ်ယောက် အနေနဲ့ အနည်းငယ် ပြောလိုပါတယ် ။

မြန်မာဆိုတာ ခေတ်အဆက်ဆက်က အမျိုးဂုဏ် ဇာတိဂုဏ်ကို ထိန်းသိမ်းစောင့်ရှောက်လာခဲ့သူတွေပါ ။

အမျိုးထိရင် မချိအောင်နာတတ်တာ မြန်မာလူမျိုးပါ ။

မြန်မာဆိုတာ ကိုယ့်လူမျိုးကို မဆိုထားနဲ့ ၊ လူမျိုးခြားတွေ ကိုယ့်မျက်စိရှေ့မှာ ဒုက္ခရောက်နေတာတွေ့ရင်တောင် ၊

ကိုယ်နဲ့မဆိုင်သလို မနေတတ်ပဲ ၊ စိတ်ရောကိုယ်ပါ ဝင်ရောက်ကူညီတတ်သူတွေပါ ။

မြန်မာလူမျိုးတွေရဲ့ စိတ်ထားကို မြန်မာလူမျိုးချင်း ပြန်ပြီး တရားချနေတာ မဟုတ်ပါဘူး ။

မြန်မာပြည်ကို အင်္ဂလိပ် အုပ်ချုပ်တဲ့ခေတ်က အင်္ဂလိပ် အရေးပိုင်မင်းတစ်ယောက်ဟာ ၊

မီးရထားလမ်းဖောက်လုပ်ဖို့အတွက် ၊ မာန်လည်ဆရာတော်ဘုရားကြီးကို လျှောက်ထားခဲ့ဖူးပါတယ် ။

ဖောက်လုပ်မယ့် မီးရထားလမ်းဟာ ကျောင်းဝင်းနဲ့ မလွတ်တဲ့အတွက် ဆရာတော်ကြီးရဲ့ ကျောင်းတော်ကို ရွှေ့ပေးဖို့ ကိစ္စပါ ။

ဆရာတော်ကြီးက ရွှေ့မပေးနိုင်ကြောင်း မိန့်တော်မူတဲ့အခါမှာ

အရေးပိုင်မင်းက ၊ ဒီနိုင်ငံဟာ အင်္ဂလိပ် အုပ်ချုပ်နေတဲ့ နိုင်ငံ ဖြစ်တဲ့အတွက် ရွှေ့ပေးရမယ်လို့ ဆိုပါတယ် ။

အဲဒီတော့ ဆရာတော်ဘုရားကြီးက ....

" တကာတော်ရဲ့ မိခင်က တကာတော်ရဲ့ ဖခင်ကို မချစ်မနှစ်သက်တော့လို့ ၊

တရုတ်ကို ယူလိုက်တယ် ဆိုပါစို့ ။

တကာတော့်မိခင်ဟာ တရုတ်ဖြစ်သွားပါသလား..... "

" မဖြစ်ပါဘူး ဆရာတော်

အမေကတော့ အမေပါပဲ ။ "

" ဒါဆိုရင် တရုတ်ကလည်း ဝက်သားစားလွန်းလို့ဆိုပြီး ကုလားကိုပြောင်းယူလိုက်တော့ရော ၊
တကာတော့်မိခင်ဟာ ကုလားဖြစ်သွားရောလား..... " ။

" မဖြစ်ပါဘူး ဆရာတော်

အမေကတော့ အမေပါပဲ ။ "

" အေး..... အဲဒီလိုပဲ တကာတော်.....

ဘယ်မင်းတက်တက် ဘယ်အစိုးရတက်တက်.....

သာသနာ့ နယ်မြေဟာ သာသနာ့ နယ်မြေသာ ဖြစ်တယ် " ။

ကျောင်းကပြန်အဆင်းမှာ စိတ်ထဲ မကြည်လင်တဲ့ အရေးပိုင်မင်းက ဆရာတော်ကြီးကို လျှောက်တယ် ။

" အရှင်ဘုရား..... ဒီအုတ်လှေကားထစ်တွေကိုလည်း အုတ်နဲ့လုပ်တာပါပဲ ၊

ဟိုမှာမြင်နေရတဲ့ အိမ်သာကိုလည်း အုတ်နဲ့လုပ်တာပါပဲ ။

ဘုရားဆင်းတုတော်တွေကိုလည်း အုတ်နဲ့လုပ်တာပဲဖြစ်လို့ ၊

အုတ်နဲ့လုပ်ထားတဲ့ လှေကားထစ်တွေ အိမ်သာတွေကို ရှိခိုးကန်တော့ရင်ရော ၊

အတူတူပဲ မဟုတ်ဘူးလား ဘုရား ။ "

" အေး..... တကာတော်.... တကာတော့်မှာ အမေရှိလား "

" ရှိပါတယ် ဆရာတော် "

" အမ နှမတွေရော ရှိလား "

" ရှိပါတယ် ဆရာတော် "

" ဇနီးမယားရော ရှိလား "

" ရှိပါတယ် ဆရာတော် "

" အေး..... ဒါဆိုရင်..... အားလုံးဟာ မိန်းမ အမျိုးအစားချည်းပဲ ဖြစ်တဲ့အတွက် ၊

ဇနီးမယားအပေါ် ဆက်ဆံပြုကျင့်သကဲ့သို့ ..... အမေ အမနဲ့ နှမတွေကိုပါ တစ်တန်းထားပြီး ဆက်ဆံပြုကျင့်လို့ ရနိုင်ပါ့မလား "

" အဲဒီလိုတော့ မရပါဘူး ဆရာတော် "

" အမေကို အမေလို.... အမကို အမလို..... နှမကို နှမလို.... သူ့နေရာနဲ့သူ ဆက်ဆံရပါတယ် "

" အေး..... အဲဒီလိုပါပဲ တကာတော် "

" အုတ်ချင်းတူပေမယ့် ဘုရားအုတ် သိမ်အုတ်နဲ့ ၊ အိမ်သာအုတ် လှေကားအုတ်တို့ဟာလည်း ၊

သူ့နေရာနဲ့သူ တန်ဖိုးချင်းကွာတယ် တကာတော် " ။

ဒီနေရာမှာ.... ကျွန်တော့်အနေနဲ့ အခုလက်ရှိဖြစ်ပျက်နေတာတွေကို သုံးသပ်မိတာ တစ်ခုရှိပါတယ် ။

ဘာလည်းဆိုတော့ .....

ပထမအချက်အနေနဲ့

ဘယ်လိုနေရာပဲရောက်နေနေ ..... ဘယ်လိုအခြေအနေပဲရောက်နေနေ.....

ဘယ်လိုခေတ်မျိုးပဲ ရောက်နေနေ ၊

မြန်မာမိန်းကလေးဟာ မြန်မာမိန်းကလေး ဆိုတာပါပဲ ။

ဒုတိယအချက်အနေနဲ့

အမျိုးသမီးချင်းအတူတူ

မြန်မာ အမျိုးသမီးကောင်းလေးတွေကို တန်ဖိုးရှိတဲ့ အုတ်ကလေးတွေပဲ ဖြစ်စေချင်ပါတယ် ။

မြန်မာဟာ မြန်မာပါပဲ ။

ကမ္ဘာပေါ်မှာ အရှက်အကြောက်ကြီးတဲ့ လူမျိုးဟာ မြန်မာပါ ။

မိန်းမတို့အိနြေ္ဒ ရွှေပေးလို့မရ ဆိုတာ မြန်မာမ်ိန်းကလေးတွေကို တင်စားခဲ့တာပါ ။

အထူးသဖြင့် ပြည်ပမှာ .....

လစာနည်းလို့ .... အကြွေးနဲ့လာခဲ့ရလို့ .....

မိသားစုတွေကို ထောက်ပံ့ချင်လို့ ....

အဲဒီလို အကြောင်းတရားတွေကြောင့် ၊ တိုင်းတပါးသားတွေနဲ့ Living Together နေနေရတာပါတဲ့လား ။

ဒါတွေက မလုံလောက်တဲ့ အကြောင်းပြချက်တွေပါ ။

မိသားစု အဆင်မပြေတာကို ထောက်ပံ့ချင်တိုင်းသာ လူမျိုးခြားတွေနဲ့ ၊

Living Together နေကြစတမ်းဆိုရင် ၊

မြန်မာတစ်ပြည်လုံးက မြန်မာမိန်းကလေးတွေ နိုင်ငံထဲမှာ ရှိရှိသမျှ လူမျိုးခြားတွေကို ၊

အပြေးအလွှားနဲ့ကို Living Together အမြန်ဆုံးနေရမယ့် ကိန်းပါပဲ ။

ဆင်ခြင်နိုင်ကြပါစေ ညီမလေးတို့ရယ် ။

မလေးရှားက အဖြစ်အပျက်တစ်ခုအကြောင်း နားထောင်ကြည့်ပါ ။

မလေးရှားမှာ မြန်မာမိန်းကလေးအချို့ နီပေါလူမျိုးတွေနဲ့ ရည်းစားဖြစ်ပြီး သွားအိပ်တယ် ။

မလေးရှားမှာပဲ အလုပ်လုပ်နေတဲ့ အကိုဝမ်းကွဲလုပ်သူက သိတော့ ၊

နီပေါတွေနဲ့ ပြဿနာတက်တယ် ။ ရိုက်ကြ နှက်ကြ ဖြစ်တယ် ။

နောက်ဆုံး အဲဒီကောင်လေး နီပေါတွေဆီမှာ ဓားထိုးခံရတယ် ။

သူ့သူငယ်ချင်း မြန်မာအမျိုးသားလေးတွေက မခံနိူင်တော့ ၊ နီပေါတွေနဲ့ ရိုက်ပွဲတွေ ဆက်ဖြစ်တယ် ။

နောက်ဆုံး ဒီပြဿနာရဲ့ အစ ဖြစ်တဲ့ နီပေါတွေနဲ့ သွားအိပ်ခဲ့တဲ့ မြန်မာမိန်းကလေး အချို့ကို ၊

ကိုယ်ထိ လက်ရောက် ၊ ဒေါသ အလျောက် လက်နဲ့ ရိုက်ခဲ့ကြတယ် ။

အခု You Tube မှာ ပျံ့နှံ့နေတဲ့ အဲဒီ ဗွီဒီယိုဖိုင်ထဲမှာ ဒီမိန်းကလေးတွေရဲ့ မိဘတွေ မဟုတ်ပါပဲနဲ့ ၊

မဆိုင်ပါပဲနဲ့ ဝင်ရိုက်တဲ့ မြန်မာ ယောင်္ကျားလေးတွေကို ၊

ကျွန်တော်အပါအဝင် တော်တော်များများက လက်မခံနိုင်ကြတာ အမှန်ပါပဲ ။

သူတို့ ဘာကြောင့် ဒီလို လုပ်ခဲ့ရတာလဲ ။

ကျွန်တော်တို့ တစ်ချက်ပြန်ကြည့်ရအောင်ပါ ။

သွေးမတော် သားမစပ်လို့ မဆိုင်ပေမယ့် အမျိုးဂုဏ် ဇာတိဂုဏ်ကို အပွန်းပဲ့ မခံနိုင်လို့ ၊

ဒီလိုအဖြစ်တွေ ဖြစ်သွားခဲ့တယ်ဆိုတာတော့ သေချာလွန်းနေပါတယ် ။

ကိုယ့်ထမင်းကိုယ်စားပြီး လူမုန်းမယ့်အလုပ်ဆိုတာလောက်တော့ သူတို့ သေချာပေါက် သိနေပါလိမ့်မယ် ။

သူတို့တွေ မှန်တယ်လို့ မဆိုလိုပါဘူး ။

မှားတယ်ကွာ..... ဆိုရင်တောင်.....

စေတနာ အမှားဆိုတာ သေချာ သုံးသပ်ကြည့်ရင် မြင်နိုင်ပါတယ် ။

ဗွီဒီယိုဖိုင်ထဲမှာ မြန်မာမိန်းကလေးတွေ အရိုက်ခံနေရတာ မြင်တော့ စိတ်မကောင်းပါဘူး ။

အဲဒီဗွီဒီယိုဖိုင်ကိုကြည့်ပြီး ကျေနပ်ဝမ်းသာ ပီတိဖြစ်နေမယ့်သူတွေ တစ်ယောက်မှမရှိတာတော့ သေချာပါတယ် ။

ကျနော်တို့ မလေးရှားရောက်ခါစက မြန်မာ မိန်းကလေးဆိုတာ

မူးလို့ ရှူစရာတောင် မရှိတဲ့ အနေအထားပါ ။

ဒီနေ့လို အနေအထားမှာတော့ နေရာတိုင်းမှာ မတွေ့ချင်မှ အဆုံး မြန်မာမိန်းကလေးတွေ ဒုနဲ့ဒေးပါပဲ ။

စားဝတ်နေရေးကြောင့် ၊ အကြောင်းကြောင်းကြောင့် ပြည်ပမှာ မိဝေး ဖဝေး ငွေလာရှာနေကြတယ် ဆိုပါတော့ ။

အဲဒီတော့ ထမင်းစားရင် ငရုပ်သီးလေး ကိုက်စားပြီး တစ်ပြားကို နှစ်ပြားခွာတတ်တဲ့ ၊

ဘင်္ဂလားလို နီပေါလို လူမျိုးခြားတွေဟာ ၊

မြန်မာမိန်းကလေးတွေသာ ရမယ်ဆိုရင် လစာပါ အပြုတ်ခံတဲ့အထိ Living Together ဇာတ်လမ်းတွေ

မမြင်ချင်မှ အဆုံး ဖြစ်လာပါတော့တယ် ။

အဲဒီတော့ ..... မြန်မာယောင်္ကျားလေးတွေရဲ့ စိတ်ထဲမှာ မချိအောင်နာပါတယ် ။

ဂျိုဟိုးဘာရူးမြို့လေးမှာ မြန်မာမနဲ့အတူ တစ်ခါ ဆက်ဆံရင် မလေးငွေ မလေးငွေ 10 တဲ့ ။

ဈေးပေါလွန်းလို့ဆိုပြီး ဘင်္ဂလားတွေ ၊ နီပေါတွေ ၊ အင်ဒိုတွေ ၊ ဗီယက်နမ်တွေများ

ကြက်ပျံမကျ စည်ကားနေသတဲ့ ။

ကျွန်တော်တို့ နှလုံးသားမှာ ကျွန်တော်တို့ စိတ်ထဲမှာ မချိအောင်နာပါတယ် ညီမလေးတို့ရယ် ။

မလက္ကာမြို့မှာ မြန်မာမတစ်ယောက် ဘင်္ဂလားနဲ့ Living Together နေရင်း .....

သေလုမျောပါး အရိုက်ခံနေရတာတွေ့လို့ ၊ အဲဒီ မြန်မာမိန်းကလေးနဲ့ စက်ရုံ တစ်ခုထဲအတူလုပ်နေတဲ့ ၊

မြန်မာ ယောင်္ကျားလေးတွေက မခံနိုင်လို့ အဲဒီဘင်္ဂလားကို ဝင်ရိုက်ကြရင်း ၊

မြန်မာ ၊ ဘင်္ဂလားရိုက်ပွဲဖြစ်ခဲ့တယ် ။

အဆုံးသတ်တော့ မြန်မာယောင်္ကျားလေး ၄ ယောက် ဆေးရုံရောက်တယ် ။

၂၀ ကျော်ပြန်ပို့ခံရတယ် ။

ဒီလိုမျိုး အလားတူ ဇာတ်လမ်းတွေဟာ မလေးရှားမှာ အချိန်တိုလေး အတွင်းမှာတင် ၊

မရေမတွက်နိုင်လောက်အောင် ဖြစ်ခဲ့ပြီးပါပြီ ။

ငါပစ္စည်းနဲ့ ငါ (.....) တာ နင်တို့ကဘာဝင်ပြီး (.....) ကြိမ်းနေတာလည်းလို့ ၊

မပြောလိုက်ပါနဲ့ ညီမလေးတို့ရယ် ။

ဘယ်နေရာပဲရောက်နေနေ..... အမျိုးဂုဏ် ဇာတိဂုဏ်ကို ထိန်းသိမ်းနေထိုင်တဲ့ ၊

မြန်မာမိန်းကလေးတွေလည်း ရှိနေတယ် ဆိုတာကို ကျွန်တော်တို့ အကြွင်းမဲ့ လက်ခံပါတယ် ။

ဒါပေမယ့် .....

ငါးခုံးမတစ်ကောင်ကြောင့် တစ်လှေလုံးအပုတ်မခံနိုင်သလို ၊

ငါးခုံးမတွေက မမြင်မတွေ့ချင်တော့လောက်အောင် သိပ်ကို များလာတော့လည်း ၊

ကျွန်တော်တို့ အကြိမ်ကြိမ် စိတ်ထိခိုက်ရပါတယ် ။

အမျိုးမတူတဲ့အပြင် ဘာသာပါ မတူသူတွေနဲ့ အခုလို Living Together ဆိုတာတွေကို ၊

ကျွန်တော်တို့ ဘယ်လိုစိတ် ဘယ်လို နှလုံးသားနဲ့ လက်ပိုက်ကြည့်နေရမလဲ ။

မြန်မာမိန်းကလေးတစ်ယောက် နီပေါ လူမျိုးနဲ့ Living Together နေရင်း နီပေါကို လိုက်ပါသွားခဲ့တယ် ။

နီပေါမှာ သူတို့အတွဲ ပျော်ရွှင်နေတဲ့ ဓာတ်ပုံတွေကို နီပေါတွေက အင်တာနက်ပေါ်မှာ ၊

အကြိမ်ကြိမ်တင်ပြခဲ့တယ် ။

ကျွန်တော်တို့ ဘယ်လို နှလုံးသား ဘယ်လိုစိတ်နဲ့ ကြည့်ရမလဲ ညီမလေးတို့ရယ် ။

ကျွန်တော်တို့ မလေးရှား ရောက်ခါစက မလေးရှားမှာ မြန်မာမိန်းကလေးတွေရဲ့ ညစ်ညမ်းခွေဆိုတာ ၊

ရွှေပေးရင်တောင် ကြည့်လို့မရနိုင်ပါဘူး ။

ရှိလည်း မရှိခဲ့ပါဘူး ။

အခုများတော့ Home Made လို့ခေါ်တဲ့ မြန်မာလူမျိုးချင်း လိင် ဆက်ဆံနေတဲ့ ပုံတွေ ဗွီဒီယိုတွေ ၊

လူမျိုးခြားနဲ့ ဘာသာကွဲတွေနဲ့ လိင် ဆက်ဆံနေတဲ့ ပုံတွေ ၊ ဗွီဒီယိုဖိုင်တွေဟာ ၊

အွန်လိုင်းပေါ်မှာ ဖုန်းတိုင်းလိုလိုမှာ မမြင်ချင်မှ အဆုံးပါ ။

ကျွန်တော်တို့တွေ အရင်က တစ်ခြား လူမျိုးခြားတွေကို ပြောခဲ့တဲ့ ၊

" ငါတို့ မြန်မာတွေဆိုတာ ညစ်ညမ်းခွေမရှိဘူးကွ ..... "

" ငါတို့ မြန်မာမိန်းကလေးတွေ ပါတဲ့ ညစ်ညမ်းအခွေတွေ ဘယ်တော့မှ မရှိဘူးကွ ..... "

ဆိုတဲ့ စကားတွေကို အခုလိုအချိန်မှာ ၊ ကျွန်တော်တို့ ဘယ်လိုနှလုံးသားနဲ့ ဘယ်လိုစိတ်နဲ့ ငြင်းလို့ရနိုင်ဦးမှာလဲ ။

ဆင်ခြင်ကြပါ..... သတိဝင်ကြပါ.....

ကိုယ်ပြုလုပ်လိုက်တဲ့ အမှားတစ်ခုဟာ ..... ကိုယ့်တစ်ယောက်သာ ထိပါးနိမ့်ကျရုံတင်မကပဲ ၊

တစ်မျိုးသားလုံးကို တန်ဖိုးမဲ့စေတယ်ဆိုတာ သတိရကြပါ ။

မြန်မာယောင်္ကျားလေးတွေအနေနဲ့လည်း ကိုယ့်ရည်းစားနဲ့ကိုယ် အတူဆက်ဆံတဲ့ ကိစ္စကို ၊

ဗွီယိုဒီနဲ့ မှတ်တမ်းတင်တာဟာ ၊

ကိုယ့်အဆင့်အတန်းနဲ့ ကိုယ့်ချစ်သူရဲ့ ဂုဏ်သိက္ခာကို ကိုယ်ကိုယ်တိုင် နင်းချေရုံသာမကပဲ ၊

မြန်မာတစ်မျိုးသားလုံးရဲ့ သရဖူဖြစ်တဲ့ ယဉ်ကျေးမှု နဲ့ ဟီရိသြတပ္ပတရားကိုပါ နင်းချေ ဖျက်ဆီးပစ်လိုက်တာပါပဲ ။

ကျွန်တော့်ကို အကူအညီတောင်းလို့ အလုပ်သွင်းပေးခဲ့ဖူးတဲ့ Living Together နှစ်ယောက်အကြောင်း အနည်းငယ်ပြောပြပါမယ် ။

ကောင်မလေးက သိပ်လှတယ်..... ရန်ကုန် ကြို့ကုန်းကပါ ။

သူ့အဖေက ရှေ့နေတစ်ယောက် ဖြစ်သလို မုဆိုးဖိုကြီးပေါ့ ။

ညီအမနှစ်ယောက်ထဲ ရှိတာမှာ သူကအကြီး..... အဲဒီတော့ တိုတိုပြောရရင် မလေးကို ရှိတာလေး ထုခွဲရောင်းချပြီးလာတယ် ။

တစ်နေ့လုပ်ခ ၁၈ ရင်းဂစ်နဲ့ မလုံလောက်တော့ စက်ရုံကနေ ထွက်ပြေးပြီး အိုဗာစတေးနဲ့ အပြင်မှာ အလုပ်ရှာလုပ်တယ် ။

အဲဒီတော့ ဘာသာခြား မြန်မာနိူင်ငံသား တစ်ယောက်နဲ့ ငြိစွန်းတယ် ။

သူ့ချစ်သူ ကောင်လေးက ကတိပေးတယ် ။

သူ့ကိုယူရင် ကိုရင် ဝတ်ပြပါ့မယ် ၊ ဗုဒ္ဓဘာသာထဲ ဝင်ပါ့မယ်.... တဲ့.....။

ကောင်မလေးက ယုံလိုက်တယ် .... နှစ်ယောက်ထဲသာ နားလည်တဲ့ Living Together နေကြတယ် ။

မကြာပါဘူး ။

ကိုရင် ဝတ်ဖို့မပြောနဲ့ ..... ကောင်မလေးကိုပါ သူတို့ဘာသာထဲ မဝင်လို့ဆိုပြီး နေ့စဉ်ပြဿနာရှာတယ် ၊ ရိုက်တယ် ။

ကောင်မလေးကတော့ ဒူးနဲ့ မျက်ရည်သုတ်ပေါ့ ။

အဲဒီတော့ သူတို့ ရန်ဖြစ်တိုင်း ကျွန်တော်က မြင်တွေ့နေရတယ် ။

နောက်ဆုံး..... ကျနော် လူကြီးစိတ် မမွေးနိုင်တဲ့တစ်နေ့ ပြဿနာဖြစ်လာနိုင်တာမို့ ၊

စိတ်မကောင်းစွာနဲ့ပဲ နှစ်ယောက်လုံးကို အလုပ်ကနေ ထွက်ခိုင်းလိုက်ပါတယ် ။

ကောင်မလေးရဲ့ နောက်ဆက်တွဲ ပြဿနာတွေနဲ့ သူ့ဘဝအနေအထား ဘာတွေများ ဆက်ဖြစ်နေမလဲ ဆိုတာကိုတော့ ၊

ကျွန်တော် မသိတော့ပါဘူး ။

ဒီဘဝကို သူကိုယ်တိုင်ရွေးချယ်ပြီး သူပဲ စီရင်ခဲ့တာဖြစ်လို့ သူစိုက်ပျိုးခဲ့တဲ့အတိုင်း သူရိတ်သိမ်းနေလောက်ပါပြီ ။

အချုပ်ပြောရရင်တော့ .....

မြန်မာအမျိုးသမီးကောင်းလေးတွေ အနေနဲ့ ဘယ်လို ဘဝမျိုးပဲရောက်နေနေ ၊

ဘယ်နေရာမှာပဲ ရောက်နေနေ ၊

အမျိုးကိုစောင့်ရှောက်ပြီး ၊ မိန်းမတို့အိနြေ္ဒ ရွှေပေးလို့မရ ဆိုတဲ့ မြန်မာမလေးတွေအဖြစ်ပဲ မြင်တွေ့ချင်ပါတယ် ။

ညီမလေးတွေကို ထိရင် မချိအောင် နာတတ်တဲ့ မြန်မာနှလုံးသားတွေကို

နင်တို့နဲ့ ဘာဆိုင်လို့လည်းဆိုတဲ့ စကားနဲ့တော့

ရိုက်ချိုးမပစ်လိုက်ပါနဲ့ ညီမလေးတို့ရယ် ။

Moe Tha Gyar fb မှပြန်လည်ကူးယူဖော်ပြပါသည် ......

Read More

မလေးရှားရေပိုင်နက်အတွင်း အင်ဒိုနီးရှားတရားမ၀င် ရွှေ့ပြောင်းစက်လှေနစ်မြုပ်

 

 

ကွာလာလမ်ပူ ဇူလိုင် ၁၅

 မလေးရှားနိုင်ငံ ကမ်းလွန်ပင်လယ်ပြင်၌ အင်ဒိုနီးရှား လူမျိုး တရားမဝင် ရွှေ့ပြောင်းလာသူများကို တင်ဆောင်လာသော စက်လှေတစ်စင်း အင်္ဂါနေ့ နံနက်အစောပိုင်းက တိမ်းမှောက်ခဲ့ရာ နှစ်ဦးသေဆုံးပြီး ၁၉ ဦး ပျောက်ဆုံး နေဆဲဖြစ်ကြောင်း မလေးရှားနိုင်ငံပိုင်မီဒီယာက ဖော်ပြခဲ့သည်။

မီးသတ်နှင့်ကယ်ဆယ်ရေးလုပ်ငန်းမှ လက်ထောက်ညွှန်ကြားရေးမှူး Mohd Rizal က ၎င်းစက်လှေသည် မလေးရှားရေကြောင်းအေဂျင်စီ သင်္ဘောနှင့်တိုက်မိကာ နစ်မြုပ်သွားခဲ့ခြင်းဖြစ်သည်ဟု ဆိုသည်။

အမျိုးသားတစ်ဦးနှင့် အမျိုးသမီးတစ်ဦးသေဆုံးခဲ့ပြီး အခြား ၆ဝ ကို ကယ်ဆယ်ရေးအဖွဲ့ဝင်များက ကယ်တင်နိုင်ခဲ့သည်။ ၁ဝ ဦးမှာ ဒဏ်ရာများ ရရှိခဲ့သဖြင့် ဆေးရုံသို့ပို့ဆောင်ထားရကြောင်း အခြား ၄၆ ဦးမှာဘေးအန္တရာယ်ကင်းရှင်းကြောင်း ၎င်းကထပ်လောင်းပြောကြားလိုက်သည်။

ကယ်ဆယ်ရေးတပ်ဖွဲ့ဝင် ၂ဝ သည် ကျန်ရှိနေသော ခရီးသည်များကို ဆက်လက်ရှာဖွေနေဆဲဖြစ်သည်။

(ဆင်ဟွာ)
The Mirror Daily

Read More

ကန့်ဘလူထွန်တုံး တိုက်ပွဲဝင် လယ်သမားများ ထောင်ချခံရ

စစ်ကိုင်းတိုင်း၊ ကန့်ဘလူမြို့နယ်အတွင်း သိမ်းဆည်း ခံထားရတဲ့ လယ်ယာမြေတွေ ပြန်ရရေး ထွန်တုံး တိုက်ပွဲ ၀င်နေတဲ့ လယ်သမားတွေ၊ ကူညီနေသူတွေ သာမက ကျေးရွာ အုပ်ချုပ်ရေးမှူးကိုပါ ထောင်ဒဏ် ချမှတ် အပြစ်ပေး လိုက်ပါတယ်။ ဥပဒေကြောင်းအရ ရသင့်ရထိုက်တဲ့ ခုခံချေပခွင့် တောင်မရခဲ့ဘဲ ထောင်ဒဏ် အပြစ်ပေး ခံခဲ့ရတာပါ။
စစ်တပ်က သိမ်းထားတဲ့ မြေတွေထဲကနေ မူလပိုင်ရှင်တွေကို ပြန်ပေးတာတွေ ရှိနေတယ်ဆိုတဲ့ကြားကပဲ အခုလို ဖြစ်ရပ်တွေကလည်း ရှိနေဆဲပါပဲ။ အပြည့်အစုံကို ဗွီအိုအေသတင်းထောက် မအေးမာက သတင်းပေးပို့ထားပါတယ်။
စစ်ကိုင်းတိုင်း ကန့်ဘလူမြို့နယ်ထဲမှာ တောင်သူတွေဟာ လွန်ခဲ့တဲ့ နှစ် ၂၀ ကျော်က စစ်တပ်က လေ့ကျင့်ရေးကွင်းအဖြစ် သိမ်းထားတဲ့ တောင်ယာတွေအပေါ်မှာ ထွန်တုံးတိုက်ပွဲ ဆင်နွှဲခဲ့တာပါ။ စစ်တပ်က သေနတ်တွေနဲ့ ပစ်ဖောက်ခြိမ်းခြောက်မှုတွေ လုပ်ခဲ့ပေမဲ့ ထွန်တုံးတိုက်ပွဲက ဆက်ပြီး လုပ်နေဆဲဖြစ်ပါတယ်။
ဒီထဲက လယ်သမားရေးကူညီသူတွေ လယ်သမားတွေနဲ့ ကျေးရွာအုပ်ချုပ်ရေးမှုတွေကို ဇူလိုင်လ ၁၄ ရက်နေ့က ပိုင်နက်ကျုးလွန်မှု အပါအ၀င် ပုဒ်မတွေနဲ့ ထောင်ဒဏ်တွေနဲ့ ကန့်ဘလူတရားရုံးကနေ ချမှတ်လိုက်ကြောင်း တောင်သူတဦးက ပြောပြပါတယ်။
“ဦးကောင်းထွန်း စစ်ကိုင်းတိုင်းဒေသကြီးတာဝန်ခံ သူက ထောင်ဒဏ် ၂ နှစ်၊ နောက်တခါ ပေကြီးရွာအုပ်ချုပ်ရေးမှူး ဦးစိန်ထွန်းဆိုတာ သူကလည်း ထောင်ဒဏ် ၂ နှစ်၊ ထောက်ရှာအိုင်ရွာ အုပ်ချုပ်ရေးမှူး သူကလည်း ထောင်ဒဏ် ၂ နှစ်၊ ထောက်ရှာအိုင်ရွာကပဲ ဦးကျော်လင်း ဆိုတဲ့ တဦးရယ်၊ နောက်တခါ ကိုကျော်တင့် ဆိုတဲ့သူရယ်၊ ကိုဇော်မင်း ဆိုတဲ့သူရယ်၊ သူတို့ ၃ ဦးကတော့ ထောင်ဒဏ် ၂ နှစ်၊ ဦးကျော်ရင်က ၃ ထောင်ဒဏ် ၃ နှစ်၊ အားလုံး မနေ့က စုစုပေါင်း ၆ ဦး၊ ၄၄၇၊ ၄၂၇၊ ပိုင်နက်ကျူးလွန်မှုနဲ့ သီးနှံဖျက်ဆီးမှုပေါ့။ ဒီကနေ့မနက်ပဲ မိသားစုတွေနေပြီးတော့ ကန့်ဘလူမြို့နယ်နဲ့ အနီးဆုံးဖြစ်တဲ့ ရွှေဘိုထောင်ကို သွားပြီးတော့ စုံစမ်းနေကြတယ်။ ရွှေဘိုထောင်မှာ ဘယ်နှစ်ဦးရောက်တယ်၊ တခြားထောင်တွေမှာ ဘယ်နှစ်ဦးရောက်တယ်၊ သို့တည်းမဟုတ်လို့ရှိရင် ရွှေဘိုထောင်မှာပဲ ၆ ဦးစလုံးရောက်သလားဆိုတာ မသိရသေးဘူး။”
ရှေ့နေတွေနဲ့ ခုခံချေပခွင့်မရဘဲ ထောင်ဒဏ်များ ချမှတ်ခံရတဲ့အတွက် ဥပဒေပါ အခွင့်အရေးဆုံးရှုံးမှုအဖြစ် တောင်သူတွေဘက်ကလည်း ပြောဆိုနေတာပါ။ လယ်သမားတွေကို ထောင်ချလိုက်တာနဲ့ ပတ်သက်လို့ ရန်ကုန်မြို့က ရှေ့နေ ဦးအောင်သူရိန်ထွန်း ကတော့ အခုလို ပြောပါတယ်။
“ရှေ့နေရှေ့ရပ် ငှားရမ်းထုချေခွင့် အခွင့်အရေးကို တရားရုံးက ပေးအပ်ရမှာဖြစ်ပါတယ်။ ရှေ့နေငှားရမ်းခွင့် အခွင့်အရေးလည်း၊ ဖွဲ့စည်းပုံ အခြေခံဥပဒေက ပေးအပ်ထားတဲ့ နိုင်ငံသားတယောက်ရဲ့ အခွင့်အရေးကို ရရှိသင့်သည်ဖြစ်ပါတယ်။ ဒီလို ခုခံချေပခွင့် မပေးဘဲနဲ့ ထောင်ဒဏ်တွေ ချမှတ်လိုက်တယ်ဆိုရင်တော့ ဒါ တရားမျှတမှုမရှိတဲ့ လုပ်ရပ်ပဲ ဖြစ်ပါလိမ့်မယ်။”
တောင်သူတွေရဲ့မြေဧက ၃၀၀ ကျော်ကို အမှတ် ၃၃ ခြေမြန်တပ်မဌာနချုပ်က သိမ်းယူခဲ့ပြီးတဲ့နောက် တောင်သူတွေက ပြီးခဲ့ဇွန်လကစပြီး ထွန်တုံးတိုက်ပွဲ လုပ်ဆောင်ခဲ့တာပါ။ စစ်တပ်က မြေမွန်ရွာမှာတော့ သေနတ်တွေနဲ့ ခြောက်လှန့် ပစ်ခတ်မှုတွေကိုလည်း လုပ်ဆောင်ခဲ့ပါတယ်။ မြေသိမ်းဥပဒေနဲ့မညီဘဲ သိမ်းဆည်းထားတဲ့ မြေယာတွေနဲ့ပတ်သက်လို့ တောင်သူတွေကို ဖမ်းဆီးထောင်ချခြင်းဟာ ဥပဒေနဲ့မညီဘူးလို့လည်း ရှေ့နေ ဦးအောင်သူရိန်ထွန်း ကဆိုပါတယ်။
“၈၉ ခုနှစ် မြန်မာနိုင်ငံ မြေသိမ်း အက်ဥပဒေနဲ့အညီ သိမ်းယူထားတာတွေ မဟုတ်ဘူး။ ဒါကြောင့် မြေသိမ်းဥပဒေနဲ့မညီဘဲ သိမ်းထားတဲ့မြေတွေဟာ တရားဝင် လက်ရှိ ဖြစ်မှာမဟုတ်ဘူး။ သို့သော်လည်းပဲ သိမ်းဆည်းထားတဲ့ မြေယာတွေ အကုန်လုံးကို တရားမ၀င် သိမ်းဆည်းထားပြီးတော့ တရားဝင်သရောင်နဲ့ ဒီလို တောင်သူလယ်သမားတွေကို ထောင်ဒဏ်တွေ ချမှတ်တာဟာဖြင့် တရားမျှတမှု မရှိဘူး။”
မြန်မာစစ်တပ်ကတော့ သူတို့သိမ်းဆည်းထားတဲ့ လယ်မြေတချို့ကို ပြန်လည် စွန့်လွှတ်မှာဖြစ်ကြောင်း ပြောဆိုခဲ့ပြီး တချို့မြေတွေကိုတော့ ပြန်လည်ပေးအပ်မှာ မဟုတ်ကြောင်းကိုလည်း ပြောဆိုထားတာပါ။  ပြီးခဲ့တဲ့လက မြန်မာနိုင်ငံကို လာရောက် လည်ပတ်ခဲ့တဲ့ အမေရိကန် လက်ထောက် နိုင်ငံခြားရေးဝန်ကြီး Tom Malinowski ရဲ့  ခရီးစဉ်အတွင်းမှာ မြန်မာ့တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ တွေ့ဆုံခဲ့ပြီး  မြန်မာစစ်တပ်က သိမ်းဆည်းထားတဲ့ လယ်ယာမြေတွေကို ပိုင်ရှင်တွေထံ ပြန်လည်ပေးအပ်ရေး အပါအဝင် လူ့အခွင့်အရေး ကိစ္စတွေကို ဆွေးနွေးခဲ့တယ်လို့ ပြောပါတယ်။
တပ်မတော်သားပီပီ နိုင်ငံ့ကာကွယ်ရေးစွမ်းရည်၊ ကျင့်ဝတ်သိက္ခာကို တိကျလေးနက်စွာ လိုက်နာရေး၊ လူ့အခွင့်အရေး လေးစားလိုက်နာမှု၊ မတူကွဲပြားမှုကို လက်ခံခြင်း၊ အရပ်သားထိန်းချုပ်မှုကို ထောက်ခံခြင်း စတဲ့ အမေရိကန်စစ်တပ်ရဲ့ ခံယူချက်တွေကိုလည်း ရှင်းလင်းပြောဆိုခဲ့တယ်လို့ ဆိုပါတယ်။
 မအေးအေးမာ  / ဗွီအိုအေ (မြန်မာပိုင်း

Read More

အမေ့အတွက် သားလိမ္မာ ဖြစ်စေဖို့

 

ကလေးအရွယ်တုန်းကတော့ သားကိုချီပိုးဆော့ပေးနိုင်ခဲ့တယ်။ သားအတွက် လိုလေသေးမရှိအောင် ဂရုစိုက်ပေးခဲ့တယ်။ အဲ့ဒီအချိန်တုန်းကတော့ ဘယ်သူ့ကို အချစ်ဆုံးလဲလို့ မေးလိုက်ရင် အမေ့ကို လက်ညှိုးထိုးပြတတ်တဲ့ သားယောင်္ကျားလေးတွေဟာ အရွယ်ရောက်လာတာနဲ့အမျှ  အမေတွေနဲ့ ဝေးကွာလာသလို အလုပ်ခွင်ထဲရောက်၊ အိမ်ထောင်ကျတဲ့အခါ အမေနဲ့ရော မိဘအတွက်ပါ အချိန်မပေးနိုင်ကြတော့ဘူး။ အလုပ်တွေ ရှုပ်၊ စိတ်တွေရှုပ်လာတဲ့အချိန် အမေ့ကိုပါ  အော်ငေါက်တတ်လာသလို ဆူပူတာမျိုးတွေပါ လုပ်လာတတ်ကြပါတယ်။

 

 

 ဒီလိုအချိန်မျိုးတွေမှာ ဘယ်သူမှမသိအောင် သားသမီးတွေအတွက် တိတ်တိတ်ကလေး မျက်ရည်ကျခဲ့ရတဲ့ အမေတွေ၊ ကိုယ့်သားသမီးက ပြန်ပြောဆိုတာခံရလို့၊ အော်ငေါက်တာခံရလို့ စိတ်မကောင်းဖြစ်ကြရတဲ့ အမေတွေ အများကြီးပါ။ သူတို့မှာ လိုအပ်နေတာ ငွေကြေးဆိုတာထက် သားသမီးတွေရဲ့ မေတ္တာတွေပါ။ အသက်ကြီးလို့ အားငယ်လာတတ်ကြတဲ့ မိခင်အတွက် သားလိမ္မာတစ်ယောက်ဖြစ်အောင် ဘယ်လိုအချက်ကလေးတွေ ဖြည့်ဆည်းပေးသင့်သလဲဆိုတာ ပြောပြပေးချင်ပါတယ်။

အမေ့ကိုချစ်တယ်ဆိုတာ သူသိပါစေ။
အချိန်အားတိုင်း အမေ့ကို သိပ်ချစ်တာပဲလို့ အားလုံးကြားအောင် အော်ပြနေတာထက်စာရင် အမေ့ဘေးမှာ သူလိုအပ်တဲ့ သေးသေးမွှားမွှားကိစ္စလေးတွေ ကူလုပ်ပေးခြင်းကလည်း သူ့ကိုချစ်တယ်ဆိုတာ ပြသရာရောက်ပါတယ်။ သူ ဟင်းချက်တဲ့အခါ ဘေးနားက တစ်ခါတစ်လေ အချိန်ရရင်ရသလို ကူညီပေးတတ်တာမျိုးဟာ ကိုယ့်သူ့ကိုချစ်တယ်ဆိုတာ ပြသတာတစ်မျိုးပါပဲ။ အမေနဲ့အတူ ဈေးဝယ်ထွက်တာမျိုးလုပ်ပေးပါ။ ကော်ဖီအတူတူ သောက်၊ စကားပြောတာမျိုးတွေ လုပ်ပေးပါ။ သူနားမလည်တာတွေကို အချိန်ယူရှင်းပြပါ။ အော်ငေါက်တာမျိုး မလုပ်မိပါစေနဲ့။

အမေ့စကားကို တတ်နိုင်သလောက် နားထောင်ပါ။
ကိုယ်က အသက်အရွယ်ရနေပြီ။ လူကြီးဖြစ်နေပြီဆိုပေမယ့် အမေ့အတွက်တော့ ကိုယ်ဟာ ကလေးတစ်ယောက်ပါပဲ။ သူဆုံးမတာတွေ မှတ်သားပါ။ နာခံပါ။ မဖြစ်နိုင်ဘူးဆိုရင်တောင် ဒါတော့ ဘာ့ကြောင့် မဖြစ်နိုင်ဘူးဆိုတဲ့အကြောင်း သူ့ကို ပြန်ရှင်းပြပါ။ အမေက အိမ်ကို ည၁၀နာရီနောက်ဆုံး ပြန်ရောက်စေချင်တယ်ဆိုရင် ရောက်နိုင်အောင် ကြိုးစားပါ။ မဖြစ်နိုင်ဘူးထင်ရင် ပြန်ညှိပါ။ အမေဆိုတာ ကိုယ့်ကို ကလေးဘ၀ကတည်းက လမ်းလျှောက်တတ်အောင်၊ စကားပြောတတ်အောင်၊ လူကောင်းတစ်ယောက်ဖြစ်လာအောင် သွန်သင်ဆုံးမပေးတဲ့သူဆိုတာ ခေါင်းထဲထည့်ပြီး တလေးတစား ဆက်ဆံပါ။

စကားပြော ဆင်ခြင်ပါ။
အမေကလည်း ဘာမှမသိပဲနဲ့။ ခုခေတ်အခြေအနေကို အမေဘာမှ မသိပဲ ၀င်မပြောနဲ့။ အမေက အာရုံနောက်စရာကြီးဗျာ စသဖြင့် သူတို့တွေ ၀မ်းနည်းစေမယ့် စကားမျိုးမပြောပါနဲ့။ ကိုယ်က ခုချိန်မှာ တော်တတ်နေတယ်ဆိုတာကလည်း အမေ့ရဲ့ပံ့ပိုးမှုတွေ အများကြီး ပါတယ်ဆိုတာ မေ့မပစ်လိုက်ပါနဲ့။

အမေနားမလည်တာတွေကို စိတ်ရှည်လက်ရှည်သင်ပေးပါ။
အီလက်ထရောနစ်ပစ္စည်းတွေနဲ့ ပတ်သက်ပြီးတော့ပဲဖြစ်ဖြစ်၊ နည်းပညာပိုင်းဆိုင်ရာ ကိစ္စတွေမျိုးမှာ အိမ်မှာပဲနေရတဲ့အမေတွေဟာ ဗဟုသုတနည်းမှာ အမှန်ပါပဲ။ နောက်ဆုံးပေါ် ဖုန်းကို ဘယ်လိုသုံးရသလဲဆိုတာမျိုး၊ အင်တာနက်သုံးတဲ့အခါ ဘာတွေလိုတယ်ဆိုတာမျိုး သူစိတ်ဝင်စားတယ်ဆိုရင် စိတ်ရှည်လက်ရှည်သင်ပေးပါ။

ပွင့်ပွင့်လင်းလင်း ပြောပါ။
အမေက အသက်ကြီးနေပြီမို့ ညာပြောတာမျိုး၊ အရေးမထားတာမျိုးတွေ မလုပ်ပါနဲ့။ အမေရေ ကျွန်တော်ကတော့ ဘယ်လိုဖြစ်နေပြီ စသဖြင့် သူ့ကို အရေးထား တိုင်ပင်ပါ။ ပွင့်ပွင့်လင်းလင်း ပြောဆိုပါ။
အမေ့အတွက်ဆိုပြီး မှတ်မှတ်ရရ တစ်ခုခုလုပ်ပေးနိုင်အောင် ကြိုးစားပါ။
တစ်ပတ်မှာတစ်ခါ၊ ဒါမှမဟုတ် တစ်လမှာတစ်ခါ အမေ့အတွက် အမှတ်တရဖြစ်စေမယ့် အရာလေးတွေ ဖန်တီးပေးပါ။ အမေကြိုက်တဲ့ ပစ္စည်းလေးတွေ လက်ဆောင်ပေးတာပဲဖြစ်ဖြစ်၊ အမေသွားချင်တဲ့နေရာကို လိုက်ပို့ပေးတာမျိုးပဲဖြစ်ဖြစ်၊ အမေ့အတွက် အချိန်ပေးပြီး တစ်ခုခုလုပ်ပေးနိုင်အောင် ကြိုးစားကြည့်ပါ။

ဂရုစိုက်စောင့်ရှောက်ပါ။
အမေဆိုတာ သားသမီးတွေအတွက် ၂၄နာရီလုံး၊ တစ်နှစ်ပတ်လုံး ဘယ်အချိန်မဆို အဆင်သင့်ရှိနေသူတွေပါ။ သူတို့အလှည့်ကျရင်ရော။ သူတို့နေထိုင်မကောင်းဖြစ်တဲ့အခါ မအားလို့ ဂရုမစိုက်ပဲ ပစ်ထားတာမျိုး၊ အနားမှာ မရှိတာမျိုးတွေ မလုပ်ပါနဲ့။ အမေဆိုတာ သားသမီးတွေအတွက် ဘယ်လိုမှ အစားမထိုးနိုင်ဘူးဆိုတာ သိထားပါ။ တန်ဖိုးထားချစ်ပါ။

အမေကို ဟာသလုပ်ပြီး ပြောဆိုတာမျိုးတွေ မလုပ်ပါနဲ့။
သူနားမလည်ပဲ ပြောလိုက်တဲ့ အရာတစ်ခုကို သင်က ဟာသလုပ်ပြီး ပြောဆိုတာမျိုးတွေ ရှောင်ပါ။ အိမ်မှာ ကိုယ့်အိမ်သားတွေရှေ့မှာ သူ့ကိုဟာသလုပ်တာမျိုးက ပျော်စရာကောင်းပေမယ့် တခြားအမျိုးတွေရှေ့မှာ၊ သူငယ်ချင်းတွေရှေ့မှာ ပြောဆိုတာမျိုးဆိုရင်တော့ သူစိတ်မကောင်းဖြစ်သွားမှာ အမှန်ပါပဲ။

Ref:mensxp.com
Trend Myanmar

Read More

မြန်မာနိုင်ငံက ဈေးအကြီးဆုံး ရှိုးပွဲလာပြီ

 

 

မြန်မာနိုင်ငံမှာလာ ရောက်ဖျော်ဖြေမယ့် ကိုရီးယားနာမည်ကျော် Girl Band ဖြစ်တဲ့ 2NE1 ရဲ့ဖျော်ဖြေပွဲ လက်မှတ်ဈေးနှုန်းကို အမြင့်ဆုံးကျပ်ကိုး သိန်းသတ်မှတ်ထားတယ်လို့ Bo Bo Entertainment မှသိရပါတယ်။

2NE1 ဖျော်ဖြေပွဲကို ယခင်က သြ Bo Bo Music နဲ့ Samsung Myanmar တို့ ပူးပေါင်းပြုလုပ်ဖို့ စီစဉ်ထားသော်လည်း အခက်အခဲတချို့ကြောင့် Living Sound Entertainment နဲ့ ဆက်လက်ဆောင်ရွက် ခဲ့တယ်လို့ သိရပါတယ်။

''အစကကျွန်တော်တို့ Samsung နဲ့ ပေါင်း လုပ်ဖို့စီစဉ်ထားတာပါ။ အကြောင်းအမျိုး မျိုးကြောင့် အထမမြောက်ခဲ့ပါဘူး။ အခုပွဲ ကို Living Sound ကနေ ဦးစီးပြီးလုပ်မှာ ပါ။ သူတို့ကလဲပွဲကို 2NE1 In Myanmar Galaxy Stage အမည်နဲ့ပဲ ဆက်လုပ်သွား မယ်လို့သိရပါတယ်''လို့ Bo Bo Music Entertainment မှ ကိုဘိုဆန်းကပြော ပါတယ်။

2NE1 Myanmar ပွဲမှာ ပရိသတ်ကြိုက် မြန်မာအမျိုးသမီးအဆို တော်တစ်ဦးနဲ့ အမျိုးသားအဆိုတော်နှစ်ဦး တို့ပါဝင်ဖျော်ဖြေမှာဖြစ်ပြီး 2NE1 အဖွဲ့ အပြင်အခြားအကအဖွဲ့ များရဲ့ ဖျော်ဖြေမှုများလည်းပါဝင်မှာ ဖြစ် တယ်လို့ သိရပါတယ်။

ဒီဖျော်ဖြေပွဲကို သြဂုတ် ၂ ရက် မှာကျင်းပမှာဖြစ်ပေမယ့် သုဝဏ္ဏမိုးလုံလေ လုံအားကစားကွင်းမှာ ဖျော်ဖြေမှာမဟုတ် ဘဲ ရန်ကုန်မြို့ရဲ့ အထင်ကရနေရာတစ်ခု မှာည ၇ နာရီမှ ၁ဝ နာရီအထိကျင်းပမှာ ဖြစ်ကာ လက်မှတ်ဈေးနှုန်းကို ကျပ် ၂၅ဝဝဝ၊ ၄၅ဝဝဝ၊ ၂၅ဝဝဝဝ၊ ၅ဝဝဝဝဝ၊ ၇ဝဝဝဝဝ နဲ့ ၉ဝဝဝဝဝ အထိသတ်မှတ်ထားပြီး ဇူ လိုင် ၂၁ ရက်မှာ လက်မှတ်ရောင်းချမယ့်နေ ရာများကို ကြေညာပေးသွားမှာဖြစ်တယ် လို့သိရပါတယ်။

From: YMG

Read More

မန္တလေးလူသတ်မှုနှင့် ပတ်သက်သည့် တရားခံအချို့ ဖမ်းမိထားပြီဟုဆို

ဓာတ်ပုံ − ငြိမ်းချမ်းနိုင်/အီးပီအေ
 မန္တလေးမြို့တွင် ယခုလဆန်းက ဖြစ်ပွားခဲ့သော လူသတ်မှုများနှင့် ပတ်သက်သည့် တရားခံများထဲမှ သုံးပုံတစ်ပုံခန့်ကို ဖမ်းဆီး ထိန်းသိမ်းထားကြောင်း သတင်း ရရှိသည်။
ဇူလိုင် ၂ ရက် ညက ဖြစ်ပွားခဲ့သည့် လူသတ်မှုနှစ်မှုနှင့် ဆက်စပ်သည့် တရားခံအချို့ကို ဆယ်ရက်ကျော်အတွင်း ဖမ်းဆီးရရှိနိုင်ခဲ့ပြီ ဖြစ်သော်လည်း အမှန်တကယ် ကျူးလွန်ခဲ့ပြီး တိမ်းရှောင်နေဆဲ တရားခံများ ဆက်လက်ဖမ်းဆီးနိုင်ရန် ကြိုးစားနေရဆဲဖြစ်ကြောင်း မန္တလေးခရိုင် ရဲတပ်ဖွဲ့မှူးရုံးမှ ဒုတိယရဲမှူးကြီး စိန်ထွန်းက ပြောကြားသည်။
‘‘တရားခံထဲက သုံးပုံတစ်ပုံလောက်တော့ ဖော်ထုတ်ထားနိုင်ပြီ။ တိတိကျကျ ကွင်းဆက်တွေကို ဆက်ဖော်ထုတ်ဖို့ လုပ်နေတယ်။ လိုနေသေးတဲ့သူတွေက လိုနေသေးလို့ အတိအကျ ထုတ်ပြန်တာမျိုးတော့ လုပ်လို့မရသေးဘူး’’ ဟု ဒုတိယရဲမှူးကြီးစိန်ထွန်း က ပြောသည်။
ယခုလ ၁ ရက်၊ ၂ ရက်နှင့် ၄ ရက်တို့တွင် မန္တလေးမြို့၌ ဖြစ်ပွားခဲ့သည့် ပဋိပက္ခဖြစ်စဉ်များနှင့် ပတ်သက်၍ လူသတ်မှု မသင်္ကာသူသုံးဦး အပါအ၀င် မီးရှို့ဖျက်ဆီးမှုဖြင့် မသင်္ကာသူ ၁၀ ဦးနှင့် နာကျင်စေမှု မသင်္ကာသူ ခြောက်ဦးကိုလည်း ဖမ်းဆီးအရေးယူထားပြီး ဥပဒေနှင့်အညီ ဆက်လက် ဖော်ထုတ်စစ်ဆေးနေကြောင်း တိုင်းဒေသကြီး ပြန်ကြားရေးနှင့် ပြည်သူ့ဆက်ဆံရေးဌာနက ယခုလ ၁၃ ရက်တွင် တရားဝင်ထုတ်ပြန်ခဲ့သည်။
ထို့အပြင် အစ္စလာမ်ဘာသာဝင် သင်္ချိုင်း ဖျက်ဆီးသူများ၊ မြို့တွင်း ဆူပူလှုံ့ဆော်သူများ၊ ဗလီအတွင်း လက်နက်များနှင့် တွေ့သူများကို တရားစွဲဆိုရန် တင်ပြထားပြီးဖြစ်ကြောင်း၊ ကျန် ပြစ်မှုကျူးလွန်သူများကိုလည်း ဆက်လက်ဖော်ထုတ်  အရေးယူမှုများ ပြုလုပ်သွားမည်ဖြစ်ကြောင်း ခရိုင်ရဲတပ်ဖွဲ့မှူးရုံးမှ  သတင်းရရှိသည်။
ယခုလ ၃ ရက်က စတင် ထုတ်ပြန်ခဲ့သည့် ညမထွက်ရအမိန့် မလိုက်နာသည့် ဖြတ်သန်းသွားလာသူပေါင်း ခြောက်ရာကျော်ကို အရေးယူနိုင်ရေး ဆောင်ရွက်နေကြောင်း ဒုတိယရဲမှူးကြီးစိန်ထွန်းက ဆက်လက်ပြောကြားသည်။
7day daily

Read More

Facebook ပေါ်တွင် အစိုးရ ဆန့်ကျင်ရေး လှုံ့ဆော်ရေးသားသည့် အီရန်လူငယ်(၈)ဦး ထောင်ဒဏ်များ ချမှတ်ခံရ

Facebook ပေါ်တွင် အစိုးရ ဆန့်ကျင်ရေးဆိုင်ရာ ရေးသားလှုံ့ဆော်မှုများအတွက် အီရန်လူငယ်
 (၈)ဦးကို ထောင်ဒဏ်များ ချမှတ်လိုက်ကြောင်း
သိရှိရသည်။
ဇူလိုင် (၁၄)ရက်တွင် အီရန်တရားရုံးတစ်ခုက အမည်ဖော်မပြသော လူငယ်(၈)ဦးကို ထောင်ဒဏ်များ အသီးသီး ချမှတ်ခဲ့ကြောင်း သတင်းများက ဖော်ပြခဲ့သည်။ ၎င်းတို့သည် အမျိုးသား လုံခြုံရေးကို ထိပါးခြင်း၊ အစိုးရ ဆန့်ကျင်ရေး ဝါဒဖြန့်မှုများ လုပ်ဆောင်ခြင်း၊ အီရန်နိုင်ငံ ခေါင်းဆောင်များ၏ ဘာသာရေးဆိုင်ရာ စံနှုန်းတန်ဖိုးများကို စော်ကားခြင်းတို့အတွက် ပြစ်ဒဏ်ချမှတ် ခံရခြင်းဟု ဆိုသည်။
တဟီရန်၊ ယာ့ဇ်၊ ရှီရက်ဇ်၊ အေဘာဒန်၊ ကာမန်မြို့များမှ လူငယ်များသည် ထောင်ဒဏ် (၁၁)နှစ်မှ (၂၁)နှစ်ထိ အသီးသီး ပြစ်ဒဏ်ချမှတ် ခံခဲ့ရပြီး အဆိုပါ စီရင်ချက်များကို အယူခံဝင်ရန် တရားရုံးက ခွင့်ပြုထားကြောင်းလည်း သိရသည်။
အီရန်အစိုးရသည် Twitter နှင့် Facebook တို့ကဲ့သို့ Social Media ဝက်ဘ်ဆိုက်များပေါ်တွင် အစိုးရကို ဆန့်ကျင်ခြင်း၊ ဘာသာရေးကို ဆန့်ကျင်ခြင်းစသော ရေးသားဖြန့်ဝေမှုများအား လိုက်လံစိစစ် အရေးယူလေ့ ရှိသည်။ အီရန်သမ္မတ ဟူစိန်ရိုဟာနီသည် မိမိကိုယ်ကိုယ် အစွန်းမရောက်သူ တစ်ဦးဟု ကြေညာကာ လူမှုရေး၊ ယဉ်ကျေးမှုနှင့် မီဒီယာ ကဏ္ဍများတွင် ယခင်ထက် လွတ်လပ်ခွင့် ပေးအပ်သွားမည်ဟူသော ကတိဖြင့် ကွန်ဆာဗေးတစ်တို့ကို အနိုင်ရလာသူ ဖြစ်သည်။
သို့သော်လည်း ၎င်း၏ အစိုးရအဖွဲ့သည် ရှေးရိုးစွဲ ဝါဒီများနှင့် ကွန်ဆာဗေးတစ်တို့၏ အတိုက်အခံ ပြုမှုများကြောင့် တရားစီရင်ရေး အပါအဝင် အရေးပါသော အပြောင်းအလဲများကို လက်တွေ့ အကောင်အထည်ဖော်ရန် ရုန်းကန်နေရဆဲ ဖြစ်သည်။ မေလအတွင်းကလည်း အီရန်တွင် အစိုးရ ဆန့်ကျင်ရေး လှုံ့ဆော် ရေးသားမှုများအတွက် လူ(၈)ဦးကို ထောင်ဒဏ် (၇)နှစ်မှ နှစ်(၂၀)ထိ ပြစ်ဒဏ်များ ချမှတ်ခဲ့ကြောင်း သိရှိရသည်။
_Ref: Channelnewsasia
7Day News Daily

Read More

အာဇာနည်နေ့တွင် ဟွန်းသံရှည်တီးက လိုင်စင်ပိတ်မည်

ဇူလိုင် ၁၉၊ အာဇာနည်နေ့တွင်ဟွန်းဆက်တိုက်တီးသည့် မော်တော်ယာဉ်များကို
ယာဉ်မောင်းလိုင်စင် ပိတ်သိမ်းသည်အထိ အရေးယူဆောင်ရွက်သွားမည်ဟု အမှတ်(၂)
ယာဉ်ထိန်း ရဲတပ်ဖွဲ့ခွဲမှူး ရုံးဒုရဲမှူးကြီး ဦးလင်းထွဋ်
က ပြောသည်။
“ဟွန်း အဆက်မပြတ်တီးခြင်းက ပတ်ဝန်းကျင်အနှောင့်အယှက်ဖြစ်တယ်။ တီးတဲ့အတိုင်းအတာအပေါ် မူတည်ပြီး ဆုံးဖြတ်မှာပါ”ဟု ၎င်းက ဆိုသည်။
ဇူလိုင် ၂ ရက်က ထုတ်ပြန်လိုက်သည့် ယာဉ်စည်းကမ်းထိန်းသိမ်းရေး ဥပဒေများအရ ပထမအကြိမ် တစ်လမှ တစ်နှစ်၊ဒုတိယအကြိမ် သုံးလမှ နှစ်နှစ်၊ တတိယအကြိမ်ခြောက်လမှ သုံးနှစ်နှင့် စတုတ္ထအကြိမ် တစ်နှစ်မှ လေးနှစ်အထိ လိုင်စင်ပိတ်သိမ်းမည်ဖြစ်သည်။
၂၀၁၃ ခုနှစ် အာဇာနည်နေ့က ဘတ်စ်ကားများနှင့် ကိုယ်ပိုင်ယာဉ်များတွင် ၁၉ ဇူလိုင် မမေ့နိုင်ပါ စာတန်းများ ကပ်ကာ လှုပ်ရှားမှုများ ပြုလုပ်ခဲ့ကြပြီး ရန်ကုန်မြို့ပေါ်တွင် ယနေ့အချိန်ထိ လှုပ်ရှားမှုတစ်စုံတစ်ရာ မတွေ့ရသေးပေ။
စည်းကမ်းမလိုက်နာသူများကို လိုင်စင်ပိတ်သိမ်းသည်အထိ အရေးယူခြင်းကို ဇူလိုင် ၁၁ ရက်မှ စတင်ခဲ့ပြီး စည်းကမ်းမဲ့အရေးယူမှု အမျိုးအစားပေါင်း ၁၄ မျိုးဖြင့် ယာဉ်မောင်းလိုင်စင် ပိတ်သိမ်းလိုက်သည့်အမှုပေါင်း ၃၆ မှု ဖမ်းဆီးရမိခဲ့သည်ဟု ထုတ်ပြန်ထားသည်။
Mizzima News Daily

Read More

လက်တစ်ဖက် မရှိတော့ပေမယ့် အလှမယ်ဆု ရရှိထားသူ

အေသင်အောင်
မသန်စွမ်း ဘ၀ကို ရောက်နေပေမယ့် ဘယ်တော့မှ အရှုံးမပေးခဲ့တဲ့ အသက် (၂၃) နှစ် အရွယ် နီကိုးလ်ကယ်လီဟာ အမေရိကန် ပြည်ထောင်စု၊ အိုင်အိုဝါ ပြည်နယ်ရဲ့ အလှ မယ်ဆုကို ရရှိသွားခဲ့ပါတယ်။ နီကိုးလ်ကယ်လီဟာ အခြားပြိုင်ပွဲဝင် များစွာကို ကျော်ဖြတ်ပြီး ၂၀၁၄ အလှမယ် ချန်ပီယံဆုကို ရယူနိုင်ခဲ့ခြင်း ဖြစ်ပါတယ်။ မွေးရာပါ လက်တစ်ဖက် ပါဝင် ခြင်းမရှိခဲ့ပေမယ့် တက္ကသိုလ်မှာ စီမံခန့်ခွဲ ဘာသာရပ်နဲ့ ဘွဲ့ရယူထားတဲ့ နီကိုးလ် ကယ်လီဟာ ဘ၀တူ မသန်စွမ်းသူတွေ အတွက် လေးစားအားကျစရာ ဖြစ်လာခဲ့ပါတယ်။ ဘာပဲလုပ်လုပ် ယုံကြည်မှုထားလုပ်ကိုင်ခဲ့တဲ့ နီး ကိုးလ်ကယ်လီ ဟာ လက်ရှိအချိန်မှာတော့ နယူးယောခ်မြို့မှာ အခြေချပြီး လုပ်ငန်းခွင် ၀င်ရောက်လျက်ရှိပါတယ်။

နီကိုးလ်ကယ်လီက ကျွန်မဟာ အလုပ်တစ်ခု လုပ်တိုင်း ချိန်ဆတွေးတော လုပ်လေ့ရှိပါတယ်။ စိတ်ညစ်စရာတွေ ရှိခဲ့ပေမယ့် အရှုံးမပေးခဲ့ပါဘူး။ အရာအားလုံးကို ကြိုးစားလုပ်ခဲ့လို့ ဘေ့ဘောကစားခြင်းကနေ ကခုန်ခြင်း၊ ဒိုင်ဗင်ထိုးခြင်းအထိ ပြုလုပ်နိုင်စွမ်း ရှိပါတယ်။ ကျွန်မအနေ နဲ့ ဘာမှမကြိုးစားရင် ဖြစ်လာမှာ မဟုတ်ပါဘူး လို့ ပြောသွားခဲ့ပါတယ်။ နီကိုးလ် ကယ်လီဟာ မသန်စွမ်းသင်တန်ကျောင်းတွေကို သွားရောက်ပြီး သူနဲ့ဘ၀ တူတွေကို အားပေးနှစ်သိမ့်ခဲ့ပါတယ်။ နီကိုးလ်ကယ်လီက မသန်စွမ်းဖြစ်နေတဲ့သူတွေရဲ့ မိဘတွေနဲ့ တွေ့ဆုံရန် အလွန်အရေးကြီးကြောင်း၊ စိတ်ပိုင်း ဆိုင် ရာထိခိုက်မှုမရှိစေရေး အတွက် မိဘတွေကို သတိပေးမှုတွေ ပြုလုပ် သွားရမည် ဖြစ်ကြောင်း ပြောကြားသွားခဲ့ပါတယ်။ နီကိုးလ်ကယ်လီဟာ အဖွဲ့အစည်း တွေနဲ့ ဆက်သွယ်ပြီး လူမှုအကျိုးပြုလုပ်ငန်းတွေ ဆက်လုပ်သွားဖို့ ဆုံးဖြတ်ထားပါတယ်။
Messenger

Read More

ငရဲ ဆိုတာ တကယ်ရှိပါတယ်လို့ သိပ္ပံနည်းကျ သက်သေလိုချင်ရင် ဖတ်ကြည့်ပါ

မြတ်စွာဘုရားဟောကြားခဲ့တဲ့ငရဲကြီးရှစ်ထပ်ဆိုတာကို နော်ဝေးနိုင်ငံနှင့် ဖင်လန်နိုင်ငံမှ ဘူမိဗေဒပညာရှင်များကအတည်ပြု၊ ကျနော်တို့ မြေကြီးရဲ့ မြေအောက်အလွှာတွင် ရွေ.လျှားမှုအကြောင်း လေ့လာကြတဲ့
ဆိုဗီယက်နိုင်ငံမှ ဘူမိဗေဒပညာရှင်များနှင့် ပြည်ပက ငှာရမ်းထားတဲ့ ဖင်လန်နိုင်ငံနဲ့ နော်ဝေးနိုင်ငံမှ ဘူမိဗေဒပညာရှင်များရယ် ပူးပေါင်းပြီး…ဆိုဗီယက်နိုင်ငံ ဆိုက်ဗေးရီးယား နယ်စွန်တစ်နေရာတွင် မြေအောက်ဆိုက်စမစ် တူးဖော်နည်းနှင့် တူးခဲ့ကြပါတယ်။

ပိုက်လုံးတွေချပြီး တူးကြရင်းက မြေအောက် အနက်ကိုးမိုင် အရောက်မှာ ဇာတ်လမ်းက စတော့တာပဲ။ ပူးပေါင်းတွင်းတူး အဖွဲ့ ခေါင်းဆောင် ဆိုဗီယက် ဘူမိဗေဒပညာရှင်ဒေါက်တာ
ဒီမီထရီအက်ဇာကော့လို့ ခေါ်ပါတယ်။ တွင်းအနက် ကိုးမိုင်ရောက်တဲ့ အခါ တွင်းတူးတဲ့ပိုက်ဟာ ထိန်းမရအောင် တုန်ခါလာတာကို တွေ့ရှိရပါတယ်။ ဘာကြောင့် တုန်ခါသလဲဟု စစ်ဆေးကြတဲ့အခါ
တွင်းတူးပိုက် ထိပ်ပိုင်းဟာ လေဟာနယ်လို တွင်းခေါင်းပြင်ကျယ်ကြီးတစ်ခုကို ရောက်နေလို့  ထိမ်းမရအောင် လှုပ်ရမ်းနေခြင်း ဖြစ်တယ်လို့ တွေ့ ရှိပါတယ်

အဲဒီအခါမှာတော့ လုံးဝမခံ မရပ်နိုင်အောင် နာကျင်တယ်လို့ အော်ဟစ်နေကြတဲ့ အသံကို စတင်ကြားရပါတယ်။

ပထမတော့ သူတို့ ရဲ့ တွင်းတူးစက်နဲ့ ပိုက်လုံးတွေနဲ့ မြေလွှာတွေရဲ့ တုန်ခါမှုအသံဟု ထင်မှတ်ထားကြပေမဲ့ သေချာစူစမ်းပြီး နားထောင်တဲ့ အခါမှာတော့ ပိုက်လုံးတစ်လျှောက်ထဲမှာ ကြားနေ
ရတယ် အသံတွေ ဖြစ်တာကြောင့် နားတွေတောင် မယုံနိုင်အောင် ဖြစ်ခဲ့ရတယ်လို့ ဒေါက်တာ ဒီမီထရီအက်ဇာကော့က ဆိုပါတယ်။ သေချာအောင်လို အသံဖမ်းစက်ကို တွင်းထဲချပြီး
အသံဖမ်း နားထောင်တဲ့ အခါမှာတော့ မခံမရပ်နိုင်အောင် အော်ဟစ်နေတဲ့ လူတစ်ယောက်ရဲ့ အသံကို သဲသဲကွဲကွဲ စတင်ကြားလိုက် ရတယ်။ အဲဒီအသံနဲ့အတူ လူပေါင်း ထောင်ပေါင်းများစွာ
သို့ မဟုတ် သန်းပေါင်းများစွာရဲ့ အော်ဟစ်ငြီးငြူနေကြတဲ့ အသံကိုလဲ ကြားလိုက်ရတယ်လို့ ဆိုပါတယ်။

အဲဒီအချိန်မှာ ဒေါက်တာ ဒီမီထရီအက်ဇာကော့ အပါအဝင် တခြားပညာရှင်တွေရော..တွင်းတူး လုပ်သားတွေပါ အံ့သြတုန်လှုပ်မှုများစွာ ဖြစ်ခဲ့ရပါတယ်။ အဲဒီအသံတွေကို အလွန်ဆွဲအားကောင်းတဲ့ အသံဖမ်းစက်တွေနဲ့ 
အသံကူးထားလိုက်ပြီး လုပ်ငန်းကို ဆက်မလုပ်တော့ပဲ တွင်းပေါက်ကို အဖုံးဖုံးပြီး ပိတ်ထားလိုက်ကြတယ်။
ဒါဟာငရဲကို တွေ့ ရှိခြင်းလို့ သူတို့ ခံယူထားလိုက်ကြတယ်။ အနိဌာရုံတွေနဲ့လူ လောကကို ဆက်ပေးလိုက်ကြပြီးလို့ ထင်မိပါတယ်။

ကျနော်အခု ခင်ဗျားတို့ကို ပြောပြနေတဲ့ ဟာတွေက တွင်းတူးအဖွဲ့ ခေါင်းဆောင် ဒေါက်တာ ဒီမီထရီအက်ဇာကော့နဲ့  တွင်းတူးအဖွဲ့ ဝင် နော်ဝေးနိုင်ငံ ဘူမိဗေဒပညာရှင် ဘာနီနန်မီဒယ် အသက် ၆၅ နှစ်တို့ရဲ့ ပြောကြားချက်တွေပါပဲ။
ဒီသတင်းတွေကို ဖင်လန်နိုင်ငံက အင်မန်နုဆက်စတီးယားဆိုတဲ့ လစဉ်ထုတ် စာစောင်က ရေးသားဖော်ပြကြတယ်။

ဒီကျနော်တို့ ကမ္ဘာမြေကြီးရဲ့အောက် ကိုးမိုင်မှာ သိပ်ကို ပူလောင်တယ်လို့ သိခဲ့ရပါတယ်။ အခုကျနော်တို့ ရောက်နေတဲ့ ပူအိုက်စွတ်စိုတဲ့ တောဟာ ဖာရင်ဟိုက် အပူချိန်ဒီဂရီ ကိုးဆယ့်ငါးလောက်ပဲ ရှိတယ်။ မြေကြီးအောက်
်ကိုးမိုင်အကွာက အပူချိန် ဒီဂရီဖာရင်ဟိုက် 2000 ရှိတယ်လို့ တွက်ချက် သိရှိရတယ် ။
သူတို့ မူလခန့်မှန်းထားတဲ့ အပူချိန်ထက် ဆယ်ဆလောက်တောင် များနေတယ်လို့ တွင်းတူးအဖွဲ့ဝင်နော်ဝေးနိုင်ငံ ဘူမိဗေဒပညာရှင် ဘာနီနန်မီဒယ်က ဆိုပါတယ်။
တွင်းတူးအဖွဲ့ဝင် နော်ဝေးနိုင်ငံ ဘူမိဗေဒပညာရှင် ဘာနီနန်မီဒယ်နှင့် ဘူမိဗေဒပညာရှိချုပ်တို့ဟာ နော်ဝေးနိုင်ငံရဲ့ အကြီးဆုံးနှင့် အောင်မြင် ကျော်ကြားမှု အရှိဆုံး အော့ဘရမ်းဘတ်စတိုက်ကီး ဆိုတဲ့ သတင်းစာကြီးက
1990ခု ဇန်နဝါရီလ4ရက်နေ့မှာ တွေ့ဆုံမေးမြန်းခဲ့တယ်။

ဘာနီနန်မီဒယ် ပြောတာတွေကို သတင်းစာမှာ ရေးသားဖော်ပြခဲ့ကြတယ်။ အဲဒီသတင်းစာမှာတော့…
ဒီကမ္ဘာကြီးရဲ့အောက် ကိုးမိုင်းအကွာမှာ ငရဲပြည်ဆိုတာ တကယ်ရှိနေပြီ၊ တွင်းတူးတွေ့ရှိချက်အရ ငရဲပြည်ရဲ့ ဂိတ်ပေါက်တံခါးဝပဲဟု ရေးသားခဲ့ကြတယ်။ဒီလိုတွေ့ရှိမှုတွေပြီးတဲ့နောက်မှာ နော်ဝေးနိုင်ငံနဲ့
ဖင်လန်နိုင်ငံမှ ဘူမိဗေဒပညာရှင်တချို့..အလုပ်က နှုတ်ထွက်လိုက်ကြတယ်လို့ သတင်းစာတွေမှာ ရေးသားဖော်ပြခဲ့ ကြတယ်။

အမှန်တစ်ကယ် ဖြစ်ရပ်က သူတို့ ငှားရမ်းထားတဲ့ နိုင်ငံခြားသား အားလုံးကို တွေ့ ရှိချက် အပြီးနှစ်ရက်အကြာမှာ ဆိုဗီယက်နိုင်ငံတွင် မထားတော့ပဲ ပြည်ပကို ပြန်ပို့လိုက်ကြပြီး အလုပ်ကနှုတ်ထွက် ခိုင်းတယ်လို့ ဆိုပါတယ်။
အဲဒီသတင်းကို ကြားတဲ့အခါမှာ ဆိုဗီယက် အာဏာပိုင်တွေဟာ လာဒ်ထိုးမှုတစ်ခုနှင့် ဖြေရှင်းလိုက်ကြတယ်။
ဆိုဗီယက် သာသနာရေး ဝန်ကြီးဌာန ပြောရေးဆိုခွင့်ရှိသူ တစ်ယောက်က တစ်ဦးချင်းကို ငွေပေးပြီးနှုတ်ပိတ်ခဲ့တယ်။

ဒါပေမဲ့ ငွေဘယ်လောက် ဆိုတာကိုတော့ တွင်းတူးအဖွဲ့ဝင် နော်ဝေးနိုင်ငံ ဘူမိဗေဒပညာရှင် ဘာနီနန်မီဒယ်ကို မေးလို့ မရခဲ့ပါဘူး။ ခန့်မှန်းရသလောက် ကတော့ တစ်ဦးစီကို သိန်းဂဏန်းလောက်
ပေးပုံရတယ်လို့  မီဒီယာသမားတွေက ထင်မြင်ချင်ဖြင့် ရေးသားခဲ့ကြပါတယ်။ ဘာနီနန်မီဒယ် ကတော့ သူရရှိတဲ့ ငွေတွေကို တပြားတချပ်မှ မယူပဲ ကယ်ဆယ်ရေး လုပ်ငန်းတွေကို
လှူဒါန်းလိုက်တယ်လို သိရပါတယ်။ ဒီသတင်း ပေါက်ကြားတဲ့ အခါမှာတော့ သူ့အသက်လဲ ဆိုးရိမ်ရပါတယ်ဟုလဲ ပြောခဲ့ပါတယ်။ ဆိုဗီယက် အာဏာပိုင်တွေဟာ ထိုငြီးငြူသံတွေကို
မြေဆီလွှာ လှုပ်ရှားသံဟု..ဆိုပြီးပယ်ချခဲ့ပါတယ်။
နောက်စာတစ်စောင်ကတော့ နော်ဝေးနိုင်ငံသား အေ့(ချ)ရန်ဒါလန်ဂျူနီယာ ဆိုတဲ့ လူရေးခဲ့တဲ့စာပါပဲ။
သူဟာ နော်ဝေးနိုင်ငံ တရားရေးဝန်ကြီးဌာန ဝန်ကြီးရဲ့ အထူးအတိုင်ပင်ခံ တစ်ယောက်လဲ ဖြစ်တယ်။

စာရေးတဲ့ နေ့စွဲက ၁၉၉၀ခု ဇန်နဝါရီလ ၇ ရက်နေ့  သူ့ စာထဲမှာ ရေးခဲ့တာကတော့ ၁၉၈၉ ခု ခရစ်စမတ် ရုံးပိတ်ရက်မှာ သူက အမေရီကန်နိုင်ငံ ကားလီဖိုးနီးယား ပြည်နယ်ကို အလည်အပတ် ရောက်နေချိန်မှာ
နော်ဝေးနိုင်ငံက ဆိုက်စမစ် ဘူမိဗေဒပညာရှင်တွေဟာ တွင်းတူးရင်းနဲ့ ဟောင်းလောင်းပေါက် ဟင်းလင်းပြင်ကို တွေ့ရပြီး လူထောင်းပေါင်း များစွာရဲ့ အော်ဟစ်သံကို ကြားရကြောင်း သတင်းစာကို
ဖတ်ရတယ်။ ဒီသတင်းစာကို ဟာသဆိုပြီး ပြက်ရယ်ပြုခဲ့ပါသေးတယ်ဟု ဆိုပါတယ်။

ဒါပေမဲ့ မကြာပါဘူး ပြည့်ပြည့်စုံစုံ ရေးထားတဲ့ နော်ဝေးနိုင်ငံမှ စာတန်းကို ဖတ်လိုက်ရတဲ့ အခါမှာတော့ သူဟာ အရမ်းအံ့သြတုန်လှုပ် သွားမိပါကြောင်းနှင့် နောက်ဆုံးမှာတော့ သူ့ ကို ဘုရားသခင်ထံမှာ
အပ်နှံကြောင်းနှင့် လုံခြုံတဲ့နေရာမှာ ထားပေးကြပါလို့  ရေးသားထားကြောင်းသိရပါတယ်။


မှတ်ချက်( ၂၀၁၀ တုန်းက ဖော်ပြခဲ့တာပါ။ မဖတ်မိ၊ မမှတ်မိတဲ့သူတွေ အတွက်ပါ၊ ယုံကြည်ခြင်း မယုံကြည်ခြင်းက မိမိကိုယ်တိုင်နှင့် သာ သက်ဆိုင်ပါကြောင်း)


မူရင်း သတင်းကို ဖော်ပြထားတာတွေက

http://www.truthorfiction.com/rumors/d/drilltohellfacts.htm#.U8PD-kC8GSo


http://isrlabs.net/rants/hellsounds.html

http://ammenusastia.blogspot.com/2010/03/sounds-from-hell-real-or-hoax.html

Express Times

Read More