ပြည်လုံးကျွတ်လူဦးရေနှင့် အိမ်အကြောင်းအရာ သန်းခေါင်စာရင်း
အချက်အလက်များနှင့် ပတ်သက်၍ ရှင်း လင်းပွဲကို မေ ၇ ရက် (ယနေ့)တွင်
ပြုလုပ်သွားမည်ဖြစ်ကြောင်း လူဝင်မှုကြီးကြပ်ရေးနှင့် ပြည်သူ့ အင်အား
ဦးစီးဌာနမှ သိရသည်။
အဆိုပါ ရှင်းလင်းပွဲတွင် လူဦးရေစာရင်း အတိအကျကို ချပြနိုင်ခြင်း မရှိသေးဘဲ အိမ်ထောင်စုစာရင်းကိုသာ ချပြနိုင်ဦးမည်ဖြစ်ကြောင်း၊ လူဦးရေစာရင်း အတိအကျကိုမူ ဇွန်လကုန်ပိုင်းမှသာ ချပြသွားနိုင်မည် ထင်ကြောင်း ဦးမြင့်ကြိုင်က ပြောကြားထားသည်။
ပြည်လုံးကျွတ်လူဦးရေနှင့် အိမ်အကြောင်းအရာ သန်းခေါင်စာရင်းကို မတ် ၃၀ ရက်မှ ဧပြီ ၁၀ ရက် အထိ ကောက်ယူခဲ့ခြင်းဖြစ်ပြီး လက်ရှိတွင် နည်းပညာပိုင်းဆိုင်ရာ ကြန့်ကြာမှု (Technical Delay) အတွက် အချိန်ရှစ်ပတ် ထပ်တိုးကောက်ခံမှု ပြုလုပ်နေသည်။
လက်ရှိအချိန်ထိ သန်းခေါင်စာရင်း ကောက်ယူမှု မရရှိသေးသည့် ဒေသများမှာ ကချင်ပြည်နယ်ရှိ ကချင် လွတ်လပ်ရေးတပ်မတော် (KIA) ဌာနချုပ်အနီးရှိ ကျေးရွာပေါင်း ၉၀ ကျော်သာ ကျန်ရှိတော့ကြောင်းနှင့် အဆိုပါ ဒေသများတွင်လည်း KIA တာဝန်ရှိသူများနှင့် ညှိနှိုင်းကာ ထပ်မံကောက်ယူမှုများ ပြုလုပ်နေကြောင်း သိရသည်။
ထို့ပြင် သန်းခေါင်စာရင်းကောက်ကာလက ရိုဟင်ဂျာလူမျိုးဟု မထည့်သည့်အတွက် အကောက်မခံခဲ့သည့် ဘင်္ဂါလီလူမျိုးများသည်လည်း လူမျိုးအမည်မထည့်ဘဲ ပြန်လည်အကောက်ခံခြင်းမျိုးများ ရှိနေကြောင်း သိရ သည်။
လူဦးရေနှင့် အိမ်အကြောင်းအရာ သန်းခေါင်စာရင်း ကောက်ယူရန်အတွက် သတ်မှတ်ထားသည့်ကာလ မတ် ၃၀ ရက်မှ ဧပြီ ၁၀ ရက်အထိ အိမ်ထောင်စုပေါင်း ၁၀၇၁၉၈၈၇ စုကို ကောက်ယူနိုင်ခဲ့ကြောင်း ဗဟို သန်းခေါင် စာရင်း ကော်မရှင်က ထုတ်ပြန်ထားသည်။
Eleven Media Group
0 comments:
Post a Comment