"လူတို့ရဲ့ အသက်တမ်း ဆုတ်ယုတ်ပုံ"

အရှင်ဘုရား၊ ရိုသေစွာလျှောက်ထားအပ်ပါသည်ဘုရား။ တပည့်တော်မ လူတို့ရဲ့ အသက်တမ်း ဆုတ်ယုတ်ပုံ အကြောင်းအရာလေးကို ပြည့်စုံစွာသိလိုပါသည်ဘုရား။ အဘယ်ကြောင့် သက်တမ်းယုတ်လျော့ရသည်ကို သနားငဲ့ညာစွာဖြင့် ဖြေကြားပေးတော်မူပါဘုရား။ အရှင်ဘုရား၏ ဘာသာရေး၊ အမျိုးသားရေး ဆောင်းပါးများကို အမြဲတမ်း အားပေးဖတ်ရှုပါသည်ဘုရား။ 

 

ဗဟုသုတများစွာရသည့်အတွက်လည်း အရှင်ဘုရားအား လေးစားကြည်ညိုမိပါသည်ဘုရား။ အထူးသဖြင့် အမျိုးသားရေးပိုစ့်များမှာ အရှင်ဘုရား၏ တပည့်တော်တို့ အမျိုး ဘာသာအပေါ် ထားရှိသည့် စိတ်ဓာတ်ကို အမြဲတမ်း လေးစားမိပါသည်။ အတုလည်း ယူမိပါသည်ဘုရား။ အရှင်ဘုရား အမျိုး ဘသာ သာသနာ့အကျိုးကို ဆထက်တိုးပြီး သာသနာပြုနိုင်ပါစေ။
ဦးတင်ပါသည်ဘုရား။ ။ ကြည်ကြည်ဦး (ခေတ္တ- ဂျပန်)

ဤရုပ်ဓာတ်သင်္ခါရတရားတို့သည် ဤကဲ့သို့ဖြစ်ပြီးလျှင် တစ်ဖန်ပျက်စီးပြန်၏။ အဘယ်သို့ ပျက်စီးလေသနည်း။ ကမ္ဘာဦးအခါ၌ လူတို့၏အသက်သည် ကျွန်းတိုင်းမှာပင် အသင်္ချေယျတိုင်အောင် နေရ၏။ ထိုအသင်္ချေယျတမ်းမှသည် သတ္တဝါတို့၏ သန္တာန်၌ အကုသိုလ်တရား တဖြည်းဖြည်း စည်းကားတိုးပွား၍ လာခြင်းကြောင့် ဥတု အာဟာရ တို့သည် ဖောက်ပြန်သောင်းကျန်း ယုတ်ညံ့ ကြမ်းတမ်း၍ လာသဖြင့် လူတို့၏ အသက်တမ်းသည် တဖြည်းဖြည်း ဆုတ်ယုတ်၍ လာ၏။ ထိုသို့ လာရာ၌ မြောက်ကျွန်းသားတို့သည် တစ်ထောင်တမ်းသို့ကျလျှင် မတိုးမဆုတ် အမြဲတန့်ရပ်၍ တည်ကုန်၏။ 

 

အရှေ့ကျွန်း အနောက်ကျွန်းသားတို့ကား ငါးရာတမ်းသို့ကျလျှင် မတိုးမဆုတ် ရပ်တန့်၍ တည်ကုန်၏။ တောင်ကျွန်းသားတို့မူကား ဆယ်နှစ်တမ်းသို့ကျအောင် ဆုတ်ယုတ်၍ လာကုန်၏။ တစ်ရာတမ်း၌ သလေးဆန် သလေးထမင်းသည် မင်းသုံးမင်းဆောင် ဖြစ်ဘိသကဲ့သို့ ထိုဆယ်နှစ်တမ်း၌ လူးဆန်၊ လူးထမင်းသည် အကောင်းဆုံး မင်းသုံးမင်းဆောင်ဖြစ်လေ၏။

ငါးနှစ်ရွယ်ရှိသော မိန်းကလေးသည် အချိန် အရွယ်ရောက်သဖြင့် လက်ထပ်မင်္ဂလာ ဆောင်လောက်၏။ သားနှင့်အမိလည်း မှားယွင်းကြလေတော့၏။ သမီးနှင့် အဘလည်း မှားယွင်းကြလေတော့၏။ မောင်နှင့် နှမလည်း မှားယွင်းကြလေတော့၏။ ခွေး ဝက်တို့ကဲ့သို့ ဟိရီ သြတ္တပ္ပဟူသော လောကပါလတရားမှ ကင်းကြလေတော့၏။ ရာဂ၊ ဒေါသ၊ မောဟတရား အလွန်အားကြီးလေကုန်၏။ ထိုအခါ ရာဂလွန်ကဲစွာ အားကြီးလျှင် ရောဂါဘေးနှိပ်စက်ခြင်း(ရောဂန္တရကပ်)၊ ဒေါသလွန်ကဲစွာ အားကြီးလျှင် ဓား လက်နက်ဘေး နှိပ်စက်ခြင်းဟူသော သတ္တန္တရကပ်၊ မောဟကြီးစွာလွန်ကဲလျှင် ငတ်မွတ်ဘေး နှိပ်စက်ခြင်းဟူသော ဒုဗ္ဘိက္ခန္တရကပ်၊ ဤကပ်သုံးပါးတို့တွင် တစ်ပါးပါးသော ကပ်သည် ခုနှစ်ရက်ပတ်လုံး အားကြီးစွာ နှိပ်စက်၍ လူတို့သည်သေကြေ ပျက်စီးကြလေကုန်၏။ 

 

ယခုရောက်လတ္တံ့သော ဆယ်နှစ်တမ်း၌ ကား သတ္တန္တရကပ် တိုက်လတ္တံ့၊ ထိုအခါ တစ်ဦးသောသူက ဓားနှင့်ခုတ်မည်ဟုလာလျှင် တစ်ဦးသောသူကလည်း အနား၌ ဓား ရှိလျှင်ဓား၊ ဓားမရှိလျှင် ထင်းချောင်းဖြစ်စေ၊ ဝါးခြမ်းဖြစ်စေ၊ မြက်ပင်ဖြစ်စေ၊ တစ်စုံးတစ်ခုသော ဝတ္ထုကို ကိုင်ယူလျှင် လက်သို့ရောက်က ဓား ဖြစ်လေ၍ အချင်းချင်းခုတ်သတ်၍ သေကြကုန်လတ္တံ့၊ ထိုခုနစ်ရက်ပတ်လုံး ကပ်ဘေးပြင်းစွာနှိပ်စက်သောအခါ ရှေးဘုန်းရှေးကံရှိကြသော အဆင်အခြင် ဥာဏ်ပညာနှင့်ပြည့်စုံကြသော သေဘေးမှကြောက်ရွံ့ကြသော အချို့သောသူတို့သည် တော ချုံ၊ ဂနိုင်၊ ပိတ်ပေါင်းသို့ ထွက်ပြေးပုန်းအောင်း၍နေကြသဖြင့် လူမျိုးမပြတ်ရုံ တစ်ရွာမှ တစ်ယောက်နှစ်ယောက် စသည်ဖြင့် အနည်းငယ်မျှသာ ကြွင်းကျန်လေတော့၏။

ထိုကြွင်းကျန်ပုန်းအောင်း၍နေသော သူတို့သည် ခုနစ်ရက်လွန်လျှင် တော၊ ချုံ၊ ဂနိုင် ပိတ်ပေါင်းမှထွက်၍ မိမိတို့နေရာ နိဂုံးသို့ ဆင်းသက်လာသောအခါ တစ်ဦးနှင့်တစ်ဦး တွေ့မြင်ကြလျှင် လည်ပင်းဖက်ငိုကြပြီးသော် အချင်းတို့ လူတွေကား သေကုန်ကြလေပြီ။ ငါတို့ကား အနည်းငယ်မျှသာ ကြွင်းကျန်တော့၏။ ထိုငါတို့သည် တစ်ဦးနှင့်တစ်ဦး ခိုက်ရန်ဒေါသ မဖြစ်ကြကုန်အံ့။ 

 

တစ်ဦးနှင့်တစ်ဦး မေတ္တာတရား ပွားများကြကုန်အံ့။ ကရုဏာတရား ပွားများကြကုန်အံ့။ မုဒိတာတရား ပွားများကြကုန်အံ့။ ငါးပါးသီလကို စောင့်ထိန်းကြကုန်အံ့။ တစ်ဦးနှင့်တစ်ဦး ရိုသေကြကုန်အံ့။ စောင့်ကြည့်ကြကုန်အံ့ဟု ပြောဆိုကြပြီးလျှင် အညီအညွတ် စုဝေး၍ ရွာတည်၍ နေကြကုန်လေ၏။ ဤကဲ့သို့ ကုသိုလ်တရား၏ အာနုဘော်ကြောင့် ထိုဆယ်နှစ်တမ်းသူတို့မှ မွေးဖွားသော သားသမီးတို့သည် အသက်နှစ်ဆယ်နေရ၏။ 

 

ထိုနှစ်ဆယ်မှ မွေးဖွားသော သားသမီးတို့ကား လေးဆယ်၊ ထိုလေးဆယ်မှ မွေးဖွားသော သားသမီးတို့ကား ရှစ်ဆယ်၊ ၊ ထိုရှစ်ဆယ်မှ မွေးဖွားသော သားသမီးတို့ကား တစ်ရာ့ခြောက်ဆယ်အသက်ရှည်၏။

အချုပ်အားဖြင့်ပြောလိုတာက လူတို့၏ အသက်တမ်းဆုတ်ယုတ်ခြင်းကား လောဘ ဒေါသ မောဟတည်း ဟူသော အကုသိုလ်တရားများ စည်ပင်တိုးပွားလာခြင်းကြောင့် ဥတု၊ အာဟာရများ ဖောက်ပြန် ကြမ်းတမ်း ယုတ်ညံ့လာခြင်းကြောင့် လူတို့၏ သက်တမ်း ဆုတ်ယုတ်လာခြင်းဖြစ်ကြောင်း ဖြေကြားလိုက်ပါသည်။
သက်ရှည်ကျန်းမာစိတ်ချမ်းသာ၍ ကောင်းကျိုး လိုရာဆန္ဒများ တစ်လုံးတစ်ဝတည်း ပြည့်ဝကြပါစေ။
 

အရှင်ဝိမလဝံသ(နာလန္ဒာတက္ကသိုလ်)

Posted in: ဗဟုသုတ, ဘာသာရေး