ခေါင်းတွေ ညိတ်ခဲ့ကြသည်

Written by ဖြိုးဝေမြင့် (စက်မှုအင်ဂျင်နီယာ)

ကျန်တော်တို့ သိတတ်စ အရွယ်မှစပြီး ယနေ့ထိတိုင် အကြောင်းအရာ အမျိုးမျိုးအတွက် ခေါင်းတွေ ညိတ်ခဲ့ ကြပါသည်။ မိဘများက မုန့်စားမလား ဆိုသည့်အခါ ခေါင်းညိတ် ပြခဲ့သည်မှ စပြီး ကျောင်းနေအရွယ် ဆရာများက စာနားလည်လား ဟူသောမေးခွန်းအထိ ဟုတ်ကဲ့ဟု ဆိုကာ ခေါင်းညိတ်ပြခဲ့ကြပါသည်။

ထိုကဲ့သို့ ခေါင်းညိတ် ပြခဲ့ကြသည့် အထဲတွင် အမှန်တကယ် သိနားလည်သောကြောင့် ခေါင်းညိတ် ပြခဲ့ခြင်းများ ရှိသကဲ့သို့ အကြောင်းအရာနှင့် ဆိုလိုရင်းကို နားမလည်ဘဲ ခေါင်းညိတ်ခဲ့သည်များလည်း ရှိခဲ့မည်မှာ အသေအချာ ဖြစ်ပါသည်။ မိဘများက ကြိမ်ဖန်များစွာ ပြောသည့်အတွက် အလွယ်တကူ ဟုတ်ကဲ့ဟု ပြောပြီး ခေါင်းညိတ်ခဲ့ကြဖူးသည့် အခြေအနေမျိုး လူတိုင်းနီးပါး ကြုံဖူးကြမည် ထင်ပါသည်။ ထိုစဉ်က သေချာ မသိဘဲ ခေါင်းညိတ်ခဲ့ခြင်းများသည် လူ့ဘဝအတွက် အပြောင်းအလဲ ကြီးကြီးမားမား မဖြစ်နိုင်ကောင်းဟု ဆိုနိုင်မည် ထင်ပါသည်။ သို့သော် အလွယ်တကူ ခေါင်းညိတ်တတ်သည့် အကျင့် ပါလာခဲ့လျှင်တော့ ကောင်းနိုင်မည် မဟုတ်ပါ။

ကျောင်းနေစ အရွယ်တွင်လည်း ဆရာဆူမည် စိုးသောကြောင့် စာကို အမှန်တကယ် နားမလည်သော် လည်း နားလည်ဟန်ဖြင့် ခေါင်းညိတ်ခဲ့ခြင်းမျိုး ရှိခဲ့ပါသည်။ ထိုကဲ့သို့ ခေါင်းညိတ်ခြင်းများမှာ ကောင်းသော ခေါင်းညိတ်ခြင်း မဟုတ်တာ သေချာပါသည်။ နားလည်ဟန်ဆောင်ပြီး ညိတ်ပြရင်း စာများလာသည့်အခါ အမှန်တကယ် နားမလည်တော့ဘဲ ကျောင်းပြေးချင်စိတ် ဖြစ်ပြီး ကျောင်းပြေးရာမှ ကျောင်းမနေချင်တော့ သည့် စိတ်များအထိပါ ဖြစ်လာနိုင်ပါသည်။ ဒါဟာ မသိပါဘဲ သိဟန်ဆောင် ခေါင်းတွေ ညိတ်ခဲ့သည့် အတွက်ကြောင့် ဖြစ်ပါသည်။

ထို့အတူ စီးပွားရှာသည့်အချိန်၊ အများအကျိုး၊ နိုင်ငံအကျိုး ဆောင်ရွက်သည့် အချိန်များတွင်မူ သိဟန်ဆောင် ခေါင်းညိတ်ခြင်း မလုပ်မိစေရန် အင်မတန် အရေးကြီးသည်ဟု ထင်မိပါသည်။ ကိုယ်ပိုင် စီးပွားရေး လုပ်ငန်း လုပ်ဆောင်နေသူများထက် နိုင်ငံ့ဝန်ထမ်းများအတွက် ပိုလို့ပင် အရေးကြီးသည်ဟု ရိုးသားစွာ မြင်မိပါသည်။

အခြေအနေတစ်ခုကြောင့် အချိန်အတိုင်း အတာတစ်ခုအထိ ကျွန်တော်တို့နိုင်ငံမှာ ကိုယ်တကယ်မသိ၊ မကျွမ်းဘဲ ခေါင်းညိတ်ခဲ့မှုများ ရှိခဲ့နိုင်ပါသည် (အားလုံးကို ဆိုလိုခြင်း မဟုတ်ပါ)။ ရှိခဲ့သောကြောင့်လည်း ယနေ့ အများပြောသည့်အတိုင်း နယ်ပယ်စုံက နောက်ကျနေရသည့် နိုင်ငံတစ်နိုင်ငံ ဖြစ်နေရခြင်းဖြစ် သည်ဟု ယူဆပါသည်။

အမှန်တရားထက် မိမိဘဝရပ်တည်မှု ယိုင်လဲမသွားစေရန် မညိတ်သင့်သည့် ခေါင်းတွေ ညိတ်ခဲ့ကြသည့် အခါ မမျှော်လင့်ထားသော အရာများ မမျှော်လင့်ထားသည့် အချိန်တွင် ရောက်လာပြီး တိုင်းပြည်နှင့် လူမျိုးပါ ဒုက္ခရောက်ရသည့် အဖြစ်မျိုး ဖြစ်လာတတ်ပါသည်။ မိမိကို တာဝန်ပေးသည့် အလုပ်ကို အမှား အမှန်၊ အကောင်းအဆိုး၊ ဖြစ်နိုင်ခြေ ရှိမရှိ ပြန်လည်သုံးသပ် ဝေဖန်နိုင်စွမ်း မရှိသည့် အခြေအနေမျိုးတွင် လုပ်ကိုင်နေရသူများအတွက် ပိုလို့ပင် ဆိုးမည် ထင်ပါသည်။ ထိုကဲ့သို့ အခြေအနေမျိုး မရှိသင့်တော့ဟု မြင်ပါသည်။

သို့သော် မိမိတို့ကို ပေးသည့် တာဝန်အပေါ် အကောင်းအဆိုး၊ အမှားအမှန် ဝေဖန်ပိုင်းခြားနိုင်စွမ်း၊ ပြန်လည် ထောက်ပြ ပြောဆိုနိုင်သည့် အခွင့်အရေးတို့ ရှိခဲ့ပါသော်လည်း ပြန်လည် တင်ပြပြောဆိုခြင်း မရှိဘဲ အသံတွေတိတ်ပြီး ခေါင်းတွေ ညိတ်ခဲ့လျှင်တော့ မိမိရဲ့ ကိုယ်ကျိုးတစ်ခုတည်းကိုသာ ကြည့်သည့် သူ ဖြစ်သွားပါလိမ့်မည်။ သေချာသည့်အရာ တစ်ခုမှာ ထိုလုပ်ရပ်၏ အကျိုးဆက်ကို မိမိတို့ရဲ့ မျိုးဆက်များ သေချာပေါက် ခံရမည် ဖြစ်ပါသည်။ သို့အတွက်ကြောင့် ခေါင်းညိတ်သင့်သည့် အရာလား၊ မညိတ်သင့် သည့် အရာလား ဆိုသည်ကို သေချာ စဉ်းစားသင့်ပါသည်။

ခေါင်းညိတ်လိုက်ရသည့် အရာများတွင်လည်း အချို့သော အကြောင်းအရာများမှာ ခေါင်းညိတ်ရုံသာ လိုပြီး အချို့သော အကြောင်းအရာများကမူ အမှန်တကယ် အကောင်အထည်ဖော်ရန် လိုအပ်ပါသည်။ အမှန်တကယ် အကောင်အထည်ဖော် လုပ်ဆောင်ရမည့် အလုပ်များကို ခေါင်းမညိတ်သင့်ဘဲ ညိတ်ခဲ့မည် ဆိုလျှင် မည်သို့မျှ ကောင်းကျိုးမရနိုင်ဟု မြင်ပါသည်။ ဒီ့အတွက် ခေါင်းညိတ် တတ်ဖို့လိုသည်ဟု ပြောချင် ပါသည်။

ပြုပြင်ပြောင်းလဲရေး ဆိုသည့် ခေါင်းစဉ်အောက်တွင် အတွေးအခေါ် အသစ်များဖြင့် ပြင်သင့်သည်၊ မပြင် သင့်သည်၊ ကောင်းသည် မကောင်းသည် စသည်ဖြင့် စကားစစ်ထိုးပွဲ အရှိန်သည်လည်း တဖြည်းဖြည်း ပြင်းထန်လာနေပါသည်။ ထို့အတူ မိမိတို့စိတ်ကူး မိမိတို့နှင့် အိပ်မက်ချင်း တူသူများနှင့် ပူးပေါင်းကာ ဟုတ်တာပေါ့ ဆိုပြီး ခေါင်းညိတ်မှုများ ရှိသကဲ့သို့၊ မဟုတ်ဘူးဟု ခေါင်းခါသူများလည်း ရှိမည်မှာ သေချာ ပါသည်။

ယနေ့အချိန်သည် မိမိတို့နိုင်ငံအပေါ် လူစိတ်ဝင်စားမှု အများဆုံး အချိန်ဟု ပြောနိုင်သကဲ့သို့၊ နယ်ပယ်စုံမှ ပညာရှင်များ လာရောက်ပြီး အမြင်များ ဆွေးနွေးဖလှယ်ခြင်းတို့ကို လုပ်ဆောင်နေကြသကဲ့သို့ နိုင်ငံတွင်း တာဝန်ရှိသူများကလည်း ခေါင်းစဉ်များတပ်ပြီး လုပ်ဆောင်နေချိန်လည်း ဖြစ်ပါသည်။ ထိုကဲ့သို့သော အချိန်မျိုးတွင် မျှော်လင့်ချက်နှင့် အားမာန် ပေါင်းထားသည့်အတွက် စကားလုံးများ၏ လှပခံ့ညားမှုကလည်း လူတို့၏စိတ်ကို အလွယ်တကူ တိမ်းညွတ်စေမည် ထင်ပါသည်။

သို့အတွက်ကြောင့် အပြောသက်သက်ဖြင့် ခေါင်းညိတ်မည် ဆိုလျှင်မူ သေချာမစဉ်းစား မဝေဖန်ရာ ရောက်မည် ထင်ပါသည်။ မိမိတို့ လိုချင်သည့်အရာ၊ မိမိတို့ မျှော်လင့်ချက် စသည်တို့ကို မည်သည့်အရာက ပေးစွမ်းနိုင်သည် ဆိုသည်ကို သေချာ ဝေဖန်ပိုင်းခြားရန် လိုအပ်သည့် အချိန်လည်း ဖြစ်ပါသည်။ သူက လုပ်ပိုင်ခွင့်ရှိလို့ သူပြောတာကို ထောက်ခံ ခေါင်းညိတ်လိုက်မယ် ဆိုသည့် အတွေးမျိုးထက် အမှားအမှန် ကို ဝေဖန်ပိုင်းခြားနိုင်စွမ်းဖြင့် အလွယ်တကူ ခေါင်းမညိတ်ဖို့ အရေးကြီးပါသည်။

မလှုပ်၊ မရှုပ်၊ မပြုတ် ဆိုသည့် စကားကို မိတ်ဆွေများထံမှ မကြာခဏ ကြားဖူးသကဲ့သို့ ပြုပြင်ပြောင်း လဲရေး အကြောင်း ပြောသည့် စကားဝိုင်းတိုင်းတွင် အမြဲပါသည့် စကားလုံး ဖြစ်ပါသည်။ တကယ်တော့ ထိုကဲ့သို့သော လူမျိုးများကြောင့် ပြုပြင်ပြောင်းလဲရေးသည် လိုအပ်သလောက် အရှိန်မရခြင်းဟု သုံးသပ် မိပါသည်။

မိမိတို့ အထက်လူကြီးနှင့် တွေ့သည့်အခါ ခေါင်းညိတ်ရသည့် အကြိမ်အရေအတွက် များပြီး စကားပြော ခွင့် မရှိဖြစ်ကာ ပါးစပ်များပါ ပိတ်သွားရသော အခြေအနေမျိုး ရှိကောင်း ရှိနိုင်ပါသည်။ ထိုအခါ မိမိ၏ လက်အောက်ဝန်ထမ်းများနှင့် တွေ့သည့်အခါ လူကြီးရှေ့တွင် ပိတ်ထားခဲ့ရသမျှ အတိုးချပြီး ပြောပါတော့ သည်။ ဒီအခါ အောက်ခြေကအသံ နားထောင်ရမယ်ဆိုတဲ့ အရာဟာ ပြဋ္ဌာန်းစာအုပ်ထဲက စာတစ်ကြောင်း အဆင့်သာ ဖြစ်သွားနိုင်ပါသည်။

အချို့ကမူ အကောင်းအဆိုး၊ အကြောင်းအကျိုးကို ဝေဖန်နိုင်စွမ်း ရှိပါသည်။ ပြန်လည် ဆွေးနွေးနိုင်သည့် အရည်အချင်းနှင့် အခွင့်အရေး ရှိပါသော်လည်း ဒီအကြောင်းအရာကို ခေါင်းညိတ်လိုက်ခြင်းအားဖြင့် မည်သည့်အရာကို မိမိက တောင်းဆိုနိုင်သည် ဆိုသည့် အတွေးကြောင့် ခေါင်းညိတ်လိုက်သူများလည်း ရှိကောင်း ရှိနိုင်ပါသည်။ ထိုကဲ့သို့ အတ္တဗဟိုပြုသည့် ခေါင်းညိတ်ခြင်းတွေ များလာသည့်အခါ ကောင်းမွန် သည့် လူ့အဖွဲ့အစည်းတစ်ခုကို တည်ဆောက်ရန် ခက်ခဲနိုင်ပါသည်။

နယ်ပယ်အားလုံးတွင် ပြောင်းလဲတိုးတက်ရေး ဆိုသည့် ရည်ရွယ်ချက်ဖြင့် ကြိုးစားနေကြချိန် ဖြစ်ပါသည်။ သို့ဖြစ်သောကြောင့် အချို့က အတွေ့အကြုံများကို မျှဝေကြသည်၊ အကြံဉာဏ်ကောင်းများ ပေးကြသည်၊ အကြောင်းအရာတိုင်းကို လေးလေးနက်နက် စဉ်းစားလာကြသည်။ လွယ်လွယ်ကူကူ ခေါင်းညိတ်ခြင်းကို သိသိသာသာ ရှောင်ဖယ်လာကြသည်။ အမှားအမှန်၊ အကောင်းအဆိုးကို ပြန်လည်ထောက်ပြ ပြောဆိုလာကြသည်။

ထိုကဲ့သို့ လုပ်ဆောင်လာကြချိန်တွင် အချို့အချို့သော သူများမှာ ငယ်ငယ်က အကျင့်အတိုင်း အလွယ် တကူ ခေါင်းညိတ်နေဆဲ ဖြစ်ပါသည်။ သို့အတွက်ကြောင့် အကြောင်းအရာနှင့် အကျိုးတရားပေါ် မူတည်ပြီး ခေါင်းညိတ်တတ်အောင် သင်ယူကြရန် တိုက်တွန်းရမည် ထင်ပါသည်။ မှန်ကန်သော ခေါင်းညိတ်ခြင်း ဖြစ်မှသာလျှင် မိမိတာဝန်ယူ လုပ်ဆောင်ရသော အလုပ်သည် တာဝန်ကျေသော၊ အကျိုးရှိသော အလုပ်ဖြစ်ပြီး နိုင်ငံနှင့် လူမျိုးကို အကျိုးပြုနိုင်မည်ဟု ထင်မြင်ယူဆပါကြောင်း။

The Voice Journal

Posted in: ဗဟုသုတ, သတင်း, နိုင်ငံရေး