ဆေးလိပ် နဲ့ ကင်ဆာ Smoking and Cancer

 

(၁) သမီး အမျိုးသားက ဆေးလိပ်ကို တနေ့ ၅ လိပ် သို့ ၆ လိပ် သောက်ပါတယ်။ အဲလိုဆို ရင် ဘာတွေဖြစ်လာနိုင်ပါသလဲ ဆရာ။

(၂) ဦးပိုင်ကထုတ်တဲ့ Red Ruby စီးကရက် လိုက်ပို့တဲ့ကောင်တွေက့့ (မြန်မာသတင်း)
(၃) ကျွန်တော့် နာမည်က (့) ပါ။ အသက်က ၂၅ ပါ။ ၁၆ နှစ်ကစပြီးဆေးလိပ် သောက်ခဲ့မိပါတယ်။ သောက်တာ သာမန်ထက် ပိုများပါတယ်။ အခုနောက်ပိုင်းတော့ ကြိုးစားပြီး ဖြတ်နေပါတယ်။ ဆေးလိပ်သောက်ရင် လည်ပင်း-ကင်ဆာ
ဖြစ်တတ်တယ်လို့ ကြားဖူးပါတယ်။ လည်ပင်း-ကင်ဆာရဲ့လက္ခဏာများအကြောင်းသိလိုပါတယ်။
ဆေးစစ်လျှင် လည်ပင်း-ကင်ဆာရှိ-မရှိမည်သို့ ပြုလုပ်ရမည်ကိုဖြေကြားပေးပါခင်ဗျာ။

ဆေးလိပ်သောက်တာနဲ့ ကင်ဆာဆက်စပ်တာမှာအဆုပ်ကင်ဆာကထိပ်မှာနေတယ်။ အဆုပ်-ကင်ဆာနဲ့ သေဆုံးရသူအားလုံးထဲမှာယောက်ျားဆိုရင် ၉ဝ% မိန်းမဆိုရင် ၈ဝ% ဟာ စီးကရက် သောက်တာနဲ့ ဆက်စပ်နေပါတယ်။

စီးကရက်ဆေးထဲမှာ ဓါတ်အမျိုးအစားပေါင်း ၅၉၉ ပါပြီး၊ မီးရှို့လိုက်ရင် ဓါတ်အမျိုးပေါင်း ၄ဝဝဝ ဖြစ်လာတယ်။ အဲဒီအထဲက ၄ဝ မကတာတွေဟာ ကင်ဆာဖြစ်စေနိုင်တာတွေ ဖြစ်တယ်။ သေဆုံးရခြင်းအကြောင်းရင်းတွေထဲမှာကင်ဆာကဒုတိယလိုက်တယ်။ ကင်ဆာမှန်သမျှ ဘာလို့ဖြစ်သလဲဆရာဝန်တွေ သိပ်မသိကြသေးဘူး။ ဒါပေမဲ့ အဆုပ်-ကင်ဆာဟာဆေးလိပ်နဲ့ ဆက်စပ်တယ်လို့ သိလာရတဲ့ ပဌမဆုံးရောဂါ ဖြစ်ပါတယ်။

 
• ကင်ဆာအမျိုးမျိုးထဲမှာ အဆုပ်ကင်ဆာကကင်ဆာကြောင့် သေဆုံးမှုတွေထဲမှာထိပ်ရှိတယ်။ စီးကရက်ကအဓိကတရားခံဘဲ။
 
• စီးကရက် မသောက်သူတွေထက် သောက်သူတွေကိုယှဉ်ရင် အမျိုးသားတွေမှာ ၂၃ ဆ၊ အမျိုးသမီးတွေမှာ ၁၃ ဆ အဆုပ်ကင်ဆာပိုပြီးဖြစ်စေတယ်။
 
• အဆုပ်ကင်ဆာဖြစ်သူတွေထဲကဆေးလိပ်သောက်လို့ ယောက်ျားတွေမှာ ၉ဝ%၊ မိန်းမတွေမှာ ၈ဝ% သေဆုံးကြတယ်။
 
• ၂ဝဝ၃ ခုနှစ်ကအဆုပ်ကင်ဆာလူနာသစ်ပေါင်း ၁၇၁၉ဝဝ ထဲက ၁၅၇၂ဝဝ လောက်နီးနီး အဆုပ်ကင်ဆာ နဲ့ သေဆုံးခဲ့တာတွေ့ရတယ်။
 
• ၂ဝဝ၄ ခုနှစ် အစီရင်ခံစာထဲမှာဆေးလိပ်သောက်တာနဲ့ ဆက်စပ်တဲ့ ကင်ဆာတွေဟာ အာခံတွင်း-ကင်ဆာ၊ အာခေါင်-ကင်ဆာ၊ လေပြွန်-ကင်ဆာ၊ အစာမြိုပြွန်-ကင်ဆာ၊ ဆီးအိမ်-ကင်ဆာ၊ အစာအိမ်-ကင်ဆာ၊ သားအိမ်ဝ-ကင်ဆာ၊ Kidney ကျောက်ကပ်-ကင်ဆာ၊ သရက်ရွက်-ကင်ဆာနဲ့ (လူကီးမီးယား) သွေး-ကင်ဆာတွေကလဲဆေးလိပ် သောက်တာနဲ့ ဆက်စပ်မှု ရှိတယ်လို့ ပါရှိခဲ့တယ်။
 
• ဆေးလိပ်လဲသောက်၊ အရက်လဲသောက်သူတွေမှာပိုဖြစ်ကြရတာက လေပြွန်ကင်ဆာဖြစ်တယ်။ ၂ဝဝ၃ တုံးကဒီရောဂါနဲ့ လူပေါင်း ၃၈ဝဝ သေဆုံးခဲ့ရတယ်။
 
• ဆေးလိပ် များများသောက်တာနဲ့ အဖြစ်များတာလဲဆက်စပ်မှုရှိတယ်။
 
• ဆေး-ဆေးလိပ်ထဲက နီကိုတင်း ကို ကင်ဆာ ဖြစ်စေတဲ့ဓါတ်လို့ သတ်မှတ်တယ်။
 
• ကင်ဆာကိုဖြစ်စေနိုင်တဲ့ ဓါတ်တွေထဲမှာထင်ရှားတာတွေကတော့ Arsenic, Benzene, Beryllium, 1,3–Butadiene, Cadmium, Chromium, Ethylene oxide, Nickel, Polonium-210, Vinyl chloride ဖြစ်တယ်။
 
• တခြားအဆိပ်အတောက်ဖြစ်စေတဲ့ ဓါတ်တွေကတော့ Formaldehyde, Benzo[α]pyrene, Toluene တွေ ဖြစ်ကြတယ်။

• ဆေးမှန်သမျှ ရောဂါရစေမယ်။ စွဲစေတယ်။

သူများသောက်တဲ့ ဆေးလိပ်ငွေ့ရှူလို့လဲရောဂါတွေ ဖြစ်စေတယ်။ ဥပမာ နှလုံးရောဂါ ဖြစ်ဘို့ ၂၅-၃ဝ% ပိုစေနိုင်တယ်။ ကိုယ်ဝန်ဆောင်မှာအဲလိုဖြစ်ရင် ကိုယ်အလေးချိန်မပြည့်တဲ့ကလေးမွေးလာနိုင်တယ်။ ကလေးတွေမှာဆိုရင် (SIDS) ရုတ်တရက် ကလေးငယ် သေဆုံးခြင်း၊ နားရောင်၊ အအေးမိ၊ နူမိုးနီးယား၊ လေပြွန်ရောင်၊ ပန်းနာတွေ ပိုဖြစ်လာနိုင်တယ်။

Dr. တင့်ဆွေ

Posted in: ကျန်းမာရေး, မှတ်သား လိုက်နာသင့်သော