သမိုင်းကြောင်းရှိသော်လည်း အန္တရာယ်များနှင့် နိုင်ငံ

 

ကမ္ဘာ့ရေကြောင်းနှင့် ကုန်းနယ်မြေတွေကြားမှာ စီးပွားရေး၊ လူမှုရေး၊ စစ်ရေးအရပါ အရေးပါနေတဲ့ နေရာမှာ ရှိနေပြီး သဘာဝ သယံဇာတများနှင့် ပြည့်စုံပေါများနေပြီး သာယာလှပသော သဘာဝတရားများရှိ နေသည့် နိုင်ငံတစ်နိုင်ငံအဖြစ်ရပ်တည်နေပြီး အရှေ့တောင်အာရှ မှာ မော်ကြွားနိုင်သော မြန်မာနိုင်ငံသည် လက်ရှိအချိန်တွင် အမျိုးမျိုးသော အန္တရာယ်များနှင့် ပြည့်နှက်နေပြီး ကျေမွပေါက်ကွဲမယ့် ဆဲဆဲသို့ ရောက်ရှိ နေသည်ဟု ထင်မြင်ယူဆတွေမြင်နေရပါသည်။

မြန်မာနိုင်ငံကို အနီးဆုံးပင်လယ်ထွက်ပေါက်အဖြစ်အသုံးပြုလိုသည့် နိုင်ငံများ စီးပွားရေးအရ နှိပ်ချ အသုံးချလိုသည့် နိုင်ငံများနှင့် လူမျိုးရေးအရ၀ါးမျိုတို့တဲ့ နိုင်ငံများအပြင် နိုင်ငံတစ်ခုလုံးကို သြဇာခံအဖြစ် သွပ်သွင်းလို့သည့် နိုင်ငံများလည်းရှိပြန်သေးပါသည်။ ဒါအပြင် ကိုယ့်လူမျိုးအချင်းချင်း သွေးစည်းမှုကို လွတ်လပ်ရေးရပြီးကတည်းက အနှစ်(၆၀) ကျော်တိုင် တိုက်ပွဲများတိုက် အစဉ်တိုက်ခိုက်နေကြပြီး နိုင်ငံရဲ့ အဖိုးတန် သယံဇာတတွေကို တဖက်နိုင်ငံသို့ ဈေးပေါပေါနှင့်ရောင်းချပြီး မြန်မာနိုင်ငံ၏ သယံဇာတများကို ဈေးပေါပေါနှင့် ရယူလိုနေတဲ့နိုင်ငံကလည်း တိုင်းရင်းသားအချင်းချင်း တိုက်ခိုက်မှုများကို ပါးစပ်က လူမြင် ကောင်းအောင် ငြိမ်းချမ်းရေးအတွက်ကူညီသယောင်လုပ်ဆောင်နေပေမယ့်လည်း နောက်ကွယ်မှ အားပေးနေ တာကို တွေ့မြင်ခံစားနေရပါသည်။

 

 အနောက်ဘက်မှလည်း လူမျိုးရေးအရ၀ါးမျိုဖို့ ကြိုးစားနေတဲ့နိုင်ငံ အကျယ် အ၀န်းနဲ့ လူဦးရေမမျှတဘဲ အလွန်စွာကြောက်စရာကောင်းတဲ့ နိုင်ငံ၏ ရန်ကိုလည်း ကာကွယ်ဖို့ရှိ နေပါသည်။ သမိုင်းကြောင်းအရတာ အနိုင်ယူထားပေမယ့် လက်ရှိအချိန်တွင် မိမိတို့နိုင်ငံကို အနုနည်းနဲ့ တိုက်ခိုက်နေတဲ့ အရှေ့ဘက်က နိုင်ငံ၏ အန္တရာယ်ကိုလဲ လစ်လျူရှုထားဖို့မသင့်တဲ့ အနေအထားမှာရှိနေတဲ့ အချိန်အခါ ဖြစ်ပါသည်။ အိမ်နီးချင်နိုင်ငံများ၏ အန္တရာယ်တွေပတ်လည်ဝိုင်းရန်နေသလို အနောက်နိုင်ငံတွေမှ မြန်မာနိုင်ငံ ကို စီးပွားရေးအရ ချယ်လှယ်မှုပြုလုပ်နိုင်ဖို့ကြိုးစား ဆက်ဆံနေမှုများကိုလဲ သတိထားဆက်ဆံဖို့ လိုအပ်နေ ပါသည်။

တိုင်ပြည်မှာ အန္တရာယ်တွေဝိုင်းရံနေသော်လည်း တကိုယ်ကောင်းဆန်လိုတဲ့ သူများကြောင့် အချင်းချင်း စောင်းမြောင်းတိုက်ခိုက်နေမှုများက မရပ်ဘဲပိုပြီးတော့ တိုက်ခိုက်နေတာကို ၂၀၁၅ နီးလာလေ ပိုပြီးတွေမြင်ရ နေပါသည်။ တိုင်းရင်းသားအချင်းချင်းကလဲ အပေါ်ယံရွှေမှုန်ကြဲ ငြိမ်းချမ်းရေးယောင်ပြလုပ်ဆောင်ပြီး ဆက်လက် တိုက်ခိုက်မှုတွေပြုလုပ်ပြီး နိုင်ငံသယံဇာတတွေကို ဖြုန်းတီးနေကြတာကို တွေ့နေရပါသည်။ 

 

တိုင်းရင်းသားတစ်ခုစီမှာ လက်နက်ကိုင်အဖွဲ့တစ်ခုထက်ပိုတဲ့ အဖွဲ့တွေနဲ့ပြည်နယ်တိုင်းရင်းသားလူမျိုးစုများကို တိုးတက်အောင်မလုပ်ဆောင်ဘဲ တစ်နိုင်ငံထဲမှာနေတဲ့သူအချင်းချင်းတိုက်ခိုက်နေတာကြောင့် တိုးတက်မှုမရှိဘဲ နိုင်ငံနဲ့ မိမိလူမျိုးတွေရဲ့ ဆုတ်ယုတ်ဆင်းရဲမှုတွေနဲ့ဘဲ ပိုမိုတွေ့ကြုံနေရပါသည်။ တိုက်ခိုက်မှုများကြောင့် အနာဂတ် ခေါင်းဆောင်ဖြစ်လာမယ့် ကလေးငယ်လေးတွေရဲ့ပညာရေးတွေ ဆုံးရှုံးရ သလို အိုးမဲ့အိမ်မှုတွေနဲ့ ဖြစ်ပေါ်လာစေပါသည်။ အချင်းချင်းတိုက်ခိုက်မယ့်အစား ပူးပေါင်းပြီး နိုင်ငံ၏ စီးပွားရေး ကောင်းအောင် နိုင်ငံကိုကာကွယ်နိုင်အောင် စုပေါင်းလုပ်ဆောင်သင့်ဖို့အချိန်တိုင်နေပါပြီး----

နိုင်ငံအရေးလုပ်ဆောင်နေကြတဲ့ အဖွဲ့အစည်းတွေ၊ ပုဂ္ဂိုလ်တွေ၊ အသင်းအဖွဲ့တွေကလည်း အချင်းချင်း တိုက်ခိုက်စောင်းမြောင်းပြောဆိုအပြစ်ဖို့နေမယ့်အစား ပူးပေါင်းပြိး မိမိအဖွဲ့အစည်း၊ မိမိ၊ မိမိအသင်းအဖွဲ့ အတွက် မကြည့်ဘဲ နိုင်ငံကို ကောင်းအောင်ပိုပြီးတိုးတက်လာအောင် ပူပေါင်းလုပ်ဆောင်သင့်ဖို့အချိန်တန်နေပါပြီ---

အရေးကြီးရင်သွေးနှီးခဲ့တဲ့ သမိုင်းကြောင်းတွေရှိခဲ့တဲ့ မြန်မာပြည်မှနေထိုင်ကြတဲ့လူမျိုးစုတွေက ပေါင်းစည်းသွေးနှီးပြီး တစ်ဦးနဲ့တစ်ဦး တစ်ဖွဲ့နဲ့တစ်ဖွဲ့ ပေါင်းစပ်ပြီး ပတ်လည်ဝိုင်းရန်နေတဲ့ အန္တရာယ်တွေကို စုပေါင်း တွန်းလှန်ဖယ်ထုတ်ပြီး နိုင်ငံကိုတိုးတက်အောင်လုပ်ဆောင်ဖို့ အချိန်အခါရောက်နေပါပြီး။ မိမိနိုင်ငံမှ လွဲပြီး မည့်သည့်နိုင်ငံက လူမျိုးကမှမိမိနိုင်ငံကိုကောင်းစားအောင်တိုးတက်အောင်လုပ်ပေးမှမဟုတ်ပါဘူး။ 

 

အကူအညီပေးတယ်ဆိုပေမယ့် အကူအညီရဲ့ နောက်ကွယ်တွင် နှောင်ကြိုးတွေပါလာနေတဲ့အတွက်ကြောင့် မိမိတို့ကိုယ်တိုင်စည်းလုံးပြီး မိမိတို့ နိုင်ငံကိုတိုးတက်အောင်လုပ်ဆောင်ကြပါဖို့နဲ့ အချင်းချင်းစည်းလုံးကြကာ အန္တရာယ်တွေဝိုင်ရန်နေတဲ့ ကျွန်တော်တို့ နိုင်ငံကြီးကို ကယ်တင်ပြီး တိုးတက်အောင် တစ်ဦးတစ်ယောက်ချင်းမှ တစ်နိုင်ငံလုံးစုပေါင်းပြီး လုပ်ဆောင်ကြရအောင် အကြံပြုလိုက်ပါသည်။

မည်သည့်အဖွဲ့အစည်းမည်သူကိုမှ တိုက်ခိုက်ခြင်း မဟုတ် မြန်မာနိုင်ငံကြီးတိုးတက်အေးချမ်းပါစေ

မုဒုံမောင်ကောင်း
myanmarmalay@gmail.com မှ ပေးပို့လာပါသည်။

Posted in: ဗဟုသုတ, မှတ်သား လိုက်နာသင့်သော, အလှအပ