ဒေးဗစ်လုဇ်ကို ပေါင်သန်း (၄၀)နဲ့ ပီအက်စ်ဂျီထံ ချဲလ်ဆီး ရောင်းလိုက်ပြီ

ချဲလ်ဆီးဟာ နောက်ခံလူဒေးဗစ်လုဇ်ကို ပီအက်စ်ဂျီထံပေါင်သန်း (၄၀)နဲ့ ရောင်းချဖို့ သဘောတူလိုက်ပါပြီ။ လာမယ့်ရက်ပိုင်းအတွင်း ပီအက်စ်ဂျီနဲ့ ဒေးဗစ်လုဇ်တို့ နှစ်ဦး သဘောတူဆွေးနွေးညှိနှိုင်းပြီး ဆေးစစ်မှု ခံယူလိမ့်မယ်လို့ သိရပါတယ်။ ချဲလ်ဆီးအသင်း ၀က်ဘ်ဆိုက်မှာ " အပြီးသတ် အပြောင်းအရွှေ့ မဖြစ်သေးတာက ဒေးဗစ်လုဇ်နဲ့ ပီအက်စ်ဂျီတို့ရဲ့ နှစ်ဦးနှစ်ဖက် သဘောတူညီမှု၊ဆေးစစ်မှု ကျန်နေသေးလို့ပါ" လို့ ဖော်ပြထားပါတယ်။

ဒေးဗစ်လုဇ်ဟာ ၂၀၁၁ခုနှစ်မှာ ဘင်ဖီကာကနေ ချဲလ်ဆီးကို ပေါင် ၂၃.၅သန်းနဲ့ ပြောင်းရွှေ့လာတာဖြစ်ပြီး အစောပိုင်း ကာလအတွင်း အမာခံ ကစားသမားအဖြစ် ပါဝင်ခွင့် ရခဲ့ပေမယ့် ပြီးခဲ့တဲ့ရာသီမှာတော့ မော်ရင်ဟိုက သူ့ကို ကွင်းလယ်အဖျက် ကစားသမားနေရာ အသုံးပြုခဲ့ပါတယ်။ ဒါ့အပြင် မော်ရင်ဟိုဟာ ကာဟေးလ်၊ တယ်ရီ အတွဲကိုပဲ ဗဟိုခံစစ်မှာ ဆက်သုံးချင်လို့ ဒေးဗစ်လုဇ်ကို ထုတ်ရောင်းလိုက်တာလို့ ဗြိတိန်မီဒီယာတွေက သုံးသပ်ကြပါတယ်။

@z (ရိုးရာလေး)

YoYarLay

Read More

ဆြာဒင်နှင့် LIKE ကို LIKE ကြသူများ

Author:
မင်းဒင်



(တစ်)
ဆြာဒင့်အိမ်နောက်က တောအုပ်ငယ်မှာ ပိန်းပိတ်အောင် မှောင်မိုက်နေ၏။ ပုစဉ်းရင်ကွဲသံ မှအပ  ပတ်ဝန်းကျင်တစ်ခုလုံး တိတ်ဆိတ်ငြိမ်သက်နေသော အကာလညအခါပေတည်း။ သက်ကြီးခေါင်းချချိန်လွန်ခဲ့ပြီ။ အိပ်ရာအနီးစားပွဲပေါ်မှ ဖွင့်လျက်သားကွန်ပျူတာနှင့်ကပ်လျက်ရှိသော မှိန်ပျပျစာကြည့်မီး အလင်းရောင်လဲ့လဲ့အောက်တွင် ဆြာဒင်တစ်ယောက်အိပ်၍ မပျော်နိုင်သေးချေ။ အိပ်ရာပေါ်တွင်လဲလျောင်းလိုက်၊ကွန်ပျူတာရှေ့တွင်ထထိုင်လိုက်ဖြင့် ဖေ့စ်ဘွတ်ခ်နှင့်အလုပ်ရှုပ်လျက်ရှိ၏။အထူးသဖြင့် ကွန်ပျူတာဆီမှတိန်ခနဲ အသံကြားလျှင် ဆြာဒင်သည် ဆတ်ခနဲကွန်ပျူတာဆီသို့ ထသွားကာ မောက်စ်ခလုတ်ကို ကောက်ကိုင်လှုပ်ယမ်းရင်းတစ်စုံတစ်ခုသောအာရုံတွင် စိတ်ဇောကပ်လျက်ရှိ၏။

ဆြာဒင်၏စိတ်ဇောအာရုံကို ဖမ်းစားညှို့ယူ၊ ရတက်ပူစေသည် ကား LIKE ဟူသောအရာပေ တည်း။ ဖေ့စ်ဘွတ်ခ်လောကတွင် LIKE သည်လွန်စွာအဖိုးတန်လှ ၏။ LIKE များများရရေးသည် အရေးကြီး၏။ LIKE သည်သာ ဆြာဒင့်ဘဝ၊ LIKE သည်သာ ဆြာဒင်၏ကိုးကွယ်ရာပေတည်း။

လွန်ခဲ့သောနာရီဝက်ခန့်က ဆြာဒင်၏ဖေ့စ်ဘွတ်ခ်တွင် ဆြာ ဒင်တင်ခဲ့သော စတေးတပ်က ‘ဝတ်ကြောင်ကိုလွတ်အောင်ရုန်း မယ်လို့ကတုံးစိန်ကကြံ’ဟူ၏။ ရှေးခေတ်ဗမာဇာတ်မင်းသားကြီး ဦးစိန်ကတုံး၏ ညီတော်မင်းနန် နှစ်ပါးသွားမြိုင်ထသီချင်းမှ အပိုင်းအစတစ်ခုမျှသာဖြစ်လေသည်။ ယင်းစတေးတပ်တင်ပြီးသည်၏ နှစ်မိနစ်မရှိတရှိမှာပင် LIKE သူဦးရေငါးဆယ်ကျော်လေပြီ။ တစ်ဦးသောဖေ့စ်ဘွတ်ခ်မိတ်ဆွေကမူဆြာဒင်၏စတေးတပ်ကို မည်သို့သဘောပေါက်လေသည်မသိ။ ‘သြော် . . . ဆြာဒင် ကတုံးကေနဲ့ဖြစ်သွားပြီကိုး’ဟု Comment မှတ်ချက်ပြု၏။ ကိစ္စမရှိလေ။ ဆြာဒင့်မျှော်လင့်သည့်အဓိက အချက်မှာLIKE များများရရေးသာမဟုတ်တုံလော။

  သို့အတွက် ဆြာဒင်မှာ ဘုရားရှိခိုးရာတွင်ပင်  စိတ်က မဖြောင့်။ သြကာသ၊ သြကာသ၊ သြကာသ ကာယကံ၊ ဝစီကံ၊ မနောကံတို့မှတစ်ပါးပါးသော ကံ ဖြင့် . . . (အင်း ခုလောက်ဆို နောက်ထပ် LIKE ဆယ်ယောက် တိုးနေရောပေါ့)။ သမ္ဗုဒ္ဓေအဋ္ဌဝီ သဉ္စ၊ ဒွါဒါသဉ္စ၊ သဟသကေ၊ (ငါးယောက်လောက်တော့ LIKE စာရင်းမှာထပ်ပြီး LIKE နိုင်ကောင်းပါရဲ့)။ အရှေ့အရပ်၌ရှိသောအနန္တစကြဝဠာ၊ အနန္တသတ္တဝါတို့ (အင်း စကြဝဠာ အနန္တက၊အနန္တသတ္တဝါတွေ အကုန်သာဆြာဒင့်စာမျက်နှာကို LIKe ကြရင်ဖြင့် ဟိုခွဲစိတ်ကုသမားတော်၊ ဖေ့စ်ဘွတ်ခ်  ဆယ်လီဗရီတီကြီးကို ဆြာဒင်မီရုံမက  ရွှတ်ခနဲကျော်တက်သွားပေချိမ့်မည်။  LIKE ကြစမ်းဗျာတို့ လွတ်လပ်တယ်။

 ဆြာဒင်သည် ညဥ့်သန်း ခေါင်သန်းလွဲ၊ ရွှေပြွန်မှရေသွန် ရန်အိပ်ချင်မူးတူးထမိသည့်အချိန် များတွင်လည်း LIKE အရေအတွက်စစ်ဆေးမိ၏။ ထို့ပြင်တစ်ဝ နံနက်မိုးသောက်အလင်းမရောက် မီ မျက်နှာပင်မသစ်ရသေးချိန်တွင် လည်း LIKE ကို CHECK ရပြန် ၏။ LIKE သည်သာ ဒင့်ဘဝဒင့် ကမ္ဘာဆိုရလေမည်လား။

(နှစ်)
ကွန်ပျူတာအင်တာနက်နှင့် ရင်းနှီးကျွမ်းဝင်ကြပြီးလေသော ခေတ်ပညာတတ်မြို့ကြီးနေလူ ငယ်လူရွယ်တို့ကား ဖေ့စ်ဘွတ်ခ် ဟုဆိုလိုက်သည်နှင့် ဒက်ခနဲ ချက် ချင်း၊ ကွင်းကွင်းကွက်ကွက်သိ နားလည်ကြမည်ဖြစ်ပေ၏။ အချို့သောကျေးလက်တောရွာနေလူတန်းစားနှင့် အင်တာနက်ခေတ်ကို မျက်ခြည်ပြတ်ကျန်ခဲ့ကြသူသက်ကြီးရွယ်အိုတို့ အတွက်မူ ဖေ့စ်ဘွတ်ခ်တည်းဟူသည့်  စကားရပ်ကို ရှင်းလင်းရန်လိုအပ်မည်ဟုထင်မိ၏။

 ဖေ့စ်ဘွတ်ခ်စာမျက်နှာကို တီထွင်ကြံဆခဲ့သူမှာ အမေရိကန် နိုင်ငံသားမတ်ဇူကာဘတ်အမည် ရှိ လူငယ်ဖြစ်ချေ၏။ ယခုစာရေး နေချိန်တွင်ပင် အသက်အားဖြင့် (၂၉)နှစ်သာရှိသေးသော မတ်ဇူ ကာဘတ်သည် ခရစ်နှစ် ၂၀၀၂ တွင် ဖေ့စ်ဘွတ်ခ်စာမျက်နှာကို စတင်တီထွင်ခဲ့ပြီး ယခုလက်ရှိ အချိန်တွင် အသုံးပြုသူဦးရေ သန်းထောင်ချီကာ ကမ္ဘာ့အကြွယ်ဝဆုံးပုဂ္ဂိုလ်စာရင်းဝင်ခဲ့သူဟုလည်းဆိုပါ၏။

 ဖေ့စ်ဘွတ်ခ်သည် နဂိုမူလ က ဟားဗတ်တက္ကသိုလ်ကျောင်း တော်သားအချင်းချင်း မိတ်ဆွေ သင်္ဂဟတိုးပွားစေသည့် အင်တာ နက်စာမျက်နှာတစ်ခုသာ ဖြစ် သော်ငြား လက်ရှိကာလတွင်မူ တစ်ကမ္ဘာလုံးမှ အသုံးပြုသူများ အချင်းချင်း အချိန်မရွေးမိတ်ရင်း ဆွေချာဖြစ်နိုင်သည့် ဧရာမလူမှု ကွန်ရက်ကြီးတစ်ခုဖြစ်နေချေပြီ။

 မေးလ်အကောင့်တစ်ခုရှိ လျှင်မည်သူမဆို ဖေ့စ်ဘွတ်ခ်အကောင့်တစ်ခု အချိန်မရွေးဖွင့်နိုင်၏။ ဖေ့စ်ဘွတ်ခ်စာမျက်နှာတွင် ဓာတ်ပုံတို့ကိုတင်နိုင်ရုံမက မိမိဘဝအတ္ထုပ္ပတ္တိနှင့် ခံစားချက်အသီးသီးကိုလည်း ရင်ဖွင့်နိုင်ပြန် လေသည်။ ရံခါမျှမမြင်မတွေ့ဖူး သူ၏ ကိုယ်ရေးအချက်အလက်  အကျဉ်းကို ရုတ်ခြည်းသိနိုင်ကာ မိတ်ဆွေဖွဲ့လိုက ဖိတ်ခေါ်နိုင်၏။ ထို့အတူ မိတ်ဆွေဖြစ်ရန်ကမ်း လှမ်းချက်ကိုလက်ခံနိုင်၏။ ထို့ပြင်မိမိစိတ်ဝယ်ဘဝင်မကျသူအား အချိန်မရွေးမိတ်ဆွေစာရင်းမှ ပယ်ဖျက်နိုင်ပြန်၏။ ထိုမျှမက မက်ဆေ့ခ်ျဘောက်မှ အချေအတင်စကားဆိုနိုင်လေ၏။ ဖေ့စ် ဘွတ်ခ်နှင့်ပတ်သက်၍ စိတ်ဝင် စားဖွယ်ရာအချက်အလက်တို့ ကား မြားမြောင်လှသည်ဖြစ်ရာ စာလေးအံ့မည်ထင်မိသဖြင့် ယခုမျှဖော်ပြလျှင်  သင့်တော်လုံ လောက်ပေပြီဟုဆို နိုင်လင့်ကစား အထူးအရေးကြီးသည့်အချက် တစ်ချက်မူ ကျန်ရစ်နေသေး၏။ ဖေ့စ်ဘွတ်ခ်တွင် LIKE, COM MENTနှင့်မျှဝေ SHAREတည်း ဟူသော အရေးကြီးသည့်ကဏ္ဍ သုံးရပ်ရှိ၏။ ရေးသားတင်ပြထား သည့်စာသား (သို့မဟုတ်) ဓာတ်ပုံတစ်ခုခုကို နှစ်သက်သဘောကျ ပါက LIKEဟူသောလက်မ ထောင်ထားသည့်သင်္ကေတနေရာလေးကို နှိပ်ခြင်းဖြင့်ဖော်ပြနိုင်၏။ ထို့ထက်ပို၍အဆိုပါတင်ပြချက်အပေါ် သဘောထားမှတ် ချက်တစ်စုံတစ်ရာပေးလိုပါက COMMENT ဟူသောနေရာတွင် ဖော်ပြရေးသားနိုင်၏။ အများသိစေလိုပါမူ SHARခြင်းဖြင့် မျှဝေနိုင်လေ၏။ COMMENT မှတ်ချက်နှင့် SHARE တို့မှာ တကူးတကလုပ်ဆောင်ရသော်ငြားLIKE နှစ်သက်ခြင်းမှာအလွယ်တကူအပန်းမကြီးပြုနိုင်သည်ဖြစ်ရာ ဖေ့စ်ဘွတ်ခ်အသုံးပြုသူအများစုမှာ LIKE ကိုအကြိုက်ကြီးကြိုက်သည်ဟူသတတ်။

(သုံး)
လူထဲကလူပင်ဖြစ်၍ ဖေ့စ် ဘွတ်ခ်သုံးနေသောဆြာဒင်သည် လည်း LIKE ကိုကြိုက်လှချေ၏။LIKE သည်ဆြာဒင့်စိတ်ကိုကြည် နူးစေ၏။ မိမိ၏ဖော်ပြချက် STATUS ကို LIKE ကြစေရန်အလို့ငှာဘုတ် ကျီးမြှောက်၊ ကျီးဘုတ်မြှောက် ဆိုရိုးစကားနှင့်အညီ သူတစ်ပါး၏ ဖော်ပြချက်တို့ကိုလည်း ဂရုဓမ္မပြု ၍ LIKE ရ၏။ ရံဖန်ရံခါမက်ဆေ့ခ်ျဘောက်မှနေ၍ ခင်မင်ရင်းနှီးသူအချို့သို့  မိမိ၏ဖော်ပြချက်အား LIKE ပေးပါရန် တိတ်တခိုး မေတ္တာရပ်ခံရသည့်နည်းတူ အပြန်အလှန်အားဖြင့် အခြားသူ၏ တိတ်

တခိုးမေတ္တာရပ်ခံချက်ကို လက်ခံလိုက်နာကာ  LIKE ပေးရသည်လည်းရှိတတ်ပေပြန်သည်။ ဆြာဒင်ဖေ့စ်ဘွတ်ခ်ပါးမဝမီကသော် အငြိမ်းစားအထက်တန်းကျောင်းအုပ်ဆရာမကြီး၏ ‘‘ဆြာဒင်တို့များLIKE ကလေးတစ်ချက်နှိပ်ရမှာတောင် တွန့်တိုနေ လိုက်တာ’’ဟူ၍ စကားနာထိုးခံခဲ့ရဖူးသော်ငြား နောင်သော် အကင်းပါးလှသည့်ဆြာဒင်သည် ဆရာမကြီးတင်ပြအပ်သောခွေးပုံ၊ ကြောင်
ပုံပါမကျန် တင်လိုက်သည်နှင့်LIKE ပြီးဖြစ်နေခဲ့လေသည်။ ထို့အတူ ဆရာမကြီးသည်လည်း ဆြာဒင်၏ ‘ဗိုက်တင်းလိုက်တာ၊ ပျင်းချက်’ဟူသော စတေးတပ်မျိုးကို မဆုတ်မဆိုင်း LIKE ပေးခဲ့ချေသည်။ ဤသည်ပင်  ဖေ့စ်ဘွတ်ခ်သွေးစည်းညီညွတ်ရေးပေတကား။ သို့မှသာ ဖေ့စ်ဘွတ်ခ် သင်္ဂဟလူထူထူစုံမိချိန်တွင် ‘ကျုပ် စတေးတပ်ကို LIKE ကြတာရာချီ ပြီ’ဟု လက်မထောင်၊ ရင်ကော့၊ ခပ်မော့မော့ဝင့်ကြွားနိုင်မည် မဟုတ်ချေလော။

ဖေ့စ်ဘွတ်ခ်တွင် ကျွန်းကိုင်း မှီ၊ ကိုင်းကျွန်းမှီတည်းဟူသော အပြန်အလှန်အကျိုးပြုအပ်သည့် အညမညသဘောတရားသည် ပိုမိုပေါ်လွင်ထင်ရှားပေသည်။ ဆြာဒင်သည် ဖေ့စ်ဘွတ်ခ်မိတ်သဟာအပေါင်း၏ လက်ဖက်သုပ်၊ ချင်းသုပ်၊ အသုပ်စုံဓာတ်ပုံတို့ကိုလည်း မဆိုင်းမတွ LIKE ၏။ ‘ဗိုက်တွေ
ရစ်ရစ်ပြီး နာနေတယ်၊ အီးအီးပါလိုက်တော့ဇိမ်ပဲ’ ဟူသော စတေးတပ်ကိုလည်း အလွတ်မပေး။ ‘ဝမ်းသွားလိုက်တော့ တစ်ကိုယ်လုံးပေါ့ပါးသွားတယ်’ဟူသည့်ချက်ကျလက်ကျ ကျန်းမာရေးအမြင်ကိုလည်း ကြိုက်လွန်းသဖြင့် ဆြာဒင် LIKE ၏။ ‘အားလုံးကိုထီးထင်တယ်’ဟူ သည့်ဖရုသဝါစာတို့ကိုလည်း  ထိုနည်းလည်းကောင်း၊‘သားသား မိန်းမလိုချင်ပြီမေမေ’ ‘ဘယ်ယောက်ျားကိုမဆို သမီးချစ်ပါရစေမေမေ’ဟူသည့် ဘယ်အမေကို တမ်းတ

မှန်းမသိလေသည့် မေမေတမ်းချင်းတို့ကိုလည်း မလွတ်စေရ။ ရင်သားနှင့်တင်ပါးကိုအဓိက ထားဦးစားပေးဖော်ပြသည့် မော်ဒယ်လေးတို့၏ ရုပ်ပုံတို့ကိုလည်း ဆြာဒင့်အနေဖြင့် မျက်နှာမငယ်စေရ။
LIKE, LIKE, LIKE မြဲ LIKEပေ၏။

ထို့အတူ ရင်းနှီးချစ်ခင်လှစွာ သော ဖေ့စ်ဘွတ်ခ်မိတ်ဆွေတို့က လည်း ဆြာဒင်၏ ‘ချစ်ဦးဒင့်ထံပြန် လာပါ’၊ ‘မချောသုံးယောက် ဒင် တစ်ယောက်’၊ ‘သူများနဲ့ညားတဲ့ ဒင့်ရည်းစားသို့’၊ ‘သူသာဒင့်ဘဝ၊ သူသာဒင့်ရဲ့ကမ္ဘာ့’၊ ‘ဒင့်အပြင် နောက်လင်မရှာလိုက်ပါနဲ့’၊ ‘ဒင့် အချစ်နဲ့အရာရာကို အကောင်း အတိုင်းဖြစ်စေမယ်’အစရှိသည့် အရည်မရအဖတ်မရ ပေါက်တတ် ကရ  သီချင်းအပိုင်းအစတို့ကို မေတ္တာရှေ့ထား၊ စေတနာဗရပွနှင့် ရုတ်ရုတ်သဲသဲ LIKE၍ မစဲ LIKE မြဲ LIKEတော်မူကြလေသည်တကား။ ဤသို့လျှင် ဆြာဒင်နှင့်  သူသူငါငါဖေ့စ်ဘွတ်ခ် အကောင့်ပိုင်ရှင်အသီးသီးသည် LIKE များစွာကိုပိုင်ဆိုင်သည့် ဖေ့စ်ဘွတ်ခ်ဆယ်လီဗရီတီဖြစ် လာကြစေရေးငှာ အလောင်းတော်မဟာဇနက္ကမင်းသား၏ မတွန့်မဆုတ်သောဇွဲနပဲကိုအတုယူလျက်လုံ့လဝီရိယကိုယ်စီဖြင့် အပတ်တကုတ်ကြိုးပမ်း အားထုတ်တော်မူကြလေကုန်သည်တမုံ့။

(လေး)
ထိုသို့ဖြင့် ဆြာဒင်တစ် ယောက် သူ၏ဖေ့စ်ဘွတ်ခ်စာ မျက်နှာတွင် LIKE များနှင့်ရွှင်မြူး ကခုန်ကာ LIKE ၍ LIKE ကာ LIKE လာကြရာမှ တစ်နေ့တွင်မူ ဆြာဒင်သည် ရုတ်ခြည်းဆိုသလို သူသူငါငါလူတကာတို့မရှောင် လွှဲနိုင်သော ဇရာမှမြစ်ဖျားခံလေ သည့် ဗျာဒိတည်းဟူသောဘေး ကြောင့် ကောက်ကာငင်ကာ အဖျားကြီးဖျားပါလေတော့သည်။ ဆြာဒင်ကား ဖေ့စ်ဘွတ်ခ်ဆီသို့ စိတ်မရောက်နိုင်သည့်တိုင် ဖေ့စ် ဘွတ်ခ်သဟာမိတ်ရင်းဆွေချာတို့ ထံ မိမိမမာမချာဖြစ်နေသည့် သတင်းစကားကိုမူ ပါးလိုလှသည် ဖြစ်၍ ငန်းနီကျော်တစ်ထုပ်ကို ကွမ်းရွက်ပြုတ်ရည်နှင့် အံကြိတ် မျိုချပြီးသကာလ စောင်ထူထူခြုံ လျက် ချွေးထုတ်နေချိန်တွင် ‘‘အို အဆွေတော်တို့၊ ဆြာဒင်မကျန်း မမာဖြစ်လျက်ရှိပါ၏’’ ဟူသည့် စတေးတပ်အတိုလေးကို ရေးတင် မိသည်၏တစ်ခဏတွင် ဖေ့စ် ဘွတ်ခ်မင်းပရိသတ် တစ်ထောင်ကျော်သည်အုတ်အာသောင်းသဲ LIKE ကြလေကုန်၏။ တစ်စုံ တစ်ရာဖြင့်မှားယွင်းနေလေပြီ။ LIKE ဟူသောစကားကို အင်္ဂလိပ် -မြန်မာ အဘိဓာန်၌ကြိုက်သည်။ နှစ် သက်သည်ဟုအဓိပ္ပာယ်ဖွင့်ဆို လေရာ ဆြာဒင်နေထိုင်မကောင်း ဖြစ်ခြင်းကိုသင်းတို့ဝမ်းမြောက် ဝမ်းသာရှိကြလေကုန်သလော။ ဆြာဒင်ကား စိတ်မဆိုးသော် သည်း ကျွဲမြီးတိုသည်မှာအမှန် ဖြစ်ချေသည်။ ဒင့်ကိုသေစေညွှန်း ရော့လေသလား။

သို့နှင့် ဆြာဒင်နာလန်မထူ နိုင်သေးချိန်တွင် ဇာတိရွှေပင်ရွာမှ ဆြာဒင်လေးစားချစ်ခင်ရသည့် အသက်ရှစ်ဆယ်အရွယ် အရီး လေးမငွေမြိုင်အနာရောဂါဖိစီး သဖြင့် အိပ်ရာထက်တွင်လဲနေ ကြောင်း သတင်းစကားပါးသည့် သံကြိုးကြေးနန်းစာတစ်စောင် သည်လည်း  ဆြာဒင့်ထံရောက် လာပြန်လေရာ  အဆိုပါစာကို ဆမ်ဆောင်းလက်ကိုင်ဖုန်းဖြင့် ဓာတ်ပုံရိုက်လျက် ဖေ့စ်ဘွတ်ခ် တွင်တင်မိသည့်အခါတွင်လည်း ဖေ့စ်ဘွတ်ခ်မိတ်ဆွေအပေါင်းတို့ သည် သောင်းသောင်းဖြဖြLIKE ကြပြန်လေ၏။ ဆြာဒင်ထောင်း ခနဲအမျက်ထွက်မိ၏။ အဘယ်ရန် ငြိုးကြောင့် အရီးလေးမမာသည် ကို LIKE ကြပါသနည်း၊ LIKE သူများကို ဘလော့လျက် ငယ်စာ ရင်းဖျက်၍လည်းမသင့်လျော်ပြန် ချေသေး။ မကြာမီမှာပင် အရီး လေးမငွေမြိုင်၏ဝေဒနာသည် သက်သာပျောက်ကင်းခြင်းမရှိဘဲ ဘုရားရဟန္တာတို့သော်မှ မလွန်ဆန်နိုင်သည့်သင်္ခါရတရား သဘောအတိုင်း  ဘဝတစ်ပါးသို့ ပြောင်းသွား  ကွယ်လွန်လေရာ ဆြာဒင်မှာ ယူကျုံးမရအပူလုံးကြွ လျက် ဖြေဆည်ရာရလိုရငြား အရီးလေး၏  နာရေးကြော်ငြာ ကြေးမုံသတင်းစာဖြတ်ပိုင်းဓာတ် ပုံကို ဖေ့စ်ဘွတ်ခ်တွင်တင်သည့် အခါတွင်လည်း ရှေးနည်းနှင်နှင် တွင်တွင်ကြီး LIKE ကြပြန်ကုန် ၏။ ဆြာဒင်၏ဒေါသစိတ်ကား ငယ်ထိပ်သို့တက်လေပြီ။ လွန်စွာ အလိုက်ကန်းဆိုး မသိချက်ကား ကမ်းကုန်လှပေ၏။ သောကပရိ ဒေဝများနှင့်ယှဉ်သော ဒေါသ တရားကြောင့် ‘ခင်ဗျားတို့ လူ စကားမှနားလည်ကြသေးရဲ့လား။ ကျုပ်အရီးလေးသေတာ LIKE စရာလားဗျာ’ဟူသောပြစ်တင် ကြိမ်းမောင်းသည့်ခပ်ကြမ်းကြမ်း စတေးတပ်ကို တင်လိုက်ချိန်တွင် ကား LIKE အရေအတွက်ကိုပြဆို သည့်ကိန်းဂဏန်းရာပေါင်းများ စွာ ရုတ်ခြည်းတိုးပွားလာပြန်တော့ သတည်း။ LIKE ၍မစဲ၊ တသဲသဲ ပင်။ ဆြာဒင် LIKE ကိုမုန်းမိလေ ပြီ။

(ငါး)
ဆြာဒင်ကား LIKE သံသရာ၊ LIKE ဝဲသြဃ၊ LIKE ဂယက်တွင်း သို့ သက်ဆင်းနေကြသူများ၏ ဖြစ်အင်ကို ရိပ်စားမိချေပြီ။ ဖေ့စ် ဘွတ်ခ်မိတ်ဆွေတို့၏ပေါ်လစီ ကား ဘာစာကိုမျှမဖတ်၊ ဘာလာ လာ LIKE၊ ဘာရေးရေး LIKE၊ ရမ်းLIKE၊ စွတ် LIKE သည့်မူပေတကား။ ဖိုး LIKEချင်၊ မယ် LIKEချင်၊ ဦး LIKEချင်၊ ကို LIKE ချင်၊ဒေါ် LIKEချင်တို့များလှလေ သည်တကား။ အာယုအသက် အားဖြင့်လည်းကောင်း၊ ဥာဏံ ဉာဏ်အားဖြင့်လည်းကောင်း ကြီးမြင့်လှသည့်ဆြာဒင်သည် ခွန်းကြီးခွန်းငယ် အချေအတင်ပြုရန်မသင့် လျော်သည်လေရကား။ ခွေးပါး အမြီးကုပ်၊ လူပါးနောက်ဆုတ်ဆို ဘိသကဲ့သို့ လူကင်းပါးသူတစ် ယောက်ဖြစ်သည့်အားလျော်စွာ နေသေးသပ၊ ခြုံထဲက၊ ချိုသွေးတမြမြဟူသောစကားအတိုင်း ဒင်းတို့ကိုယ်တိုင်နှင့် ဆွေမျိုးရင်းချာမိတ်သဟာများ နာမကျန်းသည့်အခါ၊ နာရေးကြုံလာသည့်စတေးတပ်တင်လာသည့် အခိုက်တွင်မှ ဆြာဒင်အနေဖြင့် လက်မနှေးဘဲအပြေး LIKEရန်သာ တေးမှတ်ထားလိုက်ရချေတော့သတည်း။

(ဖော်ပြပါ သရော်စာသည် စာရေးသူ မင်းဒင်၏ အာဘော်သာဖြစ်သည်။)
7day daily

Read More

အရှုံးထဲက နောက်ထပ်အရှုံးတွေ မများစေဖို့

Author:
ဇော်မင်း

၁၉ရာစု အချိန်ကာလကနေ ၂၀ ရာစုရဲ့ ၁၉၇၀ ပြည့်နှစ်များအထိ ဖွံ့ဖြိုးတိုးတက်မှုဆိုတာကို နိုင်ငံတစ်ခုရဲ့ ဓနကြွယ်ဝချမ်းသာလာမှုနဲ့ တိုက်ရိုက်တိုင်းတာလေ့ရှိခဲ့ပါတယ်။ ဆိုလိုတာကတော့ နဂိုကထက် ငွေပိုရှိလာတာမျိုးကိုတိုး တက်တယ်၊ ဖွံ့ဖြိုးတယ်လို့ သတ် မှတ်ပါတယ်။ ရုပ်ပိုင်းဆိုင်ရာ အရ ချမ်းသာလာတာဟာ မြင်သာတဲ့ အခြေအနေဖြစ်တာကြောင့် ချမ်း သာလာတယ်ဆိုတာ ဖွံ့ဖြိုးတာပဲ လို့ မြင်ခဲ့ကြပါတယ်။

ဒါပေမဲ့ အခုခေတ်မှာတော့ နိုင်ငံတစ်ခု လူ့အဖွဲ့အစည်းတစ်ခု ဖွံ့ဖြိုးတိုးတက်လာတာကို တိုင်း တာတဲ့နေရာမှာ ငွေကြေးချမ်းသာ လာတာတစ်ခုတည်းနဲ့ မတိုင်း တာတော့ပါဘူး။ ဘာကြောင့်လဲ ဆိုတော့ ချမ်းသာကြွယ်ဝမှုဆိုတာ လူနည်းစုလက်ထဲမှာသာ ရှိနေ တာကြောင့်ပါ။ ဒီမိုကရေစီဘယ် လောက်ထွန်းကားလာသလဲ၊ လူ တွေ ဘယ်လောက်လွတ်လပ်စွာ လုပ်ကိုင်စားသောက် နေထိုင်နိုင်ပြီလဲဆိုတာပါ ချိန်ထိုးလာတယ်။

၁၉၂၉ နဲ့ ၁၉၃၀ ပြည့်နှစ် များမှာ ကမ္ဘာ့စီးပွားပျက်ကပ်ကြီး နဲ့ ကြုံရပါတယ်။ မြန်မာနိုင်ငံမှာ လည်း ဆန်ဈေးတွေထိုးကျသွား လို့ လယ်သမားတွေ ဒုက္ခရောက် ခဲ့ရသလို လယ်သမားအရေးတော် ပုံနဲ့ပါ ရင်ဆိုင်ရပါတယ်။ ချမ်းသာ ပါတယ်ဆိုတဲ့ အမေရိကန်လို နိုင်ငံမျိုးမှာလည်း စက်ရုံတွေ၊ အလုပ်ရုံတွေ ရပ်ဆိုင်းခဲ့ရလို့ လူအများဒုက္ခအကြီးအကျယ် ရောက်ခဲ့ရပါတယ်။ ဒါပေမဲ့ ချမ်းသာတဲ့လူတန်းစားကတော့ ချမ်းသာနေမြဲပါ။ အဝေးမြင်ကွင်းကနေ ကြည့်ရင်တော့ အမေရိကန်နိုင်ငံဟာ နိုင်ငံတစ်ခုအနေနဲ့ ချမ်းသာနေဆဲပါ။ ဒါလည်းတစ်ဖက်မှာ ဟုတ်ပါတယ်။ ဒါပေမဲ့ နိုင်ငံအတွင်းက သာမန်အမေရိကန်ပြည်သူတွေကတော့ အလုပ်လက်မဲ့တွေဖြစ်ပြီး ဆင်းရဲမှုနဲ့ ရင်ဆိုင်ရပါတယ်။

၁၉၈၀ ပြည့်နှစ်များနောက် ပိုင်းမှာတော့ ဖွံ့ဖြိုးတိုးတက်မှုကို တိုင်းထွာတဲ့နေရာမှာ နိုင်ငံသား တွေ ဘယ်လောက်လွတ်လပ်မှုရှိ သလဲ၊ အကြောက်တရားကင်း ကင်းနဲ့ လုပ်ကိုင်စားသောက်နိုင် သလားဆိုတာကိုပါ ပညာရှင်များ အနေနဲ့ ထည့်သွင်းတွက်ချက်လာ ကြပါတယ်။ တစ်ချိန်တည်းမှာ လည်း နိုင်ငံရေးစနစ်အရ အဆိုပါ နိုင်ငံတစ်ခုဟာ ဒီမိုကရေစီကော ဖွံ့ဖြိုးတိုးတက်ရဲ့လား ဆိုတာ စောင့်ကြည့်ခံရပါတယ်။ သို့သော် လည်း တချို့ကတော့ ဒီမိုကရေစီ ဆိုတာ အတော်အတန်လောက်ပဲ ကောင်းတယ်။ ဒီမိုကရေစီများ လွန်းရင် စီးပွားရေးတိုးတက်မှုကို အဟန့်အတားဖြစ်စေတယ်လို့ ဆို ပါတယ်။ ဒီအဆိုကိုထောက်ခံတဲ့ လူပုဂ္ဂိုလ်များထဲမှာ တစ်ချိန်က စင်ကာပူရဲ့ ပထမဆုံးဝန်ကြီးချုပ် လီကွမ်ယုဟာ ထိပ်ဆုံးကလို့ဆို နိုင်ပါတယ်။ လီကွမ်ယုက ဒီလို ပြောပါတယ်။ လူတွေဟာ ထမင်း ဝဝစားရရေးကိုသာ အဓိကထား တယ်။ ဒါကြောင့် ဒီမိုကရေစီတွေ၊ လွတ်လပ်မှုတွေဆိုတာ အခုမရ သေးလည်းကိစ္စမရှိ၊ နောက်နောင်မှလာလည်း ပြဿနာမရှိဘူးလို့ ပြောခဲ့ပါတယ်။ ပြောရရင်တော့ လီကွမ်ယုသည်လည်း စစ်အာ ဏာရှင်မဟုတ်ပေမယ့် အရပ်သား အာဏာရှင်နောက်တစ်မျိုးပါ။

အဲသလို အခြေအနေမျိုးမှာ စီးပွားရေးကောင်းဖို့ကသာ ပထမ၊ ဒီမိုကရေစီနဲ့ လွတ်လပ်မှုက နောင်မှလာလည်းရတယ်ဆိုတဲ့ သီအိုရီကို ဆုပ်ကိုင်ထားတဲ့ ပညာ ရှင်တချို့လည်း ရှိနေဆဲဖြစ်ပါ တယ်။ အဲဒီအယူအဆမျိုးကို ဆွဲကိုင်တဲ့ပညာရှင်တွေထဲမှာ အနောက်တိုင်းပညာရှင်တချို့ ပါသလို အရှေ့တိုင်းသားပညာ ရှင်တချို့လည်း ပါပါတယ်။

အဆိုပါ သီအိုရီကိုဆွဲကိုင် တဲ့ ပညာရှင်များက ဒီလိုထောက် ပြပါတယ်။ ‘‘တောင်ကိုရီးယား ကြည့်ပါလား။ မူလကအာဏာ ရှင်ပုံစံနဲ့ သွားခဲ့တာပဲ။ ဒါပေမဲ့ ချမ်းသာလာတယ်။ နောက်ပိုင်း ကျမှ ဒီမိုကရေစီကိုကူးပြောင်းတာ မဟုတ်လား’’လို့ ဆိုပါတယ်။ အဲဒါ အပြင် လက်ရှိတရုတ်နိုင်ငံဟာ ကွန်မြူနစ်တစ်ပါတီစနစ်နဲ့ တိုင်း ပြည်ကိုအုပ်ချုပ်နေပေမယ့် အခု နေအခါမှာ ဒီမိုကရေစီမရှိသေး ပေမယ့် ချမ်းသာလာပြီလို့ထောက်ပြပါတယ်။ ဒီနေရာမှာ သေသေချာချာလေ့လာစူးစမ်းဖို့လိုလာပါတယ်။ နိုင်ငံတွေရဲ့တိုးတက်မှုကို တိုင်းတာတဲ့နေရာမှာ သီးသီးသန့်သန့်တည်ရှိနေတဲ့ အခြေအနေတွေကို ထည့်တွက်ဖို့ဆိုတာ ဖြစ်လာပါတယ်။ အဲသလိုသီးသီးသန့်သန့်တည်ရှိနေတဲ့ အခြေအနေတွေကို ထည့်မတွက်ရင် စင်ကာပူ၊ တောင်ကိုရီးယားနဲ့ တရုတ်ကို နမူနာထားပြီး အာဏာရှင်စနစ်ဆိုပေမယ့် လုပ်တတ်ရင် ချမ်းသာတာပဲ မဟုတ်လားလို့ ထင်စရာဖြစ်လာပါတယ်။ ဒါပေမဲ့ တိုင်းပြည်တိုင်း၊ တိုင်းပြည်တိုင်း ရဲ့ သီးသီးသန့်သန့်တည်ရှိနေတဲ့ အခြေအနေအချက်အလက်တွေဟာစင်ကာပူတို့၊ တရုတ်တို့၊ တောင်ကိုရီးယားတို့နဲ့ ထပ်တူကျဖို့ မဖြစ်နိုင်ပါဘူး။ ပြောရရင် နိုင်ငံအနေနဲ့ ချမ်းသာလာပြီဆိုပေမယ့် တရုတ်ပြည်မှာလည်း လူဆင်းရဲတွေ အမြောက်အမြားရှိနေဆဲပါ။

ဥပမာ အိန္ဒိယနိုင်ငံကိုကြည့် လိုက်မယ်ဆိုရင် နိုင်ငံတော်တစ်ခု အနေနဲ့ ကမ္ဘာမှာ ထိပ်တန်းမဟုတ် ပေမယ့် ချမ်းသာတယ်လို့ ဆိုနိုင် ပါတယ်။ သို့သော် လူဦးရေသန်း ပေါင်းတစ်ထောင့်တစ်ရာမှာ လူ အများစုက ဆင်းရဲသားတွေပါ။ ဆင်းရဲသားတွေများနေဆဲဆိုတဲ့ အချက်ဟာ အိန္ဒိယနိုင်ငံရဲ့ သီး ခြားဖြစ်တည်လာခဲ့တဲ့ အခြေ အနေဖြစ်ပါတယ်။ လူဦးရေများ လွန်းတယ်၊ လူလူချင်း ဇာတ်ခွဲ ခြားတဲ့စနစ်ရှိနေသေးတယ်ဆို တာကလည်း နောက်ထပ်သီးခြား တည်ရှိနေတဲ့ အခြေအနေလည်း ဖြစ်ပါတယ်။ သို့သော် အိန္ဒိယ နိုင်ငံဟာ တစ်ဖက်မှာပြန်ကြည့် ရင် အာဏာရှင်စနစ်နဲ့သွားနေတဲ့ နိုင်ငံမဟုတ်ဘဲ ဒီမိုကရေစီထွန်း ကားတဲ့ နိုင်ငံလည်းဖြစ်နေပါ တယ်။ နိုင်ငံသားတွေ လွတ်လပ် စွာ ပြောနိုင်ဆိုနိုင်တယ်။ သတင်း မီဒီယာတွေ လွတ်လပ်တယ်။ ကိုယ်ကြိုက်တဲ့နိုင်ငံရေးပါတီကို မဲထည့်နိုင်တယ်၊ နောက်ကျောကို သေနတ်နဲ့ ထောက်တာမျိုးမရှိ ဘူး။ အတိုင်းအတာတစ်ခုအရ ဥပဒေစိုးမိုးတယ်လို့ ဆိုနိုင်ပါ တယ်။ ဒီလိုအချက်မျိုးတွေကျ တော့ တရုတ်ပြည်မှာ မရှိပါဘူး။ စင်ကာပူမှာလည်း မရှိပါဘူး။

လီကွမ်ယုဟာ သူ့ရဲ့ သီအို ရီအရ စင်ကာပူနိုင်ငံကို ငွေကြေး အရ ချမ်းသာတိုးတက်လာ အောင် ရှေ့ဆောင်ခဲ့တယ်ဆိုတာ က ငြင်းလို့မရတဲ့အချက်ဖြစ်ပါ တယ်။ သို့သော် ဒီလိုတိုးတက်လာ ရတာကလည်း သီးသီးသန့်သန့် တည်ရှိနေတဲ့ အခြေအနေတွေ ကြောင့်လည်း ဖြစ်တယ်ဆိုတာ တစ်ဖက်မှာမြင်နိုင်ပါတယ်။ ဘယ် လိုသီးသီးသန့်သန့် တည်ရှိနေတဲ့ အချက်တွေလဲဆိုတာကြည့်ရ အောင်ပါ။

ပထဝီအနေအထားအရ စင်ကာပူနိုင်ငံဟာ မလက္ကာရေ လက်ကြားမှာတည်ရှိပါတယ်။ အရှေ့အနောက်ကမ္ဘာ့ကုန်သွယ် ရေးလမ်းကြောင်းပေါ်မှာ ရှိပါ တယ်။ ဒုတိယကမ္ဘာစစ်ကြီးအပြီး မှာ စင်ကာပူရဲ့ ပထဝီနိုင်ငံရေး အရေးပါပုံဟာ အရင်းရှင်နိုင်ငံ ကြီးများအတွက် ဟိုရှေးတုန်းက လိုပဲ ဆက်လက်အရေးပါနေတုန်း ပါ။ ၁၉၆၇ ခုနှစ် စင်ကာပူနိုင်ငံ ရယ်လို့ ဖြစ်လာတဲ့အခါမှာ ကုန် သွယ်ကူးသန်းရောင်းဝယ်ရေး အတွက် အရင်းရှင်နိုင်ငံကြီးများရဲ့ မျက်နှာသာပေးတာကို ခံရပါ တယ်။ ကုန်သွယ်ရေးအထူးအခွင့် အရေး special trading privileges တွေ ရရှိခံစားခဲ့ရပါတယ်။ အခု လည်း ရရှိနေဆဲပါ။ နောက်တစ် ချက်ကတော့ နိုင်ငံက သေးငယ် တဲ့အတွက် နိုင်ငံကြီးပြီး လူမျိုးကွဲ များပြားတဲ့နိုင်ငံတွေထက် စီမံခန့် ခွဲရတာ လွယ်ကူပါတယ်။ ဒီလို ပြောလိုက်လို့ စင်ကာပူနိုင်ငံသား တွေ ဇိမ်နဲ့နှပ်နေတယ်၊ အလုပ် မကြိုးစားဘဲ ချမ်းသာလာတယ်လို့ ဆိုလိုတာမဟုတ်ပါ။ သူတို့ဘက် က ကြိုးစားရမယ့်ကိစ္စတွေကို လည်း အောင်မြင်အောင် ဆောင် ရွက်နိုင်တာကတော့ ချီးကျူးရမှာ ပါပဲ။ ကြိုးစားနေတဲ့တစ်ချိန်တည်း မှာလည်း အခွင့်အလမ်းကောင်း တွေ သီးသီးသန့်သန့်တည်ရှိနေ တယ်ဆိုတာကို ထောက်ပြလိုရင်း ပါ။ လီကွမ်ယုက အာဏာရှင်ဆန် ဆန် စီးပွားရေးတစ်ခုတည်းကို ဇောက်ချပြီး ဦးဆောင်ခဲ့လို့ အောင်မြင်တာဖြစ်တယ်ဆိုတဲ့ သီအိုရီမှာ ဟာကွက်တွေရှိနေ သေးတယ်ဆိုတာကို ပြန်ထောက် ပြတာဖြစ်ပါတယ်။

သီးသီးသန့်သန့်တည်ရှိနေ တဲ့ အခြေအနေအကြောင်းတရား ဆိုတာနဲ့ပတ်သက်လို့ ထပ် လောင်းပြောလိုပါသေးတယ်။ ဥပမာအားဖြင့် စင်ကာပူနိုင်ငံဟာ အခုတည်ရှိနေတဲ့ မလက္ကာရေ လက်ကြားမှာမဟုတ်ဘဲ တောင် ဝင်ရိုးစွန်းဘက်က တစ်နှစ်မှာ ခြောက်လလောက် ရေခဲနေတဲ့ နိုင်ငံလေးတစ်ခုဆိုပါစို့။ စီးပွား ရေးသာ ပထမဆိုပြီး လီကွမ်ယု ကြွေးကြော်ခဲ့သလို တိုးတက်ချမ်း သာဖို့ဆိုတာ ဖြစ်နိုင်ပါ့မလား။
ဒါမှမဟုတ်လည်း စင်ကာပူဟာ လီကွမ်ယုရဲ့ စီးပွားရေးသာ ပထမ ဆိုတဲ့ ပေါ်လစီနဲ့လုပ်တယ်ကိုင် တယ်ပဲထား တိဗက်ကုန်းမြေမြင့် က ကုန်းတွင်းပိတ်နိုင်ငံလေးတစ် ခုဖြစ်နေရင်ကော သူ့ရဲ့ဒဿန ဟာ မှန်နိုင်ပါ့မလား။ အခုချမ်း သာနေသလို ချမ်းသာဖို့ ဖြစ်နိုင် ပါ့မလား။ ဒါတွေက မေးရမယ့် မေးခွန်းတွေပါ။

ဒါကြောင့် အာဖရိကတိုက် နဲ့ တောင်အမေရိကတိုက်က နိုင်ငံတွေကို ပြန်ကြည့်လိုက်ရင် မြင်ရတာတွေ အများကြီးရှိပါ တယ်။ သူတို့လည်း ကြိုးစားခဲ့တာ ပါပဲ။ အခုလည်း ဆက်ကြိုးစားနေ ဆဲပါ။ ဒါပေမဲ့ စင်ကာပူလို၊ တောင်ကိုရီးယားလို၊ တရုတ်လို ရုပ်ပိုင်းဆိုင်ရာအရ ချမ်းသာလာ တဲ့ နိုင်ငံဆိုတာ မရှိသေးပါ။ အရှေ့တောင်အာရှဒေသတွင်း က အင်ဒိုနီးရှားနဲ့ ဖိလစ်ပိုင်တို့ လည်း ချမ်းသာအောင်ကြိုးစားနေ တဲ့ နိုင်ငံတွေဖြစ်ပါတယ်။ ဒါပေမဲ့ သူတို့မှာလည်း သီးသီးသန့်သန့် တည်ရှိနေတဲ့ အခြေအနေများရှိ နေတာကြောင့် ဟိုနိုင်ငံများလို ရုပ်ပိုင်းဆိုင်ရာအရ ကျိကျိတက် အောင်ချမ်းသာတဲ့ နိုင်ငံမျိုးတွေ ဖြစ်မလာသေးပါ။ သို့သော် ဒီမို ကရေစီဖြစ်ထွန်းမှုကတော့ စင် ကာပူတို့၊ တရုတ်တို့ထက် ရှေ့ကို ရောက်ပါတယ်။

ရုပ်ပိုင်းဆိုင်ရာအရ ချမ်းသာ ဖို့ဆိုတာ ယေဘုယျအားဖြင့် ပြော ရရင် စက်မှုထွန်းကားမှ ချမ်းသာ တာဖြစ်ပါတယ်။ စက်မှုထွန်းကား ဖို့ဆိုတော့ စက်မှုလုပ်ငန်းတွေ အတွက် နည်းပညာလိုလာပါ တယ်။ နည်းပညာကို ပိုင်ဆိုင်တဲ့ အရင်းရှင်နိုင်ငံကြီးများက မမျှဝေ ဘဲ အဆင့်မြင့်နည်းပညာများကို မရနိုင်ပါ။ အဆင့်မြင့်စက်မှုနည်း ပညာတွေကို လွယ်လင့်တကူရရှိ ဖို့ဆိုတာက ကမ္ဘာ့နိုင်ငံရေး အခင်း အကျင်းအရ ကိုယ့်လူဟုတ်၊ မဟုတ်ဆိုတာကလည်း ပါလာပြန်ပါတယ်။ ဒါကလည်း နောက်ထပ်တည်ရှိနေတဲ့ သီးသီးသန့်သန့် အခြေအနေတစ်ခုလို့ ဆိုနိုင်ပါတယ်။

ဖွံ့ဖြိုးတိုးတက်တယ်ဆိုတဲ့ အကြောင်းကို ပြောရရင် အမျိုး မျိုးသော ဆက်စပ်နေတဲ့ကိစ္စတွေ ကို မလွဲမသွေထည့်သွင်းစဉ်းစား ရပါတယ်။ ဖွံ့ဖြိုးတိုးတက်ခြင်းကို သွားနေရင်း ဒီမိုကရေစီထွန်းကား ဖို့အတွက် ပိတ်ပင်မထားဘဲ ဆောင်ရွက်တာဟာ နိုင်ငံသားတို့ အတွက် အကျိုးများပါတယ်။ ဆင်းရဲနေတုန်းလည်းဖြစ်၊ ဘယ် တော့မှ ချမ်းသာမှန်းလည်းမသိ နိုင်၊ လွတ်လပ်ခွင့်နဲ့ ဒီမိုကရေစီ လည်း မရှိဘူးဆိုရင် (ရှိနေတဲ့ ဒီမို ကရေစီကလည်း ဟန်ပြသာဖြစ် နေရင်)ဒီလိုအခြေအနေမျိုးဟာ တော်တော်စိတ်ပျက်ဖို့ကောင်းတဲ့ အခြေအနေလို့သာ ပြောလိုပါ တယ်။ သူများနည်းတူ စီးပွားရေး နှစ်ခုစလုံး တိုးတက်ဖွံ့ဖြိုးလာရင် တော့ ပိုကောင်းတာပေါ့။ အဲဒါမှ မဟုတ်ရင် တစ်ခုမဟုတ်တစ်ခု တော့ တိုးတက်ထွန်းကားဖို့လိုပါ တယ်။ နိုင်ငံသားလူများစုကြီး အတွက် စီးပွားရေးလည်း တိုးတက်မလာသလို ဒီမိုကရေစီလည်း စစ်စစ်မှန်မှန် ဖွံ့ဖြိုးမလာဘူးဆိုရင် ကျွန်တော်တို့တိုင်းပြည်အတွက် အရှုံးထဲက နောက်ထပ် အရှုံးများကိုသာ ရင်ဆိုင်ကြရမှာဖြစ်ပါကြောင်း။

7day daily

Read More

သုံးနှစ်အရွယ်နဲ့ လက်ထပ်ဖို့တောင်းဆိုတဲ့ လူဝင်စား ကလေးငယ်နှစ်ဦး

ပါက်တောမြို့နယ် ၊ ကြိမ်ခွေမော်ကျေးရွာ အံ့ဖွယ်လူဝင်စားထူးခြားဖြစ်စဉ်

ပေါက်တောမြို့တွင် လွန်ခဲ့သော (၄)နှစ်ခန့်က ပေါက်တောမြို့နယ် ၊ နတ်တောင်ပြင်ကျေးရွာမှ ချစ်သူနှစ်ဦး

(ထိုချစ်သူနှစ်ဦး၏မိဘအမည်နှင့်ကာယကံရှင်အမည်နှင့်မှတ်တမ်းဓါတ်ပုံများနောက်တင်ပြပေးပါမည်) မှာ အကြောင်းအမျိုးမျိုးကြောင်း မဆုံဖြစ်ကြ၍ ရွာအပြင်ဘက်ကောက်ရိုးပုံဘေးတွင် အဆိပ်စား
သေဆုံးပြီးနောက် ပေါက်တောမြို့နယ် ၊ နတ်တောင်ပြင်ကျေးရွာနှင့် (၂)မိုင်ခန့်ဝေးသော ကြိမ်ခွေမော်ကျေးရွာနေ ဦးမောင်ညွန့်တင် နှင့် ဒေါ်သန်းသန်းယဉ်တို့ထံတွင် ယောင်္ကျားဖြစ်သူက၀င်စားပြီး ၊ တစ်ရွာတည်းနေ ဦးဦးသန်းမောင် ဇနီး ဒေါ်ခင်ခင်သန်း တို့ထံတွင် မိန်းခလေးဖြစ်သူဝင်စားကာ ယခုအချိန် (၃)နှစ်အရွယ်ကလေးအဖြစ် ကျန်းမာစွာရှင်သန်လျက်ရှိပါသည်။ အဆိုပါချစ်သူနှစ်ဦး၏
ယခုဘ၀အမည်များမှာ မောင်ဖြူသန်းလင်း နှင့် မပုပုသန်း တို့ဖြစ်ကြသည်။

သူတို့နှစ်ဦးသည် အသက်အရွယ်နှင့် မလိုက်အောင် လူကြီးဆန်ကြပြီး တစ်ဦးနှင့်တစ်ဦးချိန်းတွေ့ခြင်းများပြုလုပ်ခဲ့ကြသည်။

ချိန်းတွေ့သည်ဆိုရာတွင် ကလေးမပျောက်သည်ဟု မိဘများလိုက်ရှာတိုင်း ယောင်္ကျားကလေးအိမ်ကိုရောက်နေတတ်ခြင်း
ယောင်္ကျားကလေးပျောက်သည်ဟု မိဘများလိုက်ရှာတိုင်း ကောင်းမလေးအိမ်ကိုရောက်နေတတ်ခြင်းများဖြစ်ပြီး နောက်ဆုံးစကားပြော
တတ်အရွယ်(ယခု ၃ နှစ်အရွယ်) သို့ရောက်သောအခါ ယခုဘ၀မိဘများကို ကိုယ်စီကိုယ်စီဘ၀ဟောင်းအကြောင်းများကို ဖွင့်ပြောကြပြီး လက်ထပ်ပေးရန်အတင်းတောင်းဆို
ကြောင်း ၊ လက်ထပ်မပေးပါက ယခင်ဘ၀ကကဲ့သို့ အဆုံးသတ်သေမည်ဖြစ်ကြောင်း အကြိမ်ကြိမ်
တောင်းဆိုသဖြင့် အထက်ဖေါ်ပြပါဖိတ်စာအစီအစဉ်များအတိုင်း နှစ်ဘက်မိဘများမှ (၃)နှစ်အရွယ် ကလေးနှစ်ဦးအား တရားဝင်လက်ထပ်ပေးမည်ဖြစ်ပါသည်။ လက်ထပ်မှတ်တမ်းဓါတ်ပုံများ ထပ်မံတင်ပြပါမည်။ စိတ်ဝင်စားသူများ ဖိတ်စာပါအစီအစဉ်အတိုင်း
လာရောက်ကြည့်ရှုလက်ဖွဲ့ပေးကြရန် တိုက်တွန်းပါသည်။

Sein Down

Read More

MH370 လေယာဉ်ကို ဧရိယာပိုမိုဖြန့်ကျက်ပြီး ရှာဖွေနေ

မလေးရှား လေကြောင်းလိုင်းပိုင် Boeing 777 လေယာဉ်ကို အိန္ဒိယ သမုဒ္ဒရာ ရေနက်ပိုင်း၌ ဩစတြေးလျ နိုင်ငံက ဦးဆောင်ပြီး ရှာဖွေမှုများ ပြုလုပ်နေ

ပျောက်ဆုံးနေသည့် MH370 လေယာဉ်ကို နယ်နိမိတ် သတ်မှတ်ချက် ပိုမိုကျယ်ဝန်းစွာ ဖြန့်ကျက်ရှာဖွေမှုများ စတင်နေပြီဟု သိရှိရသည်။ မလေးရှား လေကြောင်းလိုင်းပိုင် Boeing 777 လေယာဉ်ကို အိန္ဒိယ သမုဒ္ဒရာ ရေနက်ပိုင်း၌ ဩစတြေးလျ နိုင်ငံက ဦးဆောင်ပြီး ရှာဖွေမှုများ ပြုလုပ်နေခဲ့သည်။ သို့သော်လည်း လာမည့်သီတင်းပတ်များတွင်မူ ပုဂ္ဂလိက ကန်ထရိုက်တာများလက်သို့ လွှဲအပ်ကာ ရှာဖွေမှု လုပ်ငန်းများကို ရှေ့ဆက်စေမည် ဖြစ်သည်။ ရာသီဥတု အခြေအနေအရ ရှာဖွေမှု လုပ်ငန်းစဉ်များကို ရက်ပိုင်းမျှ ဆိုင်းငံ့ထားသော်လည်း ယခုအခါ တရုတ်သင်္ဘော နှစ်စင်းသည် ဩစတြေးလျ အနောက်ပိုင်း ဆိပ်ကမ်းမှ ထွက်ခွာသွားပြီး ဩစတြေးလျ သင်္ဘောများနှင့် ပူးပေါင်းမည် ဖြစ်သည်။

မတ်လ (၈)ရက်နေ့ကတည်းက လူပေါင်း(၂၃၉)ဦးနှင့်အတူ ပျောက်ချင်းမလှ ပျောက်ကွယ်နေသော လေယာဉ်၏ သေတ္တာနက်မှ ထုတ်လွှင့်သည်ဟု ယူဆရသော အချက်ပြလှိုင်းများကို ဧပြီလတွင် ဖမ်းယူရရှိခဲ့သော်လည်း မည်သည့် အထောက်အထားကိုမျှ တိတိကျကျ ဖမ်းဆုပ်နိုင်ခြင်း မရှိသေးချေ။ ဩစတြေးလျ ကာကွယ်ရေး အကြီးအကဲဟောင်း အန်ဂက်စ်ဟူစတန်သည် ၎င်းတာဝန်ယူနေသည့် ရှာဖွေရေး ကဏ္ဍနှင့် ပတ်သက်ပြီး “အဲဒီတုန်းက ဖမ်းယူရရှိခဲ့တဲ့ အချက်ပြမှုတွေအတွက် ပြန်ပြီး စိစစ်နေဆဲ ဖြစ်ပါတယ်။ ကျွန်တော်တို့ အနေနဲ့ ဘာကိုမှ အာမခံချက် မပေးနိုင်သေးဘူး။ အခြေအနေတိုင်းကို ထည့်သွင်းတွက်ချက်ဖို့တော့ လိုပါတယ်”ဟု ပြောကြားခဲ့သည်။ ၎င်းက “အချိန်(၂)လခွဲလောက် ကြာလာတဲ့နောက် သက်ဆိုင်ရာ မိသားစုတွေ၊ ဆွေမျိုးသားချင်းတွေလည်း အရမ်းကို ထိခိုက် ခံစားထားရမှာပါ။ ဒါပေမဲ့ ကျွန်တော်တို့ ဘက်ကလည်း အစွမ်းကုန် ကြိုးစားနေဆဲ ဖြစ်ပါတယ်။ ဝန်ခံရရင်တော့ တိုးတက်မှုနှုန်းက နုနယ်လွန်းနေပါသေးတယ်”ဟုလည်း ဝန်ခံသွားခဲ့သည်။

From: Planet Myanmar Network

Read More

အွန်လိုင်းဟာ အချိန်ပိုကုန်စေဖို့လား အချိန်ကုန် သက်သာစေဖို့လား

အင်တာနက် ဆိုတာ ပေါ်ပေါက်လာတဲ့ အကြောင်းအရင်းက စာတိုက်ပုံး အသုံးပြုရာ ကနေ ပိုမို မြန်ဆန်တဲ့ အီလက်ထရောနစ် အီးမေးလ်များ အသုံးပြုစေဖို့ ကနေ စပါတယ်။ အီးမေးလ် ပို့တာ ကနေ ဆင့်ပွားပြီးတော့ ထပ်တိုး ဖြစ်လာတဲ့ ပြောင်းလဲမှုများကို အကြမ်းဖျဉ်း ခြုံငုံ သုံးသပ် ရမယ် ဆိုရင်..

လုပ်ငန်း၊ အဖွဲ့အစည်း သတင်းအချက်အလက်များ ကြည့်ရှုရန်

အီးမေးလ်ပို့နိုင်တဲ့ အဆင့်ကနေ နောက်ထပ် တစ်ဆင့် ကတော့ သတင်း အချက် အလက်များ ဖတ်ရှုခြင်း ဖြစ်ပါတယ်။ ကမ္ဘာမှာ ပထမဆုံး အင်တာနက်ကို စတင် ဖန်တီးသူက အင်ဂျင်နီယာ အချင်းချင်း ဆက်သွယ်လို့ ရမယ့် အင်တာနက် ကွန်ရက်လေးကို စခဲ့ ပါတယ်။ ပြီးတော့ အမေရိကန် တွင်းက တက္ကသိုလ်ကြီး သုံးလေးခုက သတင်းအချက်အလက် များကို အွန်လိုင်းပေါ်မှာ အလွယ်တကူ သိမြင် နိုင်အောင် ဝဘ်ဆိုဒ်တွေ ပြုလုပ်လာကြ ပါတယ်။

ယနေ့အချိန်မှာတော့ ဖတ်စရာ သတင်းဆိုဒ်တွေ အများကြီး ပါပဲ။ ပြည်တွင်းမှာပဲတင်ကို - www.news-eleven.com, www.mmtimes.com, www.irrawaddy.org တို့လို ဝဘ်ဆိုဒ် မျိုးတွေ ရှိနေပါတယ်။

သတင်း အချက်အလက်များ အခြေခံလို့ စီးပွားရေး လုပ်ရန်

အွန်လိုင်းပေါ်ကနေ စတော့ ဈေးကွက်ကို စောင့်ကြည့်ခြင်းမျိုး ဖြစ်ပါတယ်။ သာမန် သတင်း မျိုးတွေ မဟုတ်တော့ပဲ ဈေးကွက်ရဲ့ အင်မတန် အရေးကြီးတဲ့ သတင်းများကို အချိန်နဲ့ တပြေးညီ စောင့်ကြည့်နိုင်အောင် စတော့တို့လိုမျိုး အွန်လိုင်းဈေးကွက် ဖြစ်လာ ပါတယ်။ ဒီတော့ www.motors.com.mm တို့လို အွန်လိုင်း အခြေခံ ကား သတင်းအချက်အလက် ဝဘ်ဆိုဒ်များ ပေါ်ပေါက်ပြီး ရရှိတဲ့ အချက်အလက်ကို အခြေခံလို့ အပြင်မှာ စီးပွားရေး ပြုလုပ်ခြင်း ဖြစ်ပါတယ်။

စီးပွား ကူးသန်း ဆက်သွယ်ရန်

စီးပွား ကူးသန်း ဆက်သွယ်တာ ကတော့ E-Commerce လို့ ခေါ်တဲ့ အွန်လိုင်း ဈေးကွက်ကို ဆိုလိုခြင်း ဖြစ်ပါတယ်။ အင်တာနက် ပေါ်ကနေ အရောင်းအဝယ် လုပ်ဖို့ အတွက် ငွေလွဲ စနစ်၊ ပေးချေ စနစ် လမ်းကြောင်းများကို ဖန်တီးလို့ ဝဘ်ဆိုဒ်များနဲ့ တွဲသုံး လာပါတယ်။

အွန်လိုင်း မိတ်ဆွေ ကွန်ရက် ဖြစ်ပေါ်ရန်

အွန်လိုင်းမှာ မိတ်ဆွေဖွဲ့ဖို့ အတွက် ဖိုရန် ငယ်လေးတွေ ပေါ်ရာ ကနေ ဖေ့စ်ဘွတ် တို့လိုမျိုး ဆိုရှယ်မီဒီယာ ဝဘ်ဆိုဒ်ကြီးများ ပေါ်ပေါက် လာပါတယ်။ မြန်မာပြည်တွင်း မှာလည်း ဖိုရမ် နဲ့ ဆိုရှယ်မီဒီယာ များစွာ ပေါ်ပေါက် လာနေ ပါပြီ။

ဒီတော့ အင်တာနက် ပေါ်လာတယ် ဆိုတာ အချိန်ကုန် သက်သာဖို့ တစ်ဦးနဲ့ တစ်ဦး မြန်ဆန်စွာ တွေ့ဆုံ ပြောဆို ဆက်ဆံဖို့ ဖြစ်ပါတယ်။ သိုပပေမယ့် အင်တာနက်ကို အခြေခံပြီး အချိန်ကို ကောင်းကောင်း မကုန်စေပဲ အလဟသ ကုန်နေရင် ကိုယ့်အတွက်က ကျောင်းကျိုး မရှိပါဘူး။ အင်တာနက် ကို အသုံးပြုလို့ အချိန်ကုန် သက်သာဖို့သာ အသုံးချဖို့သာ အကြံပေး တိုက်တွန်း လိုက်ရ ပါတယ်။

Read More

ဒေါ်အောင်ဆန်းစုကြည်၏ အခြေခံဥပဒေပြင်ဆင်ရေး ကြိုးပမ်းမှုအပေါ် အမှန်တကယ် ပြင်ဆင်နိုင်ပါ့မလားဟု တစ်နေ့တခြား သံသယပိုလာကြောင်းဆို

ဖွဲ့စည်းပုံအခြေခံဥပဒေ အမှန်တကယ် ပြင်ဆင်နိုင်ပါ့မလားဆိုသည့်သံသယ တစ်နေ့တခြား ပိုရှိလာကြောင်း လွှတ်တော် ဖွဲ့စည်းပုံအခြေခံဥပဒေပြင် ဆင်နိုင်ရေး အကောင်အထည်ဖော်မှုကော်မတီ အဖွဲ့ဝင် ဒေါက် တာ အေးမောင် က မေ ၂၂ ရက်တွင် ပြောကြားသည်။ “ဒီနေ့ (မေ ၂၂ ရက်) လွှတ်တော်ဖွဲ့စည်းပုံအခြေခံဥပဒေပြင်ဆင်နိုင်ရေး အကောင်အထည်ဖော်မှုကော် မတီရဲ့ အစည်းအဝေးမှာ အခန်း(၂)ကို စပြီး ဆွေးနွေးခဲ့ကြပါတယ်။ ဒါပေမဲ့လို့ ကျွန်တော်တို့တွေ တခြား သူတွေ ဆွေးနွေးကြသလိုပေါ့ဗျာ။ တကယ်တမ်း အကောင်းဘက်ကအမြင်နဲ့ ဆွေးနွေးကြတာကို။ အကောင်း ဘက်ကအမြင်နဲ့ ကျွန်တော်တို့က ဆွေးနွေးတယ်။ ဒါပေမဲ့ အကောင်းဘက်က အမြင်ကလည်း တကယ့် တကယ် လက်တွေ့မှာ အဆိုးဘက်ကို ရောက်ရင် ရောက်သွားနိုင်တာပေါ့။ အဲဒါလေးတွေ လည်း ဖြစ်တတ်ပါတယ်။ အဲဒီလိုမဖြစ်ဖို့က အားလုံးမှာ တာဝန်ရှိတယ်။ ကျွန်တော် တို့ကလည်း ကျွန်တော် တို့ရဲ့ကဏ္ဍအလျောက်ကို အကောင်းဆုံးဖြစ်အောင် ပြုပြင်ကြည့်တာပေါ့ဗျာ။လက်တွေ့မှာ တကယ်တမ်းဖြစ် ချင်မှ ဖြစ်လာမယ်။အဲဒီတော့ မဖြစ်တော့ဘူးလို့ ကျွန်တော်တို့ဘက်က ယူဆတဲ့တစ်နေ့မှာတော့ဖြင့် ကျွန်တော် တို့ကလည်း နိုင်တဲ့ဝန်လောက်ပဲ ထမ်းနိုင်မယ်ဆိုတာကို တောင်းပန်ချင်ပါတယ်။ ကျွန်တော်တို့ လည်း နိုင်တဲ့ဝန်တော့ အတတ်နိုင်ဆုံး ထမ်းပါမယ်။ ကျွန်တော်တို့က အင်မတန် အင်အားနည်းပါတယ်။

သမိုင်းဆိုတာတော့ ကျန်ခဲ့မှာပေါ့ဗျာ။ ပြင်ဖို့ ဖြစ်ချင်မှလည်း ဖြစ်မယ်။ ဖွဲ့စည်းပုံအခြေခံဥပဒေ ကို ပြင် မှ ပြင်နိုင်ပါ့မလားဆိုတဲ့ သံသယလေးကတော့ ကျွန်တော်တို့မှာ တစ်နေ့ထက်တစ်နေ့ ပို ရှိရှိလာတယ်”ဟု ရခိုင်အမျိုးသားပါတီ ခေါင်းဆောင်၊ ဖွဲ့စည်းပုံအခြေခံဥပဒေပြင်ဆင်နိုင်ရေး အကောင်အထည်ဖော်မှုကော် မတီဝင်၊ အမျိုးသားလွှတ်တော်ကိုယ်စားလှယ် ဒေါက်တာအေးမောင်က ပြောကြားသည်။

လွှတ်တော်ဖွဲ့စည်းပုံအခြေခံဥပဒေပြင်ဆင်နိုင်ရေး အကောင်အထည်ဖော်မှုကော်မတီ၏ အစည်းအဝေးများ တွင် အဖွဲ့ဝင် များ အနေဖြင့် ပြည်သူအများ ပြင်ဆင်ရန် စိတ်ဝင်စားနေသည့်ပုဒ်မ ၄၃၆ ကို ဦးစွာဆွေးနွေး ခဲ့ပြီးနောက် ဖွဲ့စည်းပုံအခြေခံဥပဒေ အခန်း(၁)နှင့် အခန်း(၂)တို့နှင့် ပတ်သက်၍ ဆွေးနွေးခဲ့ကြကြောင်း အမျိုးသားဒီမိုကရေစီအဖွဲ့ချုပ် မှ ဖွဲ့စည်းပုံအခြေခံဥပဒေပြင်ဆင်နိုင်ရေး အကောင်အထည်ဖော်မှုကော်မတီ အဖွဲ့ဝင် ပြည်သူ့လွှတ်တော်ကိုယ်စားလှယ် ဦးအောင်ကြည်ညွန့်က မေ ၂၂ ရက်တွင် ပြောကြားသည်။

ယခုကဲ့သို့ လွှတ်တော်ကော်မတီအနေဖြင့် ဖွဲ့စည်းပုံအခြေခံဥပဒေပြင်ဆင်နိုင်ရေး ဆွေးနွေးလျက် ရှိသော် လည်း ပြည်ထောင်စုလွှတ်တော်တွင် ပြင်ဆင်ရန် မဲခွဲဆုံးဖြတ်သည့်အချိန်တွင် ပြည်ထောင်စုလွှတ်တော် ကိုယ်စားလှယ် ၇၅ ရာခိုင်နှုန်းကျော် သဘောတူညီချက် ရရှိပြီးနောက် ပြည်လုံးကျွတ် ဆန္ဒခံယူရမည်ဖြစ် သဖြင့် အမှန်တကယ်ပြင်ဆင်နိုင်ရန် ခက်ခဲမည်ဖြစ်ကြောင်း နိုင်ငံရေးလေ့လာသူများက သုံးသပ်နေကြ သည်။

Eleven Media Group

Read More

တော်တော်လည်တဲ့ လူကြီး

ရွာသူကြီးရဲ့ အိမ်ဘေးကို လူသစ်တစ်ယောက်ပြောင်းလာပါတယ်။
လူသစ်နဲ့သူကြီးနဲ့ ပြဿနာက နောက်တစ်ရက်မှာ စတွေ့ပါတယ်။ သူကြီးက
ကြက်ကြိုက်တတ်သူဖြစ်တာကြောင့် ကြက်တွေမွေးထားပါတယ်။ မနက်ခင်းကျတော့
လူသစ်က သူ့ခြံထဲရောက်နေတဲ့ကြက်ဥကို သူ့ကြက်ဥလို့ ဖင်ပိတ်ငြင်းတော့တာပဲ။

သူကြီးကလည်း မင်းမှာ ကြက်တစ်ကောင်မှမရှိဘဲ ဘယ်လိုလုပ်ပြီး
ဥတာတုန်းလို့မေးတာပေါ့။ ဒီကောင်ကလည်း ခပ်ကြောင်ကြောင်ဆိုတော့ ငါ့ခြံထဲမှာ
အုတဲ့ဥ၊ ငါ့ကြက်မရဲ့ဥဆိုပြီး အဆိုတော်အရိုးရဲ့သီချင်းလေးတောင်
ပြန်ဆိုပြလိုက်သေးတယ်။ ရူးသလိုပေါသလိုလုပ်ပြတာလေ။ ဒါနဲ့ သူကြီးက
ပြောလိုက်ပါတယ်။

”ကဲကဲ၊ ဒါဆို ငါတို့ ရွာမှာ အငြင်းပွားတိုင်း ဖြေရှင်းတဲ့နည်းရှိတယ်။
အဲ့ဒါကတော့ တစ်ယောက်ပေါင်ကြားကို တစ်ယောက်က ကန်မယ်။
အမြန်ပြန်ထနိုင်တဲ့သူက ကြက်ဥကိုပိုင်မယ်လေ။ ကဲ ဘယ်လိုလဲ..သဘောတူလား”
လူသစ်က သဘောတူလိုက်တယ်။ ဒါနဲ့ သူကြီးက အရင်ကန်ဖို့ ပြင်လိုက်တယ်။
အလေးဆုံးနဲ့ အမာဆုံး ခုံဖိနပ်ကိုစီးပြီး နောက်ကို ခြေ (၅)
လှမ်းလောက်ဆုတ်လို့ အရှိန်နဲ့ တအားပြေးကန်လိုက်တယ်။ လူသစ်လည်း
နာလွန်းလို့ ပေါင်ကြားကို လက်နဲ့အုပ်ပြီး အော်တော့တာပေါ့ ။

နာရီဝက်လောက်မှာ ပြန်ထလာပြီး သူကြီးကိုပြောလိုက်ပါတယ်။
”ကဲ .. ဒီတစ်ခါ သူကြီး အကန်ခံရမယ့်အလှည့်။ ကျွန်တော်ကန်မယ်”
သူကြီးက လေသံအေးအေးနဲ့ ပြန်ပြောလိုက်ပါတယ်။
”ကြက်ဥကို မင်းပဲ ယူလိုက်ပါတော့ကွာ”

ရဲစတိုင်း
The Myanma Age

Read More

၁ ပတ်အတွင်း B ပိုး လုံးဝပျောက်စေမယ့် နည်းလမ်းကောင်း

တကယ်ကောင်းမွန်ပြီး ထိရောက်တဲ့ နည်းလမ်းလေး ဖြစ်လို့ ပြန်လည်မျှဝေ
ပေးလိုက် ရပါတယ်။ ငွေကြေးအမြောင်အများ မကုန်သည့်အတွက် အဆင်ပြေ
စေမှာ ဖြစ်ပါတယ်။

ရောဂါကုထုံး

(၁) စပါးလင် လိုအပ်ပါတယ်။

(၂) ၎င်းကိုရေစင်အောင် ဆေးကြောပါ။

(၃) ပြုတ်လိုက်ပါ။

(၄) ၎င်းပြုတ်ရည်ကို တစ်နေ့ကို သုံးကြိမ်သောက်ပေးပါ။

(၅) သောက်ရမည့် ခွက်ကတော့ လက်ဖက်ရည် သောက်ခွက် ဖြစ်ပါတယ်။

တစ်ပတ်ကြာသည့် အခါတွင် B ပိုးပျောက်ကင်း သွားမည် ဖြစ်ပါတယ်။

အားလုံးကို ကျေးဇူးတင်ပါတယ်

Myawady News

Read More

မျက်မှန် မတပ်ရအောင် ဆောင်ရန် /ရှောင်ရန်များ

ယနေ့ တိုးတက်လာတဲ့ ခေတ်စနစ်နှင့် နည်းပညာများ နောက်ကိုအမီလိုက်ရင်း ကျွန်မတို့ရဲ့ ကလေးတွေ၊ လူငယ် မျိုးဆက်သစ်လေးတွေ ဟာ မျက်မှန်လေးတွေ ကိုယ်စီ နဲ့ ဖြစ်လာကြပါတယ်။ အဲဒီတော့ မိဘတွေ အနေနဲ့ရော မျက်မှန် တပ်ဆင် နေရသူများရော၊ မျက်မှန် မတပ်ရသေး သူများရော သိထားသင့်တဲ့ မျက်မှန် တပ်ရ ခြင်းနှင့် သိမှတ် ဖွယ်ရာများကို မျက်စိ အထူးကုဆရာဝန်ကြီး ဒေါက်တာ ဒေါ်နီလာ သိန်းနှင့် ဒီတစ်ပတ် မှာ တွေ့ဆုံမေးမြန်းပြီး ဖော်ပြပေးလိုက်ပါတယ်။

မေး။ ။ အခုနောက်ပိုင်း လူငယ်တွေ၊ ကလေးတွေမှာ မျက်မှန် တပ်ရတာ များလာတာကို တွေ့ရပါတယ်။ အဲဒါ ဘယ်လို အကြောင်းရင်းတွေကြောင့် ပါလဲရှင့်။

ဖြေ ။ ။မျက်မှန်ပါဝါနဲ့ ပတ်သက်လို့ ပြောရရင် နံပါတ်တစ်က မျိုးရိုး ဗီဇ ခေါ် တာပေါ့။ မိဘက အပေါင်းအနုတ် ပါဝါတွေ တပ်ရရင် မွေးလာတဲ့သား သမီးတွေ ကလည်း အနုတ် ပါဝါတွေ တပ်ရတယ်။ ဒါပေမဲ့ ဒီနေ့ခေတ် အနေ အထားအရတော့ ကလေးတွေက လမ်း မှာ အဝေးကို ကြည့်ရတဲ့ အလေ့အထ တအား နည်းသွားတယ်။ သူတို့က ဘာတွေကြည့်လဲ ဆိုတော့ ကွန်ပျူတာ ကြည့်တယ်။ လက်(ပ်)တော့ ကြည့်တယ်။ ဂိမ်းတွေ ဆော့တယ်။ သူတို့ရဲ့ ဖုန်းသေးသေးလေးတွေ ထဲကနေ အင်တာ နက်တွေ ကြည့်တယ်။ ဂိမ်းတွေဆော့ တယ်။ အဲဒီတော့ သူတို့က အနီးကိုပဲ အရမ်း ကြည့်နေတဲ့ အခါကျတော့ တဖြည်း ဖြည်း နဲ့အဝေးကို မှုန်လာကြတယ်။
ဂျပန်တို့ စင်ကာပူ တို့မှာဆိုရင် သူတို့နိုင်ငံမှာရှိတဲ့ လူငယ် အားလုံးရဲ့ ၇ဝ ရာခိုင်နှုန်းက မျက်မှန် တပ်ထားကြ တယ်။ ဘာကြောင့်လဲ ဆိုတော့ သူတို့ က တိုက်နံရံ အတွင်း မှာပဲ အမြင်အာရုံ က ရှိကြတယ်။ အဝေးကို ကြည့်တာ အားနည်းတယ်။ သူတို့သည် ဘာလုပ် နေကြလဲဆိုတော့ တစ်နေ့လုံး ကွန်ပျူ တာရှေ့များ မှာပဲ နေကြ တယ်။၂၄ နာရီ အင်တာနက် ကြည့်နေတယ်။ ဂိမ်း ဆော့တယ်။ ကွန်ပျူတာ ကြည့်တယ်။ ဒီတီဗီလို ဖန်သားပြင်ကိုပဲ ကြည့်နေတဲ့ အခါကျတော့ တဖြည်းဖြည်း နဲ့ အဝေး မှုန်သွားကြ တယ်။
နောက်တစ်ခုက မျက်မှန်တပ် သင့်ရဲ့သားနဲ့ ကလေးကိုတော့ မျက်မှန် မတပ်ချင်ဘူး။ မတပ်ပါရစေနဲ့ ဆရာမ ရယ် ဆိုပြီးတော့ ငြင်းဆိုပြီးတော့ မတပ်ဘဲ ထားတဲ့ အခါမှာ ကြာလာ တော့ အဲဒီကလေးက ပါဝါတွေ ထပ် တက်လာပြီးတော့ အဲဒီ ကလေးတွေက မျက်မှန်လေးတွေ နဲ့ဖြစ်သွားတယ်။
နိုင်ငံတစ်နိုင်ငံရဲ့ ခေတ်စနစ်တွေ တိုးတက်လာတာ နဲ့အမျှ မျက်မှန်တပ် ရတဲ့ ကလေးတွေက များလာမှာပဲ။ အစ်မတို့ ကလေးတွေကို ဂိမ်းမဆော့ ပါနဲ့လို့ တားလို့ မရဘူး။ ဒါ မိဘတိုင်း ရင်ဆိုင်ရတဲ့ ပြဿနာပဲ။ ခေတ်စနစ် ရဲ့အသီးအပွင့် တွေဖြစ်တဲ့အတွက် တား လို့လည်း မရဘူး။ တားရင်လည်း သူတို့က တခြား ကလေးတွေ နဲ့ ယှဉ်ရင် ကျန်ခဲ့မှာလေ။ အဲဒါတွေအတွက်က တော့ အစ်မတို့ ပညာပေးရမှာပေါ့။

မေး။ ။ မျက်မှန်ကတပ်ပြီးရင် အချိန် တစ်ခုကြာသွားရင် ချွတ်လို့ရပါသ လား။ ဒါမှမဟုတ် တစ်သက်လုံး တပ် သွားရမှာပဲလား။

ဖြေ ။ ။ မျက်မှန်ရဲ့ သဘော သဘာဝအရ တော့ အနုတ် ပါဝါတပ်ထားတဲ့ အဝေး မှုန်မျက်စိ ဆိုရင်တော့ တပ်ထားပြီးရင် ပါဝါက တိုးဖို့ပဲ ရှိတယ်။ ကလေးတွေ ရဲ့ အသက် ၁၈ နှစ် ၂ဝ နှစ် ယောက်ျား လေး၊ မိန်းကလေး စတာတွေပေါ်မူ တည်ပြီးတော့ အသက် ၁၈ နှစ်၊ ၂ဝ ထိအောင် ပါဝါက တက်လာမှာဖြစ်တဲ့ အတွက်ကြောင့် ပါဝါကို လျှော့ချလို့ မရ ဘူး။ ဒါကြောင့် အစ်မတို့က သူတို့ ရဲ့ နေထိုင် စားသောက်မှုပုံစံမှာက ငယ်ငယ်တည်း က အသီးအနှံ များများ စားရမယ်။ အစာအုပ်စု သုံးခုမှာပါတဲ့ အစာတွေကို စား ရမယ်။ သတ္တုဓာတ် များများ ပါတဲ့ အစားအစာတွေကို စားမယ် ဆိုရင်တော့ ပါဝါကို ရှေ့ဆက် မတိုးလာအောင် ထိန်းနိုင်တာပဲ ရှိတယ်။

မေး။ ။ တချို့ မျက်မှန်တပ်ပြီးတော့ ဆေးသောက်ပြီး မျက်မှန်ကျွတ်သွား ကြတယ်ပြောတယ်။ အဲလိုမျိုး ဆေး စားပြီးတော့ရော မျက်မှန်ချွတ်နိုင်ပါ သလား။

ဖြေ ။ ။ ဆေးစားပြီးတော့ မျက်မှန် ကျွတ်တယ်လို့ မရှိနိုင်ပါဘူး။

မေး။ ။ မိဘတွေ အနေနဲ့ရော ကိုယ့်သား သမီးတွေ မျက်မှန် မတပ်ရအောင် ထိန်း ကွပ်ပေးလို့ ရတဲ့ဆောင်ရန်၊ ရှောင်ရန် တွေလည်း ပြောပြပေးပါဦးရှင့်။

ဖြေ ။ ။သူတို့ တစ်နေ့တာ လှုပ်ရှားနေ တဲ့ ဆောင်ရန် ရှောင်ရန်ပေါ့။ အဲဒါက စာဖတ်တဲ့ အခါမှာ အိပ်မဖတ်ရဘူး။ အမှောင်ထဲမှာ မဖတ်ရဘူး။ ခြင်ထောင် ထဲမှာ မှောက် မဖတ်ရဘူး။ ကားစီးရင်း၊ ရထားစီးရင်း မဖတ်ရဘူး။ တီဗီကြည့် ရင် မျက်စိ နဲ့ တစ်တန်းတည်း ထား ကြည့်ရမယ်။ တီဗီကို အမှောင် ထဲမှာ ထားမကြည့်ရဘူး။ အလင်းနောက် ခံ ထားကြည့်ရမယ် ဆိုတာလေး နဲ့ သူတို့ ရဲ့ ဆောင်ရန် ရှောင်ရန်လေးတွေ ကို မိဘတွေက အနီးကပ် ပြုပြင် ပေးနိုင် မယ်ဆိုရင်တော့ ကောင်းသွားမှာပါ။

မြတ်စုငြိမ်း

Popular Myanmar News Journal

Read More

အောင်မြင်တဲ့သူနဲ့ကျရှုံးတဲ့သူရဲ့ ကွာခြားချက်

         
 

"ကျွန်တော်ချမ်းသာလာမယ်ဆိုတာ ကျွန်တော်သိခဲ့ပါတယ်။ ကျွန်တော်ချမ်းသာလာမယ်ဆိုတာကို တစ်မိနစ်တောင်သံသယ မရှိခဲ့ဘူးလို့ ကျွန်တော်ထင်တယ်ဗျ" Warren Buffet

အထက်ပါစကားကတော့ Bill gateကိုယ်တိုင်ယံကြည်ကိုးစားတဲ့ Warren Buffetဆိုတဲ့ ကမ္ဘာ့ဒုတိယအချမ်းသာဆုံးစီးပွားရေးလုပ်ငန်းရှင်ကြီး
ပြောခဲ့တဲ့စကားပါ။ သူဘာလို့ချမ်းသာအောင်မြင်နေလဲဆိုတာ သူပြောခဲ့တဲ့ စကားကိုကြည့်ရုံနဲ့သိနိုင်ပါတယ်။ အောင်မြင်တဲ့သူနဲ့ ကျရှုံးတဲ့သူမှာ ကွာခြားတာတစ်ခုပဲရှိပါတယ်။

အဲဒါကတော့ အောင်မြင်တဲ့သူက သူဘာပဲလုပ်လုပ်အောင်မြင်မယ်ဆိုတာကို အသည်းထဲကစွဲစွဲမြဲမြဲယုံကြည်နေပါတယ်။ သူ့ယုံကြည်ချက်အတွက် သူတာဝန်ယူရဲပါတယ်။ေ၀၀ါးမှုမရှိဘူး။ ယုံကြည်မှုကပြတ်သားလွန်းတယ်။ သူ့မှာ သူ့ယုံကြည်ချက်အတွက် ချမှတ်ထားတဲ့ အစီအစဉ်တွေလည်းရှိတယ်။ အဲဒါတွေကိုလည်း မတွန့်မဆုတ် ဇွဲလုံ့လနဲ့အချိန်တိုင်းလုပ်ဆောင်နေတယ်။

ကျရှုံးတဲ့သူကတော့ ဘာလုပ်လုပ် အောင်မြင်မှမဟုတ်ပါဘူးလို့ စိတ်ထဲမှာ တိတ်တိတ်လေးယုံကြည်နေတယ်။ အဲဒိယုံကြည်ချက်လေးကြီးမားလာအောင်
လည်း အမျိုးမျိုးဆင်ခြေတွေပေးနေတယ်။ သူများစီးတဲ့ကားစီးချင်တာပဲသိတယ်။ အဲဒိကားစီးနေတဲ့သူ အဲဒိကားကိုဘယ်လိုရအောင်လုပ်ခဲ့လဲမသိချင်ဘူး။ အဲ့လူကြိုးစားခဲ့သလောက် မကြိုးစားချင်ဘူး။ ဘယ်ဟာလုပ်လုပ်အမြဲတမ်း ပြီးဆုံးအောင်မလုပ်ဘူး။ အမြဲအရှုံးပေးတတ်တယ်။ကံတရားကိုကိုးကွယ် လွန်းတယ်။ဆိုးရိုးတစ်ခုရှိတယ်။" အောင်မြင်ဖို့အတွက် ကံတရားလိုတယ်ဆိုတာကို ကျရှုံးတဲ့သူတိုင်းကိုမေးကြည့်ပါ။ သူတို့ထောက်ခံလိမ့်မယ်တဲ့"

အဲဒိတော့သင်ရောဘယ်လိုအမျိုးအစားထဲမှာပါ ပါသလဲ? အကယ်၍အောင်မြင်ချင်တယ်ဆိုရင်တော့ ပြုပြင်သင့်တဲ့အရာအချို့ကို စပြီးပြုပြင်ပါတော့။ အခုအောင်မြင်နေတဲ့သူတွေအားလုံးလည်း ကျရှုံးဖူးကြပါတယ်။ဒါပေမဲ့သူတို့က အဲဒါကိုကျရှုံးတယ်လို့မခေါ်ကြဘူး။ မအောင်မြင်သေးဖူးလို့ပဲသုံးပါတယ်။ ဘာလို့လဲဆိုတော့သူတို့ရင်ထဲအသဲထဲမှာ အောင်မြင်ရမယ်ဆိုတာကိုယုံကြည် ပြီးသားပါ။ "ကြီးမားသောအခက်အခဲများနှင့်ရင်ဆိုင်ဖူးသူသာ ကြီးမားသောအောင်မြင်မှုကိုရနိုင်သည်" ဆိုတဲ့စကားပုံလေးလည်းရှိပါတယ်။

ကဲယုံကြည်ချက်ပြင်းပြင်းထန်ထန်နဲ့စကြိုးစားကြစို့နော်။
ကျွန်တော်တို့ website www.work.com.mmကိုလည်း လာလည်ဖို့ဖိတ်ခေါ်ပါရစေ။ ကျွန်တော်တို့ ၀က်ဘ်ဆိုဒ်ပေါ်မှာ အလုပ်အကိုင်ကောင်းတွေရှာဖွေပြီး ဘ၀မှာအောင်မြင်တဲ့သူတွေဖြစ်ကြပါစေ။

မိုးရှင်း( www.work.com.mm)

Read More

အလှအပရေးရာ ခွဲစိတ်ပြုပြင်မှုအတွက် ရေပန်းအစားဆုံးနေရာများ

၁။ သွားတု - ထိုင်းနိုင်ငံ

၂။ နှာခေါင်း - ချက်သမ္မတနိုင်ငံ

၃။ ဖန်ပြွန်သန္ဓေသား - ချက်သမ္မတနိုင်ငံ

၎။ သွားအပေါ်ယံကြွေလွှာကပ် - ထိုင်းနိုင်ငံ

၅။ သွားအစားထိုး - ဟန်ဂေရီနိုင်ငံ

၆။ တင်ပါးပင့်တင် - တူရကီနိုင်ငံ

၇။ ၀မ်းပျင်းသား ခွဲစိတ်ဖြတ်တောက် - ဘယ်လ်ဂျီယံနိုင်ငံ

၈။ ဆံပင်အစားထိုး - တူရကီနိုင်ငံ

၉။ ရင်သားအစားထိုး - ပိုလန်နိုင်ငံ

၁၀။ သားဥလှူ (လိင်ဆက်ဆံမှုမဲ့ သန္ဓေဆောင်) - ဂရိနိုင်ငံ

၁၁။ ကျန်းမာရေးချို့ယွင်းမှုမရှိ သားလောင်းကိုရွေးချယ် ကြိုတင်ရွေးချယ်စိစစ်ထုတ်ခြင်း - ဂရိနိုင်ငံ

၁၂။ အ၀လွန်ခွဲစိတ်ကုထုံး - အိုက်ယာလန်နိုင်ငံ

၁၃။ သွားအခေါင်းပေါက်ဖာ - ဘယ်လ်ဂျီယံနိုင်ငံ

၁၄။ သွားထိန်းကြိုးတပ် - ဟန်ဂေရီနိုင်ငံ

၁၅။ အစာအိမ်တွင်းဘောလုံးထည့်ပြီး အစာအိမ်ချုံ့ - ဘယ်လ်ဂျီယံနိုင်ငံ

Ref:dailymail.co.uk
Trend Myanmar

Read More

ဆံပင်ကျွတ်ခြင်းအတွက် သဘာဝကုထုံး

ဆံပင်ကျွတ်ခြင်း၊ ဦးရေပြား ယားယံခြင်း၊ ဗောက်နှင့် ဒက်တို့ကို သဘာဝနည်းဖြင့် ကုသပေးနိုင်ပါတယ်။

ကုသနည်း

သံပရာရည်တစ်ဇွန်းခန့်ကို အုန်ရည် လေးဇွန်းခန့်ဖြင့် ရောစပ်ပြီး တစ်ပတ်ကို တစ်ကြိမ် လိမ်းပေးလျှင် ဆံပင်ကျွတ်ခြင်းကို ပျောက်ကင်းစေပါသည်။

ဦးရေပြား ယားယံခြင်းအတွက် သံပရာသီးတစ်လုံးကို အရည်ညစ်လိုက်ပါ။ ကြက်ဥတစ်လုံးကို ခွဲလိုက်ပြီး အကာ၏ အရည်နှင့် သံပရာရည်ကို ရောစပ်ပြီး မွှေလိုက်ပါ။ ၄င်းရည်ဖြင့် ဆံနွယ်များ၏ အမြစ်မှ လိမ်းပေးပါ။

တစ်နာရီခန့်ကြာပြီးလျှင် ခေါင်းလျှော်ပစ်နိုင်ပါတယ်။ တစ်ပတ်ကို နှစ်ကြိမ်ခန့်နဲ့ တစ်လခန့် လျှော်ပေးလျှင် ဦးရေပြား သန့်ရှင်းသွားပြီး ဗောက်၊ ဒက်တို့ ပျောက်ကင်းသွားပြီး ဦးရေပြားယားယံခြင်းတို့ ကင်းဝေးသွားပါလိမ့်မည်။

စောနွဲ့ နေဆိုင် (ပူတာအို)
ကိုးကား။ ။ Health Update Journal

ကျန်းမာရေးသတင်းများ

Read More

သဘာဝဆေးနည်းဖြင့် ၀အောင်လုပ်နည်း

သဘာဝဆေးနည်းဖြင့် အဆီချနည်း၊ ၀မ်းဗိုက်အဆီကျနည်းနှင့် ပိန်စေမည့်ဆေးနည်းများကို အရင်ကလည်း တင်ပြပေးခဲ့ဖူးပါပြီ။ ဆေးနှင့်ဆိုင်သော အခြားစာမျက်နှာများပေါ်မှာလည်း ပိန်ဆေးအကြောင်းများကို မကြာခဏ ဖတ်ရပါတယ်။

အဲဒီလို ပိန်စေမည့် သဘာဝဆေးနည်းပို့စ်များရဲ့ အောက်မှာ လူအများမေးလာကြတဲ့ မေးခွန်းကတော့ ၀ဆေးအကြောင်းဖြစ်ပါတယ်။ ဟုတ်ပါတယ်။ ၀နေတဲ့သူများက ပိန်ချင်နေသလို ပိန်နေသူများကလည်း ၀ချင်ကြပါတယ်။

ဒါ့ကြောင့် ဒီတစ်ခါတော့ ပိန်နည်းရော ၀နည်းပါ တစ်ခါတည်း ပြောပြလိုက်ပါမယ်။

သံပရာသီးဟာ ပိန်ဆေးလို့ သာမန်အားဖြင့် သိထားကြပါတယ်။ သို့သော် သံပရာသီးဟာ ပိန်ဆေးအတွက်ရော ၀ဆေးအတွက်ပါ အသုံးပြုနိုင်ပါတယ်။ သုံးပုံသုံးနည်းလေးသာ ကွာခြားသွားပါတယ်။ ဆေးကျမ်းများမှာတော့ သံပရာသီးကို ပိန်ဆေးနှင့် ၀ဆေးအဖြစ် နှစ်မျိုးလုံး သုံးနိုင်တယ်လို့ ဆိုထားပါတယ်။

သုံးစွဲပုံ-

၁။ သံပရာသီးတစ်လုံးကို ရေနွေးခွက်ထဲကို အရည်ညစ်လိုက်ပါ။
၂။ ပျားရည် ၃ ဇွန်းခန့်(ထမင်းစားဇွန်း) ထည့်လိုက်ပါ။
၃။ ရေနွေးထည့်လိုက်ပြီး သမအောင်မွှေလိုက်ပါ။
၎။ အဖုံးအုပ်ပြီး နှပ်ထားပါ။ (ပျားရည်ပါသည့်အတွက် ပုရွတ်ဆိတ်၊ ယင်ကောင်တို့ မနားစေရန် အဖုံးအုပ်ထားရမည်)
၅။ နာရီဝက်ခန့်ကြာလျှင် ၄င်း သံပရာပျားရည် ရေနွေးချမ်းကို သောက်ပါ။

သံပရာရည်က လေကိုလည်း နိုင်သလို အစာကိုလည်း ကြေစေပါတယ်။ ပျားရည်က ၀မ်းတွင်းမှာ ကလီစာများကို ဆေးအဖြစ် ကုသပေးနိုင်ပြီး ဆီးနှင့်ဝမ်းကို မှန်စေပါတယ်။

အစာလည်းကြေ၊ လေလည်းနိုင်၊ ဆီးမှန်ဝမ်းမှန်နေပြီဆိုလျှင် စားကောင်းအိပ်ပျော်ပြီး ကျန်းမာဝဖြိုးလာစေပါမည်။ တစ်နေ့တစ်ခွက် အစာစားပြီးချိန်တွင် သောက်ပေးနိုင်ပါသည်။ သဘာဝဆေးနည်းဖြစ်သည့်အတွက် ဘေးထွက်ဆိုးကျိုးလည်း မရှိပါ။

ပိန်ချင်သူများအတွက်ကတော့ ပျားရည်မထည့်ပဲ သံပရာရည်သက်သက်ကိုသာ သကြားအနည်းငယ်ထည့်၍ သောက်ပါ။

နောက်တစ်နည်းကတော့

သံပရာသီးကို ရေစင်အောင်ဆေးပါ။ အခွံမခွါပဲ အကွင်းလိုက်ပါးပါးလှီးပြီး ရေနွေးခွက်ထဲထည့်ပါ။ အဲဒီခွက်ထဲကို ရေနွေးထည့်ပြီး အုပ်ထားပါ။ အနည်းငယ်ကြာပြီး အေးသွားသည့်အခါ ၄င်းရေနွေးချမ်းကို သောက်ပါ။ အခွံပါနေသည့်အတွက် ခါးနေမည်၊ ချဉ်နေမည်။ မသောက်နိုင်လျှင် သကြားအနည်းငယ် ထည့်သောက်ပါ။ ၄င်းအခါးဓါတ်နှင့် အချဉ်ဓါတ်ဖြင့် အဆီများကို လျှော့ချပေးပြီး ပိန်စေပါမည်။

သတိပြုရန်။ ။ တစ်နေ့ကို သံပရာသီး ၃ လုံးထက် ပို၍ မစားရပါ။

စောနွဲ့ နေဆိုင် (ပူတာအို)
ကိုးကား။ ။ အလှအပနှင့် ကျန်းမာရေး

ကျန်းမာရေးသတင်းများ

Read More

အပါယ်ငရဲသို့ ကျရောက်စေကြောင်းတရားဆိုးများ

လူသားတို့အား ဆင်းရဲဒုက္ခကြီးစွာခံစားရာ အပါယ်ငရဲသို့ကျရာက်စေကြောင်း မကောင်းမှုကံတို့ကို ကျူးလွန်ပြုလုပ်အောင် အတွင်းမှနေ၍ လှုံ့ဆော်-တိုက်တွန်း-တွန်းအားပေးကြသည့် အခြေခံ အတွင်းဓာတ်ခံ တရားဆိုးများအကြောင်းကိုရှင်းလင်းပြဆိုပါမည်။

(၁) မောဟ = အ၀ိဇ္ဇာဟူသောတရားဆိုးသည် အမှားနှင့်အမှန်၊ အကောင်းနှင့်
အဆိုး၊ အကြောင်းနှင့်အကျိုး ကံနှင့်ကံ၏ံအကျိုးကို ခွဲခြား၍သိနိုင်သော၊ အမှန်ကိုအမှားဟု၎င်း ၊ အမှားကိုအမှန်ဟု၎င်း၊ တလွဲသိမြင်သော ကံနှင့်ကံ၏အကျိုးကို၎င်း (အကြောင်းကံကြောင့် အကျိုးတရားဖြစ်လာရသည်ကို၎င်း) မသိမြင်နိုင်
သောတရားမျိုးဖြစ်၏။ ယင်း အမှန်ကိုမသိမှု တရားဆိုးများကြောင့် (ပညာမျက်စိကန်းနေမှုကြောင့်) လူမိုက်တို့သည် မပြုသင့်သည့်မကောင်းမှုကံတွေကို ပြုမိ
၍၊ ပြုသင့်သည့် ကောင်းမှုကံတို့ကိုမူကား မပြုကြသဖြင့်၊ အပါယ်ငရဲသို့သာ ကျရောက်၍ နတ်ပြည်သို့ မရောက်နိုင်ကြကုန်။

(၂) အဟိရိကဟူသောတရားဆိုးသည် မပြုသင့်သည့်မကောင်းမှုတွေကို (ယင်းတို့၏ဆိုးကျိုးများကို မသိမှုကြောင့်) ကျူးလွန်ပြုလုပ်ရမှာ လုံးဝမရှက်စေတတ်-အရှက်မရှိစေတတ်သည့် တရားမျုိး ဖြစ၏။ ယင်းတရားဆိုးကြောင့် လူမိုက်တို့သည် မကောင်းမှုကံတွေကို ပြုလုပ်ရမှာ အနည်းငယ်မျှ မရှက်ကြသဖြင့် အပါယ်ငရဲသို့ ကျရောက်ရကုန်၏။

(၃) အနောတ္တပ္ပဟူသောတရားဆိုးသည် မပြုသင့်သည့် မကောင်းမှုကံတွေကို
(ယင်းတို့၏ ဆိုးကျိုးများကို မသိမှုကြောင့်) ကျူးလွန်ပြုလုပ်ရမှာ လုံးဝမ
ကြောက်စေတတ်သည့် တရားမျိုးဖြစ်၏။ ယင်းတရားဆိုးကြောင့် လူမိုက်တို့
သည် (မီးရောင်ကို ရွှေထင်ပြီး မီးကိုတိုးဝှေ့၍ တကောင်ပြီးတကောင် သေသွားကြသည့်ပိုးဖလံများကဲ့သို့ လူသတ်ခြင်း၊ နွားသတ်ခြင်း စသည့် မကောင်းမှုများကိုပင် မကြောက်မရွံ့ရဲရဲကြီးပြုလုပ်သဖြင့် အပါယ်ငရဲသို့ ကျရောက်ရကုန်၏။

(၄) လောဘ=တဏှာဟူသောတရားဆိုးသည် မိမိကိုယ်ကို၎င်း၊ မိမိ၏သားမ
ယား ပစ္စည်းဥစ္စာ ရာထူးဌာနန္တရ၊ ဂုဏ်သိရ်တို့ကို၎င်း လွန်စွာမက်မော-တပ်မက်စွဲလမ်းစေတတ်သည့်၊ သူတပါးကို စည်းစိမ်ဥစ္စာကို ရယူချင်သည့်တရားမျိုးဖြစ်၏။ ယင်းတရားဆိုးကြောင့် လူမိုက်တို့သည် သူတပါး၏မယား၊ သမီးများကို အတင်းအဓမ္မပြုကျင့်သိမ်းယူခြင်း စသည့် မကောင်းမှုကြီးတွေကိုပင် ကျူးလွန်ကြသဖြင့် အပါယ်ငရဲသို့ ကျရောက်ကြရကုန်၏။

(၅) မိစ္ဆာဒိဋ္ဌိ=အယူမှားခြင်းဟူသော တရားဆိုးသည်ကား ဆိုးကျိုးများစွာကို ဖြစ်စေသည့်မကောင်းမှုဟှုသမျှကိုကျူးလွန်ဘို့ရန် ၀နိမလေးအောင် တိုက်တွန်းလှုံ့ဆော်ပေးသဖြင့် တရားအားလုံးတို့တွင် ကြောက်မက်ဖွယ် အကောင်းဆုံးတရားဆိုး ဖြစ်၏။ မိစ္ဆာဒိဋ္ဌိအမျိုးမျိုးရှိရာတွင် အချုပ်အားဖြင့်-

၁-ပေးကမ်းလှူဒါန်းခြင်း၊ အကျင့်သီလစောင့်ထိန်းခြင်း၊ ကမ္မဋ္ဌာန်းဘာဝနာအားထုတ်ခြင်း စသည့် ကောင်းမှုကံတွေကို မည်သည့်ကောင်းကျုိးကိုမှမပေးဟု မှားယွင်းစွာယုံကြည်ြခင်း ၊
 
၂-လူကျွဲနွားတိရစ္ဆာန်သတ္တဝါကို သတ်ဖြတ်ခြင်းစသည့် မကောင်းမှုတွေသည်
မည်သည့်အကျိုးကိုမှမပေးဟု မှားယွင်းစွာယူခြင်း ၊
 
၃-ဤမျက်မှောက်ဘ၀၌ တြွေ့ကုခံစားရသည့် ချမ်းသာသုခ ၊ ဆင်းရဲဒုက္ခဟူသမျှသည်(ပစ္စုပ္ပန်ဘ၀)အတိတ်ဘ၀များက ပြုခဲ့သည့် ကောင်းမှုကံ၊ မကောင်းမှုကံ
တွေကြောင့် ဖြစ်ရသည်မဟုတ်၊ အကြောင်းတိုက်ဆိုင်မှုကြောင့်(၀ါ)အကြောင်း
မြဲ့ဖစ်လာရသည်ဟု မှားယွင်းစွာယူခြင်း၊
 
၎-ဤဘ၀မှ သေသွားပြီးနောက် နောင်ဘဝတွေဆက်မဖြစ်တော့ဟု (နောင်ဘ၀ကို ပစ်ပယ်၍) မှားယွင်းစွာယူခြင်း၊
 
၅-လူတို့၏ပကတိမျက်စိဖြင့် မမြင်ရသည့်ငရဲ၊ ပြိတ္တာ၊ နတ်၊ ဗြဟ္မာကဲ့သို့သော
သတ္တ၀ါမျိုးတို့သည်၎င်း၊ ထိုသတ္တ၀ါ ဖြစ်ရာနေထိုင်ရာ ငရဲပြည်၊ ပြိတ္တာဘုံ၊ နတ်
ပြည၊် ဗြဟ္မာပြညကဲ့သို့သော ဘုံဌာနများသည၎င်း လုံးဝမရှိဟု မှားယွင်းစွာယူခြင်း ၊၆-ကမ္မဋ္ဌာန်းဘာဝနာအကျင့်မြတ်ကို ကျင့်ကြံအားထုတ်၍ ၊ အဘိညာဉ်တန်ခိုး ၊ သစ္စာဉာဏ၊် ဗောဓိဉာဏ်များကို ရရှိကြသည့် ဘုရား၊ ပစ္စေကဗုဒ္ဓါ၊ ရဟန္တာ၊ အရိယာသူတော်စင်ပုဂ္ဂိုလ်မြတ်တို့ဟူသည် လောက၌လုံးဝမရှိဟု မှားယွင်းစွာယူခြင်း
တို့ဖြစ်သည်။ [ယင်းအယူမှား=မိစ္ဆာဒိဋ္ဌိအားလုံးသည် ကံနှင့်ကံ၏အကျိုး(၀ါ)အ
ကြောင်းနှင့်အကျိုးကို ပစ်ပယ်သည့် အဆိုးဆုံးတရားမျိုးချည်းဖြစ်သည်။]

 
(၆) မာန=မာန်ထောင်လွှားခြင်းဟူသော တရားဆိုးသည် မိမိ၏ဥစ္စာစည်းစိမ်၊ ရာထူး၊ အာဏာ၊ ဂုဏ်သိရ်စသည်တို့ကြောင့်၊ မိမိကိုယ်ကို အထင်ကြီး၍ သူတပါးတို့ကို အထင်သေးစေတတ်သည့် တရားမျိုးဖြစ်၏။ ယင်းတရားဆိုးကြောင့် လူမိုက်တို့သည် ရိုသေလေးစားအပ်သော ဘုရား၊ တရား၊ သံဃာ၊ မိဘ၊ ဆရာသမား၊ လူကြီးသူမ၊ ကျေးဇူးရှင်၊ သူတော်စင်များကိုပင်၊ မရိုမသေမလေးမစား-စော်ကားပြော
ဆိုမှုပြုကြ၍၎င်း၊ မိစ္ဆာဒိဋ္ဌိအယူမှားတို့သည် ငါဘုရားမှတပါး မည်သူ့ကိုမှ အရိုအသေမပြုရဟူသော ထိုအတ္တစိတ်ကြီးမားဘုရားဆိုသူက ပြောသည့်အတိုင်း မှတ်ယူကျင့်ကြံ ပြုမူကြ၍၎င်း၊ အပါယ်ငရဲသို့ ရောက်ကြရသဖြင့် ထိုမိစ္ဆာဒိဋ္ဌိနှင့်ဘုရား
ဆိုးကြီးတို့ကြောင့် ဆိုးကျိုးကြီးကို ခံရကြသည်မှာ အလွန်ပင်သနားဖွယ်ကောင်း
လှ၏။ထို့ပြင် ဘုရားဆိုးကြီးက တခြားဘာသာတွေကို သတ်ဖြတ်လေလေ ငါဘုရားကကောင်းချီးပြုလေလေဟူ၍(နဂိုကသူတော်ကောင်းစိတ်ရှိသူတို့ကိုပင်)
မိုက်ဇာတ်သွင်းပြီး၊ ငရဲသို့ပို့ပေးပြန်သဖြင့် အလွန်ကြောက်ဖွယ်ကောင်းလှ၏။

(၇) ဒေါသ=အမျက်ဒေါသဟူသော တရားဆိုးသည်ခက်ထန်- ကြမ်းတမ်းသည့်စိတ်မျိုး၊ ကိုယ်ချင်းစာစိတ်ကင်းမဲ့သောစိတ်မျိုး၊ သူတပါးတို့အား သေစေလိုပျက်
စီးစေလိုသည့် စိတ်ယုတ်မာမျိုးဖြစ်သည်။ ယင်း တရားဆိုးကြောင့် လူတို့သည်
လူ-ကျွဲနွားတိရစ္ဆာန်သတ္တဝါတွေကို ရက်စက်စွာ သတ်ဖြတ်-ညှဉ်းပန်းနှိပ်စက်-နိုင်ထက်ကလူပြုမူကြသည်မက မိမိတို့မုန်းသူတို့၏ ပစ္စည်းဥစ္စာများကို မီးရှို့ဖျက်ဆီးကြသဖြင့် အပါယ်ငရဲသို့ မနှေးအမြန် ကျရောက်ရကုန်၏။

(၈) ဣဿာ=မနာလိုခြင်းဟူသော တရားဆိုးသည် မိမိထက်သာလွန်သည့် သူတပါးတို့၏ ကြီးပွားချမ်းသာ-ရာထူးဂုဏ်သိရ်ကျော်စောမှုစသည်တို့နှင့် ပြည့်စုံခြင်းကို မနာလို-ငြူစူသောအောက်တန်းကျ-စိတ်ယုတ်မာမျိုး ဖြစ၏။ ယင်းတရားဆိုးကြောင့် လူမိုက်တို့သည် ထိုသို့ မိမိထက်သာလွန်နေသော ပုဂ္ဂိုလ်တွေအား ပျက်စီးရာပျက်စီးကြောင်းကို နည်းမျိုးစုံသုံး၍ အကောက်ဉာဏ်နှင့်လုပ်ဆောင်ကြသ
ဖြင့် အပါယ်ငရဲသို့ ကျရောက်ရကုန်၏။

(၉) မစ္ဆရိယ=နှမြောတွန့်တိုမှုဟူသော တရားဆိုးသည် မိမိ၏စည်းစိမ်-ဥစ္စာ
ကို လွန်စွာတပ်မက်၍ တရားဓမ္မကို လေ့လာအားထုတ်နေကြသည့် ရဟန်းသံ
ဃာတော်များနှင့်မရှိဆင်းရဲသားတို့အား မိမိ၏စည်းစိမ်ဥစ္စာ အနည်းငယ်ကိုပင်
မျှဝေ-ပေးကမ်း-လှူဒါန်းလိုစိတ်မရှိသည့် တရားမျုိး ဖြစ်၏။ ထိုတရားဆိုးကြောင့် လူချမ်းသာမိုက်တို့သည် သေသည့်အခါ မိမိတို့၏ စည်းစိမ်ဥစ္စာတို့ကို ထားရစ်ခဲ့
ရပြီး ဒါနဟူသော ဘ၀ခရီးရိက္ခာမပါရှိသဖြင့် အပါယ်ငရဲသို့သာကျရောက်ရကုန်၏။

(၁၀) ၀စိကိစ္ဆာ=တရားမှန်ကို ဝေခွဲမသိ- ယုံမှားမှုဟူသောတရားဆိုးသည် ဘုရားစစ် ဘုရားမှန်၊ တရားစစ် တရားမှန်၊ သံဃာစစ် သံဃာမှန် (ရတနာအစစ်) ၃-ပါး
တို့၏ တန်ဘိုးမှန်ကို ဧကန်မသိ- ဒွိဟဖြစ်စေသော လူမိုက်တို့သည် ယင်းတို့ကိုမကိုးကွယ်မိပဲ သူတပါးတို့က ဆရာမှားတို့က ပြောသမျှကို အကန်းယုံမိ၍ မကောင်းမှုကံတွေကို ပြုမြိကသဖြင့် သေသည့်အခါ အပါယ်ငရဲသို့ ကျရောက်ရကုန်၏။ဦးမြင့်ဆွေ

(ကျောင်းအုပ်၊ ဗုဒ္ဓတက္ကသိုလ်-မန္တလေး)
Buddhavasa Tiloka

https://www.facebook.com/myanmaronlinemedianews/photos/a.572785052762137.1073

Read More

အသက် ၂ လတည်းနဲ့ စကားပြောနိုင်တဲ့ ထူးဆန်းအံ့ဖွယ် ကလေးလေး ဗီဒီယို You tube မှာ ပေါ်ပြူလာဖြစ်နေ (ရုပ်သံ)

အပြည့်အစုံဖတ်ရန် >> http://www.ygnnews.com/2014/05/you-tube.html

  အေသင်အောင်

  နှစ်လသားအရွယ် ကလေးအများစုဟာ ချစ်စရာကောင်းတဲ့ အပြုအမူတွေ ပြုလုပ်နိုင်ပေမယ့် စကားပြောဆိုဖို့ ဆိုတာ ဖြစ်နိုင်ချေ နည်းပါး လွန်းပါတယ်။ ဒါပေမဲ့ နှစ်လသား အရွယ် သမီးငယ်လေးဟာ စကားတစ်ခွန်းကို ပီပီသသနဲ့ အံ့အားသင့်စွာ ပြောဆိုနိုင်ခဲ့ပါ တယ်။ You Tube ၀က်ဘက် ဆိုက်မှာ နှစ်လ အရွယ် သမီးငယ်လေးဟာ ဖခင်ဖြစ်သူကို ပြုံးပျော်တဲ့ မျက်နှာ အနေအထားနဲ့ I Love You ဆိုတဲ့ စကားသုံးလုံးကို ပီပီသသပြောဆို ခဲ့ခြင်း ဖြစ်ပါတယ်။ ဖခင်ဖြစ်သူ ဟာ သမီးငယ်ရဲ့ စကားပီသစွာ ပြောဆိုနေပုံကို မိခင်ဖြစ်သူ အား ပြသနေခြင်းဖြစ်ပါတယ်။

ဒီဖြစ်ရပ်ကို You Tube မှာ လွှင့်တင်ခဲ့ရာမှာ ကြည့်ရှုသူအများအပြားရှိခဲ့တယ်လို့ သိရပါတယ်။ နှစ်လအရွယ် သမီးငယ်လေး ဟာ အရွယ် နဲ့မလိုက်အောင် သင်လွယ်တတ်လွယ်ပြီး မိဘနှစ်ပါးပြောသမျှ စကားတွေကို နောက်ကနေ လိုက်ပြီး ပြောဆိုတတ် တယ်လို့ သိရပါတယ်။ ဒါပေမဲ့ သမီးငယ်လေးရဲ့ I Love You ဆိုတဲ့ ပြောစကားဟာ မိဘနှစ်ပါး အတွက် ကျေနပ်စရာဖြစ်ခဲ့ပြီး ငယ်ငယ်ရွယ်ရွယ်နဲ့ စကားပြောဆို တတ်ခြင်းကိုလည်း ဂုဏ်ယူနေကြတယ်လို့ သိရပါတယ်။ 

The Messenger

Read More

မျိုးစောင့်ဥပဒေ မလိုအပ်ဟု ၈၈ မျိုးဆက်ကျောင်းသား ကိုဌေးကြွယ် ဆို

ဒီမိုကရေစီ နိုင်ငံတစ်ခုတွင် မျိုးစောင့်ဥပဒေ မလိုအပ်ကြောင်း ၈၈ မျိုးဆက် ကျောင်းသား ကိုဌေးကြွယ်က The Messenger သတင်းစာသို့ ပြောကြားသည်။ ကျွန်တော်က ဒီမိုကရေစီ နိုင်ငံတစ်ခု အဖြစ် အောင်အောင်မြင်မြင် ဖြစ်ဖို့ သွားနေကြ တာလေ။ ဒီမိုကရေစီ နိုင်ငံ တစ်နိုင်ငံမှာ မတူညီ တာတွေကို သည်းခံနိုင်တဲ့၊ မတူညီတာတွေနဲ့ ပေါင်းစပ်နိုင်တဲ့ နိုင်ငံတစ်ခု ဖြစ်အောင် တည်ဆောက်နေတဲ့ အခြေအနေပေါ့။ ဒီလိုမျိုး မျိုးစောင့် ဥပဒေ ဆိုပြီးတော့ လူမျိုး အပေါ်အခြေခံပြီး၊ ဘာသာအပေါ် အခြေခံပြီး ပြဋ္ဌာန်းတာမျိုးတွေဟာ တကယ်တမ်း ဒီမိုကရေစီ နိုင်ငံ တစ်ခုမှာ မလိုအပ်ပါဘူး ဟု ကိုဌေးကြွယ် က ပြောသည်။

အမျိုးဘာသာ သာသနာ စောင့်ရှောက်ရေး အဖွဲ့ (မ.ဘ.သ) မှ လုပ်ဆောင်နေသော အမျိုးစောင့် ဥပဒေအား ၈၈ မျိုးဆက်ငြိမ်းချမ်းရေးနှင့် ပွင့်လင်းလူ့အဖွဲ့အစည်း မှ ကန့်ကွက်ခဲ့ခြင်းကြောင့် မတ်လ (၁၆) ရက်နေ့တွင် ၎င်း အဖွဲ့အား နိုင်ငံရေး စားဖားအဖွဲ့အဖြစ် (မ.ဘ.သ) စစ်ကိုင်းတိုင်းမှ ကြေညာချက် ထုတ်ပြန်ခဲ့သည်။ မကြာသေးမီ ကလည်း မျိုးစောင့်ဥပဒေကို ကန့်ကွက်သည့် အမျိုးသမီး လွှတ်တော် ကိုယ်စားလှယ်တစ်ဦး နှင့် လူမှုအဖွဲ့ အစည်းတစ်ခုမှ ခေါင်းဆောင် အမျိုးသမီးတစ်ဦးအား အမျိုးသား သစ္စာဖောက် အဖြစ် ကြေညာချက် ထုတ်ပြန်ခဲ့သည်။ ထို့အပြင် မ.ဘ.သ (စစ်ကိုင်း) က လည်း ပြည်တွင်း သတင်းဂျာနယ် နှစ်စောင်အား အမျိုးသား သစ္စာဖောက်အဖြစ် သတ်မှတ်ကြောင်းကြေညာခဲ့သည်။

ဒီမျိုးစောင့်ဥပဒေကို အင်အားကြီးစွာ နဲ့ ကန့်ကွက်လာရင်၊ အင်အားကြီးစွာနဲ့ ဆက်လက် တည်ဆောက်ဖို့ ပြင်ဆင်နေပါတယ်။ ပြည်သူ ပိုပြီး လိုက်ပါနိုင်အောင် အဲဒါတွေ ဆောင်ရွက်နေတာရှိပါတယ်ဟု မ.ဘ.သ (ဗဟို) မှ အလုပ် အမှုဆောင်၊ သုတေသနနှင့် မှတ်တမ်း ဌာနမှ ဦးအောင်မြိုင်က The Messenger သတင်းစာသို့ပြောသည်။ အဆိုပါမျိုးစောင့် ဥပဒေအား အမျိုးသမီး အဖွဲ့များ အပါအ၀င် လူမှု အဖွဲ့အစည်း (၉၀) ကျော်က ကန့်ကွက် ထားသည်။ မျိုးစောင့်ဥပဒေ ရေးဆွဲရန်အတွက် အ မျိုးဘာသာ သာသနာထိန်းသိမ်းစောင့်ရှောက် ရေးအဖွဲ့မှ သမ္မတထံတင်ပြခဲ့ပြီး၊ သမ္မတက ယင်းဥပဒေ ရေးဆွဲနိုင်ရန် လွှတ်တော်သို့ပြန်လည် တင်ပြခဲ့သည်။ လွှတ်တော်မှ တစ်ဆင့် သက်ဆိုင်ရာ ၀န်ကြီးဌာနများသို့ ပြန်လည် ပေးပို့ထားသည်။

  မြန်မာနိုင်ငံတွင် မျိုးစောင့်ဥပဒေ ပြဋ္ဌာန်းနိုင်ရန် အစိုးရ တာဝန်ရှိသူများနှင့် လွှတ်တော် ကိုယ်စားလှယ်များ ဆွေးနွေးညှိနှိုင်းလျက်ရှိသည်။ ၎င်းဥပဒေအား မပြဋ္ဌာန်းနိုင်မီ ကန့်ကွက်မှုများ၊ ထောက်ခံမှုများ ပြုလုပ်ခြင်းသည် အကျိုးမရှိနိုင်ကြောင်း နိုင်ငံတော်သမ္မတ၏ ပြောခွင့်ရ ပုဂ်္ဂိုလ် ဦးရဲထွဋ်က ပြောကြားထားသည်။ အဆိုပါ မျိုးစောင့်ဥပဒေသည် နိုင်ငံရေး အမြတ် ထုတ်နိုင်ရန်လုပ်နေခြင်း ဖြစ်ကြောင်း ရွှေည၀ါ ဆရာတော်က The Messenger သတင်းစာသို့ မိန့်ကြားထားသည်။

The Messenger

Read More